Professional Documents
Culture Documents
WIKA
WIKA
WIKA
Sabi nga nila, ang wika ang nagsisilbing kaluluwa ng ating lipunan na
nagbibigay buhay dito. Ito rin ang nagbubuklod sa atin na magkaisa at
magkaunawaan. Kaya sa pamamagitan ng wika, tayo ay nakikilala sa buong
mundo bilang mga Pilipino sapagkat ito ay susi sa ating pagkakakilanlan.
Subalit, maituturing din natin ang wika na isang agham at sining. Kamangha-mangha
ang ipinapakitang ningning ng ating wika sapagkat ito ay nagsisilbing agham upang
tayo ay matuto at magkaroon ng bagong kaalaman. Ito rin ay isang sining dahil sa
taglay nitong magbigay kulay sa buhay ng bawat indibidwal.
Maituturing ang wika na isang agham sapagkat nagbibigay ito sa atin ng mga
proseso upang matamo nating mga Pilipino ang kaalaman sa pamamagitan ng ating
mga pamamaraan na matuto at mag-aral gamit ang wika. Nagsimula tayo bilang
mga sanggol ng lipunan na kung saan ay natututo tayong magsalita gamit ang wika.
Sa ating paglaki, patuloy tayong natutong magsalita ng mga bagong salita at
magsulat dahil sa kakanyahan at kapangyarihan ng wika na magbigay sa atin ng
kaalaman at abilidad. Natatamo natin ang kaalamang sumasapat sa ating intelektwal
na tunguhin. Ito rin ang tulay upang tayo ay magkaintindihan at magpahayag ng
ating mga saloobin. Tayo ay mga siyentista na nagpapakadalubhasa na matuto mula
sa’ting wika. Ang wika bilang isang agham ang nag-uudyok sa ating mga tao na
ipamalas natin ang kahusayan sa pagsasaayos ng iba’t ibang impormasyon at
mensaheng pinakikinggan at binabasa para sa kapakinabangang pansarili at
pangkapwa. Kaya sa patuloy na pagkatuto natin ng wika, tayo ay mabilis na
makaangkop sa mga pagbabagong nagaganap sa ating mundo.
Tunay ngang maituturing ang wika na isang agham at sining. Agham, dahil
nagsisilbi itong pugad ng kaalaman na humuhulma sa mga maliliit na mayang tulad
natin. Sining, dahil ito ang nagbibigay kulay sa ating dugo, ang kaluluwa ng ating
kultura at ang pundasyon sa maunlad na bansa.