KHAWBUNG BRANCH KRISTIAN THALAI PAWL

LIGHT & SOUND SUB COMMITTEE

INKAIHHRUAINA

I. BUNGRUA ENKAWLNA LAM

1) Light & Sound Bungrua te hi Light & Sound Sub Committee tee maw, Sub
Committee in khawih tura a ruat te lo chuan mahni thu a lo khawih ve loh tur a ni.
2) K.T.P. inkhawm a hman turin Music instrument te hi Pathianni zan inkhawmban
emaw, Thawhtan tlai ah emaw in fit fel thin tur a ni. Dar rik hnu ah chuan inkhawm
boruak a tih chhiat thin avangin bungrua engmah in fit belh tawhloh hram hram tur a
ni.
3) Biak in chhunga kan dahluh ho bak hi chu kan bungrua te Kohhran Hall-ah felfai taka
dah tur a ni ang.

II. BUNGRUA HMANNA LAM

A. SOUND SYSTEM
1) Kan kohhran chhungah kohhran leh K.Ṭ.P. programme hrang hrangah Light &
Sound Sub Committee te buaipuina hnuaiah hman theih a ni ang.
2) Kan bial chhungah bial huap programme hrang hrangah mamawh an awm chuan
Branch Committee hriatpuina in Light & Sound Sub Committee te buaipuina
hnuaiah hman chhuah theih a ni ang.

B. MUSICAL INSTRUMENT
1) Kan kohhran chhunga kohhran programme hrang hrangah hman theih a ni ang.
2) Kan bial chhunga bial huap programme hrang hrangah mamawh an awm chuan
Branch Committee hriatpuina in Light & Sound Sub-Committee te buaipuina
hnuaiah hawh chhuah theih a ni ang.
3) Kan kohhran chhung emaw, bial huap emaw a chanvo nei tur te tan Light &
Sound Sub Committee te en puina hnuaiah kohhran hall-ah inbuatsaihna atan
hman theih a ni ang.
4) Zai tur in lama Guitar nena lo in buatsaih duh tan Guitar hlui zawk hi ni 2 chhung
hawh chhuah theih a ni ang. Instrument dang hi chu hawh chhuah theih a ni
lovang.

III. ZIRNA LAM

A. SOUND SYSTEM
1) Light & Sound Sub Committee ten a zir hun tur mumal takin an ruat thin anga,
chumi bak chu a hranpa a mimal anga mahni thu a lo khawih leh zirna lo neih a
rem lovang.

B. MUSICAL INSTRUMENT
1) Musical Instrument te hi a zir duh tan a thiam te (Zai hruaitute) kaihhruaina
hnuaiah zir theih a ni anga. Kar tin Thawhleh zan, Ninga zan, Inrinni zan
inkhawm ban leh Pathianni chawhnu inkhawm ban ah te darkar hnih zir thin tur a
ni ang. Tul bik thilah chuan Light & Sound Sub Committee leh Zai hruaitu
committee te ruahmanna angin hei bak pawh hi zir hun ruahman theih a ni ang.
Heng ruahmanna piah lamah hi chuan mahni thu a lo zir leh bungrua lo khawih a
rem lovang.
2) Music zir nan hian Keyboard hlui zawk, Mixer hlui zawk, Guitar hlui zawk,
Table drum leh Bass Guitar te hi hman theih an ni ang.
3) Drums zir tur bik ten Table Drum ah zir hmasak phawt tur a ni anga, a kalphung
an hriat hnu ah Light & Sound leh Zai hruaitu Sub Committee ten a thar zawk zir
turin ruahmanna an siam thin ang.

(Note : Heng inkaihhruaina te hi a tul dan azirin Branch Committee in a lo siamrem thei ang.)