YVYRA ÁRA

Yvyrakuéra niko opaite ka’avóicha oipytyvô mayma tekovépe oikóva ko yvy ape
ári.

Ha’ekuéra omomorâ ñande rekoha; ha upéicha avei, omo’â mymbakuérape;

omombyta ha omombarete yvy; ha pe mba’e tuichavéva: omoheñói ha
omohesâi pe yvytupytû potî mayma tekove ñaikotevêva jaikove haĝua. Yvyra,
oñekytî rire, ojepuru ojejapo haĝua kuatia térâ, jepe’a; ha upéicha avei, ojejapo
ichugui opaichagua yvyrape, apyka, mesa, karameĝua ha aorenda, okê, ovetâ
ha óga.

Jahayhúrô ñande rekoha ha upekuévo ani haĝua japyta yvyra’ỹre, tekotevê -

jaitývo peteî- hendaguépe ñañotỹ mbohapy.

Yvyra ñeñotỹ oî mokôichagua:

1) Yvyra ñotỹ ñemo’ârâ. Kóva ojejapo oñemo’âvo opavave mymbamimíme

anítei omyangekôi chupekuéra yvytu térâ ama; avei, oñemo’âvo yvytúgui
kógaty ha yvyra hi’áva; upéicha avei, oñeñangarekóvo yvy ha ýre; anítei yvy
ikangy ha osyryry oky guasu jave; ha ipahápe, oñeñangarekóvo opaichagua
ysyry rapére.

2) Yvyra ñotỹ ñemurâ. Kóva katu ojejapo yvyra ojehepyme’ê haĝua. Koichagua
yvyra ñotỹ oikomeme ko’áĝa rupi ha upevarâ ojepuruve yvyra okakuaa guasu
ha pya’éva. Ko’âvavagui ojejapo kuatia ha ambue ava rembipururâ.

¡ÑAÑANGAREKÓKE ÑANDE KA’AGUY HA YVYRAKUÉRARE – VY’APAVÊ

YVYRA ÁRARE!