Professional Documents
Culture Documents
Document
Document
შუშანიკის წამება
შუშანიკის წამება არის იაკობ ცურტაველის მიერ დაწერილი ნაწარმოები.
ეს არის ჩვენს დრომდე მოღწეული უძველესი ძეგლი ქართული
მხატვრული ლიტერატურისა. დაწერილია მე-5 საუკუნეში, კერძოდ 476–
483 წ. ავტორი მონათხრობ ამბავთა თვითმხილველი და მონაწილეა.
აბო თბილელი
აბო თბილელის წამება არის ქართული თხზულება, რომელიც
გაქრისტიანებული არაბი აბოს მოწამეობრივ აღსასრულზე
მოგვითხრობს.თხზულება ოთხი თავისგან შედგება. პირველი თავი
წარმოადგენს თავისებურ შესავალს, რომელშიც ავტორი, აღნიშნავს თუ
როგორი ცვალებადობა და რყევა დაიწყო არაბთა ბატონობის გამო
ქართლში, მოუწოდებს მსმენელს ყური დაუგდონ მის სიტყვებს და
გაითვალისწინონ იმ ადამიანის პიროვნება, რომელიც „უცხო უცხოთა
სჯულითა მოვიდა“ და ქრისტიანობა მიიღოო. მეორე თავი მოგვითხრობს
აბოს ქართლში შემოსვლას, მის გადაადგილებას ნერსე ერისთავთან
ერთად და მის გაქრისტიანებას. მესამე თავი აგვიწერს აბოს
გასამართლებასა და წამებას. მეოთხე თავი, „ქება წმიდისა მოწამისა
აბოსი“, წარმოადგენს აბოს შესხმას, რომელშიც ავტორი აზოგადებს
თავის აზრებს და ცდილობს გაარკვიოს აბოს ღვაწლის მნიშვნელობა.
გრიგოლ ხანთძელი
გრიგოლ ხანძთელის ცხოვრება ქართული ნაწარმოებია, დაიწერა
გიორგი მერჩულის მიერ 951 წელს, გრიგოლ ხანძთელის
გარდაცვალებიდან 90 წლის შემდგომ. აღწერილი ამბები VIII-IX
საუკუნეთა ტაო-კლარჯეთში ხდებოდა. გიორგი მერჩულე X საუკუნის
მოღვაწე იყო. თავისი ნაწარმოები „ცხოვრება გრიგოლ ხანძთელისა“ მას
დაწერილი უნდა ჰქონდეს X საუკუნის მეორე ნახევარში. მასში
აღწერილია VIII-IX საუკუნეების ვითარება ქართველთა
სამეფოში.ნაწარმოების ავტორისეული პირი შემორჩენილი არ არის.
გვიანდელი ტექსტი აღმოაჩინა ნიკოლოზ ჩუბინაშვილმა 1845 წელს
იერუსალიმში, ჯვრის ქართული მონასტრის წიგნთსაცავში.
ვეფხისტყაოსანი
ვეფხისტყაოსანი — XII საუკუნის ქართველი პოეტის, შოთა რუსთაველის
ჩვენამდე მოღწეული ერთადერთი
პოემა. შედგება პროლოგის, ძირითადი ნაწილისა და ეპილოგისაგან.
წყარო: ვიკიპედია