Tronco curto. Cortiza branca ou cincenta, lisa, con capas papiráceas que se desprenden transversalmente. A cortiza co tempo se escurece e greta. Copa irregularmente redondeada. Follas de 4-6 cm, romboidais ou ovadas, dentadas de forma irregular. Flores masculinas reunidas en amentos de 3-6 cm, pardo amarelados, cilíndricos e colgantes. Flores femininas en amentos globosos e colgantes, verdosos, de 1,5-3,5 cm. Florece en abril e maio. Froito en aquenio (noz) con dúas ás laterais membranosas. Madura de xullo a setembro. Planta pirófita e resistente ao frío. Especie adaptable a diversos ambientes. Desenvólvese con facilidade en condicións difíciles. A madeira é moi flexible, pero pouco duradeira, utilizándose en contrachapados. A súa brea, obtida carbonizando a cortiza, emprégase como impermeabilizante. A feluxe utilízase para tinta de imprenta e nos tóners; as súas follas son diuréticas. Atópase por case toda Europa, no norte da Península Ibérica e nos sistemas Ibérico e Central.