MGA KATAGANG DAPAT AKING MAIPARATING

09-20-22 (10:05 PM)

CHERRY FE T. MAING

DIREKSYON, EDUKASYON, POSISYON, PUNDASYON AT LAHAT NG SYON

SAAN KA NGA BA NAROROON?
HINAHANAP KITA SA LARANGAN NG AGHAM AT SIYENSYA
PERO NADATNAN SA PISARA.
SA MISMONG PISARA NA AKALA KO AY WALANG HALAGA,
HALAGA NA AKALA KO AY MAKIKITA LANG SA PERA.

DOON KO RIN NAANINAG ANG TINDIG NG MGA TAONG NGBIGAY GALANG

SA BAWAT MUSMOS NA NILALANG.
TINDIG NG PAGMAMAHAL, PAG-AARUGA AT PAKIKIBAKA.
NA ANG BAWAT SANA … AY MAY KASUNOD NA KATAGANG
“MAGALING…MAGALING MGA BATA” O,
DI KAYA’Y HAPLOS NG KUMAKALINGA.
DI MAN MAGKAPAREHO ANG DUGONG NANALAYTAY
PERO RAMDAM KO ANG PASENSYA, PAG-UUUNAWA AT GABAY
PARA LANG MAIPAALALA AT MAIPAKITA ANG SINASABI NILANG “KAYA KO RIN PALA”.

TINDIG NA MINSAN MAG-AAKALA KA KUNG BAKIT GANOON SILA

TINDIG NA MINSAN NGADUDULOT NG KIROT, TAKOT AT PANGAMBA
KIROT NA BAKA DI MAIPASA ANG HINIHINGI NG TINDIG NILA,
TAKOT NA BAKA MAPAHIYA: PAGTATAWAGIN AT DI KAYANG SAGUTIN ANG MGA BAKIT NA MERON SILA,
PANGAMBA NA MAGBIBIGAY AKALA
NA BAKA DI NIYA KAYANG GAMITIN ANG PUSO PARA UMUNAWA NG IBA.
DI KO MAN KAYANG MAWARI ANG TINDIG NA MERON SILA
PERO ISA LANG AKING PINANGHAHAWAKAN
TOTOONG NGMAMAHAL, YUN PALA
HINDI LANG PARA SA KABATAAN KUNDI PATI NA RIN SA BAYAN NA SINISINTA.
TOTOONG PAGMAMAHAL NA DI KA SUSUKUAN.
GAGAWA AT GAGAWA NG PARAAN
PARA LANG MAY MATUTUNAN.

NA KAHIT MADALAS AY KINAIN NA NG PAPERWORKS, ASAP-ASAP AT PROBLEMANG PANGSKWELAHAN

YUNG MGA ORAS NA DAPAT SANAY NAILAAN SA PAMILYANG NGBIBIGAY
RASON PARA SILA AY LUMABAN
PERO NI MINSAN DI KO NAKITAAN NG PANGHIHINAYANG
TULOY PARIN ANG LABAN.
YAN ANG MGA BAYANING NGBIGAY DAAN
SA MGA IBA’T-IBANG PROPESYON SA ATING LIPUNAN.

MADAMOT BA AKO KUNG SILA AY PAPARANGALAN, IPAGPUPUNYAGI AT PAG-AALAYAN

NG MGA KATAGANG:
SALAMAT KASI
KAHIT NAHIHIRAPAN NA PO KAYO,
DI KAYO NAMILI NA KAMI AY IWAN.
SALAMAT KASI
MAY ORAS NA NAPAPAGOD PO KAYO,
PERO PINILI NIYONG MANATILI PARA KAMI AY TURUAN.
SALAMAT KASI
SA GINAWA NIYO AKO AY NAGBAGO.
SALAMAT KASI
NANIWALA KAYO SA KAKAYANAN NG BAWAT ISA,
NA MISMO ANG MGA SARILI AY MAY PAGDUDUDA
SALAMAT SA TOTOONG PAGMAMAHAL NA IPINAKITA.
SALAMAT…SALAMAT. SALAMAT
SIGE LANG TULOY ANG LABAN PARA SA INANG BAYAN.
 PATAWAD DIN PO,
NA NAGIGING PASAWAY KAMI.
NA DAPAT SANAY NAISIP NAMIN
NA MAY PANSARILING LABAN KAYONG DINADALA.
PATAWAD PO
KASI DI NAMIN NA ISIP NA KAILANGAN NIYO RIN NG PAGMAMAHAL, PAG-AARUGA AT PAGKALINGA.
PATAWAD PO
KASI MADAMOT KAMI NA DI NAMIN NAISIP ANG BAWAT LUMBAY SA HAMON NG BUHAY.
PATAWAD PO
KASI NAKALIMOT KAMI NA KAYO AY MAY PUSO NA PWEDENG MASAKTAN AT MABIGO
SA BAWAT MALING YUGTO.
PATAWAD PO
KUNG NAG-AKALA KAMING OKAY LANG PO KAYO
DAHIL SA TINGIN NAMIN YUNG TINDIG NAGKAGITINGAN AY NASASAINYO.
PATAWAD…. PATAWAD…PATAWAD…
NAWAY MAGING LEKSYON ITO PARA KAMI’Y MAGING MABUTING TAO.

AT BAGO KO PO TAPUSIN ANG YUGTONG ITO

MAARI PO BA KAYONG MANGAKO?
MANGAKO NA
KAHIT GUSTO NIYO NG SUMUKO –
E SANA AY WAG PO…
MANGAKO NA
KUNG SA MGA ORAS NA KAYO
AY MAWALAN NG DAHILAN PARA LUMABAN
TIGNAN NIYO PO KAMI PARA KAYO AY MAY PAGHUHUGUTAN…
MANGAKO NA
WAG NIYO PO KAMING IIWAN
KASI ANG LABAN NIYO AY LABAN NAMIN PARA MABAGO ANG AMING KAHIRAPAN.
MANGAKO NA
KUNG MAWALA ANG NGITI NA NAKAPINTA SA INYONG MGA LABI
NAWAY MAGSILBI PO KAMING LARAWAN NA MAGBABALIK NG MGA MAGAGANDANG ALAALA
NA GUGUHIT NG INYONG SIGLA AT PAG-ASA NA DI MABUBURA
PAG-ASA NG MGA MAGIGITING NA BAYANING NAKIKIPAGLABAN PARA SA MAGANDANG KINABUKASAN…
MANGAKO NA
KAYO AY KUMAPIT LANG.
KASI BAWAT KAPIT NINYO AY SIYANG KAPIT NAMIN PARA LUMABAN.
LUMABAN PARA SA HINAHANGAD NA KARANGALAN AT KINABUKASAN.
MANGAKO NA
WAG MAGSASAWANG MAGBIGAY GABAY
DAHIL ANG BAWAT AKAY AY NAGSISILBING ILAW SA MGA MADIDILIM NAMING ARAW.

SANA MAHAL KONG KABABAYAN SILA AY ALAGAAN

NARARAPAT LANG NA PANGLINGKURAN
BAYANI NG ATING LIPUNAN
WALANG SANDATA PERO NAKIKIBAKA
LUMALABAN SA HAMON NG PANAHON PARA MAITAYO ANG BANDERA.

MAHAL NAMING MGA GURO, MABUHAY PO KAYO AT MAGPAKASAYA.

ALALAHANIN NIYO PO
NA KAYO AY MAY HALAGA AT MAY NAGPAPAHALAGA
ANDITO PO KAMI NA LAGING NAKAKAALALA.
NAWAY PAGMAMAHAL ANG SIYANG MANANAIG SA BAWAT ISA
PARA MAIPASA ANG GINTONG BUTIL NG PAG-ASA NA NG GALING SA KANILA.
MGA BUHAY NA BAYANI NG ATING BAYAN.
LAHAT PO KAYO AKO AY SABAYAN
SABAY: IPINAGMAMALAKI KO NA AKO’Y GURO.
DAHIL GURO AKO HINDI AKO SUSUKO.
TULOY ANG LABAN PARA SA INANG BAYAN!