KRISTIAN THALAI PAWL HERING CHUNGCHANG

BUKPUI BRANCH 1. Mahni inringtawk tak a awm tur,kan chapo tur erawh a ni lo,hlim hmel put
a,nui anga lan vur vur erawh a mawi lo, tlem a nui hmel anga lan erawh a
mawi a,atawk erawh hriat a tha.
2. Mipa tan ipte zen tut loh tur, Usher form emaw incheina bik kan neilo anih
pawn T-shirt chu hak loh tur a ni.
3. Biak In chhunga duty te chu Inkhawm tan hma, zai laiin zai ve vak vak a
mawi lo.An lo zai tui deuh anih pawn zai ve vak vak te, kut ben leh lo tih ve
vak vak loh a tha, tlem a lo phun rem emaw chu a mawi tawk a awm.
4. Thutna kawhhmuh in, an hnunga khawih niawm taka tih hi a mawi lo.
5. Kum upa lam, chak tawh lo an nih chuan puih thin a tha.
USHERING CHUNGCHANG 6. Biak In chhung/mipui thutna ah atlem thei ang veivah/kal hram ni thei se.
7. Hmelhriat thiante an nih avanga lo nuih vur vur hi a mawi lo.
8. Thutna kawhhmuh a an thu lo a nih chuan tih luih ngam tur, thinrim aw ki
emaw thinrim hmel ni si lovin.
9. Kawng kian paha an thutna hmuna hruai tur. Thutna kawhhmuh tih avanga
phar vak vak loh tur. Kan kawhhmuh ringawt a nih chuan kan hnawk thei.
10. Hmeichhe tan pawh thawhlawm khawn lai leh din laiin hmelhriat te nuih/
melh loh tur, thawhlawm Biak Inchhunga kan khawn a nih chuan kut pahnih
a thawhlawm khawnna ken hram hram te, a remlo a nih pawn an thutna
zawn atanga ban phei te a mawi, hnunglam emaw, hmalam atang daiha ban
tawk tawk hi a nalh lo.
11. Pawn lama thawhlawm kan dawh a nih pawn, hmun dang hawi chung emaw,
H. Zirsangliana ngaihsaklo hmelpu taka hmun dang hawi te hi tih miah loh tur a ni, an
thawhlawm/pawisa thlak en kur loh tur.
12. Nguntaka mi lo lut lo en a, kan ngaihsak a ni tih an hre tur a ni, thutna lo
kawhhmuh thuai thuai tur.
 13. Rorel lai bikah a ni emaw, thurel ang chi ah chuan tirh leh koh mai theiha
awm thin tur. Palaite ngaihsaka, duty post te pawh siam theih ni se.
14. I huam chinah lamtuala lam te thutna awlah midang lo dah a awl thin, fimkhur
tak si a, an thutna te pawh chhinchhiah ruk a tha.
15. Kan inthuamna te kan chet vel naah lo chhe ve thei a nih avangin in en that
ve deuh reng a tha, a lo fuh ta lo deuh a nih pawn zah vanga buai vek lovin
haw kawng ti tiah kan hmang mai dawn nia.
16. Duty lai a eng rim rim emaw nam hi a tih chi loh khawp mai, perfume kan in
kap a nih pawn rim uchuak chu tih loh hram a tha.
17. Tawngtai laia kal rik a mawi lo, tihtur tul a awm a nih pawn tihloh mai tur.
18. Inngaitlawm tak leh chhiahhlawh rilru pu a awm tur, mahse mahni inringtawk
tak siin.
19. Usher ten mipui thutna ang chiah thutna hauh in an dah awl tlat tur a ni lo,
mipui an len dawn loh ai chuan thut ve loh mai tur.
20. Duty-na bik/thutna bik siam a nih erawh chuan hauh tlanga, thut ngei bawk
tur a ni, tul bik thilah erawh chuan felfai taka hruaitute hrilh mai tur.
21. Thutna ka rem fel tawh, in sawn tir leh thin hi pumpelh hram tur, a hma a
ruahman na neih a pawimawh.
22. Midang duty na hmun a va chet ve chhen hi tih loh hram tur a ni.
23. Kan duty tawh a nih chuan vei/tei kual chhen tawh loh tur, hruaitu te pawn
member te thu hrilh kual emaw, an duty dan endik ni awm tak a, duty na bawr
vela lo awm ve chhen a mawi lo, duty te pawh hrilh ngai bik reng nih loh tur.
24. Inkhawm zat te chhiar angai fo thin, chutiang a nih avang chuan a hma atanga
hruai tu ten ruahmanna siam a tha.
25. Usher kan nih avang a zalen/free ta viauah kan inngai thin, inkhawm kan nih
mai bak ah, inkhawm te enkawl tu kan nih inhriat atha.
26. Pawn lama lo titi khawma, lo bengchhen hi tihloh tur , decipline tha tak
nei/ sipai ang hrima awm tur a nih ber chu. Convener te an pawimawh.
27. In chhung kan changloa pawnah kan awm thei awmdan fimkhura, engthawl
tak leh kan inkhawm a ni tih hrelo ni awm taka lo awm hi tih miah loh tur.
28. Usher zawng zawng te kan duty kim vek lo ang, thutna kan in daih vek lo
thei bawk, inhmuhkhawmna /in report na tur hmun siam te hi a tha.
29. Khawmpui a ni emaw, thiltih hona reng rengah usher te hian fak an hlawh
meuh lo, kan che tha emaw, kan che felfai a nih pawn fakna kan dawng ngai
meuh lo, mi pahnih/khat lo duty fel lo an awm erawh chuan ushering mumallo
leh zei lo kan ni vek thung lawi si a. Chutihrualin chet thatna a awma felfai
tak, hnehsawh leh decipline a tha tih hriat a nih erawh chuan Kohhran/pawl
engkimah a mawi thin.
30. Usher te tan chuan tawngna hun a awm meuhlo, kan chetzia leh kan
awm dan hian midang hnenah thu a sawi thui hle tih hriata, thu tlem sawi
leh tawngna hun awm chhunah pawh tawngkam mawi zawk leh midang
pawisawi zawnga tawngkam hman loh tur a ni.
31. Inkhawmnaah a ni emaw, a langsar ber leh mi te hmuh tam ber, inkhawm
fel leh fel loh pawh kan kutah tamtak a awm a ni tih hriat a, taima tak, rilru
zawng zawng seng chung a, mahni inpek tak tak na nen a duty theih hi
duhthusam a ni.
32. Inkhawm banah Biak In chhungah a ni emaw, hmun tha laiah a ni emaw
Usherte inhmuh khawm loh theih ni se, Zaipawl leh committee thenkhat te,
khual khua/veng pawn lam atanga lo kal ten hla enlawk, inhmuh khawm an
duh thei, chutiang mite lo ken thin hi a mawi.
33. Sound Duty mumal taka in siama, a hma atanga training lo neih theih bawk
ni se. Inkhawm dawn apianga inhriattir ngai kher lo a, duty tura ruat te
chuan tha leh felfai taka tih theih nise, hruaitute pawn hrilh nawn fo thei se.
 34. Ei leh in (Refreshment) buatsaih a ni thei, inkhawm service zawh hma leh
mipui ban leh ei hma a lo ei leh hmuam te hi tih loh tur a ni.
35. Biak In chhung leh programme neihna hmun inchhung kan changlo a, pawn
lama kan thu a nih pawhin inkhawm kan ni tih hriata, kuhva leh thildang lo
ei te, lo bengchhen leh titi khawma phone khawihte hi tih miah loh tur a ni.
36. Kan block, kan duty naah an thukhat tawh a ni thei, mahni thutna tura thut
mai te, din reng te a tul kher lo thei, chutihrualin din reng tul chang pawh a
awm, lo kal tlai ten thutna awl a awm emaw tiin an kal tlang ve fo thei
bawk, hruaituten ruahmanna felfai tak siam thei se a tha.
37. Thutna bik nei, hruaitute, speakerte an awm thei, chhinchhiaha, a hma atanga
inhriattira, inhrilhhriat a tha, an thutna luah zat turte lo hriata, chumi hmuna
duty turte chu chiang taka hrilh tur a ni. Hruaituten mawh an phur bik.
38. Chairman/secretary a ni emaw puan tir duh leh inhriattir tur a awm a nih
chuan ziak a felfai taka pek mai a tha, mipui an tam thin tawh avangin kan
zak a kan pe hreh a, midang zaktheilo deuh leh ngampa deuh intirh kan hrat
thin, tihloh tawp tur a ni.
39. Thutna kawhhmuh paha tawngka a hrilh deuh sup kher a ngai lo.
40. Thutna kan kawhhmuh tawh hnuah a ni emaw, rangvut a in her/kal loh tur.
41. Sakramen buatsaih dawn a nih emaw, refreshment lam buaipui leh sem tura
min beisei a nih chuan a hma atanga ruahmanna felfai tak siam a, lo enchhin
(pracrice)theih a nih phei chuan a tha hle ang, hun hmang rei lo thei angbera
ruahman theih ni se a tha.
42. Inkhawm/Programme tan hnuah a ni emaw kan chhuah ngaihna a awm a nih
chuan remchang lai, zai ho lai emaw, din laia chhuah a mawi.
43. Inkhawm ban, chhuah dawnah ruahmanna felfai tak siama Biak in kawngka
tin hman tangkai thiam leh chhuah chhung rei lutuk lo tura ruahmanna siam
theih a tha.
44. Inkhawm bana refreshment buatsaih a nih a, Biak inchhung a mi te leh hmun
danga thu te pawn ei leh in dawh chhung nghah zel a, an dawh zawh a, a
chawpa chhuah ve zel te hian hun a ti rei a, inchhunga thu tan te phei chuan a
rei duh hle, pumpelh theih ni se, refreshment kan buatsaihna hmun pawh
thlan thiam a pawimawh.
45. Inkhawm tan hun a, usher ten kan thutna lam pana kan kal suau thin hi awmze
nei leh felfai zawk a ruahmanna siam atha.
46. Usher member kan ruatin tleirawl/naupang lutuk pawl leh kohhranah pawh
lang tam mang lo leh inhmang mang lo te hi ruat loh a tha, decipline an ti
chhe thei.Tin, kum upa lam leh experience nei tawh pawh ni se kan inthlang
thin hian hruaitute tan rorel a ti har a, a buaithlak thei bawk.
47. Inkhawm service bak programme dang a awm thei, zai khawm a ni emaw, fel
lowship a ni emaw, Hruaitute inhmuhkhawm pawh a ni thei, Usher ten duty
insiam a, ngaihven zui hi theihghilh loh atan a tha.
48. Inkhawmpui a ni emaw, programme pawimawh bikah a ni emaw, a tawp zan
a Biak in pawn leh Step-ah a ni emaw Usher te lo intlar a, lo din tlar hi a
dangdai a, inkhawmpui chhim tute riru a khawihin a hneh ve riau thei.
49. Manhi inpekna leh rilru zawng zawng senga kan duty hi a pawimawh ber a
midangte tanpuitu kan ni tih hriata, tar leh upa zawkte tan rawngbawltu
pawimawh tak kan ni a, ringtute tan phei chuan a inhmeh em em a ni.
50. Tlawmna hi inthuamna pawimawh leh tlo ber, midangte hneh thei tu a
ni.
51. Inkhawm, programme neihin Condenser/ micro phone a tawk sa a lo dah mai
theih a nih chuan a fel mai, dahna hmuna kawihthluk mai remchan hun a
awm thei bawk. Dahna hmuna dahlet tuma a hrui hnuk duah duah kher ngai
lo a , a hnua tihfel theih/ dah theih a nih chuan a fel zawk.
52. Inkhawm/ kal zat hriat hi thil pawimawh tak a nih avang leh inchhiar kan duh
fo thin avangin Block tin chang tuten lo chhiar lawk fo pawh a fuh.
53. Thilpek hlan dawnah thilpek lakhawmtu te koh luh an nihin a hlantu zawna
din a fmawi zawk thei, maicham/ dawhkana dah duh kher emaw keng duh
kher pawh awm theih a ni.
54. Sakramen buatsaih dawnah ruahmanna neihsa a tha, a then chuan upa te
ko khawmin practical an ti thin, inthlahrun thei ve tho a ni bawk. Wine
kengtu um zui tur leh chhang keng um zui turte in ruat lawk a fel duh. An
sem tan tirhah emaw, wine/ chhang a zawh dawnah emaw usher ten lak
ve mai tur a ni.
55. Inkhawm ban hnua programme a awm in, eg : lenkhawm, fellowship,
committee thu, mikhual kawmna etc. an awmin inthlahdah a awl,
ngaihven zui a duty insiam hi a tha hle.
56. Biak In-ah, hall-ah mipui tamtak punkhawm anih chuan a lo rimchhe duh
ve hle, Room fresher/perfume kah nachang hriat te pawh a tha.
57. Lam/ hlimrui, Zaihruaitu, kum upa lam, naupang tanpui ngai, kaih ngai an
awm em? ngaihvena tel fo a tha.
58. Mahni Block ni lo ah kal kual chhen, tan lutuk avanga midang duty puih
tum chhen a mawi lo, hruaitute pawn duty te pui leh ringhlel niawm
fahrana hrilh reng hi a mawi lo, a hma a inhrilh lawk theih a ni.
59. Hruaitu hlui, nihna lo chelh tawh emaw dawhsana thut tir ngai an awm
thei, chutiang mi te chu ngaih ven a, zawh chhuah angaih phei chuan a
hre tur awm zawh ran tur.
60. Chawiawi tur, sun tur an awm thei chutiang lo tawiawm a lo hman puitu
te thutna lo kawhhmuh ngaih changa awm thei bawk.
61. Kan progremme neih tur reng reng hriat chian hi chetsual pumpelhna a ni.
Hruaitu thusawi, programme awm dan tur chiang taka ngaihthlak tur a ni.
A theih phei chuan a ruahman dan, programme kalpui a tum dan zawh
pawh a tha thei bawk.
7
62. Lawmthu sawi hian man a nei lo a, ka lo tisual a ni tih leh ka tih palh a ni tih
hi a man pek a ngai hek lo. Mi te erawh a hneh thei hle thung. Mi in thuamna/
incheina lo tih balh palh emaw, an thil duh ang leh beisei ang a awm lo a ni
thei, chung hunah chuan chiang taka sawi a, ngaihdam dil hi a mawi.
63. Heng kan sawi zawng zawng te hi a dik ber leh a tha ber tihna a ni lo, hei aia
tha leh felfai zawk pawh a tam ang. Chungte chu hman thiam a, kan veng,
kan khaw mil tawka ruahman siam thiam erawh a tha ang. Kan tlinloh leh
phakloh neih phet tuma tih ai chuan. Kan tlin tawk leh phak tawka theihtawp
kan chhuahna hi a tha ber.
64. Usher inhmuh khawm emaw, kal hma tih a nih loh pawhin programme tan
hun hma minute 15-30-a lo awm lawk tur. A tul chuan a taka tihdan tur anga
lo tihchhun (Practice) tur.
65. Thutna awl zat inhrilh thei tur a sign/ signal zir thiam hi a tangkai hle. Hruaitu/
puipa te dawhsana thu tur an awm pawha hriatloh a awm thei, chungah
chuan signal hman thiam a tangkai ang.
66. Ding kun reng emaw, melh ngai melh reng hi a mawi lo, midang nen in be
pawp thei reng a awm tur, stage a thu tan phei chuan chairman/ secretary ten
min mamawh em? tih ngaihven fo a tul.
67. Buaipui ngai, tanpui ngai an awm in, mipa in mipa. Hmeichhia in hmeichhia
tanpui hi a mawi. Upa lam an thutna hmuna hruai chu thuhran.
68. Ushering lama hruaitu ten a hmain inthiarnna, chaw eina, thingpui in na etc.
chiang takin an sawi chiang tur a ni. Chui hmun chu usher ten midang hruai
thei tur a chiang taka an hriat a ngai.
69. Usher chu midang puitu, tanpuitu tur a nih angin, mahni mawina, hmingthatna
leh nalhna ngaihtuah lo in, fel ni tur in chutiang rilru chu a pu tur a ni.
70. Rorel leh meeting ah micro phone pek an ngai a nih chuan a rang thei ang
bera pe thei tura lo in rin a, an bul ah, hnai lutuk l a lo din mai tur a ni.
 71. Rorel leh meeting ah a ni emaw, palai ten inhnialna leh nuihzatthlak tak tak
thu pawh an sawi thei, chungah chuan rorel ka nih ve miau lh avangin lo
nuih ve chiam te, pawn chhuah hnua midang bula hrilh te hi ti loh tur a ni.
72. Programme neih chhung chauhni lo, pawn lam leh programme awm loh
lai pawhin thlengtu/ neitu rilru pu chunga midang tanpui ngai an awm leh
awm loh mitmei reng te hi a tul hle.
73. Usher te hi programme tan tawh hnu chuan pawn lama awm vek chang a
awm thei. Chairman/ secretary thupuan ngaihthlak ngun a ngai hle. A bik
in thawhlawm hlan dawn tum te hian hriatloh palh a awm thei.
74. Thupuan tur a awm a nih chuan (chhuah dan tur, thingpui in dan tur etc.)
programme tan hmaa ziaka secretary te hriattir hi a tha. Tan tawh hnu a
usher vei sek hi mit a kham hma hle.
75. Kan inkhawmna/ programme kan neihna chu kawngkhar tam tak nei a nih
chuan hman thiam a pawimawh hle. Luh leh chhuah dawnah a awlsam
thei ang ber a hman a tha. A bik in chhuah dawnah Jail tang veng ang mai
a kawngkhar thenkhat khar tlat te hian kal hmasa leh rei tak lo thu tawh
an zahawm, chhuah chhung rei lutuk te hi pumpelh theih a tha. Kawngkar
awm zawng zawnga chhuah dan remchang kan zawng zawk tur a ni,
refreshment lam nen a buaithlak a nih pawhin counter siam dan leh
remchang zawk kan zawng tur a ni. Taihmak kan chhuah a tul hle.
76. Presbyterin chuan inkhawmpui kan neih nikhuain chawhnuah sakramen
kilho thin a ni, chung hunah chuan chawhnu bik hi sakramen buatsaih nan
kan dahawl thiam a, inhmuhkhawm nan Biak In hman loh a tha.
77. Upa nemngheh leh thil dangah pawh chanvo la tu te mico-phone pek an
ngai thin, chung hunah chuan a indawt dan, an thuchham dan indawt tur
kan hriat chian a tul hle.