Axular edo Pedro Agerre Axular jaiotzako izen-deiturak Pedro
Agerre Azpilkueta zituen, baina bere jaiotetxeari hartutako Axular izenaz da ezagunagoa— (Axular baserria, Urdazubi, 1556 - Sara, 1644ko apirilaren 8a), apaiza izan zen. Inoizko euskal idazle handienetakoa da eta hark idatzitako Gero liburua dugu euskal literaturako lan nagusietakoa, euskara batua zehazteko balio ere izan duena, liburuan erabilitako lapurtera klasikoan oinarrituz. Jaiotzez nafarra, jaiotzezko Axular baserritik datorkio, Lapurdirekin mugan dagoen Urdazubikoa.
Axular hil baino urtebete lehenago inprimatu zen Gero, 1643an.
Axularrek Gero idatzi zuen. Berez, benetako izenburua Gero: bi partetan partitua eta berezia da.
Horri dagokionez, misterio txiki bat dago, alegia: zergatik jartzen
du liburua bi zatitan dagoela partiturik?
-Emmanuel Intxauspe eta Lafitte-ren ustez, bi zati horiek liburuan
bertan daude, baina idatzi zuenean adineko gizona zenez, lan guztia nahiko desordenaturik egin zuen. -Villasante eta Haritchelharren ustez, guregana iritsi den Gero lehenengo zatia da, eta bigarrena, berriz, ez zuen idazteko denborarik izan edo galdu egin da. Argi dago Axular maisu izan zela, eta askok jotzen dutela euskal prosaren maisutzat. Gero liburura itzuliz, aipatu behar da mezu argi bat duela: "gizonak luzamendutan aritu gabe, ekintza onak geroko utzi gabe, Jainkoarengan bildu behar du". Bertan erabiltzen duen hizkera Urdazubiko lapurtera da: erraza eta herrikoia.
Liburuaren egiturari dagokionez, hiru zati bereizten dira: "Gomendiozko