TUYIMBIDILA
YAVE
YE K IESE

WA KO N D WA S I N S U
TUYIMBIDILA
YAVE
YE K IESE
—1 TUSANSU 15:16

WA KO N D WA S I N S U


Nkumbu


Nkutakani
O nkanda wau ke wateka ko. Wakubikwa mu longa Nkand’a Nzambi kwa
wantu mu nza yawonso. E salu kiaki mu tukau twa mvevo kisadilwanga.
Muna vana lukau, kota muna donate.jw.org.
Tuyimbidila Yave ye KieseWakondwa Sinsu
“Sing Out Joyfully” to JehovahLyrics Only
Wanietekwa mu ngonde ya Abidi 2022
Kikongo (sjjyls-KG)
˘ 2017
Watch Tower Bible and Tract Society of Pennsylvania
Amwangi
Watchtower Bible and Tract Society of
New York, Inc., Wallkill, New York, U.S.A.
Made in Japan
˜
Wanietekwa kuna Japao
sjjyls-KG
220411
 Ndandani za Mambu

Yave 1-12
ˆ
Yesu/Lukulu 13-20
Kintinu 21-24
Akuswa ye Mameme Mankaka 25-27
Kikundi yo Yave 28- 40
Sambu 41- 47
Kukiyekola 48-52
Salu kia Umbangi 53-84
Tukutakanu 85-93
Nkand’a Nzambi 94 -98
Kintwadi Kieto kia Wan’a ngudi 99-103
Fu ya Nzambi 104 -130
Esi Nzo/Akundi 131-138
Vuvu Kieto 139-147
Luvuluzu/Lufuluku 148-151
1 Fu ya Yave wa Nzambi
(Lusengomono 4:11)
1. Yave wa Nzambi, ofwene nkembo,
Ngeye i mvangi ye tuku dia moyo.
Ngeye wavanga zulu ye ntoto;
Ngeye ofwene vumi weto.
2. E kunda kia Yave kia unsongi.
E nsiku miaku miawonso mia nsongi.
Nsema waku usianga kimbangi
Usonganga vo ngeye mvangi.
3. Yave sundidi mu zola kwaku.
Manene Yave o mavangu maku.
Watundalala muna fu yaku,
Tukembelela nkumbu aku.

(Tala mpe Nku. 36:9; 145:6-13; Kim. 3:14; Yak. 1:17.)

2 Yave i Nkumbu Aku
(Nkunga 83:18)
1. E Nzambi amoyo—
Nge wavanga yawonso
Muna tandu yawonso—
Yave i nkumbu’aku.
Dia kiese mu kala
Mu nkutakani aku.
Nkumbu’aku tukembela,
Mu nza yawonsono.

(MVUTUKILU)
E Yave, e Yave,
Nge kaka u Nzambi.
Kuna zulu ye va ntoto
Nge kaka waludi.
Nge u Nzambi Mpungu-ngolo,
Wantu bazaya wo.
E Yave, e Yave,
Nge kaka u Nzambi eto.
2. Okutukitula
Konso un’ozolele,
Twasala salu kiaku—
Yave i nkumbu’aku.
Tu Mbangi za Yave,
I nkumbu watuvana
Ekwe lau diampwena—
Ludi tusamuna.
(Mvutukilu)

(Tala mpe 2 Tus. 6:14; Nku. 72:19; Yes. 42:8.)

3 Yave i Nkum’eto, Tininu
Dieto ye Vuvu Kieto
(Ngana 14:26)
1. E Yave ngeye watuvana
vuvu kia sikila.
Twazayisa kio kwa wantu
bakulula ntantu.
E mpasi zeto zisakidi
wonga mpe zimwesanga
zilenda kutuyoyesa
twadimbul’e vuvu.

(MVUTUKILU)
E Yave nkum’eto,
ye vuvu kieto.
Ngeye tininu dia ngolo.
E ludi tulonga,
mu ngolo zaku
Ngeye tubunda e vuvu.
2. E Yave, kwa nge tulombanga
twasungamenanga,
Nge kaka tininu dieto
muna mpasi zeto.
Kwikizi kieto tutanina
e vuvu tukumika,
Utuvana mpe unkabu
twalonga nkumbu’aku.
(Mvutukilu)

(Tala mpe Nku. 72:13, 14; Nga. 3:5, 6, 26; Yer. 17:7.)
4 “Yave i Mvungudi Ame”
(Nkunga 23)
1. Yave i Mvungudi ame;
Yandi i vuvu kiame.
Muna nzila zandi ndiatila;
Yandi zeye ntim’ame.
Vana maza kekumfila,
Mavuvika ntim’ame.
Kuna luvuvamu yo zola
Kefilanga ntambi zame.
Kuna luvuvamu yo zola
Kefila ntambi zame.
2. Nzila za Yave za nsongi,
Nzila za luvuvamu.
E Yave umpana kwikizi
Yalonga nkumbu aku.
Kana mu wulu dia tombe,
Mono kimoni wonga,
Nzambi ame okundiatisanga,
Yandi i Nkundi ame.
Nzambi ame okumfilanga,
Yandi i Nkundi ame.
3. Yave nge Mvungudi ame;
Mu nzil’aku ndiatila.
Kumika mpe kwikizi kiame;
Mu ngeye ikwikila.
Ngeye i Nzambi amoyo,
Ngeye i vuvu kiame.
Unsonga zola, wete waku
Mu lumbu ya zingu kiame
Unsonga zola, wete waku
Muna luzingu lwame.

(Tala mpe Nku. 28:9; 80:1.)

5 Mavangu Masivi ma Nzambi
(Nkunga 139)
1. Yave, nge tomene kunzaya,
Avo ndele yovo nsikamene.
Ngeye zeye ntima ye ngindu zame,
Mpov’ame ye nzila zame,
zeye zo mpe.
Tuka mu vumu kia ngudi’ame,
Nge wambona ye visi yame mpe.
Yikwa yame; yawonso yasonama.
Nsanisini ngangu zaku
yo nkum’aku.
Nsivikidi zayi waku e Nzambi;
Moyo wame ukukembelela.
Vo mbona wonga wa tombe kia fuku,
E Nzambi umfuka mave maku.
E Yave akweyi ntinina,
Akweyi nswamina ndose aku?
Kuna zulu yovo mpe muna ziami,
Kana tombe yovo mbu;
ke kunsweka ko.

(Tala mpe Nku. 66:3; 94:19; Yer. 17:10.)

6 Zulu Ditelekanga Nkembo a Nzambi
(Nkunga 19)
1. E zulu dia Yave dizele nkembo.
O nsema wawonso,
salu kia Nzambi’eto.
Fuku mwini zulu diteleka.
O nkembo yo nkuma waku,
Ngangu, zola kwaku.
2. Nsiku’a Yave walunga ye wamoyo,
Nkanikinu miandi
i ntemo kw’awonso.
Mia nsongi, ziku, zola ye ludi.
E diambu diandi diambote,
Disundidi wiki.
3. Vumi waku usikila mvu ya mvu.
Yave nsiku miaku
misundidi mfunu.
Mitanina minkwikizi miaku.
Yakwele mvu tusamuna,
zitu wa nkumbu’aku.

(Tala mpe Nku. 111:9; 145:5; Lus. 4:11.)

7 Yave i Nkum’eto
(Yesaya 12:2)
1. E Yave u fika ye nkum’eto,
Tusanisini, Mvuluzi eto.
Tusamuna mio e nsilu miaku,
Kw’alembami ye kwa mbeni zaku.

(MVUTUKILU)
Yave u Tadi, kwa selo yaku
Tusamunanga ludi kiaku.
Nkembo kwa Yave wa Nzambi’amoyo,
Ngeye u Nzambi a Mpungu-ngolo.

2. Tukangalelanga muna ntemo;

Ludi kiaku kiatukiesa meso.
Muna Sono tuzeye nsiku’aku;
Tuyikamene Kintinu kiaku.
(Mvutukilu)

3. Mu zingu kieto nge tusadila.

Vo tubangikwa, nge tutadila.
Vo tutontwa, ngeye tusia vuvu.
Twazindalala yaku mbaninu.
(Mvutukilu)

(Tala mpe 2 Sam. 22:3; Nku. 18:2; Yes. 43:12.)

8 Yave i Tininu Dieto
(Nkunga 91)
1. Kwa Yave tusia vuvu,
Yandi fika kieto.
Kini kiandi tininu;
Swekameno dieto.
Selo yandi ketanina,
Yandi kaka tuvumina.
E Yave Mpungu-ngolo,
Nzambi’a kwikizi yo zola.
2. Kana vo ndonga bebwa
kansi selo yaku,
Ye kwikizi kiawonso
nge bebunda vuvu.
Ke tumoninge wonga ko;
wa mpasi za zingu kieto.
Vo mpasi zilwakidi,
Nzambi okufuka mave.
3. Muna ntambu mia mbeni
Yave i ntanini,
Nsadisi muna fuku,
Mu mwini tininu.
Ke tuvumiswa nkutu ko,
Ke tumoningi wonga ko.
E Yave fika kieto,
Osingika nzila zeto.

(Tala mpe Nku. 97:10; 121:3, 5; Yes. 52:12.)

9 Yave i Ntinu Eto!
(Nkunga 97:1)
1. Kwa Yave tuvananga nkembo,
Zulu diteleka unsongi wandi.
Tuyimbila yo sanisina Nzambi’eto;
Manene o mavangu mandi.

(MVUTUKILU)
Nkembo kuna zulu ye mu nza yawonso,
Yave wa Nzambi i Ntinu’eto!
Nkembo kuna zulu ye mu nza yawonso,
Yave wa Nzambi i Ntinu’eto!

2. Nkembo wa Yave tusamuna;

Kadi yandi Nzambi a luvuluzu.
O Yave Ntinu’eto; ofwene kembelwa.
Yandi kaka fwene sambilwa.
(Mvutukilu)

3. Kiyalanga Kintinu kiandi.

Muna Yesu Kristu wa Kuswa kiandi.
nzambi za nza yayi
zifusuka nsoni,
Yave kaka fwene sambilwa.
(Mvutukilu)

(Tala mpe 1 Tus. 16:9; Nku. 68:20; 97:6, 7.)

10 Tukembelela Yave wa Nzambi Eto!
(Nkunga 145:12)
1. Kembela! Yave wa Nzambi!
Nkembo wandi tuzayisa!
Awonso, tubalukisa,
Lumbu kiandi kifinamene.
Yave wayadika, Yesu Kristu
Kayala muna Kintinu.
Wantu beza kuna sambu diandi,
Batambula nsambu zandi!

(MVUTUKILU)
Kembela! Yave wa Nzambi!
Samunanga mavangu mandi!
2. Kembela! Yave wa Nzambi!
Tusanisina nkumbu’andi!
Ye kiese yo ntima mosi,
Nkembo wandi tusamunanga.
Yave wa Nzambi i Mpungu-ngolo,
Kansi wantu kezolanga.
Nkwa walakazi, nkenda ye ngemba;
Sambu yeto mpe kewanga.
(Mvutukilu)

(Tala mpe Nku. 89:27; 105:1; Yer.33:11.)

11 Nsema Ukembelelanga Yave
(Nkunga 19)
1. Yave, zulu dikukembelela,
O nsem’aku, ukulemvokela.
Fuku mwini usianga umbangi;
Nza yawonso itomene zaya.
Fuku mwini usianga umbangi;
Nza yawonso itomene zaya.
2. Vumi waku ngangu uvananga
Mu nzil’aku ukutufilanga.
Nsiku miaku meso mitemona—
Misundidi wolo ye palata.
Nsiku miaku meso mitemona—
Misundidi wolo ye palata.
3. Zayi waku, zingu utomesa,
Diambu diaku, vuvu disiamisa.
Ngeye kaka ofwene kembelwa
E nkumbu’aku ifwene zitiswa.
Ngeye kaka ofwene kembelwa
E nkumbu’aku ifwene zitiswa.

(Tala mpe Nku. 12:6; 89:7; 144:3; Roma 1:20.)

12 Yave i Nzambi Anene
(Luvaiku 34:6, 7)
1. Yave wa Nzambi, ofwene nkembo,
Tunda diaku diayingi,
Nzila zaku za nsongi.
Ovuidi nkuma, zola ye ngangu.
U Nzambi a mvu ya mvu.
2. E nkenda zaku okutusonga.
Kana vo tw’asumuki;
Okutulunga-lunga.
Malongi maku ye nzila zaku!
I lusadisu lweto.
3. Mbasi yo wantu bekukembela.
Ye kiese kiawonsono,
E lumbu yawonsono.
Yave wa Nzambi, ofwene nkembo.
Yambula wavewa wo.

(Tala mpe Nsi. 32:4; Nga. 16:12; Mat. 6:10; Lus. 4:11.)
13 Kristu i Mbandu Eto
(1 Petelo 2:21)
1. Yave watuzola,
Yo kutusambula,
Watuvana Mwan’andi Yesu Kristu.
Yesu wawutuka—
Mu nza ya masumu—
E nkumbu’a Yave, kakembelela.
2. E Diambu dia Nzambi,
I madia ma Yesu.
Diamvananga zayi yo umbakuzi.
Nzambi kasadila,
Mbandu katusonga;
Kwa Se diandi kasonga kwikizi.
3. Landa mbandu’a Yesu
Sadilanga Yave,
Tutanginina Yesu Mwan’a Nzambi.
E lumbu yawonso
Landa ntambi zandi,
Yave wa Nzambi katusambula.

(Tala mpe Yoa. 8:29; Efe. 5:2; Fil. 2:5-7.)

14 Kembelela Ntinu a Nz’ampa
(Nkunga 2:12)
1. O Kristu ye mpangi zandi,
bakuswa muna mwanda,
Bekutikanga ndonga
muna zula ye makanda.
Kintinu kia Nzambi kiza;
Kiavanga luzolo lwandi.
Kiaki i vuvu kia sikila,
Kitwasa nsambu kwa wantu.

(MVUTUKILU)
Tukembela Yave; Tukembela Kristu—
Yandi Ntinu mu nza yawonso
Kintinu kiandi tulemvokela
Yandi tukembelela.

2. Sanisina yo kembela
Kristu wa Ntinu eto.
Ntinu’a Luvuvamu,
Luzolo lwa Nzambi kevanga.
Tala nsambu tusinga vua:
Wonga usuka ova nza;
Mafwa mawonso mefuluka.
Ekwe nsambu, ekwe kiese!
(Mvutukilu)

(Tala mpe Nku. 2:6; 45:1; Yes. 9:6; Yoa. 6:40.)

15 Kembelela Mwan’antete a Yave!
(Ayibere 1:6)
1. Kembelela Ntinu,
Mwan’antete a Yave.
Mu nsongi keyadila;
Nsambu zingi ketwasa.
Vuete zitu yo nkembo
Yo zola kwa Nzambi,
Yave kesanisina,
Ye Kimfumu kiandi.

(MVUTUKILU)
Kembelela Ntinu!
Mwan’antete a Yave.
Oyantikidi yala,
Vana Mongo a Zione!

2. Kembelela Kristu,
Watwasa luvuluzu.
Muna kimenga kiandi;
Twalolokwa masumu.
Nzitikila ya Kristu,
Vuete nlel’ampembe.
Longo lwalu lwa zulu
Nzambi lukembela.
(Mvutukilu)

(Tala mpe Nku. 2:6; 45:3, 4; Lus. 19:8.)

16 Kembelela Yave Muna Kuswa Kiandi
(Lusengomono 21:2)
1. Yave wasola Mwan’andi
Kayala nza yawonso.
Muna unsongi keyadila,
Nsiku’a Nzambi kesadila.

(MVUTUKILU)
Nukembela Kuswa kia Yave.
Yeno selo yakwikizi,
Nkanikinu miandi nulunda mio,
e lumbu yawonsono.
Nukembela Kuswa kia Yave,
oyalanga kuna zulu,
Wavewa nkembo, wisa yo nkuma
Yave kakembelelwa.

2. Mpangi za Kristu basolwa.

Kwa Nzambi bawutuka.
Beyala kumosi yo Kristu
Mu twasa e Paradiso.
(Mvutukilu)

(Tala mpe Nga. 29:4; Yes. 66:7, 8; Yoa. 10:4; Lus. 5:9, 10.)
17 “Nzolele Wo”
(Luka 5:13)
1. Yesu Kristu watuzola,
Zulu dia Nzambi kasisa.
Kasadisa wantu
ˆ
Yo kubakula;
Menga mandi kabungula.
Mimbona mpasi kazola
Wawuka mbevo ye mpofo.
Wasala ye kwikizi kiawonso
Wavova vo: “Nzolele wo.”
2. Ntambi za Yesu tulanda
Tufwilanga wantu nkenda.
Zola tubasonga
Yo kubalonga;
Balunda nsiku mia Nzambi.
Tusadisa mpangi zeto;
Tubasonga zola kweto.
Vo nsona olomba lusadisu,
Vutula vo: “Nzolele wo.”

(Yoa. 18:37; Efe. 3:19; Fil. 2:7.)

 ˆ
18 Vutulanga Matondo mu Kuma kia Lukulu
(Luka 22:20)
1. E Yave twizidi,
vana kunda kiaku,
Ngeye watuzola
Yampwena e nzol’aku.
Mwan’aku wateta nzila
twavua moyo.
E kimenga kisundidi
ntalu wavana.

(MVUTUKILU)
ˆ
Yesu Kristu watukula.
Menga mandi kabungula.
Tuvutula
matondo kwa Yave yakwele mvu.

2. O Yesu wayitambika
kuna zola.
Moyo andi walunga
i ntalu kafuta.
Ke twakala ye vuvu ko
kia vuluzwa.
Kansi muna nkenda zaku,
Tuvuila moyo
(Mvutukilu)

(Tala mpe Ayi. 9:13, 14; 1 Pet. 1:18, 19.)

19 Nlekelo a Mfumu
(Matai 26:26-30)
1. Yave wa Nzambi kuna zulu,
Fuku wau wavauka!
Ngeye watufwila nkenda zisundidi
Wasonga zola ye ngangu.
Mwan’ameme dia Nduta badia,
ˆ
O nkangu aku wakulwa.
Mfumu Yesu menga mandi kabungula
Ungunza waku kalungisa.
2. E mbolo ye vinyu i sinsu,
Kia kimenga wakubika.
Mwan’aku watuma
ˆ
Kafuta lukulu,
Walemvoka yamu lufwa.
Tusungamene Lumbu kiaki;
Ntim’eto tukubikidi
Lufwa lwa Mwan’aku
ˆ
Lwatwasa lukulu
ˆ
E nza yawonsono kakula.
3. Vana ndose aku i twina.
Yeto mameme wazola
Ngeye tutondanga muna
tuma Kristu
E Yave tukukembela.
Lufwa lwa Yesu tuyindula
Lwasiamisa vuvu kieto.
Twakangalelanga muna nzil’a Kristu,
Twatambula moyo’a mvu ya mvu.

(Tala mpe Luka 22:14-20; 1 Kor. 11:23-26.)

20 Mwan’aku Wavana
(1 Yoane 4:9)
1. E Yave, Se dieto,
Twavila twakala.
ˆ
Lukulu i vuvu
Kwa yeto wantu!
Ngeye tusadila,
Muna zingu kieto.
Tuzayisa wantu,
O luzolo lwaku.

(MVUTUKILU)
Matondo e Yave,
Mwan’aku wavana,
Ngeye tukembelela,
Tukukembela mvu ya mvu.
2. Kwa ngeye twizidi,
E Nzambi a zola.
Nkumbu’aku, yanene,
Tuzitisanga.
Ngeye watuvana
Lukau lwantalu.
Watuma mwan’aku.
Katuvana moyo.
(Mvutukilu)

(MFOKO)
E Yave, Se dieto, ngeye tutondanga.
Mwan’aku watuma katuvana o moyo.

(Tala mpe Yoa. 3:16; 15:13.)

21 Vavanga Ntete Kintinu
(Matai 6:33)
1. Kintinu kia Yesu Kristu,
Kisundidi o mfunu,
Kitwasa nsambu kwa wantu,
Yo fokola e mpasi.

(MVUTUKILU)
Tuvava ntete Kintinu
Yo unsongi wa Nzambi.
Tusamuna nsangu zandi,
Tusala ye kwikizi.

2. Ka tutelami moyo ko,

‘Mu kuma kia dia yo nua?’
Tuvewa yo kwa Nzambi’eto
Vo tuvava Kintinu.
(Mvutukilu)

3. Tusamunanga Kintinu;
Yo sadis’alembami
Babunda e vuvu kiau
Mu Kimfumu kia Yave.
(Mvutukilu)

(Tala mpe Nku. 27:14; Mat. 6:34; 10:11, 13; 1 Pet. 1:21.)
22 Kintinu Kiayadikwa
—Yambula Kiza!
(Lusengomono 11:15; 12:10)
1. E Yave, wa Mpungu-ngolo,
U Nzambi’a mvu ya mvu.
Wavana Yesu kintinu;
Mu yala se kena.
Kintinu kiwutukidi;
Kiyala nza yawonsono.

(MVUTUKILU)
Kintinu kia Nzambi
Kiyalanga kuna zulu.
Tusamba kwa Yave,
Kiza ‘e Kintinu kiandi!’

2. Ntangw’a Satana imene

Se kefwasw’e mvimba.
E zingu kieto kiampasi,
Kifokok’e mvimba.
Kintinu kiwutukidi;
Kiyala nza yawonsono.
(Mvutukilu)
3. Ekwe nkembo kuna zulu
Mbasi zikembele.
E zulu divevokele
Mu ntonta za Mbeni.
Kintinu kiwutukidi;
Kiyala nza yawonsono.
(Mvutukilu)

(Tala mpe Dan. 2:34, 35; 2 Kor. 4:18.)

23 Yave Oyantikidi Yala
(Lusengomono 11:15)
1. Kintinu kiyalanga.
Mwan’a Nzambi i ntinu.
Yesu Kristu i tadi va Zione.
Ye kiese tuyimbila.
Nzambi tukembelela.
Kristu wa Mvuluzi,
ntinu a kwikizi.

(MVUTUKILU)
Nki kitwasa Kintinu kiandi?
Luvuvamu yo unsongi.
Moyo wakwele mvu kitwasa.
Vimpi muna nitu zeto.
Kembelela Mpungu-ngolo
Mu nzol’andi kasonga.

2. Kristu tambwidi wisa,

Armangedo ilweke.
Nza ya Satana ifwasw’e mvimba.
E ludi tusamuna.
Ndonga ina mu tombe;
Alembami
beza ku sambu dia Nzambi.
(Mvutukilu)
3. Kristu tusanisina.
Nzil’andi tudiatila.
Muna nkumbu’a Nzambi kayizila.
Nzambi tukembelela.
Tulomba nkenda zandi.
Mu nza yawonso
Yave fwene sambilwa.
(Mvutukilu)

(Tala mpe 2 Sam. 7:22; Dan. 2:44; Lus. 7:15.)

24 Nwiza ku Mongo a Yave
(Yesaya 2:2-4)
1. Tusengola meso,
Kuna ntandu a mongo.
Mongo wa Nzambi eto
Ukundidikilu.
Ndonga mu nza yayi,
Yave besadilanga,
Wantu bebokelanga,
‘Nwiza twansadila.’
Ifwene e ntangwa
Kiandwelo se zula kiangolo.
Kwa Nzambi a nkembo,
Nsambu zingi tutambulanga.
Unu ndong’ayingi
Ikivene kwa Yave.
Vumi ye kwikizi
Besonganga kwa yandi.
2. Yesu watutuma
Twalonga nza yawonso.
E nsangu za Kintinu
Zilweke kw’awonso.
Kristu oyalanga,
Zolele twanyikama.
Alembami bewanga
Malongi ma Nzambi.
E kiese kiayingi,
Mu mona e ndonga yayingi.
E ludi tulonga,
Wantu’awonso bazaya Yave.
Tuzangula ndinga,
Twabokela awonso,
‘Beza ku mongo’a Yave,
Bakala ko mvimba.’

(Tala mpe Nku. 43:3; 99:9; Yes. 60:22; Mav. 16:5.)

25 Nkangu Wakivuila wa Nzambi
(1 Petelo 2:9)
1. Akuswa vangwa yampa,
Kwa Yave wa Nzambi’eto.
Va nza yayi basolwa,
Muna mwand’a Nzambi.

(MVUTUKILU)
Kwa Nzambi bavuilu,
Nkumbu’andi besamuna.
Muna nza, yawonso.
Bezolanga kembela Yave.

2. Yau nkangu’avelela,
E ludi belonganga.
Bakatulwa mu tombe
Bayiza ku ntemo.
(Mvutukilu)

3. Mameme bekutika,
Ye kwikizi kiawonso.
Yesu Kristu belanda
E lumbu yawonso.
(Mvutukilu)

(Tala mpe Yes. 43:20b, 21; Mal. 3:17; Kol. 1:13.)

26 Kwa Mono Nwavanga Wo
(Matai 25:34-40)
1. Mameme mankaka, ma Yesu wa Ntinu
ntwadi mesalanga ye mpangi zandi.
Mfumu Yesu Kristu
singa kubasenda
muna sadisanga e mpangi zandi.

(MVUTUKILU)
“Vo nwabasadisa, nwakunsadisa.
Vo nwabakumika, nwakunkumika.
Mawonsono kwa mono nwavanga mo.
Mana nwavanga, makunsadisa.
Vo nwabasadisa, nwakunsadisa.”

2. “Nwakumpana madia, vava yafwa nzala

muna mpasi zame, nwakunkingula.”
“Mameme meyuvula,
Mfumu nkia ntangwa?”
Ntinu Yesu okubavutula vo:
(Mvutukilu)

3. “Ye kwikizi kieno, nukunsadilanga,

kumosi ye mpangi zame akuswa.”
Yesu ovovesa
mameme mandi vo:
“Nuiza mu Paradiso nwavua moyo.”
(Mvutukilu)

(Tala mpe Nga. 19:17; Mat. 10:40-42; 2 Tim. 1:16, 17.)

27 Lusengomoko lwa Wan’a Nzambi
(Roma 8:19)
1. Nzambi watusengomona
Wan’andi Akuswa.
Beyala ntwadi yo Kristu
Tuka kuna zulu.

(MVUTUKILU)
Wan’a Nzambi’eto beyala
Yo Kristu wa Ntinu.
Bekota muna nkembo’andi
Bavua nsambu zandi.

2. Kristu wa Ntinu okwiza

Ye wisa kiawonso.
´
Muna zu dia mpungi’a nsuka,
Okutik’awonso.
(Mvutukilu)
´
(ZU DIANKAKA)
Yesu Kristu ye Akuswa
Benwana e vita.
Longo lwa kiese ku zulu
Longo lwa mvu ya mvu.
(Mvutukilu)

(Tala mpe Dan. 2:34, 35; 1 Kor. 15:51, 52; 1 Tes. 4:15-17.)
28 Tukala Akundi a Yave
(Nkunga 15)
1. Nani lenda kala,
Nkundi’aku e Yave?
Nani nkundi’aku, osia vuvu?
Ye nani ozeye?
´
Ana bewa Diambu,
Diaku yo kwikila,
Akwa unsongi ye kwikizi,
Besonganga vumi.
2. Yave nani lenda,
Toma kufinama?
Nani lenda kuyangidika?
Ye nani ozeye?
Ana bezolanga,
Nkanikinu miaku,
Awana bena ye kwikizi,
Bevovanga ludi.
3. Kwa ngeye tulomba,
Watulunga-lunga,
Utufinama muna zola,
Ngeye tukembela,
Kikundi yo Yave.
Kia ntalu kikilu.
Ngeye kaka i Nkundi eto,
Nge kaka tuzeye.

(Tala mpe Nku. 139:1; 1 Pet. 5:6, 7.)

29 Tuzitisa e Nkumbu Tuyikilwanga
(Yesaya 43:10-12)
1. Nkembo kwa Yave, Nzambi a mvu ya mvu,
Nkwa nkuma, zola yo walakazi.
Nkwa ziku ye ngangu za kondwa tezo,
Tuka kuna zulu oyalanga.
E salu kiaku nsambu kitwasanga;
Kintinu kiaku tusamunanga.

(MVUTUKILU)
Kala Mbangi zaku lau diampwena.
E nkumbu’a Yave tuzitisa yo!

2. Salu kiavauka tukusadila

Kwa mpangi zeto tusonga zola.
Ludi kiaku tusamuna kwa wantu
Dia kiese mu zayisa nkembo’aku.
Muna nkumbu aku tuyikilwanga
E tunda diaku tuwokesanga.
(Mvutukilu)

(Tala mpe Nsi. 32:4; Nku. 43:3; Dan. 2:20, 21.)

30 Se Diame, Nzambi Ame ye Nkundi Ame
(Ayibere 6:10)
1. Mpasi, dilu ye ntantu,
Zisakidi ova nza yayi.
Kansi mono nzeye vo,
“Moyo mfunu wina.”

(MVUTUKILU)
Kadi Nzambi wansongi,
Ozeye nzola isonganga.
Nzambi kangiambwidi ko;
Kimonanga kinsona ko.
Nzambi ntanini ame,
yaku mbaninu unkumika.
Yave Nzambi i Se diame,
Nkundi ame.

2. Owau se i nunu;
E zingu kiame se kiampasi.
Yasimba lukwikilu,
Ye vuvu kwa Nzambi.
(Mvutukilu)

(Tala mpe Nku. 71:17, 18.)

31 Kangala yo Nzambi!
(Mika 6:8)
1. Kangala yo Yave Nzambi;
Mu ludi ye kwikizi.
Landa nzil’andi kala nkundi’andi,
Kwa Yave okumikwa.
E ludi kiandi simbinina;
Ku vengomoki ko.
Mu nzil’andi kangalela
O Yave lemvokela.
2. Kangala yo Yave Nzambi;
Zola mambu mansongi.
Kana mu mpasi Yave nsadisi,
Zizidilanga mpasi.
Yindula mambu mavelela,
Yave mekembela,
Badika mo mu ntim’aku,
Nzambi’aku wina yaku.
3. Kangala yo Yave Nzambi;
Ye kiese kiawonsono.
Tondanga Yave mu nsambu zandi
E lumbu yawonsono.
Kangala yo Nzambi ye kiese;
Yimbidila Yave.
Vuminanga yo sia vuvu,
Kwa Yave Mpungu-ngolo.

(Tala mpe Etu. 5:24; 6:9; Fil. 4:8; 1 Tim. 6:6-8.)

32 Kala Kuna Sambu dia Yave!
(Luvaiku 32:26)
1. Ntima mieto mu tombe miakala,
E tombe kia nsambil’a luvunu;
Diakiese wau tuzeye ludi
E ludi kia Kintinu.

(MVUTUKILU)
Ku sambu dia Yave; Kala ye kiese.
Ke kuyambula ko; landa nzil’andi.
Samunang’e nsangu za luvuluzu.
Nzambi wayadika Yesu se Ntinu.

2. Kwa Yave sikila ye kwikizi,

Mwawonsono tusamuna ludi.
Wantu beza ku sambu dia Nzambi,
Bavua e nsambu zandi.
(Mvutukilu)

3. Ke tumwena Satana wonga ko.

Yave wa Nzambi i vuvu kieto.
Mu nza yayi ke tuna ndonga ko,
Yave tininu dieto.
(Mvutukilu)

(Tala mpe Nku. 94:14; Nga. 3:5, 6; Ayi. 13:5.)

33 Yekeka Zitu Diaku kwa Yave
(Nkunga 55)
´
1. Yave “wa e sambu kiame.”
Unsadisa Nzambi’ame.
Kulula e nkenda zame;
Katula wonga wame.

(MVUTUKILU)
Yekeka e zitu diaku;
Kwa Yave Nzambi nsadisi’aku.
Yave ke kuyambula ko.
Kalendi kusisa ko.

2. Kele vo yakala yembe,

yadi timuka kwame,
Yatina e mbeni zame,
Bevavanga moyo wame.
(Mvutukilu)

3. Yave do utukumika,
Ngindu zeto vuvika.
E mpasi zeto vevola.
Yave nge Nzambi’a zola.
(Mvutukilu)

(Tala mpe Nku. 22:5; 31:1-24.)

34 Kangalela Muna Ziku
(Nkunga 26)
1. Undungisa, Yave wa Nzambi’ame;
Ye ziku kiawonso ikivene kwa nge.
Umfimpa do, sata ngindu zame;
Yave unsambula yo kumpelelesa.

(MVUTUKILU)
Vo i mono, muna zingu kiame
ikangalelanga muna ziku kiame.

2. Kivuandanga y’akwa luvunu ko.

Kikundi mbengene ye mimpanga mambi.
E Yave do, lunda moyo wame
Kifwa kumosi ko ye mimpanga mambi.
(Mvutukilu)

3. Muna nzo’aku nzolele zingila.

Yave ludi kiaku i ntemo’avelela.
Va ziku diaku ikangalela,
Nge kaka nzitisa yo kukembelela.
(Mvutukilu)

(Tala mpe Nku. 25:2.)

35 “Nuzaya Mambu
Masundidi o Mfunu”
(Filipi 1:10)
1. Umbakuzi tuvuidi o mfunu,
Muna zaya e ludi,
Ye mambu mana tufwete venga,
Y’oma tufwete vanga!

(MVUTUKILU)
Zola wete; Menga o bi.
Zindalala;
Mwesa Nzambi e kiese, sambanga,
Longokanga,
I mambu mamfunu tuvanga!

2. Nkia salu kisundidi e salu

Kia lukisa o wantu,
Kia longanga, e ludi kwa wantu
Beza mu nzil’a Nzambi?
(Mvutukilu)

3. Avo tuvanga mambu mansongi,

Tusikila mu ludi.
Tuvua mpe luvuvamu lwa ntima
Ye vuvu kiasikila.
(Mvutukilu)

(Tala mpe Nku. 97:10; Yoa. 21:15-17; Fil. 4:7.)

36 Tulunga-lunga Ntima Mieto
(Ngana 4:23)
1. O ntima tulunga-lunga;
Twavenga e sumu.
Ntima mia wantu awonso
Nzambi ozeye mio.
O ntima ulenda yela,
Yo vengomoka mpe.
Tulunga-lunga ntim’eto
Muna nzil’a Yave.
2. Ntim’aku toma kubika
Mu samba kwa Nzambi.
Unkembela yo kuntonda,
Songa nsatu zaku.
Yave okutulonganga,
Tunlemvokelanga.
Kwa Nzambi songa kwikizi,
Landa nzila zandi.
3. Yambula makani mambi,
Yindula mansongi.
Longoka Diambu dia Nzambi,
Dia soba ntim’aku.
Yave ansongi kezola;
Tukala ansongi.
Sambanga yo ntima mosi
Kala nkundi andi.

(Tala mpe Nku. 34:1; Fil. 4:8; 1 Pet. 3:4.)

37 Sadila Yave ye Nsi a Ntima Yawonso
(Matai 22:37)
1. E Yave u Mpungu-ngolo,
Ngeye nzolele lemvokela.
Nge kaka mfwete sambila;
E Nzambi’ame; ngeye nsadila.
Nsiku miaku nlunda ye ziku;
Yavanga luzolo lwaku!

(MVUTUKILU)
E Yave ngeye ofwene;
Vumi wame wa nsi a ntima.

2. E zulu dikukembela.
Ntoto ye ngonde ye ntetembwa.
Kwa ngeye nsonga kwikizi,
E nkumbu’aku isamunanga.
Moyo ame ukusadila,
Ndofi ame ilungisa.
(Mvutukilu)

(Tala mpe Nsi. 6:15; Nku. 40:8; 113:1-3; Kim. 5:4; Yoa. 4:34.)
38 Yave Okukumika
(1 Petelo 5:10)
1. Zay’e kuma Nzambi kasongela ludi
Yo kuvaikisa muna tombe.
Wamona ntim’aku yo luzolo lwaku
Lwazaya ludi ye nzila zandi.
Mu sambu kiaku wakiyekola;
Yave kasadisa wasikila.

(MVUTUKILU)
Kwa Nzambi wasumbwa mu
menga ma mwan’andi.
Kwa Nzambi ovuilu,
i ntanini aku.
Yave okufila e lumbu,
yawonsono.
Kwa yandi ovuilu,
osinga kumikwa.

2. Nzambi watuma Kristu mu wete diaku;

I luzolo lwandi wakumama.
Wauna kavana Mwan’andi anzolwa,
Okuvana nkum’ovuidi mfunu.
Nzambi kakondelo unsongi ko;
Ke vilakana selo yandi ko.
(Mvutukilu)

(Tala mpe Roma 8:32; 14:8, 9; Ayi. 6:10; 1 Pet. 2:9.)

39 Tukivangila Nkumbu Ambote
Vana Ndose a Nzambi
(Kimpovi 7:1)
1. Lumbu yawonso muna zingu kieto
Tukivangila e nkumbu ambote.
Yave tusadila yo kunlemvokela,
Twayangidika o ntim’andi.
2. O zola nkumbu ambote ova nza
Yo vava tunda yo nkembo’a nza yayi.
I mpavala kwandi, vo tukala twa nza,
Ke tuvua nsambu za Yave ko.
3. Vumi tusonga kwa Nzambi Se dieto
Katusoneka muna nkand’a moyo.
Tusonga kwikizi, tusadila Nzambi
Tukingavila nkumbu’ambote.

(Tala mpe Etu. 11:4; Nga. 22:1; Mal. 3:16; Lus. 20:15.)
40 Kwa Nani Tuvuilu?
(Roma 14:8)
1. Kwa nani ovuilu?
Nkia nzambi lemvokela?
Yandi i mfumu osambila
I nzambi aku sadila.
Kulendi sadila;
E mfumu zizole ko.
Kadi mosi kaka lenda zola
Yandi fwete sadila.
2. Kwa nani ovuilu?
Nkia nzambi lemvokela?
Ya ludi yovo ya luvunu,
Sola ndiona ozolele.
Nga wakinu songa
Kwikizi kwa Kaisa?
Vo Nzambi’aludi olemvokela
Vanga luzolo lwandi.
3. Nga nani umvuidi?
Yave i Nzambi ame.
S’ame kuna zulu nsadila;
Ilungisa ndofi ame.
Mu ntalu kansumba;
Yandi kaka nsadila.
Mu menga ma Yesu kansumbila.
Nkumbu’andi ikembela.

(Tala mpe Yos. 24:15; Nku. 116:14, 18; 2 Tim. 2:19.)

41 Wa´ Sambu Kiame
(Nkunga 54)
´
1. Yave Nzambi, wa sambu kiame.
Nge umvuidi; nge i Nzambi’ame.
Nkumbu aku, yatundalala.

(MVUTUKILU)
´
Wa sambu kiame, Nzambi ame.

2. Itondele, Nzambi a zola

Untanina, unsonga nzila.
Muna mpasi nge i nsadisi.
(Mvutukilu)

3. Undiatisa mu nzil’a ntemo!

Unkumika muna mawonso.
Yavanganga mambu ma nsongi.
(Mvutukilu)

(Tala mpe Luv. 22:27; Nku. 106:4; Yak. 5:11.)

42 Sambu kia Selo kia Nzambi
(Efeso 6:18)
1. Yave Nzambi, ngeye Mpungu-ngolo,
Nge ofwene zitu weto yo nkembo.
Luzolo lwaku tuvanganga.
Kintinu kiaku tuvingilanga.
Muna luzolo lwaku,
Tuvuila nsambu zaku.
2. Konso lumbu muna zingu kieto,
Kwa nge Yave tuvutula matondo.
Nzambi’a ntemo, Tuku dia moyo,
Utuvana zayi, ngangu zaku
Yo umbakuzi waku.
Nge kaka tukembela.
3. Mu nza yayi, mpasi zisakidi.
Yave wa Nzambi ngeye i nsadisi.
Kwa nge tuyekeka mazitu.
Utukumika twazizidila.
Salu kiaku tusala,
Nsilu’eto tulungisa.

(Tala mpe Nku. 36:9; 50:14; Yoa. 16:33; Yak. 1:5.)

43 Sambu kia Matondo
(Nkunga 95:2)
1. E Yave ofwene tambula nkembo.
E mfumu kwa ngeye tusambanga.
Ngeye tubunda vuvu yo sadila,
Muna tininu diaku tukala.
E lumbu yawonso tusumukanga.
Luloloko lwaku tulombanga.
ˆ
Yesu Kristu wakula mioyo mieto.
Nge waloloka masumu meto.
2. Matondo muna nzol’aku ye nkenda.
E Yave nzila zaku tulanda.
Utulonga nzil’aku twasadila.
Muna ludi kiaku tudiatila.
Mwand’aku wavelela i nsadisi.
Matondo mu walakazi waku.
Ngeye tusadila yo lulembamu;
Matondo e Yave Nzambi’a zola.

(Tala mpe Nku. 65:2, 4, 11; Fil. 4:6.)

44 Sambu kia Nlembami
(Nkunga 4:1)
´
1. Kwa nge Yave ndombele wawa e
“Sambu kiame.”
Ndunzi ye mpasi za mputa;
zame zisakidi.
Ntovokele mu lukendalalu
lwa ntim’ame.
Unsadisa umfwa nkenda;
Nzambi a fiauzi.

(MVUTUKILU)
Unkumika; yakala ngwi.
Kumika mpe, vuvu kiame.
Muna mpasi, unsadisa.
E Yave do, unkumika.

2. Diambu diaku dikumfiaulwisa

vo ngioyele,
Disonganga ngindu
kilendi tetomona ko.
Umpana kwikizi ye vuvu
mu Diambu diaku.
Unsadisa yazaya
nzol’aku isundidi.
(Mvutukilu)

(Tala mpe Nku. 42:6; 119:28; Roma 8:26; 2 Kor. 4:16; 1 Yoa. 3:20.)
45 Ngindu za Ntim’ame
(Nkunga 19:14)
1. Makani ma ntima ame,
Ye ngindu zame zawonso—
Mfumu, nge ziyangidika,
Yasikila mu nzil’aku.
Vo ntokani zisakidi
Yo tulu tuvempokele,
Ikuyindula e mfumu
O mansongi iyindula.
2. Mawonso oma maludi,
Mawonsono mavelela,
Ye mawonsono mambote—
Mevuvika ngindu zame.
E ngindu zaku e Yave!
Ke zitangakananga ko.
Ifimpa e Diambu diaku,
Yazaya dio, yalunda dio.

(Tala mpe Nku. 49:3; 63:6; 139:17, 23; Fil. 4:7, 8; 1 Tim. 4:15.)
46 Tutondele Yave
(1 Tesalonika 5:18)
1. Tutondele Yave, fuku yo mwini,
Wau watuvana ntemo aku.
Tutondele Yave owang’e sambu,
Tukufinama muna vua nsambu.
2. Tutondele Yave, muna Mwan’aku
Wasunda e nza mu lukwikilu.
Matondo mu kutusonga nzil’aku.
Twalenda vanga luzolo lwaku.
3. Tutondele Yave, tukusadila
E nkumbu aku tukembelela.
Tutondele Yave watutambula,
Kintinu kiaku nsambu kitwasa.

(Tala mpe Nku. 50:14; 95:2; 147:7; Kol. 3:15.)

47 Sambanga kwa Yave Lumbu Yawonso
(1 Tesalonika 5:17)
1. Samba kwa Yave, owanga sambu.
Tusamunanga e nkumbu andi.
Tuziula ntim’eto kwa yandi,
Kwa Yave tubundanga e vuvu.
Tukwamanana samba.
2. Kwa Yave tuvutula matondo,
Ololokanga masumu meto.
Kwa Nzambi tufunguna bi weto.
Mvangi eto zeye vo tu ntoto.
Tukwamanana samba.
3. Vo lubangamu samba kwa Yave.
O Se dieto utufinamene.
Tutinina ku nsi’a mave mandi;
Vuvu tubunda muna nkum’andi.
Tukwamanana samba.

(Tala mpe Nku. 65:5; Mat. 6:9-13; 26:41; Luka 18:1.)

48 Kangala yo Yave Lumbu Yawonso
(Mika 6:8)
1. Yo Se dieto tukangala,
Yo lusakalalu lwa ntima.
Nkwa nkenda yo walakazi
Kw’awonso besonga kwikizi!
Nzambi wateta e nzila;
Kimana twansadila.
Twayekola zingu kieto;
Kwa Yave wa Nzambi eto.
2. Nza ya Satana ifwaswa,
E mbaninu ifinamene,
E kitantu tusiwanga
Kilenda kutumwesa wonga.
Kansi Yave i tininu;
Tufwete kumfinama,
Twansadila yakwele mvu.
Kwikizi kieto tusonga.
3. Nzambi okutusadisa
Muna mwanda ye Diambu diandi,
Muna nkutakani andi,
Muna sambu ye ndomba zeto.
Vo tukangala yo Nzambi,
Tuvang’owu wa nsongi.
Tukala ku sambu diandi
Twadiatila mu nzil’andi.

(Tala mpe Etu. 5:24; 6:9; 1 Nti. 2:3, 4.)

49 Tuyangidika Ntim’a Yave
(Ngana 27:11)
1. Kwa nge, tukivene Yave;
Twavanga luzolo lwaku,
Salu kiampwena tusala
Twayangidika ntim’aku.
2. Ntaudi aku ova nza,
Nkumbu aku kesamuna
Katudikila mu mwanda,
Twavanga luzolo lwaku.
3. Utuvana o mwand’aku,
Twasikila muna ludi
Twakembelela nkumbu’aku.
Twayangidika ntim’aku.

(Tala mpe Mat. 24:45-47; Luka 11:13; 22:42.)

50 Sambu Kiame kia Kukiyekola
(Matai 22:37)
1. Ntim’ame uzolele
Ludi ye ngangu zaku.
Yambula yakembela
E Yave yasadila.
2. Moko ye malu mame;
Nzil’aku melandanga.
Ngiekwele zingu kiame
Kwa nge Yave Nzambi’ame.
3. E Mfumu untambula,
Mu nzil’aku ndiatila.
Yave mavangu mame,
Ngeye meyangidika.

(Tala mpe Nku. 40:8; Yoa. 8:29; 2 Kor. 10:5.)

51 Tukiyekwele kwa Nzambi!
(Matai 16:24)
1. Kwa Nzambi, tukiyekwele muna Kristu
Tukitukidi alandi’andi.
E ludi kikezima,
Vana kunda kia Yave.
Mu lukwikilu lweto;
Tuvene zingu kieto.

(MVUTUKILU)
Kwa Nzambi tukiyekwele ye nsi’a ntima.
Yave yo Kristu i tusadila.

2. Muna sambu tuvovele kwa Nzambi’eto:

Ngeye nsadila yakwele mvu.
E kiese kieto kingi,
Vo tusila umbangi,
Kintinu tusamuna,
Nzambi’eto tuzitisa.
(Mvutukilu)

(Tala mpe Nku. 43:3; 107:22; Yoa. 6:44.)

52 Kukiyekola kwa Akristu
(Ayibere 10:7, 9)
1. Yave wa Nzambi i Mvangi
Wampwen’o nsem’andi,
Diandi e zulu ye ntoto,
Yandi wavanga yo.
Yave i tuku dia moyo
Wasonga kwa wantu
Vo nkembo yandi ofwene wo,
Yandi fwene sambilwa.
2. Yesu mu maza kavubwa
Unsongi kasonga.
Kwa Nzambi andi kasamba:
‘Ngeye isadila.’
Watomboka muna maza
Se Kuswa kia Nzambi,
Wasamba kwa Yave Se diandi:
‘Luzolo lwaku mvanga.’
3. E Yave twizidi kwa nge,
Ngeye tukembela.
Luzolo lwaku tuvanga,
Tukivene kwa nge.
Wavana Mwan’aku Yesu,
ˆ
Yandi watukula.
E Yave ngeye tusadila,
Mu moyo yovo lufwa.

(Tala mpe Mat. 16:24; Maku 8:34; Luka 9:23.)

53 Kubama Wasamuna e Nsangu Zambote
(Yeremiya 1:17)
1. Ku kiele.
Nkubamene
Ngienda sila umbangi.
Zulu dilomba,
Mvula inokene.
Nzolele vo yaleka tulu,
yavunda.

(MVUTUKILU)
Mfwete kwenda samuna nsangu,
Nsambidi kwa Nzambi;
Kansadisa yalembi yoya,
Yasamuna.
Mbasi zandi zikumfilanga.
Yesu Kristu Mfidi.
Ngina ye mpangi za kwikizi,
Kiyoya ko.
2. E nsambu
Zingi ivua
Vo nzindalele mvimba.
O Yave zeye
Ngolo ivanganga,
Kalendi zo vilakana ko;
nzeye wo.
(Mvutukilu)

(Tala mpe Kim. 11:4; Mat. 10:5, 7; Luka 10:1; Tito 2:14.)
54 “Yayi i Nzila”
(Yesaya 30:20, 21)
1. Yayi nzil’a kiese,
Nzil’a luvuvamu.
Nzil’eyi solwele,
Yankulu kikilu,
O Yesu wasonga yo
Kw’alandi andi.
I nzil’a ungudi,
Muna Nkand’a Nzambi.

(MVUTUKILU)
Yayi nzila, lenda vuila moyo.
Diatila mo; kuvengomoki ko!
Nzambi oku vo: ‘Yayi nzila;
Kangalela muna nzil’a moyo.’

2. Kuvengomoki ko,
Muna nzil’a zola.
Nzambi nsongi’a nzila
Kena waswama ko.
Nkwa zola yo wete;
Nzol’andi ya ludi.
Yayi nzil’a zola;
I nsabi za moyo.
(Mvutukilu)
3. Kuvengomoki ko,
Muna nzil’a moyo.
Nzambi wasia nsilu:
Yayi nzil’ambote,
Yayi nzil’a ungudi,
I nzil’a zola.
Tutondele Nzambi,
Watusonga nzila.
(Mvutukilu)

(Tala mpe Nku. 32:8; 139:24; Nga. 6:23.)

55 Ke Nubamoni Wonga Ko!
(Matai 10:28)
1. Nkangu ame nusamuna,
E nsangu za Kintinu.
Ke numoni wonga ko.
Nuzayisa kw’awonso
Yesu Kristu Mwan’a Nzambi,
Kuna zulu vetele,
Satana wa ntantu’a Nzambi,
Ofwaswa yakwele mvu.

(MVUTUKILU)
Ke nubamoni wonga ko,
Vo bekunuvumisa
Selo yame yakwikizi
Omono i mvuluzi.

2. Selo yame mbeni zeno,

Ndonga bena ova nza,
Balenda kunuveza,
Yovo kunubangika.
Ke numoni wonga ko,
Selo yame yakwikizi,
Kwikizi kieno nusimbinina
Yanuvuluza.
(Mvutukilu)
3. Mono swekameno dieno;
Kikunuyambula ko.
Kana nkutu nufwidi,
Ke nuvilakanwa ko.
Ke nubamoni wonga ko
Mono tuku dia moyo.
Yaku mbaninu nuzindalala;
Yanusambula!
(Mvutukilu)

(Tala mpe Nsi. 32:10; Nek. 4:14; Nku. 59:1; 83:2, 3.)
56 Kitula e Ludi se Vua Diaku
(Ngana 3:1, 2)
1. E nzil’a ludi, i nzil’a vuila moyo,
Ngeye zeye kan’olanda yo.
´
Yo ntim’a kiese, wa malongi ma Yave;
Malongi mandi mambote.

(MVUTUKILU)
Kitula ludi.
Se vua diaku diantalu.
Yave kamwesa
E kiese avo
E ludi i vua diaku.

2. Muna yekola zingu kiaku kwa Nzambi

Yo samuna Kintinu kiandi
Osinga mpe vua o moyo a mvu ya mvu,
Moyo wazala ye nsambu.
(Mvutukilu)

3. Tu wan’akete vana ndose a Nzambi

Longi diandi tuvuidi mfunu.
Vo tukangala yo Yave wa Se dieto;
Tusinga vua nsambu zandi.
(Mvutukilu)

(Tala mpe Nku. 26:3; Nga. 8:35; 15:31; Yoa. 8:31, 32.)
57 Samuna kwa Wantu a Mpila Zawonso
(1 Timoteo 2:4)
1. Tutanginina Yave Nzambi’eto,
Ke tutadi ndose za wantu ko.
Wantu’a mpila zawonso tulonga;
Yave Nzambi okubatambula

(MVUTUKILU)
Ke tusodi fulu ko;
Ke tutadi ndose ko.
´
Awonso bawa nsangu zambote.
Tusonganga o zola,
Mwawonso tusamuna:
“Alembami bafinama Yave.”

2. Tukubavava fulu yawonso

Ke tutadinge wantu mu mpwa ko.
E mpw’a muntu ke ina mfunu ko—
Kadi Yave, ntima ketalanga.
(Mvutukilu)

3. Yave otambulanga awonso

Bekivambulanga ye nza yayi.
Tuzeye dio ye tusamuna dio,
Tuzayisa kwa wantu’awonsono.
(Mvutukilu)

(Tala mpe Yoa. 12:32; Mav. 10:34; 1 Tim. 4:10; Tito 2:11.)
58 Tuvava Akwa Luvuvamu
(Luka 10:6)
1. Yesu wavova: ‘Samun’e ludi.’
Wayendanga mwawonsono,
Mu longa Diambu dia Nzambi.
Wazolanga mameme ma Nzambi.
Wasalanga tuka mene
yamu nkokela.
Mu nzo ye nzo ye mu nzila,
Tuzayisa kw’awonsono
Ke kolo ko e mpasi zifokoka.

(MVUTUKILU)
Twenda mu nza
Akwa luvuvamu tuvava,
Twasolola
Ana bazolele vuluzua,
Tusamuna
Mwawonsono.
2. Tusumba ntangwa, salu kiayingi.
Ndonga bena muna vonza,
Twavuluza kana mosi.
Kuna zola tukubavavila.
E ntima mia budika,
tufwete kumika.
Mwawonsono tusamuna,
´
Alembami bewa ludi,
Dikututwasila kiese kiayingi.
(Mvutukilu)

(Tala mpe Yes. 52:7; Mat. 28:19, 20; Luka 8:1; Roma 10:10.)
59 Tukembelela Yave
(Nkunga 146:2)
1. Tuyimbila;
Twakembela!
Yave Nzambi i tuku dia moyo.
Fuku, mwini,
Tunkembela,
Ovuete zola, nkembo yo nkuma.
E nkumbu andi tusamunanga.
2. Tunkembela;
Tunsadila.
Yave owanga e sambu yeto.
Koko kwandi
Kukumika;
Mwand’andi usadisa nlembami.
Nkumbu ye nkum’andi tusamuna.
3. Tukembela;
Nzambi’a zola.
Yandi tininu ye vuvu kieto.
Mpasi zeto;
Kefokola.
Kintinu kiandi nsambu kitwasa.
Tukembelela Yave ye kiese!

(Tala mpe Nku. 94:18, 19; 145:21; 147:1; 150:2; Mav. 17:25.)
60 Tuvuluza Mioyo mia Wantu
(Yezekele 3:17-19)
1. Nzambi watutuma
twalukisanga wantu
Kifinamene lumbu
kia Yave wa Nzambi.

(MVUTUKILU)
Mioyo miau tuvuluza;
´
Avo bewa bezinga.
Mioyo mieto tuvuluza,
Kwa wantu’awonso samuna;
Samuna.

2. E nsangu zambote,
tusamuna mwawonso.
Tubokela awonso
beza kwa Nzambi’eto.
(Mvutukilu)
´
(ZU DIANKAKA)
Tufwete, sumba ntangwa,
´
Wantu bawa, bavua moyo.
E ludi, tubalonga;
Tukaya maza ma moyo.
(Mvutukilu)

(Tala mpe 2 Tus. 36:15; Yes. 61:2; Yez. 33:6; 2 Tes. 1:8.)
61 Ke Nuvutuki Manima ko Yeno
Mbangi za Yave!
(Luka 16:16)
1. Toma sikila mu ntangw’ambaninu,
Tukubama twasamuna e Kintinu.
Vo Mbeni okutubangika.
Tusamba kwa Yave katukumika.

(MVUTUKILU)
Ambangi nukumama mu lukwikilu!
Ye kiese kiawonso nusadila Nzambi!
Nusamuna vo Nz’ampa ifinamene
Nsambu za mvu ya mvu nutambula.

2. Selo ya Yave ke nuzodi nza ko;

Nuyangidika ntima wa Yave Nzambi.
Nukivambula ye nza yayi,
Nusikila ye kwikizi kwa Nzambi.
(Mvutukilu)

3. Kintinu kia Nzambi mu vezwa kina;

Nkumbu’andi yavauka tusanisina.
Yambula twazitisanga yo,
Muna nza yawonso tusamuna yo.
(Mvutukilu)

(Tala mpe Luv. 9:16; Fil. 1:7; 2 Tim. 2:3, 4; Yak. 1:27.)
62 Nkung’ampa
(Nkunga 98)
1. Nkembo kwa Nzambi, tunyimbidila nkung’ampa.
Samuna kwa wantu, nsangu za nza yampa.
Nkembo kwa Yave; Yandi Nzambi Mpungu-ngolo.
Nkwa zola, unsongi,
I Nzambi’a ndungidi.

(MVUTUKILU)
Nkung’ampa!
Nwiza twayimbila!
Nkung’ampa!
Yave tukembela.

2. Tuyimbidila, Yave wa Nzambi ye kiese!

Kembela nkumbu’andi; muna nkung’a kiese.
Ndonga yayingi, ikembelelanga Mfumu.
Mpungi ye kokolo
Yave ikembela.
(Mvutukilu)

3. Mbu miawonsono, Yave Nzambi mikembela.

Vangwa yawonsono, ikunyimbidila.
Nkoko miawonso, Nzambi’a Mpungu mikembela.
Miongo, kundubulu
Yave ikembela.
(Mvutukilu)

(Tala mpe Nku. 96:1; 149:1; Yes. 42:10.)

63 Tu Mbangi za Yave!
(Yesaya 43:10-12)
1. Wantu teke bekunda,
Yo veza Nzambi’aludi.
Yandi Mpungu-ngolo,
Tuku dia moyo.
Teke i nzambi zau
Ke zilendi vova ko.
Mbangi zau nsoni bemona,
E nzambi zau mpavala.

(MVUTUKILU)
Yeto Mbangi za Yave.
Ke tuna ye wonga ko.
Tusanisina Nzambi eto;
Yandi Nzambi aludi.

2. Yave tukembelela,
Nzambi’eto tusadila.
Samuna Kintinu,
Kuna unkabu.
Wantu bazaya ludi
Kiabatemona meso.
Bazikuka, bavua mpe zayi,
Bakembelelanga Nzambi.
(Mvutukilu)
3. Tusanisina Nzambi,
Tusamuna nkumbu’andi.
Tulukisa wantu,
Mbeni za Nzambi.
Masumu belolokwa,
Vo beviluka ntima.
Diakiese mu sadila Yave;
Ye vuvu kia vua o moyo.
(Mvutukilu)

(Tala mpe Yes. 37:19; 55:11; Yez. 3:19.)

64 Tusala ye Kiese e
Salu kia Kutika Mbongo
(Matai 13:1-23)
1. Mu ntangw’a nkutika se twina,
Salu kia mfunu twavewa.
E mbasi za Nzambi za nkembo,
Ntwadi tusalanga yau.
Yesu Kristu wasonga mbandu,
Muna salu kia umbangi,
Diampwena e lau katuvana.
Dia kutika mbongo andi.
2. O zola Nzambi ye akweto
Diwokesa kiese kieto.
E mbaninu ifinamene,
Tusala salu kia Yave.
Nsambu zayingi tutambula,
Vo Yave tukembelela.
Mu salu kia Nzambi zindalala
Yave okutusambula.

(Tala mpe Mat. 24:13; 1 Kor. 3:9; 2 Tim. 4:2.)

65 Nungunuka!
(Ayibere 6:1)
1. Zikuka, zikuka yo nungunuka!
Ntemo wa ludi tutemesa mwawonsono.
Zikuka watomesa salu kiaku;
Bund’e vuvu kwa Yave.
Nkangu’a Nzambi ludi belonga.
Ntambi za Yesu belandanga.
Sia vuvu kwa Nzambi walembi yoya,
Simbinina kwikizi.
2. Zikuka, zikuka, songa unkabu!
Kwa wantu awonso tusamuna Kintinu.
Twakembelela Yave wa Nzambi’eto,
Samuna mu nzo ye nzo.
Atantu bekutuvumisa,
Nzambi’eto okutusadisa.
Samuna Kintinu lumbu yawonso
Long’e ludi kw’awonso.
3. Zikuka, zikuka mu sia umbangi,
Tusala yo vema,
kadi salu kiayingi.
Mwand’avelela ukutufilanga.
Ye kiese tusamuna.
Tuzola mameme ma Nzambi.
Tubalonga ntemo a ludi.
Sadisa awonso banungunuka,
Mu ludi basikila.

(Tala mpe Fil. 1:27; 3:16; Ayi. 10:39.)

66 Samun’e Nsangu Zambote
(Lusengomono 14:6, 7)
1. Nzambi wasweka e ludi kia Kintinu.
O unu tuzeye vo Yesu i Ntinu.
Yave Nzambi mu nkenda yo zola kwandi
Osonganga e dienga kwa selo yandi.
Wakubika vo Mwan’andi kayal’e nza;
Kintinu kia Nzambi mu
ntangw’andi kikwiza.
Yesu Kristu wasolelwa nzitikila,
Fikambi-kambi basolwa benda yala.
2. Nsangu zambote se kolo za zayiswa.
O unu Yave zolele zasamunwa.
Mbasi zandi besalanga yeto ntwadi,
Muna samuna kw’awonso ntemo’a ludi.
Lau diampwena twavewa ku mbaninu
Dia kembela Nzambi yo
samuna Kintinu.
Nkembo yo zitu mu kala Mbangi zandi
Kw’awonsono tuzayisa nsilu miandi.

(Tala mpe Maku 4:11; Mav. 5:31; 1 Kor. 2:1, 7.)

67 “Samun’e Diambu”
(2 Timoteo 4:2)
1. Nzambi watukanikina;
Watuvana mpe salu kia mfunu.
Tukubama muna samuna
Nsangu zambote za luvuluzu.

(MVUTUKILU)
Zais’e diambu
´
Kiman’awonso bawa!
Samuna,
E mbaninu ilweke.
Samuna,
Sadisa alembami.
Samuna
Mwawonsono!

2. Mu ntangw’ampasi se tuna;
Lubangamu lusinga wokela.
Tusamun’e nsangu zambote,
Nzambi Mpungu-ngolo tunsia vuvu.
(Mvutukilu)

3. Lumbu yambote ikwiza,

Tuna ye lau dia longa wantu.
Bazaya nzil’a luvuluzu
E nkumbu a Yave bazitisa.
(Mvutukilu)

(Tala mpe Mat. 10:7; 24:14; Mav. 10:42; 1 Pet. 3:15.)

68 Tukuna Mbongo a Kintinu
(Matai 13:4-8)
1. Nwiza yeno selo ya Yave;
Zingu kieno nuyekola.
Mfumu Yesu nwiza sadila;
Nulanda malongi mandi.
E mbongo a Kintinu tukuna
Mu ntim’ambote imena.
Nusamunanga ludi ye kwikizi
Salu kia Nzambi nusalanga.
2. Mu vua nluta mu salu kiaku
Tomesanga ndekwa zaku.
Alongoki aku sadisa
Ludi kiabavelelesa.
Sadisa awonso basikila
Muna ludi badiatila.
E ludi kikota mu ntima miau
Kiese kingi muna ntim’aku.

(Tala mpe Mat. 13:19-23; 22:37.)

69 Kwamanana Samuna e Kintinu!
(2 Timoteo 4:5)
1. Nsangu za Kintinu samuna
Kwa wantu awonsono.
Songa zola ye ntima mosi,
Sadisa alembami.
Sadila Nzambi lau diampwena;
Diambu diandi tusamuna.
Tusala salu kia umbangi;
Twakembela nkumbu’a Nzambi.

(MVUTUKILU)
Samuna nsangu za
Kintinu ye nkabu zawonso.
Zindalala kuna sambu dia
Yave ye kwikizi.

2. Kumosi tusadila Nzambi,

Ye kuswa ya kwikizi.
Ambuta, matoko ye ndumba
Tusimbinin’e ludi.
Nsangu za Kintinu samuna
Awonso bazay’e ludi.
Mu nkum’a Yave tusamuna;
Ke tumoningi wonga ko!
(Mvutukilu)

(Tala mpe Nku. 23:4; Mav. 4:29, 31; 1 Pet. 2:21.)

70 Nuvava Akwa Luzolo Lwambote
(Matai 10:11-15)
1. Yesu watusonga mpila yambote,
Muna samuna Kintinu:
‘Fulu yawonso nukwenda, nuvava,
Ndion’ozolele zay’e ludi.
Muna konso vata ye nzo nukota,
Numokena y’on’ozolele.
Avo balembi kunutambulwila,
E tambi yeno nukubula.’
2. Ana bekunuwa, Nzambi bewila,
Ntima miau miziuka.
Luzolo lwau lwa moyo’a mvu ya mvu
´
Lukubafila bawa nsangu.
Kutokani ko adieyi ovova,
Mwand’a Yave ukusadisa.
Mpov’aku ya ngemba yasiw’o mungwa
Ilenda tunta alembami.

(Tala mpe Mav. 13:48; 16:14; Kol. 4:6.)

71 Tu Vu kia Makesa ma Yave!
(Efeso 6:11-14)
1. Tu makesa ma Yave,
Kristu i Ntinu.
Kana tubangikwanga,
Ntwadi tusalanga.
Tusala ye kwikizi,
Twenda mwawonso;
Ye kiese kiawonso
Ke mu wonga ko.

(MVUTUKILU)
Tu makesa ma Yave;
Ntinu’eto Kristu,
Tuzayisa wantu,
“Nzambi’oyalanga.”

2. Yeto selo ya Yave,

Twenda vavinge,
O mameme mavila,
Ye mimbona mpasi.
Kwa Nzambi bekumikwa
Tubakingula;
Yo kubabokela
Beza kwa Yave.
(Mvutukilu)
3. Tu makesa ma Yave,
Kristu tulanda,
Tukubama mu vita,
Kwikizi tusonga.
Tufwete lungalala,
Tulanda nzila.
Vo tumweswa mpasi,
Tuzindalala.
(Mvutukilu)

(Tala mpe Fil. 1:7; File. 2.)

72 Tuzayisa e Ludi kia Kintinu
(Mavangu 20:20, 21)
1. Vava twakala mu tombe
Lembi zaya nzil’a Yave.
Nzambi wafila ntemo,
Meso meto katemona.
Ludi kiandi tuzeye kio
Kani diandi tuzayisa,
Samuna e nkumbu’andi,
Tusanisina Kintinu kiandi.
Sila umbangi mwawonso,
Twenda vavi alembami.
Mu nzo ye nzo ye mu nzila;
Long’e ludi bavua moyo.
Tusamuna mwawonsono
Tuzayisa awonsono,
Nzambi’eto tusadila
Yavana kevova vo kivuidi.

(Tala mpe Yos. 9:9; Yes. 24:15; Yoa. 8:12, 32.)

73 Utuvana Unkabu
(Mavangu 4:29)
1. E Kintinu tusamuna,
Nkumbu’aku tuzayisa,
Ndonga bekutubangika
Yo kutumwesa nsoni.
Ke tumona wonga ko,
Nge kaka tulemvokela.
Utuvana mwand’avelela;
´
Yave do, wa sambu kieto.

(MVUTUKILU)
Utukumika e Yave;
Utukatula wonga.
Utuvananga unkabu
Twasilanga umbangi.
Armangedo ifinamene,
Una ke yayizidi ko,
Utukumika e Yave.
Twasamuna.
2. Kana vo tumona wonga,
Do, kutuyambula ko.
Muna lusadisu lwaku
I tubundang’e vuvu.
Utuvuluz’e Yave
Va moko ma mbeni zeto.
Yave utuvana unkabu
Twasamuna nkumbu aku.
(Mvutukilu)

(Tala mpe 1 Tes. 2:2; Ayi. 10:35.)

74 Tuyimbila Nkung’a Kintinu!
(Nkunga 98:1)
1. Tuyimbila o nkunga wa ndungidi;
Twakembelela Yave wa Nzambi.
Nkunga wau uvananga e vuvu.
Tuyimbila nkunga wa Kintinu:

(MVUTUKILU)
‘Nwiza twasambila Nzambi.
Tuzayisa; Yesu Ntinu!
Tuyimbila o nkunga wa Kintinu;
Twakembelela Yave wa Nzambi.’

2. E Kintinu kia Nzambi tuzayisa.

Yesu Kristu otambuidi wisa.
Zula kiampa kiasakulwa kwa Yave:
Kiawutuka, o Yesu i Ntinu:
(Mvutukilu)

3. Alembami nkung’ampa belongoka.

Nkunga wau wa kiese yo nkembo.
Va nza yayi ndonga belongoka wo,
Oyau mpe wantu bebokela:
(Mvutukilu)

(Tala mpe Nku. 95:6; 1 Pet. 2:9, 10; Lus. 12:10.)

75 “Mon’oyu! Untuma!”
(Yesaya 6:8)
1. O wantu betiangunanga,
Nkumbu’a Nzambi bevezanga.
Akaka vo; Nzambi’a nsoki.
Zowa vo: “Nzambi kena ko.”
Nani osadisa wantu
Bazaya Nzambi amoyo?

(MVUTUKILU 1)
‘Mfumu mon’oyu! Untuma!
Nkumbu aku isamuna.
Mfumu kiaki salu kiamfunu.
Mono oyu! Untuma!’

2. Ayingi bevovanga vo;

Yave wa Nzambi nkwa fuki.
Ndonga bekundanga teke;
Besambilanga Kaisa.
Nani okubazayisa
E ngiz’a lumbu kia Yave?
 (MVUTUKILU 2)
‘Mfumu mon’oyu! Untuma!
Yabalonga yo unkabu.
Mfumu kiaki salu kiamfunu.
Mono oyu! Untuma!’

3. Ansongi bemweswa mpasi

Umpumbulu usakidi.
Alembami besolola
E ludi kia bavevola.
Nani kubafiaulwisa?
Nani okubasadisa?

(MVUTUKILU 3)
‘Mfumu mon’oyu! Untuma!
Yabalonga yo lembama.
Mfumu kiaki salu kiamfunu.
Mono oyu! Untuma!’

(Tala mpe Nku. 10:4; Yez. 9:4.)

76 Aweyi Omonanga?
(Ayibere 13:15)
1. Aweyi’omonanga
mu salu kia umbangi,
Vav’olongang’e ludi
kwa ntima mia nsongi?
Tusamun’e nsangu
Nzambi’otuntanga wantu
Yandi tomene zaya
e ntima mia nsongi.

(MVUTUKILU)
Ekwe kiese, ekwe nsambu
mu sadila Nzambi eto.
Yandi tuvananga nkembo
lumbu yawonsono.

2. Aweyi’omonanga
vava wantu bewanga,
Nsangu za luvuluzu
za moyo’a mvu ya mvu?
Ke wantu’awonso ko,
besonganga luzolo.
Tusamuna ye kiese
e nsangu zambote.
(Mvutukilu)
3. Aweyi’omonanga,
vava tutambulanga,
Lusadisu lwa Nzambi
muna salu kiandi?
Samuna yo longa
Yo unkabu ye ngemba
Yavana tufokola;
E salu twavewa.
(Mvutukilu)

(Tala mpe Mav. 13:48; 1 Tes. 2:4; 1 Tim. 1:11.)

77 Ntemo mu Nza ya Tombe
(2 Korinto 4:6)
1. Nza yayi, mu tombe ina,
O ntemo wizidi.
I ntemo ukiesa kuma
Ufokola tombe.

(MVUTUKILU)
Tusamuna ludi,
Kiatemesa nza yayi.
Kiatuvana moyo—
´
O kuma se kukia,
Tombe se kifokoka—
Mu nza yayi.

2. O wantu balele tulu

Tubasikamesa.
Tusamba kwa Nzambi’a zola.
Kabafwil’e nkenda.
(Mvutukilu)

(Tala mpe Yoa. 3:19; 8:12; Roma 13:11, 12; 1 Pet. 2:9.)
78 ‘Longa e Diambu dia Nzambi’
(Mavangu 18:11)
1. Tulonga Diambu dia Nzambi,
Twamona e kiese.
Nluta miayingi ditwasa
Nsambu zingi tuvua.
Tulanda ntambi za Yesu
Walonga yo zola.
Tusadisanga alembami
Bafinama Nzambi.
2. Mu longa Diambu dia Yave,
Tuzola unsongi,
Tutemesa o ntemo’eto
Mu mavangu meto.
Tutanga Diambu dia Nzambi,
Twazaya e ludi.
Tuvua zayi yo umbakuzi
Twasamun’e ludi.
3. Yave okutulonganga
Twasila umbangi.
Vo tulomba lusadisu,
´
Owa sambu kieto.
Tuzola Diambu dia Nzambi;
Dizele ye ludi.
Tuzolanga mameme mandi,
Tusamun’e ludi!

(Tala mpe Nku. 119:97; 2 Tim. 4:2; Tito 2:7; 1 Yoa. 5:14.)
79 Ubalonga Basikila Muna Ludi
(Matai 28:19, 20)
1. Mameme ma Yave tulonga
Mu ludi bazikuka.
O Nzambi okalanga yau
E ludi i vua diau.

(MVUTUKILU)
´
E Yave wa sambu kieto
Ubafuka mave maku.
Muna nkumbu’a Yesu Kristu, tulombele;
Basikila muna ludi.

2. E Yave kwa nge tulombele,

Tanina mioyo miau.
Mu zola tukubalongela;
E nsambu zaku bevua.
(Mvutukilu)

3. E vuvu kiau kiawonsono,

Kwa Nzambi yo Mwan’andi.
O nsendo a luzindalalu,
I moyo a mvu ya mvu.
(Mvutukilu)

(Tala mpe Luka 6:48; Mav. 5:42; Fil. 4:1.)

80 “Nuteza, Nwamona wo
vo Yave Wambote”
(Nkunga 34:8)
1. Tusadila Yave Nzambi;
Tusamuna nsangu zandi.
Tusumba ntangwa twalong’e ludi,
Ansongi beza kwa Nzambi.

(MVUTUKILU)
Nwiza: ‘Nwateza nwamona vo—
Yave Nzambi wambote.’
E zingu kieto kiawonsono,
Kwa Yave tuvene kio.

2. Selo ya ntangwa ke ntangwa,

Nsambu zayingi bevuanga.
Yave wa Nzambi besiang’e vuvu,
Yo yangalela zingu kiau.
(Mvutukilu)

(Tala mpe Maku 14:8; Luka 21:2; 1 Tim. 1:12; 6:6.)

81 Zingu kia Mviti a Nzila
(Kimpovi 11:6)
1. O kuma kukiele, muna mene-mene,
Yo tulu mu meso
tusambidi kwa Yave Nzambi.
Ye kiese tukwenda samuna e nsangu.
Ke tuyoyanga ko,
´ ´
wantu bawa yovo lembi wa.

(MVUTUKILU)
I zingu twasola;
Yave tusadila.
O luzolo lwandi, tuvanga.
Mvula yovo muini,
Ke tuyoyanga ko.
I tusongelanga o zola: “Kwa Yave.”

2. O kuma kufwidi, mu ndimuk’a ntangwa,

Kana tuyoyele,
tusamba kwa Yave ye kiese.
I zingu twasola, tukivene mvimba.
Matondo kwa Yave,
muna nsambu zandi zawonso.
(Mvutukilu)

(Tala mpe Yos. 24:15; Nku. 92:2; Roma 14:8.)

82 “Nutemesa o Ntemo”
(Matai 5:16)
1. Yesu wavova vo
Temesa ntemo,
kwa wantu awonso,
Lembi vambula.
Muna Nkand’a Nzambi,
Tuzeye ludi.
Ntemo andi temesa
Ludi zayisa.
2. Nsangu za Kintinu
Zayisa wantu;
Tutemesa ntemo
Mu salu kieto.
E Diambu dia Nzambi
I nto a ludi.
E ludi tusamuna;
Wantu basola.
3. Mu mavangu meto
Tutemesa nza,
Muna mvovo mieto
Mbandu tusonga.
Tutemesa ntemo
Muna fu yeto,
Yave wa Nzambi eto
Tumwesa kiese.

(Tala mpe Nku. 119:130; Mat. 5:14, 15, 45; Kol. 4:6.)
83 “Mu Nzo ye Nzo”
(Mavangu 20:20)
1. Mu nzo ye nzo, tusamuna,
E diambu dia Yave.
Muna mbanza ye mavata,
Mameme tuvava.
Yesu Kristu wavova vo,
Nsangu za Kintinu,
Zisamunwa mwawonsono
Kwa mbuta y’aleke.
2. Mu nzo ye nzo, tuzayisa
Yave i Mvuluzi.
Wantu bazaya nkumbu’andi
Beza kunsambila.
Aweyi bekunsambila
Vo ke banzeye ko?
Mu nzo ye nzo, tusamuna
Yave nkumbu’a Nzambi.
3. Twenda samuna kwa wantu
Nsangu za Kintinu.
Awonsono tubokela,
O moyo basola.
Nkumbu’a Nzambi tusanisa,
Ludi tukembela.
Mu nzo ye nzo tukwendanga,
Mameme tuvava.

(Tala mpe Mav. 2:21; Roma 10:14.)

84 Sadila Kuna Kuvuilu
Ateleki Ayingi o Mfunu
(Matai 9:37, 38)
1. Tusadila Yave Nzambi
Twatambula nsambu zandi.
Salu kiandi katuvana
Tusala kio kuna kiese.

(MVUTUKILU)
E Yave, kwa ngeye
twakiyekola.
Zunga kikondelo, asadi,
kuna tukuenda.

2. Salu kingi mu nz’amvimba.

Tukubama twayikama.
Kuna zola tukivana.
E Kintinu tusamuna.
(Mvutukilu)

3. Mu nzo ye nzo ye mavata,

Tusadila ndekwa zampa.
Tulongoka ndinga yampa
Kw’awonsono tusamuna.
(Mvutukilu)

(Tala mpe Yoa. 4:35; Mav. 2:8; Roma 10:14.)

85 Tutambula Mpangi Zeto Kuna Zola
(Roma 15:7)
1. Nwiza kiambote yeno awonso
´
Nwizidi wa Diambu dia Nzambi.
Malongi mandi mevana moyo;
Ye kiese kiawonso tulanda nzil’andi.
2. Matondo kwa Nzambi watuvana,
Akuluntu batuvungula.
Kwa mpangi zazi tusonga zola,
Ndonga yawonsono tufwete tambula.
3. Awonsono kebokela Nzambi,
Alembami bewang’e ludi.
Yesu kwa Nzambi kekutufila.
Tutambula mpangi zeto kuna zola.

(Tala mpe Yoa. 6:44; Fil. 2:29; Lus. 22:17.)

86 Tulongwa kwa Nzambi Eto
(Yesaya 50:4; 54:13)
1. Nwiza kembela yo longoka kwa Yave.
Mwanda vo: “Nza nua maza ma moyo.”
Longi dia Nzambi dimwesa kiese.
Alembami bezaya e ludi.
2. Ke tuyambula lungana ko ye mpangi,
Twalongoka mavangu mansongi.
O Mwand’a Nzambi ye mpangi zeto,
Bekutufila mu nzil’a ntemo.
3. Tuyimbila nkunga mia lusanisinu!
´
Kiese mu wa ndinga y’alongoki!
Tukala ntwadi yo nkangu’a Nzambi!
Tuzola yo landa nzila zandi!

(Tala mpe Ayi. 10:24, 25; Lus. 22:17.)

87 Nwiza Vundiswa!
(Ayibere 10:24, 25)
1. Mu nz’a yimpumbulu tuzingilanga;
O Nzambi ke banzeye ko.
Mfidi ambote tuvuidi o mfunu;
Kasingika ntambi zeto.
Nkutakani zeto zikumikanga;
Kwikizi kieto kwa Nzambi.
Zikutulonganga twavang’o wete,
yo zizidila e mpasi.
Ke tubembola ko nsiku mia Nzambi;
Tuvanga luzolo lwandi.
Unsongi yo zola tulongokanga;
Muna nkutakani zeto.
2. Yave tomene zaya nsatu zeto;
Tudiatila mu nzil’andi.
Muna kutakana ye mpangi zeto
Tuvua e ngangu za Nzambi.
Muna malongi ma selo ya Yave,
Tulongwa songa kwikizi.
Muna lusadisu lwa mpangi zeto,
Ke tumona kinsona ko.
Ye kiese tuvingila Paradiso,
Tukala ye mpangi zeto.
Muna nkutakani tulongokanga
E ngangu za Nzambi eto.

(Tala mpe Nku. 37:18; 140:1; Nga. 18:1; Efe. 5:16; Yak. 3:17.)
88 Unsonga Nzila Zaku
(Nkunga 25:4)
1. Tukutakene e Yave wa Nzambi,
Mboka aku tutambulwidi.
ˆ
Diambu diaku mıni kia tambi yeto,
E tuku dia malongi maku.

(MVUTUKILU)
Unsonga nzila zaku e Yave;
Yalemvokela malongi maku.
Umfila muna nzila za nsongi,
Yangi diame muna nsiku aku.

2. E Nzambi, ngangu zaku zisundidi;

Mfundisa zaku zafiauzi.
E Diambu diaku diamoyo ye ngangu;
E ludi kiaku kia kwele mvu.
(Mvutukilu)

(Tala mpe Luv. 33:13; Nku. 1:2; 119:27, 35, 73, 105.)
89 Wa,´ Tumama, Wasambulwa
(Luka 11:28)
1. Nkia nsendo tuvua, vo tuwila Kristu?
Ominika e yendelo dieto.
Tukala ye kiese muna zaya dio,
Avo tulunda dio nsambu tuvua.

(MVUTUKILU)
Mu vua nsambu za Nzambi
Lundanga nsiku miandi.
Zolele kota mu vundu kiandi,
Lundanga nsiku miandi.

2. Mpila zingu kieto ikala nze nzo

´
Yanda yatungwa vana nsenzele.
Vo tulemvokela longi dia Yesu,
Tusikila nze nzo ya matadi.
(Mvutukilu)

3. Nze nti wakunwa va ndambu a nkoko

Uyima mbongo mu nsungi andi,
Vo tusonga nlemvo nze wan’a Nzambi,
Nsambu tuvua ye moyo’a mvu ya mvu.
(Mvutukilu)

(Tala mpe Nsi. 28:2; Nku. 1:3; Nga. 10:22; Mat. 7:24-27; Luka 6:47-49.)
90 Tukasakesa Muntu yo Nkwandi
(Ayibere 10:24, 25)
1. Tukasakesa mpangi zeto
Twasadilanga Nzambi’eto,
O zola kweto kuwokela;
Mu luvuvamu tukala.
O zola kwa nkangu a Nzambi
Nsabi za luzindalalu.
Nkutakani zeto tininu,
Ye fulu kia luvuvamu.
2. E diambu dia lukasakeso
´
Ekwe kiese muna wa dio!
Tuwanga mambu ma fiauzi
Kw’akundi’eto akwikizi.
Diakiese mu sala kumosi
Ye selo ya Yave Nzambi!
Mpangi zeto tukasakesa
Mu mpasi tubasadisa.
3. Avo tuna yo lukwikilu
Tuzaya lumbu kia Yave,
Tulungana mu nkutakani
Tukala yo nkangu’a Nzambi.
Mu nzil’a Yave tudiatila,
Yakwele mvu tunsadila.
Mpangi zeto tukasakesa
Twasimbinina kwikizi.

(Tala mpe Luka 22:32; Mav. 14:21, 22; Ngal. 6:2; 1 Tes. 5:14.)
91 Tutungidi e Nzo Aku Kuna Zola
(Nkunga 127:1)
1. Lumbu kiaki kia kiese;
Yave Nzambi tutondele.
Ngeye watusola, twasala,
E salu kiaku!
E nzo’aku tutungidi,
Nsambu zaku tutambwidi.
Mu nzo yayi tukusambila,
Nge tukembela.

(MVUTUKILU)
Ekwe kiese ye nsambu zingi
Mu kutungila nzo yayi.
E lumbu yawonso tusala, salu kiaku
Twakembelela nkumbu’aku.

2. Ekwe kiese mu sala,

Ye mpangi zeto za nzola!
Yakwele mvu tusungamena
Lau diampwena!
Yave utusadisi,
Twatoma sala kumosi.
E kimfumu ye nkumbu aku;
Tukembelela!
(Mvutukilu)

(Tala mpe Nku. 116:1; 147:1; Roma 15:6.)

92 Fulu Kiyikilwa Nkumbu Aku
(1 Tusansu 29:16)
1. Matondo yo nkembo kwa Nzambi,
Mu kutungila nzo yayi!
Tuvene yo va moko maku
Yawokesa tunda diaku.
Kwa ngeye tuvana yawonso,
Tuvuidi mu zingu kieto.
Ngolo, ngangu ye mavua meto,
Ye nsi’a ntima tuvene mo.

(MVUTUKILU)
Tusunzwidi e nzo yayi,
Yayikilwa nkumbu’aku.
Kwa nge tutambikidi yo;
E Yave, tambula yo.

2. Tukukembelela Se dieto,
Zadisa nzo’aku yo nkembo.
Wantu balongwa nzila zaku
Basamuna nkumbu aku.
Mu nzo yayi tukusambila,
Tutoma yo lunga-lunga.
Kimbangi kiampwena ivana,
E nkumbu’aku tusamuna.
(Mvutukilu)

(Tala mpe 1 Nti. 8:18, 27; 1 Tus. 29:11-14; Mav. 20:24.)

93 Sambula Lukutakanu Lweto
(Ayibere 10:24, 25)
1. Yave wa Nzambi sambula,
Lukutakanu lweto.
O mwand’aku wavelela;
Yambula watufila.
2. Velelesa nsambil’aku;
E ludi utulonga.
E nkumbu’aku tusamuna;
Tuzolana mu ntima.
3. Sambula nkutakani’eto;
E Yave nge Se dieto.
Mvovo ye mavangu meto
Nge metwasila nkembo.

(Tala mpe Nku. 22:22; 34:3; Yes. 50:4.)

94 Yangalela e Diambu dia Nzambi
(Filipi 2:16)
1. E Yave wa Nzambi, ngeye Se dieto
E Diambu diaku diambote kwa yeto!
Nge wasonekesa dio;
diatusonga nzila.
Diatuvana zayi; ntemo wa ludi.
2. E Diambu diaku diamoyo ye nkuma.
Dilenda soba makani ma ntima.
Nsiku miaku mia nsongi,
nzil’aku ya ludi.
Muna nsiku miaku tudiatilanga.
3. Dizele ye nsangu za selo yaku.
Kwikizi basonga mu salu kiaku.
Utuvana e ngangu
´
twawa longi diaku.
Tutondele Yave, mu Diambu diaku!

(Tala mpe Nku. 19:9; 119:16, 162; 2 Tim. 3:16; Yak. 5:17; 2 Pet. 1:21.)
95 Ntemo Utomene Kezima
(Ngana 4:18)
1. E ngunza yo nkangu kuna nz’ankulu,
Bavingilanga ngiz’a Kristu.
Mwand’a Nzambi wasengomona Yesu,
Kristu watwasa luvuluzu.
Yesu wayiza, wavewa Kintinu,
Mu yala kena ku zulu.
Tuyangalala muna zaya ludi;
Mbasi bazolele kio zaya!

(MVUTUKILU)
O wau o kuma kukiele;
Mu ntemo tukangalela.
Landa ntemo wa Nzambi eto;
Ufilanga ntambi zeto.

2. Mfumu Yesu wasola selo kiandi,

Kavana madia mu ntangw’andi.
Zayi wa ludi utemona meso,
Yo katula wantu mu tombe.
Ludi kisingikanga ntambi zeto,
Twakangalela mu ntemo.
Matondo kwa Yave, wa Nto a ludi
Tukangalela mu nzil’andi.
(Mvutukilu)

(Tala mpe Roma 8:22; 1 Kor. 2:10; 1 Pet. 1:12.)

96 Nkand’a Nzambi Lusalu Lwantalu
(Ngana 2:1)
1. Tuna yo nkanda usundidi ntalu,
Uvana kiese, vuvu kwa wantu.
E nsangu zandi zambote yo nkuma;
Zivana moyo yo mwesa “mpofo.”
Nkanda wau, Nkand’a Nzambi amoyo.
Wasonekwa mu ngolo za Nzambi,
Kwa wantu basolwa kwa Yave Nzambi,
Bazadiswa yo mwand’avelela.
2. Basoneka lekwa Nzambi kasema,
Yo nkuma wandi kasemena yo.
Bavovela mpe mpatu ya Edene
ˆ
Muna kasumukina o muntu.
Bayika mpe mbasi wa mbeni’a Nzambi
Ona wafidisa Yave mpaka.
Watwasa sumu ye mpasi kwa wantu,
Ke kolo ko Yave okumfwasa.
3. E ntangwa tuzingilanga ya kiese:
Kintinu kia Nzambi kiyalanga.
Tusamuna e nsangu za Kintinu
Nsambu zingi kitwasa kwa wantu.
Nkand’a Nzambi, nto a nsangu zambote;
Ye madia ma kimwanda tudianga.
Luvuvamu utwasanga kwa wantu;
O Nkand’a Nzambi tutanganga wo.

(Tala mpe 2 Tim. 3:16; 2 Pet. 1:21.)

97 Diambu dia Nzambi i Moyo
(Matai 4:4)
1. Diambu dia Nzambi i moyo,
´
Tuwa nding’a Nzambi.
Diambu diandi tutanga dio;
Diatuvana moyo.
Luvuvamu divananga,
Nsambu ditwasanga.

(MVUTUKILU)
Diambu dia Nzambi tulunda;
Muna ntima mieto.
Diau divananga moyo;
Ke madia kaka ko.

2. Diambu dia Nzambi tutanga

Twavua lukwikilu.
Selo yingi ya nz’ankulu—
Kwikizi basonga.
Basala yo lukwikilu
Unkabu basonga.
(Mvutukilu)
3. Tutanga diambu dia Nzambi,
Lumbu yawonsono.
Diatuvana umbakuzi,
Muna ntangw’ampasi.
Mu ntim’eto tulundila
Mawonso tutanga.
(Mvutukilu)

(Tala mpe Yos. 1:8; Roma 15:4.)

98 E Sono kwa Nzambi Yavumunwinwa
(2 Timoteo 3:16, 17)
1. E Diambu dia Nzambi ntemo,
Difila ntambi zeto.
Vo tulunda dio mu ntima,
Dikutusonga e nzila.
2. Nzambi’eto watuvana dio,
Twazaya nzila zandi.
E ludi dikutulonga,
Zingu kieto ditomesa.
3. Mu Sono i tuzayidi
Vo Nzambi watuzola.
Lumbu yawonso tanga dio,
Lukwikilu dikumika.

(Tala mpe Nku. 119:105; Nga. 4:13.)

99 Mafunda ma Mpangi Zeto
(Lusengomono 7:9, 10)
1. Ulolo wa mpangi zeto,
Mu nza yawonsono,
Ye kwikizi kiawonso,
Besamuna ludi.
Mafunda ma zimpangi,
Ndong’ayingi tuna,
Mu makanda, zula ye ndinga,
Nzambi tukembela.
2. Ulolo wa mpangi zeto,
Tuwisa mwawonso
Tusamuna kwa wantu
‘E nsangu zambote.’
Vo ntima tutelama,
Mu salu kia Nzambi,
Yesu ntim’eto kevuvika;
Okutukumika.
3. Ulolo wa mpangi zeto,
Vana ndos’a Nzambi,
Tusala ye kwikizi,
O fuku ye mwini.
Ekwe lau diampwena,
Ludi tusamuna,
Yave wa Nzambi tusadila,
Yandi tukembela.

(Tala mpe Yes. 52:7; Mat. 11:29; Lus. 7:15.)

100 Nubatambula Kuna Zola
(Mavangu 17:7)
1. Yave kuna zola watutambula.
Ke tala ndose ko, osonga zola.
Mvula kenokesa,
mwini ketemesa;
Watuvana madia mambote.
Avo tusadisi mimbona mpasi,
Tutanginina o zola kwa Nzambi.
Yave tukembela
vo tusonga zola,
Yo tambulanga mpangi zeto.

2. Ke tuzayanga ko nsendo tubaka

Avo tusadisi mimbona mpasi.
Vo tumwene nzenza,
tubatambulanga,
E nsatu zau tulungisa.
Tuvova nze Ludia: ‘Kota mu nzo’ame.’
Ku luvuvamu, tutambula nzenza.
Tubasonga zola
nsambu tutambula,
Tutanginina Nzambi’a zola.

(Tala mpe Mav. 16:14, 15; Roma 12:13; 1 Tim. 3:2; Ayi. 13:2; 1 Pet. 4:9.)
101 Tusala Kumosi mu Luvuvamu
(Efeso 4:3)
1. Nza yayi yakondwa zola,
Nzambi’eto watubokela,
Twakala mu kambi diandi,
Twakala kintwadi.
Tusala kumosi;
Tuzola mpangi.
Yave Nzambi tusadila.
Mwan’andi okutufila.
Tufwete kunlemvokela,
Kintwadi tukala.
2. Tusamba kwa Yave Nzambi,
Twakala yo nyindu mosi,
Zola kweto kuwokela,
Mu kiese tukala.
E kiese kitwasa,
O luvuvamu.
Vo mpangi zeto tuzola,
Nzambi okutusambula.
Luvuvamu lusikila,
Nzambi tusadila.

(Tala mpe Mika 2:12; Sef. 3:9; 1 Kor. 1:10.)

102 “Nusadisa Awana Batovokele”
(Mavangu 20:35)
1. Tuna yo lutovoko
Ke twalunga ko.
Yave utuzolele,
Tuyangalala.
Ozele ye nkenda;
Nkwa zola yo nkuma.
Nzol’a Nzambi tulanda,
Tusonga nkenda.
2. Vo mpangi tovokele,
Mu lukwikilu.
Siamisa vuvu kiandi,
Mu mvovo miaku.
Nzambi okumika;
Ntima mia budika.
Tubavuvika ntima,
Tubayikama.
3. Kutumbi ntovoki ko,
Tubakumika
Muna mvovo mia ngemba
Tubasikina.
Vava vutulwisa,
Vuvu bavidisa.
Vo tubafinamene,
Befiaulwiswa.

(Tala mpe Yes. 35:3, 4; 2 Kor. 11:29; Ngal. 6:2.)

103 Akuluntu Tukau twa Wantu
(Efeso 4:8)
1. Yave wasola avungudi,
Bavungul’e kambi.
Muna mbandu au yambote,
Besongang’e nzila.

(MVUTUKILU)
Nzambi wasola avungudi,
E selo ya kwikizi.
Bavungulang’e kambi diandi;
Tubasonga o zola.

2. Akengi bekutuzolanga;
Ludi belonganga.
E mputa zeto bewukanga,
Ye mvovo mia ngemba.
(Mvutukilu)

3. Nkand’a Nzambi besadilanga,

Mu kutusingika.
Yo kutusonga nzil’a Nzambi,
Twansadil’e mvimba.
(Mvutukilu)

(Tala mpe Yes. 32:1, 2; Yer. 3:15; Yoa. 21:15-17; Mav. 20:28.)
104 Mwand’avelela Lukau lwa Nzambi
(Luka 11:13)
1. Yave wa Nzambi, nge Se dia nkenda,
Asumuki osonga zola.
Mu mpasi zeto, utuvevola,
O mwand’aku watufiaulwisa.
2. Masumu meto mekutufila,
Twavengomoka nzila zaku.
´
E Nzambi’a nkenda, wa sambu kieto:
O mwand’avelela watufila.
3. Vo nkuma weto, ufokokele,
O mwand’aku watukumika.
Twatilumuka nze ngo-ezulu;
Utuvana o Mwand’avelela.

(Tala mpe Nku. 51:11; Yoa. 14:26; Mav. 9:31.)

105 “Nzambi i Zola”
(1 Yoane 4:7, 8)
1. Nzambi’a zola, ovovele:
‘Mu nzil’ame diatila.’
O zola Nzambi yo nkweto,
I wete tuvanganga.
Zola i nsabi za moyo;
O moyo tuvavanga.
Tusonga zola kwa Kristu;
Zola ke kusuka ko.
2. Tusonga zola kwa Nzambi;
Muna mavangu meto.
Vo tufunga songa zola;
Tusadiswa kwa Nzambi.
O zola ke kimpala ko;
Kuzizila mawonso.
Tuzola e mpangi zeto;
Ye nzola ya nsi’a ntima.
3. Kulundinge makasi ko;
Kulandi mpe kunda ko.
Kwa Nzambi’aku bund’e vuvu;
Nsiku miandi longoka:
Zola Nzambi, zola nkwaku,
Vanga mambu ma zola.
Kw’awonso tusonga zola
Nzambi’eto tukembela.

(Tala mpe Maku 12:30, 31; 1 Kor. 12:31–13:8; 1 Yoa. 3:23.)

106 Tusonganga o Zola
(1 Korinto 13:1-8)
1. Tusambidi kwa Yave Nzambi,
Twatangininanga fu yandi.
O zola i fu kisundidi
I mbongo’a mwand’a Nzambi eto.
Vo ngina ye ngangu yo zayi,
Yakondwa zola i mpavala.
Tusonga zola kwa nsi’a ntima,
Mu mvovo ye mavangu meto.
2. Zola mambote kuvanganga
Kuna mvevo kusadisanga.
O zola ke kulunda mbi ko,
Tulolokanga mpangi zeto.
O zola kuzizidil’e mbi,
Yave Nzambi tutanginina.
Muna mpasi tusonga zola;
Zola ke kusuka nkutu ko.

(Tala mpe Yoa. 21:17; 1 Kor. 13:13; Ngal. 6:2.)

107 Mbandu a Zola kwa Nzambi
(1 Yoane 4:19)
1. Yave wa Nzambi, nkwa zola ye nkenda
Mbandu’andi, tulanda.
E nzila zandi ye mavangu mandi
Mesonganga zola kwandi.
Nzambi wavana, o mwan’andi Yesu
Wateta nzil’a twalolokw’e sumu.
Yampwen’e nzola—katusonga Nzambi!
Nzambi zola, nzil’andi zola.
2. Vo tudiatila, muna nzil’a Nzambi
Tusonga o zola,
Tuzola mpangi mu nsi’a ntima mieto,
Ke tutadi mu ndose ko.
Tuzola Nzambi ye mpangi zawonso,
Nzol’a kieleka tuzola akweto.
Tulolokanga, o muntu yo nkwandi,
Mu mavangu, tusonga zola.
3. Tusonga zola, twakala kintwadi
Twamona ungudi.
Yave wa Nzambi, obokele nkoki:
“Nwiza kala mu ungudi.”
Tusonga zola kwa selo ya Nzambi;
O mwand’a Yave, ukutusadisa.
Ampangi zeto batusungamesa,
Nzambi zola, nzil’andi zola.

(Tala mpe Roma 12:10; Efe. 4:3; 2 Pet. 1:7.)

108 Zola kwa Nzambi
(Yesaya 55:1-3)
1. Nzambi nge i zola.
Nge wateka kutuzola.
Nge wafila Yesu Kristu
ˆ
Wayiza mpe katukula,
Twavua e vuvu kia moyo
Moyo’a mvu ya mvu mu nz’ampa.

(MVUTUKILU)
Nwiza, akwa e vuina,
Maza ma moyo nunua.
Nwiza, akwa e vuina;
Kwa Nzambi a zola.

2. Nzambi nge i zola.

E salu yaku ya zola.
Ngeye watusonga zola,
Muna yadika o Kristu.
Kalunganesa e nsilu.
E Kintinu kiyalanga!
(Mvutukilu)
3. Nzambi nge i zola.
Tufwete songa o zola.
Alembami tusadisa,
Nsiku miaku bazitisa.
Tusamuna nzila zaku,
´
Wantu bawa nsilu miaku.
(Mvutukilu)

(Tala mpe Nku. 33:5; 57:10; Efe. 1:7.)

109 Tuzolana ye Nsi a Ntima
(1 Petelo 1:22)
1. Tuzolana ye nsi’a ntima,
Muna yangidika Yave.
Zola i fu kisundidi,
Kwa Yave wa Nzambi.
Ye nsi’a ntima tuzolana,
Kwikizi tusongaziana.
O zola wete kuvanga,
Tuzola mu ntima.
Vo mpangi’omona mpasi,
Tunsadisa mu mpasi zandi.
Tukala akundi’andi,
Twazaya mpasi zandi.
Yesu watusong’e mbandu,
Twazaya zola kwa Yave,
Twatanginina mbandu’andi.
Mpangi zeto tuzola.
Mu ntima tuzolana.

(Tala mpe 1 Pet. 2:17; 3:8; 4:8; 1 Yoa. 3:11.)

110 “Kiese kia Yave”
(Nekemiya 8:10)
1. Tusamuna e nsangu za Kintinu.
Ifinamen’e mbaninu.
Muna mpasi za zingu tuvevolwa;
Mioyo mieto mivuluzwa!

(MVUTUKILU)
Kiese kia Yave i fika kieto.
Tunyimbidila ye kiese.
Yangalala muna vuvu, tondanga,
Tusanisina Nzambi eto.
Kiese kia Yave i fika kieto
Nkumbu andi tusamuna.
Tusadila Nzambi wa Ntinu eto,
Tuyangalela salu kiandi.

2. Yave Nzambi, tubundanga e vuvu.

Ke tumonanga wonga ko.
Tutelama twayimbila ye kiese;
Twayangidika Nzambi’eto!
(Mvutukilu)

(Tala mpe 1 Tus. 16:27; Nku. 112:4; Luka 21:28; Yoa. 8:32.)
111 Kuma kia Luyangalalu Lweto
(Matai 5:12)
1. Yambula twakala ye kiese,
Nze muntu wokese mavua.
Alembami mu nza yawonso
Benuanga maza ma moyo.
E kiese kia nkangu a Nzambi,
Kituka mu Diambu diandi.
Dikutulonga nzila zandi;
Twasikila muna ludi.
E kiese kieto kilemanga
Nze tiya muna ntim’eto.
Kanele vo tubangikwanga,
Yave i tininu dieto.

(MVUTUKILU)
Tukembelelanga Yave,
Mu salu ya moko mandi.
E ngangu zandi, i zisundidi,
Manene mavangu mandi!
2. Tuyangalela nsem’a Nzambi,
Zulu, ntoto ye kalunga.
E Diambu dia Nzambi tutanga,
Twakembela salu yandi.
Ye kiese tusamuna ludi,
Kintinu kia Yave Nzambi.
Tuzayisanga kw’awonsono,
Nsambu zitwasa Kintinu.
Ntangw’a kiese ifinamene,
´
Nze kuma kufwidi kukia.
O nsilu wa zulu ye nz’ampa
Utwasa kiese mvu ya mvu.
(Mvutukilu)

(Tala mpe Nsi. 16:15; Yes. 12:6; Yoa. 15:11.)

112 Yave i Nzambi a Luvuvamu
(Filipi 4:9)
1. E Yave Se dieto,
U Nzambi’a luvuvamu.
O mwand’aku tulombanga;
Twasonga e fu yaku.
Tukwikila Yesu,
Nkwa kwikizi ye ludi.
Mu nzil’aku tudiatila;
Mu ludi tusikila.
2. Mwand’aku nsadisi
Mu tombe kia nza yayi.
E Diambu diaku i ntemo
Dia nkuma ye diamoyo.
Nz’ampa tuvingila
E mpasi zifokoka,
O mwand’aku nsadisi’eto
Nge kaka i nkundi’eto.
3. Yave vangwa yaku,
Va ntoto ye ku zulu,
Mu kintwadi tusalanga
E ludi tuzolanga.
Kintinu kiyala
E vita kifokola.
Mu luvuvamu tukala
Mvu ya mvu tuzingila.

(Tala mpe Nku. 4:8; Fil. 4:6, 7; 1 Tes. 5:23.)

113 Luvuvamu lwa Nkangu a Nzambi
(Yoane 14:27)
1. Nkembo kwa Yave Nzambi,
Nkwa luvuvamu.
E vita kesukisa,
Nsambu ketwasa.
Yesu Kristu Nkuluntu,
A luvuvamu.
Luvuvamu lukala,
Vava keyala.
2. Kulevola mpangi ko,
Kutantani ko.
Twakitula nsosolo,
Se nsengo zeto.
Tatidila ungudi,
Loloka mpangi.
Tutanginina Yesu,
Nkwa luvuvamu.
3. Luvuvamu lwa Nzambi;
Nsambu lutwasa.
Nsiku miandi tuzola,
Tunlemvokela.
Yeto selo ya Nzambi,
Tuzolananga
Yamu lumbu kia Mfumu
Kia luvuvamu.

(Tala mpe Nku. 46:9; Yes. 2:4; Yak. 3:17, 18.)

114 “Songa Luzindalalu”
(Yakobo 5:8)
1. Yave i Mpungu-ngolo
E nkumbu’andi yavauka.
Zolele yazitiswa
Kw’awonsono yakembelwa.
Ndong’a wantu bazeye,
Luzindalalu lwandi;
Zola ye nkenda zandi,
Walakazi wandi.
Ozolele vuluza
Wantu a mpila zawonso.
Zola ye nkenda zandi
Nsambu zitwasa kwa wantu.
2. Luzindalalu lweto
Lukumika vuvu kieto.
Luvuvika ntim’eto,
Lusingika ngindu zeto.
Tuzola mpangi zeto,
Tubavangil’o wete.
Tufwete zindalala
Muna ntangw’ampasi.
Tusonga fu yawonso
Ya mbongo’a mwand’avelela,
Tutanginina Yave
Tusonga luzindalalu.

(Tala mpe Luv. 34:14; Yes. 40:28; 1 Kor. 13:4, 7; 1 Tim. 2:4.)
115 Matondo Muna Luzindalalu lwa Nzambi
(2 Petelo 3:15)
1. Yave Nzambi, ozele nkuma,
Zola kwaku osonganga.
E nza yayi, nza ya mpasi,
Umpumbulu, usakidi.
Yave kufukanga meso ko;
ˆ
Utukula mu mpasi zeto.

(MVUTUKILU)
Kwa nge tubundang’e vuvu,
Tukembelela nkumbu aku.

2. Funda dia mvu, kwa ngeye Nzambi,

Dina nze lumbu kimosi.
E lumbu kiaku kianene;
Mu nzaki kifinamene.
Yave ololoka masumu,
Luviluku oyangalela.
(Mvutukilu)

(Tala mpe Nek. 9:30; Luka 15:7; 2 Pet. 3:8, 9.)

116 Nkum’a Walakazi
(Efeso 4:32)
1. Yave wa Nzambi, ngeye tulanda,
´
Diambu diaku tuwa
Ngeye sundidi, nkuma ye ngangu,
Ozolanga selo yaku.
2. Yesu wavova, nwiza kwa mono
Nwavevolw’e mpasi.
Zola ye nkenda zandi kesonga,
Ozele yo walakazi.
3. Yave wa Nzambi yo Yesu Kristu,
I mbandu tulanda.
Lumbu yawonso tubafinama.
Walakazi tusongana!

(Tala mpe Mika 6:8; Mat. 11:28-30; Kol. 3:12; 1 Pet. 2:3.)
117 Tanginina Wete wa Nzambi
(2 Tusansu 6:41)
1. O wete waku e Yave,
Ukutumwesa kiese!
Nzambi’a ludi ye kwikizi,
Nzila zaku za nsongi.
Nkenda zaku, watusonga,
Kana vo tw’asumuki.
Ngeye tufwete sambila,
Nge kaka tusadila.
2. Nkenda zaku zimoneka
Muna nkangu wasola;
Fu yambote besonganga
Ludi besamunanga.
Watuvana akuluntu,
Balonga nzila zaku.
Mwand’avelela tulomba,
Twasongaziana ngemba.
3. Sambula mavangu meto,
Twazola mpangi zeto.
Twabavangila mambote
Lembi sia e mpambula.
Muna nkutakani zeto,
Muna fulu yawonso,
Utusadisa e Yave,
Twavangazian’o wete.

(Tala mpe Nku. 103:10; Maku 10:18; Ngal. 5:22; Efe. 5:9.)
118 “Utukudikila Lukwikilu”
(Luka 17:5)
1. E Yave, selo yaku asumuki,
Makani ma ntima mieto mambi.
Tuvukumunwanga kwa sumu dieto—
Twalembi kwikila Nzambi’a moyo.

(MVUTUKILU)
Yave Nzambi, sadisa selo yaku.
Lukwikilu utukudikila.
Utusonga zola ye nkenda zaku,
Muna ludi kiaku tudiatila.

2. Avo ke tuna yo lukwikilu ko.

Kuyangidika ke tulenda ko.
Lukwikilu, i tininu dia ngolo.
Kwa nge Yave, tusia vuvu kieto.
(Mvutukilu)

(Tala mpe Etu. 8:21; Ayi. 11:6; 12:1.)

119 Tukala yo Lukwikilu
(Ayibere 10:38, 39)
1. Kuna nz’ankulu, Nzambi wavova
Muna ngunza za kwikizi.
O unu Yesu kesadilanga,
Twaviluka o ntima.

(MVUTUKILU)
Nga tuna yo lukwikilu?
Lulenda kutuvuluza?
Tusonganga lukwikilu;
Muna mvovo ye mavangu meto.

2. Tulandanga nkanikinu’a Yesu

Tusamunanga Kintinu.
Tuzayisa nsangu yo unkabu;
Nzambi tubund’e vuvu.
(Mvutukilu)

3. O lukwikilu i vuvu kieto;

Ka tumoninge wonga ko.
Tuzindalala mu ntangw’ampasi;
Yave Nzambi mvuluzi.
(Mvutukilu)

(Tala mpe Roma 10:10; Efe. 3:12; Ayi. 11:6; 1 Yoa. 5:4.)
120 Tanginina Lulembamu lwa Kristu
(Matai 11:28-30)
1. Kristu osundidi wantu awonso;
Kansi nlembami muna mawonsono.
Kwa Nzambi wisa kiayingi kavewa;
Kansi lusakalalu kesonganga.
2. Yeno nubimukanga yo mazitu,
Nwiza nwasadiswa kwa Yesu Kristu.
Nuvava e Kintinu nwavuvikwa.
Alembami, kwa Yesu besambulwa.
3. O Yesu vo: ‘Yeno’awonso nu mpangi.’
Tulemvokela Kristu Ntinu’a nsongi.
Nzambi’eto alembami kezolanga;
Moyo a mvu ya mvu bevingilanga.

(Tala mpe Nga. 3:34; Mat. 5:5; 23:8; Roma 12:16.)

121 Tukala ye Volo
(Roma 7:14-25)
1. Tuzola Yave, muna nsi’a ntima;
Mu venga e sumu, kala ye volo.
Mfutu’a sumu mpasi yo lufwa;
Ludi kia Nzambi nzil’a moyo.
2. Lumbu yawonso tubangikwanga,
Yo vukumunwa kwa wisa kia sumu.
Kansi ludi kisund’o nkuma.
Tuvava Yave, muna sunda.
3. Fu yeto Nzambi ikembelela,
Kala wavelela va ndos’a Yave.
Muna mawonso, konso lumbu,
Tusonga volo twavua nsambu.

(Tala mpe 1 Kor. 9:25; Ngal. 5:23; 2 Pet. 1:6.)

122 Tusikila yo Kumama!
(1 Korinto 15:58)
1. E nza yayi izele ye mpasi.
Wantu mu wonga bezingilanga.
E vuvu kieto tusimbinina,
Nzambi’eto tusadila.

(MVUTUKILU)
Tusonga e kwikizi;
Tuvavuk’e nza yayi,
Tufwete zizila,
Twakota mu nz’ampa.

2. E ntonta zisakidi ova nza.

Tusunda zo vo tuvavuk’e nza.
Tina e sumu, zola mambote
Muna ludi sikila.
(Mvutukilu)

3. Nzambi tusambila ye kwikizi.

Tukivana muna salu kiandi.
Tusamunanga nsangu zambote.
Nz’ampa ifinamene.
(Mvutukilu)

(Tala mpe Luka 21:9; 1 Pet. 4:7.)

123 Tulemvokela e Nkubik’a Nzambi
(1 Korinto 14:33)
1. Nkangu’a Yave mu nza tusamunanga
Nsangu za Kintinu ye nsambu tuvua,
Nkubika ya Nzambi tulemvokela
Kwikizi tusonga, ntwadi tusala.

(MVUTUKILU)
Tusonga nlemvo yo ntima mosi,
Kwa Yave wa Nzambi.
Ntanini eto, zola kesonga,
Tusadila Nzambi’eto.

2. Ntaudi’akwikizi yo mwand’a Nzambi.

Ukutufilanga mu nzil’a ludi.
Kwikizi tusonga, Nzambi tuzola,
Nkanikinu miandi tusamuna mio!
(Mvutukilu)

(Tala mpe Luka 12:42; Ayi. 13:7, 17.)

124 Tusikila ye Kwikizi
(Nkunga 18:25)
1. Tusikila ye kwikizi,
Kwa Yave Nzambi’a zola.
Tu nkangu’andi, selo yandi,
Tuzeye nsiku miandi.
Nsiku’andi nsambu utwasa,
´
Malongi mandi tuwa.
Yave Nzambi nkwa kwikizi.
Tulanda nzila zandi.
2. Tusadisa mpangi zeto,
Tusongaziana zola.
Bunda vuvu, songa ngemba,
Mu mvovo ye mavangu.
Sanisina mpangi zaku
Zitisa ye nsi’a ntima.
Tuzolana, salaziana,
Ke tuvambaningi ko.
3. Lemvokela akuluntu
Kadi bevitang’o ntu.
Avo longi batuvene,
Tulemvoka ye kiese.
E nsambu za Nzambi tuvua,
Nkum’andi tuvewa wo.
Tusikila ye kwikizi,
Twakala nkangu’a Nzambi.

(Tala mpe Nku. 149:1; 1 Tim. 2:8; Ayi. 13:17.)

125 “Kiese Kw’awana Besongang’e Nkenda!”
(Matai 5:7)
1. Yave ozele ye nkenda,
Ntima mia nsongi kezola.
Fu yambote kezolanga
Nsatu zeto kelungisa.
Vo tuviluka o ntima
Tufwilw’e nkenda kwa Nzambi.
Ozeye vo tu’asumuki,
Osonganga nkenda zandi.
2. Vo tusumukini Nzambi,
Tufwete lomba ndoloki,
Yesu wateta e nzila
Tusamba kwa Nzambi’a nkenda:
‘Masumu meto loloka,
Akweto mpe tuloloka.’
Tusunda ntantu mu ntima
Ngindu zeto zivuvama.
3. Tusonga nkenda kwa wantu,
Tubasadisa mu mpasi.
Ke tuvavi saniswa ko,
Ke tumwangi mpe nsangu ko.
Nzambi zeye mawonsono,
Osendanga nkenda zeto.
Tusonga nkenda kwa wantu,
Twazolakana kwa Nzambi.

(Tala mpe Mat. 6:2-4, 12-14.)

126 Tuyingila, Tusikila, Tukumama
(1 Korinto 16:13)
1. Tuyingila yo sikila,
Tuzizidila mpasi.
Tufwete songa unkabu,
Kadi tusinga sunda.
Kristu Yesu tulemvokela;
Mu wisa kiandi tusikila.

(MVUTUKILU)
Tuyingila yo zindalala!
Yaku mbaninu a nza!

2. Yingila yo lungalala,
Lemvoka ye nsi’a ntima.
Wanga malongi ma Kristu
Muna ntaudi andi.
Lemvokelanga akuluntu,
Kambi dia Nzambi bevungula.
(Mvutukilu)
3. Tuyingila yo samuna
E nsangu za Kintinu.
Kana tusiwa kitantu,
Tufwete zindalala.
Tusamuna mu nza yawonso.
E mbaninu ifinamene.
(Mvutukilu)

(Tala mpe Mat. 24:13; Ayi. 13:7, 17; 1 Pet. 5:8.)

127 Nkia Mpila Muntu Mfwete Kala
(2 Petelo 3:11)
1. Nki ndenda kuvana, e Yave Nzambi?
Moyo’ame wantalu, mvutwidi matondo.
Mu Diambu diaku, mfimpidi o ntim’ame;
Unsadisa yatomesa, e fu yame.

(ZU DIANKAKA)
Muna zingu kiame ngeye nsadila,
Muna nzila zaku ndiatila ye kiese.
E zingu kiame kwa ngeye ngiekwele;
Yayangidika, e Nzambi ame.
Unsadis’e Yave, yatoma zaya
Mana mfwete soba, muna zingu kiame.
Kwa nge Nzambi’ame, nsikila ye kwikizi;
Nzolele yayangidika o ntim’aku.

(Tala mpe Nku. 18:25; 116:12; Nga. 11:20.)

128 Zindalala Yakuna Mbaninu
(Matai 24:13)
1. Nsilu miawonso mia Nzambi
Miansongi ye ludi.
Nkand’a Nzambi i nsadisi
Mu zizidila mpasi.
Simbinina lukwikilu,
Yamu lumbu kia Yave.
Kwikizi kiaku tanina;
Songa luzindalalu.

2. E nzola aku yantete,

Kuyambula yo ko.
Kana muna ntangw’ampasi,
Simbinina kwikizi.
Muna mpasi za nza yayi,
Kumoninge wonga ko.
Yave ke kuyambula ko,
Ku sambu diaku kena.
3. Awonso bezindalala
Yau bevuluzwa.
Nkumbu zau zisonama,
Muna nkanda wa moyo.
Yaku nsuka zindalala;
Sadila Yave Nzambi.
Ovua e nsambu za Yave;
Ozadiswa ye kiese.

(Tala mpe Ayi. 6:19; Yak. 1:4; 2 Pet. 3:12; Lus. 2:4.)
129 Tukwamanana Zindalala
(Matai 24:13)
1. Yesu wavova
Zindalala yaku nsuka.
Mu zingu kiandi
Kumosi ye mpasi zandi.
Wabunda, e vuvu,
Mu nsilu mia Nzambi.

(MVUTUKILU)
Tufwete zindalala.
Yave tusadila.
Yandi i Nzambi’a zola.
Yaku mbaninu tuzindalala.

2. Zingu kia wantu

Mpasi ye dilu ye ntantu;
Kana mu mpasi,
Tuyindulanga e nz’ampa.
Kwikizi, tusonga,
Twakota mu nz’ampa.
(Mvutukilu)
3. Ke tuyoyi ko
Ke tumoni mpe wonga ko.
Tusimbinina
Kwikizi yaku mbaninu.
Sikila, zizila.
Yaku mbaninu’a nza.
(Mvutukilu)

(Tala mpe Mav. 20:19, 20; Yak. 1:12; 1 Pet. 4:12-14.)

130 Tulolokanga Muntu yo Nkwandi
(Nkunga 86:5)
1. Yave muna Kristu
Waziula e nzila
Muna loloka masumu
ˆ
Watukula mu lufwa.
Avo tuviluka ntima,
Twalomba luloloko
Muna kimenga kia Kristu,
Tulolokwa masumu.
2. Muna songw’e nkenda
Tufwete songa nkenda
Mpangi zeto tuloloka,
Tubasonga o zola.
Tuyambula e kimpala,
Tuvezananga mambu;
Mpangi zeto tuzitisa,
Tuzola ye nsi’a ntima.
3. Nkenda fu kia nsongi
Tufwete zo songanga.
Zizele yo walakazi,
Ke zilanda kunda ko.
Vo tutanginina Yave,
Osundidi mu zola,
Mpangi zeto tuloloka;
Nze Nzambi kuna zulu.

(Tala mpe Mat. 6:12; Efe. 4:32; Kol. 3:13.)

131 “Kiayikakeswa kwa Nzambi”
(Matai 19:5, 6)
1. Ku kiese yo zitu,
Bakangidi kangu.
Vana meso ma Nzambi,
Basilane nsilu.

(MVUTUKILU 1)
Toko didi ndofi vo,
Nkaz’andi kezola.
‘Kiayikakesa Nzambi,
Kuvambanisa ko.’

2. Nzambi bazolele
Sadila ye kiese,
Nsambu zandi bevava,
Balungis’o nsilu.

(MVUTUKILU 2)
Ndumba didi ndofi vo,
Nkaz’andi kezola.
‘Kiayikakesa Nzambi,
Kuvambanisa ko.’

(Tala mpe Etu. 2:24; Kim. 4:12; Efe. 5:22-33.)

132 Owau se tu Nitu Mosi
(Tuku 2:23, 24)
1. U visi kia visi yame,
U nitu’ame; ngeye nkaz’ame.
Nzambi umpene nsadisi,
Twazinga kumosi.

Owau tu nitu mosi; tulungisi

kani dia Nzambi.
Se tu yakala yo nkento,
Nzo mosi tukala.

Mvu ya mvu, tusadila Nzambi.

Lumbu yawonso,
Tusiamisa nzol’eto.

Tulungisa nsilu mieto.

Nsambu, kiese, mu longo lweto.
Muna mpasi ye mu kiese,
Ikusonga zola kwame.

(Tala mpe Etu. 29:18; Kim. 4:9, 10; 1 Kor. 13:8.)

133 Sambila Yave Muna Kileke Kiaku
(Kimpovi 12:1)
1. Aleke, kwa Nzambi mfunu lwina,
Va meso mandi nwazolakana.
Nzambi osingika nzila zeno,
Wanuvana mase ye akundi.
2. Nufwete zitisa mase meno
Ke nubakendeleka ntima ko.
Vo nutondwa kwa Nzambi yo wantu,
Nsambu nuvua mu kileke kieno.
3. Sadila Nzambi’aku mu kileke,
Siamisa o zola muna ludi.
Kiese kiayingi omwesa Yave,
Vo ukivene mu salu kiandi.

(Tala mpe Nku. 71:17; Man. 3:27; Efe. 6:1-3.)

134 Wana Lukau lwa Nzambi
(Nkunga 127:3-5)
1. Avo yakala yo nkento
Bakitukidi e se ye ngudi,
Lukau lwantalu baveno,
Ke lwa yau kibeni ko.
Lukau lwa Yave wa Nzambi;
Yandi Tuku dia moyo yo zola.
Longi diambote kevananga
Kwa mase bakala ye ngangu.

(MVUTUKILU)
Lukau lwantalu nuveno;
Mbebe yampwena kwa yeno.
Longa mwana nsiku mia Nzambi;
Muna vua nsambu zayingi.

2. E nkanikinu mia Nzambi—

Muna ntim’aku mifwete kala.
Walonganga mio kwa wan’aku;
Walungisa mbebe aku.
Ubalonga vava nukiya,
Vava nuleka yovo sikama.
Bediatila mu nzil’a Nzambi,
Bezadiswa ye nsambu zandi.
(Mvutukilu)

(Tala mpe Nsi. 6:6, 7; Efe. 6:4; 1 Tim. 4:16.)

135 Mbok’a Yave:
“Lungalala, e Mwan’ame”
(Ngana 27:11)
1. E matoko ye ndumba,
nwiza kwa mono.
Yavana mvutu kwa
mbeni okumveza.
Nunsong’e kwikizi
mu kileke kieno;
Wantu’a nza bazaya
vo nu nkangu ame.

(MVUTUKILU)
Mwan’a toko ye mwan’a ndumba,
Mwesa ntima ame kiese,
Unsadila yo ntim’a mvevo,
Yangalela nzengo zaku.

2. Yangalala mu
kiyekola kwa mono,
Vo sakuba ota,
Yo bwa, otelama.
Konso vonza yovo
mpasi zikubwila,
Toma dio zaya vo
Kikuyambula ko.
(Mvutukilu)

(Tala mpe Nsi. 6:5; Kim. 11:9; Yes. 41:13.)

136 Tambula “Nsendo Walunga” kwa Yave
(Rute 2:12)
1. Yave nkwa kwikizi tomene zaya
Selo yandi yakwikizi.
Zeye vo mu kunsadila yo vema
Lekwa yayingi bekondwa.
Avo nzo wasisa ye kanda diaku,
Sia vuvu kiaku kwa Nzambi.
Mu nkutakani mpangi zingi ovua
Yo moyo muna nza yampa.

(MVUTUKILU)
Yave nzengo zaku kesambula.
Okuvana o nsendo walunga.
Tinina ku nsi’a mave mandi.
Yave nkwa kwikizi; I Nzambi’a ludi.

2. E zingu kieto kizele ye mpasi

Zitu dieto disakidi.
E salu yeto ya lumbu ke lumbu
Ilenda kutuyoyesa.
Nzambi’a fiauzi okutukumika;
E sambu yeto kewanga.
Diambu diandi, mwand’andi, mpangi zeto,
I lufiaulwisu lweto.
(Mvutukilu)

(Tala mpe Afu. 11:38-40; Yes. 41:10.)

137 Akento a Kwikizi
(Roma 16:2)
1. Sara, Estere, Maria yo Rute—
Akento a ngangu, akwa kwikizi.
Bavuminanga mpe Yave wa Nzambi.
Tuzeye nkumbu ye kwikizi kiau.
Akaka mpe basadila Yave;
Kansi nkumbu zau, ke zasonama ko.
2. Kwikizi, unkabu yo walakazi—
Fu yambote, tufwete yo songanga,
Akento a nz’ankulu basonga yo.
Mbandu ambote basisa kw’awonso.
Mpangi z’akento nusonga mbandu
Lukwikilu lweno i tutanginina.
3. Ngudi, nsanga zeto, y’akento’ansona,
Nusadilanga Yave kuna mvevo.
Nusonga lusakalalu lwa ntima,
Nsambu za Nzambi wonga zikatula.
Mpangi z’akento nuzindalala,
Nusadila Nzambi, nwavua nsambu zandi.

(Tala mpe Fil. 4:3; 1 Tim. 2:9, 10; 1 Pet. 3:4, 5.)
138 Mvu Kolowa kia Nkembo
(Ngana 16:31)
1. Selo yingi ya Nzambi,
Se nunu kwau.
Bezizilang’e mpasi
Yo lukwikilu.
E ngolo zisukidi;
Akaka nsona.
Yave ubalundila,
Moyo’a mvu ya mvu.

(MVUTUKILU)
E Yave nge zeye
Kwikizi kiau.
Ubasong’e dienga;
Bamon’e nz’ampa!

2. E mvu mu nzil’ansongi
Nkembo kwa Nzambi.
Zizele ye mpw’ambote
Va ndos’a Yave.
Bakala mpe aleke
Tusungamene.
Ye kwikizi basala
Vema basonga.
(Mvutukilu)

(Tala mpe Nku. 71:9, 18; Nga. 20:29; Mat. 25:21, 23; Luka 22:28; 1 Tim. 5:1.)
139 Ukiyindula Muna Nz’ampa
(Lusengomono 21:1-5)
1. Yindula vo, nge ye mono;
Tukotele wau mu nza yampa.
Ekwe kiese! Ekwe nsambu!
Tuvevokele muna mpasi.
Umpumbulu usukidi;
E Kintinu mu yala kina.
Tufinamene kota mu nza yampa,
Tuyangalala
ye kiese tuyimbila:

(MVUTUKILU)
“Matondo kwa nge, e Yave Nzambi.
Ovangidi yawonso se yampa.
Tukuyimbidila ye kiese kiawonso;
Ngeye fwene nkembo, zitu ye matondo.”
2. Yindula vo, nge ye mono;
Tumwene nz’ampa twasiang’e vuvu.
Mpasi zeto, ziviokele
Ntima mieto miyangalele.
Nsilu’a Nzambi ulungane;
Wantu bena mu saba kiandi.
Yave ofutumwini wantu bafwa;
Tuyangalala
kumosi tuyimbila:
(Mvutukilu)

(Tala mpe Nku. 37:10, 11; Yes. 65:17; Yoa. 5:28; 2 Pet. 3:13.)
140 Moyo a Mvu ya Mvu!
(Yoane 3:16)
1. Yindula nza yawonso,
Wantu mu luvuvamu.
Mpasi, dilu ye ntantu,
Zisukidi va nza.

(MVUTUKILU)
Ye kiese yimbila!
Nge mpe ovuluzwa.
Ntangw’a kiese ye nsambu,
‘Mvu ya mvu tuzinga!’

2. Kinunu kifokoka,
Nzil’a Yave tulanda.
E ntokani yo wonga,
Ufokoka mvimba.
(Mvutukilu)

3. E nsambu zingi tuvua,

Kiese mu Paradiso.
Yakwele mvu tuzinga
Nzambi tukembela.
(Mvutukilu)

(Tala mpe Yobi 33:25; Nku. 72:7; Lus. 21:4.)

141 Sivi dia Moyo
(Nkunga 36:9)
1. Ngutuk’a nsedia, mvula zinoka,
Mbongo imena mwini uvaika—
Yawonso yayi; nkayilu’a Nzambi.
Okutulunga-lunga mu mpil’esivi.

(MVUTUKILU)
Moyo katuvana, wantalu beni
Tuzola yo zitisanga Yave wa Mvangi.
Yandi watuvana, lukau lwa ngovo.
O lukau lwalu—I sivi dia moyo.

2. Mu ntangw’ampasi, wantu ayingi,

Betumbanga Nzambi yo lomba lufwa.
Oyeto Nzambi tukembelela,
Tumvutula matondo mu zingu kieto.

(MVUTUKILU)
Moyo katuvana, wantalu beni
Tuzola yo zitisanga Yave wa Mvangi.
Yandi watuvana, lukau lwa ngovo.
O lukau lwalu—I sivi dia moyo.

(Tala mpe Yobi 2:9; Nku. 34:12; Kim. 8:15; Mat. 22:37-40; Roma 6:23.)
142 Tusimbinin’e Vuvu Kieto
(Ayibere 6:18, 19)
1. Wantu’a nza yayi mu tombe bekalanga.
Ngolo ye ngangu zau zampavala.
E mpasi za nza i nsendo wa sumu;
Ke balendi kivuluza ko.

(MVUTUKILU)
Kintinu kizidi, yangalala!
Kristu wa Ntinu okutuvevola.
Ke kolo ko mpasi zifokoka;
Simbinin’e vuvu, toma sikila.

2. “Kifinamene lumbu” kia Mpungu-ngolo;

Wantu ke beyuvula ko: “Nkia kolo?”
O nsema ubumanga, uvevoka.
Yave Nzambi, tukembelela.
(Mvutukilu)

(Tala mpe Nku. 27:14; Kim. 1:14; Yoe. 2:1; Kab. 1:2, 3; Roma 8:22.)
143 Tukwamanana Sala, Yingila yo Vingila
(Roma 8:20-25)
1. Nzambi a kolo ye nsungi,
O Yave i nkumbu andi—
Kintinu kiandi kikwiza
Mu ntangw’andi kasola.

(MVUTUKILU)
Sala, yingilanga, zindalala,
Ye kiese tuvingilanga,
Moyo muna nza yampa.

2. E ntangwa yasikidiswa;
O Yesu vita kesunda,
E mbeni zandi kefwasa.
Nsambu ketwasa va nza.
(Mvutukilu)

3. Wantu bebuma ye mpasi,

Tuvingila ye kwikizi,
E ngiz’a lumbu kia Yave,
Kiafokola e mpasi.
(Mvutukilu)

(Tala mpe Mat. 25:13; Luka 12:36.)

144 Sia Meso Muna Nsendo!
(2 Korinto 4:18)
1. E mpofo zawonso zimona
´
Afwa matu mpe bewa diaka,
O wan’akete beyimbila
Nza yawonso ivuvama,
E mafwa mefuluka va nza,
E sumu dikatulw’e mvimba,

(MVUTUKILU)
Omona e nsilu miawonso,
Vo sidi meso mu nsendo.

2. O mwan’a ngombe, mwan’a nkosi,

Besinga kala mpe vamosi,
Kindende kikubavungula,
Nding’andi belemvokela.
Mansanga meto mekungunwa,
O wonga va nza usukiswa,
(Mvutukilu)

(Tala mpe Yes. 11:6-9; 35:5-7; Yoa. 11:24.)

145 Nsilu a Nzambi wa Paradiso
(Luka 23:43)
1. Paradiso nsilu wa Nzambi,
Krist’oyala Funda dia mvu,
Sumu, lufwa, dilu ye mpasi,
Zifokoka yakwele mvu.

(MVUTUKILU)
Nza ikala, paradiso.
Ye kwikizi, tumona yo.
Nsilu’a Kristu ulungana,
Kwa Nzambi’eto tusambulwa.

2. Mu lungisa kani dia Nzambi,

Mafwa va nza mefuluka.
Ulungana nsilu wa Yesu:
‘Mu Paradiso tukala.’
(Mvutukilu)

3. Paradiso, i nsilu’a Yesu,

Oyalanga kuna zulu.
Matondo kwa Yave wa Nzambi,
E nkumbu’andi tukembela.
(Mvutukilu)

(Tala mpe Mat. 5:5; 6:10; Yoa. 5:28, 29.)

146 “Mvanga Lekwa Yawonso se Yampa”
(Lusengomono 21:1-5)
1. “E sinsu ya tandu” isonganga vo,
Kintinu kia Nzambi kiyalanga.
Yesu waveta mbeni Satana,
Nsilu mia Nzambi se milungana.

(MVUTUKILU)
Nzambi muna saba kiandi,
Wantu bevua nsambu zandi.
E mpasi ke zikala diaka ko,
Lufwa mpe ke lukala diaka ko.
Nzambi vo: ‘Mvanga lekwa se yampa.’
Nsilu wau wa ludi.

2. Yerusaleme Yampa imoneka,

Ndumb’a Mwan’ameme okezima.
Ye mvuatu mia ntalu kaviengeswa,
Yave wa Nzambi i ntemo andi.
(Mvutukilu)

3. E mbanza yayi i kiese kia wantu.

E mielo miandi ke mizikwa ko.
Mu ntemo’andi wantu bediatila;
E selo ya Nzambi nukezima.
(Mvutukilu)

(Tala mpe Mat. 16:3; Lus. 12:7-9; 21:23-25.)

147 Nsilu a Moyo wa Mvu ya Mvu
(Nkunga 37:29)
1. Nsilu wa moyo’a mvu ya mvu.
Ntoto ke ufwaswa ko.
‘Ansongi bevua o moyo.’
Nsilu wakieleka.

(MVUTUKILU)
Mvu ya mvu tuzinga.
Avo tukwikila.
I nsilu wa Nzambi.
Olungisa wo.

2. Moyo walunga tuvewa;

ˆ
Wan’a Nzambi bekulwa.
Muna luzolo lwa Yave,
E nza ivuvama.
(Mvutukilu)

3. Mu lumbu kia lufuluku,

E ntantu zifokoka.
Mansanga mpe mekungunwa,
Kwa Nzambi a zola.
(Mvutukilu)

(Tala mpe Yes. 25:8; Luka 23:43; Yoa. 11:25; Lus. 21:4.)
148 Yave i Mvuluzi
(2 Samuele 22:1-8)
1. E Yave nge kaka i Nzambi amoyo;
E zulu, mbu ye nza
ngeye wavanga yo.
Salu ya moko maku isundidi
—ya ludi.
Fwasa mbeni zeto.

(MVUTUKILU)
E Yave otanina minkwikizi.
U tininu dia ngolo kwa selo yaku.
Kuna unkabu ye kwikizi,
tusamuna
Tusanisina Yave,
wa Mvuluzi eto.

2. Vo nsing’a lufwa unzingidi, nsambidi:

“Yave unkumika,
umpana unkabu.”
´
Wa kazu kiame tuka kuna zulu, “e Yave;
Nge kaka Mvuluzi.”
(Mvutukilu)
3. Wisa e nding’aku tuka
kuna zulu.
Mbeni zizakama;
nkangu’aku mu kiese.
Lungisa e kani diaku;
awonso bamona
Ngeye i mvuluzi.
(Mvutukilu)

(Tala mpe Nku. 18:1, 2; 144:1, 2.)

149 Nkunga wa Nsundidi
(Luvaiku 15:1)
1. Nkembo kwa Yave. E nkumbu’andi yatundalala.
Mu mbu kafwasila, mbeni zandi zangolo.
Nkembo kwa Yave;
Yandi kaka i Mpungu-ngolo.
Yave i nkumbu’andi;
I Nzambi a nsundidi.

(MVUTUKILU)
Yave wa Nzambi, Mpungu-ngolo,
Kusobanga ko yamu mvu ya mvu,
Osinga fwasa e mbeni zaku
Wavelelesa nkumbu’aku.

2. Zula yawonso, itelamene Mfumu Yave.

Nsoni zingi bemona,
Nze Faro nkwa ngolo.
Fwaswa befwaswa;
Muna vita ya Armangedo.
Wantu bezaya vo
Nkumbu’a Nzambi i Yave.
(Mvutukilu)

(Tala mpe Nku. 2:2, 9; 92:8; Mal. 3:6; Lus. 16:16.)

150 Nuvava Nzambi Nwavuluzwa
(Sefaniya 2:3)
1. E zula yawonso,
Itelamene Kristu.
E ntangwa kavan’o Nzambi
Kw’ayadi isukidi.
Kintinu kia Nzambi;
Kiyala yakwele mvu.
Kristu ofwasa mbeni zandi.
Ke bekala diaka ko.

(MVUTUKILU)
Vava Nzambi kavuluza,
Umbund’e vuvu kiawonso.
Vava ndungidi,
Songa kwikizi,
Yikama Kimfumu kiandi.
Yave Nzambi kavuluza
Muna nkum’andi.
2. Tusamun’e nsangu,
za Kintinu kia Nzambi.
Tuzayisa kw’awonsono
´ ´
Bawa yovo lembi wa.
Avo tubangikwa,
Ke tumoni wonga ko.
Yave olunda selo yandi;
´
Owa e ndomba zeto.
(Mvutukilu)

(Tala mpe 1 Sam. 2:9; Nku. 2:2, 3, 9; Nga. 2:8; Mat. 6:33.)
151 Osinga Bokela
(Yobi 14:13-15)
1. Zingu kieto, kia nkufi ye mpasi,
Kivila nze mbungezi.
Lumbu tufwa ke tuzeye kio ko,
Ekwe dilu ye ntantu!
Muntu vo fwidi, ng’ozinga diaka?
´
Wa nsilu wa Nzambi’eto:

(MVUTUKILU)
Oboka; mafwa mevova.
Besinga zinga diaka.
Nzambi una ye viangi
Muna vangwa kasema.
Kwikila mu lufuluku,
Mu nz’ampa tumonana.
Yave i Nzambi’a moyo,
Tuzinga yakwele mvu.

2. Nkundi’a Nzambi, kana nkutu fwidi,

Una moyo kwa Nzambi.
Ndonga bena muna nyindu’a Nzambi,
Befuluka mu nz’ampa.
Tusinga mona una ukala:
Zingu mu Paradiso.
(Mvutukilu)

(Tala mpe Yoa. 6:40; 11:11, 43; Yak. 4:14.)


Ntu mia Mambu mu
Ndandani ya Sono:
Akento a Kwikizi 137
Akuluntu Tukau twa Wantu 103
Aweyi Omonanga? 76
Diambu dia Nzambi i Moyo 97
E Sono Kwa Nzambi Yavumunwinwa 98
Fu ya Yave wa Nzambi 1
Fulu Kiyikilwa Nkumbu Aku 92
Kala Kuna Sambu dia Yave! 32
Kangala yo Nzambi! 31
Kangala yoYave Lumbu Yawonso 48
Kangalela Muna Ziku 34
Ke Nubamoni Wonga Ko! 55
Ke Nuvutuki Manima koYeno Mbangi za
Yave! 61
Kembelela Mwan’antete a Yave! 15
Kembelela Ntinu a Nz’ampa 14
Kembelela Yave Muna Kuswa Kiandi 16
“Kiayikakeswa kwa Nzambi” 131
“Kiese kia Yave” 110
“Kiese Kw’awana Besongang’e
Nkenda!” 125
Kintinu Kiayadikwa—Yambula Kiza! 22
Kitula e Ludi se Vua Diaku 56
Kristu i Mbandu Eto 13
Kubama Wasamuna e Nsangu Zambote 53
Kukiyekola kwa Akristu 52
Kuma kia Luyangalalu Lweto 111
Kwa Mono Nwavanga Wo 26
Kwa Nani Tuvuilu? 40
Kwamanana Samuna e Kintinu! 69
‘Longa e Diambu dia Nzambi’ 78
Lusengomoko lwa Wan’a Nzambi 27
Luvuvamu lwa Nkangu a Nzambi 113
Mafunda ma Mpangi Zeto 99
Matondo Muna Luzindalalu lwa
Nzambi 115
Mavangu Masivi ma Nzambi 5
Mbandu a Zola kwa Nzambi 107
Mbok’a Yave: “Lungalala, e
Mwan’ame” 135
“Mon’oyu! Untuma!” 75
Moyo a Mvu ya Mvu! 140
“Mu Nzo ye Nzo” 83
“Mvanga Lekwa Yawonso se Yampa” 146
Mvu Kolowa kia Nkembo 138
Mwan’aku Wavana 20
Mwand’avelela Lukau lwa Nzambi 104
Ngindu za Ntim’ame 45
Nkand’a Nzambi Lusalu Lwantalu 96
Nkangu Wakivuila wa Nzambi 25
Nkia Mpila Muntu Mfwete Kala 127
Nkum’a Walakazi 116
Nkung’ampa 62
Nkunga wa Nsundidi 149
Nlekelo a Mfumu 19
Nsema Ukembelelanga Yave 11
Nsilu a Moyo wa Mvu ya Mvu 147
Nsilu a Nzambi wa Paradiso 145
Ntemo mu Nza ya Tombe 77
Ntemo Utomene Kezima 95
Nubatambula Kuna Zola 100
Nungunuka! 65
“Nusadisa Awana Batovokele” 102
“Nutemesa o Ntemo” 82
“Nuteza, Nwamona wo voYave
Wambote” 80
Nuvava Nzambi Nwavuluzwa 150
Nuvava Akwa Luzolo Lwambote 70
“Nuzaya Mambu Masundidi o Mfunu” 35
Nwiza ku Mongo a Yave 24
Nwiza Vundiswa! 87
“Nzambi i Zola” 105
“Nzolele Wo” 17
Osinga Bokela 151
Owau se tu Nitu Mosi 132
Sadila Kuna Kuvuilu Ateleki Ayingi o
Mfunu 84
Sadila Yave ye Nsi a Ntima Yawonso 37
 Sambanga kwa Yave Lumbu Yawonso 47
Sambila Yave Muna Kileke Kiaku 133
Sambu kia Matondo 43
Sambu kia Nlembami 44
Sambu kia Selo kia Nzambi 42
Sambu Kiame kia Kukiyekola 50
Sambula Lukutakanu Lweto 93
“Samun’e Diambu” 67
Samuna kwa Wantu a Mpila Zawonso 57
Samun’e Nsangu Zambote 66
Se Diame, Nzambi Ame ye Nkundi Ame 30 Tuzitisa e Nkumbu Tuyikilwanga 29
Sia Meso Muna Nsendo! 144
Sivi dia Moyo 141
“Songa Luzindalalu” 114
Tambula “Nsendo Walunga” kwa Yave 136
Tanginina Lulembamu lwa Kristu 120
Tanginina Wete wa Nzambi 117
Tu Mbangi za Yave! 63
Tu Vu kia Makesa ma Yave! 71
Tutungidi e Nzo Aku Kuna Zola 91
Tukala yo Lukwikilu 119
Tulongwa kwa Nzambi Eto 86
Tukala Akundi a Yave 28
Tukala ye Volo 121
Tukasakesa Muntu yo Nkwandi 90
Tukembelela Yave wa Nzambi Eto! 10
Tukembelela Yave 59
Tukivangila Nkumbu Ambote Vana Ndose
a Nzambi 39
Tukiyekwele kwa Nzambi! 51
Tukuna Mbongo a Kintinu 68
Tukwamanana Sala, Yingila yo Vingila 143 Yave i Tininu Dieto 8
Tulemvokela e Nkubik’a Nzambi 123
Tulolokanga Muntu yo Nkwandi 130
Tulunga-lunga Ntima Mieto 36
Tusala Kumosi mu Luvuvamu 101
Tusala ye Kiese e Salu kia Kutika
Mbongo 64
Tusikila ye Kwikizi 124
Tusikila yo Kumama! 122
Tusimbinin’e Vuvu Kieto 142
Tusonganga o Zola 106
Tutambula Mpangi Zeto Kuna Zola 85
Tutondele Yave 46
Tuvava Akwa Luvuvamu 58
Tuvuluza Mioyo mia Wantu 60
Tuyangidika Ntim’a Yave 49
Tuyimbila Nkung’a Kintinu! 74
Tuyingila, Tusikila, Tukumama 126
Tuzayisa e Ludi kia Kintinu 72
Tukwamanana Zindalala 129
Tuzolana ye Nsi a Ntima 109
Ubalonga Basikila Muna Ludi 79
Ukiyindula Muna Nz’ampa 139
Unsonga Nzila Zaku 88
“Utukudikila Lukwikilu” 118
Utuvana Unkabu 73
Vavanga Ntete Kintinu 21
Vutulanga Matondo mu Kuma kia
ˆ
Lukulu 18
´
Wa Sambu Kiame 41
Wana Lukau lwa Nzambi 134
´ Tumama, Wasambulwa 89
Wa,
Yangalela e Diambu dia Nzambi 94
Yave i Mvuluzi 148
“Yave i Mvungudi Ame” 4
Yave i Nkum’eto 7
Yave i Nkum’eto, Tininu Dieto ye Vuvu
Kieto 3
Yave i Nkumbu Aku 2
Yave i Ntinu Eto! 9
Yave i Nzambi a Luvuvamu 112
Yave i Nzambi Anene 12
Yave Okukumika 38
Yave Oyantikidi Yala 23
“Yayi i Nzila” 54
Yekeka Zitu Diaku kwa Yave 33
Zindalala Yakuna Mbaninu 128
Zingu kia Mviti a Nzila 81
Zola kwa Nzambi 108
Zulu Ditelekanga Nkembo a Nzambi 6