Yaddaş fiziologiyası Yaddaş prosesləri Hafizənin növləri Hafizənin tipləri Giriş “Hafizənin psixoloji mahiyyəti, hafizənin fizioloji əsaslari” adlı sərbəst işimdə hafizə haqqında anlayış, hafizənin növləri, insan psixologiyasındakı rolu haqqında məlumat verəcəyəm. Çünki insanın idrak fəaliyyətində hafizənin rolu böyükdür. Hafizə insan təcrübəsinin bünövrəsini təşkil edir.Keçmişdə baş verənlərin izini, eyni duyğuları yenidən tanıya bilirik. Bu, hafizə adlandırılan mürəkkəb psixi fəaliyyətdir . Hafizə müxtəlif yollarla əldə etdiyimiz bilgiləri ağlımızda tuta bilməkdir. Hafizə haqqında anlayış. İnsanın duyub və qavradıqlarının, psixikasında baş verənlərin hamısı izsiz ötüşmür, müəyyən mənada orada hifz olunur. Bəziləri isə ömürlük qalır. Keçmişdə baş verənlərin psixikada “izi”, işarələri, kodu, sürəti qalır. Bizlərdən hər birimiz təsdiq edə bilərik ki, təkrarən duyduğumuz və qavradıqlarımızı tanıyır və onu əvvəllərdə məhz o şəkildə yaşadığımızı söyləyərik. Psixikanın mühüm universal xüsusiyyətlərindən biri də informasiyanın fasiləsiz olaraq toplanması qabiliyyətidir. Bu proses psixi fəaliyyətin bütün dövr və sahələrini əhatə etməklə bir çox hallarda avtomatlaşır, hətta az qala qeyri-şüuri mahiyyət kəsb edir. Nümunə olaraq psixologiyada iki mötəbər tarixi fakt kimi göstərilən hadisəni vermək istərdik. Tamamilə savadsız qadın xəstələnir və həyəcanlı, yüksək tonla mənasını özünün də başa düşmədiyi yunan və latın dillərində danışmağa başlayır. Məlum olur ki, uşaqlıqda o keşişin yanında qulluqçu işləmişdir. Keşiş adətən antik klassiklərin əsərlərindən pafosla parçalar oxuyarmış. Qadın isə qeyri-ixtiyari olaraq onları yadda saxlamış, lakin xəstələnənə qədər bunu heç özü də bilməmişdir. Aptekdə gipnoz edilmiş şəxs dərmanların üzərindəki yüzlərlə yazını, dərman adlarını əzbərdən söyləmişdir. Halbuki onun tibblə heç vaxt bağlılığı olmamışdır. Hafizə bütün canlılarda vardır. Hətta, bitkilərin də yaddaşının olması ilə bağlı elmi fikirlər söylənilir. Geniş mənada, hafizəni canlı orqanizmin informasiyanı təsbit edən anadangəlmə və həyatda qazanılan mexanizm kimi etmək olar. Hafizə keçmiş təcrübənin beyində nəqşləndirilməsi, yadda saxlanması sayəsində sonralar onun tanınma və yada salınmasından ibarət mürəkkəb psixi fəaliyyətdir.(1. Səh.280) Hafizənin insan həyatında və fəaliyyətində əhəmiyyəti olduqca böyükdür. Əgər hafizə olmasaydı hər şey insana həmişə yeni görünərdi. Hafizə olmasaydı insan «əbədi olaraq yeni doğulmuş uşaq vəziyyətində qalardı» (İ.Seçenov). Bütün psixi proseslərin ən mühüm xarakteristikası olan hafizə insan şəxsiyyətinin vahidliyini və tamlığını təmin edir.(1. Səh.281) Hafizə və onun mexanizmləri ta qədim zamanlardan mütəfəkkirlərin diqqətini cəlb edən bir problem olmuşdur. Bu baxımdan hafizənin psixoloji, fizioloji, biokimyəvi və s. Nəzəriyyələri meydana çıxmışdır. Hafizənin psixoloji nəzəriyyəsində hələ vaxtilə Aristotelin irəli sürdüyü assosiasiya anlayışı xüsusilə diqqəti cəlb edir. Bu anlayış bütün psixi törəmələrdə məcburi prinsip kimi irəli sürülmüşdür. Bu prinsipə görə əgər müəyyən psixi törəmələr şüurda eyni vaxtda və ya bir-birinin ardınca meydana gəlirsə, onların arasında assosiativ əlaqə yaranır və bu əlaqələrin hər hansı bir ünsürü yenidən canlandıqda şüurda mütləq onun bütün ünsürlərinin təsəvvürünü yaradır. Assosionistlər obyektlərin məkan-zaman yaxınlığından, oxşarlığından və fərqindən asılı olaraq üç assosiasiya tipini ayırmışlar: qonşuluq üzrə, oxşarlıq üzrə, əkslik üzrə. Bunların yaddasaxlama və yadasalmada əsas rol oynadığını göstərmişlər. Hafizə haqqında fizioloji nəzəriyyənin əsasını akademik İ.P.Pavlov qoymuşdur. Bu İ.P.Pavlovun ali sinir fəaliyyətinin qanunauyğunluqları haqqında təliminin əsas müddəaları ilə sıx bağlıdır. Başqa sözlə, fizioloji nəzəriyyə hafizənin fizioloji əsasını beyin qabığında müvəqqəti əlaqələrin yaranması, möhkəmlənməsi və canlanması ilə bağlayır. Hafizə haqqında biokimyəvi nəzəriyyə tərəfdarları belə hesab edirlər ki, beyində müəyyən üzvlərin möhkəmlənməsi, hifz edilməsi və yada salınması proseslərinin mexanizmləri əsasında xarici qıcıqlandırıcıların təsiri altında sinir hüceyrələrində baş verən spesifik kimyəvi dəyişmələr durur. Hafizə mərkəzi harada yerləşir? Son illərdə aparılan psixoloji tədqiqatlar təsdiq edir ki, yadasalma və xatırlama emosiya və motivasiya ilə sıx bağlıdır. Məlum olur ki, informasiyanın möhkəmləndirilməsində psixikanın affektiv və motivasiya fəallığını təmin edən qabıqaltı sahə əhəmiyyətli rol oynayır.Bütövlükdə beynin psixi funksiyasının lokalizasiyası hələ də tamamilə öyrənilməmişdir. Hələ də informasiyaların beyində necə kodlaşdırılması, deyək ki, görmə reseptorlarının məlumatlarının necə və beynin hansı sahəsində qorunduğunu tamamilə öyrənmək mümkün olmamışdır.Beyində psixi funksiyanın necə lokallaşdırılması haqqında ilkin məlumatlar beyin travmaları almış xəstələri müşahidə etməklə toplanmışdır. Müəyyənləşdirilmişdir ki, beynin arxa nahiyəsinin zədələnməsi görmənin, alın nahiyəsinin zədələnməsi emosiyanın, sol yarımkürənin zədələnməsi nitqin pozulmasına səbəb olur. Lakin son zamanlara qədər çoxluğun təəccübünə səbəb olan fakt ondan ibarət idi ki, yalnız heyvanlarda deyil, həm də insanlarda da beynin böyük bir sahəsinin zədələnməsinə baxmayaraq, hafizə pozulmur. Qəbul edilən yeganə qanunauyğunluq ondan ibarət idi ki, beynin daha çox zədələnməsi ilə hafizənin pozulması arasında asılılıq mövcuddur. Bu kütlənin təsiri qanunu adlanır. Yəni beyin toxumalarının pozulması nisbəti ilə hafizənin pozulması nisbəti düz mütənasibdir. Hətta, beynin cərrahiyyə yolu ilə 20 faizi götürüldükdə belə, hafizə itmir. Elə bu səbəbdən də hafizə mərkəzinin lokalizasiyasının olmasına şübhə yarandı. Bəzi psixoloqlar isə hesab edirdilər ki, hafizə orqanı bütövlükdə beyindir. Son vaxtlar baş verən iki elmi yenilik psixikanın informasiya mərkəzinin dəqiq öyrənilməsinə ümidləri artırmışdır. Birinci, müəyyənləşdirilmişdir ki, beynin bir sıra sahələrinə təsir göstərilməsi nəticəsində şüurda mürəkkəb zəncirvari yadasalma baş verir. Yəni insan çoxdan unutduqlarını xatırlayır. Cərrahiyyə əməliyyatından sonra unutduqlarını asanlıqla yada sala bilir. İkinci, müəyyənləşdirilmişdir ki, hafizə mərkəzi və ya hər halda məlumatların qısamüddətli hafizədən uzunmüddətli hafizəyə ötürülməsini tənzim edən sahəsinin fəaliyyəti yeni informasiya daxil olanadək mümkün olmur. Bu mərkəz «qippokamp» adlanır və beynin gicgah sahəsində yerləşir. Qippokampın iki tərəfli götürülməsindən sonra xəstələr cərrahiyyə əməliyyatına qədər baş verənləri yada salır, lakin əməliyyatdan sonra baş verənləri isə yada sala bilmirlər. Əvvəllər toplanmış informasiyaların harada qorunduğu sualı hələ də öyrənilməmiş qalır.(1. Səh.283) Hafizə probleminin yekun həlli uzun illər boyu psixologiya və fiziologiyanın mübahisə obyekti olmuşdur. Onun həlli beyində informasiya daşıyıcısı olan fiziki təbiətinin (molekullar, zülallar və s.) öyrənilməsi nəticəsində mümkün olacaqdır. Müəyyən materialı yadda saxlamaq həyat və fəaliyyət prosesində toplanan fərdi təcrübə ilə bağlıdır. Yadda saxlanılanlardan gələcək fəaliyyətdə istifadə olunması yadasalma tələb edir. Müəyyən materialın fəaliyyətdən çıxması unutma ilə nəticələnir. İnsan davranışının hər bir anı onun bütün həyat təcrübəsi ilə müəyyən edildiyinə görə, materialın hafizədə hifz olunması həmin materialın şəxsiyyətin fəaliyyətində iştirakından asılıdır. Hafizə şəxsiyyətin psixi həyatının mühüm,həlledici xüsusiyyətidir. Bizim şüurumuzda əksini tapan və hafizədə möhkəmlənən ayrı-ayrı hadisələr, faktlar, əşyalar arasındakı əlaqə assosiasiya adlanır. Yunan dilindən tərcümədə assosiasiya «birləşdirmə», «əlaqə» mənasını verir. Bu əlaqələrsiz, başqa sözlə, assosiasiyalarsız insanın normal psixi fəaliyyəti mümkün deyil. Xarici aləmin hadisələri arasındakı münasibətlərin tipinə uyğun olaraq assosiasiyanın 3 növünü göstərirlər: - Qonşuluq; - Oxşarlıq; - Əkslik. Qonşuluq assosiasiyasının əsasında əşya və hadisələr arasındakı zaman və məkan münasibətləri dayanır. Hər hansı bir cisim və ya hadisənin qavranılması, yaxud onun haqqında təsəvvür, onunla bir zamanda və ya bilavasitə ondan sonra qavranılmış cisim və ya hadisə təsəvvürünün canlanmasına səbəb olur. (Məsələn, təsadüfən orta məktəb yoldaşına rast gəlmək) Oxşarlıq assosiasiyası əşya və hadisələr bir-birinə oxşadıqda, təzahür edir. Hər hansı bir cismin qavranılması və ya onun haqqında təsəvvür, ona oxşar başqa cismin təsəvvürünü canlandırır. (Məsələn, dostumuza oxşar bir nəfər gördükdə, onun haqqında təsəvvür yaradırıq). Əkslik assosiasiyası bir-birilə təzad təşkil edən əşya və hadisələrin nəticəsində baş verir. (Məsələn, müdavim pis qiymət alanda, aldığı yaxşı qiyməti xatırlayır). Assosiasiyanın konkret məzmunu bir sıra şərtlərlə, o cümlədən insanın peşə fəaliyyəti və maraqları ilə bağlıdır.Hər bir hafizə prosesinin öz xüsusiyyətləri vardır. Dərk olunan cisim və hadisələrin yadda saxlanması, yada salınması və tanınması hafizə prosesləri adlanır.Psixologiyada hafizə prosesləri dedikdə yaddasaxlama, yadasalma, hifzetmə və unutma nəzərdə tutulur. Yaddasaxlama əgər bizim iradəmizdən asılı olmayaraq baş verirsə, onda o, qeyri-ixtiyari adlanır. Yox, əgər hər hansı cism və ya hadisənin yadda saxlanmasını məqsəd kimi qarşıya qoyuruq və bundan ötrü müəyyən iradi səy göstəririksə, bu ixtiyari yaddasaxlama adlanır. Yaddasaxlama mexaniki və mənali olur. Mexaniki yaddasaxlamada materialı sadəcə olaraq təkrarlamaq yolu ilə yadda saxlamağa çalışırlar. Mənalı və ya məntiqi yaddasaxlamada isə material mənimsənilərək, müxtəlif üsul və fəndlərdən istifadə yolu ilə hafizəyə yerləşdirilir. (3. Səh.56) Hifzetmə hafizədə olan materialın daha da dərindən və uzun müddətə qorunub saxlanmasına xidmət edir. Nəyi isə hafizədə saxlayan insan, onu ümumiləşdirərək möhkəmləndirməyə çalışır. Hafizədə o material uzun müddət qalır ki, o material yaxşı mənalandırılsın. İnsanda dərin marağa səbəb olan, güclü təəssürat yaradan, gələcək fəaliyyət zamanı lazım olan material hafizədə daha yaxşı möhkəmlənir. Təkrarın özü də hifzetməyə imkan yaradır. Düzgün iş rejimi, iş və istirahətin vaxtında həyata keçirilməsi, normal yuxu bu işdə böyük əhəmiyyət kəsb edir. Yaddasaxlamanın əksi olan hafizə prosesi unutmadır. Unutmanın dərəcəsi materialın təkrar edilməsindən asılı olur. Xəstəlik və güclü sarsıntı unutmaya səbəb olur. Çətin şəraitdə güclü emosional stress tam və qismən unutma ilə nəticələnir. Yorğunluq özü də analoji mənadə bu prosesə təsir edir. Hafizə proseslərindən biri də yadasalmadır. Yadasalma ixtiyari və qeyriixtiyari ola bilər. Yadasalmanın tamlığı və dəqiqliyi yaddasaxlama və hifzetmənin göstəriciləridir. Xatırlama zamanı müxtəlif üsullardan istifadə olunur. Xatırlamaq üçün hadisənin baş verdiyi şəraiti yada salmağa cəhd etmək lazımdır. Bundan başqa hadisənin baş verdiyi yerdə yaxşı məlum olan obyektlərin xatırlanması bu prosesə müsbət təsir edir. Yadasalmanın nisbətən asan forması tanımadır. Tanıma obyektin təkrarən qavranılması sayəsində baş verir. Tanıma tam və qismən ola bilər. Yaddaş fiziologiyası Yaddaş sinir toxumasının stimulların təsiri altında dəyişmək, sinir həyəcanının izlərini saxlamaq xassəsinə əsaslanır. Təbii ki, əvvəlki təsirlərin izləri yaş qumda insan ayaq izləri kimi bir növ izlər kimi başa düşülə bilməz. Bu halda izlər dedikdə neyronlarda müəyyən elektrokimyəvi və biokimyəvi dəyişikliklər başa düşülür (izlərin gücü elektrokimyəvi və ya biokimyəvi dəyişikliklərin baş verməsindən asılıdır). Bu izlər müəyyən şəraitdə canlana bilər (və ya necə deyərlər, aktuallaşa bilər), yəni göstərilən dəyişikliklərə səbəb olan stimul olmadıqda onlarda həyəcanlanma prosesi baş verir. Yaddaşın ən sadə forması sadə sinir sisteminə malik heyvanlarda (dəniz ilbizində) özünü büruzə verən adətetmə və sensitizasiyadır. Adətetmə yaddaşın və təlimin sadə formalarının əsasında durur, bu vaxt nisbətən neytral qıcıq çoxlu sayda canlı orqanizmə təsir edir. Ali sinir sisteminə malik heyvan və insanlarda yaddaş prosesi baş beyinin funksiyaları ilə əlaqədardır. Yaddaşın mexanizmlərinə müxtəlif səviyyələrdə, müxtəlif nöqteyi- nəzərdən baxmaq olar. Əgər assosiasiyaların psixoloji konsepsiyasından çıxış etsək, onda onların formalaşmasının fizioloji mexanizmi müvəqqəti sinir əlaqələridir. Korteksdə sinir proseslərinin hərəkəti iz buraxır, yeni sinir yolları kəsilir, yəni neyronlarda dəyişikliklər Nİ-ni asanlaşdıran şeyə səbəb olur. Beləliklə, müvəqqəti əlaqələrin formalaşması və qorunması baş verir. Onların məhv olması və dirçəlişi fizioloji xarakter daşıyır və assosiasiyaların əsasını təşkil edir. İ. P. Pavlov bu barədə demirdir : “Müvəqqəti sinir əlaqəsi heyvanlar aləmində və özümüzdə ən universal fizioloji hadisədir və eyni zamanda, bu, həm də zehnidir.Yəni psixoloqların assosiasiya adlandırdıqları şey, hər cür hərəkətlərdən, təəssüratlardan və ya hərflərdən, sözlərdən və düşüncələrdən əlaqələrin formalaşmasıdır.Hal-hazırda yaddaş mexanizmlərinin vahid nəzəriyyəsi yoxdur.Daha inandırıcı olan sinir nəzəriyyəsi odur ki, neyronların biocərəyanların dövr etdiyi dövrələri meydana gətirməsi ideyasından irəli gəlir. Biocərəyanların təsiri altında sinapslarda (sinir hüceyrələrinin qovşaqlarında) dəyişikliklər baş verir ki, bu da biocərəyanların bu yollar boyunca sonrakı keçidini asanlaşdırır. Neyron zəncirlərinin müxtəlif təbiəti bu və ya digər sabit məlumatlara uyğun gəlmir. Başqa bir nəzəriyyə, yaddaşın molekulyar nəzəriyyəsi hesab edilir ki, neyronların protoplazmasında biocərəyanların təsiri altında beynə daxil olan məlumatların “qeyd edildiyi” xüsusi protein molekulları əmələ gəlir təxminən sözlər və musiqilər qeydə alınır.Alimlər hətta ölmüş heyvanın beynindən “yaddaş molekulları” adlandırdıqları şeyi çıxarmağa çalışırlar. Və sonra tamamilə müxtəlif fərziyyələr var ki, nə vaxtsa mərhumun beynindən “yaddaş molekulları” çıxarıla bilər (hətta laboratoriyalarda sintez edilə bilər), “yaddaş həbləri” və ya inyeksiya üçün xüsusi maye hazırlana bilər və beləliklə,başqa insanın beyninə bilik köçürülə bilər. Bu cür fərziyyələr şübhəsiz ki, yaddaşın molekulyar nəzəriyyəsini poza bilər. Yaddaş mürəkkəb bir zehni fəaliyyətdir. Ayrı-ayrı prosesləri ehtiva edir. Əsas olanlar əzbərləmə, saxlama (və müvafiq olaraq unutma), çoxalma və tanınmadır.(5.) Yaddaş prosesləri Hafizənin yaddasaxlama, yadasalma, tanıma və unutma kimi prosesləri vardır. Hafizə psixikanın funksional bütövlüyünün, üç mühüm prosesin nəticəsində yaranır. Onlardan birincisi yaddasaxlamadır. Bu prosesdə beynə daxil olan müxtəlif informasiyaların təhlili, identifikasiyası və kodlaşdırılması aparılır. Hafizə prosesinin ikinci mərhələsi informasiyanın hifz olunmasıdır. Prosesin üçüncü mərhələsi ixtiyari və ya qeyriixtiyari yadasalmadır. İnformasiyanın yada salınmasını haqlı olaraq hafizənin əsas funksiyası, insanın öz təcrübəsindən istifadə edə bilməsinin əsası hesab edirlər. Yaddasaxlama duyub qavradıqlarımızın beyində hifz olunması prosesidir. Bu zaman yeni qavranılanların əvvəllər əldə etdiklərimizlə əlaqələndirilməsi yolu ilə möhkəmləndirilməsi baş verir. Anlamadan asılı olaraq yaddasaxlamanın məntiqi və mexaniki növləri mövcuddur. Məntiqi yaddasaxlamanın əsasında anlama dayanır. Bu zaman insan öyrəndiklərini öz sözləri ilə ifadə edə bilir. Mexaniki yaddasaxlama isə quru əzbərləmə, bəzən mənaya əhəmiyyət vermədən yaddasaxlamadır. Adətən mexaniki olaraq yadda saxlayan şagird və ya tələbə materialın ayrı-ayrı hissələrini ayrılıqda yada sala bilmir.Ən fərdiləşdirilmiş psixi hadisələrdən hesab olunan hafizə çoxsaylı amillərdən: beynin xüsusiyyətlərindən, mərkəzi sinir sistemindən,mühitdən,fəaliyyətin xarakterindən və şəxsiyyətin növündən asılıdır. Məhz bu səbəbdən yadda saxlamanın ən ümumi qanunauyğunluqlarını müəyyənləşdirmək xeyli çətindir və daha çətini isə onun səmərəli şəkildə idarə edilməsini öyrənməkdən ibarətdir. Baxmayaraq ki, hafizənin təkmilləşdirilməsi ilə bağlı çoxsaylı metodikalar işlənmiş, tövsiyələr hazırlanmışdır. Alman psixoloqu Q.Ebbinhauz materiala məna və emosional münasibətlərdən asılı olaraq mexaniki yaddasaxlamanın 16 qanunauyğunluqlarını özündə birləşdirən vahid sistem təklif etmişdir. Onlardan bir neçəsini nəzərdən keçirək.(1. Səh.284) 1. İnsana ilk dəfə təsir göstərən xarici təzyiqi o daha güclü və uzunmüddətli yadda saxlayır. 2. Güclü emosional reaksiya doğurmayan, lakin kifayət qədər mürəkkəb olan informasiya hafizədə hifz olunmur. 3. Diqqətin mərkəzləşdirilməsi nə qədər güclü olarsa, yaddasaxlama da o qədər sürətli baş verir. 4. Çoxsaylı fakt və təəssüratların əvvəli və sonu daha yaxşı yadda saxlanılır. 5. Təkrar yaddasaxlamanın daha səmərəli yoludur. 6. Məntiqi əlaqəsi və bir-birilə sıx bağlı olan fakt və hadisələr daha asan yadda saxlanılır. Çünki bu zaman assosiativ təəssürat daha asan və sistemli olur. Burada sanki əşya və hadisənin elementlərinin yadda saxlanması bir-biri ilə sıx bağlanır.Qarşıya qoyulan məqsəddən asılı olaraq yaddasaxlamanın qeyri- ixtiyari və ixtiyari növlərini qeyd edirlər. Qeyri-ixtiyari yaddasaxlama qarşıya məqsəd qoymadan duyub-qavradıqlarımızın yadda saxlanmasıdır. Çox vaxt bizə emosional təsir bağışlayan material qeyri ixtiyari olaraq yadımızda qalır. Ixtiyari yaddasaxlama isə qarşıya qoyduğumuz məqsədlə bağlı olur. Ona görə də ixtiyari yaddasaxlamanı xüsusi mnemik iş kimi xarakterizə edirlər. İxtiyari yaddasaxlamanın müvəffəqiyyəti, məhsuldarlığı mnemik məqsədin xüsusiyyətindən asılı olur. İxtiyari yaddasaxlamanın məhsuldarlığı üçün mühüm şərt kimi yadda saxlanılacaq materialın planını tutmaq, qarşıya yaddasaxlama, uzun müddətdə yaddasaxlama məqsədi qoymaq, material təsnif etmək, sistemləşdirmək, öyrəndiklərini təxəyyüldə canlandırmaq və s. zəruridir. Prinsipcə hər bir insanın hafizəsi, xüsusilə, qeyriixtiyari yaddasaxlamanın seçiciliyi baxımından fərqlənir.Ixtiyarı yaddasaxlamanın müvəffəqiyyəti isə qavranılan informasiyanın xarakteri ilə bağlıdır. Məsələn, tanışları və ya qohumlarında keçirilən qonaqlığın yada salınmasına diqqət yetirək. Bəziləri (xüsusilə qadınlar) kimin və necə geyindiyini, digərləri kimin nə və necə yediyini, üçüncülər isə (yeri gəlmişkən çox az qismi) məclisin ümumi təsvirini və söhbətlərin məzmununu xatırlayacaqdır.Yaddasaxlamanın davamlılığından asılı olaraq qısamüddətli və uzunmüddətli növləri də vardır. Qısamüddətli Yaddasaxlama saniyə və dəqiqələrlə, uzunmüddətli yaddasaxlama isə saatlarla, günlər, aylar, illərlə ölçülür.Yaddasaxlamanın bir növü kimi süni yolla assosiasiya yaradaraq yaddasaxlamanı da qeyd edirlər. Bu cür yaddasaxlama mnemonik yaddasaxlama adlanır.Məsələn,20.07 Rəqəmini yaddasaxlamaq üçün 2007-ci ili yada salmaq kifayətdir. Yaxud yeni tanış olduğumuz adamın adını həmin adda olan yaxın adamımızın adı ilə eyni olduğuna görə yadda saxlayırıq.Yadasalma əvvəllər psixikada möhkəmlənmiş məzmunun uzunmüddətli hafizədən operativ hafizəyə gətirilməsi nəticəsində aktuallaşdırılması, xatırlanmasından ibarət olan hafizə prosesidir. Yadasalma da ixtiyari və qeyriixtiyari olur. Beyində hifz olunanların qısa müddətdən sonra yenidən yada salınması xeyli çətin baş verir, əsasən, 2-4 gündən sonra daha aydın və əhatəli yada salınır. Yadasalmada hadisələrin hansı konteksdə baş verdiyi mühüm əhəmiyyət kəsb edir. Məsələn, köhnə əşyalar, kitablar, ev, uşaqlığn keçdiyi yerlər və onlarla bağlı olanlar daha güclü təsir edir. Bu mənada Zeyqarnik effekti maraq kəsb edir. Təbii sonluğu olmayan vəziyyətləri, tamamlanmayan hərəkətləri insanlar daha yaxşı yadda saxlayır. Əgər biz yeməyi, içməyi sona çatdıra bilmir, arzu etdiyinə çata bilməyə az qalmış, amma çatmadıqda bu daha uzun müddət yadda saxlanılır, nəinki asanlıqla əldə edilən. Hafizənin bu xüsusiyyəti onunla bağlıdır ki, tamamlanmamış hərəkətlər mənfi emosiyaların mənbəyi olduğundan müsbət emosiyalara nisbətən daha güclü təsirə malikdir. Məhz buna görə də adamlar uğursuz sevgini, bədbəxt hadisələri, xəstəliyi, əzablarını, həyəcanlarını daha dəqiq və aydın yadda saxlayırlar.Tanımaya gəldikdə o, hər hansı bir obyekti yenidən qavrama zamanı yada salmaqdan ibarətdir. Tanıma olmasaydı biz cisimləri artıq bizə tanış olan kimi deyil, yeni cisim kimi qavrayardıq. Unutma. Hafizə ilə bağlı çətinliklər yadasalmadan daha çox xatırlama ilə əlaqədardır. Müasir psixologiyanın bir çox tədqiqatları sübut edir ki, sağlam beyində informasiyalar uzun müddəti hifz olunsa da onların çox hissəsi istifadə olunmamı qalır. Praktiki olaraq böyük əksəriyyəti «əlçatmaz» olur, «unudulur», amma deyirlər ki, onlar bunu bilirdi, oxumuşdu, eşitmişdi və s. Psixoloqlar bunu unutma adlandırırlar. Yəni psixikada olan informasiyalar dəqiqliyini, aydınlığını itirir və ya azalır. Q.Ebbinhauzun təcrübəsi bu baxımdan maraqlıdır. O, sübut edir ki, öyrənilən materialın 40 faizi yarım saat sonra, 66 faiizi bir gündən sonra, 75 faizi üç gündən sonra, 79 faizi bir aydan sonra unudulur. Əlbəttə, burada fərdi xüsusiyyətlər, materialın mənalılığı, əhəmiyyətliliyi də böyük rol oynayır. Göründüyü kimi, unutmada başlıca yeri vaxt tutur. Lakin psixika üçün paradoksal hallar da xasdır. Məsələn, yaşlı adamlar indicə, az müddət əvvəl eĢitdiklərini asanlıqla unutduqları halda, uzaq keçmişdə baş verənləri çox da çətinlik çəkmədən və aydın xatırlayırlar. Bu fonomen «Ribo qanunu» adlanır. Unutmanın ikinci mühüm amili adətən mövcud informasiyadan aktiv istifadə olunmasıdır. O şeylər daha tez unudulur ki, ona az tələbat olur və ya ehtiyac olmur. Yaşlı adamlarda verbal hafizə daha tez unutqanlıqla əvəz olunur. Uşaqlığın təəssüratı, xatirələri, hərəkət vərdişəri (velosiped sürmək, gitara çalmaq, üzgüçülük, futbol oynamaq və s.) hafizədə daha davamlı, bəzən on illərlə heç də çox iradi səy göstərmədən yada salınır. Belə faktlar da məlumdur ki, üç il həbsxanada «oturmuş» adam nəinki qalstuk bağlamağı, hətta ayaqqabı bağlamağı belə unudur. Unutma eyni zamanda, psixikanın özünümüdafiə mexanizmidir. Unutma şüur və şüuraltı sahələri sarsıntı və pozulmalardan qoruyur. Insana xüsusilə kəskin təsir etmiş hadisələrin uzun müddət həmin şiddətlə davam etməsinə təbii ki, orqanizm davam gətirməz. Vaxt keçdikcə onun təsiri azalır, tədricən unudulur. Ümumiyyətlə, o şeylər "unudulur" ki, psixoloji tarazlığı pozur, davamlı neqativ gərginlik yaradır. Hafizə insanın daha asan pozulan qabiliyyətlərindəndir. Onun çoxsaylı pozuntuları geniş yayılmışdır. Baxmayaraq ki, insanların çoxu onun pozulduğunu hətta bilmirlər və yaxud da çox sonralar bilirlər. Hafizənin pozulması insanın fərdi xüsusiyyətləri ilə də bağlıdır. Hafizənin növləri və tipləri Hafizənin aşağıdakı əsaslara görə növləri ayırd edilir: İlk növbədə bizə təsir edən cismlərdən nəyin yadda saxlanılmasına görə hafizənin növləri ayırd edilir. Yəni hafizənin obyektinə görə: surət,hərəkət, hiss (emosional), sözlü-məntiqi hafizə növləri fərqləndirilir. Surət hafizəsi gerçəkliyin cism və hadisələrinin keçmişdə qavramış olduğumuz surətlərinin yadda saxlanılması, hifz edilməsi və yada salınmasından ibarətdir. Cismin sensor səviyyədə inikası görmə, eşitmə, lamisə və s. Vasitəsilə olduğundan surət hafizəsinin də məzmununu görmə, eşitmə, lamisə və s. Təsəvvürləri təşkil edir. Surət hafizəsi təlim fəaliyyətində mühüm yer tutur. Bu növ hafizəyə əyani- obrazlı hafizə də deyirlər.Hərəkət hafizəsi müxtəlif hərəkətlərin və onların sisteminin yadda saxlanması, hifz olunması və yadasalınmasıdır. İdmançılarda, polis əməkdaşlarında, balet ustalarında bu hafizə peşə fəaliyyətini müvəffəqiyyətlə icra etmək üçün vacibdir.Müxtəlif hərəkətlərin düzgün və dürüst qavranılması hərəkət hafizəsinin keyfiyyət və məzmununa müsbət təsir göstərir. Hərəkət hafizəsi olduqca çox və müxtəlif hərəkət vərdişlərdə təzahür edir. Təlim və əmək vərdişlərinin təşəkkül etməsində hərəkət hafizəsi mühüm rol oynayır.(1. Səh.288)Hərəkət hafizəsi demək olar ki, bütün adamlarda vardır, lakin ayrı-ayrı şəxslərdə müxtəlif şəkildə və intensivlikdə təzahür edir. Hafizənin bu növü digər növlərə nisbətən tez inkişaf edir. Sözlü-məntiqi hafizə fikirlərin, anlayışların yadda saxlanması, hifz edilməsi və yadasalınmasından ibarətdir. Fikirlər, mülahizələr dil materiallarında maddiləşir, odur ki, bu hafizə sadəcə olaraq məntiqi deyil, sözlü-məntiqi hafizə adlanır. Bu hafiz yalnız insanlara məxsusdur. Həmin hafizənin köməyi ilə ya materialın əsas mənasının ifadəsini, ya da onun hərfən söz və ifadələrini yada sala bilirik. Bu zaman öyrənilən materialın mənasını anlamaq, onu təhlil etmək, onu həyata tətbiq etmənin yollarını düşünmək əsas yer tutur. Hiss (emosional) hafizəsi keçirdiyimiz hisslərin yadda saxlanması və yada salınmasından ibarətdir. Belə ki, insanın keçirmiş olduğu müsbət və ya mənfi hisslər İzsiz itib getmir, onun hafizəsində bu və ya digər dərəcədə həkk olunur, sonradan yada salınır. Bu halda insan yenə ya sevinir, ya kədərlənir, ya utanır, ya da həyacanlanır. Keçirmiş olduğumuz dəhşətli qorxu hissini yenidən xatırlarkən bəzən, necə deyərlər, adamın bədəni lərzəyə gəlir. Emosional (hissi) hafizə insan şəxsiyyətinin formalaşmasında mühüm rol oynayır. Bu hafizə insana imkan verir ki, keçirdiyi hisslərin məzmun və xarakterindən asılı olaraq öz davranış və rəftarını tənzim etsin. Bu mənada emosional hafizə insanın mənəvi inkişafının əsas şərtidir.Yaddasaxlama və yadasalmanın məqsəd və üsullarından, onun iradi surətdə tənzim edilməsindən asılı olaraq hafizənin ixtiyari və qeyri-ixtiyarı növlərini də fərqləndirirlər. Bu və ya digər materialın yadda saxlanması, xatırlanması üçün qarşıya xüsusi məqsəd qoyulmursa və onlar sanki öz-özünə, müəyyən yol və vasitələrdən istifadə etmədən, heç bir iradi cəhd göstərilmədən yadda qalırsa, bu qeyri-ixtiyari hafizə adlanır. Məsələn, şagird hər hansı maraqlı kitab oxuyanda, kinofilmə baxanda, qeyriadi hadisələrlə rastlaşanda xüsusi niyyət olmadan da onları yadda saxlayır. Əgər insan qarşısına xüsusi yaddasaxlama məqsədi qoyur və lazım olan materialı yadda saxlamaq üçün iradi səy göstərir, xüsusi üsul və qaydalardan istifadə edirsə, bu hafizə ixtiyari hafizə adlanır. İxtiyari hafizə insanın şüurlu fəaliyyətinin həm nəticəsi, həm də səbəbidir. Belə dialektik vəhdət ixtiyari hafizənin inkişafını şərtləndirən başlıca amildir. Operativ hafizə insanın bilavasitə həyata keçirdiyi aktual iş və əməliyyatlara xidmət edən mnemik prosesdir. Adətən insan müəyyən məsələni həll edərkən ona lazım olan məlumatları xatırlayır və ondan istifadə edir. Əməliyyatlar qurtardıqdan sonra həmin məlumat yenidən beyində hifz olunur. Bu proses operativ hafizə ilə əlaqədardır.(4.Səh.6) Hər hansı bir cism və hadisənin insan beynində yadda qalması müddətinə görə də hafizənin qısamüddətli və uzunmüddətli növləri ayırd edilir. Qısamüddətli hafizə bilavasitə qavradığımız cism və hadisələri müəyyən müddət ərzində görməkdə, eşitməkdə və s. Davam edirik (onlar gözümüzün qabağında dayanır, qulaqlarımızda səslənir). Qısamüddətli hafizə çox az müddət (bir neçə saniyə və ya dəqiqə) davam edən prosesdir, lakin bu qısa müddət elə indicə gördüyümüz hadisələri əhya etmək üçün kifayət edir. İndicə hiss üzvlərimizin verdiyi məlumatı operativ surətdə tutmağa, dəyişdirməyə və canlandırmağa qısamüddətli hafizə deyilir. Uzunmüddətli hafizə isə qavranılan materialın uzun müddət və möhkəm yadda saxlanması ilə zarakterizə olunur. Yeni bilik, bacarıq və vərdişlərin, informasiyaların uzun müddət (saatlarla, aylarla, illərlə, bəzən on illərlə) hifz edilməsi, yadda saxlanması uzunmüddətli hafizənin əsas məzmununu təşkil edir. Hafizənin tipləri İnsanlar öz hafizələrinin bir sıra xüsusiyyətləri ilə bir-birlərindən fərqlənirlər. Bu cür fərdi fərqlər hafizənin tiplərində özünü daha aydın göstərir. Adətən psixologiyada əyani obrazlı, sözlü-mücərrəd və aralıq hafizə tipləri qeyd olunur. Hafizənin əyani-obrazlı tipi müxtəlif təəssüratı yadda saxlamaqda analizatorlardan hansının daha çox məhsuldar olmasında özünü göstərir. Görmə tipinə malik olan adamlar ən çox gördüklərini, eşitmə tipinə malik olan adamlar eşitdiklərini, hərəki tipə mənsub olanlar isə bilavasitə əməliyyat apardıqları, hərəki analizatorların iştirak etdiyi materialları daha yaxşı yadda saxlayıb yada sala bilirlər. Həyatı faktlardan göründüyü kimi bu tiplərə təmiz halda çox az rast gəlmək mümkündür. Həyatda ən çox qarışıq tipə: görmə- eşitmə, görmə-hərəki, eşitmə-hərəki tiplərə rast gəlmək mümkündür. Məhz buna görə də təlim prosesində hafizənin tipologiyasının nəzərə alınması zəruridir. Təlim fəaliyyəti elə təşkil edilməlidir ki, ayrı-ayrı tiplərə mənsub olan şagirdlərin hamısının mənimsəməsi üçün səmərəli şərait yaranmış olsun. Nəticə Hafizə haqqında anlayış. İnsanın duyub qavradıqlarının iz salmadan getməməsi, beyində hifz olunması. Hafizə keçmiş təcrübənin beyində nəqşləndirilməsi, yadda saxlanması, yada salınması və tanınmasından ibarət idrak prosesi kimi. Hafizənin insan həyatında əhəmiyyəti. Hafizə haqqında nəzəriyyələr: psixoloji, fizioloji, biokimyəvi. Hafizə mərkəzi. Hafizənin prosesləri: yaddasaxlama, yadasalma, tanıma, unutma. Yaddasaxlama və onun növləri: məntiqi və mexaniki, qeyri-ixtiyari və ixtiyari, qısa müddətli və uzun müddətli, mnemonik yaddasaxlama.(3.Səh.61) Yadasalma və tanıma. Unutma və onun xüsusiyyətləri.Unutma tempi. Reminisensiya hadisəsi. Hafizənin növləri və tipləri: Yadda saxlanılan materialın növlərindən asılı olaraq hərəkət, surət, emosional və sözlü məntiqi. Qısa müddətli, uzun müddətli və operativ hafizə. Hafizənin tipləri: görmə tipi, eşitmə tipi, hərəki tip, qarışıq tip. Onların təlim prosesində nəzərə alınmasının əhəmiyyəti. Ədəbiyyat siyahısı 1.Prof. S.Ş.Seyidov və prof. M.Ə.Həmzəyevin elmi redaktorluğu ilə-Ali pedaqoji məktəblərin bakalavr pilləsi tələbələri üçün dərslik 2. “Daxili işlər orqanlarının əməliyyat-axtarış fəaliyyəti” kafedrasının rəisi vəzifələrini müvəqqəti icra edən, polis polkovnik-leytenantı-Mühazirələr toplusu,dərs vəsaiti. 3.Cəfər İbrahimov – psixologiyadan mühazirə konspektləri. Qiyabi təhsil alan tələbələr üçün yardımçı vəsait. 4.Behruz Melikov - Diqqət və hafizənin psixologiyası. 5. Yaddaşın fizioloji əsasları-Google