Lectio Undecima

Aemilia cum Delia e peristylo in atrium intrat, laeta ad

Iulium adit eumque salutat. Aemilia viro suo osculum
dat. Iulius Aemiliae osculum dat.
Iulius: "Quid agit Iulia?"
Aemilia: "Rosas carpit in
horto.''
Iulius: "Currite in hortum, pueri, et vocate
eam!" Quintus currit. Marcus non currit, sed
ambulat. Iulius imperat: "Age! Curre, Marce!"
Etiam Marcus currit. Pueri per peristylum in hortum
currunt. Illic autem puella non est. Pueri ex horto per
peristylum in atrium ambulant.
Marcus: "Iulia neque in horto neque in periscylo
est." Aemilia: "Estne Syra in horto?"
Quintus: "Non est. Nulla ancilla illic est."
Aemilia: "Non solum Iulia, sed etiam Syra abest! Delia,
i ad cubiculum Iuliae!"
Delia ad cubiculum Iuliae it, ostium pulsat, aperit, in
cubiculum intrat. Illic non solum Iulia, sed etiam Syra
est. Oculi Iuliae pleni sunt lacrimarum.
Delia: "Veni in atrium, Iulia! Illic pater tuus te
exspectat."
Iulia oculos et nasum terget, rosam sumit, e cubiculo
exit. Syra et Delia post eam exeunt. Iulia in atrium ad
Iulium currit eique osculum dat.
Iulia: "Ecce rosa. Nonne pulchra est haec rosa?"
Iulius: "Nulla rosa tam pulchra est quam filia mea!"
Iulius filiae suae osculum dat. Iamne lacrimat Iulia?
Immo laeta est et ridet.
Iulia: "Num nasus meus foedus est?"
Iulius: "Foedus? Immo tam formosus est quam... hoc
malum! Ecce malum tuum, Iulia." Pater filiae malum
magnum et furmosum dat. Iulia malum terget et ante
oculos tenet.
Iulia: "O, quam formosum est hoc malum!" Puella laeta
malo suo osculum dat!
Iulius: "Hoc pirum etiam tuum est, Iulia." Iulius ei
pirum dat. Iam puella et malum et pirum habet.
Aemilia: "Etiam ancillis meis mala et pira da!"
Iulius ancillas ad se vocat et iis quoque mala et pira
dat. Ancillae laetae ex atrio exeunt.
Cui Iulius malum dat? Puero malum dat. Puer cui Iulius
malum dat est filius eius.
Cui Iulius osculum dat? Puellae osculum dat. Puella cui
Iulius osculum dat filia eius est.

GRAMMATICA LATINA
Dativus
Masculinum.
Iulius servo (Syro) malum dat.
Iulius servis (Syro et Leandro) mala dat.
'Servo' dativus singularis est. 'Servis' est
dativus pluralis.
Dativus: singularis -o, pluralis -is.
Femininum.
Iulius ancillae (Syrae) malum dat.
Iulius ancillis (Syrae et Deliae) mala dat.
'Ancillae' est dativus singularis. 'Ancillis' dativus
pluralis est. Dativus: singularis -ae, pluralis -is.
Neutrum.
Fluvius oppido aquam dat.
Fluvii oppidis aquam dant.
'Oppido' dativus singularis est. 'Oppidis' est dativus
pluralis. Dativus: singularis -o, pluralis -is.

Exercitia
I.
1. Iulius: “Ecce malum tuum, Marce.” Iulius Marc_
malum dat: pater fili_ malum dat.
2. Iulius Marco et Quinto mala dat: pater fili_ mala dat.
3. Dominus servum vocat et e_ malum dat.
4. Iulius Syr_ serv_ su_ malum dat.
5. Dominus servos vocat et i_ mala dat.
6. Dominus Syr_ et Leandr_ serv_ su_ mala dat.
7. Iulius Aemiliam salutat et e_ osculum dat.
8. Aemilia Iuli_ vir_ su_ osculum dat.
9. Iulius non solum Aemili_ osculum dat, sed etiam
Iuli_ fili_ su_ osculum et malum dat.
10. Iulia mal_ su_ osculum dat.
11. Domina ancillam vocat et e_ malum dat.
12. Aemilia Deliae ancill_ su_ malum dat.
13. Domina ancillas vocat et i_ mala dat.
14. Aemilia Deli_ et Syr_ ancill_ su_ mala dat.
15. Iulius: “Ecce nummus tuus, Dave.” Dominus serv_
nummus dat.
16. C_ Iulius nummum dat? Servus c_ Iulius nummum
dat est Davus.
17. C_ Iulius osculum dat? Femina c_ Iulius osculum
dat est Aemilia.

II.
1. Saccus qui hic est = hic saccus.
2. Rosa quae hic est = .
3. Malum quod hic est = .
4. Puella quae hic est = .
5. Speculum quod hic est = .
6. Equus qui hic est = .
7. Mensa quae hic est = .

III.
1. Iulius ad villam et filios salutat: “ , filii”.

2. Ostium aperitur ab .
3. In saccis quos servi portant et sunt.
4. Sacci non vacui, sed sunt.
5. Quid in saccis? In sacci Leandri mala .
6. Iulius Marco malum : “Ecce malum tuum,
Marce”.
7. Aemilia ad Iulium et ei dat.
8. Delia: “Veni in atrium, Iulia. pater tuus est.”
9. Iulia e cubiculo ; ancillae quoque .
10. Iulia in atrium , non ambulat.

IV.
1. Cui Iulius osculum dat?
2. Unde venit Aemilia?
3. Cur Iulia non adest?
4. Quo pueri currunt?
5. Estne Iulia in horto?
6. Quo it Delia?
7. Estne sola Iulia in cubiculo suo?
8. Quo Iulia currit?
9. Qui sunt in atrio?
10. Cui Iulia osculum dat?
11. Quid Iulius filiae suae dat?
V.
1. Servo, ancillae, oppido non nominativus sed
est. Etiam servis, ancillis, oppidis est.
2. Servo, ancillae, oppido est dativus .
3. Servis, ancillis, oppidis non singularis sed
est.
4. Singularis: nominativus servus, dativus serv_.
5. Pluralis: nominativus servi, dativus serv_.
6. Singularis: nominativus ancilla, dativus ancill_.
7. Pluralis: nominativus ancillae, dativus ancill_.
8. Singularis: nominativus oppidum, dativus oppid_.
9. Pluralis: nominativus oppida, dativus oppid_.
1. Iulia in est; Syra in eius intrat.
2. Puella se in videt; in eius sunt lacrimae.
3. Iulius in est cum servis suis. Quid inest in
eorum?
4. Servi saccos in portant.
5. Aemilia in est; iam filii eius in veniunt.

VI.
1. claudit→ claudunt
2. es→ este
3. terge→
4. eunt→
5. tene→
6. vehe→
7. aperit→
8. lacrima→
9. vertit→
10. claude→
11. exspectantur→
12. aperite→