5 Ba fangeboea dõi Ndraono Gizeraëli andrõ zamadoehoeʼõ dania, oedoera, wa

lasaw̃a waʼatekiko Iraono Gizeraëli, fabaja mado Geferaji, bõrõ golalõw̃ara andrõ
ba si tekiko gõi mado Joeda, awõra.

1. Talaboe, tafoeli ita chõ Jehowa; ifoeli sa ifadõhõ zochoda, me no amaedola

isasawi ita, idaloedaloeni zochoda andrõ, me no ifesocho ita! 
2. Ha mato doea wongi, ba iʼorifi ita, ba mahemoloe õ, ba ifoeli iʼabeʼeʼõ ita, enaʼõ
aoeri ita rorogõfõnia. 
3. Acha aboto ba dõdõda, ba enaʼõ na taforege wangaloei faʼaboto ba dõdõda
Jehowa, mõi ia chõda, si ndruhoendroehoe timba waʼadoehoe waʼamoloeo,
enaʼõ itõrõ ita, timba deoe, timba deoe sarā, si basõi tanõ.” 
4. He oewisa chõmi jaʼami mado Geferaji? Hadia nilaoegoe chõmi, jaʼami mado
Joeda? Me no hoelõ lawoeo ba zangoehoelõ wongi waʼomasimi andrõ, me no
hoelõ namo mbanoea, salio sibai taja. 
5. Ba me no si manõ, ba lõ tola lõ oefabagoʼõ ira ba zamaʼeleʼõ andrõ, ba lõ tola
lõ oeboeboenoe ira taroma ligoe andrõ, ba nifaʼeleʼõ wangoehoekoegoe, si mane
faʼatoemboe loeo. 
6. Faʼomasi sa zomasido, ba tenga soemange nitaba; faʼaboto ba dõdõra
Lowalangi zomasido ba tenga soemange nitoenoe!