Professional Documents
Culture Documents
O Balonmán Galego 4º ESO
O Balonmán Galego 4º ESO
Un pouco de historia
Foron numerosos os xogos de pelota que utilizaron as mans ao longo da historia. O balonmán modernoé
relativamente recente.
A normalización do regulamento fíxose ao redor do ano 1926. ano en que se uniformaron as regras. No
comezo o xogo era entre equipos de once xogadores e ao aire libre, o denominado balonmán a 11. Dita
modalidade chegou a participar nos Xogos Olímpicos de Berlín 1936, pero co paso dos anos, o balonmán
comezou a practicarse en pista cuberta, o que fixo que o número de xogadores se reducise a sete. A pesar
de que durante un tempo conviviron o balonmán a once e a sete, só este último continuou, debutando
como deporte olímpico nos Xogos Olímpicos de Múnic 1972.
España obtivo moitos éxitos a nivel internacional neste deporte, tanto as seleccións nacionais femininae
masculina como os clubs de balonmán.
O xogo
Obxectivos
En ataque:
Manter a posesión do balón
Progresar transportando o balón hacia a portería superando a oposición do equipo contrario
Conseguir unha boa zona de lanzamento para algún xogador e pasarlle o balón
Lanzar a portería para conseguir gol
Desmarque
En defensa:
Recuperar o balón canto antes
Evitar a progresión do equipo contrario dificultando ao máximo as súas accións
Ocupar e pechar os espazos posibles de lanzamentos aos atacantes
Impedir o lanzamento a portería e que nos metan gol
Marcaxe
Terreo de xogo
As dimensións dun campo de balonmán son de 40x20 metros. Hai unha serie de liñas que debemos
coñecer para orientarnos e comprender mellor a dinámica do xogo.
As liñas que delimitan o campo pola súa banda lateral denomínanse Liñas de Banda. Aquelas situadas nos
fondos chámanse Liñas de Portería. A liña que divide o campo en dúas metades chámase Liña Central.
A liña situada a 6 metros de distancia da portería serve para delimitar a área de portería dentro da cal só
pode situarse o porteiro.
A liña descontinua situada a 9 metros da portería indícanos o lugar desde onde se efectuará o saque de
faltas ou “golpe franco” se son cometidas entre 9m. e 6m.
Ao segmento da liña de portería situada entre os dous postes chamarémoslle Liña de Gol.
Duración: Dous partes de 30 minutos, con 10 minutos de descanso.
Xogadores: Un equipo pode estar integrado por 14 xogadores ou xogadoras. Seis xogadores de
campo, un porteiro (ou sete de campo) e sete reservas. Poden xogar, como máximo, sete
xogadores por equipoá vez.
Cambios: Cada equipo pode realizar os cambios que queira, sempre que se realice pola zona
correspondente, zona de cambios, e deben saír antes os substituídos de que entren na cancha os
seus compañeiros. En competición os xogadores especialízanse en defensores e atacantes,
saíndo a xogar uns ou outros dependendo de se o equipo ten que atacar ou defender.
REGRAS QUE DEBEMOS RESPECTAR.
Pasos: Co balón nas mans só podemos dar 3 pasos, facer tres apoios, se damos 4 ou máis cometemos falta.
Dobres: Se un xogador bota e deixa de facelo (colle o balón) pode pasar, tirar ou dar outros 3 pasos, pero non
volver botar (se o fai comete dobres).
3 segundos: O xogador que ten o balón non pode estar todo o tempo que queira co balón na man sen facer
nada. Antes de que pasen 3 segundos, debe pasar, botar ou lanzar.
Pé: O balón pode xogarse con calquera parte do corpo de xeonllos para arriba. Se o facemos coa parte inferior
da perna ou os pés cometemos falta.
O porteiro: Dentro da área pode facer pasos, dobres, parar co pé... que non será sancionado. Pode saír da
área, pero se sae terá que cumprir as mesmas normas que o resto dos xogadores (non cometer dobres,
pasos…) e non poderá meterse ou saír da área de 6 metros co balón.
A área de portería: Os xogadores de campo non poden entrar na área de portería; nin sequera poden pisar a
liña da área. Un xogador pode caer dentro da área cando realiza un lanzamento a condición de que saltase
fose da área e lance a pelota no aire, antes de caer ao chan.
Todas as faltas sácanse desde o mesmo lugar onde se fixeron agás se a falta se comete entre as
liñas de 6 e 9 metros, neste caso a falta (ou golpe franco) sácase desde a liña de 9 metros
(descontinua).
Pasivo: Falta sancionada polo árbitro cando o equipo atacante non mostra unha intención de
atacar a portería contraria (perda de tempo) ou non é capaz de lanzar a portería.
Cando o equipo atacante comete falta, debe de deixar inmediatamente o balón no chan. Se o
xogador non o fai pode ser sancionado cunha exclusión de 2 minutos.
ELEMENTOS TÉCNICOS
Pase:
É a forma habitual de intercambiar o balón entre dous xogadores. Realízase cunha man. Hai
diferentes tipos:
Clásico ou Frontal
De pronación
Con bote ou picado
En suspensión
Rectificado
Por detrás, etc.
Recepción: Realízase preferentemente coas dúas mans. Os brazos e mans preparados para
amortecer o impacto do balón.
Bote: Lanzamento do balón ao chan sen perder o seu control. Debemos ter en conta que o medio
máis rápido e seguro de achegarse á área do equipo contrario é o pase. O bote permítenos
avanzar polo campo de forma rápida cando non temos a un compañeiro preto.
• En suspensión: cando se salta e realiza o lanzamento en salto. Pódese realizar lonxe da portería
para superar por arriba aos defensores.
• Rectificado: É moi difícil de executar, faise para sorprender aos defensas, consiste en que o
atacante tenta evitar ao defensor através da flexión lateral do tronco.
• Lanzamento de cadeira: É un
lanzamento que se realiza sacando o brazo
baixo a liña da cadeira. Este movemento faise
por baixo dos brazos do defensa
• En caída frontal: execútase cando o xogador que recibe a pelota atópase na liña de seis metros (a
área), deixándose caer cara adiante para achegarse á portería e lanzar antes de tocar o chan. Moi utilizado
polos pivotes.
Fintas: É unha acción que, por medio de movementos do corpo, pretende enganar ao adversario, superando
a súa oposición. Pode ser de ataque ou de defensa. As máis comúns son:
- Fintas de pase: o atacante fai crer ao defensa que pasará a pelota a un compañeiro, para logo
desprazarse ou lanzar a portería.
- Fintas de lanzamento: amaga un lanzamento e fai outro tipo de lanzamento ou pasa a un compañeiro
para que teña mellor opción de lanzamento.
- Fintas de desmarque: desequilibran ao defensa facéndolle crer que se desprazan cara a un lado e
rapidamente cambian de lado para superar ao defensor e poder recibir.
O desmarque: É unha acción individual cuxo obxectivo é superar ao defensor ocupando zonas eficacespara o
xogo.
A marcaxe: Son as accións que realiza un xogador defensor ao seu opoñente co obxectivo de impedir que
reciba o balón ou realice algunha xogada co seu equipo.
SANCIÓNS DISCIPLINARIAS
Exclusión: Se o xogador continúa mantendo a mesma actitude, o árbitro pode sancionalo excluíndoo do xogo
durante 2 minutos.
Descualificación: Un xogador pode ser descualificado por unha conduta antideportiva grave. Tamén será
descualificado a terceira exclusión de dous minutos. O xogador non poderá volver xogar, pero serásubstituído
por outro cando pasen os dous minutos.
A TÁCTICA
Enténdese por táctica, como o conxunto de accións individuais ou colectivas que se utilizan para lograr
un beneficio do equipo. Poden ser:
- Ofensivas: se estamos en posesión do balón, o obxectivo é conseguir gol.
- Defensivas se non estamos en posesión do balón, o obxectivo é evitar os goles do contrario e recuperar
a posesión do balón.
SISTEMAS DE ATAQUE
Para examinar os sistemas, debemos coñecer primeiro a colocación dos xogadores no campo, e dicir;
os seus postos específicos:
DEFENSA
BLOCAXES
É a técnica que permite a interceptación do balón na
súa traxectoria cara a portería.
O PORTEIRO
A principal función do gardameta é a de evitar os goles do equipo contrario. Trátase de xogadores cun perfil
xeralmente áxil, flexible, con bos reflexos e moi valentes. Dentro da súa área pode tocar o balón con calquera parte
do corpo. Pode saír ou entrar na súa área se non está en posesión do balón. Fóra é un xogador máis e ten as mesmas
regras que os demais.
SISTEMAS DE DEFENSA
En zona: repártese unha zona do campo a cada un dos defensas, de xeito que
cada un deles procurará defender a todo atacante que ocupe ou pase polo seu
espazo.