Ang mahinang pamamahala sa kapaligiran, labis na pagkonsumo ng mga likas na yaman at pagkasira ng yaman ay mga pangunahing aspeto ng kahinaan sa kapaligiran. Ang kakulangan sa pondo na maaaring gamitin upang mailaan kung sakaling magkaroon ng matinding kalamidad. Kulang din ang mga panustos na magagamit sa panahon ng sakuna. Paminsan- minsan lamang nagbibigay ng mga babala tungkol sa mga posibleng sakuna. Walang matibay na plano kung paano haharapin ang isang kalamidad. Ang kahinaan ng loob ng mga tao, organisasyon at lipunan na makayanan ang masamang epekto ng mga panganib dahil sa mga katangiang likas sa pakikipag-ugnayan sa lipunan. Ang hindi pagkakaisa ng mga mamamayan at pagsuway sa mga batas na na namamahala sa komunidad. Ang mga mahihirap at pinanghihinaan ng loob ang higit na maaapektuhan sakaling magkaroon ng kalamidad.
Pagtataya ng Peligro
Ang mahalagang impormasyon ay ibibigay ng hazard map na ito upang makatulong sa
paghahanda sa sakuna at pag-unawa sa mga panganib na dulot ng mga natural na sakuna. Ito ay binuo bilang batayan upang matukoy ang mga lugar na maaaring maapektuhan ng isang panganib. Ipinapakita rin nito ang lawak ng mga potensyal na mapanganib na lugar at maaaring isama sa impormasyon sa pamamahala ng kalamidad tulad ng mga lugar ng pag likas, mga ruta sa paglikas at iba pa. Ito ay magsisilbing gabay upang maiwasan ang mga negatibong posibleng mangyari sa atin at mabawasan ang epekto nito kung sakali na mangyari. Ito ang magsisilbing gabay at babala sa mga mamamayan kapag dumating ang kalamidad.
Ikatlong Yugto: Pagtugon sa Kalamidad
Ang pagkakaroon ng sapat na mga panustos tulad ng pagkain, tubig, gamot at mga emergency kit ay mahalaga. Mga balita mula sa mga lokal at pambansang na organisasyon upang makakuha ng mahahalagang impormasyon, na nagbo-brodkast ng impormasyon sa panganib na dala ng kalamidad at mga alerto sa kaligtasan 24/7. Responsibilidad ng lokal na pamahalaan ang agarang kapakanan ng mga residente. Ang mga serbisyo ng lokal na pamahalaan ay tutulong sa iba pang praktikal na paraan, tulad ng pagbibigay pansamantalang tirahan at maaari rin silang mag-alok ng sikolohikal na pangangalaga. Nagbibigay din ang pamahalaan ng tulong pinansyal na makakatulong sa mga taong lubhang naapektuhan para maayos ang mga pinsalang dulot ng kalamidad. Ang pakikipag- kooperasyon at pagtutulungan ay mahalaga sa gitna ng kalamidad. Kailangang maging disiplinado at huwag abusuhin ang anumang ibibigay ng gobyerno. Ang pagkakaisa ng mga mamamayan ay makatutulong sa bawat isa na malampasan ang pagsubok na dala ng kalamidad.