I.E.

I “Mariscal Cáceres” Cod Modular: 1407998 Refuerzo

Líderes, Competitivos con Valores “Año de la Unidad, la Paz y el desarrollo 10 y Plan Lector

Llakita kisirichisaq

(3, 4, 5 y 6grado)

WILLAKUY
Aurahuapa hatun waqtanpi ushachayta michikuchkaptiymi ñanninta huk runa rikurirqamun.
Mancharispay waytakunapa chawpinpim pakakuykuni. Runaqa taytakuchahinam manaña puriyta
atipaspan rumiman hapipakuykuspa sayarqun. Imananqaraq nispay kikillay tapukuni. ¿Maytaraq
richkan? Icha kay kinray machaypichu yachanpas, nispay tapukuykunata umachallaypi
tuqyachini.
Chayna kachkaptinmi huk wakcha warmicha rikurirqamuspa runamanqa asuykun, hinaspam
kayhinata rimarin.
—¿Imatataq kaypiqa ruwachkanki?
Runaqa uyarispam mana imatapas rimarinchu. Qawapakuykun. Qawakacharikun. Hinaspam
rimarin.
—Llaqtatam rantipakuq rirqani.
—¿Maytaq imallapas, maytaq qipiyki? Warmichaqa tapun.
—Masiykunawanmi upyarqamusqani. Maypiya qipiykunata saqirqamurqani. Runaqa kutichin.
—Sapa kuti upyayllapiña. Chaynalla kaptiykiqa, imatataq churiykikuna mikunqa. Imatataq
mikusunchik. Imawantaq pachakusunchik. Imaynataq kaynaqa puntaman puririsunchik.
—Kunanllanachik, pampachaykuwaya, qariykim kani rik.
—Qariy kaptiykim rimapayayki. Qamñataqmi rumihina mana uyarikuspa kanki. Achkaraqtaq
churiykikunaqa.
—Haykapitaq runayanki. Pipas qawasuspaykiqa asikunchik.
—Asikuchunkuya. Paykunamantachu ñuqa kawsani. Qampas suwa allqutahinam qaqchaylla
qaqchakuwanki. Manachu papay nispa machayninchikmanqa pusawankiman.
—Rimapayaykim sapa punchaw puntaman puririnapaq, qammi mana uyarikunkichu.
—Ñuqaqa qarisum kani, maypipas llamkapakamusaqchik.
—Llamkaspaykipas upyanallaykipaq. Mana imallatapas ruwapakuspayqa imaynach kayman.
Qariqa piñarispanmi warmitaqa maqayta qallarin. Sikuwan, haytawan. Siminpas puraminti
kuchilluhina. Warmichalla pitukuykuspa waqallan.
—Llaqtatam kutirikusaq, munaspaychik kutimusaq. Nispa warmichallantaqa sikuykun, haytaykun,
hinaspa ñanpa kuchunman chuqaykun.
Chayta qawaykuspaymi ñuqapas pitukuykuspay waqallani. Mamachallaypas kanmachik nispay
llakikuni. Ñuqapas warmim kani, chaymanhina sumaqchata hamutaykuni. Mana pipas chaynata
usuchikuwananpaq qillqa maytuta sapa punchaw ñawichasaq. Wiñaykuspaychik llapa
warmichakunata amachasaq, mana pipas maqananpaq, mana pipas qaqcharinanpaq.
Mamaytahina qawaykuspaymi manchay mancharisqa warmichallamanqa asuykuni.
Rimakuykullaspay sumaqchalla quqawchayta mikuykachispa uyachantañataq laquwan
laqaykuni.
—Wiñaykuspaymi challapayasqayki, chaypaqmi qillqa maytukunata puramintita ñawichasaq.
Warmichallaqa kutirikun, tumpachata asichaykuspa, pillpintuchahina machayninman pawarikun.
Ñuqapas ushachaykunata warakaykuspay qillqa maytuchaywan wankukuykuni.
Tayta Juan Luis Espinozapa qillqasmanta allicharisqa
 I.E.I “Mariscal Cáceres”
Líderes, Competitivos con Valores “Año de la Unidad, la Paz y el desarrollo
Ñawichaspa tapuykunata allinta kutichiy.
Qillqapi tarikusqanmanhina kutichiy (Nivel
literal)
1) ¿Maypitaq huk china warmacha
ushachanta michin?
a) Aurahuápa hatun waqtanpim michin.
b) Aurahuá pampapim ushachanta michin.
c) Aurahuá hatun mayu patanpim
ushachanta michin.
2) ¿Pitaq rikurirqamun
michikuchkaptin?
a) Huk sipas warmicha
b) Huk runa
c) Huk payaniraq warmi
3) ¿Pitaq runata haypaykuspa rimapayan?
a) Huk musuniraq runacha.
b) Huk maqtillum rimapayan.
c) Huk wakcha warmicham rimapayan.
4) ¿Imamantataq qarin warmichata
maqaq?
a) Ama upyananpaq rimapayasqanmantam.
b) Mana mikuynin qusqanmantam.
c) Mana qullqita upyananpaq quptinmi.
5) Kay qillqapi, ¿pitaq pitukuykuspa
waqarqa warmichata qarin maqaptin?
a) Huk runa
b) Huk sipascha
c) Huk maqta?
Qillqamanhina hamutaspa kutichiy (Nivel de
inferencia)
6) ¿Imamantataq kay qillqa riman?
a) Huk sipasmantam. Paysi puramintita
purunpi waqan.
b) Huk warmichamantam. Paysi ushanta
kusi kusisqa michin.
c) Huk sinka runamantam. Paysi
puramintita warmin maqaq, upyaylla
upyaq.
Cod Modular: 1407998 Refuerzo
10 y Plan Lector
7) ¿Imakunatataq runa llaqtamanta
rantimunan karqa?
a) Runaqa pachakunatam rantimunan
karqa.
b) Runaqa mikuykunatam rantimunan
karqa.
c) Runaqa mikuykunata, pachakunatam
rantimunan karqa.
ushachanta
8) Sinka runa, ¿ima qullqiwantaq llaqtata
rantipakuq rirqa?
a) Runaqa upallallam warmichanmanta
qullqita hurqukuykuspan rantipakuq
rirqa.
b) Warmichanpa llamkapakusqan
qullqiwanmi rantipakuq rirqa.
c) Runaqa chakrapi kikin
llamkapakusqan qullqiwanmi
rantipaqkuq rirqa.
9) ¿Imamantataq qarin warmichata
maqaq?
a) Warmichataqa mana sapa kuti
upyananpaq rimapayasqanmantam
maqaq.
b) Runaqa, warmichataqa mana
mikuyninta quptinmi maqaq.
c) Runaqa warmichata mana qullqita
upyananpaq quptin maqaq.
10) Kay qillqapi, ¿imaynataq runa?
a) Warmin maqaq runa.
b) Sinkakuq runa.
c) Upyaq, wami maqaq runa.
Kunanñataq hamutaspa kutichiy
(Nivel crítico)
11) ¿Allinchu kay runapa ruwasqan?
¿Imaynanpi?