KANTA HA PAGTIKANG
DANGUP HAN ROSARIO, ANAK NI
MARIA. HAN PANABANG NIYA, KITA
DARAON. AN REYNA HAN LANGIT,
KANAN DIYOS PINILI. IROY NGA
HAMILI, SADANG SINGBAHON.
AN SANTOS NGA ROSARYO
Tungod san tigaman + san Santa Cruz, sa
amon + mga kaaway, bawion mo kami +
Ginoo nga Dyos namon. Sa ngaran sa
Amay ug sa Anak + ug sa Espiritu Santo.
Amen.
Natoo ako…
Amay Namon…
Maghimaya ka Maria (3x) …
Himaya sa Amay…
AN MGA MISTERYO HAN ROSARYO
Siyahan nga Misteryo: Ighalad naton hini
nga misteryo nga tungod han mga
tinubyanan han Singbahan: an aton Santo
Papa, aton Arzobispo, mga kapadian ug an
ngatanan nga nangungulo han
Kristohanon nga Katilingban ug mga
institusyon, sugad man, an mga
tinubyanan han pan-gobyernohan lab-i na
ha aton nasud, lalawigan ug barangay:
basi hira dayuday magtuman han larang
han Dyos para han kaupayan han mga
tawo nga igintubyan ha ira panimangno.
kon ‘di man ini:
Langitnon namon nga Amay
ginhahalad namon in inga misteryo para
han mga grasya nga natatagam-taman han
ngatanan nga mga tawo ha kalibutan.
Salamat Ginoo han imo kamahinatagon,
kamahigugmaon, kamapasinayloon, ngan
Salamat Ginoo han ngatanan.
Amay Namon…
Maghimaya ka Maria (10x) …
Himaya sa Amay…
O Jesus ko…
O Maria nga iginpanamkon ka
nga waray sala; Ig-ampo mo kami
nga nadangup ha imo.
Ikaduha nga Misteryo: Ighalad naton
hini nga misteryo nga tungod han mga
kablas, nagkukuri, ginpapakurian, mga
magsakit ug an naghihingutas: basi
lamragan hira ug pabaskogon an ira
kasing-kasing ug huna-huna han aton
Ginoo nga amo an magdadara ha ira hin
tinuod nga kabag-ohan ug kaupayan ha
kinabuhi ngan basi tambalon an mga
magsakit han Ginoo nga magtaralwas
ngan pinaagi han grasya ug kalooy han
Dyos ngan panabang ni Maria Santisima
mahibalik na an ira maupay nga panlawas.
kon ‘di man ini:
Langitnon namon nga Amay
ginhahalad namon in inga misteryo para
han aton Santo Papa, para ngadto han
mga Obispo, mga Kapadian, mga
Seminarista ug ngatanan nga
nagseserbisyo ha Simbahan nga katagan
hira hin maupay nga panlawas ug halawig
ngan mahimyang nga pagserbisyo ngadto
han imo ngaran ug ngatanan nga mga
katawhan.
Amay Namon…
Maghimaya ka Maria (10x) …
Himaya sa Amay…
O Jesus ko…
O Maria nga iginpanamkon ka
nga waray sala; Ig-ampo mo kami
nga nadangup ha imo.
Ikatulo nga Misteryo: Ighalad naton hini
nga misteryo nga tungod han aton mga
panimalay ug han kada tagsa nga pamilya:
basi an tagsa-tagsa nga panimalay nga
maghadi unta ha ira an pagsihigugma-ay,
pagka-urusa ngan kalinaw ngan magin
saksi ug gawi han Kristohanon nga pag-
ukoy ha sulod han Kristohanon nga
Katilingban dinhi ha kalibutan.
kon ‘di man ini:
Langitnon namon nga Amay
ginhahalad namon in inga misteryo para
han kamurayaw, kalinaw, paghigugma,
pagtuo, ug pagkaurosa ha bug-os nga
kalibutan.
Amay Namon…
Maghimaya ka Maria (10x) …
Himaya sa Amay…
O Jesus ko…
O Maria nga iginpanamkon ka
nga waray sala; Ig-ampo mo kami
nga nadangup ha imo.
Ikaupat nga Misteryo: Ighalad naton hini
nga misteryo nga tungod han aton mga
kabugtuan nga tinmalikod na hinin
kalibutan, an ngatanan nga mga kalad ha
purgatoryo, mga biktima han magkalain-
lain nga mga sakit, mga ginpamatay, mga
nagkamatay nga hin makangingirhat nga
paagi ug mga nagpakamatay: basi an
kalooy ug gugma han Ginoo amo an
magdara ha ira ngadto han dayon nga
kalipay ha langit.
kon ‘di man ini:
Langitnon namon nga Amay
ginhahalad namon in inga misteryo para
han ngatanan nga mga kalag ha
purgatoryo, labi na gud adton waray nag-
aampo ug pinanhingalimtan.
Amay Namon…
Maghimaya ka Maria (10x) …
Himaya sa Amay…
O Jesus ko…
O Maria nga iginpanamkon ka
nga waray sala; Ig-ampo mo kami
nga nadangup ha imo.
Ikalima nga Misteryo: Ighalad naton hini
nga misteryo para han kalinaw han aton
nasud ug han bug-os nga kalibutan.
Ighalad gihapon naton ini nga misteryo
para han aton mga personal nga mga
intensyon.
kon ‘di man ini:
Langitnon namon nga Amay
ginhahalad namon in inga misteryo para
ngadto han mga tawo nga nagkukuri han
ira mga panginabuhi, ha matag-adlaw, nga
diri kawad-an hin paglaum, lugod sumarig
ug matubo ha ira kasingkasing an pagtuo
sa Diyos ug paghigugma.
Amay Namon…
Maghimaya ka Maria (10x) …
Himaya sa Amay…
O Jesus ko…
O Maria nga iginpanamkon ka
nga waray sala; Ig-ampo mo kami
nga nadangup ha imo.
Maghimaya ka Maria, anak han Dyos
Amay. Maghimaya ka Maria, iroy han
Dyos Anak. Maghimaya ka Maria,
esposa han Dyos Espiritu Santo.
Maghimaya ka Maria, singbahan ug
urukyan han Santisima Trinidad.
Maghimaya ka Maria, iginpanamkon
gawas han sala nga panurondon.
LITANIYA HAN BIRHEN
PAG-AMPO
O Dyos, kay ilinukat mo man kami
han imo bugtong nga Anak, pinaagi han
iya kinabuhi, kamatayon ug
pagkabanhaw, han mga balus han
kinabuhi nga dayon, nangangamuyo
kami ha imo nga kami an
nagpapalandong han misteryo han
gisasantosi nga Rosaryo han baraan
nga Birhen Maria, makasunod unta
kami han mga tutdo hini nga mag
misteryo ug makadangat kami han ira
mga iginsasaad. Tungod kan Jesucristo
nga amon Ginoo. Amen.
PAG-AMPO HAN BIRHEN HAN
PAGLAUM HAN PALO
Nangangaraba ka ha imo, O
baraan nga Iroy han Dyos, mahal nga
Senyora han paglaum, puno hin
pagtapod, diri la ha panahon hin
kalipay ug pagdarag-an kundi ha takna
hin mga kabido-an ug kahadlok.
Dayuday ipakita ha amon an bunga han
tiyan mo, si Jesus: amon lamrag ha
butnga han kasisidman, amon kusog ha
panahon hin kaluya, amon bulong ha
panahon hin sakit, amon paglaum ha
higayon hin kapakyas.
Tutdo-I kami hin pagsud-ong han
iya mga mata hin pagkugos ha iya ha
amon mga butkon ngan hin pagpas-an
han iya kros ha amon sugbong. O
Maria, Iroy namon, pamatii nga
maloloy’on an amon pangamuyo ngan
dayuday dad-a kami ngada ha amo la
nga Paglaum, an imo hinigugma nga
Anak ni Jesucristo, amon Ginoo. Amen.
Mahal nga Birhen han Paglaum,
Ig-ampo mo kami.
PAG-AMPO KAN SAN MIGUEL
ARKANGHEL
San Miguel Arkanghel, panalipdi
kami ha aragway. Bantayi kami ha mga
pandarahug ug pantarhug han
panulay. Suplahon hiya han Dyos,
nanginginyupo kami; ngan ikaw,
prisipe han langitnon nga hugpo,
tungod han gahum han Dyos, huluga hi
Satan ngadto ha impyerno ug an
ngatanan nga magraut nga espirito
nga nasudoy ha kalibutan hin
panhibang han mga kalag. Amen.
San Miguel Arkanghel, ig-ampo
kami.
KATAPUSAN NGA HIMNO
VIRGEN MARIA, AMON DARANGPANAN
IINI HA IMO TIILAN
AN MGA KALAG NGA NAG-PAAGAK
HA IM’ GUGMA HAN MGA ANAK
WARAY LAIN NGA AMON PAGLAUM
KUNDI AN DAKO MO NGA GAHUM
IPAKITA AN IMO KALOOY
KAY IKAW MAN AN AMON IROY
AN KINABUHI PUROS KATARAGMAN
NGAN MALUYA KAMI NGATANAN
KON MAWAD-AN HAN IMO PANABANG
KASAL-ANAN NAMON MADUGANG
LABI NA KAY HAN AMON KAURAY
NAGAMA HAN MGA PANULAY
HA PAGMANGNO HAN AM’
KADUNGGANAN
AYAW GAD MAN KAMI TUBYANAN.
O Maria nga iginpanamkon ka nga
waray sala, ig-ampo mo kami nga
nadangop ha imo.
Birhen han Del Rosario, ig-ampo mo
kami (3x)
Amay Namon… Maghimaya ka Maria…
Himaya sa Amay…
Ha ngaran han Amay ug han Anak ug +
han Espiritu Santo. Amen.