MaaM Jaara Buso

WOLOFALU MAAM JAARA BUSO BU S MUUSAA KA

Bismi-l-laahi-r-Rahmaani-r-Rahiimi
Wa sallallaahu Tahãlaa hãlaa Sëyidinaa wa mawlaanaa
Muhammadin wa aalihii wa sahbihii wa xayra xadiimihii wa
sallama tasliiman

Xerawluleen nu sant Soxna Jaara

Ngir moo nu may li tax nu sampi daara

Buleen ma tanqamlu, buleen ma tanqal

Buleen nëxal ndoxum ki leen di tànqal

Cellantuleen te wubbi seen i nopp

Ak seen i xol ma wubbi seen i bopp

Te génne seeni wagaan i xol te taataan

Maam Jaara waame la ku naanul yaa bon

Taw na Bawal taw na Kajoor ak Njàmbur

Ba walangaan ku mar ëllëg doob jàmbur

Waaloo ngi wal-wali di gental Waalo

Ngir naan ci géejug doomi Asta Waalo

2
 WOLOFALU MAAM JAARA BUSO BU S MUUSAA KA

Jaaraama Maam Asta ma feeru Naawel

Sa géej gi neex na waaju naan si far wel

Jaaraama Maam Jaara ma feeru Poroxaan

Nëxoo dëyoo noo ngi dëtëm bay coroxaan

Gannàr dëtëm nañu ba naan ba mandi

Yaay bambulaan sam ndox xajul ci xandi

Ñépp a ngi mos ci sab liggéey ba Saalum

Fuuta futteeku nañ sa gan ne maalum

Yaw sa añub liggéey bi dem na penku

Dem soow baarakalla lii dug fàggu

Yakkal nga waa géej gi yakkal waa jéeri

Ba ñépp giijal yaw bayoo fu joore

Baykat nga bay nga bayu yaa di ndandi

Jigéen ñi booyal nañ nga bay ba Ndindi

Jigéen ñi soxla lañu yaa doon Soxna

Ndaanaan li wub nga làmbi doomi soxna

Moo tax jigéen ñi seeni doom ne meng

3
 WOLOFALU MAAM JAARA BUSO BU S MUUSAA KA

Di réer akay feeñ yaw sa doom ne féng

Moo tax jigéen ñi seen i doom diy xaadam

Di gont akay xëy yaw sa doom dib yaaram

Yaa tax jigéen ñi ñépp seen i doom seex

Bu dul konak yaw noo ngi damm bay soox

Tëkkale la ak jigéen ñi Buso Baali

Xaw na haraam mel na ni Yàlla ak yaali

Di tudd seen i doom di tudd Bàmba

Haraam na ngir moom rekk a àttan yen ba

Yaw yaa di Buso Baali ñàkkóo càngaay

Naka nga jóg sàng nu jox nu ay gaay

Yaa tax jigéen ñi lëmasoo ay mëlfa

Nuy soli xawsa fu nu soob nu jël fa

Jigéen ñi dañ daa gaar di woddooy soppee

Góor ñi di mbeecooy mbaxañooy roof roppee

Yaa suturaal awra yi dindi joote

Mbàkkee ngi mel ni Ndar Ja baa ngay jooti
4
 WOLOFALU MAAM JAARA BUSO BU S MUUSAA KA

La am fa getti Ndar te am Sindoodi

Yót nga ko waa Tuubaak Gedeek Tindoodi

Jaaraama Maam Jaara ku am jaaraama

Yaa ko waral sa doom a rëy karaama

Jaaraama Maam Jaara ku am Màqaama

Yaa ko waral keroog bisub xiyaama

Jaaraama Maam Jaara ku am ay xar-baax

Yaa ko waral sa doom a feeñal ag baax

Jaaraama Maam Jaara ku fiy faj aajo

Yaa ko waral sa doom a faj sun aajo

Jaaraama Maam Jaara ku am hidaaya

Yaa ko waral sa doom a am wilaaya

Jaaraama Maam Jaara ku am tay junni

Yaa ko waral sa doom a jommal jinne

Jaaraama Maam Jaara sa xarful “Jiimi ‫”ج‬

Jox na la jikko yu rafet yu yéeme

5
 WOLOFALU MAAM JAARA BUSO BU S MUUSAA KA

Jub nga jubal nga jàpp yaw tey julli

Tey jàng tey joxe ba leer ya jolli

Te jikko yii may bëgg a lim amóo leen

Jigéen ñu bon ña ko amoon yaróo leen

Daawu la jëw doo jànni daawu la jaye

Doo jayu doo jaayooka jaayi ci ja yi

Yaa sóobu yoonu Jannatu Nahiimi

Ku la royul dem Jaanamaak Jahiimi

Sa “Ra ‫ ”ر‬gi tax na ba ragal nga Yàlla

Rafet rafet njortu te xam nga yilla

Reewóo rëyóo réeróo ne naa la daali

Doo rummi doo rambaaje Buso Baali

Amoon nga faayda amoon nga fulla

Te amu fit am fit ba Yàlla fal la

Gore nga am nga kersa am karaama

Am nga ngërëm yaw yaay boroom Màqaama

Amóo kañaan goreediwóo naam Baali

6
 WOLOFALU MAAM JAARA BUSO BU S MUUSAA KA

Daawul a kekkantook a kiitu-aale

Ma wax ci say jikko misaal yu tuuti
Laajleen ko maami Soxna Faati Tuuti

Maam Sàmba Maryaama ma daa raw cim lef

Hamdan li man Jahãla moo ko taalif

Noon na: bagaan ga woon fa Soxna Jaara

Mooy reerukaayub bépp dongo daara

Mbàndam ma musla déy te dañ daa rootaan

Mooy naanukaayab gaaya dañ koy seetaan

Masul a siis masul a dox di bodde

Masul di wex-wexlooka dox di gëdde

Daawóo weranteeka xuloo ni njëldi

Moo tax selaŋlul jur nga kuuy jur mbaldi

Kuy laa di Maam Sëriñ Mammar moom Jaara

Mbaldee di Daam dogitu weñ mooy Baara

Dangaa lewet ñemeg njaboot nib sërdi

Moo tax nga jur jàmbaar ju mel ni gaynde

7
 WOLOFALU MAAM JAARA BUSO BU S MUUSAA KA

Daawóo di songanteeka dox di daane

Ak a defante tax na am nga waane

Wàcc nga jaajëf yaa selaŋlu Buso

Yaa tax ba nuy seeral gurooka buusu

Feerul ca àjjana ni xuurul hiini

Naa lay muriitu yaak sa doom lil hiini

Moo tax ñu naa la Jaaratul Ilaahi

Maryaama mooy sa tur wu mag billaahi

Ummu xaliifatu-r-rasuulillaahi
Muhammadin waladi Abdillaahi

Ummu imaamu awliyaa’il-laahi

Am nga màqaamatu rijaalillaahi

Am nga lu kenn amul fi nun billaahi

Maam Jaara neel al hamdulil Ilaahi

Maryaama fuqti muuqinaatillaahi

Sa doom a raw kuy jàng Bismillaahi

Moo donn Ahmadu Habiibullaahi

8
 WOLOFALU MAAM JAARA BUSO BU S MUUSAA KA

Moo mas a jis Amiinu wahyillaahi

Yaay turandoo Maryaama ummu Iisaa

Sayidatu-n-nisaa’i raw nga sii saa

Moo donn Iisaa ma di Ruuhulaahi

Moo di donoy Muusaa Kalaamullaahi

Moo donn Ibra may Xaliilullaahi

Moo donn Aadama Safiiyyullaahi

Tuubaa liman tabihahuu lillaahi

Waylun liman ankarahum billaahi

La ñu joxoon Muhammadul Makiyyu

Mi ngi ñu jox Muhammadul Mbàkkiiyu

Marxaba ummu Ahmadul Mbàkkiiyu

Waarisu diini Ahmadul Mbàkkiiyu

Marxaba ummu Ahmadal Xadiimi

Xaliili si-l-Buraaqi wa-l-Xaysuumi

Marxaba uhtu Ahmadul Mbusóobi

9
 WOLOFALU MAAM JAARA BUSO BU S MUUSAA KA

Ku mas a yër tataam ne tuubi ruubi

Tatay doj ak weñ la defoon fa Naawel

Saŋeem sa musul a toj te duñ ko ñaawal

Maseefu ko sóoru ci réewum Saalum

Ci sox yu tàkk mbaa këyit fulaa yam

Yaa baaxu tur Buso te baaxu askan

Yàgg nañoo siyaare gën ji Yónnen

Yaa rafat ab judd te baax i waa-jur

Ku xencu say sëddiit du jis lu dul gor

Maam yaa nga gaddaayee Gedeeki Tooro

Diineek goreleen tee jubook Lamtooro

Museefuleen a jiitu cig wilaaya

Mbaa Al-Quraan mbaa xam-xamub diraaya

Daawu ñu puukaree mbirum waliyyu

Ngir ay Sëriif lañ ñooy donoy Aliyyu

Bàmbaa ni mëlliy samandaay ab jant

Fenk ci maam mañ tudde Mammar Anta
10
 WOLOFALU MAAM JAARA BUSO BU S MUUSAA KA

Leer gaa bawoo Mbusoobe suuxee Mbàkke

Royaat ca askan wa di Mbàkke-Mbàkke

Jant ba fenk na lëndëm ga daay na

Biddiw ya suux nañ soxileen mbër feeñ na

Samsu Sumuusi doomi jantak weer nga

Yaw jarulaa misaal nde fés nga leer nga

Tëmbeel ba réeroon ca cosaan ñu di ko jeex

Feeñ na fa Mbàkke leegi ñépp def i seex

Sayxu Suyuuxi yaa di seexub seex yi

Badrul buduuri yaa di weeru weer yi

Xunmu faqiiri yaa di saqum ndóol yi

Siitu haqiiri darajaal nga gool yi

Ummul masaakiini dexug miskiin yi

Abuul yataamaa yaay kenul jirim yi

Ma naa ko Mbàkke yaay Samsu-d-diini

Leeral nga Njàmbur ak Bawal ak Siini

11
 WOLOFALU MAAM JAARA BUSO BU S MUUSAA KA

Siggil nga callalag Habiibullaahi

Maam Bàlla Aysa weeru gan wallaahi

Yaa tax ba képp ku sëtoo ci Mbàkke

Bu ne joneet Yàlla tofal ko barke

Waa Mbàkke Saañaŋkaaki Mbàkke Baari

Leeral nga leen ñépp a ngi dox di waare

Defar nga say bokk defar aw jàmbur

Defar Bawal defar Kajoor ak Njàmbur

Ña daa falook ña doon woroomi daara

Amuñu woon ku mel ni doomi Jaara

Aji-topp ji: Abdu Rahmaan El-Musaa

Aji-bind ji : Alfaaruq Siise

12