1

Araling Panlipunan
Ikatuyo na Kwarter - Semana 4 sanan 5

Palid Sa Himuunon

Mga Nagdumaya sa
Eskuylahan Ko,
Importante sa ako
Mga Nagsuyat:
Ethel E. Custodio
Richel B. Lubigan
Tuboran Elementary School
SDO-Siargao

LI
N
LAA I
A B
LEARNING ACTIVITY SHEETS (LAS) 3
M
AH
BI
AG
PA
G
IN N
PI
R
Araling Panlipunan 1, Ikatuyo na Kwarter,-A
A
I
PA
G
D I
N
HI
0
 Semana 4 sanan 5
Mga Nagdumaya sa Eskuylahan Ko, Importante sa
Ako

Sinugdanan
Kada adlaw, malipajon kaw na mosuyod sa eskuylahan tungod kay
naghinamhinam kaw na makakat-on kun uno na isab an mga bag-o na
itudlo sa imo teacher sa ijo na mga tinun-an. Gawas sa imo teacher,
sin-o pa an mga nagdumaya sa ijo eskuylahan?
Katujoan sa Pagkahibayo:
 Makilaya sanan maisa-isa an mga tawo na nagdumaya sa
eskuylahan
 Ma-describe an mga trabahuon nan mga tawo na nagdumaya sa
eskuylahan.( e.g. punong guro, guro, mag-aaral, doctor at nars,
dyanitor, etc)
( MELC AP1PAA-IIIb-4)

Panguna na mga Konsepto:

 ( Araling Panlipunan 1, Kagamitan ng Mag-aaral, pages ( 148 -
154 ).

1
 Tun-an Ta!
Sa eskuylahan, may nagkalain-lain na tawo na imo makilaya.
Lain- lain sab an ila mga trabahuon. Tan-awa an ritrato o picture.
Nakakilaya ba kamo sa ila?
Sin-o man sila? Kabayo ba kamo kon uno an ila mga trabahuon sa
eskuylahan?

An Principal an nanguyo sa eskuylahan. Tagtawag isab sija na

punong-guro sa Filipino. An mga kugihan na teacher amo an
nagtudlo sa mga tinun-an. May nag-atiman isab sa library na amoy
nagtabang sa tagkina- hanglan nan mga tinun-an sa ila basahon sanan
project. Tagtawag sija na librarian.
An nagdaya nan Canteen amo an kantihira na amoy nag-atiman
sa kabaskog nan panlawas nan mga tinun-an. An doctor amoy
magtambay sa mga tawo na jaoy sakit o mayaot na tagbati. An nurse
isab amoy mag-atiman kun an tinun-an masakit samtang jaon sa
eskuylahan. An guwardiya o Security Guard nan eskuylahan amo an
nag-atiman para mahilajo sa kadautan an mga teacher sanan mga
tinun-an lakip na an mga butang sa eskuylahan. An janitor an
nagpadajon sa kalimpyo sanan pagkagana nan eskuylahan.

2
 Jaon pay lain na mga tawo sa eskuylahan amo an mga bata o
tinun-an, ginikanan, mga donor, sanan opisyales nan PTA. An mga
tinun-an amo an tagtudluan nan mga maestra sa eskuylahan. An
ginikanan an inahan o amahan nan mga bata, sila an nagsuporta sa ila
mga anak sa pag-eskuyla para sila makahuman. An donor amo isab
an naghatag o nag-donate nan mga butang sa eskuylahan kun jaoy
mga panginahanglan, maghatag isab sila nan kwarta para pundo sa
eskuylahan. An PTA tagtawag sab sija na Parent Teacher
Association ini isa ka asosasyon nan mga ginikanan sanan maestra,
para sa karajawan nan mga bata sanan eskuylahan. An tanan na mga
tawo na nahisgutan may mga importante na mahimo para sa
eskuylahan. Nagtinabangay sila para magpabilin an pagkagana sanan
kahapsay nan eskuylahan. Para na mahimo na mapuslanun, malipajun,
sanan halajo sa kadaut an imo pagtuon dinhi sa eskuylahan.

Mga Himuunon
Himuunon 1: “ Tukmaa Sin-o Ako”.
Materyales: papel, lapis/ballpen
A. Tugon/Direksyon: Kilay-a kun sin-o an jaon sa retrato. Isuyat
an ijo tubag sa linya.

3
1.____________________ 2.____________________ 3.____________________

4.____________________ 5.____________________ 6.____________________

B. Tugon/Direksyon: Basaha pagdajaw an mga pangutana.

Isuyat sa papel an letra nan sakto na tubag.
7. Sila an nag-ariglar sanan nagsuporta sa pagpaeskuyla sa mga tinun-
an, para makahuman. Uno man an tawag sa ila?
a. teacher b. principal c. tinun-an d. ginikanan
8. Uno man an tawag sa asosasyon nan mga ginikanan sanan mga
maestra?
a. Parent Teacher Association
b. Principal and Teacher’s Association
c. Teacher Parent Association
d. waya sa ila.

9. Uno an tawag sa mga tawo na naghatag nan mga donasyon o nag-

donate sa eskuylahan?
a. tinun-an b. PTA C. Donor d. ginikanan

10. Sila an tagtudluan nan mga maestra sa eskuylahan. Sin-o man?

a. si tatay sanan nanay b. Guwardiya
c. Nurse d. tinun-an

4
HIMUUNON 2: Mga nagkalainlain na mga tawo na
nagdumaya sa ijo eskuylahan.
Materyales: papel, lapis/ballpen
Tugon/Direksyon: Isa-isahon sanan isuyat an mga trabahuon
sa mga tawo na nagdumaya sa eskuylahan.
TAWO/ TRABAHUON
NAGDUMAYA
1. Nurse

2. Janitor

3. Teacher

4. Security Guard

5. Nagdumaya sa
canteen
6. Principal

7. Librarian

8. Donor

9. Ginikanan

5
10. PTA

Himuunon 3 : Tukmaa kon sin-o!

Materyales : papel, lapis/ballpen
A. Tugon/ Direksyon: Mamati samtang basahon nan nanay.
Isuyat an tubag sa kahon.
1. Bag-o pa nobalhin sa eskuylahan si Lea. Gusto nija na mamuyos
nan libro sa Library. Kanin-o man sija mangajo nan tabang para
makabuyos sija nan libro na gusto nija basahon?

2. Si Marlon nagdali na pagsuyod sa eskuylahan. Sa ija pagsuyod,

nasugatan nija an tawo na amoy nagtan-aw kun an mga eskuyla
nagsukbot nan Uniform sanan I.D. Sin-o man an ija nasugatan.

3. Samtang pasingud si Juan sa playground nan eskuylahan

nabantajan nija an is aka tawo na nanilhig. Uno man sija?

4. Sa ija nako nakat-unan kun unhon pagbilang, pagbasa sanan

pagsuyat. Sin-o sija?

5. Nosakit an tijan ni Vince. Kanin-o man sija mangajo nan tabang

para matambajan an ija tagbati?

6
B. Tugon/Direksyon: Pilion sa kahon an tubag. Isuyat an tubag sa
linya.

Teacher
Janitor Librarian
Security Guard
principal

___________1. Amoy magtabang sa tagkinahanglan nan mga tinun-

an sa ila basahon sanan project.
___________2. Tagpagana ni Mano Allan an eskuylahan tungod sa
mga tanom nija na mga kahoy sanan buyak.
___________3. Si Maam Castro an nagtudlo nan hamok na butang na
angay sa ija mga tinun-an.
___________4. Tagbantajan pagdajaw ni Mano Oscar an eskuylahan
para luwas an mga tinun-an sa mga kadautan.
____________5. Tagpanguyohan ni Maam Donoso an mga teacher
sanan mga tinun-an sa tibuok eskuylahan.

Himuunon 4 : Hinungdan sanan Resulta !

Materyales : papel, lapis/ballpen

Tugon/Direksiyon: Basaha pagdajaw an mga pangutana, tapos

hanapa an sakto na tubag na muhaom sa kada sitwasyon na taghatag.
7
1. kun magtinabangay tanan nagdumaya sa eskuylahan, uno may
mahitabo sa eskuylahan?
a. gubot mintin an eskuylahan
b. pagkagana sanan kahapsay nan eskuylahan.
c. dili sila magkaisa sa eskuylahan

2. Kun wayay mga maestra sanan maestro, uno may mahitabo sa mga
tinun-an?
a. dili sila makabayo magsuyat, magbasa sanan magbilang.
b. dali ra makasabot sa leksyon.
c. makabayo sila musuyat, mubasa sanan mubilang.

3. Sige gawas an mga tinun-an bisan oras pa nan klase sanan bisan
sin-o rakay musuyod sa eskuylahan, uno may hinungdan ini?
a. kay wayay ila guwardiya o security guard na nagbantay sa ila
eskuylahan.
b. pwede ra musuyod sanan gawas bisan sin-o sa eskuylahan.
c. kay waya man tuho si teacher magbantay sa lugwa ugsa sige isab
sila suyod sanan gawas.

4. kon wayay doctor sanan nurse sa eskuylahan, uno may mahitabo

sa mga tawo na jaoy mayaot na tagbati sa lawas?
a. Wayay magtambay sanan mag-atiman sa ila sa eskuylahan kay
waya may doctor sanan nurse.
b. an guwardiya an magtambay sa ila.
c. an kantihira an magbantay sa ila.

8
 5. An palibot nan eskuylahan nila Mario arang kalipa, pati isab an ila
mga classroom sanan mga kaselyas. Uno man lipa man an ila palibot
sa eskuylahan?
a. kay waya man an ila nurse maghinlo sa ila palibot.
b. kay waya man an principal manilhig sanan manhinlo nan kaselyas.
c. wayay ila janitor sa eskuylahan para magmintinar nan kahinlo sa
eskuylahan.

Dugang Himuunon:
Tugon/Direksyon: Mag-drowing nan eskuylahan o classroom sa
tunga nan kahon, tapos imo isab i-drowing an mga tawo na
nagdumaya nan eskuylahan sa palibot nija. Ibutang mo isab an mga
pangayan sa mga tawo na imo tag-drowing.

9
 RUBRIK SA PAG-ISKOR SA DROWING
3 points Kompleto an tubag sanan dali masabtan
2 points Dili kompleto pero masabtan an tubag
1 point Dili kompleto sanan dili klaro an tubag
0 point Waya maghatag nan tubag

Repleksyon:
Ang tanan na mga tawo na nahisgutan may mga importante na
mahimo para sa eskuylahan. Nagtinabangay sila para magpabilin an
kagana sanan kahapsay sa ijo eskuylahan. Para na mahimo na
mapuslan, malipajon, sanan halajo sa kadaut an imo pagtuon dinhi sa
eskuylahan.

Mga Nahibayuan!
1. An ako nahibayuan sa ako tagtun-an amo an
________________________________________________________
________________________________________________________
________________________________________________________
________________________________________________________
________________________________________________________

10
________________________________________________________
________________________________________________________
________________________________________________________

Giya sa Pagkorek:
Himuunon 2 Magdepende sa tubag sa bata

TAWO/ TRABAHUON
NAGDUMAYA

1. Nurse amoy mag-atiman kun an tinun-an masakit samtang jaon sa eskuylahan.

2. Janitor An janitor an nagpadajon sa kalimpyo sanan pagkagana nan eskuylahan.

3. Teacher teacher amo an nagtudlo sa mga tinun-an.

4. Security Guard amo an nag-atiman para mahilajo sa kadautan an mga teacher sanan mga
tinun-an lakip na an mga butang sa eskuylahan.

5. Nagdumaya sa amoy nag-atiman sa kabaskog nan panlawas nan mga tinun-an.

canteen

6. Principal An Principal an nanguyo sa eskuylahan.

7. Librarian amoy magtabang sa tagkina- hanglan nan mga tinun-an sa ila basahon sanan
project

8. Donor Mag-donate nan mga butang sanan kwarta para pundo sa eskuylahan sa
kinasing-kasing na pagkahatag.

9. Ginikanan sila an nagsuporta sa ila mga anak sa pag-eskuyla para sila makahuman.

10. PTA isa ka asosasyon nan mga ginikanan sanan maestra, para sa karajawan nan
mga bata sanan eskuylahan.

11
 Himuunon 1

A. B.

1. Principal / Punong-guro 7. d
2. Librarian 8. a
3. Janitor 9. c
4. Security Guard / Guwardiya 10. d
5. Teacher
6. Tinun-an

Principal / punong-guro
Security guard / Guwardiya
Magdepende sa tubag sa bata Teacher
Repleksyon Janitor
Magdepende sa tubag sa bata Librarian
Dugang himuunon B.
C Doctor / nurse
A Teacher / maestra o maestro
A Janitor
A Security guard / Guwardiya
B Sa librarian
A. A.
Himuunon 4 Himuunon 3

Tagsabihan :
Abad, Ma. Corazon V. et al. , 2017. Araling Panlipunan1
Learner’s Material. Pasig City: Department of
Education.
Budget of Works for the Most Essential Learning
Competencies, Araling Panlipunan 1, Week 4 and 5,
Department of Education.

12
Most Essential Learning Competencies, Week 4 & 5, CG
Codes: AP1PAA-IIIb-4, Department of Education.

For inquiries or feedback, please write or call:

Department of Education – Schools Divisionn of Siargao

Office Address: Km. 3, Brgy. Osmena, Dapa, Surigao del Norte

Telefax: (085)342-8207; (085)342-5969

E-mail Address: siargao@deped.gov.ph

13