Mövzu 1. Maliyyə menecmentinin nəzəri-metodoloji əsasları.
1.1. Maliyyə menecmentinin mahiyyəti və məzmunu.
1.2. Maliyyə menecmenti barəsində nəzəri baxışlar 1.3. Maliyyə menecmentinin konseptual əsaslarının işlənilməsi.
1.1. Maliyyə menecmentinin mahiyyəti və məzmunu.
Dünyanın iqtisadi cəhətdən inkişaf etmiş ölkələrində XX əsrin 60-cı illərində xüsusi kapitalın idarə edilməsi metodlarının ümumiləşdirilməsini və inkişafını nəzərdə tutan maliyyənin neoklassik nəzəriyyəsinin surətlə inkişafı müstəqil sistemləşdirilmiş elmi-praktiki istiqamət kimi maliyyə menecmentinin təşəkkülünə gətirib çıxarmışdır. Sonrakı illərdə orta və iri şirkətlərin maliyyə resurslarının idarəetmə sistemi kimi maliyyə menecmentinin inkişafına xüsusi önəm verildi və bu zaman yeni peşə-maliyyə meneceri peşəsi yarandı. Maliyyə meneceri – mühasib və maliyyəçi funksiyalarını özündə birləşdirən, maliyyə alətləri ilə işləməyi, mühasibat (maliyyə) hesabatlarını təhlil etməyi, aktivlərin, kapitalın və öhdəliklərin idarə olunmasını bacaran mütəxəssisdir. Maliyyə menecmenti – müəssisənin strateji və taktiki məqsədlərinə nail olmaq üçün rasional mənbələrdən maliyyə resurslarının cəlb edilməsi və onlardan daha səmərəli istifadə olunması yolu ilə pul axınlarını effektiv idarə edən elmdir. Maliyyə menecmenti müəssisələrin maliyyə fəaliyyətinin , yəni onların kapital və gəlirlərinin formalaşması və istifadəsi ilə əlaqədar pul münasibətlərinin idarəetmə məharətidir. İdarəetmə məharəti biznesin daxili və xarici mühitinin diaqnostikasının köməyilə səmərəli maliyyə strategiyası və taktikasının işlənib hazırlanmasında təzahür edir. Biznesin daxili mühitinin diaqnostikası müəssisənin aktivlərinin xüsusi və borc kapitalının səmərəli idarə olunması üzrə kompleks tədbirlərin işlənib hazırlanmasını nəzərdə tutur. Maliyyə menecmenti daima maliyyə mənbələrinin seçimi problemi ilə üzləşir, çünki bu və ya digər mənbəyin xidməti müəssisəyə eyni səviyyədə başa gəlmir. Maliyyə menecmenti - maliyyə-kredit mexanizminin maliyyə ehtiyatlarına təsiri üsulu ilə idarəetmə prosesidir. Maliyyə menecmentinin müxtəlif istiqamətləri idarəetmə obyekti ilə müəyyənləşir. Ölkənin bütün maliyyə-kredit sistemi manqalarında idarəetmə prosesinin vahidliyinə baxmayaraq maliyyə ehtiyatlarının mənbələrindən asılı olaraq, təsir etmə üsulları müxtəlifdir. Menecerlərin xüsusi əmək əşyaları məlumatlardır ki, onu müxtəlif nöqteyi- nəzərdən öyrənərək obyektinin vəziyyəti və onun dəyişdirilməsi üçün idarəetmə qərarları qəbul edilir. Maliyyə məlumatlarına maliyyə ehtiyatlarının sərfli və onların məqsədli və səmərəli istifadəsinə nəzarət də aid edilir. Kapital qoyuluşları büdcəsinin smetasının tərtibi, maliyyələşdirmə və divident sahəsindəki siyasət və başqa maliyyə həlləri maliyyə nəzəriyyəsinin qaydalarına əsaslanır. Bu nəzəriyyənin böyük hissəsi normativ xarakterdə olmasına baxmayaraq, pozitiv tədqiqatların da əhəmiyyəti böyükdür. Pozitiv tədqiqatlara, dəyişkən kəmiyyətlər arasındakı qarşılıqlı əlaqələrin axtarılması ilə yanaşı (məs.: dividentlərin verilməsi siyasəti ilə aksiyaların qiyməti) maliyyə menecerlərinin təcrübədə fəaliyyətinin öyrənilməsi məsələləri də aid olunur. Biznes fəaliyyətinin idarə edilməsi ilə əlaqədar maliyyə menecmenti bütöv maliyyə elmindən ayrılaraq müstəqil elm sahəsinə çevrilmişdir. Maliyyə elminin təşəkkülü və inkişafını əsasən üç mərhələyə ayırmaq olar: Rim imperiyası vaxtında başlayan və XIX əsrin ortalarında başa çatan birinci mərhələdir ki, bunun nəzəri əsasını maliyyənin klassik nəzəriyyəsi təşkil edir. Maliyyə menecmentinin inkişafının ikinci mərhələsi XIX əsrin sonu və XX əsrin əvvəllərində baş vermişdir. Bu mərhələdə maliyyə menecmentinin formalaşmasının əsas meyarları, göstəriciləri və oriyentrləri müəyyənləşdirilmişdir. Maliyyə menecmentinin inkişafının üçüncü mərhələsinə keçid keçən əsrin 30-cu illərinə təsadüf edir. Həmin vaxtlarda dünya iqtisadiyyatında dərin tənəzzül prosesi baş vermişdir, çoxlu müəssisələr maliyyə çətinlikləri ilə qarşılaşmışlar. Bu mərhələdə resursların ayrı-ayrı növləri arasında optimal nisbəti müəyyənləşdirməyə imkan verən əmsallar tapıldı. Məsələn, ABŞ-da “Qiymətli kağızlar haqqında” (1933-cü il), “Banklar haqqında” (1933-cü il), “Fond birjası haqqında” (1934-cü il), “Holdinq şirkətləri haqqında” (1935-ci il), “İflas haqqında” (1938-ci il) və s. qanunlar qəbul edilmişdir. Bununla da şirkətlərin maliyyə fəaliyyətinin dövlət tənzimlənməsinin əsası qoyuldu. Eyni zamanda kapitalın dəyər və struktur konsepsiyası, vaxta görə pulun dəyər konsepsiyası, risk və gəlirlərin səviyyələrinin qarşılıqlı əlaqəsi konsepsiyası və modellər işlənib hazırlanmışdı.
Maliyyə menecmentinin inkişafının üçüncü mərhələsində sənaye
sahələrində risklərin proqnozlaşdırılmasının metod və üsulları, habelə riskin sığortalanması qaydası işlənib hazırlanmışdır. Maliyyə menecmentinin predmetini kapitalın hərəkətini əks etdirən pul axınları təşkil edir. Maliyyə menecmenti maliyyə, idarəetmə, uçot və təhlil sahəsindəki nəzəri işləmələri və onun çərçivəsində hazırlanmış yanaşmaların praktiki tərəflərini müvəffəqiyyətlə əlaqələndirən iqtisad elminin ən perspektiv istiqamətlərindən biridir. Maliyyə menecmenti maliyyə nəzəriyyəsi ilə mühasibat uçotu arasında əlaqələndirici həlqədir. Başqa sözlə, maliyyə menecmentinə gedən yolun başlanğıcı mühasibat uçotundan keçir. Maliyyə menecmentinin mühasibat uçotu ilə sıx qarşılıqlı əlaqəsi aşağıdakı səbəblərlə izah olunur: • bəzi təsərrüfat subyektlərində, xüsusilə kiçik müəssisələrdə maliyyə meneceri və mühasib vəzifəsi birləşdirilir; • maliyyə xarakterli qərarlar mühasibat uçotunun informasiyaları əsasında qəbul edilir; • maliyyə menecmenti müəssisənin maliyyə fəaliyyətinin yaxşılaşdırılması və müəyyən maliyyə nəticələrinin əldə edilməsi məqsədilə həyata keçirilən prosesdir; • maliyyə xarakterli bir çox vacib qərarların əsaslandırılması uçot obyektinin fəaliyyətinin bu və ya digər aspektlərinin başa düşülməsinin adekvat səviyyəsindən bilavasitə asılıdır; • maliyyə menecmentinin strukturlaşma məntiqi və onun əsas bölmələrinin məzmunu ən yaxşı halda mühasibat balansına əsaslanır.
Maliyyə menecmentinin məzmununa qarşılıqlı əlaqəli aşağıdakı məsələlər
aid edilir: • ümumi maliyyə təhlili və planlaşdırma; • pul vəsaitlərinin cari idarə edilməsi; • istehsalın rentabellik səviyyəsinin yüksəldilməsini təmin edən maliyyə fəaliyyətinin idarə edilməsi; • investisiya fəaliyyətinin idarə edilməsi; • maliyyə resursları mənbələrinin idarə edilməsi.
Maliyyə menecmentinin strateji məqsədi müəssisənin bazar dəyərini
maksimum artırmaqdan ibarətdir. Maliyyə menecmentinin vəzifələrinə daxildir: maliyyə hesabatının təhlili; pul vəsaitinin proqnozlaşdırılması; səhm buraxılışı; kredit və borcların alınması; investisiyalarla əməliyyatlar; firmaların birləşmə və sərfetmə əməliyyatlarıının qiymətləndirilməsi Maliyyə menecmentinin digər məqsədlərinə aiddir:` • 1.Müəssisənin rəqabət mübarizəsi şəraitinə tab gətirə bilməsi • 2. müflisləşmə və böyük maliyyə uğursuzluğundan qaçmaq • 3. rəqiblərlə mübarizədə liderlik • 4. müəssisənin iqtisadi potensialının artım tempinin dayanaqlılığı • 5. Istehsal və satışın artim tempi • 6.xərclərin minimumlaşdırılması • 7.Rentabellik fəaliyyətinin təmin edilməsi 1.2. Maliyyə menecmenti barəsində nəzəri baxışlar XX əsrin ortalarında iri biznesin təşəkkülü və milliləşdirilməsi maliyyə bazarlarının inkişafı ilə əlaqədar şirkətlərin fəaliyyətinin maliyyələşdirilməsinin əsas aləti kimi «maliyyə» termini yeni reallığı nəzərə almaqla dəyişdirilmişdir. Bu dəyişiklikdə ən çox xüsusi biznes sferasında maliyyə resurslarının dövr etməsi ilə əlaqədar motivlərin alınması nəzərə çarpır. Müasir İngiltərə-Amerika maliyyə məktəbi üçün ən xarakterik «maliyyə» məfhumunun bir sıra təriflərini nəzərdən keçirək. L.Qitmanın fikrincə maliyyə – pulun idarə olunmasının incəsənəti və elmidir. Maliyyə fərdlər, firmalar və hökümətlər arasında pul vəsaitlərinin dövr etməsinə münasibəti olan prosesləri, institutları, bazarları və alətləri əhatə edir. R.Parkerin lüğətində qeyd edilir ki maliyyə monitar resursların və onların istifadəsi üsullarının xarakteristikası üçün işlədilən ümumiləşdirici termindir. Monitar resurs dedikdə qiymətin dəyişməsindən asılı olmayan və yalnız indeksləşdirmə nəticəsində dəyişilə bilən müəyyən pul dəyəri olan aktivlər başa düşülür. Müasir iqtisadi lüğətdə göstərilir ki, «maliyyə» terminini dar mənada monitar formada kapital kimi, yəni maliyyə bazarının, yaxud maliyyə institutunun köməyilə uzunmüddətli məqsəd üçün ayrılmış, yaxud alınmış fondlar kimi aydınlaşdırmaq olar. Geniş mənada bu termin istənilən mənbədən alınmış və istənilən məqsədlər üçün istifadə olunmuş fondlara şamil edilir. Bu tərif R.Parkerin maliyyə termininə verdiyi tərifə uyğun gəlir, fərqli xüsusiyyətləri isə aşağıdakılardan ibarətdir: • «Kapital» anlayışı istifadə olunur, həmçinin fondların formalaşması üzrə əməliyyatların uzunmüddət məqsədli xarakter daşıması qeyd edilir. • Söhbət ya balansın aktivində, ya da balansın passivində əks etdirilən uçotun obyekti haqqında gedir; Rus ədəbiyyatında qeyd edilir ki, «maliyyə» termini dedikdə ənənəvi olaraq, ümumi daxili məhsulun yaradılmasında iştirak edən subyektlərin pul vəsaitləri fondlarının formalaşması və istifadəsi prosesində qurulan iqtisadi münasibətlərin məcmusu başa düşülür . Subyekt kimi dövlət orqanları, xüsusi müəssisələr, qeyri-kommersiya təşkilatları və ev təsərrüfatları çıxış etdiklərinə görə bu tərifdə həm mərkəzləşdirilmiş, həm də mərkəzləşdirilməmiş pul vəsaitləri fondları əhatə olunur. Fikrmizcə, maliyyənin yalnız pul vəsaitləri fonduna aid edilməsi düzgün deyil. Çünki pul vəsaitlərinin iştirakı olmadan da maliyyə xarakterli əməliyyatlar həyata keçirilə bilər. Alqı-satqı əməliyyatları zamanı müqabilə əsasında mala görə aktivlərlə ödənişi, səhmdarlara dividendlərin verilməsini, nizamnamə kapitalına pul vəsaitlərsiz pay qoyulmasını buna misal göstərmək olar. İngiltərə-Amerika maliyyə məktəbinin nümayəndələrinin mülahizələrini ümumiləşdirərək belə bir məntiqi nəticə çıxarmaq olar ki, «maliyyə» termini maliyyə obyektlərinin və onların idarə edilməsi üsullarının məcmusunu ifadə edir. Maliyyə obyektləri dedikdə maliyyə aktivləri və öhdəlikləri, onların idarə edilməsi dedikdə isə onların fəaliyyətinin səmərəli təşkili sistemi başa düşülür. Strukturca o, dövlət maliyyə orqanları və idarələrinin, maliyyə institutları və bazarlarının müəyyən maliyyə sistemi yaradılmasında ifadə olunur, onların fəaliyyəti isə maliyyə obyektlərinə müxtəlif maliyyə metodları və alətlərinin tətbiqi yolu ilə həyata keçirilir. Maliyyə menecmenti firmanın (müəssisənin) qarşısında duran məqsədlərə nail olmaq kontekstində müstəsna rol oynayır. Müəssisə maliyyəsinin idarə edilməsi sisteminin formalaşması və strukturlaşması onun qarşısında duran məqsədli tapşırıqların prioritetliyi əsasında həyata keçirilir, yəni yaradılan sistem həm ümumfirma, həm də dar funksional xarakterli müəyyən məqsədlərə çatmağa səbəb olsun. Aydındır ki, ümumi halda iqtisadi məqsədlərin məcmusu haqqında danışmaq olar. Həmin məqsədlərə nail olunması firmada maliyyə menecmenti sisteminin uğurla fəaliyyət göstərməsi, xüsusilə müflisləşmə və iri maliyyə uğursuzluqlarından qaçmaq, rəqiblərlə mübarizədə liderlik, istehsal həcminin artırırlması və realizasiyası, maksimum mənfəətin əldə edilməsi, əmtəə bazarında müəyyən paya malik olması əlamətlərinə xidmət edir. Müxtəlif vəziyyətlərdən asılı olaraq bu və ya digər kəmiyyət, yaxud keyfiyyət göstəricilərinin məqsədyönlülüyünü əsaslandırmaq olar. Konkret situasiyadan, fəaliyyət növündən, firmanın, yaxud layihənin təyinatından və digər vəziyyətlərdən asılı olaraq bu və ya digər meyarlar çıxış edə bilər. Ən ümumi halda kapitallaşmanın artırılması və mənfəətin dayanaqlı alınmasına yönəldilən iki baza yanaşmasından söhbət gedə bilər. Birinci yanaşmaya uyğun olaraq firmanın maliyyəsinin idarə edilməsi sisteminin məzmununu və əsas məqsədi səmərəli maliyyə siyasətinin köməyilə onun sahibkarının sərvətini maksimum artırmaqdan ibarətdir. Bu məqsədin kəmiyyətcə təsdiqi firmanın səhmlərinin bazar qiymətinin artırılmasında təzahür edir. Başqa sözlə, əsas meyar – firmanın səhmlərinin qiymətinin artan tendensiyasıdır, yaxud bazar kapitallaşmasının artımıdır. Milli iqtisadiyyatın dünya təsərrüfat sisteminə sıx inteqrasiyası şəraitində maliyyə bazarları şirkətlərin fəaliyyətlərinə güclü təsir göstərirlər. Maliyyə- təsərrüfat fəaliyyətinin idarə olunması sistemini təkmilləşdirmək, maliyyə bazarlarında əməliyyatları uğurla başa çatdırmaq və iqtisadi resurslardan daha səmərəli istifadə etmək firma və şirkətlərin rəqabət qabiliyyətinin yüksəldilməsinin vacib amillərinə çevrilmişdir.
1.3. Maliyyə menecmentinin konseptual əsaslarının işlənilməsi.
Maliyyənin neoklassik nəzəriyyəsi- kapital bazarlarının inkişaf qanunauyğunluqlarını və onların iştirakçılarının davranış məntiqi və prinsiplərini nəzəri cəhətdən əsaslandırır. Bazar iqtisadiyyatı şəraitində bu istiqamətin əsas sistemyaradıcı elementi olan müəssisə kapital bazarı ilə bilavasitə münasibətdə fəaliyyət göstərir. Lakin firmanın maliyyə fəaliyyətinin idarə edilməsi təkcə maliyyə bazarlarındakı əməliyyatlardan ibarət deyil. Çünki maliyyə bazarlarındakı əməliyyatlar pul axınları, investisiya, borc-istiqraz əməliyyatlarının idarə edilməsi üzrə aparılan müxtəlif növ əməliyyatların yalnız bir hissəsidir. Məhz bu vəziyyət maliyyə menecmentinin nəzəri əsaslarının işlənib hazırlanması üçün əsas olmuş üç elmin: maliyyənin neoklassik (müasir) nəzəriyyəsi, mühasibat uçotu və idarəetmənin ümumi nəzəriyyəsinin birləşməsindən müstəqil elmi və praktiki istiqamət kimi formalaşmışdır. XX əsrin 40-50-ci illərini maliyyə elminin inkişafında prinsipcə yeni mərhələnin başlanğıcı adlandırmaq olar, məhz həmin illərdə maliyyənin neoklassik nəzəriyyəsi inkişaf etdirilmişdi. Yeni nəzəriyyənin təşəkkülü və inkişafı çox sürətli templə getmişdi; əsas səbəb biznesin inkişafı və beynəlmiləşməsi, maliyyə bazarının möhkəmlənməsi, bank sektorunun genişlənməsi və s. ilə əlaqədar praktiklər tərəfindən son dərəcə tələbatın artması olmuşdur. Artıq XX əsrin 50-ci illərinin sonunda İngiltərə-Amerika maliyyə məktəbinin nümayəndələrinin səyi sayəsində mikroiqtisadiyyatdan yeni bir istiqamət ayrıldı və maliyyə elmində üstünlük təşkil etdi. • Maliyyənin neoklassik nəzəriyyəsi aşağıdakı ilkin tezislərə, zəminlərə əsaslanmışdı . • Dövlətin iqtisadi qüdrəti, deməli onun maliyyə sisteminin dayandaqlığı da əsasını iri korporasiyalar təşkil edən, xüsusi sektorun inkişafı ilə müəyyən edilir. • Sahibkarlıq sektorunun maliyyəsi ölkənin maliyyə sisteminin əsasını təşkil edir. • Sahibkarlıq fəaliyyətinə dövlətin müdaxiləsi minimuma endirir. • İri korporasiyaların inkişaf imkanlarını müəyyənləşdirən maliyyələşdirmənin mümkün mənbələri içərisində mənfəət və kapital bazarı əsas sayılır. • Kapital, əmtəə və əmək bazarlarının beynəlmiləşməsi ona gətirib çıxarır ki, ayrı-ayrı ölkələrin maliyyə sistemlərinin və kapital bazarlarının ümumi inkişaf meyli inteqrasiyaya cəhd adlanır. Bütün bu tezislər qlobal maliyyə sisteminin inkişafının müasir səviyyəsində və meyllərində aydın təsdiqini tapırlar. Belə ki, axırıncı tezisə münasibətdə, Avro pul vahidinin yaradılması, mühasibat uçotunun sistem və modellərinin konverkensiya layihəsinin reallaşdırılması haqqında aparıcı ölkələrin mühasibat uçotunun və maliyyə bazarlarının tənzimləyicilərinin sazişi kimi faktlar çox əhəmiyyətlidir. Maliyyənin neoklassik nəzəriyyəsini ümumi şəkildə maliyyə üçlüyünün: resurslar, münasibət, bazarların təşkili və idarə edilməsi barədə biliklər sistemi kimi müəyyənləşdirmək olar. Bu nəzəriyyə çərçivəsində aksent, hər şeydən öncə, bazar iqtisadiyyatının əsas sistemyaradıcı elementi kimi firmanın maliyyəsinin idarə edilməsində meyllərin ümumiləşdirilməsi, izahı, proqnozlaşdırılması və formalaşmasına edilir. Kapital bazarına və iri şirkətlərə diqqət yetirilməsi təsadüfi deyil. Dünya təcrübəsi göstərir ki, real bazar iqtisadiyyatında səhmdar cəmiyyətləri mühüm rol oynayırlar. Müxtəlif mülkiyyət formalı müəssisələrin ümumi sayında onların xüsusi çəkisi nisbətən böyük deyil, amma milli sərvətin yaradılmasında töhfəsi son dərəcə böyükdür. Dünyanın inkişaf etmiş ölkələrinin iqtisadiyyatında korporativ biznes aparıcı rol oynayır; kapitalın təmərgüzləşmə səviyyəsi yüksəkdir; milli iqtisadiyyata iri şirkətlər nəzarət edirlər; maliyyə bazarlarının rolu böyükdür, məhz bu bazarlar bir çox iqtisadi fəlakətlərin, sarsıntıların katalizatoru sayılır. Maliyyənin neoklassik nəzəriyyəsinin əsasını maliyyə bazarlarının fəaliyyət prinsipləri haqqında biliklərin sistemləşdirilməsi təşkil edir. Maliyyə kapitalı təşəkkül tapdıqca iqtisadiyyatın inkişafında maliyyə bazarlarının rolu daha əhəmiyyətli olur. XIX əsrin sonunda maliyyə bazarlarında yaranmış meyllərin nəzəri dərk edilməsinə, birjaların və birja torqları iştirakçılarının işinə bəzi standart yanaşmaların hazırlanmasına tələbat tədricən formalaşırdı. Maliyyə menecmentinin konseptual əsasları. Maliyyə menecmentinin müstəqil sistemləşdirilmiş elmi-praktiki istiqamət kimi formalaşmasına biznesin idarə edilməsində yaranmış meyllərin reallığına alimlərin və praktiklərin təbii reaksiyası səbəb olmuşdur. Biznesin idarə edilməsindəki meyllər maliyyə resursları və bazarlarının əhəmiyyətinin artması, onların qloballaşması, biznesin beynəlmilləşməsinin güclənməsi və iri transmilli şirkətlərin inkişafı ilə şərtlənir. Bu reallıq, hər şeydən əvvəl, xüsusi kapitalın idarə edilməsi metodlarının ümumiləşdirilməsini və inkişafını vurğulayan maliyyənin neoklassik nəzəriyyəsinin təşəkkülünə gətirib çıxarmışdır. Maliyyə menecmenti bəzi təsərrüfat subyektlərinin maliyyəsinin idarə edilməsi barədə elm kimi həmin subyektin ətraf mühit konteksində müəyyən xüsusiləşməsini, onun fəaliyyət prosesində baş verən əlaqə və münasibətlərin eyniləşdirilməsini nəzərdə tutur. Makroiqtisadi səviyyədən maliyyə axınları müəyyən məntiqə tabe olurlar, onların savadlı idarə edilməsi isə həmin məntiqi başa düşməyə imkan verən bəzi obyektiv mövcud konseptual prinsipləri bilməyi tələb edir. Məhz müasir maliyyə nəzəriyyəsi çərçivəsində maliyyə menecmentinin təsərrüfat subyektlərinin maliyyəsinin idarə edilməsi metodologiyası ilə izah olunan, maliyyənin idarə edilməsi elminin əsas kateqoriyaları ilə səciyyələnən, idarəetmə məqsədi üçün istifadə olunan ayrı-ayrı üsulları, metodları və alətləri işləyib hazırlayan, onların nəzəri əsaslandırılmasını verən çoxlu baza konsepsiyaları formalaşmışdı. Müəssisə bir tərəfdən çoxlu alt sistemlərdən (onlardan biri maliyyə menecmentidir) ibarət olan mürəkkəb sistemi ifadə edir, digər tərəfdən isə daha yüksək nizamlı sistemin tərkib hissəsi sayılır. Mexaniki sistemdən fərqli olaraq müəssisə sosial-iqtisadi sistem kimi çoxlu eyni tipli və öz- özünə əmələgələn, çox vaxt formalaşmayan fəaliyyət aspektləri olur, məntiqi hansıki idarəetmənin ümumi nəzəriyyəsi çərçivəsində izah edilir. Fransa sahibkarı və alimi Anri Fayol idarəetmənin beş ümumi funksiyasının ayrılmasını məqsədəuyğun hesab etmişdir: Əgər A.Fayolun təklifini əsas götürsək, onda ümumi funksiyalardan hər biri idarəetmə prosesinin ayrı-ayrı mərhələlərilə təcəssüm oluna bilər, onların ardıcıl dəyişilməsi isə qapalı idarəetmə tsiklini yaradır. • Təhlil • Planlaşdırma • Təşkil• Sərəncamvermə • Kordinasiya • Nəzarət • Panlaşdırma dedikdə fəaliyyət planının tərtibi başa düşülür, hansıki əsasında bəzi lokal məqsədlər durur. • Təşkil funksiyası planın real doldurulması, onların resurs təminatı və icrası deməkdir. • Sərəncamvermə funksiyası planda nəzərdə tutulan fəaliyyətin mühafizəkar yerinə yetirilməsi, yəni plan tapşırıqlarının həyata keçirilməsi, bütün mövcud resursların hərəkətə gətirilməsi deməkdir. • Kordinasiya funksiyası sistemin bütün elementlərinin qarşılıqlı fəaliyyətinin və sinxronluğunun həyata keçirilməsini, zəif cəhətlər baş verən halda zəruri düzəlişlərin aparılmasını nəzərdə tutur. • Nəzarət funksiyası sistemin nə qədər uğurla fəaliyyət göstərməsi, baza məqsədlərinə nail olmasını təmin etməsi haqqında mülahizələr söyləməyə imkan verən sistemin mövcudluğu deməkdir. Təsərrüfat subyektlərinin idarə edilməsi sistemində təhlil funksiyası son dərəcə mühüm rol oynayır. Bu funksiyanın müxtəlif traktovkası mövcuddur. Məntiqə uyğun olaraq təhlil köməkçi xarakter daşıyır, o idarəetmənin müstəqil ümumi funksiyası sayılmır. Başqa sözlə, planlaşdırma təhlilsiz mümkün deyil, yəni onda xüsusi analitik komponent mütləq iştirak edir, uçot təhlildən ayrılmazdır. Maliyyə menecmentinin konseptual əsasları dedikdə əhatə olunan siyasi-iqtisadi mühit kontekstində təsərrüfat subyektinin maliyyə fəaliyyətinin idarə edilməsi sisteminin fəaliyyət məntiqi, strukturu və prinsiplərini müəyyənləşdirən nəzəri biliklərin məcmusu başa düşülür. Maliyyə menecmentinin konseptual əsaslarını (CFjm) qarşılıqlı əlaqəli səkkiz elementlərdən ibarət olan model şəklində təqdim etmək məqsədəuyğundur . CFjm = {S1, OT, SC, BC, FP, MM, SS}, harada, S1 – iştirakçıların maraqları; OT – maliyyənin idarə edilməsi sisteminin məqsədlərinin ierarxiyası; SC – kateqoriya sistemi; BC – baza (fundamental) konsepsiya sistemi; FP – maliyyə prosesləri; MM – elmi-praktiki instrumentariya (metodlar, modellər, üsullar və alətlər); FM – maliyyə mexanizmləri; SS – təminedici altsistemləri. İştirakçıların maraqları. Təsərrüfat subyekti insan amilinin mütləq və üstün iştirakı ilə resursların məcmusu kimi müəyyən edilən sosial-iqtisadi sistemi ifadə edir. Bu sistem təcrid edilmiş halda deyil, ətraf mühitin təsiri altında fəaliyyət göstərir. Ona kapital göndərənlər, cari fəaliyyət iştirakçıları, dövlət və açıq orqanları, şirkətin işçiləri və sair maraqlı şəxslər daxildir. Məqsədlərin ierarxiyası. Müəssisə maliyyəsinin idarə edilməsi sistemi elə şəkildə qurulmalıdır ki, həm maraqlı şəxslərin məqsədli göstərişlərinin rəqabətliliyinin təmin edilməsi, həm də vaxt və struktur təşkilediciləri üzrə müəssisənin məqsədli göstərişlərinin nizama salınması və razılaşdırılması kimi kontekstdə onun harmoniyası haqqında danışıla bilsin. Maliyyə menecmentinin kateqoriya sisteminə amil, model, stavka, faiz, diskont, maliyyə aləti, pul axını, risk, gəlir və s. aiddir. Baza konsepsiyası maliyyə menecmentinin məntiqini və praktikada onun tətbiqi metodları və üsullarının istifadəsini müəyyənləşdirir. Maliyyə prosesləri. Maliyyənin idarə edilməsi iki eyni proseslərin səfərbəretmə, yəni vəsaitlərin cəlb edilməsi və onların axınlar və investisiyalaşdırma, yəni vəsaitlərin qoyuluşu və onların axınları münasibətində qəbul edilən qərarların sonsuz əvəz edilməsi şəklində reallaşdırılır. Elmi-praktiki instrumentariya (apparat) – təsərrüfat subyektlərinin maliyyə fəaliyyətinin idarə edilməsinin ümumi elmi və konkret elmi üsullarının məcmusudur. Bazar iqtisadiyyatında maliyyə mexanizmlərinin əsas növləri maliyyə bazarları, institutları və alətləri hesab edilir. Təminedici sistemlər. Maliyyə menecmentinin konseptual əsaslarının bu elementi onun praktiki reallaşdırılması imkanlarını müəyyənləşdirir. Maliyyə menecmenti elm kimi müasir maliyyə nəzəriyyəsi və maliyyə bazarlarındakı meyllərin mahiyyətini, maliyyə xarakterli qərarların qəbul edilməsi məntiqini, kəmiyyət təhlilinin bu və ya digər metodlarının tətbiqinin əsaslandırılmasını başa düşmək üçün xidmətedici metodoloji əsas çərçivəsində hazırlanmış fundamental konsepsiyalara əsaslanır. Konsepsiya hər hansı təzahürlərin şərhi üçün əsas ideyaları ifadə edən, onların başa düşülməsinin, traktovkasının müəyyən üsuludur. Maliyyə menecmentinin fundamental konsepsiyalarına pul axınları konsepsiyasını; pul resurslarının müvəqqəti dəyərini; risk və gəlir arasında kompromisi; əməliyyat və maliyyə risklərini; kapitalın dəyərini; kapital bazarının effektivliyini; informasiyanın asimmetrikliyini (uyğunsuzluğu); agentlərin münasibətini; alternativ xərcləri; təsərrüfat subyektinin fəaliyyətinin müvəqqəti qeyri-məhdudluğunu; təsərrüfat subyektinin əmlak və hüquqi ayrılmasını aid etmək olar. Müəssisənin əsas məqsədi səhmdarın mülkiyyətini maksimumlaşdırmaq və onun nəticəsində müəssisənin kapitallaşmış dəyərini, yaxud bazar dəyərini maksimum artırmaqdır. Bu nöqteyi-nəzər mülkiyyətçinin prinsipi adlanır, çünki müəssisəni zəruri maliyyə resursları ilə təmin edən səhmdarların maraqlarında müəssisənin mövcudluğunu qoruyub saxlamaq durur. Bu prinsip o zəminə əsaslanır ki, səhmdarlar bu müəssisəni yaradıblar, istehsal fəaliyyətinin aparılması zəruriliyini əsaslandırıblar, onun əsas məqsədini müəyyənləşdirməyi davam etdirir və onun həqiqi cəhətdən sahibi və sərəncamvericisi adlanır. İştirakçı prinsipi etiraf edir ki, şirkətin hüquqi sahibi olan səhmdarlardan başqa şirkətin fəaliyyətində iştirak etməyə qanuni hüququ olan bir sıra digər qruplar mövcuddur. Bunlara aşağıdakılar aiddir: • uzunmüddətli kreditlər verən maliyyə institutları; • şirkətin fəhlə və qulluqçuları; • hazır məhsulun alıcıları; • xammal, materiallar, xidmətlər və s. göndərənlər; • cəmiyyət.
Mövzu 2. İnformasiya bazasının və maliyyə alətlərinin müəssisənin
idarə edilməsində rolu. 2.1. Maliyyə alətlərinin mahiyyəti və əsas əlamətləri. 2.2. Maliyyə menecmentinin informasiya bazasını təşkil edən göstəricilər sistemi 2.3. Maliyyə hesabatı anlayışı və onun göstəriciləri. 2.4. Pul vəsaitlərinin hərəkəti haqqında hesabat
2.1. Maliyyə alətlərinin mahiyyəti və əsas əlamətləri.
Maliyyə bazarı – işgüzar münasibətlərin sferasıdır, harada istənilən işgüzar əməliyyatların mükəmməl yerinə yetirilməsini təmin etmək üçün maliyyə resurslarına tələb və təklif formalaşır, həmin resursların hərəkəti həyata keçirilir. Müasir maliyyə biznesində pul tədavül vasitəsi və ödəniş vasitəsi rolunu oynayır, əmtəə, xidmət və işin dəyər ölçüsü hesab edilir. Xüsusi əmtəə-ekvivalenti qismində pulun yaranması iqtisadiyyatda mübadilə prosesinin sistemləşdirilməsinə xidmət etmişdir. Pul kütləsi, monetlər, pul nişanları və qiymətli kağızlar maliyyə resursları bazarının məcmusunu təşkil edir, hansıki bazarın müxtəlif hissələrində əmtəə tədavülü əməliyyatlarında daimi ekvivalentliyi təmin etməyə xidmət göstərir.Maliyyə bazarı – milli və dünya bazarının tərkib hissəsidir, hansıki subyektləri iqtisadiyyatın maliyyə resurslarını formalaşdırır, yenidən bölüşdürür və bilavasitə tətbiq edirlər. Müasir bazarın əmtəələrin məcmusuna bölünməsi, bir tərəfdən maliyyə resurslarının məcmusuna, digər tərəfdən isə iqtisadiyyatın real və maliyyə sektoruna bölünməsinə səbəb olmuşdur. Bununla belə o istehsal və pul kütləsinin hərəkəti proseslərində birbaşa iştirak etməyən maliyyə biznesinin inkişafının zəruriliyini və mümkünlüyünü şərtləndirmişdir. Əmtəənin tədavülünün və maliyyə resurslarının tədavülünün zamanca uyğun gəlməməsi bazarda müvəqqəti sərbəst maliyyə resurslarının daim mövcudluğunu şərtləndirir, hansıki daim “canlanmaq” – yeni sahibkarlıq sövdələşmələrinə yenidən istiqamətlənmə lazım gəlir. Müvəqqəti sərbəst maliyyə resurslarına dair işgüzar münasibətlərdə öz aralarında məcburi çıxış edən maliyyə biznesinin subyektlərini üç müxtəlif kateqoriyaya ayırmaq olar. Maliyyə biznesi subyektlərinin birinci kateqoriyası müvəqqəti sərbəst pul vəsaitlərinin sahiblərilə təmsil olunur, hansılarki istəyirlər pulları hərəkətsiz qalmasın, gəlir gətirsin. Bu vəsait biznesin həmin subyektlərinin fəaliyyətinin təkraristehsalı ilə əlaqədar obyektiv səbəblərin nəticəsində formalaşır, məhz: iqtisadiyyatın real sektorunun firmalarının kapitalının dövretməsi xüsusiyyətləri üzündən həmin firmalarda müvəqqəti sərbəst pul vəsaitlərinin yaradılması; istifadə olunmuş avadanlıqları bərpa etmək üçün sahibkarlıq firmaları tərəfindən vəsaitlərin toplanması; xüsusi fəaliyyətini genişləndirmək üçün sahibkarlıq firmaları tərəfindən maliyyə vəsaitlərinin yığılması; maliyyə biznesinin subyektləri tərəfindən şəxsi gəlirlərə qənaət edilməsi (istehlakdan imtina edilməsi).
Bu kateqoriyalı biznesmenlərə rantye-insanlar (renta ilə yaşayanlar) aid
edilir, hansıki onların bütün işgüzar fəaliyyəti yalnız sərbəst maliyyə resurslarının xarici istifadəsilərə müəyyən mükafatlandırmaya görə təqdim etməkdən ibarətdir. Bu bizneslə çoxlu insanlar məşğul olurlar. Məsələn, ABŞ-da əhalinin 5 faizini rantye təşkil edir. Maliyyə biznesinin subyetklərinin ikinci kateqoriyası müvəqqəti maliyyə çətinliyi hiss edən və öz fəaliyyətinə kənar maliyyə resursları cəlb etməyə ehtiyacı olan subyektlərlə təmsil olunur. Maliyyə biznesi maliyyə boşluğunda tamqiymətli inkişaf edə bilməz. Ona görə də arzuolunan işgüzar münasibətləri qurmaq və tam miqyaslı sövdələşmələr aparmaq üçün biznes subyektlərinə xüsusi maliyyə resursları çatmırsa, onlar borc resurslar axtarmaq məcburiyyətində qalırlar, hansıki həmin vəsaitlər ya kredit vəsaitləri, ya da maliyyə investisiyası şəklində cəlb edilirlər. Maliyyə bazarında iştirak edən şirkətlərin əsas məqsədi maliyyə vəsaiti əldə etmək, toplanmış vəsaiti mümkün investisiya layihələrinin gercəkləşdirilməsinə sərf edərək yüksək mənfəətə sahib olmaq və maliyyə vəsaitini təklif edən tərəfi razı salacaq gəlirliliyi yaratmaqdır. İnvestorların maliyyə bazarlarında iştirakının ən ümdə səbəbi əldə etdikləri vəsaitlərindən yüksək qazanc əldə etməkdir. Maliyyə bazarının, alıcıların və borc alanların, vasitəçilərin sermayeye tələb və tədarük əsasında sermayenin yenidən bölüşdürülməsi mexanizmidir. Praktikada, pul vəsaitlərinin axınını əmlak sahibləri və borcalanlara yönəldən bir sıra kreditorlar və maliyyə qurumları təmsil edir. Maliyyə bazarının əsas funksiyası passiv pul vəsaitlərinin axınını kredit kapitalına çevirməkdir. Maliyyə bazarlarının başlıca təyinatı yığımın maliyyə resurslarının son istehlakçıları arasında səmərəli bölgüsünü təmin etməkdən ibarətdir. Bu məsələnin həlli həm obyektiv, həm də subyektiv səbəblər üzündən olduqca mürəkkəbdir, ona görə ki, bu halda maliyyə bazarı iştirakçılarının müxtəlif, tamamilə bir-birinə zidd olan mənafeləri və maliyyə öhdəliklərinin yerinə yetirilməsinin böyük riskli olması nəzərə alınmalıdır . Müəssisənin maliyyə məqsədi kimi səhmdarların gəlirlərinin maksimum artırırlması çıxış edə bilər. İkincidərəcəli maliyyə məqsədləri xalis mənfəət, yaxud cəlb edilən kreditlərin həcmi ola bilər. Qeyri-maliyyə məqsədləri kimi aşağıdakılar çıxış edə bilər: müəssisənin işçilərinin həyat səviyyəsinin yaxşılaşdırılması; əmək şəraitinin yaxşılaşdırılması və ətraf mühitin vəziyyəti; məhsulun və xidmətlərin keyfiyyətinin yüksəldilməsi.
Maliyyənin idarə edilməsi funksiyasına baxarkən müəssisənin ümumi idarə
olunmasının spesifik aspektlərini nəzərə almaq vacibdir. Bu halda müəssisənin Baş direktor Təchizat üzrə menecer İstehsal üzrə menecer Kadrlar üzrə menecer Maliyyə meneceri Təminat üzrə menecer İdarəetmə uçotu üzrə şöbə Maliyyə mühasibatçılığı Xəzinədar Kredit şöbəsi İnformasiyaların toplanması və emalı şöbəsi ümumi idarə edilməsini xarakterizə edən bəzi məsələləri, məsələn, sosial mədəniyyəti nəzərə almamaq lazımdır. Maliyyənin idarə edilməsini maliyyə menecerinin fəaliyyət sferası və vəzifəsi kimi müəyyənləşdirmək olar. Əgər əvvəllər maliyyə menecerinin rolu sadəcə ən əlverişli şəraitdə şirkətin sahibkarlıq fəaliyyətini maliyyə vəsaitləri ilə təmin etmək kimi başa düşülürdüsə, müasir dövrdə bu rol əhəmiyyətli dərəcədə genişlənmişdir. Belə ki, müəssisəni pul vəsaitləri ilə səmərəli şəkildə təmin etməklə yanaşı, müəssisə daxilində maliyyə resurslarından effektiv istifadənin müəyyənləşdirilməsi vəzifəsini də maliyyə menecerləri yerinə yetirirlər. Maliyyə menecerinin əsas vəzifəsi aşağıdakılardan ibarətdir: əlverişli şərtlərlə müəssisəni maliyyə resursları ilə təmin etmək; alınmış maliyyə resurslarından effektiv istifadəni təşkil etmək. Maliyyə meneceri müəssisənin büdcə planının tərtibi, müəssisənin kapitallaşmış dəyərinin artırılması, investisiya layihələrinin qiymətləndirilməsi, müəssisənin qiymət siyasətinin müəyyənlənşdirilməsi, məhsulun satış bazarının öyrənilməsi üzrə vəzifələri yerinə yetirir. İqtisadiyyatın müxtəlif sahələrində müəssisənin fəaliyyətinin maliyyələşdi- rilməsi üsulları əhəmiyyətli dərəcədə fərqlənir. Bəzi şirkətlər üçün borc maliyyələşdirilməsinin yüksək məbləği səciyyəlidir, halbuki başqaları üçün borc maliyyələşdirməsi praktiki yox dərəcəsindədir. Belə olan halda müəssisənin fəaliyyətinin maliyyələşdirilməsinin müxtəlif növlərini əlaqələndirməklə optimal variantın seçilməsi vacibdir.Aktivləri cəlb etdikdən və biznesin inkişafı üçün lazımi maliyyələşdirməni həyata keçirildikdən sonra onların effektiv idarə edilməsinə zəruriyyət yaranır. Müxtəlif növ aktivlər maliyyə menecerlərindən müxtəlif dərəcəli məsuliyyət tələb edir. Belə ki, maliyyə meneceri dövriyyə vəsaitlərinin idarə olunması məsələsinə daha ciddi yanaşmalıdır. Çünki əsas vəsaitlərin idarə olunmasına görə məsuliyyətin çox hissəsini istehsal bölmələrinin rəhbərləri daşıyırlar. Maliyyə menecmentinin mühüm aspekti aktivlərin lazımi səviyyəsi və strukturunun təmin edilməsi, biznesin maliyyələşdirilməsi mənbələri və üsullarının axtarılıb tapılması ilə əlaqədardır. Maliyyə menecerinin sərəncamında kifayət qədər maliyyələşdirmə mənbələrinin geniş spektri vardır. Ona görə də maliyyə meneceri səhmdarların rifahının yaxşılaşdırılması ilə əlaqədar mülahizələri nəzərə almaqla müəssisənin maliyyələşdirilməsinin optimal variantını müəyyənləşdirməlidir.
2.2.Maliyyə menecmentinin informasiya bazasını təşkil edən
göstəricilər sistemi Müəssisənin maliyyə-təsərrüfat fəaliyyəti haqqında tam və ətraflı təsəvvür yaratmaq üçün göstəricilər sistemindən istifadə olunur. Göstəricilər sisteminin qurulması iki məsələnin dəqiq başa düşülməsinə əsaslanır: sistem nədir və o hansı tələbləri ödəməlidir? “Göstəricilər sistemi” anlayışı və onun qurulması prinsipləri məşhur statistiklər B.Q. Ploşko, İ.P. Suslov və başqalarının əsərlərində geniş şərh edilmişdir. Müəyyən iqtisadi subyekti, yaxud təzahürü xarakterizə edən göstəricilər sistemi dedikdə həmin subyektin, yaxud təzahürün vəziyyətini və inkişafını hərtərəfli əks etdirən qarşılıqlı kəmiyyətlərin məcmusu başa düşülür .Bu anlayış ümumi xarakter daşıyır. Ona görə də praktiki istifadə üçün elmi ədəbiyyatda bir sıra tələblər irəli sürülür ki, göstəricilər sistemi onları mütləq ödəməlidir. Onlardan metodoloji əhəmiyyətinə görə üç tələb xüsusi vurğulanır: öyrənilən subyektin, yaxud təzahürün bütün tərəflərinin göstəricilər sistemilə geniş əhatə olunması; göstəricilərin qarşılıqlı əlaqəsi; yoxlanılmasının mümkünlüyü. Göstəricilər sisteminin qurulmasında həmçinin bir sıra prinsiplərə riayət olunması zəruridir. Həmin prinsiplərdən ən vacibləri aşağıdakılardır: Göstəricilər sisteminin struktur prinsipi sistemdə xüsusi və ümumiləşdirici göstəricilərin mövcud olmasını nəzərdə tutur, həm də xüsusi göstəricilərin məntiqi genişləndirilməsinin təmin edilməsi daha optimal sayılır. Bu prinsip maliyyə təhlilində kifayət qədər geniş tətbiq edilir. Gözə görünənlik prinsipi həmin müəssisə üçün optimal sayılan göstərici- lərin bəzi toplusunun mövcudluğunu nəzərdə tutur. Keyfiyyət təhlili nəticəsində elə sistem qurmaq lazımdır ki, öyrənilən təzahürün bütün əhəmiyyətli tərəflərini özündə əks etdirə bilsin. Mütləq və nisbi göstəricilərin ağıllı əlaqələndirilməsi prinsipinin mahiyyəti ondan ibarətdir ki, istənilən göstəricilər sistemi məkan-zaman çərçivəsində bəzi xarakteristikaların müqayisəsi və təhlilini aparmağa imkan versin. Qeyri-formallıq prinsipi o deməkdir ki, göstəricilər sistemi maksimum dərəcədə analitikliyə malik olmalıdır, müəssisənin cari vəziyyətinin və perspektiv inkişafının qiymətləndirilməsi imkanını təmin etməli, həmçinin idarəetmə qərarlarının qəbulu üçün yararlı olmalıdır. Müəssisənin fəaliyyəti haqqında müxtəlif informasiyalar və təhlilin aparılmasının çoxlu üsulları mövcuddur. Mühasibat uçotunun məlumatları əsasında aparılan təhlil klassik üsul adlanır və aşağıdakı mərhələlər üzrə həyata keçirilir: tələb edilən dövrün mühasibat hesabatı formalarından məlumatların toplanması, etibarlığının qiymətləndirilməsi və seçilməsi; mühasibat hesabatlarının nümunəvi formalarının analitik formaya çevrilməsi; hesabatın strukturu və göstəricilərinin dəyişilməsi dinamikasının təhlili; təhlilin əsas istiqamətləri üzrə göstəricilərin hesablanması və qruplaşdırılması; təhlil edilən dövrdə göstəricilər sisteminin aşkara çıxarılması və dəyişilməsi; tədqiq olunan əsas göstəricilər arasında qarşılıqlı əlaqənin müəyyən edilməsi və nəticələrin təfsiri; müəssisənin maliyyə-iqtisadi vəziyyətinə dair rəyin hazırlanması; “dar yerlərin” aşkara çıxarılması və ehtiyatların axtarılması; müəssisənin maliyyə-iqtisadi vəziyyətinin yaxşılaşdırılması üzrə tövsiyələrin işlənib hazırlanması. Müəssisənin maliyyə vəziyyətini xarakterizə edən göstəricilər sistemi beş əsas parametrlər blokundan ibarətdir: 1) balansın tərkibi və strukturu (analitik balansın qurulması; balansın şaquli və üfüqi təhlili; müəssisənin əmlak vəziyyətinin keyfiyyətcə dəyişilməsinin təhlili); 2) müəssisənin likvidliyi və ödəmə qabiliyyəti (balansın likvidliyinin təhlili; likvidlik əmsalının təhlili; pul vəsaitlərinin hərəkətinin təhlili); 3) müəssisənin maliyyə dayanaqlığı (maliyyə dayanaqlığının mütləq göstəricilərinin təhlili; maliyyə dayanaqlığının nisbi göstəricilərinin təhlili); 4) rentabellik (rentabellik əmsallarının hesablanması və təhlili); 5) işgüzar aktivlik (keyfiyyət meyarlarının təhlili; kəmiyyət meyarlarının təhlili).
Bu bloklar bir-birilə qarşılıqlı əlaqədardır və maliyyə təhlilinin strukturunu
müəyyənləşdirirlər. Müəssisənin maliyyə-təsərrüfat vəziyyətini daha dəqiq və obyektiv xarakterizə edən göstəricilər hesablanır və qruplaşdırılır. Deməli, müəssisənin maliyyə dayanaqlığı sahibkarlıq riskinin minimum səviyyədə ödəmə qabiliyyətini və kredit qabiliyyətini stabil saxlamaq şərtilə xüsusi vəsait hesabına müəssisənin inkişafının təmin edilməsidir. 2.3. Maliyyə hesabatı anlayışı və onun göstəriciləri. Müəssisənin maliyyə dayanaqlığına aşağıdakı amillər təsir edir: əmtəə və maliyyə bazarlarında müəssisənin vəziyyəti; rəqabət qabiliyyətli məhsulların buraxılışı və realizasiyası; tərəfdaşlarla işgüzar əməkdaşlıqda müəssisənin reytinqi; xarici kreditorlar və investorlardan asılılıq dərəcəsi; ödəmə qabiliyyəti olmayan debitorların mövcudluğu; istehsal xərclərinin miqdarı və strukturu, onların pul gəlirləri ilə əlaqəsi; ödənilən nizamnamə kapitalının həcmi; kommersiya və maliyyə əməliyyatlarının səmərəliliyi; əmlak potensialının vəziyyəti; istehsal və maliyyə menecerlərinin peşəkar hazırlıq səviyyəsi, onların daxili və xarici mühit dəyişikliklərini daim nəzərə almaq bacarığı.
Maliyyə dayanaqlığının mütləq göstəricilərinin təhlili üzrə praktiki iş
mühasibat uçotunun məlumatları əsasında həyata keçirilir. Müəssisədə istehsal prosesinin gedişində əmtəə-material qiymətli əşyaların ehtiyatları daim saxlanılır. Bu məqsədlə həm xüsusi dövriyyə vəsaitləri, həm də borc vəsaitlərindən istifadə edilir. Ehtiyatların formalaşdırılması üçün artıq qalan, yaxud çatışmayan vəsaitləri öyrənməklə maliyyə dayanaqlığının mütləq göstəriciləri müəyyənləşdirilir. Maliyyə dayanaqlığının nisbi göstəriciləri xarici investor və kreditorlardan müəssisənin asılılıq dərəcəsini xarakterizə edirlər. Müəssisənin sahibi (rəhbəri), ümumi maliyyə mənbələrində xüsusi kapitalın optimallaşdırılmasına və borc vəsaitlərin minimumlaşdırılmasına xüsusi maraq göstərirlər. Kreditorlar müəssisənin maliyyə dayanaqlığını qiymətləndirərkən xüsusi kapitalın həcmini və müflisləşmənin vaxtında qarşısının alınması ehtimalını əsas götürürlər. Müəssisənin maliyyə dayanaqlığı xüsusi və borc vəsaitlərin vəziyyətilə xarakterizə edilir və maliyyə əmsalları sisteminin köməyilə qiymətləndirilir. Onların hesablanması üçün informasiya bazası mühasibat balansının aktiv və passiv maddələri sayılır. Müəssisənin maliyyə dayanaqlığının qiymətləndirilməsi kifayət qədər çoxlu miqdarda maliyyə əmsallarının köməyilə həyata keçirilir. Müəssisənin maliyyə dayanaqlığını xarakterizə edən əmsallara aid etmək olar: maliyyə asılıqsızlığı əmsalı; borcluluq əmsalı; özünümaliyyələşdirmə əmsalı; xüsusi dövriyyə vəsaitləri ilə təminat əmsalı; manevrilik əmsalı; maliyyə gərginliyi əmsalı; mobil və dövriyyədən kənar aktivlərin nisbəti əmsalı; istehsal təyinatlı əmlak əmsalı. Müəssisənin ödəməqabiliyyəti daxili və xarici tərəfdaşlar qarşısında maliyyə öhdəliklərini vaxtında və tam yerinə yetirmək imkanı və qabiliyyəti ilə xarakterizə edilir. Tədiyyə qabiliyyəti kommersiya sazişlərinin həyata keçirilməsi forma və şərtlərinə bilavasitə təsir edir. Likvidlik müəssisənin tez və minimum maliyyə itkisi ilə öz aktivlərini (əmlakını) pul vəsaitinə çevirmək qabiliyyətidir. Müəssisənin ödəməqabiliyyətini və likvidliyini qiymətləndirmək üçün aşağıdakı əsas metodlardan istifadə olunur: balansın likvidliyinin təhlili; likvidlik maliyyə əmsallarının hesablanması və qiymətləndirilməsi; pul (maliyyə) axınlarının təhlili.
Müəssisənin maliyyə dayanaqlığının dörd tipi vardır: mütləq maliyyə
dayanaqlığı; normal maliyyə dayanaqlığı; davamlı olmayan maliyyə vəziyyəti; böhranlı maliyyə vəziyyəti. Maliyyə dayanaqlığının hər bir tipi ayrıca təhlil edilməli və ona təsir edən amillər aşkara çıxarılmalı, maliyyə dayanaqlığının möhkəmləndirilməsi üzrə konkret tədbirlər həyata keçirilməlidir. 2.4.Pul vəsaitlərinin hərəkəti haqqında hesabat. Pul axınlarının idarə olunması maliyyə menecmentinin yeni istiqaməti sayılır. Qərb şirkətlərində pul axınlarının idarə olunması baş maliyyə menecerin (direktorun) əsas fəaliyyət obyektlərindən biridir. Müəssisələrdə pul vəsaitlərinin hərəkətinin müntəzəm uçotu və nəzarətinin aparılması cari və gələcək dövrdə onların dayanaqlığı və ödəməqabiliyyətinin təmin edilməsinə kömək edir. Müəssisənin maliyyə-təsərrüfat fəaliyyətinin nəticələrini qiymətləndirmək üçün üç göstəricinin müstəsna əhəmiyyəti vardır: əmtəənin (məhsulun, işin, xidmətin) satışından gəlir; mənfəət; pul vəsaitlərinin axını.
Həmin göstəricilərin il ərzində mütləq həcmi və onların dəyişilməsi
dinamikası müəssisənin fəaliyyətinin səmərəliliyini xarakterizə edir. İqtisadiyyatda xroniki ödəmələr şəraitində müxtəlif fəaliyyət növlərindən müəssisəyə pul vəsaitlərinin axını böyük əhəmiyyət kəsb edir. Daxil olan pul vəsaitlərinin ödəmələri üstələməsi şəraitində müəssisə cari və perspektiv inkişaf üçün zəruri rəqabət üstünlüyü qazanır. İstehsal-ticarət fəaliyyəti prosesində müəssisə iki vəziyyəti mütləq nəzərə almalıdır: 1) bir tərəfdən, cari ödəmə qabiliyyətini saxlamaq üçün kifayət həcmdə pul vəsaitlərinin olması vacibdir; 2) digər tərəfdən həmin vəsaitlərin qoyulmasına əlavə mənfəət almaq imkanı həmişə vardır.
Alınan mənfəətin və pul vəsaitlərinin məbləği arasında prinsipial fərq
aşağıdakılardan ibarətdir. Mənfəət müəyyən vaxt ərzində müəssisənin aldığı xalis gəliri ifadə edir ki, pul vəsaitlərinin real daxil olmasına uyğun gəlmir. O, pul vəsaitləri daxil olandan sonra deyil, satış başa çatandan sonra tanınır. Mənfəəti hesablayarkən məhsulun istehsal xərcləri onun satış anında deyil, yalnız satışdan sonra tanınır. Pul axınları bütün pul vəsaitlərinin hərəkətini ifadə edir, hansıki mənfəəti hesablayarkən kapital qoyuluşu, vergilər, cərimələr, kreditorlara borc ödəmələri və avans vəsaitləri nəzərə alınmır. Azərbaycan iqtisadiyyatına xarici investisiyanın cəlb edilməsi, müştərək və xarici müəssisələrin, holdinq şirkətlərinin yaradılması, dünya təsərrüfat sisteminə sıx inteqrasiya xarici tərəfdaşlar və potensial investorlar üçün beynəlxalq maliyyə institutları təərəfindən qəbul edilən formada mühasibat uçotu və hesabatlarının qurulmasını zəruri edir. Mühasibat uçotunun beynəlxalq standartlara uyğunlaşdırılması və nəzarət funksiyasının möhkəmləndirilməsi ilə əlaqədar olaraq əmlakın qorunub saxlanması vəzifəsi mühüm əhəmiyyət kəsb edir. Mühasibat uçotu müəssisədə əmlakın hərə- kəti və maliyyə-təsərrüfat fəaliyyəti haqqında lazımi sintetik və analitik informasi- yaları cəmləşdirir ki, bunun da əsasında müvafiq idarəetmə qərarları qəbul olunur. Dünya ölkələrində mühasibat uçotunun prinsipləri xeyli fərqlənir. Bu fərqlər həm təsərrüfat fəaliyyətinin təşkilinin mövcud formalarının müxtəlifliyi, həm də uçot praktikasına xarici amillərin (iqtisadi, siyasi, coğrafi, sosial və s.) təsiri ilə şərtlənir. Lakin bununla belə mühasibat uçotunun başlıca funksiyası dünyanın bütün ölkələri üçün vahid maliyyə informasiyalarını ümumimləşdirməkdən ibarətdir. Məsələn, ABŞ-da mühasibat uçotunun məlumatları, hər şeydən əvvəl, investor və kreditorların tələbatının ödənilməsinə yönəldilib. Digər ölkələrdə mühasibat uçotunun prioritet istiqaməti başqa cürdür, yəni vergi qanunvericiliyinə nəzarəti həyata keçirən dövlət orqanlarına düzgün informasiya təqdim etməkdir. Bazar iqtisadiyyatına keçidlə əlaqədar olaraq mühasibat uçotunun təşkilində əsaslı dəyişikliklərin aparılması dünya ölkələrinin mühasibat uçotu sahəsində təcrübələrinin öyrənilməsini və milli uçot sisteminin beynəlxalq standartlara uyğunlaşdırılması imkanlarının müəyyənləşdirilməsini zəruri edir. Son illər mühasibat uçotu obyektinin genişlənməsi və ona qeyri-material aktivləri, qiymətli kağızları, valyuta vəsaitləri və sairənin aid edilməsi buna sübutdur. Məhsulun satış metodlarının və əsas vəsaitlərin amortizasiya ayırmaları üsulunun dəyişilməsi də məhz bu tələbdən irəli gələn zərurət kimi dəyərləndirilə bilər. Milli sərhədləri tanımayan dünya bazarının yaranmasına səbəb olan iqtisadi və maliyyə münasibətlərinin qloballaşdırılması və beynəlmiləşdirilməsi prosesinin həyata keçirilməsi ilə əlaqədar mühasibat uçotunun və hesabatlarının beynəlxalq standartlara uyğunlaşdırılması zərurətə çevrilmişdir. İqtisadi münasibətlərin qlobal-laşdırılması şəraitində mühasibat uçotu və hesabatlarının beynəlxalq standartlara unifikasiyası (uyğunlaşdırılması) prosesi dünya bazarına çıxmaq, xarici investi-siyaları cəlb etmək istəyən milli şirkətlər üçün müstəsna əhəmiyyət kəsb edir. Digər uçot növlərinin (maliyyə uçotu, vergi uçotu, statistik uçot, operativ uçot və s.) əsası kimi mühasibat uçotunun özünəməxsus formada sistemləşdirilməsi, Milli Mühasibat Uçotu Standartlarının və bu sahədə digər sənədlərin hazırlanması işinin maliyyələşdirilməsi, mühasibat uçotunun təşkili və aparılması işlərinə nəzarətin təmin edilməsi vacibdir. Maliyyə hesabatlarının beynəlxlaq standartlarına əsasən elə uçot siyasəti tətbiq olunmalıdır ki, hesabat standartların tələblərinə tam uyğun gəlsin. Uçot siyasətinin seçilməsi və həyata keçirilməsində aşağıdakı prinsiplər rəhbər tutulmalıdır: münasiblik, düzgünlük, mahiyyətin formadan üstünlüyü, bitərəflik, ehtiyatlıq və əhəmiyyətlik. Mühasibat uçotu sisteminin inkişaf konsepsiyası işlənib hazırlanmalı və orada mühasibat uçotu sahəsində dövlət siyasətinin əsas istiqamətləri və biznes fəaliyyətinin inkişafına dair perspektiv plan hazırlanarkən dəqiq hədd qoyulması öz əksini tapmalıdır. Mühasibat uçotu sisteminin təkmilləşdirilməsinin məqsədi aydın olmalı və həmin məqsədə nail olmaq üçün tədbirlər planı və təşkilati model elmi cəhətdən əsaslandırılmalıdır. Mühasibat uçotu sisteminin təkmilləşdirilməsi və beynəlxalq standartlara uyğunlaşdırılması aşağıdakı istiqamətlər üzrə aparılmalıdır: 1. Mühasibat uçotunun və maliyyə hesabatlarının beynəlxalq standartlara uyğunlaşdırılması, yaxınlaşdırılması üçün müvafiq hüquqi-normativ baza yaradılmalıdır. 2. İnformasiyanın istifadəçilərinin maliyyə hesabatlarının hazırlanmasına olan tələbatlarının müəyyənləşdirilməsində diferensial yanaşma tətbiq edilməlidir. 3. Mühasibat uçotu sistemi, vergi sistemi və statistik informasiyaların toplanması sistemi arasında qarşılıqlı əlaqə modeli formalaşdırılmalıdır. 4. Peşəkar auditor xidməti bazarı yaradılmalı və mühasibat uçotunun təşkilinin təkmilləşdirilməsində auditorların iştirakı genişləndirilməli və rolu artırılmalıdır. Müasir bazar iqtisadiyyatı şəraitində şirkətlərdə mühasibat uçotunun hesabatlarını beynəlxalq standartlara uyğunlaşdırmaq üçün xarici və daxili mühitin dəyişilməsi barədə dürüst və dolğun informasiyaların toplanması və onun əsasında effektiv idarəetmə qərarlarının qəbulu müstəsna əhəmiyyət kəsb edir. Bu məsələnin həllində idarəetmənin yeni konsepsiyası olan kontrollinq böyük rol oynaya bilər. Uçot sahəsində kontrollinqin vəzifəsi müxtəlif rəhbərlik səviyyələ- rində idarəetmə qərarlarının qəbulu üçün bütün zəruri informasiyaların toplanması və emalı sistemi yaratmaqdır. Kontrollinq həmçinin planlaşdırma, informasiya təminatı, nəzarət və adaptasiya proseslərini əlaqələndirir. Mövzu 3. Müəssisənin maliyyəsinin idarə olunması sisteminin quruluşu. 3.1. Müəssisədə maliyyənin idarə olunması sisteminin əsas elementləri 3.2. İdarəetmə subyektinin baza elemetlərinin müəyyənləşdirilməsi. 3.3. İdarəetmə obyektinin elementləri 3.4.Maliyyə təşkilati submədəniyyətin müəssisənin maliyyə fəaliyyətinin strateji inkişafında rolu.
3.1. Müəssisədə maliyyənin idarə olunması sisteminin əsas elementləri.
Müəssisənin fəaliyyət göstərməsi üçün müxtəlif bazarlarda qarşılıqlı əlaqələrin qurulması nəzərdə tutulur ki, onların nəticəsində müəssisə lazımi resursları (istehsal amillərini) səfərbər edir və öz məhsulunu (xidmətlərini) satır. Əksər hallarda müəssisənin istənilən bazarda apardığı əməliyyatlar maliyyə terminlərində ifadə olunur ki, bununla da, tanınmış Amerika mütəxəsisləri D.Xgem və D.Morrisomun qeyd etdikləri kimi, maliyyə qərarlarının vacibliyi izah edilir. Maliyyə terminlərində müəssisə investisiya qoyuluşu nəticəsində pul vəsaitləri axınlarının məcmusu kimi işlədilir. Bu pul axınları məcmusunun optimal olmasından ötrü müəssisədə maliyyənin idarə edilməsinin təşkilati strukturu formalaşdırılmalıdır. Bu struktur təkcə resurs axınlarını optimallaşdırmaqla deyil, həm də maliyyənin əsas funksiyalarını həyata keçirməlidir. Hər bir sosial-iqtisadi sistem, o cümlədən müəssisə yarandığı zaman texnoloji və maliyyə-təsərrüfat proseslərini təşkil edən və onların normal gedişinə səbəb olan müvafiq idarəetmə sistemi formalaşdırır. İdarəetmə sisteminin əsasını təşkilati strukturların, yəni qarşılıqlı əlaqədə və qarşılıqlı fəaliyyətdə olan strukturları və funksional bölmələri təşkil edir. Bazar iqtisadiyyatı şəraitində müəssisənin maliyyə fəaliyyətinin idarə edilməsi praktikasında strateji menecment metodologiyasından geniş istifadə olunur. Müəssisənin maliyyə fəaliyyəti maliyyə resurlarının formalaşması və istifadə-si ilə əlaqədar onun funksiyalarının praktiki reallaşdırılması üçün həyata keçirilən prosesləri ifadə edir. Bu fəaliyyət müəssisənin nizamnamə kapitalının formalaşdı-rılması anından ləğv olunması anına qədər müstəqil təsərrüfat subyekti kimi onun həyat tsiklinin bütün mərhələlərində həyata keçirilir. Müəssisənin maliyyə fəaliy-yətinin həyata keçirilməsi prosesi ölkənin maliyyə sisteminin müxtəlif subyektləri və maliyyə münasibətlərinin geniş spektri ilə səciyyələnir. Müəssisənin maliyyə fəaliyyətinin idarə edilməsi keyfiyyətinin yüksəldilməsi strategiyası bu fəaliyyət sferasında müasir elmi nailiyyətlərin səmərəli tətbiqini, ilk növbədə maliyyə bazarında əməliyyatların həyata keçirilməsinin müvafiq maliyyə alətlərinin seçilməsini nəzərdə tutmalıdır. Maliyyə alətləri pul dəyəri olan, cürbəcür tədavül edən maliyyə sənədləridir, hansıki onların köməyilə maliyyə bazarında əməliyyatlar həyata keçirilir. Müəssisə tərəfindən istifadə olunan müasir maliyyə alətlərinin tərkibi uçot prinsipinə uyğun olaraq aşağıdakı növlərə: maliyyə aktivlərinə, maliyyə öhdəliklərinə, xüsusi kapital alətlərinə, törəmə maliyyə alətlərinə ayrılır. Maliyyə bazarlarının növləri üzrə xidmətedici alətlər aşağıdakı: kredit bazarının alətləri, fond bazarının alətləri, valyuta bazarının alətləri, sığorta bazarının alətləri, qızıl bazarının alətləri kimi təsnifləşdirilir. Tədavül müddəti üzrə maliyyə alətlərinin aşağıdakı növləri: qısamüddətli maliyyə alətləri, uzunmüddətli maliyyə alətləri fərqləndirilir. Müəssisənin maliyyə fəaliyyətinin idarə edilməsi kefiyyətinin yüksəldilməsi strategiyasında müasir maliyyə texnologiyalarının tətbiqi önəmli məsələdir. Maliyyə texnologiyalarının əsasını mütəşəkkil və qeyri-mütəşəkkil bazarlarda müəssisənin həyata keçirdiyi müxtəlif növ sövdələşmələr və əməliyyatlar təşkil edir. Müəssisənin maliyyə fəaliyyətinin idarə edilməsi keyfiyyətinin yüksəldilməsi strategiyasının hazırlanması prosesində maliyyə bazarında sövdələşmələr və əməliyyatların müasir növlərindən səmərəli istifadə olunmasına xüsusi diqqət yetirilməlidir. Maliyyə bazarında müəssisənin həyata keçirdiyi sövdələşmələr dedikdə onun digər maraqlı təsərrüfat subyektləri ilə qarşılıqlı razılaşdırılmış, həmin bazarın müxtəlif seqmentlərində mübadilə edən maliyyə alətlərinə münasibətdə onların hüquq və vəzifələrinin qoyulmasına, dondurulmasına, yaxud dəyişdiril- məsinə yönəldilən hərəkətlər başa düşülür. Mütəşəkkil və qeri-mütəşəkkil maliyyə bazarlarında müəssisənin həyata keçirdiyi sövdələşmələrin növləri böyük rəngarəngliyi ilə səciyyələnir. Sövdələşmənin şərtlərinə uyğun olaraq maliyyə alət- ləri ilə kassa və təcili (müəyyən müddətə) sövdələşmələr həyata keçirilir. Təhlil göstərir ki, maliyyə bazarında müəssisənin həyata keçirdiyi əsas əməliyyatlar müəssisənin bazar menecerlərinin fəaliyyətinin mühüm istiqamətlərindən biridir. Buna görə də onların praktikada tətbiqi müəssisənin maliyyə fəaliyyətinin idarə edilməsi keyfiyyətinin yüksəldilməsinə yönəldilən mühüm strateji məqsədlərdən biri sayılır.
3.2. İdarəetmə subyektinin baza elemetlərinin müəyyənləşdirilməsi.
Perspektivdə müəssisənin maliyyə fəaliyyətinin müvəffəqiyyətlə həyata keçirilməsi ən çox onun təşkilati təminat sisteminin effektivliyi ilə müəyyən edilir. Maliyyə fəaliyyətinin təşkilati təminat sistemi strateji maliyyə qərarlarının hazırlanması, qəbulu və reallaşdırılmasını təmin edən və həmin qərarların nəticəsinə görə məsuliyyət daşıyan müəssisənin daxili funksional xidmət və bölmələrinin qarşılıqlı əlaqələrinin məcmusunu ifadə edir. Strateji maliyyə menecmentinin təşkilati təminatının əsasını müəssisədə formalaşan maliyyə fəaliyyətini idarə edən struktur təşkil edir. Menecerlər, xidmətedicilər, şöbə və idarəetmə aparatının digər təşkilati bölmələri həmin strukturun elementləri sayılır. Strateji maliyyə menecmenti sistemi müəssisənin ümumi idarəetmə sisteminin ayrılmaz tərkib hissəsidir, maliyyə fəaliyyətinin idarəetmə strukturu ümumi təşkilati idarəetmə strukturuna inteqrasiya olunmalıdır. Belə inteqrasiya idarəetmə xərclərinin ümumi həcmini azaltmağa, strateji maliyyə menecmenti sisteminin hərəkətinin müəssisənin digər idarəetmə sistemləri ilə koordinasiyasını təmin etməyə, qəbul edilən strateji qərarların icrasına nəzarətin kompleksliyi və effektivliyinin yüksəldilməsinə imkan verir. Strateji maliyyə menecmentinin təşkilati strukturunun formalaşması prosesində müəssisənin maliyyə fəaliyyətinin həcmi və əsas formaları, maliyyə menecmentinin funksiyaları, regional diversifikasiya və digər amillər mütləq nəzərə alınmalıdır. Bundan başqa, sözügedən təşkilati strukturu formalaşdırarkən bir tərəfdən maliyyə fəaliyyətinin idarəetmə xidmətinin müxtəlif təşkilati bölmələri arasında, digər tərəfidən isə maliyyə menecmenti ilə müəssisənin başqa funksional idarəetmə sisteminin bölmələri arasında səmərəli əlaqələr qurulmalıdır. Müəssisənin idarəetmə strukturunda formalaşan idarəetmə aparatının müxtəlif həlqələri arasında üfüqi və şaquli əlaqələr qurulur. Üfüqi əlaqələr eynisəviyyəli kimi, şaquli əlaqələr isə idarəetmənin ierarxiyasını təmin edən çoxsəviyyəli kimi qurulur. Müəsisənin menecmentinin təşkilati strukturunun formalaşdırılmasının ümumi prinsipləri idarəetmə ierarxiyasının və üzvü idarəetmə mərkəzlərinin yaradılmasını nəzərdə tutur. Müəssisə menecmentinin təşkilati strukturunun ierarxiya tipi idarəetmə qərarlarının və informasiya axınlarının şaquli istiqamətdə ciddi hərəkət-lərini nəzərdə tutr, hansıki aşağı idarəetmə orqanı yuxarı idarəetmə orqanına tabedir və onun nəzarətindədir. İerarxiya tipli idarəetmə sistemində sadə xətti, xətti–funsional və divizional idarəetmə strukturları geniş yayılmışdır. Müəssisənin üzvü idarəetmə tipli strukturunda ierarxiyanın olmaması ilə for-malaşan bölmənin rəhbəri fəaliyyətin son nəticəsinə görə tam məsuliyyət daşımır. Belə bölmələrin formalaşması ayrı-ayrı problemlərin kompleks həllinə əsaslanır ki, bu da idarəetmə strukturunun çevikliyini artırır, müəssisənin daxili və xarici mühitin dəyişilməsinə tezliklə uyğunlaşdırılmasını təmin edir. Bu tip idarəetmə sistemində idarəetmənin layihə və matris strukturu daha geniş yayılmışdır. İerarxiya və üzvü idarəetmə strukturlarının əksəriyyətində müəssisənin maliyyə fəaliyyətinin idarə edilməsi mərkəzləri öz işini digər fəaliyyət növlərinin idarə olunmasına paralel həyata keçirirlər. İdarəetmə mərkəzləri müxtəlif funksiyalar yerinə yetirirlər. Həmin funksiyaların fərqləndirilməsi səviyyəsi barədə iki prinsipial yanaşmalar: funksional idarəetmə mərkəzlərinin asılı olmayan fəaliyyət prinsipləri; funksional idarəetmə mərkəzlərinin qarşılıqlı əlaqəli fəaliyyət prinsipləri mövcuddur. Birinci yanaşmaya uyğun olaraq funksional idarəetmə mərkəzləri asılı olmayan fəaliyyət prinsipləri əsasında formalaşır, onların digər funksional bölmələrlə əlaqəsi yalnız informasiya vasitəsilə məhdudlaşır. İkinci yanaşmaya uyğun olaraq funksional idarəetmə mərkəzləri qarşılıqlı əlaqəli fəaliyyət prinsipləri əsasında formalaşır, konkret idarəetmə funksiyaları çərçivəsində idarəetmə qərar- larının əksəriyyəti onların tərəfindən müstəqil qəbul edilir, kompleks işlənilməsinə ehtiyac duyulan bir sıra idarəetmə qərarları isə müəssisənin digər funksional xid- mətləri ilə birgə hazırlanır. Maliyyə fəaliyyətinin idarəetmə mərkəzlərinin funksional formalaşması müxtəlif ölçülü müəssisələrdə istifadə olunan təşkilati idarəetmə strukturundan asılı olaraq əhəmityyətli dərəcədə fərqlənir. Buna sadə xətti təşkilati idarəetmə strukturlu müəssisələrdə maliyyə fəaliyyətinin funksional idarəetmə mərkəzləri yaratmamasını, maliyyə fəaliyyətinin az həcmli olması ilə əlaqədar bu idarəetmə funksiyası adətən kiçik müəssisənin sahibkarına (mülkiyyətçisinə), yaxud onun direktoruna həvale edilməsini misal göstərmək olar. Xətti-funksional idarəetmə strukturlu müəssisələrdə maliyyə fəaliyyətinin idarəetmə funksiyası xüsusi maliyyə menecerinə, yaxud müəssisənin maliyyə fəaliyyətinin ümumi idarəetmə mərkəzinə həvalə edilir. Maliyyə meneceri müəssisənin maliyyə fəaliyyətinin bütün aspektlərini idarə edir, müəssisənin istehsalat və marketinq fəaliyyətini idarəetmə mərkəzləri ilə əlaqəli şəkildə həyata keçirir. Divizional təşkilati idarəetmə strukturlu müəssisələrdə maliyyə fəaliyyətinin idarəetmə funksiyası hər bir divizionun (istehsalat bölməsinin) tərkibində formalaşan maliyyə fəaliyyətinin idarəetmə mərkəzlərinə həvalə edilir. Belə halda maliyyə fəaliyyətinin idarəetmə sistemi dezinteqrasiya xarakteri daşıyır, idarəetmə sistemində əsas rolu mərkəzi aparatın meneceri deyil, müvafiq istehsalat bölmələrinin rəhbərləri oynayırlar. Layihə təşkilati idarəetmə strukturlu müəssisələrdə maliyyə menecerinin ikili tabeçiliyi olur, yəni o, həm mərkəzi idarəetmə aparatının müvafiq funksional xidmət bölməsinin rəhbərinə, həm də müəssisənin müstəqil struktur bölməsinin rəhbərinə tabedir. Qeyd etmək lazımdır ki, son illər müəssisənin təşkilati strukturu çərçivəsində maliyyə fəaliyyətinin idarəetmə strukturunun ümumi idarəetmə sistemindəki ənənəvi inteqrasiyası ilə yanaşı mütərəqqi inteqrasiya formalarından da istifadə olunur. Belə inteqrasiya formalarından biri «məsuliyyət mərkəzləri» əsasında müəssisənin maliyyə fəaliyyətinin ayrı-ayrı aspektlərinin idarə edilməsi konsepsiyasıdır. Amerika iqtisadçısı D.Xiqqins tərəfindən hazırlanmış bu konsepsiyadan maliyyə resurslarının formalaşmasının, pul axınlarının, investisiya- nın və maliyyə fəaliyyətinin bəzi aspektlərinin idarə edilməsində geniş istifadə olunur. Məsuliyyət mərkəzi müəssisənin struktur bölməsi olub maliyyə fəaliyyətinin bu və ya digər aspektlərinə nəzarət edir, onun rəhbəri həmin aspektlər çərçivəsində müstəqil idarəetmə qərarları qəbul edir və maliyyə göstəriciləri üzrə plan (normativ) tapşırıqların vaxtında yerinə yetirilməsinə görə tam məsuliyyət daşıyır. Müəssisənin maliyyə menecmentinin təşkilati təminat sistemində formalaşan məsuliyyət mərkəzlərinin əsas tipləri kimi xərclər mərkəzi, gəlir mərkəzi, mənfəət mərkəzi və investisiya mərkəzi fərqləndirilir. Müxtəlif tip məsuliyyət mərkəzlərinin yaradılması yolu ilə strateji maliyyə menecmentinin təşkilati təminat sistemi fəaliyyətin həcmi, fəaliyyətin çoxfunksiyalılığı, heyətin sayı, istehsalın təşkilati strukturu, fəaliyyətin təşkilati-hüquqi forması və başqa amillərdən asılı olaraq formalaşdırılır. Buna görə hər bir müəssisə üçün məsuliyyət mərkəzlərinin sayının və tərkibinin müəyyənləşdirilməsi məsələsinə fərdi şəkildə yanaşılmalıdır. Yaradılan məsuliyyət mərkəzləri təkcə qoyulan tapşırıqların yerinə yetirilməsini deyil, həm də yuxarı idarəetmə orqanı üçün maliyyə resurslarının formalaşması və istifadəsinin səmərəliliyinin yüksəldilməsi üzrə konkret təkliflər hazırlamağı bacaran menecerlər qrupu formalaşdırmalıdır.
3.3. Maliyyə investisiya layihələrinin qiymətləndirilməsi.
Müəssisənin səmərəli fəaliyyət göstərməsi, strateji inkişaf tempinin təmin edilməsi və rəqabət qabiliyyətinin yüksəldilməsi onun investisiya fəalliyyətinin miqyası ilə müəyyən edilir. Müəssisənin investisiya fəaliyyətinin həyata keçirilməsi ilə bağlı kompleks məsələlərin həlli investisiya siyasətinin əsaslandırılması, onun daha səmərəli istiqamətləri və formalarının seçilməsi, real maliyyə investisiyasının məqsədyönlü portfelinin işlənib hazırlanması sahəsində düzgün idarəetmə qərarlarının qəbulunu tələb edir. İnvestisiya strategiyasının işlənib hazırlanması müəssisənin investisiya fəaliyyətinin strateji idarə edilməsinin mühüm funksiyası sayılır. İnvestisiya strategiyası dedikdə investisiya faəliyyətinin uzunmüddətli məqsədlər sisteminin formalaşması və onlara nail olmağın daha səmərəli yollarının seçilməsi başa düşülür. Səmərəli investisiya fəaliyyətinin həyata keçirilməsi nəticəsində müəssisənin bazar dəyərinin artırılmasının əsas istiqamətləri xalis mənfəətin məbləğinin artırılması, xüsusi kapitalın çoxalması, sinerqizm effektinin təmin edilməsi, müəssisə imicinin yüksəldilməsi hesab edilir. Müəssisənin investisiya fəaliyyətinin əsasını real investisiyalaşdırma təşkil edir. Müasir şəraitdə müəssisənin real investisiyalaşdırılmasının idarə edilməsi inkişaf etmiş bazar iqtisadiyyatlı ölkələrdə geniş yayılmış yeni elmi istiqamətə - “layihənin idarə edilməsi” sisteminin metodologiyasına əsaslanır. Layihənin idarə edilməsi metodologiyasını nəzərə almaqla müəssisənin real investisiyasının idarə edilməsi prosesi mərhələlər üzrə həyata keçirilir. Real investisiyanın idarə edilməsi sistemində investisiya layihələrinin səmərəliliyinin qiymətləndirilməsi praktikasında aşağıdakı baza prinsiplərindən istifadə olunur: real investisiya layihələrinin qiymətləndirilməsi bir tərəfdən investisiya xərclərinin həcminin, digər tərəfdən investisiya kapitalının məbləği və qaytarılma müddətinin müqayisəsi əsasında həyata keçirilməlidir; investisiya xərclərinin həcminin qiymətləndirilməsi layihənin reallaşdırıl-ması ilə əlaqədar istifadə olunan resursların məcmusunu ifadə etməlidir; investisiyalaşdırılan kapitalın qaytarılmasının qiymətləndirilməsi “xalis pul axınları” göstəricisi əsasında həyata keçirilməlidir; qiymətləndirmə prosesində investisiya xərclərinin məbləği və xalis pul axını hazırki dəyərə gətirilməlidir; göstəricilərin hazırki dəyərə gətirilməsi prosesində diskont dərəcəsinin seçilməsi müxtəlif investisiya layihələri üçün diferensiyalaşdırılmalıdır.
İşdə bu prinsipləri nəzərə almaqla müxtəlif göstəricilər əsasında real
investisiya layihələrinin səmərəliliyinin qiymətləndirilməsi metodları və maliyyə investisiyalaşdırmasının əsas formaları göstərilir. Maliyyə investisiyasının strateji idarə edilməsi prosesində müəssisənin investisiya fəaliyyətinin əsas parametrləri və meyarları müəyyənləşdirilir. Müasir maliyyə investisiyalaşdırılması “investisiya portfelinin” formalaşdırılması ilə sıx əlaqədardır, çünki investorların əksəriyyəti maliyyə investisiyalaşdırması üçün bir neçə maliyyə aləti seçirlər. Belə maliyyə alətlərinin məqsədyönlü seçimi investisiya portfelinin formalaşması prosesini ifadə edir. İnvestisiya portfeli - bütöv idarəetmə obyekti kimi çıxış edən fiziki və ya hüquqi şəxsə məxsus olan hər hansı qiymətli kağızların məcmusudur. İnvestisiya portfelinin formalaşmasının başlıca məqsədi ən gəlirli və təhlükəsiz maliyyə alətlərinin seçilməsi yolu ilə müəssisənin maliyyə investisiyalaşdırılması strategiyasının əsas istiqamətlərinin reallaşdırılmasını təmin etməkdir. İnvestisiya portfelini vahid tam kimi idarə olunan maliyyə və material aktivlərinin məcmusu, gəlirli obyektlərə kapital qoyuluşu üzrə aktiv əməliyyatların gedişində investor tərəfindən əldə edilən qiymətli kağızlar dəsti kimi ifadə etmək daha məqsədəuyğundur. İnvestisiya portfelində həm şirkətin qiymətli kağızlarına qoyulan investisiyalar, həm də təkrar likvid ehtiyatları – dövlət qiymətli kağızlar şəklində likvid aktivlər əks etdirilə bilər. Bazarın vəziyyəti və investorun imkanları investisiya strategiyasının seçimini müəyyən edir. Ona görə portfel investisiyalaşması Azərbaycan bazarında hələlik üstün mövqeyə malik deyildir. Lakin investisiya əməliyyatları nəticəsində bütün əldə edilən qiymətli kağızların uçotunda müəyyən yanaşmalar mövcuddur. Məsələn, ölkədə banklar xarici təcrübəyə əsaslanaraq investisiya portfelini formalaşdırarkən çalışırlar ki, qiymətli kağızların ümumi məbləğinin 70 faizi dövlət qiymətli kağızların, 25 faizi bələdiyyə qiymətli kağızların və 5 faizi sair qiymətli kağızların payına düşsün. Deməli, likvid aktivlər ehtiyatı portfelin təxminən 1/3 hissəsini, mənfəət almaq məqsədilə investisiyalar isə 2/3 hissəsini təşkil edir. İnvestisiya portfelinin belə strukturu adətən iri banklar üçün səciyyəvidir, kiçik banklarda isə portfelin 90 faizi və bəzən bundan da çox hissəsi dövlət və bələdiyyə qiymətli kağızların payına düşür. Müəssisənin maliyyə investisiya portfelini səmərəli formalaşdırmaq üçün “portfelin formalaşmasına ənənəvi yanaşma” və “müasir portfel nəzəriyyəsi” kimi iki alternativ nəzəri konsepsiyadan istifadə olunur. “Portfelin formalaşmasına ənənəvi yanaşma” konsepsiyası əsasən texniki və fundamental təhlil alətlərindən istifadə edir və ona geniş sahə diversifikasiyasını təmin edən investisiyalaşmanın müxtəlif növ maliyyə alətlərinin daxil edilməsini nəzərdə tutur. Hərçənd, portfelin formalaşmasına belə yanaşma gəlirlilik və risk göstəriciləri üzrə investisiyalaşmanın müvafiq maliyyə alətlərinin seçilməsi yolu ilə onun formalaşmasının strateji məqsədlərinə nail olmağa imkan verir, ancaq seçim prosesində həmin alətlərin öz aralarında səmərəli qarşılıqlı əlaqə təmin edilmir. “Müasir portfel nəzəriyyəsi” gözlənilən gəlirlilik və risk səviyyəsi arasında nisbət meyarına görə formalaşan investisiya portfelinin optimallaşdırılması mexanizminin statistik metodlarına əsaslanır. Müasir maliyyə praktikasında investisiya portfelini formalaşdırarkən hər iki yanaşmadan istifadə olunur, ancaq son illər müasir portfel nəzəriyyəsinə üstünlük verilir.
3.4.Maliyyə təşkilati submədəniyyətin müəssisənin maliyyə
fəaliyyətinin strateji inkişafında rolu.
Müəssisənin maliyyə fəaliyyətinin idarə edilməsi keyfiyyətinin
yüksəldilməsinin əsas istiqamətlərindən biri maliyyə menecerlərinin təşkilati mədəniyyətinin (korporativ mədəniyyət, müəssisə mədəniyyəti) formalaşması və inkişaf etdirilməsidir. Təşkilati mədəniyyət müəssisə əməkdaşlarının davranış və hərəkətlərinin səmtini müəyyənləşdirən, məqsədli daxili inteqrasiyası və xarici mühit amillərinin dəyişilməsinə səmərəli uyğunlaşmalarını təmin edən, onların sıx qarşılıqlı əlaqələ-rində hamı üçün ümumi olan ən mühüm norma və dəyərlər sistemini ifadə edir. Təşkilati mədəniyyətin müəssisənin idarəedilməsi sisteminin müstəqil obyektinə çevrilməsi fikri amerika və avropa iqtisadçılarının Yapon şirkətlərinin qabaqcıl iş təcrübəsindən istifadə olunmasına səy göstərmələri ilə əlaqədar XX əsrin 80-ci illərində meydana gəlmişdir. Menecmentin müstəqil obyekti kimi təşkilati mədəniyyətin ilk tədqiqi əməyin təşkili və müəssisənin təşkilati strukturu ilə qarşı-lıqlı əlaqədə işçilərin motivasiyası məsələlərinə həsr edilmişdir. Strateji menecment mövqeyindən təşkilati mədəniyyət məsələsinin tədqiqinə isə çox sonra başlanılmışdır. Strateji menecmentin paradiqması nöqteyi-nəzərindən baxılan təşkilati mədəniyyətin müasir konsepsiyası müəssisənin bütün funksional xidmətlərini və onun ayrı-ayrı əməkdaşlarını ümumi məqsədə səmtləşdirməyə, perspektivdə müəssisənin ən effektiv inkişaf yollarının axtarılmasına heyətin səyini səfərbərliyə almağa imkan verən güclü strateji alət kimi dəyərləndirilir. Ekspertlərin fikrincə təşkilati mədəniyyətin formalaşması müəssisənin mövcud təşkilati strukturu ilə müqayisədə onun strateji inkişafına heç də az səmərə gətirmir. Təşkilati mədəniyyətin müasir konsepsiyasının mühüm aspekti ondan ibarətdir ki, o müəssisədə bir sıra xüsusi mədəniyyət, yaxud submədəniyyət yarada bilər. Müəssisə çərçivəsində təşkilati submədəniyyət funksional, regional, ierarxiya və digər əlamətlərə görə formalaşdırıla bilər. Müəssisənin maliyyə fəaliyyətinin idarə olunması spesifikliyini özündə əks etdirən maliyyə təşkilati submədəniyyəti belə submədəniyyətlərdən biridir. Maliyyə təşkilati submədəniyyəti dedikdə müəssisənin təşkilati mədəniy- yətinin ümumi sisteminə inteqrasiya olunan, maliyyə fəaliyyətinin inkişaf xüsusiyyətlərini nəzərə almaqla maliyyə xidmətləri və maliyyə menecerlərinin davranış və hərəkətlərinin səmtini müəyyənləşdirən və onların hamısı üçün ümumi olan norma və dəyərlərin məcmusu başa düşülür. Maliyyə təşkilati submədəniyyətin müəssisənin maliyyə fəaliyyətinin səmərəli strateji inkişafının təmin edilməsində rolu aşağıdakılarda təzahür edir: - maliyyə menecerlərinin təfəkkür stilinə, maliyyə mühitini və müəssisənin maliyyə fəaliyyətinin inkişaf etdirilməsi formalarını görməyə aktiv təsir edir. - maliyyə fəaliyyətinin strateji dəyişilməsinə daxili müqaviməti minimuma endirir və maliyyə fəaliyyətinin reallaşdırılması üzrə sahmanlı hərəkət etmək üçün əlverişli şərait yaradır. - strateji inkişaf prosesində müəssisəyə əlavə rəqabət üstünlüyü təmin edərək innovasiya tipli maliyyə texnologiyaları və alətlərinin səmərəli tətbiqi üçün zəmin yaradır. - müəssisədə təşkilati submədəniyyətin elementlər sistemi maliyyə menecerlərinin peşəkarlıq səviyyəsinin artırılmasına, sosial mühafizəyə, kollektivdə öz yerini dərk etməyə və möhkəm kadr potensialı formalaşdırmağa imkan verir. Bütün bunlar öz növbəsində müəssisənin maliyyə fəaliyyətinin idarə edilməsi strategiyasının səmərəli reallaşdırılmasına səbəb olur. Perspektivdə müəssisənin maliyyə fəaliyyətinin səmərəli inkişafını təmin edə bilən maliyyə təşkilati submədəniyyətin formalaşdırılması müəyyən prinsiplərə əsaslanır. Həmin prinsiplər aşağıdakılardan ibarətdir: - müəssisə missiyasının reallaşdırılmasında maliyyə xidmətlərinin rolu haqqında maliyyə menecerlərinin təqdimatındakı dəqiqlik; - maliyyə təşkilati submədəniyyətin mühüm elementlər üzrə əsas təşkilati mədəniyyətlə inteqrasiya olunması; - maliyyə təşkilati submədəniyyətin formalaşdırılmasının müəssisənin maliyyə fəaliyyətinin strateji inkişafının əsas məqsədlərinə tabe olması; - maliyyə təşkilati submədəniyyətin digər elementlərinin formalaşdırılması bazası kimi müəssisənin maliyyə fəlsəfəsinin işlənib hazırlanmasının prioritetliyi; - maliyyə menecmentinin korporativ davranış səmtini müəyyənləşdirən norma və dəyərlərin tarixi varisliyi; - maliyyə təşkilati submədəniyyətin elementlərinin tədricən transformasiya olunması; - maliyyə təşkilati submədəniyyətini arzuolunan parametrlərinə nail olmaq məqsədilə maliyyə menecerlərinə zorla təsir göstərilməsi formalarından imtina edilməsi; - müəssisənin maliyyə fəaliyyətinin səmərəliliyinə maliyyə təşkilati submədəniyyətin təsir göstərməsinin kompleksliliyi. Maliyyə təşkilati submədəniyyətini formalaşması aşağıdakı mərhələlər üzrə həyata keçirilir: 1. Maliyyə təşkilati submədəniyyətin mövcud vəziyyətinin diaqnostikası; 2. Maliyyə təşkilati submədəniyyətini formalaşmasını müəyyənləşdirən amillərin tədqiqi. 3. Maliyyə təşkilati submədəniyyətin formalaşmasının vəzifələr sisteminin əsaslandırılması. 4. Maliyyə təşkilati submədəniyyətin baza tipinin seçilməsi. 5. Ayrı-ayrı elementlər üzrə maliyyə təşkilati submədəniyyətin arzuolunan parametrlərinin formalaşdırılması. 6. Maliyyə təşkilati submədəniyyətin nailiyyətlərini təmin edən mexanizm- lərin seçilməsi. Diaqnostika xüsusi hazırlanmış anket əsasında maliyyə aparatının öz qüvvəsi ilə, yaxud cəlb edilmiş ekspert-mütəxəsislər tərəfindən aparılır. Təşkilati mədəniyyətin diaqnostikası və formalaşdırılması sahəsində tanınmış Amerika mütəxəsisləri K.Kamerton və R.Kuini diaqnostikanın aşağıdakı bloklar üzrə həyata keçirilməsini təklif edirlər: - mühüm xarakteristikası; - liderin ümumi stili; - muzdlu işçilərin idarə olunması; - sistemin əlaqələndirici mahiyyəti; - strateji məqsədlər; - nailiyyətin meyarı. Maliyyə təşkilati submədəniyyətin formalaşmasının əsas və köməkçi amilləri mövcuddur. Əsas amillərə aiddir: - ümumi korporativ mədəniyyətin səviyyəsi; - müəssisənin maliyyə strategiyasının əsas məqsədləri; - müəssisənin maliyyə fəlsəfəsi; - maliyyə fəaliyyətinin idarə edilməsinin təşkilati strukturu; - maliyyə menecerlərinin sayı; - maliyyə menecerlərinin təhsil səviyyəsi. Köməkçi amillərə aid etmək olar: - müəssisənin ölçüsü; - müəssisənin təşkilati-hüquqi fəaliyyəti; - müəssisənin həyat tsiklinin mərhələləri; - müəssisədə maliyyə menecerlərinin orta iş stacı; - maliyyə menecerlərinin cins-yaş tərkibi. Maliyyə təşkilati submədəniyyətin formalaşması vəzifələrinin xarakteri müəssisənin maliyyə strategiyasının uğurla reallaşdırılması və bazar dəyərinin artırılması vahid məqsədlərinə tabe olmalıdır. Bu vəzifələr maliyyə təşkilati submədəniyyətin diaqnostikasının nəticələrini, müəssisənin formalaşan ümumi təşkilati mədəniyyəti və maliyyə fəaliyyətinin inkişaf strategiyasının spesifikliyini nəzərə almaqla dəqiqləşdirilir. Maliyyə təşkilati submədəniyyətin baza tipinin seçilməsi adətən təşkilati mədəniyyətin baza tipinin seçilməsinə uyğun gəlməlidir. Bu halda maliyyə təşkilati submədəniyyətin formalaşmasının əsas prinsiplərindən biri təmin edilir. Maliyyə təşkilati submədəniyyətin arzuolunan parametrlərini mövcud maliyyə təşkilati submədəniyyətin qiymətləndirilməsi blokunda, ancaq seçilən baza tipini nəzərə almaqla, formalaşdırmaq olar. Maliyyə təşkilati submədəniyyətin arzuolunan parametrlərinin nailiyyətlərini təmin edən mexanizmlərin seçilməsi məqsədli daxili inteqrasiyanı və maliyyə menecerlərinin xarici mühit amillərinin dəyişilməsinə effektiv uyğunlaşdırılmasını təmin edən maliyyə təşkilati submədəniyyətin inkişaf istiqamətləri çərçivəsində həyata keçirilir. Bütün maliyyə xidmətləri və maliyyə menecerləri tərəfindən dəstəklənən maliyyə təşkilati submədəniyyətin formalaşması və inkişafı müəssisənin arzuolu- nan strateji maliyyə mövqeləşməsini təmin edir və onun bazar dəyərini artırır. Mövzu 4. Biznes cərcivəsində maliyyə planlaşdırılması. 4.1. Maliyyə planlaşdırılmasının təyinatı və mərhələləri. 4.2. Budcələşmə - maliyyə planlaşdırılmasının aləti kimi. 4.3. Biznes-planlaşdırma çərçivəsində maliyyə planının inkişafı.
4.1. Maliyyə planlaşdırılmasının təyinatı və mərhələləri.
Maliyyə planlaşdırılması müəssisənin maliyyə məqsədinə nail olmağın yollarını və üsullarını, maliyyə vəsaitlərinə tələbatı müəyyənləşdirir. Müəssisənin maliyyə planlaşdırılmasının məqsədi maliyyə xarakterli qərarların qəbulunun seçilmiş meyarlarından asılıdır. Bu meyarlara aşağıdakıları aid etmək olar: • satışın maksimumlaşdırılması; • mənfəətin maksimumlaşdırılması; • şirkət sahiblərinin mülkiyyətinin maksimumlaşdırılması.
Müəssisənin bazar aktivliyinin mühüm hissəsini ilk iki meyar (satışın və
mənfəətin maksimumlaşdırılması) təşkil edir. Maliyyə planlaşdırılmasının əsas vəzifələri aşağıdakılardan ibarətdir: • qarşıya qoyulan məqsədlərin razılaşdırılmasının və onların həyata keçirilməsi imkanlarının yoxlanılması; • müəssisənin müxtəlif bölmələrinin qarşılıqlı hərəkətlərinin təmin edilməsi; • müəssisənin inkişafının müxtəlif variantlarının və uyğun olaraq investisiyanın həcminin və onların maliyyələşdirilməsi üsullarının təhlili; • xoşagəlməz hadisələrin baş verdiyi halda tədbirlər və davranış proqramının müəyyənləşdirilməsi; • müəssisənin maliyyə vəziyyətinə nəzarətin gücləndirilməsi.
Maliyyə planlaşdırılması bir tərəfdən səhv hərəkətin qarşısını alır, digər
tərəfdən isə istifadə olunmayan imkanların sayını azaldır Planlaşdırma bazarda stabil vəziyyətə və möhkəm maliyyə dayanaqlığına müəssisənin nail olmasını təmin edən maliyyə strategiyasının işlənib hazırlanmasının mümkün alternativlərinə baxmağa imkan verir. Maliyyə planlaşdırılması plan tapşırıqlarının hazırlanması və yerinə yetirilməsinin subyektiv prosesi kimi obyektiv şəraitə, iqtisadi qanunların fəaliyyətini və qanunauyğunluqları nəzərə almağa əsaslanır. Eyni zamanda, maliyyə planlaşdırılmasının elmi səviyyəsindən, onun düzgün təşkilindən, mütərəqqi növlərin və metodların tətbiqindən bütün resursların səmərəli istifadəsi və bütövlükdə müəssisənin uğurları daha çox asılıdır. Maliyyə planlaşdırılması dörd mərhələdə aparılır: • Müəssisənin malik olduğu investisiya və maliyyələşdirmə imkanları təhlil edilir. • Cari və gələcək qərarlar arasında əlaqəni başa düşmək və gözlənilməz hadisələrdən qaçmaq məqsədilə cari qərarların nəticələri proqnozlaşdırılır. • Bütün mümkün qərarlardan seçilmiş variant əsaslandırılır. • Maliyyə planında müəyyən edilən məqsədlərlə müqayisədə müəssisənin nail olacağı nəticələr qiymətləndirilir. Dördmərhələli planlaşdırma prosesi qərarların qəbulunu və tədbirlərin həyata keçirilməsini nəzərdə tutur, hansıki, planlaşdırmanın hər bir mərhələsində müəssisənin gələcək fəaliyyətinə təsir göstərir. Planlaşdırma fasiləsiz xarakter daşımalıdır, çünki heç kəs gələcəyi dəqiq görmək qabiliyyətinə malik deyil. Maliyyə planlaşdırmasının hər bir mərhələsində yeni daxil olan informasiyaları daim nəzərə almaq lazımdır. Daim dəyişən xarici mühit maliyyə planına fasiləsiz baxmağı tələb edir. Müəssisənin inkişafı son nəticədə onun maliyyə vəziyyətinin yaxşılaşdırılmasına və gəlirin artırılmasına yönəldilir. Maliyyə işinin təşkili xarici təşkilatlarla: banklar, sığorta təşkilatları, büdcə və digər müəssisələr ilə qarşılıqlı əlaqə əsasında qurulur. Müəssisənin dayanaqlı maliyyə vəziyyəti bütün istehsal-təsərrüfat fəaliyyəti prosesində formalaşır, onun aktivləri və passivlərinin miqdarından, əsas və dövriyyə fondlarının, xüsusi və borc vəsaitlərinin həcmindən, kreditor və debitor borclarından, vergi sistemindən və siyasi durumdan asılıdır. Balans hesabatı müəssisənin aktiv və passivlərini əyani şəkildə əks etdirmək məqsədilə tərtib olunur. İllik maliyyə planının gəlir hissəsində planlaşdırılan mənfəət, ayırmalar və sıradan çıxmış əmlakın satışından alınan gəlir, xərc hissəsində isə vergi ödəmələri, kreditə görə faiz ödəmələri, sığortaya ayırmalar, yığıma, istehlaka və ehtiyat fonduna xalis mənfəətdən istifadənin həcmi göstərilir. Maliyyə planında bütün maddələr və bölmələr qarşılıqlı əlaqəlidir. Məsələn, tam bərpaya əsas fondların amortizasiyası yalnız real investisiyanın maliyyələşdirilməsinə, dayanaqlı passivlərin artımı dövriyə vəsaitlərinin artırılmasına yönəldilir. Aşağıdakı nisbətə riayət olunmalıdır: Gəlirlər və daxilolmalar (I bölmə) + büdcədən ayırmalar = = məsrəflər + ayırmalar (II bölmə) + büdcəyə ödəmələr Maliyyə planının bütün bölmələrini iqtisa di məzmununa görə yeddi qrupa ayırmaq olar: • əsas fəaliyyət; • əsas fondların təkrar istehsalı; • əmək kollektivinin sosial inkişafı; • büdcə sistemi ilə qarşılıqlı əlaqənin əks etdirilməsi; • kredit təşkilatları ilə qarşılıqlı əlaqənin əks etdirilməsi; • yuxarı təşkilatla qarşılıqlı əlaqənin əks etdirilməsi; • sair. 4.2. Budcələşmə - maliyyə planlaşdırılmasının aləti kimi. Müəssisə büdcəsinin tərtibi, qəbulu və sonradan onun icrasına nəzarət büdcələşmə adlanır. Müasir bazar iqtisadiyyatı şəraitində əgər büdcələşmə biznesin inkişaf dinamikası ilə sinxronlaşdırılmazsa, onda müəssisə səmərəli işləyə bilməz. Büdcənin formalaşması və razılaşdırılması planlaşdırma sistemində ən çətin və əməktutumlu məsələdir. Məhz ona görə də müəssisələr təqribən yarısı biznes- planın hazırlanması zaman büdcənin formalaşmasını tam nəzərə ala bilmirlər. • Büdcələşmə idarəetmə texnologiyası kimi üç hissədən ibarətdir: • büdcələşmə texnologiyası; • büdcələşmənin təşkili; • informasiya texnologiyalarından istifadə edilməsi. Müəssisədə büdcələşmə sistemi beş mərhələdə həyata keçirilir: • birinci mərhələdə maliyyə strukturu formalaşdırılır; • ikinci mərhələdə büdcənin strukturu formalaşır; • üçüncü mərhələdə idarəetmə uçotunun metodikası və proseduru işlənib hazırlanır; • -dördüncü mərhələdə planlaşdırmanın reqlamenti müəyyən edilir; • beşinci mərhələdə büdcələşmə sistemi tətbiq edilir. Müəssisədə büdcələşmə sisteminin tətbiqində qazanılmış uğurlar büdcənin tərtib edilməsi və icrasına nəzarətin bütün reqlament və prosedurlarının müfəssəl işlənilməsindən asılıdır. Büdcələşmə sisteminin effektivlik şəraiti aşağıdakılardır: • büdcənin işlənilməsi, icrasına nəzarət və təhlili üçün metodoloji və metodiki əsasların olması; • biznes-planın büdcə ilə razılaşdırılması texnolo giyasının mövcud olması; • aşağıdan yuxarıya ötrülən məlumat ların doğru və tam olması; • biznesin vəziyyəti haqqın da operativ məlumat lardan istifadəyə icazənin olması; • büdcə prosesini dəstəkləməyə savadlı mütəxəs sislərin hazır olması; • hesablamaların avtomat laşdırılması. Büdcələşmənin effektivliyi müəssisənin işinin effektivliyini müəyyənləşdirir. Büdcələşmənin tətbiqi və istifadəsi müəssisənin buna qədər məlum olmayan çoxlu problemlərinin aşkara çıxarılmasına və təsnifləşdirilməsinə yaxşı kömək edir. Büdcə – müəyyən müddətə aktivlərin formalaşması və istifadəsi, maliyyələşmə mənbələri, gəlirlər və xərclər, pul vəsaitlərinin hərəkəti üzrə planın mərkəzləşdirilmiş şəkildə müəyyən edilən kəmiyyət göstəricilərini özündə əks etdirən sənəddir. Toplu büdcə iki tərkib hissədən ibarətdir: əməliyyat büdcəsi və maliyyə büdcəsi. Maliyyə büdcəsinə daxildir: • investisiya büdcəsi; • pul vəsaitlərinin hərəkəti büdcəsi; • balansın proqnozu (balans hesabatı). Əməliyyat büdcəsinin təyinatı planlaşdırmanın natural göstəricilərini dəyər göstəriciləri ilə əlaqələndirmək, ən mühüm proporsiyaları, məhdudiyyətləri və yolverilənləri müəyyənləşdirməkdir, hansıki, əsas büdcəni tərtib edərkən nəzərə almaq lazımdır. Əməliyyat büdcəsinin tərkibi müəssisənin qarşıda duran məqsədin xarakterini, biznesin spesifikliyini, metodiki, təşkilati və texniki hazırlıq səviyyəsini nəzərə alaraq rəhbər tərəfindən müəyyənləşdirilir. Əməliyyat büdcəsini hazırlayarkən büdcə sənədlərinin formatı müəyyən edilir, büdcənin analitiki və maddələr reqlamenti işlənib hazırlanır, büdcənin hazırlanması və qəbulu proseduru müəyyənləşdirilir. Hər bir müəssisə üçün əsas büdcənin olması vacibdir. Onun tərkibinə balansın proqnozu, gəlirlər və xərclər büdcəsi, pul vəsaitlərinin hərəkəti büdcəsi daxildir. Əsas büdcənin standart forması vardır. Əsas büdcəni tərtib edərkən formasına və məzmununa görə maliyyə hesabatı sənədlərinə uyğun sənədlər tətbiq olunur. Büdcənin müxtəlif növü və forması ola bilər. Onun strukturu büdcənin tərtib edilməsi predmetindən, büdcənin formalaşması prosesinin müəssisənin maliyyə strukturu ilə inteqrasiya dərəcəsindən, büdcəni hazırlayanların ixtisası və təcrübəsindən asılıdır. Toplu büdcənin işlənib hazırlanması nın əsas mərhələləri aşağıdakılar dan ibarətdir: • satış proqnozu nun hazırlanması; • Planlaşdır ma dövrünə istehsalın gözlənilən həcminin hesablanması; • istehsal xərclərinin və əməliyyat məsrəfləri nin müəyyən edilməsi; • pul axınlarının və maliyyə tələbatının hesablanması; • proqnoz maliyyə hesabatının baza formasının hazırlanması. Müəssisə büdcəsi həmişə müəyyən vaxt intervalına hazırlanır, hansıki, büdcə dövrü adlanır. Büdcə dövrünün müddətinin düzgün seçilməsi müəssisənin büdcə planlaşdırılmasının effektivliyinin mühüm amilidir. Büdcə prosesi aşağıdakı mərhələlər üzrə həyata keçirilir: • keçən ilin büdcəsinin icrası təhlil edilir; • büdcənin layihəsi işlənib hazırlanır; • büdcə layihəsi təsdiq edilir; • cari ilin büdcəsinin icrası təhlil edilir; • növbəti il üçün toplu büdcənin layihəsi işlənib hazırlanır. 4.3.Biznes-planlaşdırma çərçivəsində maliyyə planının inkişafı. Biznes-plan müəssisənin fəaliyyətinin planlaşdırılmasının mütərəqqi formasıdır. Biznes dünyasında müvəffəqiyyət əhəmiyyətli dərəcədə indiki vaxtda və gələcək dövrdə müəssisənin fəaliyyətindəki dəyişiklikləri başa düşmək və nəzərə almaqdan asılıdır. Biznes-plan sahibkarların üzləşdikləri başlıca problemlərin təhlil edildiyi və onların həllinin əsas üsullarını müəyyənləşdirən sənəddir. Məhz biznes-planın köməyilə menecer bazarda baş verə bilən dəyişiklikləri və gözlənilməz problemləri qiymətləndirmək imkanına malikdir. Bazar iqtisadiyyatı şəraitində ən çox işlədilən terminlərdən biri biznes- plandır. Biznes-plan aktuallığı onunla müəyyən edilir ki, heç bir ciddi idarəetmə qərarı bu və ya digər formada biznes-plan təqdim etmədən qəbul edilə bilməz. Biznes-plan müəssisənin inkişaf planıdır, müəssisənin mövcud fəaliyyətinin inkişafı və yeni fəaliyyət növünün mənimsənilməsi, biznesin yeni növ və formalarını yaratmaq üçün zəruri olan sənəddir. Sahibkara öz biznesini yaradarkən texniki vasitələr almaq və dövriyyə fondunu formalaşdırmaq üçün investisiya qoyuluşu tələb olunur. Aydındır ki, müəssisənin nizamnamə kapitalının həcmi biznes fəaliyyətini genişləndirmək üçün çox vaxt kifayət etmir. Buna görə də sahibkarın öz vəsaitinə əlavə investisiyanın, yəni maliyyə təşkilatlarının kredit resurslarının və potensial investorların vəsaitlərinin cəlb edilməsi zərurətə çevrilir. Əlavə maliyyə resursları almaq üçün biznes layihəsinin iqtisadi səmərəliliyi əsaslandırılmalıdır. Biznes layihəsinin reallaşdırılmasından alınacaq nəticələrin kompleks təhlili aparılır və biznes-planda əks etdirilir. Biznes-planın strukturu zəruri investisiyanın həcmindən, biznesin miqyasından, firmanın maliyyə sabitliyinin səviyyəsindən, həmçinin firma tərəfindən təklif olunan əmtəə və xidmətlərin növləri üzrə bazarın vəziyyətindən asılıdır. Biznes-plan sahibkarlara imkan verir ki, öz imkanlarını və biznes layihəsinin səmərəliliyini qiymətləndirsini və onun məqsədəuyğunluğu haqqında əsaslandırılmış qərar qəbul etsin. Biznes-planlaşdırma aşağıdakı problemlərin həllinə imkan verir: • müəssisənin tədiyyə qabiliyyətini müəyyənləşdirir, sahibkarlıq fəaliyyətində riskləri azaldır; • biznesin inkişaf perspektivlərinin kəmiyyət və keyfiyyət göstəricilərini konkretləşdirir; • potensial investorların diqqət və marağını artırır, dəstəyini təmin edir; • planlaşdırmanın müsbət təcrübəsini əldə etməyə kömək edir. Ənənəvi plandan fərqli olaraq biznes-planın təşkili bütün tərəfdaşların, maraqlı şəxslərin mənafeyini nəzərə alır. İnvestorlardan başqa belə şəxslər potensial istehlakçılar və malgöndərənlər kimi çıxış edirlər. Adətən biznes-plan sahibkar ilə investorlar və partnyorlar arasında danışıqlar aparmağa başlamaq üçün zəmin sayılır. • Biznes-planın işlənib hazırlanmasında əsas məqsəd mövcud imkan və resurslardan daha səmərəli istifadə edərək müəssisənin mənfəətini (gəlirini) maksimum artırmaqdır. Bununla yanaşı müəssisənin inkişaf strategiyasından asılı olaraq biznes-planın müxtəlif məqsədləri də ola bilər:- arzu edilən nəticələrə nail olmağın reallıq səviyyəsini aydınlaşdırmaq; • - mövcud fəaliyyətin yeniləşdirilməsi və ya yeni fəaliyyətin yaranmasının məqsədəuyğunluğunu maraqlı şəxslərə sübut etmək; • - yeni ideyanın reallaşması üçün tərtib olunmuş layihədə göstərilən keyfiyyət və kəmiyyət göstəricilərinə nail olmağın mümkünlüyünü sahibkarın tərəfdaşlarına sübüt etmək; • -xarici bazara çıxış və investisiyaların cəlb edilməsi. • Biznes-plan sahibkara aşağıdakı əsas problemləri həll etməyə imkan verir: • - firmanın konkret fəaliyyət istiqamətlərini, məqsədyönlü bazarı və bu bazarda firmanın mövqeyini müəyyən etmək; • - firmanın uzunmuddətli və qısamüddətli məqsədlərini dəqiqləşdrmək, onlara nail olmağın strategiya və taktikasının həyata keçirilməsinə görə məsul şəxslərin müəyyən edilməsi; • - firmanın maliyyə vəziyyətini, qoyulan məqsədlərə nail olmaq üçün mövcud maliyyə və maddi ehtiyatların uyğunluğunu qiymətləndirmək, biznes- planın həyata keçirilməsində qarşıya çıxa biləcək təhlükələri öncədən görmək. Biznes-planın yerinə yetirdiyi funksiyalar firmadaxili və firmaxarici funksiyalara ayrılır. Firmadaxili funksiyalara aşağıdakılar aid edilir: • firmanın inkişaf strategiyasının və fəaliyyət istiqamətlərinin müəyyən edilməsi; • yeni növ məhsulların (xidmətlərin) mənimsənilməsi layihələrinin hazırlanması və reallaşdırılması; • firmadaxili elmi-texniki və istehsal-kommersiya potensialının qiymətləndirilməsi; • yeni avadanlıq və texnologiyaların alınması üzrə tədbirlərin həyata keçirilməsi; • mövcud işçilərin ixtisaslarının artırılması və yeni kadrların seçilib işə qəbul edilməsi; • firmanın maliyyə vəziyyətinə nəzarət; • sahibkarlıq risklərinin aşağı salınması; • firmanın müsbət imicinin formalaşdırılması; • firmanın fəaliyyətindəki geriləmə, tənəzzül prosesi haqqında xəbərdarlıq. Firmaxarici funksiyalara aşağıdakıları aid etmək olar: • layihənin reallaşdırılması üçün zəruri investisiyanın cəlb edilməsi; • fond bazarında firmanın səhmlərinin müvəffəqiyyətlə satılmasının təmin edilməsi; • layihənin məqsədəuyğunluğunun təşkilati-maliyyə əsaslandırılması; • müştərək sahibkarlıq fəaliyyətini keçirmək üçün tərəfdaşların kapitalından səmərəli istifadə olunması. Biznes-planın qarşısında duran məqsədə nail olmaq üçün konkret vəzifələr müəyyənləşdirilir ki, bunlara aşağıdakıları aid etmək olar: • nəzərdə tutulan nəticələrə nail olmağın reallıq səviyyəsinin müəyyənləşdirilməsi; • mövcud biznes fəaliyyətinin inkişaf etdirilməsi və yeni fəaliyyət növünün təşkili zəruriliyinin əsaslandırılması; • yeni ideyanın reallaşdırılması üzrə layihənin kəmiyyət və keyfiy yət göstəricilərinə nail olmağın mümkünlüyünün tərəfdaşlara, investorlara və digər maraqlı şəxslərə inandırılması; • xarici bazara çıxış və investisiyaların firmanın fəaliyyətinə cəlb edilməsi. Biznes-planda müəssisə fəaliyyətinin istehsal və bazar, maliyyə və texniki, daxili və xarici aspektləri çevik əlaqələndirilir. Maliyyə planı: Maliyyə – pul münasibətləri deməkdir. Sahibkarın sərəncamında olan bütün əsas və dövriyyə kapitalı yalnız pul ifadəsində əks etdirilə bilər. Biznesin ilk başlanğıcı pul, son nəticəsi isə yenə də puldur. Avans olunmuş kapital əvvəlcə istehsal vasitələrinin alınmasına sərf edilir, yəni pul formasından məhsuldar formaya keçir, istehsal prosesi baş verir, məhsul istehsal edilir, tədavül prosesinə çıxarılır, məhsul reallaşaraq avans edilmiş kapital yenidən pul formasında sahibkara qayıdır. Maliyyə planı – yuxarıda qeyd olunan proseslərin tam əhatə edilməsidir. Başqa sözlə, maliyyə planı kapitalın hərəkət istiqamətlərinin əks etdirilməsidir. Maliyyə planında investisiya layihəsinin tətbiq ediləcəyi mühitin xüsusiyyətləri və şəraiti öz əksini tapmalıdır. Mövzu 5. Maliyyə risklərinin idarə olunması. 5.1. Maliyyə riski idarəetmə obyekti kimi. 5.2. Maliyyə risklərinin növləri. 5.3. Maliyyə risklərinin neytrallaşdırılmasının başlıca metodları. 5.4. Maliyyə risklərinin sığortalanması üsulları.
5.1. Maliyyə riski idarəetmə obyekti kimi.
Maliyyə menecmenti strategiyasının dominat sferalarından biri müəssisənin maliyyə təhlükəsizliyinin təmin edilməsi strategiyasıdır. Müəssisənin maliyyə təhlükəsizliyinin təmin edilməsi strategiyasında maliyyə risklərinin idarə edilməsi mərkəzi yer tutur. Bazar münasibətləri şəraitində istehsalçılar və istehlakçılar həmişə müəyyən risklərlə, təhlükələrlə və qorxu ilə rastlaşırlar. Biznes fəaliyyətində risk nəinki mümkün olan (potensial) təhlükədir, həm də mütləq reallıqdır. Risklər həm taktiki, həm də strateji baxımdan müəssisənin gələcək inkişafına ümidi azaldır, qarşıya qoyulmuş məqsədə çatmaqda inamsızlıq hissi yaradır. “Risk” anlayışı barədə müxtəlif fikirlər söylənilir. İqtisadçılar riski faktiki nəticənin planlaşdırılan səviyyədən kənarlaşması imkanı kimi ifadə edirlər. Riyaziyyatçıların fikrincə isə risk müəyyən arzuolunmaz hadisənin başvermə ehtimalıdır. R.Dembo və A.Frimen qeyd edirlər ki, risk investisiya portfelinin dəyərində bugünki vəziyyətlə müqayisədə gələcəkdə baş verə biləcək dəyişikliyin ölçüsüdür. Sonradan bu tərifə situasiya elementlərini əlavə edərək S.A.Villyams və R.M.Xeyns riski müəyyən zaman kəsiyində müəyyən situasiyada baş verə biləcək nəticələrin dəyişməsi kimi müəyyənləşdirmişlər Risk istənilən iqtisadiyyatın baza xassəsidir. O, həmişə və hər yerdə olub, var və olacaqdır. Odur ki, risklə məşğul olmaq və onu idarə etmək lazımdır. Sosialist iqtisadiyyatında risklərin çox hissəsi mərkəzdən idarə olunurdu, itkilər isə mərkəzləşdirilmiş dövlət fondundan örtülürdü. Bazar iqtisadiyyatında risklərin əsas hissəsi biznes subyektləri və şəxsən sahibkarların özü tərəfindən idarə olunmalıdır. Sahibkar şüurlu olaraq riski qəbul etməli və biznes fəaliyyətinə onun təsirini qiymətləndirməlidir. Sahibkarlar fəaliyyət prosesində həmişə müxtəlif risklərlə üzləşirlər. Kim çox qazanmaq istəyirsə, o mütləq yüksək riskə getməlidir. Çünki, bu biznes fəaliyyətinə xas olan xüsusiyyətdir. • Müxtəlif növ sahibkarlıq riskləri mövcuddur • istehsal riski • kommersiya riski • investisiya riski • maliyyə riski Maliyyə riskləri müəssisənin banklar və digər maliyyə institutları ilə münasibəti sferalarında baş verir, müəssisənin strateji inkişafının bir çox aspektlərinə təsir göstərir. Lakin onların müəssisənin fəaliyyətinə təsiri əsasən iki istiqamətdə təzahür edir. • 1. Maliyyə riskinin səviyyəsi müəssisənin maliyyə əməliyyatlarının gəlirlilik səviyyəsinin formalaşmasına bilavasitə təsir göstərir, bir – birilə sıx qarşılıqlı əlaqəli vahid “gəlirlilir - risk” sistemini ifadə edir. • 2. Maliyyə riski müəssisənin müflisləşməsi üçün təhlükənin əsas formasıdır. Belə ki, maliyyə riskilə əlaqədar müəssisənin maliyyə itkisinin həcmi çox böyük olur. Tədiyyə qabiliyyətsizliyinin səviyyəsi İnvestisiya riski Inflyasiya riski Faiz riski Valyuta riski Depozit riski Kredit riski Maliyyə risklərinin növləri Maliyyə dayanıqlı-ğının azalması riski Sair risk növləri Kriminal riski Innovasiyalı maliyyə riski Vergi riski
5.2. Maliyyə risklərinin növləri.
Müəssisənin maliyyə riskləri çoxcəhətliliyilə səciyyələnir və effektiv strateji idarəetmə qərarlarının hazırlanması və reallaşdırılması məqsədilə onların təsnifləşdirilməsi tələb olunur. Maliyyə risklərinin belə təsnifləşdirilməsi şəkil 1 – də verilmişdir. • İnvestisiya riski müəssisənin investisiya fəaliyyətinin həyata keçirilməsi prosesində maliyyə itkilərinin baş verməsi imkanlarını xarakterizə edir. • İnflyasiya riski inflyasiya şəraitində müəssisənin kapitalının real dəyərinin qiymətdən düşməsi, həmçinin maliyyə əməliyyatlarının həyata keçirilməsindən gözlənilən gəlirin azalması imkanlarını xarakterizə edir. • Valyuta riski xarici iqtisadi fəaliyyətlə məşğul olan müəssisələrə məxsusdur. Xarici iqtisadi fəaliyyətdə istifadə olunan xarici valyutanın mübadilə məzənnəsinin dəyişilməsinin bilavasitə təsiri nəticəsində nəzərdə tutulan gəlirin azalmasında, həmin əməliyyatlardan gözlənilən pul axınlarında təzahür edir. • Depozit riski depozit qoyuluşlarının qaytarılmaması (depozit sertifikatların ödənilməməsi) imkanlarını əks etdirir. • Kredit riski alıcılara əmtəə, yaxud istehlak krediti təqdim edən müəssisənin maliyyə fəaliyyətində yaranır. Onun konkret təzahür forması müəssisənin kreditə verdiyi məhsula görə ödəmələrin, yaxud hesablaşmaların vaxtlı – vaxtında aparılmaması ilə bağlı risklərdir. • Vergi riski mövcud vergi dərəcələrinin artırılması imkanları, vergi ödəmələrinin müddət və şərtlərinin dəyişilməsi, yeni vergi növlərinin tətbiqi ilə əlaqədar təzahür edir. • İnnovasiyalı maliyyə riski yeni maliyyə texnologiyalarından və yeni maliyyə alətlərindən istifadə ilə əlaqədardır. • Kriminal risk müəssisənin maliyyə fəaliyyəti sferasında istifadə olunan sənədlərin saxtalaşdırılması, aktivlərin oğurlanması və tərəfdaşların qeyri-qanuni hərəkətləri nəticəsində təzahür edir. Maliyye risklərinin strateji idarə edilməsi aşağıdakı prinsiplərə əsaslanmalıdır: • Müəssisənin maliyyə fəlsəfəsinin nəzərə alınması; • Müəssisənin maliyyə fəaliyyətinin ayrı-ayrı aspektləri üzrə onun maliyyə siyasətinin nəzərə alınması • Qəbul edilən risklərin səviyyəsinin maliyyə əməliyyatlarının gəlirlilik səviyyəsi ilə müqayisə edilməsi; • Qəbul edilən risklərin səviyyəsinin müəssisənin maliyyə imkanları ilə müqayisə edilməsi; • Risklərin idarə olunmasında vaxt amilinin nəzərə alınması.
Müəssisənin risklərinin strateji idarə edilməsi maliyyə menecmentinin
spesifik sferasıdır və son illər inkişaf edərək xüsusi elm sahəsinə - “Risk- menecment”ə ayrılmışdır.Bazar münasibətləri şəraitində müəssisənin maliyyə risklərinin effektiv idarə edilməsi önəmli məsələdir. O, müəssisənin maliyyə fəaliyyətinin məqsədlərinə etibarlı şəkildə çatmağı təmin etmək baxımından strateji maliyyə menecmenti sistemində mühüm rol oynayır. Maliyyə risklərinin strateji idarə edilməsinin əsas məqsədi müəssisənin gələcək inkişafı prosesində onun maliyyə təhlükəsizliyini təmin etmək və bazar dəyərinin azalması imkanlarının qarşısını almaqdan ibarətdir. Maliyyə risklərinin starteji idarə edilməsi aşağıdakı mərhələlər üzrə həyata keçirilməlidir: 1. Maliyyə risklərinin idarə edilməsinin informasiya bazasının formalaşması; 2. Maliyyə risklərinin eyniləşdirilməsi; 3. Maliyyə risklərinin səviyyəsinin qiymətləndirilməsi; 4. Maliyyə risklərinin səviyyəsinin azaldılması imkanlarının müəyyənləşdirilməsi; 5. Maliyyə riskləri üzrə qərarların qəbulu meyarlarının seçilməsi; 6. Maliyyə riskləri üzrə qərarların qəbulu; 7. Maliyyə risklərinin neqativ nəticələrinin neytrallaşdırılması metodlarının seçilməsi və reallaşdırılması; 8. Maliyyə risklərinin monitorinqi və nəzarət. 5.3. Maliyyə risklərinin neytrallaşdırılmasının başlıca metodları. Maliyyə risklərinin neqativ nəticələrinin neytrallaşdırılması müəssisənin maliyyə təhlükəsizliyinin təmin edilməsinin əsas istiqamətlərindən biridir. Neytrallaşma müxtəlif maliyyə mexanizmlərinin köməyi ilə həyata keçirilir, hansıki strateji maliyyə menecmenti praktikasında daxili və xarici mexanizmlərə bölünür. Müəssisənin maliyyə risklərinin strateji idarə edilməsi metodları sistemində onların neytrallaşdırılmasının daxili mexanizmləri önəmli yer tutur. Maliyyə risklərinin neytrallaşdırılmasının daxili mexanizmi, müəssisə çərçivəsində seçilən və həyata keçirilən, onların neqativ nəticələrini minimallaşdıran metodlar sistemini ifadə edir. Maliyyə risklərinin neytrallaşdırılmasının daxili mexanizmlər sistemi aşağıdakı metodlardan istifadəni nəzərdə tutur: 1. Risklərdən qaçmaq. Maliyyə risklərinin neytrallaşdırılmasının bu metodu, maliyyə risklərinin konkret növünü tamamilə istisna edən, daxili xarakterli tədbirlərin işlənib hazırlanmasını nəzərdə tutur. 2. Riskin təmərgüzləşməsi nin limitləşdirilməsi. Maliyyə risklərinin təmərgüzləşməsinin limitləşdirilməsi mexanizmi adətən çox ağırlı, yaxud faciəli risk zonasında həyata keçirilən maliyyə əməliyyatları üzrə istifadə olunur. 3. Xedjirləşmə. Bu termin maliyyə menecmentində dar və geniş mənada istifadə edilir. Dar mənada xedjirləşmə maliyyə alətlərinin müvafiq növlərinin istifadəsinə əsaslanan maliyyə risklərinin neytrallaşdırılmasının daxili mexanizmini xarakterizə edir. Geniş mənada xedjirləşmə mümkün maliyyə itkiləri riskinin azaldılmasının istənilən mexanizmlərindən həm daxili, həm də xarici istifadə prosesini xarakterizə edir. 4.Diversifikasiya. Bu, hər şeydən əvvəl, qeyri-müntəzəm (spesifik) risk növlərinin neqativ maliyyə nəticələrinin neytallaşdırılması prosesində istifadə olunur. 5. Risklərin bölüşdürülməsi. Maliyyə risklərinin neytrallaşdırılmasının bu istiqamətinin mexanizmi ayrı-ayrı maliyyə əməliyyatları üzrə onların hissə-hissə tərəfdaşlara verilməsinə əsaslanır. 6. Ehtiyatda saxlama. Maliyyə risklərinin neytrallaşdırılmasının bu istiqamətinin mexanizmi, risk kontragentlərin hərəkəti ilə əlaqədar olmayan, maliyyə əməliyyatları üzrə neqativ maliyyə nəticələrinin aradan qaldırılmasına imkan verən maliyyə resurslarının bir hissəsinin müəssisədə ehtiyatda saxlanılmasına əsaslanır. 7. Maliyyə risklərinin neytrallaşdırılmasının daxili mexanizmlərinin sair metodları. Bu metodlara aşağıdakıları aid etmək olar: 1. maliyyə əməliyyatları üzrə kontragentdən riskə görə əlavə mükafat səviyyəsi tələbinin təmin edilməsi; 2. kontragentlərdən müəyyən təminatın alınması; 3. risklərə görə mümkün maliyyı itkilərinin nəzərdə tutulan cərimə sanksiya hesabına kompensasiyasının təmin edilməsi.
5.4. Maliyyə risklərinin sığortalanması üsulları.
Müəssisənin maliyyə risklərinin neytrallaşdırılmasının xarici mexanizmləri xüsusi sığorta şirkətləri tərəfindən onların sığortalanması metodlarının sistemini ifadə edir. Sığortalaşma prosesində müəssisə maliyyə risklərinin bütün əsas növləri üzrə sığorta mühafizəsini təmin edir. Müəssisənin maliyyə risklərinin sığortalaşdırılmasının əsas meyarları aşağıdakılardır: • maliyyə risklərinin sığortalanması mümkünlüyü; • maliyyə risklərinin sığortalanmasının məcburiliyi; • müəssisənin sığortalanma marağının olması; • risk üzrə maliyyə itkilərinin xüsusi maliyyə resursları hesabına tam doldurmağın qeyri-mümkünlüyü; • maliyyə riskinin baş verməsi ehtimalının yüksək dərəcəsi; • müəssisə çərçivəsində riskin proqnozlaşdırılmaması və tənzimlənməməsi; • risk üzrə sığorta mühafizəsi məqbul münasib dəyəri.
Müəssisənin sığorta şirkətləri ilə qarşılıqlı əlaqəsi, maliyyə risklərinin ayrı-
ayrı növlərinin sığortalanması şərtləri üzrə sığorta edənin və sığortaçının qarşılıqlı hüquq və vəzifələrini tənzimləyən, müqavilə əsasında qurulur. Həmin şərtlərin mühüm elementləri kimi çıxış edirlər: • sığorta edənin sığorta məsuliyyətinin həcmi; • sığortaçının əmlakının sığorta qiymətləndiriləmsi; • sığorta məbləğinin həcmi; • sığorta mükafatının məbləği; • sığorta mükafatının ödənilməsi qaydası; • sığorta zərərinin həcminin müəyyənləşdirilməsi qaydası; • sığorta haqlaqrının ödənilməsi qaydası.
Maliyyə risklərinin ayrı-ayrı növlərinin sığortalanması şərtlərini nəzərə
almaqla müəssisə onun effektivliyini müəyyənləşdirir. Maliyyə risklərinin sığortalanması səmərəliliyinin müəyyənləşdirilməsi metodlarından biri Xauston Modelidir. Bu modelin əsasını sığortaçıya riski verərkən və maliyyə resurslarının bir hissəsini ehtiyatda saxlamaq yolu ilə özünümaliyyələşdirərkən sığorta dövrünün sonuna müəssisənin dəyərinin müqayisəli qiymətləndirilməsi təşkil edir. Maliyyə risklərinin sığortaçıya verilməsinin və onların özünüsığortalanmasının effektivliyinin Xauston Modeli əsasında müqayisəli qiymətləndirilməsi həmin məsələ üzrə idarəetmə qərarlarının qəbulu üçün əsas sayılır. Mövzu 6. Müəssisənin investisiya fəaliyyətinin idarə edilməsi. 6.1. Müəssisənin investisiya fəaliyyətinin strateji məqsədlərinin seçilməsi. 6.2. Maliyyə investisiyasının idarə edilməsi. 6.3. İnvestisiya portfelinin formalaşması xüsusiyyətlərı.
6.1. Müəssisənin investisiya fəaliyyətinin strateji məqsədlərinin seçilməsi.
Uzunmüddətli perspektivdə müəssisənin effektiv fəaliyyət göstərməsi, strateji inkişaf tempinin təmin edilməsi və rəqabət qabiliyyətinin yüksəldilməsi əhəmiyyətli dərəcədə onun investisiya faəllığı və investisiya fəaliyyətinin diapazonu ilə edilir. Müəssisənin investisiya fəaliyyətinin həyata keçirilməsi ilə bağlı kompleks məsələlərin həlli investisiya siyasətinin əsaslandırılması, onun daha effektiv istiqamətləri və formalarının seçilməsi, real maliyyə investisiyasının məqsədyönlü portfelinin işlənib hazırlanması sahəsində düzgün idarəetmə qərarlarının qəbulunu tələb edir. Investisiya strategiyasının işlənib hazırlanması müəssisənin investisiya fəaliyyətinin strateji idarə edilməsinin mühüm funksiyası sayılır. Investisiya strategiyası dedikdə investisiya faəliyyətinin uzunmüddətli məqsədlər sisteminin formalaşması və onlara çatmağın daha səmərəli yollarının seçilməsi başa düşülməlidir. • İnvestisiyanın maliyyələşdirilməsi mənbələri aşağıdakılardan ibarətdir: • müəssisənin öz vəsaitləri (amortizasiya ayırmaları, çıxdaş olmuş əmlakın reallaşdırılmasında əldə olunan vəsait, daxili aktivlərin səfərbərliyi, bölüşdürülməmiş gəlir və digər pul yığımları); • borc vəsaitləri (bankların krediti, maliyyə-investisiya strukturlarının borcları, müəssisənin qiymətli kağızlarının emissiyasının yerləşdirilməsindən əldə olunan vəsait, kredit verənlərə olan borclar); • xarici investisiyalar (nizamnamə fonduna pul qoyuluşu və müəssisənin səhmlərinin satın alınması, xarici bankların və beynəlxalq təşkilatların kreditləri və ayrı-ayrı vətəndaşların vəsaitləri). • mərkəzləşdirilmiş resurslar (büdcədən ayrılmış qaytarılmayan məbləğ və güzəştli dövlət investisiya kteditləri) İqtisadi ədəbiyyatda qeyd olunduğu kimi, korporasiya səviyyəsində investisiya menecmenti aşağıdakı məqsədlərə nail olmağa imkan verir. • gəlirlərin (mənfəətin) maksimumlaşdırılması; • investisiya fəaliyyəti prosesində risklərin minimumlaşdırılması; • maliyyə dayanıqlığının və tədiyyə qabiliyyətliliyinin təmin edilməsi. Göstərilən məqsədlərə çatmaq üçün şirkətin menecmenti aşağıdakı funksiyaların yerinə yetirilməsinə çalışmalıdır • investisiya bazarının qiymətləndirilməsi • şirkətin investisiya strategiyasının işlənib hazırlanması; • investisiya portfelinin formalaşması; • investisiya layihələrinin reallaşmasının idarə edilməsi. İnvestisiyanın strateji idarə edilməsi dedikdə, müəssisənin investisiya fəaliyyətinin müxtəlif aspektlərinin həyata keçirilməsi ilə əlaqədar idarəetmə qərarlarının işlənib hazırlanması və reallaşdırılması prinsipləri və metodlarının sistemi başa düşülür. Müəssisənin investisiya strategiyasının idarə edilməsinin əsas vəzifələri aşağıdakılardan ibarətdir: • Müəssisənin əməliyyat fəaliyyətinin yüksək inkişaf tempinin lazımi investisiya dəstərinin təmin edilməsi; • Nəzərdə tutulan investisiya riskinin səviyyəsində bütövlükdə müəssisənin investisiya fəaliyyətinin, ayrılıqda real investisiyanın və maliyyə investisiyasının maksimum gəlirliliyinin təmin edilməsi; • Bütövlükdə müəssisənin investisiya fəaliyyətinin, ayrılıqda real və maliyyə investisiyaların onların gəlirliliyinin nəzərdə tutulan səviyyəsində minimal investisiya riskinin təmin edilməsi; • İnvestisiya fəaliyyətinin həyata keçirilməsinin xarici və daxili şəraitinin dəyişilməsində kapitalın tez investisiyalaşdırılması imkanlarının və investisiyanın optimal likvidliyinin təmin edilməsi; • İnvestisiya fəaliyyətinin proqnozlaşdırılan həcminə uyğun lazımi həmdə investisiya resurslarının formalaşmasının təmin edilməsi; • Müəssisənin mövcud investisiya proqramının reallaşdırılmasının sürətləndirilməsi yollarının axtarılması; • İnvestisiya fəaliyyətinin həyata keçirilməsi prosesində müəssisənin maliyyə tarazlığının təmin edilməsi.
Müəssisənin investisiyasının strateji idarə edilməsi prosesi aşağıdakı əsas
mərhələləri əhatə edir: 1. Gələcək dövrdə müəssisənin investisiya fəaliyyətinin təhlili; 2. Xarici investisiya mühit amillərinin və investisiya bazarı konyukturunun tədqiqi və nəzərə alınması; 3. Gələcək investisiya fəaliyyəti ilə təmin ediləcək müəssisənin inkişafının strateji məqsədlərinin nəzərə alınması. Investisiya fəaliyyətinin strateji məqsədlərinin istiqamətini müəyyən edən mühüm obyektiv məhdudiyyət kimi müəssisənin həyat tsiklinin mərhələsi çıxış edir. Müəssisənin həyat tsiklinin mərhələlərindən asılı olaraq investisiya strategiyasının strateji məqsədlərinin diferensiallaşması cədvəl 1-də ifadə olunmuşdur. 4. Risk üstünlüyünü nəzərə almaqla kapital qoyuluşunun məqsədlərinə görə investisiya siyasətinin təyinedici tipinin əsaslandırılması. Strateji maliyyə menecmenti nəzəriyyəsində investorun risk üstünlüyü meyarına görə müəssisənin investisiya siyasətinin üç tipi ayrılır – konservativ, yumşaq və aqressiv. Konservativ investisiya siyasəti prioritet məqsəd kimi investisiya riskinin minimumlaşdırılmasına yönəldilir. Yumşaq investisiya siyasəti elə investisiyalaşdırma obyektinə yönəldilir ki, cari gəlirlilik səviyyəsi, kapitalın artım tempi və risk səviyyəsi orta bazar səviyyəsinə daha çox yaxınlaşır. Aqressiv investisiya siyasəti gələcək dövrdə kapital qoyuluşundan alınacaq cari gəlirin maksimumlaşdırılmasına yönəldilir. 5. İnvestisiyalaşdırmanın əsas istiqamətləri üzrə müəssisənin investisiya siyasətinin formalaşdırılması. 6. Müəssisənin sahə və regional investisiya siyasətinin formalaşdırılması. 7. Müəssisənin investisiya strategiyasının əsas istiqamətlərinin qarşılıqlı əlaqələndirilməsi.
6.2. Maliyyə investisiyasının idarə edilməsi.
Maliyyə investisiyasına müvəqqəti azad kapitaldan daha effektiv istifadə edilməsinin aktiv forması kimi, yaxud müəssisənin əməliyyat fəaliyyətinin diversifikasiyası ilə bağlı strateji məqsədlərin reallaşdırılması aləti kimi baxılır. Maliyyə investisiyasının həyata keçirilməsinin bir sıra xüsusiyyətləri vardır ki, bunlara aid etmək olar: • Maliyyə investisiyası iqtisadiyyatın real sektorunun müəssisələri üçün təsərrüfat fəaliyyətinin müstəqil növüdür. Bu müstəqillik həm belə müəssisələrin əməliyyat fəaliyyətinə münasibətdə, həm də onların real investisiyalaşdırma prosesinə münasibətdə təzahür edir. Belə müəssisələrin inkişafının strateji əməliyyat məsələlərini maliyyə investisiyası yalnız məhdud formada həll edir. • Maliyyə investisiyası müəssisə tərəfindən xarici investisiyalaşdırmanın həyata keçirilməsinin əsas vasitəsi hesab edilir. • İqtisadiyyatın real sektorunun müəssisələrinin məcmu investisiya tələbatı sistemində maliyyə investisiyası ikinci səviyyəli (ikinci növbəti) investisiya tələbatı formalaşdırır. • Müəssisənin strateji maliyyə investisiyası ona imkan verir ki, öz inkişafının ayrı-ayrı strateji məqsədlərini daha tez və ucuz yolla reallaşdırsın. • İqtisadiyyatın real sektorunun müəssisələri portfel maliyyə investisiyasından əsasən iki məqsəd: azad pul aktivlərindən istifadə prosesində əlavə investisiya gəlirinin alınması və onların inflyasiyadan mühafizəsi üçün istifadə edilir. • Maliyyə investisiyası müəssisəyə “gəlir-risk” şkalası üzrə investisiyalaşdırma alətlərinin seçilməsinin daha geniş diapazonunu təqdim edir. • Maliyyə investisiyası müəssisəyə “gəlirlik-likvidlik” şkalası üzrə investisiyalaşdırma alətlərinin seçilməsinin daha geniş diapazonunu təqdim edir. • Maliyyə investisiyasının həyata keçirilməsi ilə əlaqədar idarəetmə qərarlarının əsaslandırılması prosesi daha sadə və az əməktutumludur. • Əmtəə bazarı ilə müqayisədə maliyyə bazarı konyukturunun yüksək kənarlaşması maliyyə investisiyalaşdırılması prosesində daha fəal monitorinqin həyata keçirilməsinin zəruriliyini müəyyən edir. Müəssisə maliyyə investisiyalaşdırmasını aşağıdakı əsas formalarda həyata keçirir: 1. birgə müəssisələrin nizamnamə fonduna kapital qoyuluşu; 2. fond alətlərinin gəlirli növlərinə kapital qoyuluşu. 3 . pul alətlərinin gəlirli növünə kapital qoyuluşu; Müəssisənin maliyyə investisiyasının idarə edilməsi prosesi aşağıdakı əsas mərhələlər üzrə həyata keçirilir: • gələcək dövrdə maliyyə investisiyalaşdırmasının vəziyyətinin təhlili; • gələcək dövrdə maliyyə investisiyalaşdırmasının həcminin müəyyən edilməsi; • maliyyə investisiyalaşdırması formalarının seçilməsi; • ayrı-ayrı maliyyə alətlərinin investisiya keyfiyyətinin qiymətləndirilməsi; • maliyyə investisiyası portfelinin formalaşması; • maliyyə investisiyası portfelinin effektiv idarə edilməsinin təmin edilməsi. Beləliklə, maliyyə investisiyasının strateji idarə edilməsi prosesində müəssisənin investisiya fəaliyyətinin əsas parametrləri və onun mühüm meyarları müəyyənləşdirilir.
Müasir maliyyə investisiyalaşdırması “İnvestisiya portfelinin” formalaşdırılması ilə bilavasitə əlaqədardır. Bu ona əsaslanır ki, investorların əksəriyyəti maliyyə investisiyalaşdırması üçün bir neçə maliyyə aləti seçirlər, yəni onların müəyyən mücmusunu formalaşdırırlar. Belə alətlərin məqsədyönlü seçimi investisiya portfelinin formalaşması prosesini ifadə edir. İnvestisiya portfelinin formalaşmasının başlıca məqsədi ən gəlirli və təhlükəsiz maliyyə alətlərinin seçilməsi yolu ilə müəssisənin maliyyə investisiyalaşdırması strategiyasının əsas istiqamətlərinin reallaşdırılmasını təmin etməkdir. İnvestisiya portfeli dedikdə bütöv idarəetmə obyekti kimi çıxış edən fiziki və ya hüquqi şəxsə məxsus olan hər hansı qiymətli kağızların məcmusu başa düşülür. Portfel özündə müxtəlif təminat və risk dərəcəli korporativ səhmlərin, istiqrazların müəyyən dəstini, eləcə də dövlət tərəfindən zəmanətlə təsbit olunmuş gəlirə, yəni əsas məbləğ və cari daxilolmalar üzrə minimal riskə malik kağızlar dəstini birləşdirir. Portfel investisiyanın əsas vəzifəsi investisiyalaşma şəraitini yaxşılaşdırmaqdan ibarətdir. Bu zaman qiymətli kağızların məcmusuna elə investion xarakteristika verilir ki, buna ayrıca götürülmüş qiymətli kağız mövqeyindən nail olmaq mümkün deyil və yalnız onların kombinasiyası ilə mümkündür. İnvestor real təcrübədə qiymətli kağızlar portfelini yaratmaqla müxtəlif qiymətli kağız növlərinə sərmayə qoyur. Bununla da o, özünü bazar konyukturunun kəskin tərəddüdlərindən sığorta edir. Portfelin strukturu və balanslığı investorun məqsədlərindən və kağızlarda təmsil olunan xarakterindən asılıdır. İnvestor qiymətli kağızlar portfelinin mühafizəkar və ya təcavüzkar xarakterini müəyyən edir. Qiymətli kağızların mühafizəkar portfeli etibarlı, az riskli, lakin daha az gəlirli kağızları özündə birləşdirir. Qiymətli kağızların təcavüzkar portfeli özündə fond və maliyyə bazarlarında yüksək kotirovkaya, fəal dövrəyə malik qiymətli kağızları birləşdirir və həmin qiymətli kağızlar haqqında belə təsəvvür yaranır ki, onların məzənnə dəyəri gələcəkdə daha da artacaqdır. İnvestisiya portfelini vahid tam kimi idarə olunan maliyyə və material aktivlərinin məcmusu, gəlirli obyektlərə kapital qoyuluşu üzrə aktiv əməliyyatların gedişində investor tərəfindən əldə edilən qiymətli kağızlar dəsti kimi ifadə etmək Gəlir mənbələri Məzənnə dəyərinin artımı Cari ödəmələr Artım portfeli Artım və gəlir portfeli Gəlir portfeli Balanslaşdırılmış İkiqat təyinat Müntəzəm gəlir Gəlir kağızları Mühafizəkar artım Orta artım Təcavüzkar artım daha məqsədəuyğundur. İnvestisiya portfelində həm şirkətin qiymətli kağızlarına qoyulan investisiyalar, həm də təkrar likvid ehtiyatları – dövlət qiymətli kağızlar şəklində likvid aktivlər əks etdirilə bilər. Qiymətli kağızlar portfeli investorun elə bir aləti sayılır ki, onun köməyilə minimal risk zamanı gəlirin tələb olunan davamlığı təmin edilir. Gəlir və riskin nisbəti portfelin tipini xarakterizə edir. Lakin vacib odur ki, hansı üsulla və hansı mənbə hesabına bu gəlir alınmışdır: məzənnə dəyərinin artımı hesabına, yaxud cari ödəmələr – dividendlər və faizlər hesabına. Bizim fikrimizcə, investisiya portfelini aşağıdakı əlamətlərə görə təsnifləş- dirmək olar: • 1. İnvestisiyanın obyektlərinə görə; • 2. Müəssisənin investisiya strategiyasına görə; • 3. Müəssisənin investisiya strategiyasının məqsədlərinə çatma dərəcəsinə görə. İnvestisiya obyektlərinə görə investisiya portfelinin aşağıdakı növləri vardır: • real investisiya portfeli • qiymətli kağızlar portfeli • bank depozitlərinə qoyulan maliyyə qoyuluşunun portfeli • dövriyyə kapitalının investisiya portfeli.
Müəssisənin investisiya strategiyasına görə investisiya portfelinin aşağıdakı
növləri vardır: Artım portfeli. Bu portfel kapital artımına yüksək templərlə nail olmağı təmin edən investisiya obyektlərinin hesabına formalaşır, müvafiq olaraq risk səviyyəsi də yüksəkdir Gəlir portfeli. Bu portfel kapital qoyuluşuna yüksək gəlir artım tempini təmin edən investisiya obyektlərinin hesabına formalaşır; Mühafizəkar portfel. Bu portfel artım və gəlir portfelinə nisbətən kapital və gəlir artımını daha az templə təmin edən az riskli investisiyaların hesabına formalaşır. Müəssisənin investisiya strategiyasının məqsədlərinə çatma dərəcəsinə görə investisiya portfelinin aşağıdakı növləri vardır: • - taraz portfel. Bu portfel müəssisəsinin investisiya strategiyasına tam cavab verir; • qeyri-taraz portfel. Bu portfel müəssisənin investisiya strategiyasına tam cavab vermir. Maliyyə bazarının indiki vəziyyəti onun dəyişməsinə tez və adekvat reaksiya verməyi tələb edir, ona görə də investisiya portfelinin idarə olunmasının rolu kəskin surətdə artır, likvidlik, gəlirlilik və risklilik arasında elə bir hədd tapılır ki, burada portfelin optimal strukturunu seçmək mümkün olsun. Bu məqsədə xidmət edən aşağıdakı modellər mövcuddur: 1. Markovits modeli. Bu model üzrə investisiyanın həcmini və riski səciyyələndirən göstəricilər müəyyən edilir ki, bu da kapital qoyuluşunun müxtəlif alternativlərini öz aralarında müqayisə etməyə imkan verir. Qeyd edək ki, markovits qiymətli kağızlar portfelinin müasir nəzəriyyəsi üçün çox vacib müddəa işləyib hazırlamışdır. Bu müddəaya görə portfelin məcmu riskini iki tərkib hissəyə ayırmaq olar. Birincisi, bu sistematik riskdir, onu istisna etmək olmaz və bütün qiymətli kağızlar praktiki olaraq bərabər dərəcədə buna məruz qalırlar. İkincisi, spesifik risk adlanır. Hər bir konkret qiymətli kağız öz-özlüyündə qiymətli kağızlar portfelini idarə etməklə bundan qaça bilər. Markovits tərəfindən işlənib hazırlanmış böhran xətləri metodunun köməyi ilə perspektiv portfelləri ayırmaq və yalnız səmərəli, daha doğrusu, verilmiş gəlir zamanı minimal riskə malik və yaxud riskin verilmiş maksimum səviyyəsində maksimal mümkün gəlir gətirən portfelləri saxlamaq olar. Riskin asılı olmayan tərkiblərə ayrılması istənilən investora qiymətli kağızları hərtərəfli təhlil etməyə və portfelin formalaşması zamanı onların güclü etməyə və portfelin formalaşması zamanı onların güclü və zəif tərəflərini müəyyən etməyə imkan verir. 2. Şarpın indeks modeli. Bu modelin mahiyyəti ondan ibarətdir ki, səhmin məzənnəsi və müəyyən indeks arasında xətti əlaqənin mövcudluğunu fərz etməklə indeks kəmiyyətinin proqnoz qiymətləndirilməsinin köməyilə səhmin gözlənilən məzənnəsini müəyyən etmək mümkündür. 3. Tənləşdirilmiş qiymətlər modeli. Bu modeldə səhmin gözlənilən gəliri amillər çoxluğundan asılıdır. Arbitraj strategiyanı istifadə edərkən nağd pul bazarlarında, eləcə də nağd pul bazarları və fyuçers bazarları arasındakı münasibətlərdə qeyri-tarazlıqdan qaçmaq olar. Mövzu 7. Dövriyyə kapitalının idarə edilməsi.
7.1. Dövriyyə kapitalının mahiyyəti və təsnifatı.
7.2. Müəssisə çərçivəsində pul vəsaitlərinin axınının idarə olunması. 7.3. Pul axınlarının hərəkətinin təhlili və planlaşdırılması.
7.2. Müəssisə çərçivəsində pul vəsaitlərinin axınının idarə olunması.
Müasir bazar iqtisadiyyatı şəraitində hər bir təsərrüfat subyekti öz inkişaf strategiyası və taktikasını sərbəst seçir, özünümaliyyələşdirməni birinci dərəcəli vəzifə kimi qarşıya qoyur. Müəssisədə pul vəsaitlərinin hərəkəti (pul axınları) daim baş verir. Əhəmiyyətli kapital qoyuluşu ilə şərtlənən texnoloji təkmilləşdirmələr, inflyasiya, faiz dərəcəsinin dəyişməsi, vergi sistemində aparılan islahatlat müəssisədə pul vəsaitlərinin hərəkətinə təsir göstərir. Pul vəsaitlərinin hərəkəti haqqında hesabat böyük informasiya dəyəri daşıyır. Bu informasiyadan maliyyə menecerləri və investorlar yetərincə faydalanırlar, sahibkarlar isə əlavə aktivlərin formalaşdırılması, borcların ödənilməsi və yeni investisiya qoyuluşu ilə bağlı məsələlərin həllində istifadə edirlər. Pul axınlarının idarə edilməsi elə maliyyə alətidir ki, onun köməyilə müəssisənin maliyyə-təsərrüfat fəaliyyətinin yüksək son nəicələrinə nail olmaq, yəni daha çox mənfəət əldə etmək mümkündür. Bütün bunlar müəssisə səviyyəsində pul axınlarının idarə edilməsi mexanizminin təkmilləşdirilməsini zəruri edir. Təsərrüfat subyektlərində pul vəsaitləri əsas fondlarınəldə edilməsi, əmtəə ehtiyatlarının yaradılması, debitor borclarının formalaşdırılması və başqa məqsədlər üçün istifadə olunur. Pul vəsaitlərinin hərəkətilə istehsal-kommersiya tsikli başlayır və onunla da başa çatır. Müəssisənin maliyyə-təsərrüfat fəaliyyətinin tsikli prosesində pul vəsaitləri müxtəlif aktivlərə, məhsulun reallaşdırılması zamanı debitor borclarına çevrilir. Müəssisənin bazarda fəaliyyət göstərməsi üçün pul axınlarının səmərəli idarə edilməsi vacibdir. Ona görə də müəssisənin pul dövriyyəsinin və maliyyə resurslarının idarə edilməsi üsullarını öyrənmək və onları təkmilləşdirmək lazımdır. Pul axınlarının səmərəli idarə edilməsində dövriyyə kapitalının optimal həcminin müəyyənləşdirilməsi böyük rol oynayır. Belə ki, nağd pul vəsaitinin çatışmaması müəssisəni iflasa apara bilər və onun inkişaf tempi nə qədər sürətlə gedərsə pulsuzluq riski daha böyük olar. Digər tərəfdən həddindən ziyada pul vəsaitlərinin toplanması faydalı deyil. Çünki müəssisə mənfəət itirir, hansıki artıq vəsaitin investisiyalaşdırılması nəticəsində əldə edilə bilər. Belə vəziyyət kapitalın “ölməsinə” gətirib çıxarır və ondan istifadənin səmərəliliyini azaldır. Pul axınlarının vəziyyətinə nəzarət metodlarından biri dövriyyə kapitalında nağd pul vəsaitinin xüsusi çəkisinin düzgün müəyyən edilməsidir. Nağd pul vəsaitinin məbləğini dövriyyə kapitalının məbləğinə bölməklə nağd vəsait əmsalı (faizi) müəyyən edilir. Dövriyyə kapitalında nağd vəsait əmsalını idarə edərkən nəzərə almaq lazımdır ki, nisbətin dəyişilməsi nağd pulun dəyişilməsini xarakterizə etməyə bilər, çünki dövriyyə kapitalının bir hissəsi olan əmtəə-material ehtiyatları dəyişilə bilər. Müəssisə üçün lazım olan nağd pulun miqdarının müəyyənləşdirilməsinə başqa yanaşma da vardır, yəni nağd pul-reallaşdırılmanın həcmilə müqayisədə nağd pul balansının qiymətləndirilməsidir. Bu göstərici nağd puldan effektiv istifadəni göstərir, dövriyyə kapitalını dəyişdirmədən tədavül xərclərini azaltmaq və mənfəəti artırmaq yolu ilə satışın həcmini artırmağa imkan verir. Əgər müəssisə nağd pul çatışmamazlığı ilə üzləşirsə, ödəniş mütləq aparılmalıdırsa və cari tələbat üçün nağd pulun miqdarını müəyyənləşdirmək lazımdırsa, onda ödənişin vaxtını uzatmalı, yaxud vekseldən istifadə olunmalıdır. Pul axınlarının səmərəli idarə edilməsi üçün aşağıdakı ümumi tələblər irəli sürülür: • cari hesablaşmaları yerinə yetirməkdən ötrü pul vəsaitlərinin baza ehtiyatı lazımdır; • gözlənilməyən xərcləri örtmək üçün müəyyən miqdarda pul vəsaitləri olmalıdır; • proqnozlaşdırılan fəaliyyəti genişləndirmək üçün azad pul vəsaitlərinin olması vacibdir.
Beləliklə, pul vəsaitləri ehtiyatlarının idarə edilməsi nəzəriyyəsində işlənib
hazırlanmış və pul vəsaitlərinin miqdarını optimallaşdırmağa imkan verən modelləri tətbiq etmək olar. Qərb təcrübəsində Baumol və Miller-Orra modelləri geniş yayılmışdır . Baumol modeli nəzərdə tutur ki, maksimum miqdarda pul vəsaitləri olduqda müəssisə işləməyə başlayır və sonradan onları xərcləyir. Əmtəə, iş və xidmətlərin reallaşdırılmasından daxil olan bütün vəsaitlər qısamüddətli qiymətli kağızlara qoyulur. Yalnız pul vəsaitlərinin ehtiyatı tükəndikdə, yəni sıfıra bərabər olduqda müəssisə qiymətli kağızların bir hissəsini satır və bununla pul vəsaitlərinin ehtiyatını baza səviyyəsinə çatdırır. Bu model çox sadədir və müəssisə üçün qəbul olunandır, çünki pul məsrəfləri stabil və proqnozlaşdırılandır. Miller-Orra modeli müəssisədə hər günlük pul vəsaitlərinin daxil olması və xərclənməsini əvvəlcədən müəyyənləşdirmək mümkün olmadıqda pul ehtiyatlarının idarə edilməsini nəzərdə tutur. Bu modeli qurarkən bir dövrdən digər dövrə pulun daxil olması və xərclənməsinin təsadüfi hadisələrdən asılı olmamasına əsaslanan Bernulli prosesindən – stoxastik prosesdən istifadə edilir. Bu model mərhələlər üzrə tətbiq edilir və onun köməyilə müəssisənin hesablaşma hesabında pul vəsaitlərinin idarəetmə siyasətini müəyyənləşdirmək mümkündür. Pul axınlarının idarə edilməsi prinsipləri və metodları Azərbaycan şəraitinə uyğunlaşdırılaraq tətbiq edilməli,bir sözlə pul axınlarının idarə edilməsinin kompleks metodikası işlənib hazırlanmalıdır.
7.3. Pul axınlarının hərəkətinin təhlili və planlaşdırılması.
Müəssisənin mənfəətlə işlənməsi üçün pul vəsaitləri axınının effektiv idarə edilməsi, planlaşdırılmış fəaliyyət kursundan kənarlaşmaya operativ reaksiya verilməsi mühüm əhəmiyyət kəsb edir. Pul axınlarının idarə edilməsi maliyyə menecerinin fəaliyyətinin əsas istiqamətlərindən biridir və ona daxildir: • pul vəsaitlərinin tədavül vaxtının (maliyyə tsikli) hesablanması; • pul axınlarının təhlili; • pul axınlarının proqnozlaşdırılması. Maliyyə tsikli pul vəsaitlərinin dövriyyədən kənarlaşdığı vaxtı ifadə edir. Maliyyə tsiklinə daxildir: • məhsul istehsalı üçün xammal, material, yarımfabrikat və komplektləşdirici məmulat və başqa aktivlərə pul vəsaitlərinin investisiyalaşdırılması; • məhsulun reallaşdırılması, işin yerinə yetirilməsi və xidmətin göstərilməsi, həmin əməliyytalardan gəlirin alınması.
Məhsulun reallaşdırılması, pul vəsaitlərinin daxil olması və xərclənməsi
eyni vaxtda baş vermir və nəticədə ya böyük həcmdə pul axınına, ya da müəssisənin likvidliyini qoruyub saxlamaq üçün digər mənbələrdən vəsaitin cəlb edilməsinə ehtiyac yaranır. Pul axınlarının effektiv idarə edilməsi üçün istehsal resurslarının alınması anından əmtəənin reallaşdırılması nəticəsində pul vəsaitlərinin daxil olması anına qədər vaxt intervalında tamamlanmış maliyyə tsiklinin müddətinin müəyyənləşdirilməsi vacibdir. Maliyyə tsiklinin müddəti (M) aşağıdakı düsturla hesablanır: M = İ + D – K, burada , İ – istehsal ehtiyatlarının tədavül vaxtı; D – debitor borclarının tədavül vaxtı; K – kreditor borclarının tədavül vaxtıdır. Bu düstur əsasında gələcəkdə müəssisənin kredit siyasətinin xarakterini, debitor və kreditor borclarının ekvallentliyini, müəssisə üçün səciyyəvi olan əməliyyat tsiklinin müddətini və onun dövriyyə kapitalının həcminə təsirini, təsərrüfat dövriyyəsindən pul vəsaitlərinin kənarlaşması müddətini müəyyənləşdirmək olar. Maliyyə tsiklinin müddətinin hesablanması zamanı istifadə olunan göstəricilərin təsirini qiymətləndirmə pul vəsaitləri dövriyyəsinin sürətləndirilməsi yollarını mümkündür. Pul vəsaitləri axınının proqnozlaşdırılması müəssisənin maliyyə fəaliyyətinin səmərəli təşkilində mühüm əhəmiyyət kəsb edir. Pul axınlarının proqnozu – müəyyən dövr ərzində gözlənilən əməliyyatların həyata keçirilməsi prosesində pul vəsaitlərinin daxil olması və xərclənməsini tam şəkildə özündə əks etdirən hesabatdır . Pul axınlarının proqnozlaşdırılması vəsait defisitinin, yaxud artıqlığının hələ onların baş verməsinə qədər qabaqcadan görməyə və müəyyən vaxt ərzində müəssisənin fəaliyyətinə müvafiq düzəlişlər etməyə imkan verir. Pul axınlarının proqnozlaşdırılması pul vəsaitləri büdcəsinin tərkibinə uyğun gəlir. Pul vəsaitləri büdcəsi istehsal, xammalın alınması, hazır məhsulun reallaşdırılması sahəsində fəaliyyət proqramının dəyər göstəricilərini özündə əks etdirir. Fəaliyyət proqramında ayrı-ayrı tədbirlərin vaxtaşırı və funksional koordinasiyası təmin edilməlidir. Büdcənin tərtibi prosesində ən vacib və çətin məsələ layihənin pul axınlarının – investisiya xərclərinin və layihə reallaşdırıldıqdan sonra daxil olan pul vəsaitlərinin proqnozlaşdırılmasıdır . Büdcənin tərtibində ilk addım relevant pul axınlarını müəyyənləşdirməkdir, hansıki layihənin icrası haqqında qərar qəbul edərkən lazımdır. Layihəni qiymətləndirərkən onun reallaşdırılması nəticəsində təkcə nə qədər mənfəət, yaxud zərər alınacağını deyil, həm də şirkətin maliyyə göstəricilərinin nə qədər dəyişiləcəyini nəzərə almaq lazımdır. Pul axınlarının proqnozlaşdırılmasının effektiv sisteminin əsasını kassa planı təşkil edir. Kassa planı müəyyən vaxt ərzində pul vəsaitlərinin daxil olması və xərclənməsinin proqnozu əsasında tərtib edilir. Kassa planı proqnozlaşdırılan dövr ərzində daxil olacaq və xərclənəcək pul vəsaitlərinin vaxtını və həcmini müəyyənləşdirməyə imkan yaradır. Kassa planının köməyilə maliyyə meneceri müəssisənin pul vəsaitlərinə gələcək tələbatı və bu tələbatın maliyyələşdirilməsi mənbələrini müəyyənləşdirir, həmçinin pul vəsaitlərinin hərəkətinə və likvidliyin dəyişilməsinə nəzarət edir. Pul axınlarının təhlili müəssisənin pul vəsaitləri ilə təmin edilməsi vəziyyətini qiymətləndirməyə imkan verir. Pul axınlarının təhlilinin əsas məqsədi pul vəsaitlərinin çatışmaması səbəblərini aşkara çıxarmaq, onların cəlb edilmə mənbəylərini və istifadə istiqamətlərini müəyyənləşdirməkdən ibarətdir. Pul axınlarının təhlili müəssisənin əsas, investisiya və maliyyə fəaliyyəti üzrə ayrıca aparılır ki, bu da fəaliyyət növlərinin hər birindən alınan gəlirin xüsusi çəkisini müəyyənləşdirməyə və inkişaf perspektivlərini qiymətləndirməyə imkan verir. Dünya uçot-analitik təcrübədə pul vəsaitlərinin hərəkətini müəyyənləşdirmək üçün təhlilin birbaşa və dolayısı metodlarından istifadə edilir. Birbaşa metod pul vəsaitlərinin daxil olması və istifadəsinin hesablanmasına əsaslanır, müəssisənin likvidliyini qiymətləndirməyə, cari öhdəliklər üzrə ödənişlər, investisiya fəaliyyəti və əlavə xərclər üçün pul vəsaitlərinin kifayət qədər olması barədə operativ nəticə çıxartmağa imkan verir. Bu metodun nöqsan cəhəti alınmış maliyyə nəticələri və müəssisənin hesablaşma hesabında pul vəsaitlərinin dəyişilməsi arasında qarşılıqlı əlaqəni müəyyənləşdirə bilməməsidir. Dolayısı metod pul vəsaitləri ilə əlaqədar əməliyyatların və balansın maddələrinin uçotuna və xalis mənfəətin məbləğində müvafiq dəyişikliklərin aparılmasına əsaslanır, müəssisənin xalis mənfəəti və aktivlərində baş verən dəyişikliklər arasında qarşılıqlı əlaqəni aydınlaşdırmağa imkan verir. Gəlir və xərclərin elə növləri vardır ki, onlar pul vəsaitlərinə toxunmadan xalis mənfəət yaradırlar. Təhlil prosesində gəlir və xərclərin həmin maddələrinə və xalis mənfəətə müvafiq düzəlişlər edilir, çünki xərc maddələri pul vəsaitlərinin daxil olmasından asılı deyil, vəsaitin xərclənməsi ilə müşayət olunmayan gəlirmaddələri xalis mənfəətin məbləğinə təsir etmir. Maliyyə hesabatlarının bütün istifadəçiləri praktiki öz maraqlarına uyğun qərarların qəbulu üçün təhlilin müxtəlif metodlarından istifadə edirlər. Məsələn, mülkiyyətçilər kapitalın gəlirliyini artırmaq və şirkətin dayanaqlı fəaliyyətini təmin etmək üçün, kreditorlar və investorlar borclar və qoyuluşlar üzrə riskləri azaltmaq üçün maliyyə hesabatlarını təhlil edirlər. Maliyyə hesabatlarının beynəlxalq standartlara uyğunlaşdırılması təhlilin yeni metodikasından istifadəni zəruri edir. Bu metodika tərəfdaşların seçilməsini əsaslandırmaq, müəssisənin maliyyə dayanaqlığı səviyyəsini müəyyənləşdirmək, işgüzar aktivliyi və sahibkarlıq fəaliyyətinin effektivliyini qiymətləndirmək üçün vacibdir. Pul vəsaitləri axınının təhlili üçün informasiyanın əsas mənbəyi müəssisənin mühasibat balansı (illik və rüblük hesabat forması № 1), “Mənfəət və zərərlər haqqında hesabat” (forma № 2) və balansa əlavə (illik və rüblük hesabat forması № 5) hesab edilir. Pul axınlarının kompleks təhlili aşağıdakı suallara düzgün cavab tapmağa imkan verir: • hansı mənbələrdən nə qədər pul vəsaitləri daxil olur və onlardan istifadə istiqamətləri hansılardır?; • müəssisənin xüsusi vəsaitləri investisiya fəaliyyəti üçün kifayət edirmi?; • müəssisə öz cari öhdəliklərini yerinə yetirmək vəziyyətindədirmi?; • alınan mənfəətin və nağd pul vəsaitlərinin miqdarında kənarlaşmalar nə ilə izah edilir? Mövzu 8. Kapitalın dəyəri və strukturu, dividend siyasəti. 8.1. Kapitalın iqtisadi mahiyyəti və funksiyaları. 8.2. Maliyyə leveridji və onun qiymətləndirilməsi. 8.3. Səhmdar cəmiyyətin divident siyasətinin mərhələlərı.
8.1. Kapitalın iqtisadi mahiyyəti və funksiyaları.
Müəssisənin perspektiv inkişafı prosesində onun maliyyə təhlükəsizliyinin təmin edilməsi strateji metodlarının arsenalında kapitalın strukturunun idarə edilməsi mühüm rol oynayır. “Kapitalın strukturu” anlayışını iqtisadçılar müəssisənin xüsusi vəsaiti və borc kapitalı arasındakı nisbət kimi xarakterizə edirlər. Bununla belə ayrı-ayrı iqtisadçılar müəssisənin həm xüsusi vəsaitinə və həm də xarici kapitalına baxarkən onlara müxtəlif konkret məzmun verirlər. Belə ki, əvvəllər “kapitalın strukturu” anlayışına müəssisənin istifadə etdiyi xüsusi nizamnamə (səhmdar) kapitalı ilə uzunmüddətli borc kapitalı arasındakı nisbəti kimi baxılmışdır. Bu anlayışın məzmunun belə traktovkasına əsasən praktiki olaraq kapitalın strukturunun bütün klassik nəzəriyyələri onun tərkibində emitirləşən səhmlərin və istiqrazların xüsusi çəkisinin nisbətinin tədqiqinə qurulmuşdur. Kapitalın yalnız uzunmüddətli növlərinin ayrılmasına əsaslanan kapitalın strukturu anlayışının xarakteristikasına belə yanaşma bir çox müasir iqtisadçılara məxsusdur. Kapitalın strukturu konsepsiyasından praktiki istifadə bazası genişləndikcə bir sıra iqtisadçılar baxılan borc kapitalın tərkibini genişləndirməyi, ona qısamüddətli bank kreditinin müxtəlif növlərini əlavə etməyi təklif etmişlər. “Kapitalın strukturu” asnlayışının belə genişləndirilməsinin vacibliyini müəssisənin təsərrüfat fəaliyyətinin maliyyələşdirilməsində bank kreditinin rolunun artması və onun qısamüddətli növlərinin uzunmüddətliyə restrukturizasiyasının geniş praktikası ilə əsaslandırmışlar. Müasir dövrdə iqtisadçıların böyük əksəriyyəti söyləyirlər ki, “kapitalın strukturu” anlayışına baxarkən müəssisənin həm xüsusi, həm də borc kapitalının bütün növləri mütləq nəzərə alınmalıdır. Bu zaman xüsusi kapitalın tərkibinə təkcə onun ilkin investisiyalaşdırılan həcmi deyil, həm də sonradan müxtəlif ehtiyatlar və məqsədli fondlar şəklində onun yığılan hissəsi, həmçinin yenidən investisiyalaşdırılmaya nəzərdə tutulan mənfəət (bölünməyən mənfəət) daxil edilməlidir. Deməli, kapitalın strukturu müəssisənin təsərrüfat fəaliyyətində aktivlərin maliyyələşdirilməsi üçün istifadə olunan xüsusi və borc maliyyə resurslarının bütün formalarının nisbətini ifadə edir. Kapitalın strukturu müəssisənin bazar dəyərinin formalaşmasında mühüm rol oynayır. Ona görə də kapitalın strukturu konsepsiyasına kapitalın dəyər konsepsiyası və müəssisənin bazar dəyəri konsepsiyası ilə vahid nəzəri kompleksdə baxılmalıdır. Müəssisənin maliyyə təhlükəsizliyinin təmin edilməsi prosesində kapitalın strukturunun strateji idarə olunmasının başlıca vəzifəsi onun optimallaşdırılmasıdır. İstənilən müəssisədə kapitalın strukturunun optimallaşdırılması onun məqsədli strukturunun müəyyənləşdirilməsini nəzərdə tutur. Müəssisənin gələcək inkişafının maliyyə təhlükəsizliyini təmin edən strateji maliyyə menecmentinin mühüm obyekti onun pul axınlarıdır. Bu onunla izah edilir ki, pul axınları praktiki olaraq müəssisənin təsərrüfat fəaliyyətinin bütün aspektlərinə xidmət edir. Müəssisənin ümumi maliyyə strategiyasının tərkib hissəsi olan pul axınlarının effektiv idarə olunması xüsusi siyasətin işlənib hazırlanmasını nəzərdə tutur. Bu siyasətin hazırlanması aşağıdakı mərhələlər üzrə həyata keçirilir: 1. Gələcək dövrdə müəssisənin pul axınlarının təhlili. Təhlilin əsas məqsədi pul axınlarının kifayət qədər olması və onlardan effektiv istifadə səviyyəsini müəyyənləşdirməkdir. 2. Müəssisənin pul axınlarının formalaşmasına təsir edən amillərin tədqiqi. Tədqiqat prosesində müəssisənin pul axınlarına təsir edən amillər xarici və daxili mühit amillərinə bölünürlər. Xarici mühit amillərinə əmtəə bazarının konyukturu; fond bazarının konyukturu, vergiqoyma siyasəti; təsərrüfat subyektləri tərəfindən hesablaşma əməliyyatlarının aparılması sistemi; maliyyə kreditinin alınması imkanları; əvəzsiz məqsədli maliyyələşmə vəsaitlərinin cəlb edilməsi imkanları və s. aid edilir. Daxili mühit amillərinə müəssisənin həyat tsikli; əməliyyat tsiklinin uzunluğu; məhsulun istehsalı və satışının mövsümlüyü; amortizasiya siyasəti; əməliyyat leveridji əmsalı; müəssisənin sahibkarları və menecerlərinin maliyyə mentaliteti aiddir. 3. Müəssisənin pul axınlarının idarə edilməsi siyasətinin tipinin əsaslandırılması. Maliyyə nəzəriyyəsi müxtəlif mənbələrdən pul vəsaitlərinin daxil olmasının formalaşması tiplərinə və onlara uyğun maliyyə risklərinin səviyyəsinə görə müəssisənin pul axınlarının idarə edilməsi siyasətinin üç əsas tipini müəyyənləşdirmişdir. Müəssisənin pul axınlarının aqresiv siyasəti, yumşaq siyasəti və konservativ siyasəti. 4. Müəssisənin idarəetmə siyasətinin reallaşdırılmasını təmin edən pul axınlarının optimallaşdırılması istiqaməti və metodlarının seçilməsi. Bu optimallaşdırma gələcək dövrdə müəssisənin pul axınlarının effektivliyinin yüksəldilməsinə yönəldilən idarəetmənin mühüm funksiyalarından biridir. 5. Müəssisənin seçilmiş pul axınlarının idarəetmə siyasətinin reallaşdırılmasına effektiv nəzarətin təşkili. Müəssisənin pul axınlarının optimallaşdırılması onların strateji idarə edilməsinin ən vacib və mürəkkəb mərhələlərindən biridir. Pul axınlarının optimallaşdırılması müəssisənin gələcək təsərrüfat fəaliyyətinin həyata keçirilməsi şərtlərini və xüsusiyyətlərinin nəzərə almaqla onların təşkilinin effektiv formalarının seçilməsi prosesini ifadə edir. Müəssisənin pul axınlarının optimallaşdırılmasının əsas istiqamətləri aşağıdakılardan ibarətdir: • Pul axınlarının həcminin balanslaşdırılması; • Pul axınlarının sinxronlaşdırılması; • - Xalis pul axınlarının maksimumlaş • Dırılması
8.2. Maliyyə leveridji və onun qiymətləndirilməsi.
Müəssisənin maliyyə təhlükəsizliyinin təmin edilməsi strategiyasının işlənib hazırlanmasının əsas vəzifələrindən biri verilən maliyyə riski səviyyəsində xüsusi kapitalın rentabellik səviyyəsinin maksimumlaşdırılmasıdır. Bu vəzifənin reallaşdırılması mexanizmlərindən biri “maliyyə leveridji” hesab edilir. Maliyyə leveridji xüsusi kapitalın rentabellik əmsalının dəyişilməsinə təsir edən borc vəsaitlərindən müəssisənin istifadəsini xarakterizə edir. Başqa sözlə, maliyyə leveridji müəssisənin istifadə etdiyi kapitalın həcmində borc vəsaitlərin təzahürü ilə əmələ gələn və ona xüsusi kapitaldan əlavə mənfəət almağa imkan verən obyektiv amili ifadə edir. Müəssisənin maliyyə fəaliyyətinin yekun nəticə göstəricisi kimi xalis mənfəət maliyyə resurslarından necə səmərəli istifadə olunmasından, yəni pul vəsaitlərinin hara yönəldilməsindən, onların alınma mənbələrindən və strukturundan bilavasitə asılıdır. Bu asılılıq ilk növbədə əsas və dövriyyə vəsaitlərinin həcmində və strukturunda, həmçinin onlardan effektiv istifadə olunmasında öz əksini tapır. Məhsulun maya dəyəri onun istehsalı və satışına çəkilən xərclərin məcmusu olub təsərrüfat fəaliyyətini xarakterizə edən əsas göstəricilərdən biridir. Məhsulun maya dəyərinin əsas elementləri istehsal xarakterli dəyişən və şərti-daimi xərclərdir, onların arasındakı nisbət müəssisənin seçdiyi texniki və texnoloji siyasətlə müəyyən edilir. Maya dəyərinin quruluşunun dəyişilməsi mənfəətin məbləğinə əhəmiyyətli təsir göstərir. Əsas kapitala investisiya qoyuluşu şərti-daimi xərclərin artması və dəyişən xərclərin isə azalması ilə müşayiət olunur. Lakin bu xərclərin arasındakı asılılıq qeyri-xətti xarakter daşıyır ki, bu da şərti-daimi və dəyişən məsrəflərin optimal şəkildə əlaqələndirilməsini xeyli çətinləşdirir. Şərti-daimi və dəyişən məsrəflər arasında qarşılıqlı əlaqə istehsal (əməliyyat) leveridji məfhumu ilə xarakterizə edilir. Əgər istehsal xarakterli şərti-daimi xərclərin məcmu xərclərin tərkibində xüsusi çəkisi yüksəkdirsə, onda müəssisədə istehsal leveridjin səviyyəsi də yüksəkdir. Belə şəraitdə istehsalın həcminin hətta cüzi miqdarda dəyişilməsi mənfəətin əhəmiyyətli dərəcədə dəyişilməsinə səbəb ola bilər, çünki istənilən halda müəssisədə istehsal xarakterli daimi xərclər olmalıdır. Beləliklə, əməliyyat leveridjin dəyişilməsi ilə şərtlənən faiz və vergi ödəmələrinə qədər mənfəətin dəyişməsi kəmiyyətcə istehsal riskini ifadə edir. Əməliyyat leveridjin səviyyəsi nə qədər yüksək olarsa, müəssisədə istehsal riskinin səviyyəsi də bir o qədər yüksək olar. Əməliyyat leveridjin səmərəsi onunla şərtlənir ki, istehsal proseslərinin mexanikləşdirilməsi və avtomatlaşdırılması üzrə bütün tədbirlər iqtisadi cəhətdən faydalıdır, daha doğrusu yeni texnika və texnologiyaların tətbiqi müəssisəyə rəqabət üstünlüyü əldə etməyə imkan verir. Əgər investisiyalaşma obyekti düzgün seçilibsə, ona qoyulan vəsait tezliklə ödənilir və sahibkar əlavə gəlir əldə edir. İnvestisiyalaşdırmanın prioritet istiqamətlərinin düzgün seçilməsi və müəssisənin texniki silahlanma səviyyəsinin yüksəldilməsi həm müəssisənin səmərəli fəaliyyət göstərməsi üçün, həm də sahibkarın strateji marağının ödənilməsi üçün faydalıdır. Əməliyyat leveridjin yüksəldilməsi əlavə gəlir gətirən, yüksək riskli tədbirlərin hərtərəfli əsaslandırılmasını tələb edir. Beləliklə, əməliyyat leveridjin müəssisənin maliyyə fəaliyyətinin idarə olunmasında rolu və əhəmiyyətini tezis şəklində aşağıdakı kimi ifadə etmək olar: • ümumi cari xərclərin tərkibində istehsal xarakterli şərti-daimi xərclərin xüsusi çəkisinin çox böyük olması əməliyyat leveridjin səviyyəsinin yüksək olmasını xarakterizə edir; • müəssisənin texniki silahlanma səviyyəsinin yüksəldilməsi əməliyyat leveridjin və ona uyğun istehsal riskinin artması ilə müşayiət olunur; • əməliyyat riskinin mahiyyəti ondan ibarətdir ki, istehsal xarakterli şərti- daimi xərclər cari gəlirlərin rəqsetmə mənbəyi kimi maddi-texniki bazanın seçilməsi ilə müşayiət olunur. Deməli, bu mütləq gəlirlə nəticələnməlidir, əgər seçim səhvdirsə cari gəlir xərci ödəmək üçün kifayət etmir; • müəssisənin texniki silahlanma səviyyəsinin yüksəldilməsi əməliyyat leveridjin və ona uyğun istehsal riskinin artması ilə müşayiət olunur; • əməliyyat leveridjin səviyyəsi yüksək olan şirkətlər üçün istehsalın həcminin cüzi dəyişilməsi istehsal xarakterli şərti-daimi xərclərin qaçılmaz olması ucbatından mənfəətin əhəmiyyətli dərəcədə dəyişilməsinə səbəb ola bilər; • əməliyyat leveridji nisbətən yüksək olan şirkətləri investorlar, kreditorlar daha riskli sayır və onlara az maraq göstərirlər. • Yuxarıda göstərilən fikirləri ümumiləşdirərək belə nəticə çıxarmaq olar ki, əməliyyat leveridjini qiymətləndirməyi və idarə etməyi bacaran sahibkar öz fəaliyyətində uzun müddət uğur qazana bilər. Qeyd etmək lazımdır ki, əməliyyat leveridji inersiya göstəricisidir, müəssisənin maddi-texniki bazasında aparılan radikal struktur dəyişiklikləri ilə əlaqədardır və ona görə də həmin göstəricinin kəskin şəkildə dəyişməsi praktiki olaraq qeyri-mümkündür. Uzunmüddətli maliyyələşdirmə mənbəyi kimi xüsusi və borc vəsaitlərin nisbəti, borc vəsaitlərin məqsədyönlü və səmərəli istifadəsi ilə əlaqədar olaraq maliyyə riski yaranır. Xüsusi və uzunmüddətli borc vəsaitləri arasında optimal nisbət necə olmalı və bu mənfəətə necə təsir etməlidir? Məhz bu suala düzgün cavab tapmaq üçün maliyyə leveridji göstəricisindən istifadə edilir. Araşdırmalar göstərir ki, maliyyə leveridjin səviyyəsi şirkətin xarici investorlardan nə dərəcədə asılı olması ilə birbaşa əlaqədardır, yəni düzmütənasibdir
Maliyyə alətinin çiyini maliyyə asılılığı əmsalı adlanır. Bu əmsalın yüksək
olduğu müəssisələrə banklar böyük ehtiyatla kredit verirlər, öz riskini ödəmək üçün kreditorlar faiz dərəcəsini artırmaq məcburiyyətində qalırlar. Maliyyə riskini qiymətləndirmək üçün maliyyə leveridjin gücü tətbiq edilir. Bu göstərici borc vəsaitləri üzrə faizin müəssisənin mənfəətinə nə dərəcədə ciddi təsir göstərməsini kəmiyyətcə qiymətləndirməyə imkan verir. Əgər müəssisə borc vəsaitlərindən istifadə etmirsə, onda maliyyə leveridjin gücü vahidə bərabərdir, digər hallarda isə vahiddən böyük olur. Maliyyə leveridjin təsir gücü nə qədər yüksək olarsa, müəssisənin maliyyə riski də bir o qədər yüksək olar. Maliyyə leveridjin mahiyyətini, əhəmiyyətini və səmərəsini aşağıdakı kimi ifadə etmək olar: • uzunmüddətli maliyyələşmə mənbələrinin tərkibində borc kapitalın xüsusi çəkisinin çox olması maliyyə leveridjin yüksək səviyyəsi kimi xarakterizə olunur; • maliyyə leveridji şirkətin investorlardan maliyyə asılılığının mövcud səviyyəsini və dərəcəsini göstərir; • uzunmüddətli kreditlərin və borcların alınması maliyyə leveridjin və ona uyğun olaraq maliyyə riskinin artması ilə müşayiət olunur; • maliyyə riskinin mahiyyəti ondan ibarətdir ki, ödənişlər müntəzəm və məcburi xarakter daşıyır, maliyyələşmə mənbələri çatışmayan halda aktivlərin bir hissəsinin ləğv edilməsinə zərurət yaranır. Bu nəticə etibarı ilə birbaşa və dolayısı itkilərin yaranmasına səbəb olur; • maliyyə leveridjin səviyyəsi yüksək olan şirkətlərdə faiz və vergi ödəmələrinə qədər mənfəətin cüzi dəyişilməsi xalis mənfəətin əhəmiyyətli dərəcədə dəyişilməsinə gətirib çıxara bilər; • maliyyə leveridjin və ona uyğun maliyyə riskinin idarə edilməsi bəzi məqsədlərə artıq nail olunması deməkdir. Maliyyə leveridji nəzəri cəhətdən 0-a bərabər ola bilər. Bu zaman şirkət öz fəaliyyətini xüsusi kapitalı, yəni mülkiyyətçilərin təqdim etdikləri kapital və mənfəətdən investisiya qoyuluşu üçün ayrılan vəsait hesabına maliyyələşdirir. Həmin şirkət çox vaxt maliyyə cəhətdən asılı olmayan şirkət hesab edilir. Borc kapital cəlb edən şirkət isə maliyyə leveridji yüksək olan, yaxud maliyyə cəhətdən asılı olan şirkət sayılır. Maliyyə leveridjin pozitiv potensialı (effekti) onunla müəyyən edilir ki, borc kapital xüsusi kapitaldan ucuz başa gəlir. Maliyyə leveridjin neqativ potensialı (effekti) isə onunla müəyyən edilir ki, borc kapitalın faiz ödənişi məcburidir, səhmdarlara mənfəətdən divident verilmir. Maliyyə menecmentinin səmərəli təşkili üçün əməliyyat leveridji və maliyyə leveridjinin birgə səmərəsinin hesablanması vacibdir. Əməliyyat leveridjinin gücünü maliyyə leveridjinin gücünə vurmaq yolu ilə onların birgə səmərəsi hesablanılır. Əməliyyat leveridji və maliyyə leveridjinin birgə səmərəsi səhmdar cəmiyyətlərin fəaliyyəti ilə bağlı məcmu riskləri qiymətləndirməyə imkan verir, habelə satışın həcminin bir faiz dəyişilməsi zamanı bir səhmə düşən xalis mənfəətin həcminin dəyişilməsi faizini ifadə edir. 8.3. Səhmdar cəmiyyətin divident siyasətinin mərhələlərı. Səhmdar cəmiyyətin dividend siyasəti səhmdarların dividend alması sahəsində əmlak iddialarının ödənilməsinə rəğmən cəmiyyətin mövqeyini əks etdirən fəaliyyət proqramıdır, cəmiyyətin maraqları və səhmdarların əmlak maraqları arasında müəyyən balansın təmin edilməsidir. SC-nın dividend siyasətinə həm də direktorlar şurasının, idarə heyətinin (direktorun) dividendlərin ödənilməsi, səhmdar kapitalın strukturu (adi və imtiyazlı səhmlərin nisbəti), emissiya siyasəti, törəmə bazarda səhmin dövriyyəsi və onların bazar dəyəri üzərində nəzarət üzrə mövqeyi daxildir. Dividend siyasətinin və kapitalın strukturunun seçilməsi şirkətin ən mühüm maliyyə qərarları sayılır. Dividend siyasəti sərmayə qoyuluşunun və kreditləşdirmənin həcmi verildiyi hallar üçün müəyyən edilir. Dividend siyasəti dedikdə, dividend ölçüsünün, dividend ödəmələrinin maliyyələşmə mənbələrinin, habelə dividendlərin ödəmə formalarının (pul və ya səhmlərlə) seçilməsi başa düşülməlidir. Səhmin gəlirliliyi investorlar tərəfindən alınan dividednlərdən və alqı-satqı qiymətləri arasındakı məzənnə fərqindən yaranır. Əgər dividendlər güclü tərəddüd edirlərsə, onda məcmu gəlirin dəyişməz qalması üçün məzənnə fərqi də dəyişməlidir. Beləliklə, dividendlər azaldılarkən investorlar səhmlərin alış qiymətinin aşağı salınması hesabına məzənnə gəlirinin artırılmasını tələb edəcəklər. Bu isə cari kotirovkaların aşağı düşməsinə gətirib çıxaracaqdır. Dividendlərin artırılması halında isə əksinə. Nəticədə dəyişkən dividendlərlə səhmin qiyməti dəyişməz dividendlərlə səhmin qiymətinə nisbətən daha çox tərəddüd edəcəkdir. Riski sevməyən investorlar qiymətləri daha az tərəddüd edən səhmlərə üstünlük verirlər və onlara görə daha yüksək qiymət ödəməyə hazırdırlar. Səhmdar cəmiyyətlərdə mənfəətin yenidən investisiyalaşdırılması üçün əlverişli iqlimin formalaşması cəmiyyətin uğurlu, dayanıqlı işləri, yaxşı perspektivləri və eləcə də investorlara inam yaradan dividend siyasəti ilə əlaqədardır. Bu cür vəziyyət cəmiyyətin yüksək maliyyə-iqtisadi göstəriciləri, xüsusilə rentabelliyi, likvidliyi və buraxılan məhsula pozitiv qiymət dinamikası ilə müdafiə olunur. Normal şəraitlərdə dividendlərin aşağı salınması şirkətlərin bazar mövqelərini sarsıdır və nüfuzunu səhmdarlar, kreditorlar və investorların gözündən salır. Xarici şirkətlərin çoxu mütləq kəmiyyətcə sabit dividendlər ödəməyə çalışırlar, hansılardakı mənfəət tərəddüdləri əks olunmur. Bir sıra şirkətlər bir səhmə görə sabit, təsbit olunmuş mənfəət faizi ödəyirlər. Belə ki, Amerika şirkətlərindən biri aşağıdakı dividend siyasətini yeridir: “Dollar şirkət üçün, dollar səhmdarlar üçün”. Digər səhmdar şirkətlər isə rüblük aşağı səviyyəli dividend ödəməyə üstünlük verirlər və ilin sonunda əldə olunan mənfəətin real səviyyəsindən dividendə əlavələr edirlər. Qərb şirkətləri üçün rüblük dividendin ödənişi ən çox yayılmış bir təcrübədir. Xarici şirkətlərin dividend siyasəti sabit və yüksək dividend ödənişlərinə yönəldilmiş və son nəticədə səhmlərin bazar dəyərlərinin yüksəldilməsinə yönəldilmişdir. Yalnız belə dividend siyasətinin Azərbaycanı səhmdar cəmiyyətlərində tətbiqi səhmdarların inamını xeyli artırar və onların beynəlxalq fond bazarlarına çıxışına imkan verərdi. Dividend siyasəti biznesin maliyyələşdirilməsi sahəsində müəssisə rəhbərinin qəbul etdiyi qərarların tərkib hissəsidir. Biznesin maliyyələşdirilməsi mənbəyi kimi müəssisənin sərəncamında qalan mənfəətin məbləği dividendin ödənilməsi əmsalından asılıdır. Lakin müəssisənin təsərrüfat fəaliyyətinin inkişafına nə qədər çox mənfəət yönəldilərsə, dividentin ödənilməsinə bir o qədər az pul qalacaqdır. Beləliklə, müəssisənin dividend siyasətinin mühüm aspekti dividendin ödənilməsi və müəssisənin təsərrüfat fəaliyyətinin inkişafı arasında mənfəətin bölüşdürülməsində optimal nisbətin müəyyənləşdirilməsidir. Müəssisənin dividend siyasəti onun maliyyə resurslarının formalaşmasının idarə edilməsi siyasətinin tərkib hissəsi olub müəssisənin bazar dəyərini maksimum artırmaq məqsədilə mənfəətin istehlak və kapitallaşan hissələri arasında nisbətin optimallaşdırılmasını nəzərdə tutur. Müəssisənin dividend siyasətinin formalaşmasına üç yanaşma mövcuddur: konservativ, yumşaq (kompromis) və aqressiv. Bu yanaşmalardan hər birinə dividend siyasətinin müəyyən tipi uyğun gəlir. Səhmdar cəmiyyətin dividend siyasətinin əsas tipləri Səhmdar cəmiyyətin dividend siyasəti aşağıdakı mərhələlər üzrə formalaşdırılır: dividend siyasətinin formalaşması zəminlərini müəyyənləşdirən əsas amil-lərin nəzərə alınması; seçilmiş dividend siyasətinə uyğun mənfəətin bölüşdürülməsi mexanizmi-nin işlənib hazırlanması; bir səhmə dividend ödənilməsi səviyyəsinin proqnozlaşdırılması; səhmdar cəmiyyətin maliyyə strategiyasına uyğun dividend siyasəti tipinin seçilməsi; dividendin ödənilməsi formasının müəyyən edilməsi; dividend siyasətinin effektivliyinin qiymətləndirilməsi. Səhmdar cəmiyyəti dövriyyədə olan səhmlər üzrə aralıq (rüblük, yarımillik) və illik dividend ödəyə bilər.
Qanunvericiliyə əsasən adi səhm üzrə dividend səhmdar cəmiyyətin
sərəncamında qalan xalis mənfəətin səhmdarlara hər bir adi səhm üzrə hesablanmış ödənişlər şəklində bölüşdürülən hissədir. İmtiyazlı səhm üzrə dividend səhmdar cəmiyyətin maliyyə-təsərrüfat fəaliyyətinin nəticələrindən asılı olaraq, sahiblərinə səhmlərin nominal dəyərinin sabit faizi şəklində ödənilən vəsaitdir. Həmin vəsaitin ödənilməsi üçün səhmdar cəmiyyəti öz vəsaitləri hesabına xüsusi fond yarada bilər. Dividend siyasəti səhmdarların dividend alması sahəsində əmlak iddialarının ödənilməsinə rəğmən səhmdar cəmiyyətin mövqeyini əks etdirən fəaliyyət proqramıdır, səhmdar cəmiyyətin maraqları və səhmdarların əmlak maraqları arasında optimal nisbətin işlənib hazırlanmasıdır. Dividend modellərini iki qrupa ayırmaq olar: dividend siyasətinin özünün modelləşdirilməsi və dividend siyasətinin müəssisənin bazar dəyərinə təsirinin müəyyənləşdirilməsi. Birinci qrupa C.Linter modeli, ikinci qrupa isə Qordin, Miller-Modilyanı və Miller Roka modelləri aiddir. C.Linterə görə müəssisənin məqsədli dividend səviyyəsi mövcuddur və o, aşağıdakı amillərdən asılıdır: • cari mənfəət; • sahənin inkişaf perspektivləri və mənfəətin həcmi; • investisiya proqramı; • dövriyyə kapitalına tələbat; • müəssisənin maliyyə imkanları, kapital bazarına daxil olmağın mümkünlüyü; • borc vəsaitlərinin və yeni səhm buraxılışının istifadəsi üzrə müəssisənin siyasəti. Azərbaycan Respublikasında səhmdar cəmiyyətlərin dividend siyasətinin formalaşmasının ən geniş yayılmış üsulu “qalıq prinsipi” sayılır. Bu prinsip üzrə dividendin ödənilməsi cəmiyyətin sosial və investisiya proqramlarının müəyyənləşdirilməsi təmin edildikdən sonra həyata keçirilir. Dividend siyasətin formalaşmasının mühüm mərhələsi dividendlərin ödənilməsi formasının seçilməsidir. Həmin formalardan əsaslarını nəzərdən keçirək: Dividendlərin nağd pulla (çeklə) ödənilməsi. Bu dividend ödənişinin həyata keçirilməsinin ən sadə və geniş yayılmış formasıdır. Dividendlərin səhmlərlə ödənilməsi. Bu forma səhmdarlara dividend ödənişi məbləğində yeni emitentli səhmlərə təqdim edilməsini nəzərdə tutur. Avtomatik yenidən investisiyalaşdırma. Bu ödəniş forması səhmdarlara hüquq verir ki, fərdi seçim etsinlər – dividendləri nağd alsın, yaxud onları əlavə səhmlərə investisiyalaşdırsınlar. Şirkətin səhmlərinin alınması. Buna dividendlərin yenidən investisiyalaşdırılması formalarından biri kimi baxılır, hansıki dividend fondu məbləğində şirkət fond bazarında azad tədavüldə olan səhmlərin bir hissəsini alır. Bu da qalan hər bir səhmə düşən mənfəətin həcmini çoxaltmağa və gələcək dövrdə dividend ödənişi əmsalını yüksəltməyə avtomatik imkan verir Mövzu 9. Maliyyələşmə mənbələrinin idarə edilməsi 9.1. Muəssisə fəaliyyətinin maliyyələşdirilməsi üsulları. 9.2. Maliyyə lizinqi. 9.3. Biznesin vencur maliyyələşdirilməsi.
9.1. Muəssisə fəaliyyətinin maliyyələşdirilməsi üsulları.
İstənilən müəssisənin maliyyə fəaliyyətinin əsas istiqaməti, müəssisənin istehsal-təsərrüfatını pul vəsaiti ilə təmin edən, həmçinin onun sadə və geniş təkrar istehsalı üçün istifadə olunan pul fondunun yaranmasıdır. Müəssisənin pul fondunun yaranması onun təşkilindən başlayır. Nizamnamə kapitalı – müəssisənin şəxsi vəsaitinin əsas I mənbəyidir. Onun miqdarı təşkilatın nizamnaməsində göstərilir və qoyulmuş qaydada qeydiyyatdan keçir. Nizamnamə kapitalının əsas və dövriyyə kapitalları yaradılır. Bunlardan isə uyğun olaraq əsas və dövriyyə vəsaitinin yaradılmasına sərf edilir. Əlavə kapital – bu bütün il ərzində aşağıdakı kanallar üzrə müəssisəyə daxil olan, müəssisənin şəxsi vəsaitinin pul fondudur: • Yenidən qiymətləndirmə nəticəsində əsas fondun dəyərinin artımı; • Aksiyaları öz nominal dəyərindən artıq qiymətə satışından gələn gəlir (qiymətli kağızların buraxılış gəliri); • İstehsalat məqsədi ilə havayı əldə edilən pul və material sərvətləri.
Əlavə kapital müəssisə tərəfindən nizamnamə kapitalının artırılmasında və
ziyanların ödənməsində istifadə oluna bilər (yoxlama ilinin fəaliyyətindən, yenidən qiymət qoyma nəticəsində, mülkiyyətin dəyərinin aşağı düşməsindən). Ehtiyat kapitalı – SC nizamnaməsi vasitəsilə təyin olunmuş, lakin nizamnamə kapitalının 15%-dən az olmamaqla müəssisənin pul fondudur. Onun yaradılması üçün müəyyən həddə çatana qədər hər il müəssisənin xalis gəlirindən 5% tutulur. Bazar iqtisadiyyatında ehtiyat kapitalının olması, müəssisənin davamlı maliyyə vəziyyətinin saxlanması üçün əsas şərtdir. Müəssisə ziyanların ödənməsi, həmçinin müəssisənin lazımi gəliri olmadıqda dividendlərin ödənməsi üçün ehtiyat kapitalından istifadə edir. Yığım fondu – istehsalatı inkişaf etdirmək üçündür. O xalis gəlirdən yaradılır. Müəssisə bu fonddan dövriyyə vəsaitinin artırılmasını təmin və kapital qoyuluşunu maliyyələşdirir. O həmçinin müəssisənin nizamnamə kapitalının artması üçün mənbədir. Belə ki, istehsalatın inkişafını qoruyan vəsait müəssisənin mülkiyyətini artırır. Tələbat fondu – müəssisənin xalis gəlirindən yaradılan, müəssisə işçilərinin maddi tələbatını ödəməyə yönəldilmiş, qeyri-istehsal sahələrini maliyyələşdirən, kompensasiya xarakterli ödənişlərə sərf olunan pul vəsaitidir. Valyuta fondu – yalnız xaricə məhsul göndərməkdən valyuta əldə edən və xarici əməliyyatlar üçün valyuta alan müəssisələrdə yaradılır. Maliyyə ehtiyatları – bu müəssisənin geniş surətdə təkrar istehsalını sərf olunan xərcləri ödəmək və maliyyə öhdəliklərini yerinə yetirmək üçün təyin olunmuş xaricdən daxilolan pul və gəlir formasındakı pul vəsaitinin cəmidir. Maliyyə ehtiyatları, xarici və daxili bölmələrə ayrılan iki müxtəlif mənbədən yaradılır. Daxili mənbələr şəxsi xüsusi vəsait və təsərrüfatın nəticələri ilə əlaqədar ona bərabər vəsaitlər hesabına yaradılır. Xarici – müəssisə xaricdən daxil olan ehtiyatlar hesabına əmələ gəlir. Xarici və daxili mənbələrdən daxil olan maliyyə ehtiyatlarının tərkibi şəkildə verilmişdir. Daxili mənbə maliyyə ehtiyatları arasında əsas yeri qazanc və amortizasiya tutulmaları tutur. Qazanc, müəssisənin son nəticəsi olaraq, istehsalatın fəaliyyət prosesində əmələ gəlir. Rəqabət şəraitində əmək kollektivi gəlirin artmasında maraqlıdırlar. Çünki gəlir istehsalatın artması üçün mənbə, o da öz növbəsində müəssisənin işçilərinin maddi rifahının artmasına səbəb olur. Lakin belə gəlir mənbəyi kimi müəssisənin təsərrüfat fəaliyyəti nəticəsində əldə edilən bütün ümumi gəlirin hamısı deyil, yalnız bütün vergi və ödəmələri büdcəyə keçirdikdən sonra qalan, xalis gəlir adlanan hissəsidir. O, yığım, tələbat və ehtiyat fondlarının yaranmasına sərf edilir. Fəaliyyətdə olan müəssisədə pul dövriyyəsinin başlanğıc və son nöqtəsini təyin etmək çox çətindir. Müəssisənin malik olduğu (şəklin mərkəzi hissəsi) pul vəsaitinin həcmi zaman-zaman dəyişir və istehsalat prosesinin xüsusiyyətindən satış həcmindən, debitor borclarının ödənməsindən və s. asılıdır. Xammal ehtiyatının yarımçıq istehsalın, anbarda hazır məhsulun miqdarı, debitor borclar və ödənməli kommersiya kreditləri də satışdan, istehsalat prosesindən, müəssisənin kredit borclarına münasibətdə maliyyə siyasətindən, ehtiyatın yaradılmasından asılı olaraq titrəyir. Pul dövriyyəsi idarəetmə prosesi pul vəsaiti hərəkətinin uzunmüddətli perspektivini proqnozlaşdırmaqdan ibarətdir ki, bu da öz növbəsində müəssisənin maliyyə vəziyyətinə göstərdiyi təsirlə qiymətləndirilir. Pul dövriyyəsi ilə idarəetmə – bu müəssisənin pul dövriyyəsi bütün kapitalın tam dövriyyəsi, maliyyə ehtiyatlarının hərəkəti, müəssisənin digər iqtisadi qüvvələri ilə maliyyə münasibətlərinin hərtərəfli təhlili əsasında yaxın gələcək üçün perspektivi, pul vəsaiti axınının intensivliyini və həcmini düzgün hesablamaq deməkdir. Bazar iqtisadiyyatı şəraitində maliyyə ilə idarəetmə prosesində istənilən sahibkar subyekt maliyyə bazarında müxtəlif rollarda çıxış edə bilər: qiymətli kağızların investoru və qiymətli kağızlar buraxan, borc alan və kredit verən. Bu zaman ortaya çıxan məsələlər 3 qrupa bölünən müxtəlif maliyyə alətləri ilə həll olunur: • pul vəsaiti (kassada olan pul vəsaiti, ödəmə və digər hesablarda); • kredit alətləri (istiqraz, müqavilələr, forvard kontraktları); • müəssisənin nizamnamə kapitalında müxtəlif üsullarla iştirakı (səhm, pay, hissə). İdarəetmə obyektinə çoxsaylı metodların köməyi ilə təsir göstərilir. Əsas metodlar qrupu, bilavasitə dövlət iqtisadiyyatı mərkəzləşdirilmiş idarəetmə üsullarından təşkil olunmuşdur. Bu metodlar ümumiqtisadi xüsusiyyət daşıyır. Onlara vergiqoyma, kredit vermək, amortizasiya hesaba köçürmə, kassa və hesabat əməliyyatları, sığorta, qiymətqoyma və s. aiddir. Kommersiya təşkilatlarının fəaliyyəti ilə proqnozlaşdırılması, maliyyə və vergi planlaşdırılması əsaslanır. Mürəkkəb sistem və proseslərin təhlil və sintezini müasir metodların tətbiqi əsaslanır.Belə metodlar, real bazar iqtisadiyyatı proseslərinin əsas xüsusiyyət və tendensiyalarının riyazi modellərdə tam uyğun əks olunmasına imkan verir. Bir qayda olaraq maliyyə mənbələri əsasən iki qrupa bölünür. 1) Xüsusi • Şəxsi vəsait • Partnyorların vəsaiti • Gəlirlər • Amortizasiya • Aktivlərin satışı • Səhmlərin satışı • Debitor borcları 2) Əldə edilmiş Qohumlar və dostlar Bank kreditləri Malgöndə rənlərin krediti Sığorta ödəmələri Hökümət proqramı Aktivlər altı kreditlər Vençur kapitalı Əlbəttə ən sadə və etibarlı maliyyə vəsaiti – şəxsi vəsaitdir. Xüsusi kapital – bu ya əmanətdir, ya da şəxsi vəsaitdir ki, hər-hansı bir şəxsi vəsaitin satışından əldə edilmişdir. Lakin işi heç də tək başına görmək vacib deyildir. Etibarlı partnyorları da işə cəlb etmək olar ki, onlar da müəssisənin ortaq sahiblərindən ola bilər və müəssisənin idarə edilməsində bərabər hüquqlu iştirak edə bilər. Müəssisə partnyotlarla birlikdə qurularkən mütləq onunla hüquqi vəzifələr, əmanətin miqdarı, bölgülər, habelə biznes işinin son məqsədi haqqında rəsmi müqavilələr bağlanmalıdır. Bu işdə ən mühüm məsələ ondan ibarətdir ki, etibarlı, inanılmış, sizin ideya və düşüncələrinizlə bölüşən insanlarla işi qurasan. Biznesin inkişafı üçün xüsusi mənbələrdən gələn gəlirlərdən, amortizasiya köçürmələrindən səhmlərdən (aksioner cəmiyyətlər üçün) əldə edilmiş gəlirdən müəssisə fəallarından, habelə debitor borclarından istifadə edilir. Başqa yerdən əldə olunmuş vəsait şəxsi vəsaitdən fərqli olaraq geri qaytarılmalıdır. • Biznesin açılması və ya müəyyən iş qurmaq üçün xeyli pul vəsaiti tələb olunursa bu zaman kredit almaq olar. • Kredit verilməsi iki yolla həyata keçirilir: 1) Təsərrüfatçı subyektə pul formasından bir başa ssuda (bank krediti) kredit verilir; 2) Müxtəlif hesablar kimi kreditin verilişi – başqa sözlə desək müəyyən vaxtla ödəmə (ticarət krediti). Bank krediti müəyyən müddətə və müəyyən edilmiş kredit faizi əsasında verilir. Bu veksel adı ilə borc öhdəliyi kimi də verilə bilər. Banka kreditin bir forması da belədir ki, bank öz hesabına firmaya icazə verir ki, qoyulmuş məbləğdən daha artıq pul xərclənsin. Belə kredit overdraft adlanır ki, bu əməliyyata görə də firma banka faiz ödəyir. Maliyyə, pul axını səmərəli idarə edilməsi üçün mal dövriyyəsinin optimal ölçüsünün müəyyənləşdirilməsi mühüm əhəmiyyət kəsb edir. Əldə kifayət qədər nağd pul olmadıqda müəssisəni müflisləşməyə gətirib çıxara bilər və ya əksinə nə qədər tez firma inkişaf edərsə bir o qədər nağdsız pul qalma ehtimalı azalar. Həddən çox dövriyyə vəsaitinin toplanması da uğurlu göstərici hesab oluna bilməz. Belə ki, malın tədricən “ölməsinə” səbəb olur və onun istifadəsinin səmərəsini aşağı salır. Mal dövriyyəsi cari aktivlər və qısa müddətli öhdəçilik arasındakı fərqə bərabərdir. Maliyyə işinin səmərəli idarə edilməsi onu da nəzərdə tutur ki, müəssisənin öz borclarını ödəmə vaxtı onun debitorlarının borclarını ödəmə vaxtından qabaq olsun. Beləliklə, menecmentin funksiyası mal dövriyyəsinin cari idarəedilməsi üç vəzifənin həll edilməsinə səbəb olur: • pul vəsaitlərinin daxil olmasını sürətləndirmək • kredit verənlərlə hesab vaxtının uzadılması • azad olmuş malın yerinə mal qoyulması. • Amortizasiya tutulmaları (tutulmuş məbləğ) – köhnəlmiş istehsalat fondunun və qeyri-maddi aktivlərin dəyərinin pulla ifadəsi deməkdir. • Amortizasiya tutulmaları məhsulun maya dəyərindən ibarətdir və sonra məhsulun realizəsindən gələn pul şəklində müəssisəni haqq-hesab hesabına qaytarılır. Bu isə yığım fondunun yaradılması üçün daxili mənbə rolunu ifa edir. • Maliyyə ehtiyatları, maliyyə bazarında səhm, istiqraz və digər qiymətli kağızların satışından, həmçinin istiqraz vəsaiti və iri həcmli investisiyalardır. Onlar üçüncü şəxs qarşısında hüquqi təsərrüfat öhdəliklərindən ibarətdir: uzunmüddətli və qısamüddətli bank kreditləri, istiqraz vərəqələri, həmçinin veksel şəklində digər müəssisələrin vəsaiti. Bu vəsaitlər ödəmək və qaytarılmaq şərtilə müəssisələrə müvəqqəti istifadəyə verilir. Müəssisənin maliyyə fəaliyyətinin idarə edilməsi üçün istifadə olunan informasiyalar aşağıdakılardan ibarətdir: 1) Mühasibat hesabatı; 2) Maliyyə təşkilatları nın məlumatı; 3) Bank sisteminin informasiyası; 4) Bazar konyukturu haqqında məlumatlar; 5) Digər məlumatlar.
9.2. Maliyyə lizinqi.
Hazırki şəraitdə baş vermiş köklü iqtisadi dəyişikliklər investisiya və kapitalın cəlb edilməsində müasir mülkiyyət münasibətləri üçün heç də ənənəvi sayılmayan vasitələrdən istifadə olunmasını tələb edir. İnkişaf etmiş bazar iqtisadiyyatı ölkələrində lizinq sektoru kapital bazarında bütün maliyyə resurslarının yarıdan çoxunu təmin edir. Müasir təsərrüfatçılıq şəraitində lizinqin çox münasib və rentabelli maliyyə resursu kimi nüfuza malik olması, həm də faktiki olaraq perspektivli sahibkarın istənilən avadanlığı müxtəlif şərtlərlə lizinqə götürə bilməsi imkanının mövcüdlüğü ilə şərtlənir. Lizinqin əsas növləri kimi maliyyə və operativ lizinqlər, formaları kimi isə bir çox əlamətlərə görə təsnifləşdirilən lizinqlər götürülür. Maliyyə lizinqi – texnikanın uzun müddətə icarəyə verilməsini nəzərdə tutan daha geniş yayılmış lizinq növüdür. Bu müddət lizinq obyektinin amortizasiya müddəti ilə müqayisə olunandır və ya onu ötüb keçir, habelə istifadə dövründə amortizasiyanın dəyəri tamamilə ödənir. İnkişaf etmiş dünya ölkələrində olduğu kimi, Azərbaycanda da maliyyə lizinqinin müddəti obyektin amortizasiya dövründən aşağı olmamalıdır Əslində maliyyə lizinqi özündə fəaliyyət göstərən kapital şəklində uzunmüdətli kredit formasını ifadə edir. Maliyyə lizinqi onunla fərqlənir ki, icarədar tərəfindən əmlakın servis xidmətini nəzərdə tutmur, müqavilənin təcili dayandırılmasına yol vermir və tam amortizasiya olunmuş sayılır. Onun reallaşdırılması zəruri texnikanın potensial icarədarının seçilməsini, istehsalçı ilə qiymət və göndəriş müddətləri haqqında danışıqları, lizinq şirkətinin avadanlıq alışını və bank ssudasının alınmasını nəzərdə tutur. Əlavə vəsaitlər cəlb etməklə maliyyə lizinqi girov, sığorta, zəmanət və lizinq əmlakının əldə edilməsi məsələləri mühüm əhəmiyyət kəsb edir. Maliyyə lizinqinin məqsədli-icarədarların maliyyə hesabatında onların istifadə etdiyi əmlakın və üzərlərinə götürdükləri öhdəliklərin obyektiv uçotu yolu ilə baş verə bilən təriflərin yayılmasının qarşısının alınmasıdır. Lizinq verən tərəfindən lizinq müqaviləsi üzrə əmlakın əldə edilməsi və lizinq mürəkkəb, sosial-iqtisadi hadisə kimi çoxukladlı iqtisadiyyatın formalaşması və istehsal fəaliyyətinin fəallaşdırılması üzrə ən mühüm xalq təsərrüfatı funksiyalarını yerinə yetirir Beləliklə, lizinq özündə təşkilati- iqtisadi münasibətlərin ən azı üç növünü: icarə, investisiya və ticarəti birləşdirən sahibkarlıq fəaliyyəti sistemidir ki, onların da hər birinin ayrı-ayrılıqda məzmunu spefifik əmlak maliyyə lizinq münasibətlərinin mahiyyətini tam əhatə etmir. Sxemdə lizinqin sadalanan funksiyalarından yalnız dördünün: maliyyə, istehsal, təchizat və vergi imtiyazları funksiyalarının dəqiqləşdirilməsinə çalışaq. Maliyyə funksiyası əmtəə istehsalçısının zəruri istehsal vasitələrinin tam dəyəri haqqının birdəfəlik ödənilməsindən azad edilməsində və ona maddi əşya formasında uzunmüddətli kreditin verilməsində ifadə olunur. Lizinqin istehsal funksiyası istehsalat vəzifələrinin bahalı və mənəvi cəhətdən köhnəlmiş maşınların alınması yolu ilə deyil, müvəqqəti istifadə yolu ilə operativ olaraq həll edilməsindən ibarətdir. Bu, istehsalın maddi-texniki bazasının təkmilləşdi- rilməsinin, yeni texnika və texnologiyanın tətbiqinin səmərəli üsuludur. Tam servisli lizinq zamanı əmlakın verilməsi geniş servislə, məsələn, texniki xidmət, xammalla, iş qüvvəsi ilə təchiz olunma və s. ilə müşaiyət edilə bilər. Satış funksiyası istehlakçı dairəsinin genişlənməsini və yeni satış bazarlarının ələ keçirilməsini əhatə edir. Vergi və amortizasiya güzəştlərinin alınması funksiyası aşağıdakı xüsusiyyətlərə malikdir: - lizinq üzrə götürülmüş əmlak istifadəçinin balansında əks olunmaya bilər, çünki mülkiyyət hüququnu lizinq verən özündə saxlayır; - lizinq ödəmələri istehsal olunan məhsulun (xidmətin) maya dəyərinə aid edilir ki, bu da müvafiq olaraq vergi tutulan mənfəəti aşağı salır; - lizinq obyektinin normativ xidmət müddəti bazasında deyil, kontrakt müddəti əsasında hesablanan sürətli amortizasiyanın tətbiq edilməsi əldə edilən mənfəəti aşağı salır və əmlakın təzələnməsini sürətləndirir. Nəticədə lizinq öz sferasına yeni obyektlər cəlb etməklə təkliflərin diversifikasiyasına kömək edir, istehsal vasitələri bazarını inkişaf və diversifikasiya etdirir. Maliyyə lizinqi – texnikanın uzun müddətə icarəyə verilməsini nəzərdə tutan daha geniş yayılmış lizinq növüdür. Bu müddət lizinq obyektinin amortiazsiya müddəti ilə müqayisə olunandır və ya onu ötüb keçir, habelə istifadə dövründə amortizasiyanın dəyəri tamamilə ödənir. Ümumi qəbul edilmiş tərifdən göründüyü kimi, iqtisadi cəhətdən inkişaf etmiş dünya ölkələrində olduğu kimi, Azərbaycanda da maliyyə lizinqinin müddəti obyektin amortizasiya dövründən aşağı olmamalıdır. Əslində maliyyə lizinqi özündə fəaliyyət göstərən kapital şəklində uzunmüddətli kredit formasını ifadə edir. Lizinq müqaviləsinin fəaliyyət müddəti qurtardıqdan sonra istifadəçi əmlakı imtiyazlı və ya qalıq dəyərinə görə öz mülkiyyətinə keçirə, güzəştli şərtlərlə müqaviləni və ya münasibətləri dayandıra bilər. Maliyyə lizinqi onunla fərqlənir ki, icarədar tərəfindən əmlakın servis xidmətini nəzərdə tutmur, müqavilənin təcili dayandırılmasına yol vermir və tam amortizasiya olunmuş sayılır. Onun reallaşdırılması zəruri texnikanın potensial icarədarının seçilməsini, istehsalçı ilə qiymət və göndəriş müddətləri haqqında danışıqları, lizinq şirkətinin avadanlıq alışını və bank ssudasının alınmasını nəzərdə tutur. Maliyyə lizinqi çərçivəsində onun müxtəlif şəkildəyişmələrini fərqləndirmək lazımdır: müstəqil, sadə və mürəkkəb, qrup (səhmdar), birbaşa və s. Müstəqil lizinq (qismən lizinq verən tərəfindən maliyyələşdirilir) iri lizinq layihələrinin maliyyələşdirilməsi üçün bir neçə kredit təşkilatlarını birləşdirir. O, lizinq verən tərəfindən bir-iki və ya bir neçə kreditordan lizinq obyekti dəyərinin 70-80 faizə qədər məbləğində uzunmüddətli borc pul vəsaitinin cəlb olunmasını nəzərdə tutur. Birbaşa maliyyə lizinqi isə əmlakın istehsalçısı və ya satanı sayılmayan müstəqil olaraq bir icarədar tərəfindən aparılır. Bəzi ölkələrdə lizinqin bu növü aşağıdakı tələblərə cavab verməklə kapital lizinqi hesab edilir: • Sövdələşmənin qurtarması anına obyektə sahiblik hüququ icarədara verilməlidir. • Müqavilənin şərtləri rəqib torqlarından əmlakın alınması hüququnu verməlidir. • İcarənin davamlılığı lizinq obyektinin iqtisadi cəhətdən əsaslandırılmış xidmət müddətinin 70-80 faizinə bərabər olmalıdır. • Minimum lizinq ödəmələrinin diskontlaşdırılmış dəyəri lizinq verən tərəfindən tutulan investisiya vergi krediti çıxılmaqla icarəy1ə götürülən obyektin real dəyərinin 90 faizdən az olmamalıdır. Operativ (əməliyyat) lizinq – lizinq alanın öz məsuliyyət və riskinə görə aldığı əmlakını, onun normativ xidməti müddətində dəfələrlə icarəyə vermək imkanını nəzərdə tutur . Operativ lizinq zamanı lizinq alan mülkiyyətçi hüququnda əmlaka sahiblik ilə əlaqədar risklərdən qaçmağa və ya onu aşağı salmağa, habelə, avadanlığın təmiri və ya boş dayanması zərurəti ilə əlaqədar meydana çıxan birbaşa və dolayı qeyri-məhsuldar xərcləri aradan qaldırmağa çalışır. Ona görə də lizinq alan aşağıdakı hallarda avadanlıq və maşın əldə edilməsinin digər formalarına nisbətən operativ lizinqə üstünlük verir: • icarəyə götürülmüş avadanlığın istismarından gözlənilən gəlirlər onun ilkin qiymətini ödəmir; • icarədara sövdələşmə obyekti yalnız az bir müddətə tələb olunur (məsələn, mövsümi iş dövrünə və yaxud birdəfəlik məqsədli istifadəyə); • lizinq avadanlığı xüsusi texniki xidmət tələb edir, yaxud onun istismarı üçün lizinq alanda xüsusi texniki mütəxəssislər yoxdur; • lizinq avadanlığı xüsusi texniki xidmət tələb edir, yaxud onun istismarı üçün lizinq alanda xüsusi texniki mütəxəssislər yoxdur; Operativ lizinqin geniş tətbiq olunması şərti hissə-hissə aşınan avadanlıq bazarının mövcudluğu, habelə lizinq obyektinin aşağı haqla təkrar icarəyə verilməsinə tələbatın yaranması sayılır. Lizinqin bu növü aşağıdakı məsələlərin həllinə imkan verir: • icarə müddətini qısaltmağa (lizinq obyektinin fiziki aşınmasına qədər); • icarə predmetinin xarab olması, sıradan çıxması və ya itkisi riskini lizinq alanın üzərinə qoyulmasına; • icarə müqaviləsi müddəti qurtaran kimi lizinq obyektini satmağa və ya onu yenidən digər müştəriyə lizinqə verilməsinə; • cari təmir də daxil olmaqla fiziki xidməti həyata keçirməyə. Mütəxəssislərin fikrincə, maliyyə lizinqi maliyyə əməliyyatlarının aparılmasının ən mürəkkəb və maraqlı növlərindən biridir, qarşılıqlı əlaqəli və qarşılıqlı şərtlənən çoxlu sayda müqavilələri özündə birləşdirir və investisiya layihələrinin işlənib hazırlanması zamanı müxtəlif kombinasiyalardan istifadə etməyə imkan verir. Lizinq sövdələşmələrində iştirakçılardan maliyyə risklərini yüksək səviyyədə idarəetmə qabiliyyəti tələb olunur. Dünya təcrübəsi göstərir ki, yüksək kommersiya riskləri şəraitində satıcı və lizinq verən risklərin minimumlaşdırılması haqqında optimal qərar qəbul etməkdən ötrü öz qarşılıqlı münasibətlərinə yenidən baxırlar, daha doğrusu qarşılıqlı razılaşaraq kommersiya risklərini öz aralarında bölüşdürürlər. Professor İ.A.Blank qeyd edir ki, müəssisə kapitalının idarə olunması aşağıdakı əsas vəzifələrin, yerinə yetirilməsini nəzərdə tutur . • Müəssisənin lazımi iqtisadi inkişaf tempini təmin edən həcmdə kapitalın formalaşması; • Formalaşan kapitalın fəaliyyət növləri və istifadə istiqamətləri üzrə optimal bölgüsü; • Maliyyə riskinin nəzərdə tutulan səviyyəsində kapitalın maksimum gəlir verməsi üçün şəraitin yaradılması; • Kapitalın nəzərdə tutulan gəlirlilik səviyyəsində onun istifadəsi ilə əlaqədar maliyyə riskinin minimumlaşdırılmasının təmin edilməsi; • Müəssisənin inkişaf prosesində daimi maliyyə tarazlığının təmin edilməsi; • Təsisçi tərəfindən müəssisə üzərində maliyyə nəzarətinin gücləndirilməsi; • Müəssisənin maliyyə çevikliyin təmin edilməsi; • Kapitalın dövriyyəsinin optimallaşdırılması; • Kapitalın investisiyalaşdırılması prosesinin təmin eidlməsi. Müəssisə fəaliyyətinin maliyyələşdirilməsi üçün borc kapitaldan istifadə iqtisadi cəhətdən faydalıdır, çünki bu mənbəyə görə haqq orta hesabla səhmdar kapitala görə haqdan xeyli azdır. Bundan əlavə borc vəsaitlərin cəlb edilməsi mülkiyyətçiyə və menecerə imkan verir ki, nəzarətində olan maliyyə resurslarının həcmini əhəmiyyətli dərəcədə artırsın, yəni müəssisənin investisiya imkanını genişləndirsin. Borc kapitalın əsas növləri istiqraz vərəqələri və uzunmüddətli kreditlərdən ibarətdir. 9.3. Biznesin vençur maliyyələşdirilməsi. Bazar iqtisadiyyatının formalaşması və inkişafı mərhələsində biznesin (şirkətin) maliyyə resurslarının tərkibində mütərəqqi dəyişikliklər baş vermişdir ki, onların içərisində vençur kapitalından istifadə xüsusi əhəmiyyət kəsb edir. «Vençur» anlayışı «venture» ingilis sözündən əmələ gəlmişdir, hansıki iqtisadi konteksdə «riskli iş, riskli müəssisə» kimi tərcümə olunur. Vençur kapitalı — yüksək risklidir, yeni yaradılan və sürətlə inkişaf edən kiçik və orta təsərrüfat subyektlərinə, eləcə də müflisləşmə ərəfəsində olan müəssisələrin maliyyələşdirilməsi üçün xarici investorlar tərəfindən qoyulan pul vəsaitidir. Böyük Britaniyada və eləcə də dünyanın bir çox ölkələrində «vençur kapitalı» anlayışını fond birjalarında katirovka olmayan səhmdar kapitala yönəldilən, müəssisənin inkişafınm ilk və sonrakı mərhələlərində istifadə edilən investisiya kimi dəyərləndirilir. ABŞ-da «vençur kapitalı» dedikdə inkişafın ilkin mərhələsində, yaxud öz biznesini sürətlə inkişaf etdirən şirkətə qoyulan müstəsna investisiya başa düşülür. Avropada «birbaşa xüsusi investisiya» termini daha geniş işlədilir, hərçənd bəzi ekspertlər onu şirkətin xarici və daxili menecerlərinin sövdələşmələrində istifadə edirlər. Vençur investisiyalaşdırmasma Amerika yanaşmasında əsas diqqət investisiyalaşdırılan şirkətin sərəncamına vəsait təqdim edən vençur investorunun oynadığı rola yönəldilir. Avropa yanaşmasında isə «birbaşa xüsusi investisiya» üçün nəzərdə tutulan və «vençur kapitalı» üçün münasib sayılan yerləşdirməyə cəhd göstərilir. Sadalanan terminlərə Amerika yanaşması vençur kapitalistinin sahibkarlıq fəaliyyətini nəzərdə tutur, halbuki Avropa və Britaniya yanaşmasmda daha formal tərif hiss olunur. Terminalogiyadakı fərqli yanaşmalardan görünür ki, «vençur kapitalı» və «birbaşa xüsusi investisiya» anlayışları mahiyyətcə eynidir, yalnız fərq şirkətin inkişaf mərhələlərinə görə onlarm sxematik bölünməsidir. Vençur kapitalı riskli və orta səviyyədən yüksək gəlirliyə malik kapitaldır, həmçinin şirkətin nizamnamə kapitalında pay sahibi olmaq üçün alətdir. Riskli kapital təqdim edən vençur kapitalisti investisiyalaşdırılan şirkətin tərəfdaşına çevrilir. Vençur kapitalı əsasmda investisiyalaşdırmanın aşağıdakı səciyyəvi xüsusiyyətləri vardır: - investisiyalaşdırılan şirkət vençur kapitalistinə heç bir zəmanət təqdim etmir; - vençur kapitalisti üçün yeganə zəmanət onun risk dərəcəsini qiymətləndirmə bacarığıdır; - vençur kapitalisti investisiyalaşdırılan şirkətin idarə edilməsində iştirakı arzulamır, çünki müəssisənin nəzarət səhm paketindən az paya sahib olmağı üstün tutur; - gələcək pul vəsaitlərinin axını müstəsna əhəmiyyət kəsb edir, çünki o, keçmiş illərin balans göstəriciləri deyil. Vençur kapitalı ilk dəfə XVII əsrdə Hollandiyada dənizdə üzməyə yola salınan gəmiyə riskli kapital qoymaq ideyası ilə yaranmışdır. Lakin strukturlanmış maliyyə aləti kimi vençur kapitalından yalnız İkinci Dünya Müharibəsindən sonra ABŞ-da istifadə edilmişdir. 1980-ci ildə Kanadada, Qərbi Avropada, Avstraliyada və Uzaq Şərq ölkələrində vençur kapitalmdan istifadə olunmuşdur. Əslində vençur kapitalı qarşılıqlı faydalılıq əsasında investorun kiçik və orta biznesin inkişafına təqdim etdiyi uzunmüddətli maliyyə resurslarının mənbəyidir. Vençur kapitalı əsasında investisyalaşmanın təşəkkülü kompüter texnologiyasının sürətlə inkişafı ilə eyni vaxta təsadüf edir. Fərdi kompüterlərin istehsalı və biotexnologiya kimi yeni sahələrin sürətlə inkişafı vençur kapitalından istifadə əsasında mümkün olmuşdur. İlk dəfə vençur fondu 196l-ci ildə yaradılmışdır. Hazırda Avropanın 20 ölkəsində 500-dən çox vençur fondu və Avropa Vençur kapitalı Assosiasiyası fəaliyyət göstərir. Vençur maliyyələşdirməsi inkişaf etmiş ölkələrin iqtisadiyyatının hərəkətverici qüvvələrindən birinə çevrilmişdir. Müxtəlif ölkələrdə vençur maliyyələşdirməsinin mənbələri hər bir dövlətin maliyyə sənayesinin spesifikasından asılı olaraq fərqlidir. Məsələn, Avropa İttifaqı ölkələrində vençur fonduna investisiyanın 50 faizi banklardan, pensiya fondlanndan, sığorta şirkətlərindən, sənaye və maliyyə korporasiyalanndan daxil olur. Rusiya qanunvericiliyinə uyğun olaraq pensiya fondları vəsaitini yalnız daşınmaz əmlaka, bank depozitinə, şirkətin katirovka olunan səhmlərinə və dövlət qiymətli kağızlanna qoya bilərlər. Deməli pensiya fondları vençur fonduna vəsait qoya bilməzlər. Hazırda birbaşa və vençur investisiya sənayesi ABŞ-da, Avropa İttifaqı ölkələrində, Çində, İsraildə, Tayvanda daha çox inkişaf etmişdir. Qərbi Avropada illik investisiyanın həcmi 14,5 milyard evro olan birbaşa və vençur investisiya fondlarmın sayı 500-dən çoxdur. Vençur maliyyələşdirməsi ilə fiziki və hüquqi şəxslərin vəsaiti hesabına yaradılan və müzdlu menecerlər tərəfindən idarə edilən «vençur fondları» məşğul olurlar. Menecerlər konkret formada investorların toplanan pul vəsaitlərini yüksək mənfəətin alınmasını təmin etmək imkanına malik olan kiçik və orta şirkətlərin inkişafına yönəldirlər. Bəzən vençur maliyyələşdirməsi yeni elmi ideyanın reallaşdırılması və bazara çıxaniması üçün yeganə vasitə olur. Adətən vençur investisyasına o sahibkarlar müraciət edirlər ki, )diksək risklilik səviyyəsinə görə investisiya şirkətləri onlara vəsait ayırmaq istəmirlər, həm də bank kreditləri götürə bilmirlər. Belə olan halda konkret biznes layihəsini reallaşdırmaq üçün vençur maliyyələşdirməsindən istifadə edilir, hansıki girov qoymaq və zəmanət vermək tələb etmir, yalnız investoru şirkətin şərikinə çevirmək və biznesin idarə olunmasında iştirakını təmin etmək gərəkdir. Vençur maliyyələşdirməsinin idarə edilməsi sahəsində ilk addım 1958-ci ildə ABŞ-da «kiçik biznesə investisiya barədə» Qanunun qəbulu olmuşdur. Bu qanun ABŞ kiçik biznes işi üzrə Agentliyə imkan verdi ki, kiçik sahibkarlığın maliyyələşdirilməsi və idarə edilməsi prosesini xeyli sadələşdirsin. ABŞ Federal Ehtiyatlar sistemi Şurasının məruzəsində kiçik biznesin uzunmüddətli maliyyələşdirilməsi üçün kapital bazannda böyük boşluğun olması xüsusi qeyd edilmişdir ki, bu məsələ adıçəkilən qanunda öz əksini tapmışdır. ABŞ kiçik biznes işi üzrə Agentliyin Proqramında iqtisadi sistem vasitəsilə kiçik sahibkarlığa vençur kapitalmm cəlb edilməsi prosesinin sadələşdirilməsi önəmli məsələ kimi nəzərdə tutulmuşdur. Vençur maliyyələşdirməsinin başlıca məqsədi bir sahibkarın maliyyə kapitalı ilə digər sahibkarın intellektual imkanlarının (orijinal ideya, yaxud texnologiya) hər iki sahibkara yeni formada mənfəət gətirməkdən ötrü iqtisadiyyatın real sektorunda birləşdirməkdir. Vençur investisiyalaşdırmasmda investisiya bankı və kommersiya bankı iştirak edirlər. Bu zaman əsas rol investisiya banklanna məxsusdur. İnvestisiya banklan ilə müqayisədə kommersiya banklannın fəaliyyəti dövlət tərəfindən daha möhkəm reqlamentləşdirməyə məruz qalır. Kommersiya banklan maliyyə- kredit sisteminin digər təşkilatlan ilə birlikdə müstəqil vençur fondlannın filiallannı yaradırlar. Banklar vençur maliyyələşdirilməsində iştirak edərək aşağıdakı əməliyyatları həyata keçirirlər: - vençur fondlarının formalaşdırıİması üçün maliyyə vasitəçilərinə hesab açırlar; - vençur fondlarının formalaşmasına xidmət göstərirlər; - vençur kapitalı ilə əməliyyatlar aparmaq üçün maliyyə vasitəçilərinə kömək edirlər; - öz şəbəkəsi vasitəsilə şirkətin səhmlərinin satışını təşkil edirlər. Pensiya fondlan lazımi heyət ştatımn saxlamiması, fondun fəaliyyəti ilə bağlı digər məsrəflərin ödənilməsi və mənfəət götürmək məqsədilə vençur maliyyələşdirməsində iştirak etməyə maraqlıdırlar. Fondun vəsaitlərinin qiymətdən düşməsinin qarşısmı almaq, müştərilərinin qarşısında öz öhdəliklərini yerinə yetirmək və fondun fəaliyyətini genişləndirilmək üçün fondun vəsaitlərinin kapitalizasiyası vacibdir. Təcrübə göstərir ki, xüsusi şirkətlərə və dövlət qiymətli kağızlara fondun vəsaitlərinin qoyulması çox az gəlir verir, bəzən isə fondun zərərinə gətirib çıxarır. Pensiya fondlan tərəfdaş fonda öz vəsaitini qoyaraq məhdud məsuliyyətli tərəfdaşlar qismində iştirak edirlər. Sığorta şirkətləri vençur maliyyələşdirməsində banklar və pensiya fondlan ilə analoji olaraq iştirak edirlər. Maliyyə vasitəçisi olan investisiya təşkilatlan fərdi investor- lann maliyyə vəsaitlərini toplayır və vençur maliyyələşdirməsi üçün istifadə edirlər. Maliyyə vasitəçisinin əsas təşkilati formala- nna vençur kapitalı firması və vençur kapitah fondu (vençur fondu) aiddir. Vençur kapitalı firması peşəkar menecerlər, yaxud fərdi investorlar tərəfindən təsis edilə bilər. İri investorlar vençur kapitalı firmasmm təsisçilərinin tərkibinə daxil ola və baş tərəfdaş qismində çıxış edə bilər. Bu halda vençur kapitalı bilavasitə vençur kapitalı firması çərçivəsində toplanılır. Əgər iri investorlar vençur kapitalı firmasının təsisçisi deyilsə, onda vençur kapitalı vençur fondunda toplanıla bilər. Vençur fondu vençur kapitalı firması kimi məhdud məsuliyyətli tərəfdaş statusuna malikdir. Vençur kapitalı firması baş tərəfdaş kimi çıxış edir, firmanın idarə olunmasına görə tam məsuliyyət daşıyır, yəni şirkətin meneceri rolunu oynayır və fonda bir faizindən az vəsait qoyur. Bu zaman investorlar məhdud məsuliyyətli tərəfdaşa çevrilir və fonda 99 faiz vəsait köçürürlər, hərçənd onların fonda sərəncam vermək hüququ yoxdur. Baş tərəfdaşın şəxsində peşəkarlar komandası maliyyə fəaliyyətini və layihələrin cari idarə olunması prosesini həyata keçirir, investorlar isə mənfəətin 80 faizinə sahib çıxırlar. Yüksək texnoloji innovasiyalı şirkətlərin ilkin mərhələsində investisiyalaşdırma yüksək riskli olduğuna görə investorlar ona kapital qoymaq istəmirlər, halbuki bəzi hallarda belə investisiya qoyuluşu kommersiya baxımından gəlirlidir. Bununla əlaqədar olaraq vençur investisiyalaş-dırmasmm dövlət tənzimlənməsi iki əsas formada həyata keçirilməlidir: birbaşa və dolayısı. Vençur investisiyalaşdırmasmm birbaşa tənzimlənməsi innovasiya şirkətlərinin kapitalma birbaşa dövlət investisiyasının yatınlmasmı, yeni innovasiya şirkətlərinin yaradılmasında qrantlardan istifadəni, vençur kapital bazannm inkişafına dəstək verən xüsusi fondlara aktivlərin təqdim edilməsini nəzərdə tutur. Vençur investisiyalaşdırmanm dolayısı tənzimlənməsi isə ölkədə sahibkarhğın inkişafı üçün əlverişli mühitin yaradılması istiqamətində tədbirlərin həyata keçirilməsini nəzərdə tutur.
Vençur kapitalının müasir elmi-texniki inkişafa təsirini nanotexnologiya
sahəsinin inkişafında aydın görmək olar. Belə ki, nanotexnologiya sahəsinin maliyyələşdirilməsi mənbələri içərisində dövlət və şirkətlərin vəsaitləri ilə yanaşı vençur kapitalı əhəmiyyətli yer tutur. Nanotexnoloji layihələrə vençur kapitalmın cəlb edilməsi təcrübəsi dünyanm müxtəlif ölkələrində getdikcə genişlənməkdədir. Nanotexnologiya sferasında vençur kapitalmdan istifadə nanoməhsul istehsalının genişləndirilməsi və kom- mersiyalaşdınlması prosesini başa çatdırmağa imkan verir ki, bu da öz növbəsində nanotexnologiyanın dünya bazannda lider mövqe tutmasma və ölkə iqtisadiyyatınm rəqabətqabiliyyətinin artmasına gətirib çıxarır. Vençur maliyyələşdirməsi - müxtəlif növ pul kapitalıdır, hansıki fərdi layihələr və proqramlar üzrə elmi-tədqiqat işlərinə maddi yardım sisteminin təsiri altında baş verir. Vençur maliyyələşdirməsinin digər maliyyələşdirmə növlərindən fərqli xüsusiyyətləri aşağıdakılardan ibarətdir: Birincisi, o «bəyənilmiş risk» prinsipi olmadan mümkün deyil. Bu o deməkdir ki, kapital qoyan əvvəlcədən maliyyələşdirilən şirkətin fəaliyyətində vəsaitin itməsi imkanları ilə razılaşır; İkincisi, vençur maliyyələşdirməsi kapitalın uzunmüddətli investisiyalaşmasını nəzərdə tutur, hansıki investor layihənin perspektivliyinə inanmaqdan ötrü 3 və 5 il və qojmlan kapitaldan mənfəət almaqdan ötrü isə 5-10 il gözləməlidir; Üçüncüsü, vençur kapitalı kredit kimi deyil, şirkətin nizamnamə kapitalında şərikli pay şəklində verilir. Yeni yaradılan şirkət, bir qayda olaraq, tərəfdaşlığın hüquqi statusundan istifadə edir, kapital qoyan isə məsuliyyətli, məhdud həcmli payla tərəfdaşa çevrilir. İştirak payından asılı olaraq riskli investorun maliyyələşdirilən şirkətin gələcək mənfəətindən müvafiq məbləğ almaq hüququ vardır; Dördüncüsü, vençur investoru strateji tərəfdaşdan fərqli olaraq şirkətin nəzarət səhm paketini mənimsəməyə cəhd etmir, adətən səhm paketinin 25-40 faizi ilə kifayətlənir; Beşincisi, vençur investoru maliyyələşdirilən yeni şirkətin uğurlu fəaliyyətində xüsusilə maraqlıdır ki, bu da layihənin yüksək riskli olması ilə şərtlənir. Buna görə də riskli investor təkcə vəsait qoymaqla məhdudlaşmır, həm də müxtəlif məsləhətlər verir, idarəetmədə iştirak edir və başqa xidmətlər göstərir. Vençur maliyyələşdirməsi innovasiyanın həyat tsiklinin məriıələrindən asılı olaraq bir neçə mərhələlər üzrə həyata keçirilir. Mövzu 10. Maliyyə menecmentinin strategiyası. 10.1. Müəssisənin strategiyasının işlənilməsinin nəzəri əsasları. 10.2.Müəssisənin maliyyə strategiyasının işlənib hazırlanması prinsipləri. 10.3. Müəssisənin maliyyə strategiyasının reallaşdırılması.
10.1. Müəssisənin strategiyasının işlənilməsinin nəzəri əsasları.
Strateji menecment sahəsində məşhur amerika mütəxəssisi İ.Ansofor strategiyanı qərar qəbul etmək üçün qaydalar dəsti kim şərh etmiş və onları dörd qrupa ayırmışdır: firmanın fəaliyyətinin nəticələrinin qiymətləndirilməsində istifadə edilən qaydalar xarici mühiti tənzimləyən və istiqamətləndirən qaydalar firmanın daxilində münasibətləri müəyyənləşdirən qaydalar firmanın gündəlik fəaliyyətinin həyata keçirilməsində istifadə edilən qaydalar Strategiyanın formalaşması problemini kompleks şəkildə tədqiq edən V.A. Aqafonovdur. Onun fikrincə, əslində strategiya dedikdə “... funksional xarakteristikaları dəyişmək məqsədilə planlaşdırılan sistemin elementləri üzərində və ya xarici fəaliyyət şəraitini dəyişmək məqsədilə onun xarici mühit elementləri üzərində həyata keçirilən hərəkətlərin məcmusu ...” başa düşülür. Bazar münasibətləri şəraitində müəssisənin uzunmüddət səmərəli fəaliyyət göstərməsi, yüksək inkişaf tempinin təmin edilməsi və rəqabət qabiliyyətinin yüksəldilməsi onun maliyyə fəaliyyətinin strateji idarə edilməsi səviyyəsindən əhəmiyyətli dərəcədə asılıdır. Müəssisənin maliyyə fəaliyyətinin perspektiv idarə edilməsinin effektiv aləti kimi maliyyə strategiyası çıxış edir. Xarici maliyyə mühitinin intensiv dəyişilməsi, müəssisənin həyat tsiklinin növbəti mərhələsinə keçid, yeni kommersiya imkanlarının yaranması ilə əlaqədar müəssisənin fəaliyyət məqsədinin əsaslı şəkildə dəyişilməsi müəssisənin maliyyə strategiyasının işlənib hazırlanmasını zəruri edir. Strateji idarəetmənin paradiqmasında həmçinin müəssisənin inkişaf strategiyası növlərinin onların səviyyələrinə görə differensiasiyası mühüm rol oynayır. Bu idarəetmə sisteminə strategiyanın 3 əsas növü ayrılır. korporativ strategiya funksional strategiya ayrı-ayrı təsərrüfat vahidinin strategiyası
Korporativ strategiya bütövlükdə müəssisənin inkişaf perspektivlərini
müəyyənləşdirir. O, müəssisənin missiyasının yerinə yetirilməsinə yönəldilir və müəssisənin fəaliyyətinin başlıca məqsədinin – mülkiyyətçilərin həyat səviyyəsinin maksimum yaxşılaşdırılmasını kompleks şəkildə təmin edir. Müəssisənin funksional strategiyası onun funksional bölmələri çərçivəsində fəaliyyətinin əsas növləri üzrə formalaşır və korporativ strategiyanın detallaşdırılmasına yönəldilir. Bu strategiyanın siyahısına marketinq, istehsal, maliyyə, heyət və innovasiya daxildir. • Müəssisənin təsərrüfat vahidinin strategiyası (biznes-strategiyası) adətən iki əsas məqsədin • – biznes növünün rəqabət üstünlüyünün təmin edilməsi • onun mənfəətinin artırırlması məqsədlərinin həllinə yönəldilir. Müəssisənin maliyyə strategiyası onun funksional strategiyasının növlərindən biridir. Müəssisənin funksional strategiyası sistemində maliyyə strategiyası aparıcı yerlərdən birini tutur. Müəssisənin maliyyə strategiyası maliyyə fəaliyyətinin və maliyyə münasibətlərinin inkişafının bütün istiqamətlərini əhatə edir. Bu, hər şeydən əvvəl, maliyyə menecmentinin məzmunundan irəli gəlir. Maliyyə strategiyası uzunmüddətli maliyyə məqsədlərinin müəyyənləşdirilməsi və onlara nail olmağın ən səmərəli yollarının seçilməsi, xarici mühit amilləri dəyişərkən maliyyə resurslarından istifadə istiqamətlərində adekvat düzəlişlər aparmaqla maliyyə fəaliyyətinin və maliyyə münasibətlərinin inkişafının əsas istiqamətlərini təmin edən müəssisənin funksional strategiyasının mühüm növlərindən birini ifadə edir. Maliyyə strategiyası müəssisənin effektiv inkişafının təmin edilməsində müstəsna rol oynayır. Maliyyə strategiyasının işlənib hazırlanmasının əsasında yeni idarəetmə paradiqması, yəni strateji idarəetmə sistemi durur. 10.2. Müəssisənin maliyyə strategiyasının işlənib hazırlanması prinsipləri. Müəssisənin maliyyə strategiyasının hazırlanması prosesində strateji maliyyə qərarlarının hazırlanması və qəbulu prinsiplərindən istifadə olunur. Həmin prinsiplərə aiddir: Müəssisəyə özünü təşkil etməyi bacaran açıq sosial-iqtisadi sistem kimi baxılması. Strateji menecmentin bu prinsipi maliyyə strategiyasını hazırlayarkən müəssisəyə xarici mühit amillərilə qarşılıqlı fəaliyyət üçün tam açıq sistem kimi baxılmasını nəzərdə tutur. Müəssisənin açıq sosial-iqtisadi sistem olması və özünü təşkil etmək qabiliyyəti maliyyə strategiyasını yüksək keyfiyyətcə formalaşdırmağa zəmin yaradır. Müəssisənin əməliyyat fəaliyyətinin baza strategiyasının nəzərə alınması. Maliyyə strategiyası müəssisənin strateji məqsədləri və əməliyyat fəaliyyətinin istiqamətləri ilə mütləq razılaşdırılmalıdır. Maliyyə strategiyasına müəssisənin seçdiyi korporativ strategiyaya uyğun olaraq effektiv inkişafının təmin edilməsinin başlıca amili kimi baxılır. Maliyyə strategiyası həmçinin müəssisənin əməliyyat fəaliyyətinin strateji inkişafının formalaşmasına əhəmiyyətli təsir göstərir. Bu əməliyyat strategiyasının əsas məqsədi – məhsul satışının və əməliyyat mənfəətinin artması, müəssisənin rəqabət qabiliyyətinin yüksəldilməsi ilə əlaqədardır. Maliyyə fəaliyyətinin strateji menecmentinin sahibkarlıq stilinə üstün hədəflənməsi. Perspektivdə müəssisənin maliyyə fəaliyyətinin strateji idarə edilməsi sahibkarlıq stilinin artması ilə səciyyələnir. Strateji maliyyə menecmentinin sahibkarlıq stilinin əsasını maliyyə fəaliyyətinin bütün forma və istiqamətləri üzrə effektiv idarəetmə qərarlarının hazırlanması və qəbulu təşkil edir. Maliyyə meecmentinin sahibkarlıq stili xarici mühit amillərinin dəyişilməsini nəzərə almaqla strateji məqsədlərin qoyulmasına nail olmağın bütün yollarında maliyyə fəaliyyətinin həyata keçirilməsi istiqamətləri, forma və metodlarının daim transformasiyası ilə əlaqədardır. Strateji maliyyə inkişafının dominant sferalarının ayrılması. Bu prinsip əsas məqsəd funksiyalarının – uzaq perspektivdə müəssisənin bazar dəyərinin artırılmasını müvəffəqiyyətlə təmin edən maliyyə fəaliyyətinin prioritet istiqamətlərini eyniləşdirməyə imkan verir. Müəssisənin maliyyə strategiyasını işləyib hazırlayarkən aşağıdakı dominant sferaları ayırmaq məqsədəuyğundur: müəssisənin maliyyə resurslarının formalaşması strategiyası; investisiya strategiyası; müəssisənin maliyyə təhlükəsizliyinin təmin edilməsi strategiyası; müəssisənin maliyyə fəaliyyətinin idarə edilməsi keyfiyyətinin yüksəldilməsi strategiyası. Maliyyə strategiyasının çevikliyinin təmin edilməsi. Müəssisənin maliyyə fəaliyyətinin perspektiv inkişafına həmişə qeyri-müəyyənlik təsir göstərir. Ona görə də istənilən maliyyə strategiyasını onun reallaşdırılması mərhələlərində dəyişməz saxlamaq praktiki olaraq qeyri-mümkündür. Belə şəraitdə maliyyə menecmentinin alternativ strateji fəaliyyətinin əsası kimi maliyyə strategiyasının yüksək çeviklik səviyyəsi çıxış edir. Strateji maliyyə seçiminin alternativliyinin təmin edilməsi. Strateji maliyyə qərarlarının əsasını maliyyə fəaliyyətinin həyata keçirilməsi istiqamətləri, formaları və metodlarının alternativ variantlarının fəal axtarıb tapılması və onlardan ən yaxşısının seçilməsi nəticəsində hazırlanmış maliyyə strategiyası və onun səmərəli reallaşdırılması mexanizminin formalaşması təşkil edir. Maliyyə fəaliyyətində yeni texnologiyaların tətbiq edilməsi. Maliyyə strategiyasını hazırlayarkən nəzərə almaq lazımdır ki, maliyyə fəaliyyətində yeni texnologiyaların tətbiqi müəssisənin bazarda rəqabət mövqeyinin möhkəmləndirilməsinin başlıca mexanizmi hesab edilir. Məhz ona görə də müəssisənin strateji inkişafı ilə bağlı məsələlərin müvəffəqiyyətli həll edilməsi maliyyə strategiyasında yeni texnologiyaların əks etdirilməsi səviyyəsindən əhəmiyyətli dərəcədə asılıdır. Strateji maliyyə qərarlarının qəbulu prosesində maliyyə riskinin səviyyəsinin nəzərə alınması. Maliyyə strategiyasının formalaşması prosesində qəbul edilən maliyyə qərarları praktiki olaraq bu və ya digər dərəcədə maliyyə riskinin səviyyəsini dəyişdirir. Bu, ilk növbədə maliyyə fəaliyyətinin istiqamətləri və formalarının seçilməsi, maliyyə resurslarının formalaşması, maliyyə fəaliyyətinin idarə eidlməsinin yeni təşkilati strukturlarının tətbiqi ilə əlaqədardır. Maliyyə stratergiyasının reallaşdırılması prosesində maliyyə menecerlərinin peşəkar aparatına əsaslanması. Menecerlər strateji idarəetmənin əsas prinsipləri və maliyyə fəaliyyətinin ayrı-ayrı aspektlərinin idarə edilməsi mexanizmləri ilə yaxından tanış olmalı, strateji maliyyə kontrolinqin metodlarını bilməlidir. Müəssisənin maliyyə strategiyasının maliyyə fəaliyyətinin təşkilati strukturuna və təşkilati mədəniyyətə uyğunluğunun təmin edilməsi. Maliyyə strategiyanının idarəetmənin təşkilati strukturunun və təşkilati mədəniyyətin dəyişilməsinə uyğunlaşdırılması onun effektiv reallaşdırılmasının mühüm şərtidir. Bu sahədə nəzərdə tutulan strateji dəyişikliklər müəssisənin maliyyə stratejı parametrlərinin tərkib hissəsi olmalıdır. Maliyyə strategiyasının işlənib hazırlanması prosesi müəssisənin maliyyəsinin perspektiv inkişaf proqramının hazırlanması, qiymətləndirilməsi və reallaşdırılmasını təmin edən məqsədyönlü idarəetmə qərarlarının formalaşmasını nəzərdə tutur. Bu proses aşağıdakı mərhələlər üzrə həyata keçirilir: • Maliyyə strategiyasının formalaşması müddətinin müəyyənləşdirilməsi; • Xarici maliyyə mühiti amillərinin tədqiqi; • Müəssisənin maliyyə fəaliyyətinin güclü və zəif tərəflərinin qiymətləndirilməsi; • Müəssisənin strateji maliyyə mövqeyinin kompleks qiymətləndirilməsi; • Müəssisənin maliyyə fəaliyyətinin strateji məqsədlərinin formalaşdırılması; • Maliyyə fəaliyyətinin məqsədli strateji normativlərinin hazırlanması; • Əsas strateji maliyyə qərarlarının qəbul edilməsi; • Maliyyə stretagiyasının qiymətləndirilməsi; • Maliyyə strategiyasının reallaşdırılmasının təmin edilməsi; • Maliyyə strategiyasının reallaşdırılmasına nəzarətin təşkili.
10.3. Müəssisənin maliyyə strategiyasının reallaşdırılması. Maliyyə
menecmenti sistemində müəssisənin maliyyə strategiyasının reallaşdırılmasının idarə olunması ən mühüm və mürəkkəb məsələdir. Strateji menecment sahəsində dünyanın tanınmış mütəxəssislərinin fikrincə müəssisənin strateji inkişaf proqramının işlənib hazırlanması prosesi onun reallaşdırılması prosesindən xeyli asandır. Məhz ona görə də müəssisənin maliyyə inkişafının tamamlayıcı mərhələsi kimi maliyyə strategiyasının reallaşdırılması məsələsinə daha çox diqqət yetirmək lazımdır. Maliyyə strategiyasının reallaşdırılmasının səmərəli idarə olunması prosesi ilk növbədə onun düzgün qiymətləndirilməsini nəzərdə tutur. Maliyyə strategiyasının qiymətləndirilməsi xarici maliyyə mühiti amillərinin dəyişilməsi şəraitində hazırlanmış maliyyə strategiyasının müəssisənin qarşısında duran maliyyə məqsədlərinə nail olmağa cavab verən analitik prosesi ifadə edir. Maliyyə strategiyasının qiymətləndirilməsi üzrə işlərin maliyyə menecerləri, yaxud cəlb edilmiş ekspertlər tərəfindən həyata keçirirlər. Maliyyə strategiyasının qiymətləndirilməsi aşağıdakı parametrlər üzrə aparılır: • müəssisənin maliyyə strategiyasının onun baza korporativ strategiyasına uyğunlaşdırılması; • maliyyə strategiyasının xarici maliyyə mühiti amillərinin dəyişilməsinə uyğunlaşdırılması; • maliyyə strategiyasının müəssisənin daxili potensialına uyğunlaşdırılması; • maliyyə strategiyası parametrlərinin balanslaşdırılması; • maliyyə strategiyasının reallaşdırılması ilə bağlı risklərin səviyyəsinin məqbul sayılması; • maliyyə strategiyasının reallaşdırılmasının iqtisadi səmərəliliyi. Maliyyə strategiyasının reallaşdırılmasının idarə olunması prosesi aşağıdakı əsas xüsusiyyətləri ilə səciyyələnir: • 1. Maliyyə strategiyasının reallaşdırılmasının idarə edilməsi müəssisənin maliyyə inkişafı proqramında nəzərdə tutulan bütün qərarların icrasına, maliyyə fəaliyyətinin başlıca strateji məqsədlərinə uğurla nail olunmasına yönəldilir. • 2.Maliyyə strategiyasının uğurla həyata keçirilməsi nəticəsində nəzərdə tutulduğundan əlavə effekt əldə edilir, belə ki, bu mərhələdə maliyyə strategiyasının hazırlanması prosesində buraxılan bütün səhvləri və kənarlaşmaları aradan qaldırmaq üçün imkan yaranır. Əksinə ən yaxşı maliyyə strategiyası pis reallaşdırılarsa, nəinki əlavə effekt alınar, hətta müəssisənin daxili maliyyə potensialı aşağı düşə bilər. • 3. Maliyyə strategiyasının reallaşdırılması prosesində maliyyə menecerlərinin funksional bölmələrin əməkdaşları, təsərrüfat subyektləri və müəssisənin maliyyə münasibətləri üzrə tərəfdaşları ilə ən effektiv kommunikativ əlaqələrin qurulması müvəffəqiyyət üçün mühüm zəmin sayılır.
Maliyyə strategiyasının reallaşdırılmasının ayrı-ayrı mərhələlərində eyni
idarəetmə qərarının müxtəlif müəssisələr tərəfindən həyata keçirilməsi ziddiyyətli nəticələrə gətirib çıxara bilər. Bu onunla əlaqədardır ki, həmin prosesin hər bir mərhələsində maliyyə strategiyasının reallaşdırılması maliyyə fəaliyyətinin həyata keçirilməsinin müxtəlif təşkilati şəraitində, xarici maliyyə mühiti amillərinin intensivliyinin müxtəlif dərəcələrində təzahür edir. Əlbəttə bütün bunlar müəssisənin maliyyə strategiyasının reallaşdırılmasını təmin edən idarəetmə qərarlarına fərdi şəkildə yanaşmanı zəruri edir. Müəssisənin maliyyə strategiyasının reallaşdırılmasının idarə edilməsi prosesi aşağıdakı mərhələlər üzrə həyata keçirilir: • 1. Müəssisənin maliyyə fəaliyyətinin strateji dəyişilməsinin təmin edilməsi; • 2. Müəssisənin maliyyə strategiyasının reallaşdırılmasının hər bir mərhələsində xarici maliyyə mühit amillərinin dəyişilməsi xarakterinin diaqnostikası; • 3. Xarici maliyyə mühiti amillərinin cari dəyişilməsinin xarakterinə adekvat müəssisənin maliyyə strategiyasının reallaşdırılmasının idarə edilməsi metodlarının seçilməsi; • 4. Müəssisənin maliyyə strategiyasının reallaşdırılmasına effektiv nəzarət sisteminin qurulması; • 5. Zəruri hallarda müəssisənin maliyyə strategiyası proqramına müvafiq düzəlişlərin edilməsi. Mövzu 11. Maliyyə menecmenti sistemində təhlil 11.1. Maliyyə menecmenti sistemində təhlilin rolu və əhəmiyyəti. 11.2. Müəssisənin maliyyə-təsərrüfat fəaliyyətinin təhlili metodları və üsulları. 11.3. Müəssisənin maliyyə fəaliyyətinin qiymətləndirilməsi.
11.1. Maliyyə menecmenti sistemində təhlilin rolu və əhəmiyyəti.
Bazar iqtisadiyyatı şəraitində təsərrüfat subyektlərinin fəaliyyətini xarakterizə edən əsas göstəricilərin məxfi (gizli) saxlanılması vacibdir. Məhz buna görə təsərrüfat subyektlərinin informasiya bazası uçot və mikroiqtisadi təhlil sistemində mahiyyətcə iki bloka ayrılır: ümumi aydın informasiyalar; məhdud aydın informasiyalar. Birinci blokla maliyyə uçotu və maliyyə təhlili prosedurları, ikinci blokla idarəetmə uçotu və müəssisədaxili təhlil prosedurları əlaqədardır. Müasir dövrdə maliyyə təhlilinə dair iki yanaşma mövcuddur. Birinci yanaşmada maliyyə təhlili geniş aspektdə başa düşülür və maliyyə menecmenti sisteminə daxil olan, yəni kapital bazarı da daxil olmaqla ətraf mühit kontekstində təsərrüfat subyektlərinin maliyyəsinin idarə edilməsi ilə əlaqədar analitik işlərin bütün bölmələrini əhatə edir. İkinci yanaşma maliyyə təhlilinin əhatə sferasının mühasibat uçotunun təhlili ilə məhdudlaşdırılmasını nəzərdə tutur. Maliyyə təhlilinin əsas xüsusiyyətləri aşağıdakılardan ibarətdir: • müəssisənin əmlakı və maliyyəsinin müasir vəziyyəti xarakterizə olunur; • müəssisənin tədiyyə qabiliyyəti, maliyyə dayanaqlığı və rentabellik göstəriciləri üzrə qiymətləndirilməsi aparılır; • ümumən aydın informasiyalara əsaslanır; • taktiki və strateji xarakterli qərarların informasiya təminatı; • təhlilin nəticələrini istənilən istifadəçilər üçün açıq olması • hesab-analitik prosedurların tərkibi və məzmunun uyğunlaşdırma imkanı • meyarlar sistemində pul ölçüsünün dominantlığı; • təhlilin yekunlarının yüksək etibarlıq səviyyəsi.
Maliyyə təhlili müəssisənin iqtisadi potensialından istifadənin vəziyyətini
və səmərəliliyini qiymətləndirmək, həmçinin idarəetmə qərarlarının qəbulu üçün nəzərdə tutulan maliyyə xarakterli etibarlı informasiyalara əsaslanan analitik prosedurların məcmusudur. Maliyyə təhlilinin nəticələri mülkiyyətçiyə (səhmdara), kreditorlara, investorlara, vergi xidmətlərinə, malgöndərənlərə, menecerə və müəssisənin rəhbərinə lazımdır. Maliyyə təhlilinin başlıca məqsədi müəssisənin maliyyə vəziyyətini obyektiv şəkildə xarakterizə edən əsas parametrləri, yəni aktiv və passivlərin strukturunda, debitor və kreditor borclarında, mənfəətdə və zərərin tərkibində baş verən dəyişiklikləri aşkara çıxarmaqdan ibarətdir. Maliyyə təhlilinin lokal məqsədlərinə aşağıdakıları aid etmək olar: • müəssisənin maliyyə vəziyyətinin öyrənilməsi, qiymətləndirilməsi; • maliyyə vəziyyətində baş verən dəyişikliklərin aşkara çıxarılması; • maliyyə vəziyyətində dəyişiklikləri yaradan amillərin müəyyən edilməsi • maliyyə vəziyyətinin inkişaf meyllərinin proqnozlaşdırılması Maliyyə menecerini həm müəssisənin cari maliyyə vəziyyəti və həm də onun perspektiv inkişafı haqqında analitik informasiyanın həcmi və keyfiyyəti maraqlandırır. Istehsal, təchizat, maliyyə, investisiya və innovasiya sferasında düzgün qərar qəbul etməkdən ötrü müəssisənin rəhbəri ilkin informasiyaların toplanması, təhlili və ümumiləşdirilməsi məsələsini həmişə diqqət mərkəzində saxlayır. Ümumiyyətlə, maliyyə təhlili maliyyə menecmentinin ayrılmaz tərkib hissəsi olub maliyyə hesabatı şəklində uçot informasiyalarına və idarəetmə uçotunun məlumatlarına əsaslanır, faktiki göstəriciləri planla və standartlarla müqayisə etməyə, daxili audit aparmağa, düzgün idarəetmə qərarlarının qəbuluna imkan verir. Təsərrüfat subyektlərinin maliyyə vəziyyətinin təhlilinin köməyilə maliyyə dayanaqlığını obyektiv qiymətləndirmək, maliyyə resurslarından istifadənin səmərəliliyini müəyyənləşdirmək, mümkün maliyyələşdirmə mənbələrini aşkara çıxarmaq mümkündür. Maliyyə resurslarının mövcudluğu, yerləşdirilməsi və istifadəsi haqqında informasiyaların dərindən təhlili vasitəsilə müəssisənin maliyyə vəziyyətini qiymətləndirmək olar. Müəssisənin maliyyə vəziyyəti malgöndərənlər, istehlakçılar, vergi orqanları, banklar və digər tərəfdaşlar ilə qarşılıqlı münasibətlərin qurulması prosesində formalaşır. Bazar iqtisadiyyatı şəraitində müəssisənin maliyyə sabitliyinin təmin edilməsi və müflisləşməyə qarşı vaxtında tədbirlərin həyata keçirilməsi baxımından həm sahibkarlar üçün və həm də bütün tərəfdaşlar üçün maliyyə təhlilinin rolu və əhəmiyyəti xeyli artır. Hadisələrin sonrakı inkişafını proqnozlaşdırmaq və xoşagəlməz meyllərin vaxtında qarşısını almaq, yaxud zəifləmək üçün kəskin dəyişikliklərin səbəblərinin aşkara çıxarılması vacibdir. Müəssisənin maliyyə vəziyyətini xarakterizə edən əsas göstəricilərdən biri onun tədiyyəqabiliyyətidir. Müəssisənin tədiyyə qabiliyyəti dedikdə bağlanmış müqaviləyə uyğun malgöndərənlərin ödəniş tələbinin vaxtında yerinə yetirilməsi, kreditin qaytarılması, heyətə əmək haqqının verilməsi, büdcəyə köçürmələrin aparılması qabiliyyəti başa düşülür Maliyyə vəziyyətinin kompleks təhlili daxili və xarici amilləyin neqativ təsirinin aradan qaldırılması üzrə düzgün qərarın qəbuluna imkan verir. Sistemli maliyyə-iqtisadi təhlilin köməyilə müəssisənin maliyyə vəziyyətinin və investisiya cəlbediciliyinin proqnozlaşdırılması və planlaşdırılması, reytinq qiymətləndirilməsi müasir sistemini işləyib hazırlamaq mümkündür. Müəssisənin maliyyə vəziyyətinin təhlili onun bazarda mövqeyini müəyyənləşdirməyə, ölkədə, regionda və sahədə ümumi iqtisadi situasiyanı qiymətləndirməyə imkan verir. Məhz ona görə müəssisənin rəhbəri iqtisadçılar, maliyyəçilər, mühasiblər və auditorlar ilə birgə antiböhranlı idarəetmənin mühüm elementi kimi maliyyə vəziyyətinin komplek təhlili sistemini tətbiq etməlidir. Maliyyə təhlilinin köməyilə müəssisənin qısamüddətli və uzunmüddətli maliyyələşdirilməsi, səhmdarlara dividend ödənilməsi və iqtisadi artım ehtiyatlarının səfərbərliyə alınması üzrə qərarlar qəbul edilir. Hazırda istifadəçiləri, xüsusilə xarici istifadəçiləri müəssisənin maliyyə fəaliyyəti haqqında beynəlxalq standartlara uyğun tam və real informasiyalarla təmin edilməsi zəruriyyətə çevrilib. Bu baxımdan müəssisələrin informasiya təminatı pul vəsaitlərinin hərəkəti, mənfəətin formalaşması və bölgüsü üzrə əsaslandırılmış idarəetmə qərarlarının qəbuluna imkan yaradan istiqamətdə təşkil edilməlidir.
11.2. Müəssisənin maliyyə-təsərrüfat fəaliyyətinin təhlili metodları və
üsulları. Maliyyə təhlili dörd baza elementindən ibarətdir: təsərrüfat subyektlərinin idarə edilməsi sistemində maliyyə münasibətləri, maliyyə resursları, maliyyələşmə mənbələri və iqtisadi potensialdan istifadənin nəticələri. Maliyyə münasibətləri dedikdə müxtəlif təsərrüfat subyektləri arasında qurulan münasibələr başa düşülür, hansı ki həmin subyektlərin aktivlərinin, yaxud öhdəliklərinin tərkibində müəyyən dəyişikliklərə, yəni kontragentlərin əmlakının, yaxud maliyyə vəziyyətinin dəyişilməsinə səbəb olur. Maliyyə resurslarından söhbət gedərkən balansın aktivinin tərkibi və strukturunun təhlili nəzərdə tutulur, yəni aktivlərin iqtisadi məqsədyönlüyü əsaslandırılır, onların hansı mənbədən alınması aydınlaşdırılır. Maliyyə resurslarının səfərbərliyə alınması haqqında söhbət gedən zaman maliyyələşmə mənbələri üzrə analitik qərarların qəbuluna zərurət yaranır. Müəssisənin inkişaf strategiyası çərçivəsində vəsait cəlb edərkən müvafiq maliyyə alətlərinin əsaslandırılması tələb olunur. Maliyyə mənbələri üzrə maliyyə qərarlarının qəbulu zamanı kreditor borcları və qısamüddətli bank kreditləri arasında seçim aparmaq lazım gəlir. Iqtisadi potensialdan istifadənin nəticələri müəssisənin perspektiv inkişafının müəyyənləşdirilməsi üçün bir növ meyar sayılır. Ona görə də sahibkarlar malik olduqları potensialdan maksimum səmərəli istifadə olunması istiqamətində konkret tədbirlərin həyata keçirilməsinə ciddi səy göstərirlər. Beləliklə, mahiyyətcə maliyyə təhlili təsərrüfat subyektlərinin maliyyə vəziyyətinin qiymətləndirilməsi və səmərəliyinin yüksəldilməsi imkanlarının aşkara çıxarılması prosedurlarının müəyyən ardıcıllığını nəzərdə tutur. Bu isə öz növbəsində həmin elmi-praktiki istiqamətə məxsus metodla həyata keçirilir. Təsərrüfat subyektlərinin maliyyə diaqnostikası hesabatların nəticələrinin təfsirilə tamamlanır. Nəticələrin təqdim edilməsi məntiqi konstruktiv olmalıdır, yəni fəaliyyətin yaxşılaşdırılması yollarının axtarıb tapılmasına yönəldilməlidir. Belə tədqimat kimi SWOT – təhlil forması təklif edilir. SWOT – təhlil təsərrüfat subyektinin güclü və zəif tərəflərinin aşkara çıxarılmasına, biznes mühitinin öyrənilməsinə və potensial təhlükənin proqnozlaşdırılmasına, təhlükələrin neytrallaşdırılmasına, subyektin strateji və taktiki imkanlarının öyrənilməsinə, zəif tərəflərinin minimumlaşdırılması və güclü tərəflərin möhkəmləndirilməsi istiqamətində tövsiyələrin hazırlanmasına imkan verir. SWOT – təhlildə iqtisadi təhlilin kəmiyyət və keyfiyyət metodlarından istifadə olunur Müəssisənin maliyyə - təsərrüfat fəaliyyətinə təsir edən amilləri dörd qrupa ayırmaq olar: S – müəssisənin fəaliyyətinin güclü tərəfi; W – müəssisənin fəaliyyətinin zəif tərəfi; O – müəssisənin fəaliyyətinin yaxşılaşdırılması imkanları; T – müəssisənin üzləşdiyi təhlükələr. S və W müəssisənin fəaliyyətinin cari vəziyyəti və O və T – isə yaxın gələcəkdə müəssisənin fəaliyyətinin proqnozu ilə əlaqədardır. • SWOT – təhlil əsasında müəssisənin maliyyə menecmentinin təşkilinin təkmilləşdirilməsi istiqamətində tövsiyələr işləyib hazırlamaq və maliyyə diaqnostikası haqqında tam təsəvvür yaratmaq mümkündür. • Praktikada təsərrüfat subyektlərinin maliyyə fəaliyyətinin təhlilini apararkən üfüqi, şaquli, müqayisəli təhlil, amillər üzrə təhlil və maliyyə əmsalları metodlarından daha genişistifadə edilir. Üfüqi (müvəqqəti) təhlil metodu maliyyə hesabatının maddələrinin əvvəlki dövrün analoji maddələri ilə müqayisədə dəyişilməsi meyllərini aşkara çıxarmağa və onun əsasında artımın baza tempini hesablamağa imkan verir. Inflyasiya şəraitində üfüqi təhlil metodu öz əhəmiyyətini itirir, ondan yalnız məlumatların təsərrüfatdaxili müqayisəsində istifadə edilir. Şaquli (struktur) təhlil balansın ayrı – ayrı maddələrinin ümumi yekun göstəricilərində xüsusi çəkisini hesablamaq və onu əvvəlki dövrün məlumatları ilə müqayisə etmək, həmçinin maliyyə göstəricilərinin strukturunu müəyyənləşdirmək məqsədilə həyata keçirilir. • Üfüqi və şaquli təhlil metodları bir – birini qarşılıqlı şəkildə tamamlayırlar. Ona görə də maliyyə hesabının strukturunu və ayrı – ayrı göstəricilərinin dinamikasını xarakterizə edən analitik cədvəlin tərtibi mümkündür. • Müqayisəli təhlil həm müəssisənin fəaliyyətini xarakterizə edən göstəricilərin təsərrüfatdaxili və həm də rəqib firmaların analoji göstəriciləri ilə müqayisəsi əsasında həyata keçirilir. • Amillər üzrə təhlildə iki qarşılıqlı əlaqə vardır: funksional və stoxastik. Amillər üzrə təhlil sərt determinir, yaxud stoxastik modellər əsasında aparılır Bunlardan başqa amillər üzrə təhlilin müasir metodu mövcuddur. Müasir amillər üzrə təhlilin xüsusiyyəti ondan ibarətdir ki, qarşılıqlı əlaqəli çoxlu amillərin təsirini birgə qiymətləndirməyə, öz aralarında korelyasiya olunmayan amillərin tədqiqatda müşahidə edilməyən ilkin əlamətlərini ümumiləşdirməyə imkan verir. Bu müasir metod aşağıdakı məsələlərin həlli üçün nəzərdə tutulur: • - amillər arasında gizli, ancaq obyektiv qanunauygunluqların axtarıb tapılması və onların nəticə göstəricilərinə təsirinin qiymətləndirilməsi; • - çox az sayda ümumiləşdirilmiş amillərin öyrənilən təzahürlərinin təsviri; • - ilkin və ümumiləşdirilmiş amillər arasında stoxastik əlaqənin aşkara çıxarılması; • - ümumiləşdirilmiş amillərə reqresiya bərabərliyinin qurulması.
Maliyyə əmsalları təsərrüfat subyektlərinin iqtisadi fəaliyyətinin müxtəlif
tərəflərini, yəni ödəmə qabiliyyətini, maliyyə asılılığını, işgüzar aktivliyi, işin səmərəliliyini, səhmdar cəmiyyətin bazar xarakteristikasını və sairəni əks etdirirlər.
11.3. Müəssisənin maliyyə faliyyətinin qiymətləndirilməsi.
Maliyyə vəziyyətinin qiymətləndirilməsində əsas məqsəd öz daxili tələbatını ödəmək və xarici agentlər qarşısında öhdəliklərini yerinə yetirmək üçün müəssisənin potensial imkanlarını aşkara çıxartmaqdır. Müəssisənin maliyyə dayanaqlığı maliyyə resurslarının elə vəziyyətini əks etdirir ki, bu zaman müəssisə pul vəsaitləri ilə azad manevr edərək onlardan effektiv istifadə etmək yolu ilə məhsulun istehsalı və satışının fasiləsiz prosesini təmin etməyə qadirdir. Müəssisənin maliyyə hesabatının təhlili yolu ilə maliyyə-təsərrüfat fəaliyyətinin müxtəlif göstəriciləri arasında qarşılıqlı əlaqə və qarşılıqlı asılılıq aşkara çıxarılır. Əvvəlki illərdə müəssisə fəaliyyətinin təhlilinin və cari maliyyə vəziyyətinin qiymətləndirilməsinin nəticəsi maraqlı şəxslərə və təşkilatlara gələcək dövr üçün idarəetmə qərarları qəbul etməyə imkan verir. Müəssisənin maliyyə vəziyyəti vəsaitlərin tərkibi və yerləşdirilməsi, onların mənbələrinin strukturu, kapitalın dövretmə sürəti, vaxtında və tam həcmdə öz öhdəliklərinin yerinə yetirmək qabiliyyəti ilə xarakterizə edilir. Maliyyə vəziyyəti müəssisənin iqtisadi fəaliyyətini xarakterizə edən mühüm amildir. Maliyyə vəziyyəti müəssisənin rəqabətqabiliyyətinin, işgüzar əməkdaşlıqda onun potensialını müəyyən edir, müəssisənin özünün və tərəfdaşlarının maliyyə və digər münasibətlər üzrə iqtisadi maraqlarına nə dərəcədə təminat verdiyini qiymətləndirir. Müəssisənin maliyyə vəziyyətinin təhlili mütləq və nisbi əmsalların köməyilə aşağıdakı beş istiqamət üzrə aparılır : • balansın tərkibi və strukturunun qiymətləndirilməsi; • müəssisənin likvidlikinin və ödəməqabiliyyətinin qiymətləndirilməsi; • işgüzar aktivliyin qiymətləndirilməsi; • müəssisənin maliyyə dayanaqlığının qiymətləndirilməsi; • Rentabelliyin qiymətləndirilməsi.
Ödəməqabiliyyəti bütün kreditorlar tərəfindən təqdim edilən tələblərin və
borcların ödənilməsinə müəssisənin hazır olmasıdır. Bura uzunmüddətli borc vəsaitləri daxil edilmir, hansıki, qaytarılma müddəti əvvəlcədən məlumdur. Beləliklə, əgər müəssisə özünün bütün qısamüddətli öhdəlikləri üzrə hesablaşmaları aparmaq və fasiləsiz istehsal prosesini davam etdirmək vəziyyətindədirsə, onda o ödəməqabiliyyətli sayılır. Ödəmə qabiliyyəti müəssisənin maliyyə vəziyyətinin və onun dayanaqlığının xarici təzahür formasıdır. • Borcların ödənilməsi üçün potensial vəsait debitor borcları və müəssisənin malik olduğu əmtəə material qiymətli ehtiyatlar hesab edilir. Nəzəri cəhətdən borcların ödənilməsi müəssisənin dövriyyə vəsaitlərilə təmin edilir. Buna görə də müəssisə o zaman ödəməqabiliyyətli sayılır ki, onun dövriyyə vəsaitlərinin məbləği borclarının həcmindən xeyli çoxdur. • Ödəmə qabiliyyətinin qiymətləndirilməsi cari aktivlərin likvidliyinin xarakteristikası əsasında həyata keçirilir, hansıki, onların pul vəsaitinə çevrilməsi üçün zəruri vaxtı müəyyən edilir. Həmin aktivin pul vəsaitinə çevrilməsi vaxtı nə qədər az tələb olunarsa, onun likvidliyi bir o qədər yüksək olar. Müəssisənin likvidliyi balansın likvidliyinə nisbətən daha ümumi anlayışdır. Balansın likvidliyi yalnız daxili mənbələr hesabına ödəniş vəsaitlərinin axtarılmasını nəzərdə tutur. Ancaq müəssisə kənardan borc vəsaitləri cəlb edə bilər, əgər işgüzar dünyada uyğun imici və yüksək investisiya cəlbediciliyi varsa. Ödəmə qabiliyyəti və likvidlik anlayışları çox yaxındır. Belə ki, balansın likvidlik dərəcəsindən ödəmə qabiliyyəti bilavasitə asılıdır. Balansın likvidliyi müəssisənin ödəmə qabiliyyətinin əsasını təşkil edir. Müəssisənin maliyyə dayanaqlığı ehtiyatların və xərclərin təminedilmə səviyyəsi və onların formalaşmasının xüsusi və borc mənbələri, xüsusi və borc vəsaitlərinin həcminin nisbəti ilə müəy yən edilir, mütləq və nisbi göstəricilər sistemini xarakterizə edir. Praktiki iş maliyyə hesabatının məlumatları əsasında aparılır. Zəruri informasiya bazası kimi mühasibat balansı çıxış edir. İstehsal fəaliyyətinin gedişində müəssisədə əmtəə-material qiymətlilərin daim formalaşması gedir. Bunun üçün həm xüsusi dövriyyə vəsaitlərindən, həm də borc vəsaitlərindən istifadə olunur. Ehtiyatların və xərclərin formalaşması mənbələrini tam əks etdirmək üçün aşağıdakı mütləq göstəricilərdən istifadə olunur: • Xüsusi dövriyyə vəsaitlərinin miqdarı. O, xüsusi vəsait mənbələri və əsas vəsaitlər və qoyuluşlar arasında fərq kimi hesablanır. • Ehtiyatların və xərclərin formalaşması üçün xüsusi dövriyyə vəsaitlərinin və uzunmüddətli borc mənbələrinin miqdarı. • Ehtiyatların və xərclərin formalaşması üçün əsas vəsait mənbələrinin ümumi miqdarı. O, xüsusi dövriyyə vəsaitlərinin, uzunmüddətli və qısamüddətli kreditlərin və istiqraz vərəqlərinin məbləği kimi hesablanır. Müəssisənin maliyyə dayanaqlığı xüsusi və borc vəsaitlərinin vəziyyəti ilə xarakterizə olunur və maliyyə əmsalları sisteminin köməyilə təhlil edilir. Müəssisənin maliyyə-iqtisadi vəziyyətinin təhlilinin tamamlayıcı mərhələsi təsərrüfat fəaliyyətinin səmərəliliyinin qiymətləndirilməsidir. Müəssisənin təsərrüfat fəaliyyətinin səmərəliliyi işgüzar aktivlik və rentabellik göstəricilərinin vasitəsilə müəyyən edilir. İşgüzar aktivlik müəssisənin aktivlərinin nisbi miqdarını, yaxud istehsal prosesində onların istehlakının miqdarını əks etdirir. Rentabellik mənfəətin əsas normalaşdırılan dövriyyə istehsal fondlarına olan nisbəti kimi hesablanır. Dövriyyə vəsaitlərinin sürətlə dövretməsi onlara tələbatı azaldır, rentabelliyin artmasına və müəssisənin maliyyə vəziyyətinin yaxşılaşmasına gətirib çıxarır. İşgüzar aktivliyin kəmiyyət göstəricisi mütləq və nisbi meyarlarla: istehsal olunan məhsulun satış həcmi, mənfəət və müəssisənin aktivləri ilə müəyyən edilir. Mənfəət satışın həcminə və müəssisənin əmlakına nisbətən daha yüksək sürətlə artır. Buradan nəticə çıxarmaq lazımdır ki, istehsal və tədavül xərcləri azalmalıdır, müəssisənin resurslarından isə daha effektiv istifadə olunmalıdır. Geniş mənada rentabellilik gəlirlilik deməkdir. Rentabellilik göstəricinə aiddir: • aktivlərin rentabelliyi. O, xalis mənfəətin aktivlərə olan nisbətidir. • əsas fondların rentabelliliyi. Xalis mənfəətin əsas fondlara olan nisbətidir Mövzu 12. Müəssisə maliyyəsinin antiböhranlı idarə edilməsi.
12.1. Müəssisə maliyyəsinin antiböhranlı idarə edilməsinin mahiyyəti və
prinsipləri. 12.2. Maliyyə menecmenti sistemində təhlilin rolu və əhəmiyyəti. 12.3. Müəssisənin maliyyə faliyyətinin qiymətləndirilməsi.
12.1. Müəssisə maliyyəsinin antiböhranlı idarə edilməsinin mahiyyəti və
prinsipləri
Xarici və daxili mühit amillərinin daim dəyişilməsi şəraitində
müəssisənin təsərrüfat fəaliyyətinə və inkişafına ən böyük təhlükə yaradan maliyyə böhranıdır. Belə şəraitdə müəssisə özünün gələcək inkişafının antiböhranlı maliyyə strategiyasını formalaşdırır. Antiböhranlı maliyyə strategiyası müəssisənin antiböhranlı maliyyə idarə edilməsi prosesində işlənib hazırlanır. Antiböhranlı maliyyə idarə edilməsinin başlıca məqsədi müəssisənin maliyyə bərabərliyini təmin etmək və bazar dəyərinin azalması həcmini minimumlaşdırmaqdan ibarətdir. Antiböhranlı maliyyə idarə edilməsi aşağıdakı məsələlərin həllini nəzərdə tutur: - müəssisənin maliyyə vəziyyətinin diaqnostikası və maliyyə böhranın qarşısını almaq üçün zəruri tədbirlərin görülməsi; - müəssisənin tədiyyə qabiliyyətsizliyinin aradan qaldırılması; - müəssisənin maliyyə dayanıqlığının bərpa olunması; - müəssisənin müflisləşməsinin və ləğvinin qarşının alınması; - müəssisənin maliyyə böhranının neqativ nəticələrinin minimumlaşdırılması. Antiböhranlı maliyyə idarə edilməsi sistemi aşağıdakı prinsiplərə əsaslanır: - reaksiya verməyə hazır olmaq; - təcili reaksiya vermək; - qəbul edilən qərarların kompleksliyi; - hərəkətin alternativliyi; - idarəetmənin uyğunlaşması; - daxili resurslardan istifadənin prioritetliyi; - xarici sanasiyanın optimallığı; - effektivlik.
Antiböhranlı maliyyə idarə edilməsi maliyyə böhranının qarşısının
alınması, aradan qaldırılması və neqativ nəticələrinin minimumlaşdırılması üzrə idarəetmə qərarların işlənilməsi, qəbulu və reallaşdırılması prosesini ifadə edir. Müəssisənin antiböhranlı maliyyə idarə edilməsi prosesi aşağıdakı mərhələlər üzrə həyata keçirilməlidir:
- Maliyyə böhranının simptomlarını aşkarlamaq məqsədilə müəssisənin
maliyyə vəziyyətinin manitorinqinin aparılması; - Müəssisənin maliyyə vəziyyətinin diaqnostikası zamanı maliyyə böhranının qarşısını almaq üçün profilaktik tədbirlər sisteminin işlənib hazırlanması; - Diaqnostikada maliyyə böhranının patametrlərinin eyniləşdirilməsi; - Maliyyə böhranını şərtləndirən və gələcəkdə dərinləşməsi təhlükəsi olan amillərin aşkara çıxarılması; - Maliyyə böhranının aradan qaldırılması məqsədilə müəssisənin maliyyə imkanlarının qiymətləndirilməsi; - Müəssisənin böhranlı maliyyə vəziyyəti miqyasına adekvat müəssisənin maliyyə stabilliyi mexanizminin seçilməsi; - Müəssisənin maliyyə böhranından çıxması kompleks proqramının işlənilməsi və reallaşdırılması; - Maliyyə böhranının neqativ nəticələrinin aradan qaldırılması üzrə tədbirlərin hazırlanması və reallaşdırılması.
Müəssisənin antiböhranlı idarəetmə sistemində maliyyə
stabiləşdirməsinin daxili mexanizmlərindən geniş istifadə olunur. Bu mexanizmlərin uğurlu tətbiqi təkcə müflisləşmə təhlükəsinin maliyyə stresini çıxarmağa deyil, həm də borc kapitalının istifadəsindən asılılığı azaltmağa, iqtisadi inkişaf tempinin sürətlənməsinə imkan verir. Müəssisələrin sanasiyasını və strateji inkişaf məqsədlərinin reallaşdırılmasının təmin edən antiböhranlı idarə edilməsi sistemində onların yenidən təşkili mühüm rol oynayır. Maliyyə menecmenti mövqeyindən müəssisələrin yenidən təşkili təsərrüfat prosesində daha effektiv istifadə məqsədilə onların kapitallarının inteqrasiyası və diversifikasiyasını ifadə edir. Müəssisələrin yenidən təşkili prosesində kapitalın transformasiyasının hər bir forması, investisiya resursları sərf etmədən, nəzərdə tutulan inkişafın təmin edilməsinə yönəldilir. Ölkə qanunvericiliyinə uyğun olaraq müəssisələrin yenidən təşkili aşağıdakı formalarda həyata keçirilə bilər:
- Qovuşma iki və daha çox müəssisələrin bazasında onların varisi kimi
yeni müəssisənin yaradılmasını ifadə edir. - Birləşmə müəssisənin hüquqi şəxs kimi fəaliyyətinin dayandırılması və onun əmlak huququ və vəzifələrinin başqa müəssisəyə verilməsini nəzərdə tutur. - Bölünmə müəssisənin ləğv edilməsi və onun bazasında iki və daha çox yeni müstəqil müəssisələrin yaradılmasını nəzərdə tutur. - Ayrılma müəssisənin fəaliyyətini dayandırmadan ondan bir və ya bir neçə törəmə müəssisələrin yaradılmasını nəzərdə tutur. - Dəyişdirmə müəssisənin təşkilati – hüquqi formasının, yaxud mülkiyyət formasının dəyişdirilməsini xarakterizə edir.
12.2. Maliyyə menecmenti sistemində təhlilin rolu və əhəmiyyəti.
Müasir dövrdə maliyyə təhlilinə dair iki yanaşma mövcuddur. Birinci yanaşmada maliyyə təhlili geniş aspektdə başa düşülür və maliyyə menecmenti sisteminə daxil olan, yəni kapital bazarı da daxil olmaqla ətraf mühit kontekstində təsərrüfat subyektlərinin maliyyəsinin idarə edilməsi ilə əlaqədar analitik işlərin bütün bölmələrini əhatə edir. İkinci yanaşma maliyyə təhlilinin əhatə sferasının mühasibat uçotunun təhlili ilə məhdudlaşdırılmasını nəzərdə tutur. Maliyyə təhlilinin əsas xüsusiyyətləri aşağıdakılardan ibarətdir: • müəssisənin əmlakı və maliyyəsinin müasir vəziyyəti xarakterizə olunur; • müəssisənin tədiyyə qabiliyyəti, maliyyə dayanaqlığı və rentabellik göstəriciləri üzrə qiymətləndirilməsi aparılır; • ümumən aydın informasiyalara əsaslanır; • taktiki və strateji xarakterli qərarların informasiya təminatı; • təhlilin nəticələrini istənilən istifadəçilər üçün açıq olması • hesab-analitik prosedurların tərkibi və məzmunun uyğunlaşdırma imkanı • meyarlar sistemində pul ölçüsünün dominantlığı; • təhlilin yekunlarının yüksək etibarlıq səviyyəsi.
Maliyyə təhlili müəssisənin iqtisadi potensialından istifadənin vəziyyətini
və səmərəliliyini qiymətləndirmək, həmçinin idarəetmə qərarlarının qəbulu üçün nəzərdə tutulan maliyyə xarakterli etibarlı informasiyalara əsaslanan analitik prosedurların məcmusudur. Maliyyə təhlilinin nəticələri mülkiyyətçiyə (səhmdara), kreditorlara, investorlara, vergi xidmətlərinə, malgöndərənlərə, menecerə və müəssisənin rəhbərinə lazımdır. Maliyyə təhlilinin başlıca məqsədi müəssisənin maliyyə vəziyyətini obyektiv şəkildə xarakterizə edən əsas parametrləri, yəni aktiv və passivlərin strukturunda, debitor və kreditor borclarında, mənfəətdə və zərərin tərkibində baş verən dəyişiklikləri aşkara çıxarmaqdan ibarətdir. Maliyyə təhlilinin lokal məqsədlərinə aşağıdakıları aid etmək olar: • müəssisənin maliyyə vəziyyətinin öyrənilməsi, qiymətləndirilməsi; • maliyyə vəziyyətində baş verən dəyişikliklərin aşkara çıxarılması; • maliyyə vəziyyətində dəyişiklikləri yaradan amillərin müəyyən edilməsi • maliyyə vəziyyətinin inkişaf meyllərinin proqnozlaşdırılması Maliyyə menecerini həm müəssisənin cari maliyyə vəziyyəti və həm də onun perspektiv inkişafı haqqında analitik informasiyanın həcmi və keyfiyyəti maraqlandırır. Istehsal, təchizat, maliyyə, investisiya və innovasiya sferasında düzgün qərar qəbul etməkdən ötrü müəssisənin rəhbəri ilkin informasiyaların toplanması, təhlili və ümumiləşdirilməsi məsələsini həmişə diqqət mərkəzində saxlayır. Ümumiyyətlə, maliyyə təhlili maliyyə menecmentinin ayrılmaz tərkib hissəsi olub maliyyə hesabatı şəklində uçot informasiyalarına və idarəetmə uçotunun məlumatlarına əsaslanır, faktiki göstəriciləri planla və standartlarla müqayisə etməyə, daxili audit aparmağa, düzgün idarəetmə qərarlarının qəbuluna imkan verir. Təsərrüfat subyektlərinin maliyyə vəziyyətinin təhlilinin köməyilə maliyyə dayanaqlığını obyektiv qiymətləndirmək, maliyyə resurslarından istifadənin səmərəliliyini müəyyənləşdirmək, mümkün maliyyələşdirmə mənbələrini aşkara çıxarmaq mümkündür. Maliyyə resurslarının mövcudluğu, yerləşdirilməsi və istifadəsi haqqında informasiyaların dərindən təhlili vasitəsilə müəssisənin maliyyə vəziyyətini qiymətləndirmək olar. Müəssisənin maliyyə vəziyyəti malgöndərənlər, istehlakçılar, vergi orqanları, banklar və digər tərəfdaşlar ilə qarşılıqlı münasibətlərin qurulması prosesində formalaşır. Bazar iqtisadiyyatı şəraitində müəssisənin maliyyə sabitliyinin təmin edilməsi və müflisləşməyə qarşı vaxtında tədbirlərin həyata keçirilməsi baxımından həm sahibkarlar üçün və həm də bütün tərəfdaşlar üçün maliyyə təhlilinin rolu və əhəmiyyəti xeyli artır. Hadisələrin sonrakı inkişafını proqnozlaşdırmaq və xoşagəlməz meyllərin vaxtında qarşısını almaq, yaxud zəifləmək üçün kəskin dəyişikliklərin səbəblərinin aşkara çıxarılması vacibdir. Müəssisənin maliyyə vəziyyətini xarakterizə edən əsas göstəricilərdən biri onun tədiyyə qabiliyyətidir. Müəssisənin tədiyyə qabiliyyəti dedikdə bağlanmış müqaviləyə uyğun malgöndərənlərin ödəniş tələbinin vaxtında yerinə yetirilməsi, kreditin qaytarılması, heyətə əmək haqqının verilməsi, büdcəyə köçürmələrin aparılması qabiliyyəti başa düşülür Maliyyə vəziyyətinin kompleks təhlili daxili və xarici amilləyin neqativ təsirinin aradan qaldırılması üzrə düzgün qərarın qəbuluna imkan verir. Sistemli maliyyə-iqtisadi təhlilin köməyilə müəssisənin maliyyə vəziyyətinin və investisiya cəlbediciliyinin proqnozlaşdırılması və planlaşdırılması, reytinq qiymətləndirilməsi müasir sistemini işləyib hazırlamaq mümkündür. Müəssisənin maliyyə vəziyyətinin təhlili onun bazarda mövqeyini müəyyənləşdirməyə, ölkədə, regionda və sahədə ümumi iqtisadi situasiyanı qiymətləndirməyə imkan verir. Məhz ona görə müəssisənin rəhbəri iqtisadçılar, maliyyəçilər, mühasiblər və auditorlar ilə birgə antiböhranlı idarəetmənin mühüm elementi kimi maliyyə vəziyyətinin komplek təhlili sistemini tətbiq etməlidir. Maliyyə təhlilinin köməyilə müəssisənin qısamüddətli və uzunmüddətli maliyyələşdirilməsi, səhmdarlara dividend ödənilməsi və iqtisadi artım ehtiyatlarının səfərbərliyə alınması üzrə qərarlar qəbul edilir. Hazırda istifadəçiləri, xüsusilə xarici istifadəçiləri müəssisənin maliyyə fəaliyyəti haqqında beynəlxalq standartlara uyğun tam və real informasiyalarla təmin edilməsi zəruriyyətə çevrilib. Bu baxımdan müəssisələrin informasiya təminatı pul vəsaitlərinin hərəkəti, mənfəətin formalaşması və bölgüsü üzrə əsaslandırılmış idarəetmə qərarlarının qəbuluna imkan yaradan istiqamətdə təşkil edilməlidir.
12.3. Müəssisənin maliyyə faliyyətinin qiymətləndirilməsi.
Maliyyə vəziyyətinin qiymətləndirilməsində əsas məqsəd öz daxili tələbatını ödəmək və xarici agentlər qarşısında öhdəliklərini yerinə yetirmək üçün müəssisənin potensial imkanlarını aşkara çıxartmaqdır. Müəssisənin maliyyə dayanaqlığı maliyyə resurslarının elə vəziyyətini əks etdirir ki, bu zaman müəssisə pul vəsaitləri ilə azad manevr edərək onlardan effektiv istifadə etmək yolu ilə məhsulun istehsalı və satışının fasiləsiz prosesini təmin etməyə qadirdir. Müəssisənin maliyyə hesabatının təhlili yolu ilə maliyyə-təsərrüfat fəaliyyətinin müxtəlif göstəriciləri arasında qarşılıqlı əlaqə və qarşılıqlı asılılıq aşkara çıxarılır. Əvvəlki illərdə müəssisə fəaliyyətinin təhlilinin və cari maliyyə vəziyyətinin qiymətləndirilməsinin nəticəsi maraqlı şəxslərə və təşkilatlara gələcək dövr üçün idarəetmə qərarları qəbul etməyə imkan verir. Müəssisənin maliyyə vəziyyəti vəsaitlərin tərkibi və yerləşdirilməsi, onların mənbələrinin strukturu, kapitalın dövretmə sürəti, vaxtında və tam həcmdə öz öhdəliklərinin yerinə yetirmək qabiliyyəti ilə xarakterizə edilir. Maliyyə vəziyyəti müəssisənin iqtisadi fəaliyyətini xarakterizə edən mühüm amildir. Maliyyə vəziyyəti müəssisənin rəqabətqabiliyyətinin, işgüzar əməkdaşlıqda onun potensialını müəyyən edir, müəssisənin özünün və tərəfdaşlarının maliyyə və digər münasibətlər üzrə iqtisadi maraqlarına nə dərəcədə təminat verdiyini qiymətləndirir. Müəssisənin maliyyə vəziyyətinin təhlili mütləq və nisbi əmsalların köməyilə aşağıdakı beş istiqamət üzrə aparılır : • balansın tərkibi və strukturunun qiymətləndirilməsi; • müəssisənin likvidlikinin və ödəməqabiliyyətinin qiymətləndirilməsi; • işgüzar aktivliyin qiymətləndirilməsi; • müəssisənin maliyyə dayanaqlığının qiymətləndirilməsi; • Rentabelliyin qiymətləndirilməsi.
Ödəməqabiliyyəti bütün kreditorlar tərəfindən təqdim edilən tələblərin və
borcların ödənilməsinə müəssisənin hazır olmasıdır. Bura uzunmüddətli borc vəsaitləri daxil edilmir, hansıki, qaytarılma müddəti əvvəlcədən məlumdur. Beləliklə, əgər müəssisə özünün bütün qısamüddətli öhdəlikləri üzrə hesablaşmaları aparmaq və fasiləsiz istehsal prosesini davam etdirmək vəziyyətindədirsə, onda o ödəməqabiliyyətli sayılır. Ödəmə qabiliyyəti müəssisənin maliyyə vəziyyətinin və onun dayanaqlığının xarici təzahür formasıdır. • Borcların ödənilməsi üçün potensial vəsait debitor borcları və müəssisənin malik olduğu əmtəə material qiymətli ehtiyatlar hesab edilir. Nəzəri cəhətdən borcların ödənilməsi müəssisənin dövriyyə vəsaitlərilə təmin edilir. Buna görə də müəssisə o zaman ödəməqabiliyyətli sayılır ki, onun dövriyyə vəsaitlərinin məbləği borclarının həcmindən xeyli çoxdur. • Ödəmə qabiliyyətinin qiymətləndirilməsi cari aktivlərin likvidliyinin xarakteristikası əsasında həyata keçirilir, hansıki, onların pul vəsaitinə çevrilməsi üçün zəruri vaxtı müəyyən edilir. Həmin aktivin pul vəsaitinə çevrilməsi vaxtı nə qədər az tələb olunarsa, onun likvidliyi bir o qədər yüksək olar. Müəssisənin likvidliyi balansın likvidliyinə nisbətən daha ümumi anlayışdır. Balansın likvidliyi yalnız daxili mənbələr hesabına ödəniş vəsaitlərinin axtarılmasını nəzərdə tutur. Ancaq müəssisə kənardan borc vəsaitləri cəlb edə bilər, əgər işgüzar dünyada uyğun imici və yüksək investisiya cəlbediciliyi varsa. Ödəmə qabiliyyəti və likvidlik anlayışları çox yaxındır. Belə ki, balansın likvidlik dərəcəsindən ödəmə qabiliyyəti bilavasitə asılıdır. Balansın likvidliyi müəssisənin ödəmə qabiliyyətinin əsasını təşkil edir. Müəssisənin maliyyə dayanıqlığı ehtiyatların və xərclərin təminedilmə səviyyəsi və onların formalaşmasının xüsusi və borc mənbələri, xüsusi və borc vəsaitlərinin həcminin nisbəti ilə müəy yən edilir, mütləq və nisbi göstəricilər sistemini xarakterizə edir. Praktiki iş maliyyə hesabatının məlumatları əsasında aparılır. Zəruri informasiya bazası kimi mühasibat balansı çıxış edir. İstehsal fəaliyyətinin gedişində müəssisədə əmtəə-material qiymətlilərin daim formalaşması gedir. Bunun üçün həm xüsusi dövriyyə vəsaitlərindən, həm də borc vəsaitlərindən istifadə olunur. Ehtiyatların və xərclərin formalaşması mənbələrini tam əks etdirmək üçün aşağıdakı mütləq göstəricilərdən istifadə olunur: • Xüsusi dövriyyə vəsaitlərinin miqdarı. O, xüsusi vəsait mənbələri və əsas vəsaitlər və qoyuluşlar arasında fərq kimi hesablanır. • Ehtiyatların və xərclərin formalaşması üçün xüsusi dövriyyə vəsaitlərinin və uzunmüddətli borc mənbələrinin miqdarı. • Ehtiyatların və xərclərin formalaşması üçün əsas vəsait mənbələrinin ümumi miqdarı. O, xüsusi dövriyyə vəsaitlərinin, uzunmüddətli və qısamüddətli kreditlərin və istiqraz vərəqlərinin məbləği kimi hesablanır. Müəssisənin maliyyə dayanaqlığı xüsusi və borc vəsaitlərinin vəziyyəti ilə xarakterizə olunur və maliyyə əmsalları sisteminin köməyilə təhlil edilir. Müəssisənin maliyyə-iqtisadi vəziyyətinin təhlilinin tamamlayıcı mərhələsi təsərrüfat fəaliyyətinin səmərəliliyinin qiymətləndirilməsidir. Müəssisənin təsərrüfat fəaliyyətinin səmərəliliyi işgüzar aktivlik və rentabellik göstəricilərinin vasitəsilə müəyyən edilir. İşgüzar aktivlik müəssisənin aktivlərinin nisbi miqdarını, yaxud istehsal prosesində onların istehlakının miqdarını əks etdirir. Rentabellik mənfəətin əsas normalaşdırılan dövriyyə istehsal fondlarına olan nisbəti kimi hesablanır. Dövriyyə vəsaitlərinin sürətlə dövretməsi onlara tələbatı azaldır, rentabelliyin artmasına və müəssisənin maliyyə vəziyyətinin yaxşılaşmasına gətirib çıxarır. İşgüzar aktivliyin kəmiyyət göstəricisi mütləq və nisbi meyarlarla: istehsal olunan məhsulun satış həcmi, mənfəət və müəssisənin aktivləri ilə müəyyən edilir. Mənfəət satışın həcminə və müəssisənin əmlakına nisbətən daha yüksək sürətlə artır. Buradan nəticə çıxarmaq lazımdır ki, istehsal və tədavül xərcləri azalmalıdır, müəssisənin resurslarından isə daha effektiv istifadə olunmalıdır. Geniş mənada rentabellilik gəlirlilik deməkdir. Rentabellilik göstəricinə aiddir: • aktivlərin rentabelliyi. O, xalis mənfəətin aktivlərə olan nisbətidir. • əsas fondların rentabelliliyi. Xalis mənfəətin əsas fondlara olan nisbətidir