MUHADARA

A'UDHUBILLAHI MINASHAYTANIR RAJEEM, BISMILLAHIR RAHMANIR

RAHEEM. ALHAMDULILLAHI WAKAFA WASALATU WA SALLAMU ALA
IBADIHILADISTAFA, KALA RABBISH RAHLEH SADRI WARYASHIRLI AMRI
WAHLLUL UKHDATAMILISANI YAFKAHU KAWLI WA BAAD. ASSALAMU ALAIKUM
WARAHMATULLAHI WABARAKATUHO.

EDSUKURAN TANO SEKANIN A ALLAHUTAALA ENDO EDSAKSIYAN TANO

SO KAPEGKAGAGA NIN A ALLAHUTAALA ENDO EDSUKURAN TANO SO NABI
TANO MUHAMMAD S.A.W. SA KINARASAY NIN KANO KINAPASAMPAY NIN KANO
KITAB O ALLAHUTAALA A MANA SO QUR'AN. PANGENIN TANO SALKANIN A
ALLAHUTAALA E BALOYN TANONIN A ISA A MAPYA A GAWNUTAN SA KANO
ORGANIZATION TANO ENDO BALOYN TANONIN A ISA A MAPYA A MANGUDA
KANO AGAMA TANO A MAPULO A MANA SO AGAMA TANO A ISLAM. PANGENIN
TANO SALKANIN A ALLAHUTAALA SA IKALIMO TANONIN ENDO REDSIKYAN
TANONIN ENDO PANGENIN TANO SALKANIN A ALLAHUTAALA E AMPONEN NIN
SO MGA KADUSAN TANO ENDO SO MGA KADUSAN NO MGA DUA A LUKES
TANO ENDO UKAN NIN SALKITANO SO BENGAWAN NO SURGA. AMEEN!

UNAN NANTO NA BANGENI AKO SA AMPON SALKANO UPAMANIN NA

ADEN MAMBITYALA KO SALKANO A MANA SO DI NO GID KATUNTAYAN SABAP
SA DIKENA TAGID LAYAM SA KAPEDTALO-TALO SIYA SA SANGULAN. KAGINA
KA MEYTO NA NIYA KO MAMBITYALA SALAKANO SA SAGUNA A MAGABI NA
MAKAPANTAG BON SIYA BA SA KANO OMPONGAN TANO ENDO SO PIDTALO A
SHABAB MANA SO YOUTH. PIDTALO NO ALLAHOTAALA SA QUR'AN,
BISMILLAHIR RAHMANIR RAHEEM, "WALTAKOM MINGKOM UMMATOY
YADE'ONA ILALKHAYRI WA YAH MORONABILMA'ROFI WAYANHAWNA ANNIL
MUNGKHAR WA ULA IKAHUMOL MUFLIHON". TEG O ALLAHUTAALA,
PANGADEN KANO SA GRUPO A SUMUGO SA MAPYA ENDO SUMAPAL SA
MALAT. ENDO SILAN BANTO E MIGKAPYA ATAWKA BARABAHAGYAN.

NIYA BA OMPONGAN TANO BANYA NA LIMO NO ALLAHUTAALA INYA BA

SALKITANO KA ISA INYA A TUTULO KANO SAKITANO A MGA MANGUDA ENDO
NIYA BA OMPONGAN TANO BANYA NA ISA A MAKASUGO SA MAPYA ENDO
MAKASAPAL SA MALAT NA NIYA BA I ISA SA MGA MISSION TANO PANON E
KAADEN NA AUTHORITY TANO SA MAKASUGO TANO SO MAPYA ENDO
MAKASAPAL TANO SO MALAT SIYA SAKANO MGA SULED TANO A MGA MAYABA
SALKITANO A MANGUDA SA YA NILAN AGAMA NA AGAMA ISLAM ENDO LABI-
LABI DEN SO MGA GINAWA TANO SA PANON E KANGGULALAN TANO SA KANO
INISUGO ANTO ENDO KADSANGGILA TANO SA KANO INISIPAL ANTO. (ADD
LEAVE)
 NA NIYABA OMPONGAN TANO BANYA NA DALA PED A SIMALIG
SALKITANO SIYABA YA DITABYA NA SO ALLAHUTAALA. NA EBPYAMPYANAN
TANO ENDO DI MAPAKAY A DI TANO ITAGO SA GINAWA KA YA PIDTALO NO
ALLAHUTAALA "WAINTATALAW YASTAB'DIL KAWMANG GAYRAKOM
THUMALAYA KUNO AMTHALAKOM" TEG O ALLAHUTAALA, AMAYKA
TALIGKUDAN NO SO PARITYAYA NO, SO GILIK NO SA KANO AGAMA ISLAM NA
SAMBYAN NAMI SEKANO SA PED A TAO A DEKENA DEN MAN SALAKNO A TAO.
NIYA NIN MANA AMAYKA BANGSAMORO NA DEKENA DEN BANGSAMORO.
NANTUBA AMAYKA SO ALLAHUTAALA NA ADEN INISALIGIN SALKITANO NA
EBPYANPYANAN TANO KA SAMBYAN TANO NIN AMAYKA DI TANO
PYANPYANAN. NIYA NIN UPAMAN INAN NA SIYA SA GELBEK UPAMA BO NA
NAKANGGELBEK KA SIYA SA MALL, NIYA NENGKA GELBEK NA JANITOR UPAMA
BO. NA SINUGO KA NA BOSS NENGKA SA LIMPYOAN NENGKA E OPISINA NIN
NA DA NENGKA LIMPYOWI NA SAMBYAN KANIN, MANGILAY SEKANIN SA PED A
TAO A MATEGEL E KANGGELBEK NA MAMBOMBA SO ALLAHUTAALA. NA SIYA
KOBO AYATEN E BITYALA KO PANGININ TA KANO ALLAHUTAALA E APYA
PEYDO BO SO BITYALA NA ADEN NAKWA TANO A GUNALON LON. WA AKHIRU
DA'WANA ANILHAMDULILLAHI RABBIL ALAMIN.