Pamagat
(Spoken Word Poetry)
Likha ni: Bb. Leara Gail Parta
Saan nga ba sisimulan?
Sa pamagat pa lang, sadya ng naguguluhan
Hindi na babanggitin ang pangalan
Alam mo namang Ikaw ang pinatutungkulan
Hindi akalaing makapagsusulat
Tulang para sayo, ngunit walang pamagat
Iyo sanang pagpasensyahan, sa salita ako’y
salat
Ikaw naman saaki’y sapat
Hindi na kayang bilangin
Bagay na ginawa para sa akin
Nakakatawa kung iisipin
Sayo sana’y may hihilingin
Sa ating nalalapit na paghihiwalay
Tandaan sanang ako’y maghihintay
Pangarap mo sana’y magtibay
Sa bawat pagbukang liwayway
Iyong abutin, bagay na hangad
Tandaang may proseso at Hindi agad-agad
Magpatuloy lagi sa paglalakad
Wag magpapakatamad
Mawalan man tayo ng komunikasyon
Maging iba man ang iyong inspirasyon
Dumaan man ang mga taon
Bigyan sana ng isa pang pagkakataon
Ilang beses sinubukang kalkulahin
Sa dulo ba ay Ikaw at Ako pa rin
Ngunit ilang beses mang isipin
May panahon na kailangan ng palayain
Iyo Mang makalimutan
Ako, sa Buhay mo’y nagdaan
Anim na taon Hindi madaling bitawan
Ibibigay ko na ang iyong kalayaan
Hindi man natin ginustong dalawa
Masaktan ang isa’t isa
Mahal, ako’y handa na
Pinapalaya na kita
Sana’y muling magkita
Nais lamang malaman, pangarap mo’y naabot
na ba
Kung nagis pulis, anong ranggo na?
Kasalukuyan bang may trabaho ka
Ikaw ba ay nakapag-asawa na?
Mga anak mo’y kamukha mo ba?
Kumusta ka?
Ikaw siguro’y napakasaya

Sa pagsasarado ng ating kuwento

Ikaw sana ang maglagay ng pamagat nito
Tatanggapin ko kahit na ano
Basta’t galing sayo