LCA - 02/00/01 აკრედიტივის ხელშეკრულების დანართი N1

აკრედიტივის ხელშეკრულების
სპეციფიკური პირობები (დანართი N1)

1/8

1. დეფინიციები
თუ ხელშეკრულებით სხვა რამ არ არის განსაზღვრული, ან მისი კონტექსტიდან
სხვა რამ არ გამომდინარეობს ხელშეკრულებაში შემდეგ ტერმინებსა და გამოთქმებს
ექნებათ შემდეგი მნიშვნელობები:
1.1. ავიზირებადი ბანკი – ხელშეკრულებაში მითითებული ბენეფიციარის მომსახურე
ან/და ბენეფიციარის ქვეყანაში მდებარე საბანკო დაწესებულება, რომელიც
ბანკისაგან აკრედიტივის დავალების მიღების შემთხვევაში ახორციელებს მისი
ავთენტურობის დადგენას და უზრუნველყოფს აკრედიტივის გახსნის შესახებ
ინფორმაციის ბენეფიციარისათვის მიწოდებას (Advising Bank).
1.2. აკრედიტივი – ხელშეკრულებით დადგენილი წესისა და პირობების შესაბამისად
განსაზღვრული ბანკის ვალდებულება, რათა ამ უკანასკნელმა რემიტენტის მიერ
აკრედიტივის დოკუმენტის წარდგენის და პირობების შესრულების სანაცვლოდ
განახორციელოს აკრედიტივის გადახდა ან/და დაავალოს სხვა საბანკო
დაწესებულებას აკრედიტივის გადახდის ან/და ნეგოციაციის განხორციელება, რის
სანაცვლოდაც კლიენტი იღებს ვალდებულებას: (ა) გადაუხადოს ბანკს
ხელშეკრულებით გათვალიწინებული საზღაური და სხვა გადასახდელები; (ბ)
რეგრესის წესით აუნაზღაუროს ბანკს აკრედიტივის თანხა, რომელიც
აუნაზღაურდა რემიტენტს აკრედიტივის საფუძველზე.
1.3. აკრედიტივის გადახდა – ხელშეკრულებით დადგენილი წესისა და პირობების
შესაბამისად ბანკის მიერ: (ა) რემიტენტისათვის აკრედიტივის თანხის პირდაპირ
გადახდა; (ბ) რემიტენტისათვის აკრედიტივის თანხის გადავადებული გადახდა ან
(გ) გადმოპირებული თამასუქის აქცეპტირება.
1.4. აკრედიტივის დავალება – რემიტენტისათვის გაგზავნილი შეტყობინება, რომელშიც
აღწერილია კლიენტისაგან მიღებული მითითებები რისი შესრულების
სანაცვლოდაც კლიენტს წარმოეშობა გადახდის ვალდებულება.
1.5. აკრედიტივის დოკუმენტი – კლიენტის მიერ განსაზღვრული დოკუმენტი,
რომელთა მიღება/გადაცემა მხარეთა შორის მოხდება აკრედიტივის
ხელშეკრულების დანართი N3–ის (შემდგომში – მიღება–ჩაბარების აქტი)
შესაბამისად.
1.6. აკრედიტივის თანხა – ხელშეკრულებით განსაზღვრული თანხა, რომელსაც ბანკი
რემიტენტს გადაუხდის ხელშეკრულების საფუძველზე და მისი პირობების
შესაბამისად.
1.7. აკრედიტივის მომსახურე ანგარიში – ბანკში არსებული მიზნობრივი ანგარიში,
რომელიც ბანკის მიერ გამოიყენება კლიენტის აკრედიტივთან დაკავშირებული
საბანკო ოპერაციების წარმოებისთვის (ასეთის არსებობის შემთხვევაში).
1.8. აკრედიტივის ხელშეკრულება – აკრედიტივის ხელშეკრულების დანართი N1-ის
3.1.1.1. ქვეპუნქტით განსაზღვრული ხელშეკრულება, რომლის დანართსაც
წარმოადგენს წინამდებარე სტანდარტული პირობები.
1.9. ამნაზღაურებელი ბანკი – საბანკო დაწესებულება, რომელიც დასახელებული ბანკის
მოთხოვნის და ემიტენტი ბანკის ნებართვის საფუძველზე (ასეთის აუცილებლობის
შემთხვევაში) აუნაზღაურებს დასახელებულ ბანკს აკრედიტივის თანხას
(Reimbursing Bank).
1.10. ანგარიში – ბანკში არსებული კლიენტის საბანკო ანგარიში.
1.11. ბენეფიციარი – პირი, რომლის სასარგებლოდაც გაიცემა აკრედიტივი.
1.12. განაცხადი - ბანკის მიერ დადგენილი ფორმით, კლიენტის მიმართვა ბანკისადმი,
რომ ამ უკანასკნელმა განაცხადშივე განსაზღვრული პირობების შესაბამისად
დაამტკიცოს აკრედიტივი და გასცეს აკრედიტივის დავალება. განაცხადი
წარმოადგენს ხელშეკრულების შემადგენელ (განუყოფელ) ნაწილს და განიხილება
მასთან ერთად. ამასთან, განაცხადით განსაზღვრულ პირობებსა და
ხელშეკრულებით განსაზღვრული პირობებს შორის წინააღმდეგობისას
უპირატესობა ენიჭება ხელშეკრულებით განსაზღვრულ პირობებს.
1.13. გრაფიკი – ხელშეკრულების საფუძველზე გადახდილი აკრედიტივის თანხის და
მასზე დარიცხული საპროცენტო სარგებლის და სხვა გადასახდელების
დაბრუნების/გადახდის გრაფიკი, რომელიც წარმოადგენს ხელშეკრულების
საინფორმაციო ხასიათის მქონე დანართს. ამასთან, გრაფიკსა და ხელშეკრულების
დებულებებს შორის შეუსაბამობის შემთხვევაში ხელშეკრულების დებულებებს
მიენიჭება უპირატესობა.
1.14. დამადასტურებელი ბანკი - აკრედიტივის ხელშეკრულებაში მითითებული საბანკო
დაწესებულება, რომელიც ბანკის ნებართვის ან/და მოთხოვნის საფუძველზე იღებს
დამოუკიდებელ გამოუხმობად ვალდებულებას მოახდინოს აკრედიტივის გადახდა
ან/და განახორციელოს ნეგოციაცია (Confirming Bank).
1.15. დამატებითი პირობები – აკრედიტივის ხელშეკრულების დანართი N2-ით (ასეთის
არსებობის შემთხვევაში) განსაზღვრული პირობები, მასში შეტანილი დამატებებისა
და ცვლილებების ჩათვლით.
1.16. დანართი – თუკი ცალსახად სხვაგვარად არ იქნა გათვალისწინებული
ხელშეკრულებით, ხელშეკრულების დანართი (კონტექსტის შესაბამისად),
რომელიც წარმოადგენს ხელშეკრულების განუყოფელ ნაწილს და მოქმედებს
მასთან ერთად.
1.17. დასახელებული ბანკი – აკრედიტივის ხელშეკრულებაში მითითებული საბანკო
დაწესებულება, რომელშიც აკრედიტივი ხელმისაწვდომია (Nominated Bank).
1.18. კანონმდებლობა – საქართველოს მოქმედი საკანონმდებლო და კანონქვემდებარე
ნორმატიული აქტები და საქართველოს ნორმატიულ აქტთა სისტემაში მოქცეული
საერთაშორისო ხელშეკრულებები და შეთანხმებები.
1.19. კლიენტი – პირი, რომლის სახელი/სახელწოდება, საიდენტიფიკაციო მონაცემები
და სხვა სახის ინფორმაცია მოცემულია აკრედიტივის ხელშეკრულების 1.2.
პუნქტში.
1.20. მასთან დაკავშირებული სხვა ხელშეკრულება/ხელშეკრულებასთან
დაკავშირებული სხვა ხელშეკრულება – ხელშეკრულების საფუძველზე და მის
შესაბამისად (ა) ბანკსა და კლიენტს, ან ბანკსა და მესამე მხარეს შორის დადებული
დაზღვევის ხელშეკრულება, უზრუნველყოფის ხელშეკრულება, თავდებობის
ხელშეკრულება ან/და დოკუმენტები, რომელთა დადება ან/და გაცემა
გათვალისწინებულია ხელშეკრულებით ან/და ხდება მის საფუძველზე; ან/და (ბ)
ბანკსა და კლიენტს, ან ბანკსა და მესამე მხარეს შორის დადებული სხვა სახის
ხელშეკრულებები, რომლებიც დადებულია კლიენტის მიერ ხელშეკრულებით
განსაზღვრული აკრედიტივით სარგებლობისათვის, ან მათ უზრუნველსაყოფად.
1.21. მესამე პირი – ნებისმიერი პირი გარდა კლიენტისა ან/და ბანკისა.
1.22. მხარე/მხარეები – კლიენტი ან/და ბანკი, კონტექსტის შესაბამისად.
1.23. ნეგოციაცია – დასახელებული ბანკის მიერ თამასუქის შესყიდვა (რომელიც
გამოწერილია ნებისმიერ საბანკო დაწესებულებაზე, დასახელებული ბანკის გარდა)
ან/და აკრედიტივით განსაზღვრული პირობების დაცვით წარდგენილი
აკრედიტივის დოკუმენტის შესყიდვა ფულადი სახსრების ავანსირების ან
ბენეფიციართან ავანსირებაზე შეთანხმების საშუალებით, იმ საბანკო დღეს ან წინა
დღეს, როდესაც უნდა განხორციელდეს ანაზღაურება დასახელებული ბანკისათვის.
1.24. ოვერდრაფტი – ხელშეკრულების ან/და შესაბამისი ოვერდრაფტის
ხელშეკრულების საფუძველზე და პირობების შესაბამისად, ბანკის მიერ კლიენტის
LCA - 02/00/01 აკრედიტივის ხელშეკრულების დანართი N1
ანგარიშზე მოკლე ვადით დაწესებული სადებეტო ნაშთი, რომელიც კლიენტს
საშუალებას აძლევს მის ანგარიშზე დაწესებული სადებეტო ნაშთის ფარგლებში
გამოიყენოს ანგარიშზე რიცხულ თანხაზე მეტი თანხა, ხოლო წარმოქმნილი
დავალიანება პირველ რიგში ავტომატურად დაიფარება ანგარიშზე შემოსული
თანხით.
1.25. პირგასამტეხლო (ჯარიმა) – კლიენტის მიერ ხელშეკრულებით ნაკისრი ფინანსური
ან/და სხვა ვალდებულებების შეუსრულებლობისათვის ან არაჯეროვნად
შესრულებისათვის გადასახდელი თანხა, რომლის ოდენობა და გადახდის
პირობები განისაზღვრება ხელშეკრულების დებულებების შესაბამისად.
1.26. პირი – ფიზიკური პირი, იურიდიული პირი ან/და საქართველოს ან სხვა ქვეყნის
კანონმდებლობით გათვალისწინებული სხვა ორგანიზაციული წარმონაქმნი,
რომელიც არ წარმოადგენს იურიდიულ პირს.
1.27. რემიტენტი – ბენეფიციარი, ავიზირებადი ბანკი, დამადასტურებელი ბანკი ან/და
დასახელებული ბანკი;
1.28. საბანკო დღე – დღე (შაბათის, კვირის ან კანონმდებლობით განსაზღვრული
ოფიციალური დასვენების დღეების გარდა), როდესაც საქართველოში მოქმედი
კომერციული ბანკები ღიაა და წარმართავენ თავიანთ ჩვეულებრივ საქმიანობას.
1.29. საკომისიო – ხელშეკრულების ფარგლებში და მათ შესაბამისად, ბანკის მიერ
აკრედიტივით სარგებლობისათვის კლიენტისათვის დაწესებული გადასახდელები,
რომელთა ოდენობა და გადახდის პირობები განისაზღვრება ხელშეკრულების
დებულებების შესაბამისად.
1.30. საპროცენტო სარგებელი – ხელშეკრულების საფუძველზე და მისი პირობების
შესაბამისად აკრედიტივით სარგებლობისათვის დაწესებული ბანკისათვის
გადასახდელი სარგებელი, რომელიც, როგორც წესი, დაიანგარიშება შესაბამისი
ათვისებული აკრედიტივის თანხის ფიქსირებული ან ცვალებადი პროცენტული
მაჩვენებლით და რომლის ოდენობა და გადახდის წესი განისაზღვრება
ხელშეკრულებით.
1.31. სპეციფიკური პირობები – აკრედიტივის ხელშეკრულების დანართ N1-ით
განსაზღვრული პირობები, მასში შეტანილი დამატებებისა და ცვლილებების
(ასეთის არსებობის შემთხვევაში) ჩათვლით.
1.32. ტოლერანსი - აკრედიტივის თანხის სავარაუდო ნამეტი/შემცირება, რომლის
ფარგლებშიც შესაძლოა გაიზარდოს/შემცირდეს შესაბამისად აკრედიტივის თანხა
წარმოდგენილი დოკუმენტაციის საფუძველზე.
1.33. ფორს-მაჟორი – სტიქიური კატასტროფა, ხანძარი, საომარი მოქმედება,
ადმინისტრაციულ-სამართლებრივი აქტი ან/და ბანკისათვის გადაულახავი და მისი
კონტროლისაგან დამოუკიდებელი სხვა გარემოებები, რომლებიც: (ა) არ არის
დაკავშირებული ბანკის შეცდომებსა და დაუდევრობასთან, (ბ) დაიწყო ან
განვითარდა აკრედიტივის ხელშეკრულების ძალაში შესვლის შემდეგ და (გ)
პირდაპირ და უშუალო ზეგავლენას ახდენს ხელშეკრულებით ნაკისრი
ვალდებულებების სრულად ან/და ჯეროვნად შესრულებაზე.
1.34. შვილობილი კომპანია – პირთან მიმართებაში, ნებისმიერი სხვა კომპანია, რომლის
წილის, აქციების ან/და ხმების არანაკლებ 50 (ორმოცდაათი) %-ს პირდაპირ ან
არაპირდაპირ ფლობს ან რომელსაც სხვაგვარად მართავს აღნიშნული პირი.
1.35. ხელშეკრულება – (ა) აკრედიტივის ხელშეკრულება; (ბ) აკრედიტივის
ხელშეკრულების დანართი N1 (სპეციფიკური პირობები); (გ) აკრედიტივის
ხელშეკრულების დანართი N2 (დამატებითი პირობები), (ასეთის არსებობის
შემთხვევაში), (დ) ნებისმიერი დამატებითი დანართი/განაცხადი (ასეთის
არსებობის შემთხვევაში), რომელიც დაიდება/წარმოდგენილი იქნება მომავალში
კლიენტის მიერ ხელშეკრულებასთან მიმართებაში, მათში პერიოდულად
შეტანილი ცვლილებების და დამატებების ჩათვლით და (ე) მასთან
დაკავშირებული სხვა ხელშეკრულება/ხელშეკრულებასთან დაკავშირებული სხვა
ხელშეკრულება.
1.36. ICC–ს უნიფიცირებული წესები – საერთაშორისო სავაჭრო პალატის მიერ
დადგენილი უნიფიცირებული წესები: UCP 600, 2007 წლის რედაქცია ან
ხელშეკრულებით/აკრედიტივის დავალებით განსაზღვრული სხვა რედაქცია, მათში
შეტანილი ცვლილებებისა და დამატებების ჩათვლით.
1.37. SWIFT - საერთაშორისო ბანკთაშორისი საკომუნიკაციო სისტემა (ქსელი), რომლის
საშუალებითაც კომერციული ბანკები უზრუნველყოფენ ინფორმაციის გაცვლას
განხორციელებული/განსახორციელებელი ფინანსური ოპერაციების თაობაზე.
2. მხარეთა უფლებამოსილება და განცხადება
2.1. ხელშეკრულების დადებისა და შესრულებისათვის საჭირო უფლებამოსილების
მიზნით მხარეთა მიერ მოპოვებულია ყველა აუცილებელი თანხმობა, ნებართვა თუ
მინდობილობა.
2.2. კლიენტის განცხადებით მისი ქმედება არ არის/იქნება მიმართული ბანკის
მოტყუებისაკენ. აღნიშნული პრინციპის გათვალისწინებით ხელშეკრულების
დასადებად ან მის საფუძველზე და შესასრულებლად, მის მიერ ბანკისათვის
წარდგენილი დოკუმენტი ან/და ინფორმაცია მისი წარმოდგენის მომენტისათვის
ასევე არის/იქნება უტყუარი, ზუსტი და სრული. ამასთანავე, მისთვის ცნობილია,
რომ ყალბი დოკუმენტების ან/და ინფორმაციის მიწოდება კანონმდებლობის
შესაბამისად წარმოადგენს დასჯად ქმედებას.
3. ხელშეკრულებით გათვალისწინებული აკრედიტივით სარგებლობის პირობები,
პროცედურები და წესი
3.1. აკრედიტივი
3.1.1. აკრედიტივის დავალების გაცემის წესი
3.1.1.1. განაცხადის წარდგენის და ბანკის უფლებამოსილი ორგანოს მიერ აკრედიტივის
დამტკიცების საკითხის დადებითად გადაწყვეტის საფუძველზე, ბანკმა და
კლიენტმა გააფორმეს აკრედიტივის ხელშეკრულება, რომლითაც განისაზღვრება
აკრედიტივით სარგებლობის კონკრეტული პირობები.
3.1.1.2. აკრედიტივით სარგებლობა მოხდება ხელშეკრულებით გათვალისწინებულ ვადაში,
იმ პირობით, რომ დაკმაყოფილებული იქნება ხელშეკრულებით
გათვალისწინებული ყველა პირობა ბანკისათვის მისაღები ფორმით.
3.1.1.3. ბანკი უფლებამოსილია განუცხადოს უარი კლიენტს აკრედიტივით სარგებლობაზე
ან/და აკრედიტივის დავალების გაცემაზე თუ ხელშეკრულებით
გათვალისწინებულ ვადებში და პირობებით კლიენტის მიერ არ იქნა მოთხოვნილი
აკრედიტივის დავალების გაცემა ან თუ კლიენტის მიერ მოხდა ხელშეკრულების
ან/და ბანკთან გაფორმებული სხვა ნებისმიერი ხელშეკრულების, რომელიც
დაკავშირებულია ფინანსურ ვალდებულებებთან, პირობების დარღვევა.
3.1.2. საპროცენტო სარგებელი, საკომისიო და მათი დაანგარიშებისა და დარიცხვის წესი
3.1.2.1. საპროცენტო სარგებლის და საკომისიოს ოდენობა/ფორმა განისაზღვრება
აკრედიტივის ხელშეკრულებით.
3.1.2.2. საპროცენტო სარგებელი იანგარიშება ხელშეკრულებით განსაზღვრული
აკრედიტივის თანხის გადახდის თარიღის შემდგომი ფაქტობრივი დღეების
შესაბამისად, წელიწადში 365 (სამას სამოცდახუთი) დღეზე გაანგარიშებით.
2/8

3.1.2.3. საკომისიოს ოდენობა იანგარიშება ხელშეკრულებით გათვალისწინებული
ფორმითა და პერიოდულობით. მათ შორის, თუ გათვალისწინებულია წლიური
საკომისიო, მაშინ მისი დაანგარიშება მოხდება საპროცენტო სარგებლის
დაანგარიშებისათვის გათვალისწინებული წესით, ხოლო სხვა შემთხვევაში,
ხელშეკრულებით გათვალისწინებული სხვა წესით.
3.1.2.4. საპროცენტო სარგებლის (როგორც მიუღებელი სარგებლის) დარიცხვა გრძელდება
და გადახდას ექვემდებარება გადახდილი აკრედიტივის თანხის დაფარვის
ვადაგადაცილების შემთხვევაშიც, მიუხედავად ხელშეკრულების მოქმედებისა ან
სრულად ან ნაწილობრივ შეწყვეტისა, გადახდილი აკრედიტივის თანხის
იძულებითი ან კლიენტის მიერ ნებაყოფლობითი დაფარვის მომენტამდე.
3.1.3. პირგასამტეხლო (ჯარიმა) აკრედიტივით სარგებლობის პირობების
დარღვევისათვის და მისი დარიცხვის წესი
3.1.3.1. პირგასამტეხლოს ოდენობა აკრედიტივით სარგებლობის პირობების
დარღვევისათვის განისაზღვრება ხელშეკრულებით.
3.1.3.2. პირგასამტეხლოს დარიცხვა გრძელდება და გადახდას ექვემდებარება მიუხედავად
ხელშეკრულების მოქმედებისა ან შეწყვეტისა, ხელშეკრულებით
გათვალისწინებული დავალიანების იძულებითი ან კლიენტის მიერ
ნებაყოფლობითი დაფარვის მომენტამდე.
3.1.3.3. პირგასამტეხლოს გადახდა არ ათავისუფლებს კლიენტს ხელშეკრულებით ნაკისრი
ვალდებულებების (გადასახდელების) შესრულებისაგან/გადახდისაგან.
3.1.4. აკრედიტივის თანხის, საპროცენტო სარგებლის , საკომისიოს, პირგასამტეხლოს
(ჯარიმის) და სხვა გადასახდელების გადახდის წესი
3.1.4.1. კლიენტი ცალსახად და გამოუთხოვადად აცხადებს თანხმობას აკრედიტივის
თანხის, საპროცენტო სარგებლის, საკომისიოს, პირგასამტეხლოს და სხვა
გადასახდელების გადახდის შემდეგ თანმიმდევრობაზე: პირველ რიგში იფარება
პირგასამტეხლო (ასეთის არსებობის შემთხვევაში), შემდეგ საკომისიო (ასეთის
არსებობის შემთხვევაში), შემდეგ დარიცხული საპროცენტო სარგებელი, შემდეგ
გადახდილი აკრედიტივის თანხა და ბოლოს სხვა გადასახდელები.
3.1.4.2. აკრედიტივის თანხის, საპროცენტო სარგებლის, საკომისიოს ან/და
პირგასამტეხლოს დაანგარიშება და გადახდა უნდა მოხდეს ხელშეკრულებით
დადგენილი წესით და მის შესაბამისად. ბანკის მიერ კლიენტზე შესაძლოა გაიცეს
გრაფიკი, რომელიც წარმოადგენს საინფორმაციო ხასიათის დოკუმენტს, რომლის
შესაბამისადაც კლიენტი მოახდენს გადახდილი აკრედიტივის თანხის
ანაზღაურებას, საპროცენტო სარგებლის ან/და საკომისიოს გადახდას. კლიენტის
მიერ ბანკის მიმართ წარდგენილი წერილობითი განცხადების საფუძველზე
მხარეთა შეთანხმებით გადახდილი აკრედიტივის თანხა, საპროცენტო სარგებელი
ან/და საკომისიო შეიძლება წინსწრებით დაიფაროს გრაფიკით გათვალისწინებულ
ვადებზე ადრეც.
3.1.4.3. აკრედიტივის თანხის, საპროცენტო სარგებლის, საკომისიოს და პირგასამტეხლოს
გადახდა უნდა განხორციელდეს იმავე ვალუტაში რა ვალუტაშიც დამტკიცებულია
აკრედიტივი, ხოლო აღნიშნული მიზნით თანხის კონვერტაციის აუცილებლობის
შემთხვევაში კონვერტაცია უნდა განხორციელდეს კლიენტის ხარჯზე
კონვერტაციის თარიღისათვის ბანკში დაწესებული კომერციული კურსით ან
კლიენტთან შეთანხმებული კურსით (ასეთის არსებობის შემთხვევაში).
3.1.4.4. კლიენტის მიერ გადახდილი ნებისმიერი თანხა ჩაითვლება ჯეროვნად
შესრულებულ ვალდებულებად, თუ ისინი გადახდილია ხელშეკრულებით
დადგენილ თარიღში, ხოლო თუ ეს თარიღი ემთხვევა დასვენების დღეს, მაშინ
გადახდა უნდა განხორციელდეს არაუგვიანეს მომდევნო საბანკო დღისა. ამასთან,
თუ ამგვარი მომდევნო საბანკო დღე არის (ემთხვევა) საანგარიშო თვის მომდევნო
თვეში, მაშინ გადახდა უნდა განხორციელდეს არაუგვიანეს აკრედიტივის
ხელშეკრულებით გათვალისწინებული გადახდის თარიღის წინა საბანკო დღეს. ამ
უკანასკნელ შემთხვევაში, კლიენტი არ იხდის პირგასამტეხლოს გადასახდელის
ვადამდე გადახდისათვის.
3.1.4.5. ხელშეკრულებით განსაზღვრული პირობების შესაბამისად, კლიენტის მიერ ბანკის
წინაშე ნაკისრი ვალდებულებების შესრულება კლიენტის მიერ შესაძლოა
უზრუნველყოფილ იქნეს ბანკისათვის ფულადი სახსრების გადაცემით ან/და
საკუთარი ფულადი სახსრების განკარგვის უფლების ბანკის სასარგებლოდ
შეზღუდვით (ფულადი სახსრების ბლოკირება). აღნიშნულ შემთხვევაში, ბანკს, სხვა
კრედიტორებთან შედარებით, წარმოეშობა უპირატესი უფლება, კლიენტის მიმართ
წარმოშობილი მოთხოვნა აკრედიტივის თანხის, საპროცენტო სარგებლის,
საკომისიოს, პირგასამტეხლოს და სხვა გადასახდელების ანაზღაურებაზე, პირველ
რიგში, სრულად და ჯეროვნად დაიკმაყოფილოს ზემოხსენებული ფულადი
სახსრებიდან.
3.1.5. აკრედიტივის თანხის გადახდა რემიტენტისათვის
3.1.5.1. რემიტენტის მიერ ბანკისათვის აკრედიტივის თანხის გადახდის მოთხოვნა
წარდგენილ უნდა იქნას აკრედიტივში მითითებულ ადგილას აკრედიტივით
გათვალისწინებული ფორმის და პირობების დაცვით, მათ შორის შესაძლებელია
SWIFT-ის საშუალებით. ამასთან, რემიტენტის მოთხოვნას თან უნდა ერთვოდეს
აკრედიტივის დოკუმენტი და მასთან დაკავშირებული ყველა საჭირო დოკუმენტი
(ასეთის არსებობის შემთხვევაში). აკრედიტივის დოკუმენტი და მასთან
დაკავშირებული ყველა საჭირო დოკუმენტი (ასეთის არსებობის შემთხვევაში)
შესაძლებელია ბანკს გადაეცეს აკრედიტივის თანხის გადახდის შემდგომ.
3.1.5.2. ბანკი უფლებამოსილია აკრედიტივის თანხის გადახდის მოთხოვნა
რემიტენტისაგან მიიღოს არაუგვიანეს აკრედიტივის მოქმედების ვადის ბოლო
დღისა. ამასთან, თუ აკრედიტივის მოქმედების ვადის ბოლო დღე ემთხვევა
დასვენების დღეს, ბანკი უფლებამოსილია რემიტენტის მოთხოვნა მიიღოს
აღნიშნული დღის მომდევნო საბანკო დღის ჩათვლით.
3.1.5.3. ბანკის მიერ აკრედიტივის თანხის გადახდის მოთხოვნის, აკრედიტივის
დოკუმენტის და მასთან დაკავშირებული ყველა საჭირო დოკუმენტის განხილვის
ვადა შეადგენს შესაბამისი მოთხოვნის/დოკუმენტის ბანკის მიერ მიღებიდან 5
(ხუთი) საბანკო დღეს.
3.1.5.4. ბანკი უფლებამოსილია უარი უთხრას რემიტენტს მოთხოვნის დაკმაყოფილებაზე,
თუ ეს მოთხოვნა ან აკრედიტივის დოკუმენტი ან/და მასთან დაკავშირებული
ყველა საჭირო დოკუმენტი (ასეთის არსებობის შემთხვევაში) არ შეესაბამება
აკრედიტივის პირობებს ან/და ისინი წარედგინა ბანკს აკრედიტივით
განსაზღვრული ფორმის ან/და პირობების დარღვევით, ამასთან, ბანკი პასუხს არ
აგებს რემიტენტის მიერ წარმოდგენილი დოკუმენტების ნამდვილობაზე
(აუთენტურობაზე). ბანკმა დაუყოვნებლივ, გონივრულ ვადაში, უნდა აცნობოს
რემიტენტს მოთხოვნასთან დაკავშირებული ხარვეზის შესახებ, თუ რემიტენტი ვერ
უზრუნველყოფს აღნიშნული ხარვეზის გამოსწორებას ბანკი უფლებამოსილია
შესაბამისი დოკუმენტაცია დაუბრუნოს რემიტენტს.
3.1.5.5. ბანკის მიერ რემიტენტის მოთხოვნის დაკმაყოფილებაზე და აკრედიტივის
გადახდაზე უარის თქმის შემთხვევაში ბანკი უფლებამოსილია მოითხოვოს
კლიენტისაგან მის მიერ გაწეული ნებისმიერი ხარჯის ანაზღაურება მასზე
დარიცხულ საპროცენტო სარგებელთან ერთად.
LCA - 02/00/01 აკრედიტივის ხელშეკრულების დანართი N1
3.1.5.6. ხელშეკრულებით გათვალისწინებული ბანკის ვალდებულება რემიტენტის მიმართ
შემოიფარგლება იმ აკრედიტივის თანხის გადახდით, რომელზედაც გაიცა
აკრედიტივი.
3.1.5.7. თუ ბანკის მიერ რემიტენტის მოთხოვნის საფუძველზე მოხდება რემიტენტისათვის
აკრედიტივის თანხის გადახდა (სრულად ან ნაწილობრივ), კლიენტს წარმოეშობა
რეგრესული ანაზღაურების ვალდებულება ბანკის მიმართ, ბანკის მიერ
გადახდილი აკრედიტივის თანხის პროპორციულად. ამასთან, კლიენტის მიერ
ბანკისათვის გადასახდელ თანხას ხელშეკრულების საფუძველზე და მისი
პირობების შესაბამისად დაერიცხება საპროცენტო სარგებელი ხელშეკრულებით)
დადგენილი ოდენობით.
3.1.5.8. ბანკი უფლებამოსილია კლიენტს გადასცეს აკრედიტივის დოკუმენტი და მასთან
დაკავშირებული ყველა საჭირო დოკუმენტი კლიენტის მიერ ხელშეკრულებით
განსაზღვრული ყველა ვალდებულებების სრულად და ჯეროვნად შესრულების
შემთხვევაში.
3.1.5.9. აკრედიტივის თანხა გადახდილ უნდა იქნას იმ ვალუტაში რა ვალუტაც
მითითებულია აკრედიტივში, გარდა იმ შემთხვევისა, როდესაც ფორს–მაჟორული
გარემოებებიდან გამომდინარე ბანკს არ შეუძლია მითითებულ ვალუტაში გადახდა
ან/და როდესაც გადახდა მითითებულ ვალუტაში ეწინააღმდეგება
კანონმდებლობას.
3.1.5.10. ბანკი უფლებამოსილია მოითხოვოს კლიენტისაგან რეგრესული ანაზღაურება (ა) იმ
ვალუტაში რა ვალუტაშიც რემიტენტისთვის გადახდილი იქნა აკრედიტივის თანხა
ან (ბ) იმ ვალუტაში რომელი ვალუტაც მითითებულია აკრედიტივში.
3.2. აკრედიტივით სარგებლობის სხვა პირობები
3.2.1. აკრედიტივის საფუძველზე წერილობით, ან ელექტრონულად (SWIFT-ის
საშუალებით) გაიცემა აკრედიტივის დავალება, რომლის ტექსტი შეთანხმებულია
კლიენტთან. აკრედიტივის დავალებაში აისახება აკრედიტივის პირობები და ერთი
პირი გადაეცემა კლიენტს, ხოლო მეორე პირი ეგზავნება რემიტენტს, ან ასევე
გადაეცემა კლიენტს რემიტენტისათვის წარსადგენად.
3.2.2. აკრედიტივის ძალაში შესვლა დამოკიდებულია აკრედიტივის დავალების
გადაცემაზე.
3.2.3. აკრედიტივიდან გამომდინარე რემიტენტის კუთვნილი მოთხოვნის უფლება ბანკის
მიმართ რემიტენტმა შეიძლება სრულად ან ნაწილობრივ გადასცეს მესამე პირს
(შემდგომში – ახალი რემიტენტი) თუ ხელშეკრულებით ან/და თავად აკრედიტივის
დავალებით სხვა რამ არ არის გათვალისწინებული.
3.2.4. რემიტენტის მიერ ბანკისათვის აკრედიტივის გადახდის მოთხოვნით
მომართვისთანავე ან/და რემიტენტის მიერ მომართვის ვარაუდის გაჩენისთანავე
ბანკი უფლებამოსილია მასთან არსებული წესების დაცვით უაქცეპტოდ დაბლოკოს
კლიენტის ნებისმიერი სახის ანგარიში.
3.2.5. აკრედიტივის გამოთხოვა ან აკრედიტივის გადახდაზე უარი ძალაში შედის
აღნიშნულის თაობაზე რემიტენტის მიერ ბანკისაგან მიღებული წერილობითი
შეტყობინების მიღების თარიღის დღეს ან შესაბამის წერილობით შეტყობინებაში
მითითებულ დღეს.
3.2.6. მიუხედავად აკრედიტივის მოქმედების ვადის გასვლისა, კლიენტს უნარჩუნდება
ხელშეკრულებიდან გამომდინარე ყველა ვალდებულება (მათ შორის საკომისიოს
გადახდის ვალდებულება) სანამ ბანკი არ მიიღებს დასტურს, რომ არ არსებობს
რემიტენტის მოთხოვნა აკრედიტივის თანხის გადახდზე.
3.3. აკრედიტივის დამატებითი პირობები
3.3.1. თუკი სხვაგვარი გადაწყვეტილება არ იქნა მიღებული ბანკის მიერ ან/და თუ
ხელშეკრულება სხვა რამეს არ ითვალისწინებს, იმ შემთხვევაში, თუ აკრედიტივის
თანხა დამტკიცებულია ერთ რომელიმე ვალუტაში და შესაბამისი აკრედიტივის ან
მისი ნაწილის გაცემა/მიწოდება ხდება სხვა ვალუტაში, მაშინ გამოიყენება
გაცემის/მიწოდების მომენტში მოქმედი საქართველოს ეროვნული ბანკის მიერ
დადგენილი ოფიციალური გაცვლითი კურსი.
3.3.2. იმ შემთხვევაში, თუ აკრედიტივის თანხა დამტკიცებულია ერთ რომელიმე
ვალუტაში და შესაბამისი ან მისი ნაწილის გაცემა/მიწოდება ხდება სხვა ვალუტაში,
სავალუტო კურსის ცვლილების გამო აკრედიტივის თანხის ლიმიტის გადაჭარბება
არ ჩაითვლება წინამდებარე ხელშეკრულების დარღვევად და კლიენტი
ვალდებულია სრულად და ჯეროვნად შეასრულოს ხელშეკრულებასთან
დაკავშირებული სხვა ხელშეკრულებით ნაკისრი ვალდებულებები.
3.3.3. მიუხედავად ხელშეკრულების დადებისა, ბანკი უფლებამოსილია ნებისმიერ დროს
განაცხადოს უარი ამგვარი ხელშეკრულებით განსაზღვრული აკრედიტივით
მომსახურებაზე ან მის ნაწილზე, თუკი კლიენტის ქონებაზე ან/და არამატერიალურ
ქონებრივ სიკეთეზე (მათ შორის, ანგარიშზე) აღრიცხულია (რეგისტრირებულია)
რაიმე სახის შეზღუდვა, მათ შორის საჯარო სამართლებრივი შეზღუდვა, რომელიც
საფრთხეს უქმნის კლიენტის მიერ ბანკის წინაშე არსებული ვალდებულებების
შესრულებას.
3.3.4. თუ ხელშეკრულებით გათვალისწინებული საკომისიოს ან/და პირგასამტეხლოს
(ჯარიმის) დარიცხვის (გადახდის) მომენტში, კანონმდებლობით (მათ შორის
საქართველოს ეროვნული ბანკის ინსტრუქციებით) დადგენილია საკომისიოს ან/და
პირგასამტეხლოს (ჯარიმის) განაკვეთები, რომელთა მოცულობა უფრო დაბალია,
ვიდრე ხელშეკრულებით გათვალისწინებული საკომისიოს ან/და პირგასამტეხლოს
(ჯარიმის) განაკვეთები, ასეთ შემთხვევაში მოქმედებს კანონმდებლობით (მათ
შორის საქართველოს ეროვნული ბანკის ინსტრუქციებით) დადგენილი საკომისიოს
ან/და პირგასამტეხლოს (ჯარიმის) მაქსიმალური საპროცენტო განაკვეთი (ამგვარის
არსებობის შემთხვევაში).
3.3.5. იმ შემთხვევაში თუ აკრედიტივის ხელშეკრულება ითვალისწინებს ტოლერანსის
არსებობას, კლიენტის მიერ ბანკისათვის ასანაზღაურებელი ნებისმიერი
გადასახდელის (მათ შორის საკომისიო, პირგასამტეხლო) ოდენობის
დაანგარიშებისათვის, რომელიც გამოითვლება შესაბამისად აკრედიტივის
თანხიდან, აკრედიტივის თანხად ჩაითვლება შესაბამისად აკრედიტივის თანხა და
ტოლერანსით გათვალისწინებული სავარაუდო ნამეტი ოდენობა ერთობლივად.
3.3.6. კლიენტი ბანკის მოთხოვნის შემთხვევაში, ვალდებულია უზრუნველყოს
ბანკისათვის ყველა იმ საკომისიოს, პირგასამტეხლოს ან/და გადასახდელის
ანაზღაურება, რომელიც შეიძლება დაეკისროს ბანკს, მათ შორის კლიენტის
ბენეფიციარის მიერ ვალდებულებების შეუსრულებელობის გამო. ასევე კლიენტი
ვალდებულია უზრუნველყოს ყველა იმ საკომისიოს, პირგასამტეხლოს ან/და
გადასახდელის ანაზღაურება, რომლის ბანკისათვის გადახდასაც დადგენილ
ვადაში არ უზრუნველყოფს კლიენტის ბენეფიციარი. კლიენტის მიერ ამ პუნქტით
გათვალისწინებული გადასახდელების გადახდის ვადა განისაზღვრება ბანკის
მოთხოვნის შესაბამისად.
3.3.7. კლიენტი ვალდებულია აკრედიტივის ფარგლებში წარმოშობილი ნებისმიერი
ფინანსური დავალიანების თანხის, მასზე დარიცხული საპროცენტო სარგებლის
(მათ შორის, როგორც მიუღებელი სარგებლის), საკომისიოსა და პირგასამტეხლოს,
აგრეთვე ნებისმიერი სხვა სახის დავალიანების ჩათვლით, ვადამდე შესრულებამდე,
მათ შორის სხვა საფინანსო ორგანიზაციებიდან რეფინანსირებამდე, აღნიშნულის
3/8

თაობაზე 14 (თოთხმეტი) კალენდარული დღით ადრე წერილობით მიმართოს
ბანკს.
4. კლიენტის ძირითადი ვალდებულებები
ხელშეკრულების შესრულების უზრუნველყოფის მიზნით:
4.1. მიზნობრიობა. კლიენტი ვალდებულია დაიცვას ხელშეკრულებით დადგენილი
აკრედიტივის მიზნობრიობა (ამგვარის არსებობის შემთხვევაში);
4.2. დაზღვევა. კლიენტი ვალდებულია ბანკის წერილობით ან ზეპირი მოთხოვნით
განსაზღვრულ ვადაში და პირობებით, ხოლო ასეთი ვადის არ არსებობისას, ბანკის
მოთხოვნიდან 10 (ათი) კალენდარული დღის ვადაში დააზღვიოს ამავე მოთხოვნით
განსაზღვრული სადაზღვევო შემთხვევები (მათ შორის, უზრუნველყოფის
საშუალებები) ბანკის სასარგებლოდ (ანუ დაზღვევის ბენეფიციარს უნდა
წარმოადგენდეს ბანკი ან/და ბანკის მიერ დასახელებული პირი) ისე, რომ თუკი
სხვაგვარად არ იქნა მოთხოვნილი ბანკის მიერ (ა) სადაზღვევო ანაზღაურებით
შესაძლებელი იყოს ბანკის (ან/და ბანკის მიერ დასახელებული პირის)
მოთხოვნების სრულად დაკმაყოფილება და (ბ) დაზღვევის ერთჯერადი ან ჯამური
ვადა არ უნდა იყოს ბანკის მოთხოვნების მოქმედების ვადაზე ნაკლები.
4.2.1. ამასთან, კლიენტი იღებს ვალდებულებას:
4.2.1.1. დაზღვევის მომენტიდან 10 (ათი) კალენდარული დღის ვადაში დაზღვევის
დამადასტურებელი დოკუმენტი წარუდგინოს ბანკს;
4.2.1.2. თუ დაზღვევის დამადასტურებელი დოკუმენტის ერთჯერადი მოქმედების ვადა
ნაკლებია ბანკის მოთხოვნების მოქმედების ვადაზე, დაზღვევის
დამადასტურებელი დოკუმენტის მოქმედების ვადის გასვლამდე არანაკლებ 10
(ათი) კალენდარული დღით ადრე წარუდგინოს ბანკს დაზღვევის
დამადასტურებელი ახალი დოკუმენტი განახლებული ვადით;
4.2.1.3. დაიცვას დაზღვევის შესახებ ხელშეკრულების პირობები, მათ შორის სადაზღვევო
შემთხვევის დადგომის შესახებ დაუყოვნებლივ აცნობოს ბანკს და სადაზღვევო
კომპანიას.
4.3. ბანკის მოთხოვნების უზრუნველყოფა . კლიენტი ვალდებულია ხელშეკრულებით
განსაზღვრული ბანკის მოთხოვნების (ან მათი ნაწილის) შესრულების, ასევე
სასამართლოს (მათ შორის საარბიტრაჟო სასამართლო), აღსრულების,
უზრუნველყოფის საგნის რეალიზაციასთან დაკავშირებული, თუ
უზრუნველყოფილი მოთხოვნებიდან გამომდინარე ნებისმიერი სხვა ხარჯების
სრულად და ჯეროვნად უზრუნველსაყოფად:
4.3.1. თუ უზრუნველყოფის საგანზე გადახდევინების მიქცევით მიღებული სარგებელი
(ბანკის საკუთრებაში გადასული უზრუნველყოფის საგანი ან უზრუნველყოფის
საგნის რეალიზაციიდან ამონაგები თანხა) სრულად არ ფარავს უზრუნველყოფილ
მოთხოვნებს, მოთხოვნების სრულად დაკმაყოფილების მიზნით, ბანკი
უფლებამოსილია გადახდევინება მიაქციოს კლიენტის ნებისმიერ ქონებაზე (მათ
შორის, იმ ქონებაზეც, რომელიც არ წარმოადგენს უზრუნველყოფის საგანს);
4.3.2. თუ კლიენტის ან/და უზრუნველყოფის საგნის მესაკუთრის მიმართვის
საფუძველზე ბანკი წერილობით უარს განაცხადებს უზრუნველყოფაზე, მხარეები
თანხმდებიან, რომ უზრუნველყოფის ამგვარი გაუქმება ჩაითვლება მხარეთა შორის
შეთანხმებულად და ბანკის მოთხოვნები კლიენტის მიმართ დარჩება ძალაში
სრული ოდენობით.
4.4. ინფორმაციის წარდგენა. კლიენტი ვალდებულია ქვემოთ მითითებულ ვადებში,
ან/და ბანკის წერილობითი მოთხოვნით განსაზღვრულ გონივრულ ვადაში
ბანკისათვის მისაღები ფორმით მიაწოდოს ბანკს დოკუმენტი ან/და ინფორმაცია,
რომელიც:
4.4.1. ასახავს კლიენტის საერთო აქტივებს/ქონებას, ფინანსურ მდგომარეობას (მათ შორის
ბალანსი და მოგება-ზარალის უწყისი), საქმიან ოპერაციებს, ამონაწერებს საბანკო
ანგარიშებიდან (მათ შორის, სხვა საბანკო-საფინანსო ინსტიტუტებში არსებული
ანგარიშებიდან) და ანგარიშგებას (საგადასახადო ანგარიშგების ჩათვლით), მათ
შორის:
4.4.1.1. ყოველი კალენდარული კვარტლის შემდგომი თვის ბოლო რიცხვამდე –
ინფორმაცია საერთო აქტივების/ქონების შესახებ, მოგება-ზარალის უწყისი და
ბალანსი კალენდარული კვარტლის ბოლო დღის მდგომარეობით;
4.4.1.2. ყოველი მომდევნო კალენდარული წლის მე-4 თვის ბოლო რიცხვამდე – გასული
კალენდარული წლის ფინანსური დოკუმენტაცია (ბალანსი და მოგება-ზარალის
ანგარიში) კალენდარული წლის ბოლო დღის მდგომარეობით, რომელიც ბანკის
მოთხოვნის შემთხვევაში წარმოდგენილ უნდა იქნეს დამოუკიდებელი აუდიტორის
მიერ დამოწმებული სახით, ასეთის არსებობის შემთხვევაში;
4.4.1.3. დაუყოვნებლივ – იმ შესაძლო, პოტენციური ან/და არსებული ადმინისტრაციული,
სასამართლო (მათ შორის, საარბიტრაჟო სასამართლო) ან/და სხვა მსგავსი დავების
ან სამართალწარმოების შესახებ, რამაც შესაძლოა მნიშვნელოვანი ზეგავლენა
იქონიოს კლიენტის მიერ ხელშეკრულებით ნაკისრი ვალდებულებების
შესრულებაზე, რაც ყოველგვარი შეზღუდვის გარეშე მოიცავს, კლიენტის
აქტივებთან/ქონებასთან, უზრუნველყოფის საშუალებებთან, კლიენტის
გადახდისუნარიანობასთან/გაკოტრებასთან დაკავშირებულ დავებს
სამართალწარმოებას.
4.4.2. აუცილებელია ბანკის მიერ კანონმდებლობის მოთხოვნათა დასაცავად და
შესასრულებლად;
4.4.3. მოთხოვნილია ბანკის მიერ გონივრულობის ფარგლებში კლიენტის მიერ
ხელშეკრულებით ნაკისრი ვალდებულებების შესრულების მონიტორინგის
მიზნით.
4.5. გარემოს დაცვის, ჯანდაცვის და შრომითი და სოციალური დაცვის
უზრუნველყოფა. კლიენტის მიერ გარემოს დაცვის, ჯანდაცვის და შრომითი და
სოციალური დაცვის უზრუნველყოფის მიზნით:
4.5.1. კლიენტი ვალდებულია დაუყოვნებლივ აცნობოს ბანკს გარემოს დაცვის,
ჯანდაცვის, შრომითი და სოციალური დაცვის კანონმდებლობის მოთხოვნების
დარღვევის ან ასეთის საშიშროების შესახებ. აღნიშნულთან ერთად კლიენტი
ვალდებულია ბანკს აცნობოს იმ ზომების შესახებ, რომელსაც იგი იღებს ზემოთ
ხსენებული დარღვევების აღმოსაფხვრელად, ასევე, ბანკის მოთხოვნის შემთხვევაში
შეუთანხმოს ბანკს ან/და გაითვალისწინოს ბანკის მოთხოვნები და რეკომენდაციები
აღნიშნული დარღვევების აღმოსაფხვრელად;
4.6. სხვა ვალდებულებები. კლიენტი ვალდებულია:
4.6.1. ბანკის წინასწარი წერილობითი თანხმობის გარეშე:
4.6.1.1. კლიენტმა, როგორც იურიდიულმა პირმა ან სხვა ორგანიზაციულმა წარმონაქმნა,
რომელიც არ წარმოადგენს იურიდიულ პირს არ დაუშვას ძირითადი საქმიანობის
სფეროს შეცვლა, რეორგანიზაცია (გარდაქმნა, შერწყმა, გაყოფა) ან ლიკვიდაცია;
4.6.1.2. არ დაუშვას საკუთარი აქტივების/ქონების ან მისი/მათი ნაწილის უზრუნველყოფის
საშუალებად გამოყენება ან/და სხვაგვარად დატვირთვა ნებისმიერი მესამე პირის
სასარგებლოდ რითაც საფრთხე შეექმნება ხელშეკრულების პირობების
შესრულებას;
LCA - 02/00/01 აკრედიტივის ხელშეკრულების დანართი N1
4.6.1.3. არ განკარგოს ნებისმიერი სახით საკუთარი აქტივები/ქონება (ან მისი/მათი ნაწილი)
ან/და შეიძინოს ნებისმიერი მესამე პირის ნებისმიერი სახის აქტივები/ქონება ან
მისი/მათი ნაწილი გარდა იმ შემთხვევისა, როცა ამგვარი ქმედება
გახორციელებულია კლიენტის ჩვეულებრივი საწარმოო საქმიანობის ფარგლებში;
4.6.1.4. არ განახორციელოს ინვესტიციები, დაიკისროს რაიმე ვალდებულებები ან/და
გაწიოს ხარჯები, გარდა იმ შემთხვევისა, როცა ამგვარი ინვესტიციების, ან/და
ხარჯების გაწევა ან/და ვალდებულებების აღება შეესაბამება ხელშეკრულების
საფუძველზე გაცემული აკრედიტივის მიზნობრიობას, ან/და გახორციელებულია
კლიენტის ჩვეულებრივი საწარმოო საქმიანობის ფარგლებში;
4.6.1.5. არ დაიკისროს რაიმე დამატებითი კრედიტები, სესხები ან/და მსგავსი
ვალდებულებები;
4.6.1.6. არ გასცეს დივიდენდები. ამასთან, დივიდენდების გაცემა კლიენტს შეუძლია
მხოლოდ იმ შემთხვევაში, თუ კლიენტის მხრიდან ადგილი არა აქვს
ხელშეკრულების ან/და ბანკთან გაფორმებული სხვა ნებისმიერი ხელშეკრულების
ან/და სხვა შეთანხმებების დარღვევას, რომელიც დაკავშირებულია ფინანსურ
ვალდებულებებთან ან/და დივიდენდის გაცემით არ იქმნება ამგვარი დარღვევის
საშიშროება;
4.6.1.7. ბენეფიციართან ყველა სახის ანგარიშსწორება აწარმოოს ბანკში გახსნილი
ანგარიშის გამოყენებით.
4.6.2. საკუთარი და მისი შვილობილი კომპანიების ფინანსური ანგარიშგება აწარმოოს
მოქმედი კანონმდებლობით დადგენილი წესებისა და პროცედურების სრული
დაცვით, ხოლო ბანკის მოთხოვნის შემთხვევაში, (ა) ამგვარი ანგარიშების წარმოება
უნდა შეესაბამებოდეს საერთაშორისო ფინანსური ანგარიშგების სტანდარტებს
(International Financial Reporting Standards), და (ბ) ფინანსური ანგარიშების
შემოწმება უნდა მოხდეს ბანკისათვის მისაღები აუდიტორის/აუდიტორული
კომპანიის მიერ.
4.6.3. ისარგებლოს მხოლოდ ბანკის პროდუქტებით ან/და მომსახურებით, მათ შორის
საბანკო ბრუნვის და საბანკო ანგარიშებზე ნაშთის 100 (ასი) % აწარმოოს/იქონიოს
მხოლოდ ბანკის მეშვეობით.
4.6.4. უზრუნველყოს ხელშეკრულებით გათვალისწინებული ვალდებულებებისა ან/და
სხვა პირობების დაცვა.
5. მხარეთა პასუხისმგებლობა
5.1. მხარეები იღებენ ვალდებულებას აუნაზღაურონ ერთმანეთს მათ მიერ
ხელშეკრულების სრულად ან ნაწილობრივ შეუსრულებლობის ან არაჯეროვნად
შესრულების შედეგად მიყენებული ზიანი (ზარალი), ხოლო ზიანის (ზარალის)
ანაზღაურება მხარეებს არ ათავისუფლებს ხელშეკრულებით ნაკისრი
ვალდებულებების შესრულებისაგან/გადახდისაგან.
5.2. ამასთან, კლიენტი პასუხს აგებს ხელშეკრულებით ნაკისრი ვალდებულებების
სრულად ან ნაწილობრივ შეუსრულებლობით ან არაჯეროვნად შესრულებით
ბანკისათვის მიყენებულ ნებისმიერ ზიანზე (ზარალზე). მათ შორის, აკრედიტივის
ხელშეკრულების დანართი N1-ის 3.3.7. პუნქტით განსაზღვრული ვადის
დარღვევის შემთხვევაში, კლიენტს დარღვეული ვადის პერიოდზე დაერიცხება
შესაბამისი საპროცენტო სარგებლის (როგორც მიყენებული ზიანის/ზარალის)
დამატებითი მოცულობა. ზიანის (ზარალის) ანაზღაურება კლიენტს არ
ათავისუფლებს ხელშეკრულებით ნაკისრი ვალდებულებების შესრულებისაგან
/გადახდისაგან.
5.3. მიუხედავად აკრედიტივის ხელშეკრულების დანართი N1-ის 5.1. და 5.2.
პუნქტებით განსაზღვრული გარანტიებისა, კლიენტის მიერ ხელშეკრულებით
ნაკისრი ვალდებულებების სრულად და ჯეროვნად შესრულების
უზრუნველსაყოფად და შესაბამისად ბანკის უფლებებისა და მოთხოვნების
უზრუნველყოფის მიზნით, კლიენტი აცხადებს წინასწარ თანხმობას ბანკის სრულ
უფლებამოსილებაზე:
5.3.1. რამდენიმე ვადამოსული დავალიანების არსებობისას განსაზღვროს აკრედიტივის
თანხის და მის ფარგლებში არსებული გადასახდელების თანმიმდევრობა და
რიგითობა;
5.3.2. ხელშეკრულებით გათვალისწინებული ნებისმიერი გადასახდელის სრულად და
ჯეროვნად დაფარვამდე, მასთან არსებული წესების დაცვით, შესაბამისი
გადასახდელის მოცულობით, უაქცეპტოდ დაბლოკოს კლიენტის ნებისმიერი სახის
ანგარიში;
5.3.3. კლიენტის ნებისმიერი სახის ანგარიშიდან უაქცეპტოდ ჩამოწეროს ყველა
გადასახდელი, ხოლო თუ გადასახდელი და ანგარიშზე რიცხული თანხა
სხვადასხვა ვალუტაშია, ბანკმა თავად განახორციელოს კონვერტაცია გადახდის
თარიღისათვის ბანკში მოქმედი კომერციული კურსით ან კლიენტთან
შეთანხმებული კურსით (ასეთის არსებობის შემთხვევაში), ხოლო კონვერტაციის
მომსახურების ღირებულება ასევე უაქცეპტოდ ჩამოწეროს ანგარიშიდან,
კონვერტირებული თანხა კი მიმართოს შესაბამისი გადასახდელის დასაფარად.
5.4. ფორს-მაჟორის მოქმედების განმავლობაში ბანკი არ აგებს პასუხს ხელშეკრულებით
ან ნაკისრი ვალდებულებების სრულად ან ნაწილობრივ შეუსრულებლობისათვის ან
არაჯეროვნად შესრულებისათვის.
5.5. ფორს-მაჟორული გარემოების დადგომის შემთხვევაში მხარეები
იხელმძღვანელებენ ICC-ს უნიფიცირებული წესების რეგულაციებით.
6. კომუნიკაცია მხარეთა შორის
6.1. მხარეთა შორის ნებისმიერი ოფიციალური ურთიერთობა უნდა ატარებდეს
წერილობით ფორმას. მხარისათვის გათვალისწინებული წერილობითი
შეტყობინება მას შეიძლება მიეწოდოს პირადად ან გაეგზავნოს კურიერის (მათ
შორის, საერთაშორისო კურიერის) ან საფოსტო გზავნილის (მათ შორის
დაზღვეული წერილის) საშუალებით. ოპერატიულობის მიზნით და ქვემოთ
მოცემული დებულებების გათვალისწინებით, გარდა კლიენტისთვის
ხელშეკრულებიდან გამომდინარე ფინანსური ვალდებულებების ვადამდე სრულად
შესრულების მოთხოვნის წარდგენისა ან ხელშეკრულების სრულად ან ნაწილობრივ
შეწყვეტის შესახებ შეტყობინებისა, დასაშვებია მეორე მხარისათვის შეტყობინების
მიწოდება ელექტრონული ფოსტის, ან სხვა ელექტრონული საშუალებით (მათ
შორის, მობილ-ბანკით, ინტერნეტ-ბანკით) გაგზავნის გზით, იმ პირობით, რომ
მეორე მხარის მოთხოვნის შემთხვევაში, ამგვარი მოთხოვნიდან გონივრულ ვადაში
მას წარედგინება შეტყობინება წერილობითი ფორმითაც.
6.2. შეტყობინება ჩაბარებულად ითვლება ადრესატის მიერ მისი მიღების დღეს თუ
შეტყობინების მიღება დადასტურებულია ადრესატის მიერ (მათ შორის,
ელექტრონული დოკუმენტით, ქვითრით, შეტყობინების შესაბამისი სხვა
საშუალებით და ა.შ.). თუ შეტყობინების მიღება არ არის დადასტურებული
ადრესატის მიერ, ნებისმიერი ასეთი შეტყობინება მიიჩნევა სათანადო წესის
შესაბამისად გაგზავნილად და მიღებულად:
6.2.1. კურიერის ან დაზღვეული საფოსტო გზავნილის მეშვეობით წერილობითი
შეტყობინების გაგზავნის შემთხვევაში – ჩაბარების დადასტურების თარიღის დღეს.
4/8

6.2.2. ელექტრონული ფოსტის, ან/და სხვა ელექტრონული საშუალებით გაგზავნის
შემთხვევაში – გაგზავნის თარიღიდან მეორე საბანკო დღეს.
6.3. შეტყობინება მიღებულად ითვლება იმ შემთხვევაშიც, თუ შეტყობინების გამგზავნ
მხარეს შეტყობინება დაუბრუნდება გაგზავნილ მისამართზე/საკონტაქტო
მონაცემებზე შეტყობინების ადრესატის ადგილსამყოფელის არარსებობის გამო,
ადრესატი უარს განაცხადებს შეტყობინების მიღებაზე, ან თავს აარიდებს მის
მიღებას.
6.4. მხარეები ურთიერთობას განახორციელებენ ხელშეკრულებით განსაზღვრულ
მისამართებზე/საკონტაქტო მონეცემებზე (ან სხვა ნებისმიერ
მისამართზე/საკონტაქტო მონაცემზე, რომელსაც ერთი მხარე აცნობებს მეორეს
წერილობით). მხარე ვალდებულია აღნიშნული მისამართის ან მათი რომელიმე
მონაცემის ცვლილების შესახებ დროულად აცნობოს მეორე მხარეს, წინააღმდეგ
შემთხვევაში, მხარის მიერ აღნიშნულ მისამართზე განხორციელებული
ურთიერთობა (შეტყობინების გაგზავნა და სხვა) ჩაითვლება ჯეროვნად
შესრულებულად.
7. კონფიდენციალურობა
7.1. მხარეები ვალდებული არიან ხელშეკრულების მოქმედების პერიოდში, დაიცვან
მეორე მხარისაგან მიღებული ნებისმიერი სახის ინფორმაციის
კონფიდენციალურობა.
7.2. კონფიდენციალურობის შესახებ ზემოაღნიშნული შეზღუდვა არ შეეხება
ინფორმაციას ან ინფორმაციის გამჟღავნებას:
7.2.1. რომელიც კანონმდებლობის დარღვევის გარეშე იყო ცნობილი ინფორმაციის
მიმღები მხარისათვის ინფორმაციის გამამჟღავნებელი მხარის მიერ შესაბამისი
ინფორმაციის გამჟღავნებამდე;
7.2.2. რომლის გამჟღავნებაც მოხდება მხარეთა მიერ კანონმდებლობის მოთხოვნათა
დაცვით და შესასრულებლად (მათ შორის, რომელიმე მხარის მიერ სასამართლო
(მათ შორის, საარბიტრაჟო სასამართლო) წესით მისი უფლებების
განსახორციელებლად);
7.2.3. რომლის მოპოვებაც შესაძლებელია სხვა საჯაროდ ხელმისაწვდომი წყაროებიდან;
7.2.4. თუ ინფორმაციის მესამე პირისთვის გამჟღავნება მოხდება მხარეთა წერილობითი
შეთანხმებით.
7.3. მიუხედავად აკრედიტივის ხელშეკრულების დანართი N1-ის 7.1. პუნქტით
გათვალისწინებული შეზღუდვისა, კლიენტი ბანკს ანიჭებს უპირობო უფლებას,
კლიენტის დამატებითი წინასწარი ან შემდგომი თანხმობის ან აქცეპტის გარეშე:
7.3.1. კლიენტის შესახებ ინფორმაცია გადასცეს მის შვილობილ კომპანიებს ან სხვა
აფილირებულ პირებს კლიენტისათვის სხვადასხვა ტიპის მომსახურების
შეთავაზების მიზნით, იმ პირობით და იმის გათვალისწინებით, რომ:
7.3.1.1. ამგვარი ინფორმაცია შემოიფარგლება მხოლოდ იმ ინფორმაციით, რაც
აუცილებელია ამგვარი მომსახურების შესათავაზებლად ან/და ხელშეკრულებით
განსაზღვრული მიზნების განსახორციელებლად;
7.3.1.2. ინფორმაციის მიმღები პირები დაიცავენ ზემოაღნიშნულ დებულებებს
ინფორმაციის კონფიდენციალობასთან დაკავშირებით.
7.3.2. ძიებების რაოდენობის შეუზღუდავად, მოიძიოს ინფორმაცია კლიენტის შესახებ სს
„კრედიტინფო საქართველოს“ (ს/ნ 204470740) ან ნებისმიერი სხვა მსგავსი ფუნქციის
მქონე სუბიექტის, რომელიც შეიძლება ფუნქციონირებდეს ან დაარსდეს
საქართველოს ან ნებისმიერი სხვა იურისდიქციის ქვეშ, მონაცემთა ბაზაში და
კლიენტის პოზიტიური ან/და ნეგატიური ვალდებულებების შესახებ ინფორმაცია,
ნებისმიერი ცვლილების/დამატების ჩათვლით, გადასცეს სს „კრედიტინფო
საქართველოს“ ან ნებისმიერი სხვა მსგავსი ფუნქციის მქონე სუბიექტს (სს
„კრედიტინფო საქართველოსთვის“ ნეგატიური ვალდებულებების შესახებ
ინფორმაციის გადაცემის დეტალური პირობები განთავსებულია ვებ გვერდზე:
www.creditinfo.ge), რაც იწვევს კლიენტის აღრიცხვას სს „კრედიტინფო
საქართველოს“ ან ნებისმიერი სხვა მსგავსი ფუნქციის მქონე სუბიექტის მონაცემთა
ბაზაში, რომლის მიზანია: (ა) კლიენტზე მონაცემთა შეგროვება, გადამუშავება და
გავრცელება, რომელიც დაკავშირებულია მიმდინარე, შესრულებული,
შეუსრულებელი, ვადაგადაცილებული საკრედიტო/სასესხო თუ სხვა სახის
ფინანსური ვალდებულების სტატუსთან; და (ბ) მონაცემთა ბაზაში დაცული
ინფორმაციის ანალიტიკური გადამუშავება (მათ შორის
კრედიტუნარიანობის/გადახდისუნარიანობის შემოწმების ან/და სხვა კანონიერი
მიზნით). კლიენტისათვის ცნობილია, რომ: (ა) სს „კრედიტინფო საქართველო“
წარმოადგენს საკრედიტო ბიუროს და ის უფლებამოსილია მიღებული
ინფორმაცია/პერსონალური მონაცემები დაამუშავოს/გადაამუშავოს და გადასცეს
მესამე პირებს, პირის კრედიტუნარიანობის/გადახდისუნარიანობის შეფასების,
შემოწმების ან/და სხვა კანონიერი მიზნით; (ბ) სს „კრედიტინფო
საქართველოსათვის“ ან ნებისმიერი სხვა მსგავსი ფუნქციის მქონე სუბიექტისთვის
გადასაცემი და მისგან მისაღები ინფორმაცია, ყოველგვარი შეზღუდვის გარეშე,
მოიცავს კლიენტის საიდენტიფიკაციო მონაცემებს, აგრეთვე კლიენტის მსხვილი
აქციონერების/დამფუძნებლების და წარმომადგენლობაზე უფლებამოსილი
პირების სახელებსა და საიდენტიფიკაციო მონაცემებს, მიმდინარე
საკრედიტო/სასესხო თუ სხვა სახის ფინანსური ვალდებულების წარმოშობის
საფუძველს, მოცულობას, მიზნობრიობას, დარიცხულ საპროცენტო სარგებელს,
მოქმედების ვადას, პირის მიერ საკრედიტო/სასესხო თუ სხვა სახის ფინანსურ
ვალდებულებასთან დაკავშირებული გადახდების დროულობას, დავალიანების
ნაშთს, უზრუნველყოფის ოდენობასა და უზრუნველყოფის
საიდენტიფიკაციო მონაცემებს, ხოლო სასამართლო (მათ შორის, საარბიტრაჟო
სასამართლო) დავის არსებობის შემთხვევაში - სასამართლო (მათ შორის,
საარბიტრაჟო სასამართლო) სამართალწარმოებისა და სააღსრულებო წარმოების
შედეგს, აგრეთვე მონაცემთა ბაზისთვის საჭირო სხვა მონაცემებს.
7.3.3. სამოქალაქო რეესტრის სააგენტოდან, საჯარო რეესტრის ეროვნული სააგენტოდან,
საქართველოს შინაგან საქმეთა სამინისტროს მომსახურების სააგენტოდან ან/და
ნებისმიერი სხვა იდენტური ან მსგავსი ფუნქციის მქონე დაწესებულებიდან (კერძო
ან საჯარო) გამოითხოვოს, მიიღოს და შეინახოს კლიენტის შესახებ დაცული
ინფორმაცია (მათ შორის პერსონალური მონაცემები და საიდენტიფიკაციო
დოკუმენტები) და აღნიშული ინფორმაციის მონაცემთა ბაზები (მათ შორის
ელექტრონული ბაზები), ასევე შეასრულოს ყველა საჭირო მოქმედება ან/და
პროცედურა რაც დაკავშირებულია ზემოაღნიშნული უფლებამოსილების
განხორციელებასთან;
7.3.4. კლიენტის შესახებ ინფორმაცია მიაწოდოს მესამე პირებს კლიენტის მიერ
ხელშეკრულების პირობების შეუსრულებლობით ან არაჯეროვანი შესრულების
შედეგად ბანკის უფლებების განხორციელების მიზნით, ან/და კლიენტის მიერ
ხელშეკრულების პირობების შესრულებაზე მონიტორინგის მიზნით ან (ბ)
რომლებიც დაინტერესებულნი არიან ხელშეკრულებიდან გამომდინარე ბანკის
მოთხოვნების შეძენით/სინდიცირებით ან/და კლიენტის ვალდებულებების
გადაკისრებით.
LCA - 02/00/01 აკრედიტივის ხელშეკრულების დანართი N1
8. ხელშეკრულების მოქმედება და შეწყვეტა
8.1. ხელშეკრულება ძალაში შედის მხარეთა მიერ მისი დადების/ხელმოწერის
მომენტიდან და ძალაშია მხარეთა მიერ ნაკისრი ვალდებულებების სრულად და
ჯეროვნად შესრულებამდე (მათ შორის, იმ შემთხვევაშიც, თუ მასთან
დაკავშირებული სხვა ხელშეკრულების მოქმედების ვადა აღემატება
ხელშეკრულების მოქმედების ვადას).
8.2. ხელშეკრულებით ან/და კანონმდებლობით დადგენილ შემთხვევებში და
პირობებით შესაძლებელია ხელშეკრულების ვადამდე სრულად ან ნაწილობრივ
შეწყვეტა:
8.2.1. ბანკის მიერ:
8.2.1.1. თუ კლიენტი სრულად და ჯეროვნად არ შეასრულებს ხელშეკრულებით
განსაზღვრულ ნებისმიერ ვალდებულებას;
8.2.1.2. ნებისმიერი ისეთი გარემოების დაწყებისას ან დადგომისას, რითაც საფრთხე
შეექმნება: (ა) კლიენტის ან/და უზრუნველყოფის საგნის მესაკუთრის
აქტივებს/ქონებას ან/და მის საქმიანობას, ან/და (ბ) კლიენტის ან/და
უზრუნველყოფის საგნის მესაკუთრის მიერ ნაკისრი ვალდებულებების სრულ და
ჯეროვან შესრულებას;
8.2.1.3. კლიენტის მიერ არ ხდება აკრედიტივით სარგებლობა 1 (ერთი) კალენდარული
წლის ან ხელშეკრულებით გათვალისწინებული ვადის განმავლობაში;
8.2.1.4. თუ კლიენტი სრულად და ჯეროვნად არ შეასრულებს ბანკთან გაფორმებული სხვა
ნებისმიერი ხელშეკრულებით ან/და სხვა დოკუმენტით, რომელიც
დაკავშირებულია ფინანსურ ვალდებულებებთან, ნაკისრ ვალდებულებებს;
8.2.1.5. თუ ადგილი ექნება კლიენტის აქტივების/ქონების ან მისი/მათი ნაწილის
დაყადაღებას, რამაც შესაძლოა უარყოფითი ზეგავლენა იქონიოს კლიენტის მიერ
ნაკისრი ვალდებულებების შესრულებაზე;
8.2.1.6. კლიენტის აქციონერის, პარტნიორის თუ სხვა სახის დამფუძნებლის (მათ შორის,
ბენეფიციარი მფლობელის) მიერ აქციის, წილის ან კლიენტის კაპიტალში/ქონებაში
სხვა სახის მიმოქცევადი უფლების განკარგვა (გასხვისება, დატვირთვა და ა.შ.)
მოხდება ბანკთან წინასწარი წერილობითი შეთანხმების გარეშე;
8.2.1.7. თუ ნებისმიერმა სხვა კრედიტორმა კლიენტს მიმართა მასთან გაფორმებული
გარიგების ვადამდე შეწყვეტით ან/და მოსთხოვა ვალდებულების (მათ შორის
ფინანსური) ვადამდე შესრულება, რამაც შესაძლოა უარყოფითი ზეგავლენა
იქონიოს კლიენტის მიერ ნაკისრი ვალდებულებების შესრულებაზე.
8.2.2. აკრედიტივის მოქმედების ვადის ამოწურვისას, იმ პირობით, რომ მხარეებს
სრულად აქვთ შესრულებული ვალდებულებები ერთმანეთის მიმართ;
8.2.3. კლიენტის მიერ აკრედიტივის ხელშეკრულების დანართი N1-ის 8.3. პუნქტით
გათვალისწინებულ შემთხვევაში და პირობებით;
8.2.4. მხარეთა წერილობითი შეთანხმებით;
8.2.5. ხელშეკრულებით ან/და კანონმდებლობით გათვალისწინებულ სხვა შემთხვევებში.
8.3. კლიენტი უფლებამოსილია შეწყვიტოს ხელშეკრულება აკრედიტივის ვადის
ამოწურვამდე, იმ პირობით, რომ კლიენტს არ გააჩნია ხელშეკრულებიდან
გამომდინარე რაიმე სახის შეუსრულებელი/შესასრულებელი ვალდებულება ბანკის
მიმართ
8.4. მხარე, რომელიც მიიღებს ხელშეკრულების ცალმხრივად სრულად ან ნაწილობრივ
შეწყვეტის გადაწყვეტილებას, ვალდებულია წერილობით შეატყობინოს მეორე
მხარეს მიღებული გადაწყვეტილება, მისი მიღების საფუძველი და ამოქმედების
თარიღი, რომელიც არ უნდა იყოს 30 (ოცდაათი) კალენდარულ დღეზე ნაკლები.
ამასთან, თუ ხელშეკრულებით ან/და კანონმდებლობით გათვალისწინებულ
შემთხვევებში ხელშეკრულება შესაძლებელია ან უნდა შეწყდეს უფრო მოკლე
ვადებში, ხელშეკრულება შეიძლება უფრო მოკლე ვადებშიც შეწყდეს.
8.5. ხელშეკრულების შეწყვეტის საფუძვლის დადგომისას ბანკი თავისუფლდება
ხელშეკრულების საფუძველზე კლიენტის წინაშე ნაკისრი ვალდებულებებისაგან.
8.6. ბანკი უფლებამოსილია ხელშეკრულების შეუწყვეტლად, ან ხელშეკრულების
შეწყვეტის შესახებ მიღებული გადაწყვეტილების საფუძველზე მოსთხოვოს
კლიენტს ფინანსური ვალდებულებების ვადამდე შესრულება (მათ შორის,
აკრედიტივის თანხის ან/სხვა მსგავსი დავალიანების, მათზე დარიცხული
საპროცენტო სარგებლის (მათ შორის, როგორც მიუღებელი სარგებლის),
საკომისიოსა და პირგასამტეხლოს, აგრეთვე ნებისმიერი სხვა სახის დავალიანების
პირის ჩათვლით), რა შემთხვევაშიც ვალდებულების წინსწრებით შესრულების ან/და სხვა
საფინანსო ორგანიზაციებიდან რეფინანსირებისათვის კლიენტს არ ეკისრება რაიმე
დამატებითი გადასახდელის გადახდა.
8.7. ხელშეკრულების შეწყვეტა არ ათავისუფლებს კლიენტს აკრედიტივის თანხის
ან/სხვა მსგავსი დავალიანების, დარიცხული საპროცენტო სარგებლის (მათ შორის,
როგორც მიუღებელი სარგებლის), საკომისიოს, პირგასამტეხლოს, აგრეთვე
ნებისმიერი სხვა ვალდებულების შესრულებისგან, ხელშეკრულებიდან
გამომდინარე ფინანსური დავალიანების იძულებითი ან ნებაყოფლობითი
შესრულების მომენტამდე.
8.8. ხელშეკრულების ვადამდე სრულად ან ნაწილობრივ შეწყვეტა არ იწვევს ბანკის
მიერ აკრედიტივის გამოთხოვას.
9. ცვლილებები და დამატებები
9.1. ხელშეკრულებაში ცვლილებებისა და დამატებების შეტანა დაიშვება წერილობითი
ფორმით, მხარეთა შეთანხმებით, ხოლო აკრედიტივის შემთხვევაში ასევე
ბენეფიციარის წინასწარი წერილობითი თანხმობით. ამასთან, განაცხადში ან/და
საგნის აკრედიტივის დავალებაში ცვლილებებისა და დამატებების შეტანა დაიშვება
ინტერნეტ-ბანკის ან მხარეთა მიერ შეთანხმებული ელექტრონული ფოსტის
მეშვეობით მხარეთა შეთანხმების გზით.
9.2. მიუხედავად აკრედიტივის ხელშეკრულების დანართი N1-ის 9.1. პუნქტით
გათვალისწინებული შეზღუდვისა, ბანკი უფლებამოსილია:
9.2.1. შეამციროს აკრედიტივის თანხის მოცულობა;
9.2.2. შეცვალოს ხელშეკრულებით დადგენილი საპროცენტო სარგებლის, საკომისიოს
ან/და პირგასამტეხლოს ოდენობა არაუმეტეს არსებული განაკვეთის 1/4 (ერთი
მეოთხედის) ოდენობით;
9.2.3. შეცვალოს მასთან დაკავშირებული სხვა ხელშეკრულებით დადგენილი
საპროცენტო სარგებლის, საკომისიოს ან/და პირგასამტეხლოს ოდენობა
ხელშეკრულებით გათვალისწინებულ ფარგლებში;
9.2.4. გაზარდოს ხელშეკრულებით გათვალისწინებული გადახდის ვადა/ვადები, იმ
პირობით, რომ ამგვარი ცვლილების შედეგად გადახდის ვადა/ვადები უნდა
შეიცვალოს არაუმეტეს 30 (ოცდაათი) კალენდარული დღით;
9.2.5. შეცვალოს ხელშეკრულების სპეციფიკური პირობები;
9.2.6. დაადგინოს ხელშეკრულებით გათვალისწინებული აკრედიტივით
სარგებლობასთან დაკავშირებული საკომისიოს ტიპები ან/და მათი განაკვეთების
ოდენობა.
9.3. ბანკის მიერ აკრედიტივის ხელშეკრულების დანართი N1-ის 9.2. პუნქტით
გათვალისწინებული უფლების გამოყენების შემთხვევაში:
5/8

9.3.1. თუ ასეთი გადაწყვეტილება აუარესებს კლიენტის მდგომარეობას, მაშინ ასეთი
გადაწყვეტილების მიღების შესახებ ბანკი ცვლილების ძალაში შესვლის თარიღამდე
არანაკლებ 30 (ოცდაათი) კალენდარული დღით ადრე შეატყობინებს კლიენტს.
9.3.2. თუ ასეთი გადაწყვეტილება მიღებულია კლიენტის სასარგებლოდ (მათ შორის
საპროცენტო სარგებლის შემცირებისას), ან/და არ აუარესებს კლიენტის
მდგომარეობას, მაშინ ასეთი გადაწყვეტილება არ საჭიროებს კლიენტის დამატებით
თანხმობას ან აქცეპტს და ამ სახით შეცვლილი პირობები ამოქმედდება ბანკის მიერ
განსაზღვრული თარიღიდან. ამასთან, ბანკი ვალდებულია გადაწყვეტილების
მიღებიდან 30 (ოცდაათი) კალენდარული დღის ვადაში შეატყობინოს კლიენტს
აკრედიტივის ხელშეკრულების დანართი N1-ის მე-6 მუხლით დადგენილი წესით
ან/და ბანკის სერვის ცენტრებში ან/და სხვა მომსახურების წერტილებში ან/და
ბანკის ოფიციალურ ვებ-გვერდზე შესაბამისი განცხადების განთავსებით.
9.4. ბანკის მიერ აკრედიტივის ხელშეკრულების დანართი N1-ის 9.2.2. და 9.2.3.
პუნქტებით გათვალისწინებული გადაწყვეტილებების მიღებისას, იგი
მხედველობაში მიიღებს ქვეყანაში დაფიქსირებული ინფლაციის დონეს,
სამომხმარებლო ფასებს, სამეწარმეო აქტიურობის ინდექსებს, სხვა გლობალური
ან/და რეგიონალური ხასიათის სოციალურ-ეკონომიკურ ფაქტორებს, ასევე
კლიენტთან საკრედიტო ურთიერთობის ისტორიას.
9.5. ხელშეკრულებაში შეტანილი ცვლილებები და დამატებები (მათ შორის
აკრედიტივის ხელშეკრულების დანართი N1-ის 9.1., 9.2. და 9.3. პუნქტების
შესაბამისად განხორციელებული ცვლილებები და დამატებები) წარმოადგენს
ხელშეკრულების განუყოფელ ნაწილს.
10. ხელშეკრულების პირობების მოქმედება კლიენტის მიმართ
10.1. ხელშეკრულების მიზნებისათვის, „კლიენტის” დეფინიციაში მოცემულ პირებზე
ხელშეკრულების პირობები გავრცელდება სრულად, გარდა იმ შემთხვევისა,
როდესაც შესაბამისი პირის სამართლებრივი სტატუსიდან (ფიზიკური პირი,
იურიდიული პირი ან სხვა ორგანიზაციული წარმონაქმნი. ასევე, ფიზიკური პირის
ასაკი) გამომდინარე კონკრეტული პირობა ვერ გავრცელდება ამგვარ პირზე.
10.2. იმ შემთხვევაში, თუ ხელშეკრულების მხარეს წარმოადგენს ერთზე მეტი კლიენტი:
10.2.1. აკრედიტივის ხელშეკრულების დანართი N1-ის მე-10 მუხლის სხვა დებულებებით
დადგენილი პასუხისმგებლობის შეუზღუდავად, თითოეული ასეთი
კლიენტისათვის ხელშეკრულებით გათვალისწინებული მომსახურების
გაწევა/შესაბამისი ხელშეკრულების დადება/ხელმოწერა შესაძლოა მოხდეს
ინდივიდუალურად, ერთობლივად ან/და ცალკეული ჯგუფების მიხედვით;
10.2.2. თითოეული ასეთი კლიენტი წარმოადგენს ბანკის მიმართ სოლიდარულ მოვალეს
ხელშეკრულებიდან გამომდინარე ვალდებულებებზე;
10.2.3. თითოეული კლიენტის სოლიდარული პასუხისმგებლობა ვრცელდება მასთან
დაკავშირებულ სხვა ხელშეკრულებით გათვალისწინებულ ვალდებულებებთან
მიმართებაშიც, მიუხედავად იმისა, წარმოადგენს თუ არა ეს კლიენტი ამგვარი
მასთან დაკავშირებული სხვა ხელშეკრულების მხარეს;
10.2.4. თითოეული კლიენტის სოლიდარული პასუხისმგებლობა ძალაშია მიუხედავად
მათ მიერ ხელშეკრულებიდან გამომდინარე ვალდებულების უზრუნველსაყოფად
ბანკის სასარგებლოდ რაიმე ფორმით გაცემული დამატებითი ვალდებულების (მათ
შორის, თავდებობის ან/და გარანტიის) არსებობა/არარსებობისა;
10.2.5. ერთ-ერთი კლიენტის მიერ ხელშეკრულების დარღვევის შემთხვევაში, ბანკი
უფლებამოსილია შესაბამისი მოთხოვნა/მოთხოვნები წაუყენოს ნებისმიერ კლიენტს
და მის მიმართ ისარგებლოს ხელშეკრულებით გათვალისწინებული ან/და
კანონმდებლობით დადგენილი უფლებებით.
11. ხელშეკრულების პირობების მოქმედება ბენეფიციარების მიმართ
11.1. თუ აკრედიტივის ბენეფიციარი ერთზე მეტი პირია და აკრედიტივის
ხელშეკრულებით ან/და აკრედიტვის დავალებით სხვა რამ არ არის
გათვალისწინებული:
11.1.1. ბანკი უფლებამოსილია ვალდებულება (აკრედიტივის თანხის გადახდა) სრულად
ან ნაწილობრივ შეასრულოს ნებისმიერი ბენეფიციარის წინაშე;
11.1.2. თუ ბანკი ერთდროულად (ერთი საბანკო დღის განმავლობაში) მიიღებს ორი ან
მეტი ბენეფიციარის მოთხოვნას აკრედიტივის თანხის ანაზღაურებაზე: ა)
თითოეულ ასეთ (მოთხოვნის წარმდგენ) ბენეფიციარს აუნაზღაურდება
აკრედიტივის თანხა მისი მოთხოვნის შესაბამისად; ან ბ) ბენეფიციარების მოთხოვნა
დაკმაყოფილდება აკრედიტივის თანხიდან, მოთხოვნილი თანხის პროპორციულად
თუ აკრედიტივის თანხის ოდენობა ნაკლებია წარმოდგენილი მოთხოვნის თანხაზე.
ამასთან, აღნიშნული დათქმა არ ართმევს ბანკს უფლებას, თავისი
შეხედულებისამებრ განსაზღვროს შესაბამისი ბენეფიციარისთვის გადასახდელი
თანხის ოდენობა;
11.1.3. თუ რომელიმე ბენეფიციარის მიმართვის საფუძველზე მოთხოვნილია
აკრედიტივის თანხის შემცირება, ამ ქვეპუნქტის მიზნებისთვის აღნიშნული
ბენეფიციარი განხილულ იქნება ბანკის მიმართ მოთხოვნის უფლების თანაბარი
წილის მესაკუთრედ სხვა ბენეფიციარებთან ერთად და აკრედიტივის თანხა
შემცირდება აღნიშნული ბენეფიციარის მიმართვის შესაბამისად, მაქსიმუმ მისი
მოთხოვნის წილის ფარგლებში.
11.2. ბანკის მიერ ერთ-ერთი ბენეფიციარისათვის გაგზავნილი ნებისმიერი სახის
შეტყობინება ჩაითვლება ყველა ბენეფიციარისათვის გაგზავნილ შეტყობინებად,
ხოლო ერთ–ერთი ბენეფიციარის მიერ შეტყობინების მიღება ყველა ბენეფიციარის
მიერ შესაბამისი შეტყობინების მიღებად.
11.3. ერთ-ერთი ბენეფიციარის წინაშე ბანკის მიერ ვალდებულების სრულად ან
ნაწილობრივ შესრულება ათავისუფლებს ბანკს სხვა ბენეფიციარის წინაშე ამავე
ვალდებულების შესრულებისაგან.
LCA - 02/00/01 აკრედიტივის ხელშეკრულების დანართი N1
12. სხვა პირობები
12.1. მხარეები თანხმდებიან, რომ ხელშეკრულებით განსაზღვრული საპროცენტო
სარგებლის ფორმირებისთვის გამოყენებული საჯარო ინდექსის (ასეთის არსებობის
შემთხვევაში იგულისხმება რეფინანსირების განაკვეთი, მონეტარული პოლიტიკის
განაკვეთი, LIBOR განაკვეთი ან/და სხვა) გაუქმების/ოფიციალურად გამოქვეყნების
შეწყვეტის ან შეჩერების შემთხვევაში, ბანკი განსაზღვრავს საჯარო ინდექსს,
რომლის შესაბამისადაც მოხდება საპროცენტო სარგებლის ფორმირება, რის
თაობაზეც შეატყობინებს კლიენტს ხელშეკრულებით განსაზღვრული
კომუნიკაციის საშუალებით. ხელშეკრულებით განსაზღვრული საპროცენტო
სარგებლის ფორმირებისთვის გამოყენებული საჯარო ინდექსის
გაუქმების/ოფიციალურად გამოქვეყნების შეწყვეტის ან/და შეჩერების შემთხვევაში:
(ა) ხელშეკრულებით განსაზღვრული საპროცენტო სარგებელი, არსებული საჯარო
ინდექსით იქნება ფორმირებული იმ მომენტამდე, რა მომენტშიც ხელშეკრულების
პირობების შესაბამისად უნდა მომხდარიყო არსებული საჯარო ინდექსის
განახლება; (ბ) ბანკის მიერ ახალი საჯარო ინდექსის გათვალისწინებით
განისაზღვრება/შეიცვლება საპროცენტო სარგებლის ფორმირებისთვის დადგენილი
საჯარო ინდექსის დანამატი საპროცენტო კოეფიციენტი. ამასთან, ხელშეკრულებით
განსაზღვრული საპროცენტო სარგებლის ფორმირებისთვის გამოყენებული საჯარო
ინდექსის ოფიციალურად გამოქვეყნების შეჩერების შემდგომ მისი ოფიციალურად
გამოქვეყნების განახლების შემთხვევაში, ბანკი უფლებამოსილია საკუთარი
შეხედულებისამებრ, საპროცენტო სარგებლის ფორმირების მიზნით აღადგინოს
არსებული საჯარო ინდექსი ან განაგრძოს საპროცენტო სარგებლის ფორმირება
შესაბამისი საჯარო ინდექსით.
12.2. მხარეები ადასტურებენ, რომ ხელშეკრულების შინაარსი ზუსტად გამოხატავს
მხარეთა ნებას და რომ მათ მიერ ნების გამოვლენა მოხდა ხელშეკრულების
შინაარსის გონივრული განსჯის შედეგად და არა მარტოოდენ სიტყვა-სიტყვითი
მნიშვნელობიდან.
12.3. ერთ-ერთი მხარის მხრიდან ხელშეკრულების ან/და კანონმდებლობის სრულად ან
ნაწილობრივ დარღვევასთან დაკავშირებით მეორე მხარის მიერ მისთვის
მინიჭებული უფლებების გამოუყენებლობა არ გავრცელდება ხელშეკრულების
ან/და კანონმდებლობის ნებისმიერ შემდგომ დარღვევაზე.
12.4. ხელშეკრულების რომელიმე მუხლის, პუნქტის ან/და ქვეპუნქტის ბათილობა არ
გამოიწვევს მთლიანად ხელშეკრულების ან/და მისი სხვა მუხლის, პუნქტის ან/და
ქვეპუნქტის ბათილობას.
12.5. ხელშეკრულებაში მხოლობით რიცხვში გამოყენებული სიტყვები, კონტექსტის
შესაბამისად, გულისხმობს მრავლობითს და პირიქით.
12.6. ხელშეკრულების დანართები (ასეთის არსებობის შემთხვევაში) დანომრილია
მოხერხებულობისათვის და ამ ფაქტს ხელშეკრულების ინტერპრეტაციისათვის
ან/და ნამდვილობისათვის მნიშვნელობა არ ენიჭება. ამასთან, დანართის ამა თუ იმ
ნუმერაციით არსებობა არ გულისხმობს, რომ აუცილებელი წესით არსებობს წინა
ნუმერაციით დანომრილი დანართი. მხარეები დამატებით თანხმდებიან, რომ
ხელშეკრულების დანართები ხელშეკრულების დადების მიზნებისთვის არ
წარმოადგენს ხელშეკრულების არსებით პირობებს.
12.7. ხელშეკრულება მისი ვალდებულებებითა და უფლებებით ვრცელდება და
სავალდებულოა მხარეთა უფლებამონაცვლეების, თუ მემკვიდრეებისათვის/
სამართალმემკვიდრეებისათვის, თუ ხელშეკრულება ან/და კანონმდებლობა სხვა
რამეს არ ითვალისწინებს.
12.8. კლიენტს უფლება არა აქვს ბანკის წინასწარი წერილობითი თანხმობის გარეშე
მესამე პირს გადასცეს ან გადააბაროს მასზე ხელშეკრულებით ნაკისრი ნებისმიერი
ვალდებულება ან მინიჭებული უფლება. ამასთან, ეს დებულება არ გულისხმობს
დათქმას, რომ კლიენტმა პირადად უნდა შეასრულოს ვალდებულებები და არ
გამორიცხავს ბანკის უფლებას მიიღოს მესამე პირისაგან შემოთავაზებული
შესრულება, მიუხედავად იმისა თანახმაა თუ არა კლიენტი.
12.9. მიუხედავად იმისა, რომ ხელშეკრულებაში აღწერილია ხელშეკრულებაზე
ხელმომწერი უფლებამოსილი წარმომადგენლის ვინაობა და მონაცემები,
თითოეული მხარე უფლებამოსილია ხელშეკრულებას ხელი მოაწეროს სხვა
უფლებამოსილი წარმომადგენლის მეშვეობით. ასეთ შემთხვევაში, შესაბამისი
მხარის უფლებამოსილი წარმომადგენელი, ხელმოწერასთან ერთად, უთითებს
სახელს, გვარს და საიდენტიფიკაციო/პირად ნომერს.
12.10. ხელშეკრულება განიმარტება და რეგულირდება კანონმდებლობით ან/და ICC–ს
უნიფიცირებული წესებით, აკრედიტივის დავალების შესაბამისად. იმ
შემთხვევებში, რომლებიც არ არის გათვალისწინებული ხელშეკრულებით
მხარეები იხელმძღვანელებენ კანონმდებლობით და ICC–ს უნიფიცირებული
წესებით დადგენილი შესაბამისი ურთიერთობის მარეგულირებელი ნორმებით,
ხოლო კანონმდებლობასა და ICC–ს უნიფიცირებულ წესებს შორის წინააღმდეგობის
შემთხვევაში უპირატესობა ენიჭება კანონმდებლობას.
12.11. ხელშეკრულებით განსაზღვრული დეფინიციები გამოყოფილია მკაფიოდ,
გამუქებული სიტყვებით ან/და სიმბოლოებით.
12.12. ხელშეკრულების ინტერპრეტაციისას უპირატესობა ენიჭება ქართულ ენაზე
შედგენილ ტექსტს.
12.13. ხელშეკრულების იდენტური ეგზემპლარი გადაეცემა მხარეებს.
6/8
LCA - 02/00/01 აკრედიტივის ხელშეკრულების დანართი N1

7/8
LCA - 02/00/01 აკრედიტივის ხელშეკრულების დანართი N1

8/8