Assalamu Alaikum Warahmatullahi Wabaraktuh

Sininna Tomatoakku nennia silessureng malebbikku maladde e kuparaja

Pada laoni mai napada ipatarakka’si asukkureng ta tenrigangka risese arajanna
puang alla taa’la nasaba pammasena nennia akkamasena napada to engka maneng
tudang maddeppungeng majjajareng ri lalenna ongroang mabbarakka e, Salama
nennia mappassalama masse risese alebbirenna Nabitta Muhammad SAW, alena
suro akkacioreng madeceng narekko meloki salama ri lino nennia esso ri monrinna
Puang Allataa’la.
Sininna Tomatoakku nennia silessureng malebbikku maladde e kuparaja
Rilalenna iyewe mamminasaka palettukekki dua lappa yarega tellullappa ada-ada
iyanaritu parellunna mattuntu paddissengeng rilalenna atuo tuongetta.
Sininna Tomatoakku nennia silessureng malebbikku maladde e kuparaja
Kuawae topa mattuntu paddisengengnge engkaitu mancaji passuroang parellu ri
sesena rupa tauwwe mappammula ri laleng tojatta lettukki tama rilalenna
kalebbongnge
Sininna Tomatoakku nennia silessureng malebbikku maladde e kuparaja
Mellokka makkutana, pekkogi hale-hale’na narekko meloki lolongeng
paddisengeng ?
Nomoro seddi Marejjikki magguru
Makkukkue maega ladde’ni wedding iyonroi magguru massappa paddisengeng
iyanaritu marejji’kki mabbaca bobbo nennia wedding to massappa ri hapewe, ri
hapewe agi-agi melo irita engka manenni, meloki passaleng makanja engka to,
sarekkuammengngi passaleng maja iyarega makalallaeng engka to. Ri
makkuannanaro narekko wedding ka mappaseng ri idi maneng engkae hadere
makkukkue sarekkuammengngi ta pada ipakkiguna yetu hape ta sappa
paddissengeng aja’na iyaro hapeta temmaka ettana ipake mi maccule-cule de’
gagatu cappu’na, iyyabawang nalasara cukui hapena , de’gaga jaji jama-jamanna
Maduanna Tapada Pakalebbi’ I Tunggurutta
Seddi passalaeng narekko meloki madeceng lolongeng paddisengeng iyyanaritu
tapada pakalebbi’ I tunggurutta, alena na marekki bokong temmawari
paddisengeng lino nennia akhera, naiyya kiyya mancaji sulo ri pettang kape’ e,
mancaji wae Passau deka ri tengngana pellae
Nomoro tellu, tapada tupakario-riowi ambo indotta iyyarega pajajiatta
Seddi tau de’ nulle mita deceng narekko de’ na pakario-riowi ambo indo’na
iyyarega pajajianna. Paddisengengnge malomo ladde mattama ri atitta narekko
sitinajaki nalledoangeng pajajiatta, nennia aja nita bati, paddisengengnge temmaka
watangna I lolongeng narekko madoraka ki ri pajajiatta.
Sininna Tomatoakku nennia silessureng malebbikku maladde e kuparaja

Kualai passio pole ria da-adakku riase makkadae, pada laoni mai, tupada mattuntu
paddisengeng, paddissengeng lino nennia akhera, nasaba makkadai tau riolota tuo
mancaji de’ tumakkita narekko de’gaga paddisengeng akheratta, nennia ko de’gaga
paddisengeng lino ta tuota mancaji keppang.
Sininna Tomatoakku nennia silessureng malebbikku maladde e kuparaja
Iyanae kuala ada assiparingerrangeng lao riidi maneng, mammuarega engkai
makkiguna ri seseta maneng lebbipa lao rialeku
Rampeka Golla Ku rampeki Kaluku
Senge’ka rimula wenni kubali senge’ tokki rigiling tinroku
Na tu siruntu rioni manu, tu sippupureng lino
Assalamu Alaikum Warahmatullahi Wabaraktuh

NASYWAN IMADUDDIN
UPT SDN NO 8 PINRANG