Avadhuta Gita

ಅವಧೂತ ಗೀತಾ

Document Information

Text title : Avadhuta Gita

File name : avadhutagiitaa.itx

Category : gItA, giitaa

Location : doc_giitaa

Author : Rishi Dattatreya

Transliterated by : Sunder Hattangadi

Proofread by : Sunder Hattangadi, Nira Zafrir-Bursztyn nirazb at yahoo

Description-comments : A classic poem of Absolute Non-Dual Philosophy

Latest update : September 13, 2000, December 30, 2022

Send corrections to : sanskrit@cheerful.com

This text is prepared by volunteers and is to be used for personal study and research. The
file is not to be copied or reposted without permission, for promotion of any website or
individuals or for commercial purpose.

Please help to maintain respect for volunteer spirit.

Please note that proofreading is done using Devanagari version and other language/scripts
are generated using sanscript.

December 30, 2022

sanskritdocuments.org
 Avadhuta Gita

ಅವಧೂತ ಗೀತಾ

ಅಥ ಪ್ರಥಮೋಽಧ್ಯಾಯಃ
ಈಶ್ವರಾನುಗ್ರಹಾದೇವ ಪುಂಸಾಮದ್ವೈತವಾಸನಾ .
ಮಹದ್ಭಯಪರಿತ್ರಾಣಾದ್ವಿಪ್ರಾಣಾಮುಪಜಾಯತೇ .. 1..
ಯೇನೇದಂ ಪೂರಿತಂ ಸರ್ವಮಾತ್ಮನೈವಾತ್ಮನಾತ್ಮನಿ .
ನಿರಾಕಾರಂ ಕಥಂ ವಂದೇ ಹ್ಯಭಿನ್ನಂ ಶಿವಮವ್ಯಯಂ .. 2..
ಪಂಚಭೂತಾತ್ಮಕಂ ವಿಶ್ವಂ ಮರೀಚಿಜಲಸನ್ನಿಭಂ .
ಕಸ್ಯಾಪ್ಯಹೋ ನಮಸ್ಕುರ್ಯಾಮಹಮೇಕೋ ನಿರಂಜನಃ .. 3..
ಆತ್ಮೈವ ಕೇವಲಂ ಸರ್ವಂ ಭೇದಾಭೇದೋ ನ ವಿದ್ಯತೇ .
ಅಸ್ತಿ ನಾಸ್ತಿ ಕಥಂ ಬ್ರೂಯಾಂ ವಿಸ್ಮಯಃ ಪ್ರತಿಭಾತಿ ಮೇ .. 4..
ವೇದಾಂತಸಾರಸರ್ವಸ್ವಂ ಜ್ಞಾನಂ ವಿಜ್ಞಾನಮೇವ ಚ .
ಅಹಮಾತ್ಮಾ ನಿರಾಕಾರಃ ಸರ್ವವ್ಯಾಪೀ ಸ್ವಭಾವತಃ .. 5..
ಯೋ ವೈ ಸರ್ವಾತ್ಮಕೋ ದೇವೋ ನಿಷ್ಕಲೋ ಗಗನೋಪಮಃ .
ಸ್ವಭಾವನಿರ್ಮಲಃ ಶುದ್ಧಃ ಸ ಏವಾಯಂ ನ ಸಂಶಯಃ .. 6..
ಅಹಮೇವಾವ್ಯಯೋಽನಂತಃ ಶುದ್ಧವಿಜ್ಞಾನವಿಗ್ರಹಃ .
ಸುಖಂ ದುಃಖಂ ನ ಜಾನಾಮಿ ಕಥಂ ಕಸ್ಯಾಪಿ ವರ್ತತೇ .. 7..
ನ ಮಾನಸಂ ಕರ್ಮ ಶುಭಾಶುಭಂ ಮೇ
ನ ಕಾಯಿಕಂ ಕರ್ಮ ಶುಭಾಶುಭಂ ಮೇ .
ನ ವಾಚಿಕಂ ಕರ್ಮ ಶುಭಾಶುಭಂ ಮೇ
ಜ್ಞಾನಾಮೃತಂ ಶುದ್ಧಮತೀಂದ್ರಿಯೋಽಹಂ .. 8..
ಮನೋ ವೈ ಗಗನಾಕಾರಂ ಮನೋ ವೈ ಸರ್ವತೋಮುಖಂ .
ಮನೋಽತೀತಂ ಮನಃ ಸರ್ವಂ ನ ಮನಃ ಪರಮಾರ್ಥತಃ .. 9..
ಅಹಮೇಕಮಿದಂ ಸರ್ವಂ ವ್ಯೋಮಾತೀತಂ ನಿರಂತರಂ .
ಪಶ್ಯಾಮಿ ಕಥಮಾತ್ಮಾನಂ ಪ್ರತ್ಯಕ್ಷಂ ವಾ ತಿರೋಹಿತಂ .. 10..
ತ್ವಮೇವಮೇಕಂ ಹಿ ಕಥಂ ನ ಬುಧ್ಯಸೇ
ಸಮಂ ಹಿ ಸರ್ವೇಷು ವಿಮೃಷ್ಟಮವ್ಯಯಂ .
ಸದೋದಿತೋಽಸಿ ತ್ವಮಖಂಡಿತಃ ಪ್ರಭೋ

1
 ಅವಧೂತ ಗೀತಾ

ದಿವಾ ಚ ನಕ್ತಂ ಚ ಕಥಂ ಹಿ ಮನ್ಯಸೇ .. 11..

ಆತ್ಮಾನಂ ಸತತಂ ವಿದ್ಧಿ ಸರ್ವತ್ರೈಕಂ ನಿರಂತರಂ .
ಅಹಂ ಧ್ಯಾತಾ ಪರಂ ಧ್ಯೇಯಮಖಂಡಂ ಖಂಡ್ಯತೇ ಕಥಂ .. 12..
ನ ಜಾತೋ ನ ಮೃತೋಽಸಿ ತ್ವಂ ನ ತೇ ದೇಹಃ ಕದಾಚನ .
ಸರ್ವಂ ಬ್ರಹ್ಮೇತಿ ವಿಖ್ಯಾತಂ ಬ್ರವೀತಿ ಬಹುಧಾ ಶ್ರುತಿಃ .. 13..
ಸ ಬಾಹ್ಯಾಭ್ಯಂತರೋಽಸಿ ತ್ವಂ ಶಿವಃ ಸರ್ವತ್ರ ಸರ್ವದಾ .
ಇತಸ್ತತಃ ಕಥಂ ಭ್ರಾಂತಃ ಪ್ರಧಾವಸಿ ಪಿಶಾಚವತ್ .. 14..
ಸಂಯೋಗಶ್ಚ ವಿಯೋಗಶ್ಚ ವರ್ತತೇ ನ ಚ ತೇ ನ ಮೇ .
ನ ತ್ವಂ ನಾಹಂ ಜಗನ್ನೇದಂ ಸರ್ವಮಾತ್ಮೈವ ಕೇವಲಂ .. 15..
ಶಬ್ದಾದಿಪಂಚಕಸ್ಯಾಸ್ಯ ನೈವಾಸಿ ತ್ವಂ ನ ತೇ ಪುನಃ .
ತ್ವಮೇವ ಪರಮಂ ತತ್ತ್ವಮತಃ ಕಿಂ ಪರಿತಪ್ಯಸೇ .. 16..
ಜನ್ಮ ಮೃತ್ಯುರ್ನ ತೇ ಚಿತ್ತಂ ಬಂಧಮೋಕ್ಷೌ ಶುಭಾಶುಭೌ .
ಕಥಂ ರೋದಿಷಿ ರೇ ವತ್ಸ ನಾಮರೂಪಂ ನ ತೇ ನ ಮೇ .. 17..
ಅಹೋ ಚಿತ್ತ ಕಥಂ ಭ್ರಾಂತಃ ಪ್ರಧಾವಸಿ ಪಿಶಾಚವತ್ .
ಅಭಿನ್ನಂ ಪಶ್ಯ ಚಾತ್ಮಾನಂ ರಾಗತ್ಯಾಗಾತ್ಸುಖೀ ಭವ .. 18..
ತ್ವಮೇವ ತತ್ತ್ವಂ ಹಿ ವಿಕಾರವರ್ಜಿತಂ
ನಿಷ್ಕಂಪಮೇಕಂ ಹಿ ವಿಮೋಕ್ಷವಿಗ್ರಹಂ .
ನ ತೇ ಚ ರಾಗೋ ಹ್ಯಥವಾ ವಿರಾಗಃ
ಕಥಂ ಹಿ ಸಂತಪ್ಯಸಿ ಕಾಮಕಾಮತಃ .. 19..
ವದಂತಿ ಶ್ರುತಯಃ ಸರ್ವಾಃ ನಿರ್ಗುಣಂ ಶುದ್ಧಮವ್ಯಯಂ .
ಅಶರೀರಂ ಸಮಂ ತತ್ತ್ವಂ ತನ್ಮಾಂ ವಿದ್ಧಿ ನ ಸಂಶಯಃ .. 20..
ಸಾಕಾರಮನೃತಂ ವಿದ್ಧಿ ನಿರಾಕಾರಂ ನಿರಂತರಂ .
ಏತತ್ತತ್ತ್ವೋಪದೇಶೇನ ನ ಪುನರ್ಭವಸಂಭವಃ .. 21..
ಏಕಮೇವ ಸಮಂ ತತ್ತ್ವಂ ವದಂತಿ ಹಿ ವಿಪಶ್ಚಿತಃ .
ರಾಗತ್ಯಾಗಾತ್ಪುನಶ್ಚಿತ್ತಮೇಕಾನೇಕಂ ನ ವಿದ್ಯತೇ .. 22..
ಅನಾತ್ಮರೂಪಂ ಚ ಕಥಂ ಸಮಾಧಿ-
ರಾತ್ಮಸ್ವರೂಪಂ ಚ ಕಥಂ ಸಮಾಧಿಃ .
ಅಸ್ತೀತಿ ನಾಸ್ತೀತಿ ಕಥಂ ಸಮಾಧಿ-
ರ್ಮೋಕ್ಷಸ್ವರೂಪಂ ಯದಿ ಸರ್ವಮೇಕಂ .. 23..
ವಿಶುದ್ಧೋಽಸಿ ಸಮಂ ತತ್ತ್ವಂ ವಿದೇಹಸ್ತ್ವಮಜೋಽವ್ಯಯಃ .
ಜಾನಾಮೀಹ ನ ಜಾನಾಮೀತ್ಯಾತ್ಮಾನಂ ಮನ್ಯಸೇ ಕಥಂ .. 24..

2 sanskritdocuments.org
 ಅವಧೂತ ಗೀತಾ

ತತ್ತ್ವಮಸ್ಯಾದಿವಾಕ್ಯೇನ ಸ್ವಾತ್ಮಾ ಹಿ ಪ್ರತಿಪಾದಿತಃ .

ನೇತಿ ನೇತಿ ಶ್ರುತಿರ್ಬ್ರೂಯಾದನೃತಂ ಪಾಂಚಭೌತಿಕಂ .. 25..
ಆತ್ಮನ್ಯೇವಾತ್ಮನಾ ಸರ್ವಂ ತ್ವಯಾ ಪೂರ್ಣಂ ನಿರಂತರಂ .
ಧ್ಯಾತಾ ಧ್ಯಾನಂ ನ ತೇ ಚಿತ್ತಂ ನಿರ್ಲಜ್ಜಂ ಧ್ಯಾಯತೇ ಕಥಂ .. 26..
ಶಿವಂ ನ ಜಾನಾಮಿ ಕಥಂ ವದಾಮಿ
ಶಿವಂ ನ ಜಾನಾಮಿ ಕಥಂ ಭಜಾಮಿ .
ಅಹಂ ಶಿವಶ್ಚೇತ್ಪರಮಾರ್ಥತತ್ತ್ವಂ
ಸಮಸ್ವರೂಪಂ ಗಗನೋಪಮಂ ಚ .. 27..
ನಾಹಂ ತತ್ತ್ವಂ ಸಮಂ ತತ್ತ್ವಂ ಕಲ್ಪನಾಹೇತುವರ್ಜಿತಂ .
ಗ್ರಾಹ್ಯಗ್ರಾಹಕನಿರ್ಮುಕ್ತಂ ಸ್ವಸಂವೇದ್ಯಂ ಕಥಂ ಭವೇತ್ .. 28..
ಅನಂತರೂಪಂ ನ ಹಿ ವಸ್ತು ಕಿಂಚಿ-
ತ್ತತ್ತ್ವಸ್ವರೂಪಂ ನ ಹಿ ವಸ್ತು ಕಿಂಚಿತ್ .
ಆತ್ಮೈಕರೂಪಂ ಪರಮಾರ್ಥತತ್ತ್ವಂ
ನ ಹಿಂಸಕೋ ವಾಪಿ ನ ಚಾಪ್ಯಹಿಂಸಾ .. 29..
ವಿಶುದ್ಧೋಽಸಿ ಸಮಂ ತತ್ತ್ವಂ ವಿದೇಹಮಜಮವ್ಯಯಂ .
ವಿಭ್ರಮಂ ಕಥಮಾತ್ಮಾರ್ಥೇ ವಿಭ್ರಾಂತೋಽಹಂ ಕಥಂ ಪುನಃ .. 30..
ಘಟೇ ಭಿನ್ನೇ ಘಟಾಕಾಶಂ ಸುಲೀನಂ ಭೇದವರ್ಜಿತಂ .
ಶಿವೇನ ಮನಸಾ ಶುದ್ಧೋ ನ ಭೇದಃ ಪ್ರತಿಭಾತಿ ಮೇ .. 31..
ನ ಘಟೋ ನ ಘಟಾಕಾಶೋ ನ ಜೀವೋ ಜೀವವಿಗ್ರಹಃ .
ಕೇವಲಂ ಬ್ರಹ್ಮ ಸಂವಿದ್ಧಿ ವೇದ್ಯವೇದಕವರ್ಜಿತಂ .. 32..
ಸರ್ವತ್ರ ಸರ್ವದಾ ಸರ್ವಮಾತ್ಮಾನಂ ಸತತಂ ಧ್ರುವಂ .
ಸರ್ವಂ ಶೂನ್ಯಮಶೂನ್ಯಂ ಚ ತನ್ಮಾಂ ವಿದ್ಧಿ ನ ಸಂಶಯಃ .. 33..
ವೇದಾ ನ ಲೋಕಾ ನ ಸುರಾ ನ ಯಜ್ಞಾ
ವರ್ಣಾಶ್ರಮೋ ನೈವ ಕುಲಂ ನ ಜಾತಿಃ .
ನ ಧೂಮಮಾರ್ಗೋ ನ ಚ ದೀಪ್ತಿಮಾರ್ಗೋ
ಬ್ರಹ್ಮೈಕರೂಪಂ ಪರಮಾರ್ಥತತ್ತ್ವಂ .. 34..
ವ್ಯಾಪ್ಯವ್ಯಾಪಕನಿರ್ಮುಕ್ತಃ ತ್ವಮೇಕಃ ಸಫಲಂ ಯದಿ .
ಪ್ರತ್ಯಕ್ಷಂ ಚಾಪರೋಕ್ಷಂ ಚ ಹ್ಯಾತ್ಮಾನಂ ಮನ್ಯಸೇ ಕಥಂ .. 35..
ಅದ್ವೈತಂ ಕೇಚಿದಿಚ್ಛಂತಿ ದ್ವೈತಮಿಚ್ಛಂತಿ ಚಾಪರೇ .
ಸಮಂ ತತ್ತ್ವಂ ನ ವಿಂದಂತಿ ದ್ವೈತಾದ್ವೈತವಿವರ್ಜಿತಂ .. 36..
ಶ್ವೇತಾದಿವರ್ಣರಹಿತಂ ಶಬ್ದಾದಿಗುಣವರ್ಜಿತಂ .

avadhutagiitaa.pdf 3
 ಅವಧೂತ ಗೀತಾ

ಕಥಯಂತಿ ಕಥಂ ತತ್ತ್ವಂ ಮನೋವಾಚಾಮಗೋಚರಂ .. 37..

ಯದಾಽನೃತಮಿದಂ ಸರ್ವಂ ದೇಹಾದಿಗಗನೋಪಮಂ .
ತದಾ ಹಿ ಬ್ರಹ್ಮ ಸಂವೇತ್ತಿ ನ ತೇ ದ್ವೈತಪರಂಪರಾ .. 38..
ಪರೇಣ ಸಹಜಾತ್ಮಾಪಿ ಹ್ಯಭಿನ್ನಃ ಪ್ರತಿಭಾತಿ ಮೇ .
ವ್ಯೋಮಾಕಾರಂ ತಥೈವೈಕಂ ಧ್ಯಾತಾ ಧ್ಯಾನಂ ಕಥಂ ಭವೇತ್ .. 39..
ಯತ್ಕರೋಮಿ ಯದಶ್ನಾಮಿ ಯಜ್ಜುಹೋಮಿ ದದಾಮಿ ಯತ್ .
ಏತತ್ಸರ್ವಂ ನ ಮೇ ಕಿಂಚಿದ್ವಿಶುದ್ಧೋಽಹಮಜೋಽವ್ಯಯಃ .. 40..
ಸರ್ವಂ ಜಗದ್ವಿದ್ಧಿ ನಿರಾಕೃತೀದಂ
ಸರ್ವಂ ಜಗದ್ವಿದ್ಧಿ ವಿಕಾರಹೀನಂ .
ಸರ್ವಂ ಜಗದ್ವಿದ್ಧಿ ವಿಶುದ್ಧದೇಹಂ
ಸರ್ವಂ ಜಗದ್ವಿದ್ಧಿ ಶಿವೈಕರೂಪಂ .. 41..
ತತ್ತ್ವಂ ತ್ವಂ ನ ಹಿ ಸಂದೇಹಃ ಕಿಂ ಜಾನಾಮ್ಯಥವಾ ಪುನಃ .
ಅಸಂವೇದ್ಯಂ ಸ್ವಸಂವೇದ್ಯಮಾತ್ಮಾನಂ ಮನ್ಯಸೇ ಕಥಂ .. 42..
ಮಾಯಾಽಮಾಯಾ ಕಥಂ ತಾತ ಛಾಯಾಽಛಾಯಾ ನ ವಿದ್ಯತೇ .
ತತ್ತ್ವಮೇಕಮಿದಂ ಸರ್ವಂ ವ್ಯೋಮಾಕಾರಂ ನಿರಂಜನಂ .. 43..
ಆದಿಮಧ್ಯಾಂತಮುಕ್ತೋಽಹಂ ನ ಬದ್ಧೋಽಹಂ ಕದಾಚನ .
ಸ್ವಭಾವನಿರ್ಮಲಃ ಶುದ್ಧ ಇತಿ ಮೇ ನಿಶ್ಚಿತಾ ಮತಿಃ .. 44..
ಮಹದಾದಿ ಜಗತ್ಸರ್ವಂ ನ ಕಿಂಚಿತ್ಪ್ರತಿಭಾತಿ ಮೇ .
ಬ್ರಹ್ಮೈವ ಕೇವಲಂ ಸರ್ವಂ ಕಥಂ ವರ್ಣಾಶ್ರಮಸ್ಥಿತಿಃ .. 45..
ಜಾನಾಮಿ ಸರ್ವಥಾ ಸರ್ವಮಹಮೇಕೋ ನಿರಂತರಂ .
ನಿರಾಲಂಬಮಶೂನ್ಯಂ ಚ ಶೂನ್ಯಂ ವ್ಯೋಮಾದಿಪಂಚಕಂ .. 46..
ನ ಷಂಢೋ ನ ಪುಮಾನ್ನ ಸ್ತ್ರೀ ನ ಬೋಧೋ ನೈವ ಕಲ್ಪನಾ .
ಸಾನಂದೋ ವಾ ನಿರಾನಂದಮಾತ್ಮಾನಂ ಮನ್ಯಸೇ ಕಥಂ .. 47..
ಷಡಂಗಯೋಗಾನ್ನ ತು ನೈವ ಶುದ್ಧಂ
ಮನೋವಿನಾಶಾನ್ನ ತು ನೈವ ಶುದ್ಧಂ .
ಗುರೂಪದೇಶಾನ್ನ ತು ನೈವ ಶುದ್ಧಂ
ಸ್ವಯಂ ಚ ತತ್ತ್ವಂ ಸ್ವಯಮೇವ ಬುದ್ಧಂ .. 48..
ನ ಹಿ ಪಂಚಾತ್ಮಕೋ ದೇಹೋ ವಿದೇಹೋ ವರ್ತತೇ ನ ಹಿ .
ಆತ್ಮೈವ ಕೇವಲಂ ಸರ್ವಂ ತುರೀಯಂ ಚ ತ್ರಯಂ ಕಥಂ .. 49..
ನ ಬದ್ಧೋ ನೈವ ಮುಕ್ತೋಽಹಂ ನ ಚಾಹಂ ಬ್ರಹ್ಮಣಃ ಪೃಥಕ್ .
ನ ಕರ್ತಾ ನ ಚ ಭೋಕ್ತಾಹಂ ವ್ಯಾಪ್ಯವ್ಯಾಪಕವರ್ಜಿತಃ .. 50..

4 sanskritdocuments.org
 ಅವಧೂತ ಗೀತಾ

ಯಥಾ ಜಲಂ ಜಲೇ ನ್ಯಸ್ತಂ ಸಲಿಲಂ ಭೇದವರ್ಜಿತಂ .

ಪ್ರಕೃತಿಂ ಪುರುಷಂ ತದ್ವದಭಿನ್ನಂ ಪ್ರತಿಭಾತಿ ಮೇ .. 51..
ಯದಿ ನಾಮ ನ ಮುಕ್ತೋಽಸಿ ನ ಬದ್ಧೋಽಸಿ ಕದಾಚನ .
ಸಾಕಾರಂ ಚ ನಿರಾಕಾರಮಾತ್ಮಾನಂ ಮನ್ಯಸೇ ಕಥಂ .. 52..
ಜಾನಾಮಿ ತೇ ಪರಂ ರೂಪಂ ಪ್ರತ್ಯಕ್ಷಂ ಗಗನೋಪಮಂ .
ಯಥಾ ಪರಂ ಹಿ ರೂಪಂ ಯನ್ಮರೀಚಿಜಲಸನ್ನಿಭಂ .. 53..
ನ ಗುರುರ್ನೋಪದೇಶಶ್ಚ ನ ಚೋಪಾಧಿರ್ನ ಮೇ ಕ್ರಿಯಾ .
ವಿದೇಹಂ ಗಗನಂ ವಿದ್ಧಿ ವಿಶುದ್ಧೋಽಹಂ ಸ್ವಭಾವತಃ .. 54..
ವಿಶುದ್ಧೋಽಸ್ಯ ಶರೀರೋಽಸಿ ನ ತೇ ಚಿತ್ತಂ ಪರಾತ್ಪರಂ .
ಅಹಂ ಚಾತ್ಮಾ ಪರಂ ತತ್ತ್ವಮಿತಿ ವಕ್ತುಂ ನ ಲಜ್ಜಸೇ .. 55..
ಕಥಂ ರೋದಿಷಿ ರೇ ಚಿತ್ತ ಹ್ಯಾತ್ಮೈವಾತ್ಮಾತ್ಮನಾ ಭವ .
ಪಿಬ ವತ್ಸ ಕಲಾತೀತಮದ್ವೈತಂ ಪರಮಾಮೃತಂ .. 56..
ನೈವ ಬೋಧೋ ನ ಚಾಬೋಧೋ ನ ಬೋಧಾಬೋಧ ಏವ ಚ .
ಯಸ್ಯೇದೃಶಃ ಸದಾ ಬೋಧಃ ಸ ಬೋಧೋ ನಾನ್ಯಥಾ ಭವೇತ್ .. 57..
ಜ್ಞಾನಂ ನ ತರ್ಕೋ ನ ಸಮಾಧಿಯೋಗೋ
ನ ದೇಶಕಾಲೌ ನ ಗುರೂಪದೇಶಃ .
ಸ್ವಭಾವಸಂವಿತ್ತರಹಂ ಚ ತತ್ತ್ವ-
ಮಾಕಾಶಕಲ್ಪಂ ಸಹಜಂ ಧ್ರುವಂ ಚ .. 58..
ನ ಜಾತೋಽಹಂ ಮೃತೋ ವಾಪಿ ನ ಮೇ ಕರ್ಮ ಶುಭಾಶುಭಂ .
ವಿಶುದ್ಧಂ ನಿರ್ಗುಣಂ ಬ್ರಹ್ಮ ಬಂಧೋ ಮುಕ್ತಿಃ ಕಥಂ ಮಮ .. 59..
ಯದಿ ಸರ್ವಗತೋ ದೇವಃ ಸ್ಥಿರಃ ಪೂರ್ಣೋ ನಿರಂತರಃ .
ಅಂತರಂ ಹಿ ನ ಪಶ್ಯಾಮಿ ಸ ಬಾಹ್ಯಾಭ್ಯಂತರಃ ಕಥಂ .. 60..
ಸ್ಫುರತ್ಯೇವ ಜಗತ್ಕೃತ್ಸ್ನಮಖಂಡಿತನಿರಂತರಂ .
ಅಹೋ ಮಾಯಾಮಹಾಮೋಹೋ ದ್ವೈತಾದ್ವೈತವಿಕಲ್ಪನಾ .. 61..
ಸಾಕಾರಂ ಚ ನಿರಾಕಾರಂ ನೇತಿ ನೇತೀತಿ ಸರ್ವದಾ .
ಭೇದಾಭೇದವಿನಿರ್ಮುಕ್ತೋ ವರ್ತತೇ ಕೇವಲಃ ಶಿವಃ .. 62..
ನ ತೇ ಚ ಮಾತಾ ಚ ಪಿತಾ ಚ ಬಂಧುಃ
ನ ತೇ ಚ ಪತ್ನೀ ನ ಸುತಶ್ಚ ಮಿತ್ರಂ .
ನ ಪಕ್ಷಪಾತೀ ನ ವಿಪಕ್ಷಪಾತಃ
ಕಥಂ ಹಿ ಸಂತಪ್ತಿರಿಯಂ ಹಿ ಚಿತ್ತೇ .. 63..
ದಿವಾ ನಕ್ತಂ ನ ತೇ ಚಿತ್ತಂ ಉದಯಾಸ್ತಮಯೌ ನ ಹಿ .

avadhutagiitaa.pdf 5
 ಅವಧೂತ ಗೀತಾ

ವಿದೇಹಸ್ಯ ಶರೀರತ್ವಂ ಕಲ್ಪಯಂತಿ ಕಥಂ ಬುಧಾಃ .. 64..

ನಾವಿಭಕ್ತಂ ವಿಭಕ್ತಂ ಚ ನ ಹಿ ದುಃಖಸುಖಾದಿ ಚ .
ನ ಹಿ ಸರ್ವಮಸರ್ವಂ ಚ ವಿದ್ಧಿ ಚಾತ್ಮಾನಮವ್ಯಯಂ .. 65..
ನಾಹಂ ಕರ್ತಾ ನ ಭೋಕ್ತಾ ಚ ನ ಮೇ ಕರ್ಮ ಪುರಾಽಧುನಾ .
ನ ಮೇ ದೇಹೋ ವಿದೇಹೋ ವಾ ನಿರ್ಮಮೇತಿ ಮಮೇತಿ ಕಿಂ .. 66..
ನ ಮೇ ರಾಗಾದಿಕೋ ದೋಷೋ ದುಃಖಂ ದೇಹಾದಿಕಂ ನ ಮೇ .
ಆತ್ಮಾನಂ ವಿದ್ಧಿ ಮಾಮೇಕಂ ವಿಶಾಲಂ ಗಗನೋಪಮಂ .. 67..
ಸಖೇ ಮನಃ ಕಿಂ ಬಹುಜಲ್ಪಿತೇನ
ಸಖೇ ಮನಃ ಸರ್ವಮಿದಂ ವಿತರ್ಕ್ಯಂ .
ಯತ್ಸಾರಭೂತಂ ಕಥಿತಂ ಮಯಾ ತೇ
ತ್ವಮೇವ ತತ್ತ್ವಂ ಗಗನೋಪಮೋಽಸಿ .. 68..
ಯೇನ ಕೇನಾಪಿ ಭಾವೇನ ಯತ್ರ ಕುತ್ರ ಮೃತಾ ಅಪಿ .
ಯೋಗಿನಸ್ತತ್ರ ಲೀಯಂತೇ ಘಟಾಕಾಶಮಿವಾಂಬರೇ .. 69..
ತೀರ್ಥೇ ಚಾಂತ್ಯಜಗೇಹೇ ವಾ ನಷ್ಟಸ್ಮೃತಿರಪಿ ತ್ಯಜನ್ .
ಸಮಕಾಲೇ ತನುಂ ಮುಕ್ತಃ ಕೈವಲ್ಯವ್ಯಾಪಕೋ ಭವೇತ್ .. 70..
ಧರ್ಮಾರ್ಥಕಾಮಮೋಕ್ಷಾಂಶ್ಚ ದ್ವಿಪದಾದಿಚರಾಚರಂ .
ಮನ್ಯಂತೇ ಯೋಗಿನಃ ಸರ್ವಂ ಮರೀಚಿಜಲಸನ್ನಿಭಂ .. 71..
ಅತೀತಾನಾಗತಂ ಕರ್ಮ ವರ್ತಮಾನಂ ತಥೈವ ಚ .
ನ ಕರೋಮಿ ನ ಭುಂಜಾಮಿ ಇತಿ ಮೇ ನಿಶ್ಚಲಾ ಮತಿಃ .. 72..
ಶೂನ್ಯಾಗಾರೇ ಸಮರಸಪೂತ-
ಸ್ತಿಷ್ಠನ್ನೇಕಃ ಸುಖಮವಧೂತಃ .
ಚರತಿ ಹಿ ನಗ್ನಸ್ತ್ಯಕ್ತ್ವಾ ಗರ್ವಂ
ವಿಂದತಿ ಕೇವಲಮಾತ್ಮನಿ ಸರ್ವಂ .. 73..
ತ್ರಿತಯತುರೀಯಂ ನ ಹಿ ನಹಿ ಯತ್ರ
ವಿಂದತಿ ಕೇವಲಮಾತ್ಮನಿ ತತ್ರ .
ಧರ್ಮಾಧರ್ಮೌ ನ ಹಿ ನಹಿ ಯತ್ರ
ಬದ್ಧೋ ಮುಕ್ತಃ ಕಥಮಿಹ ತತ್ರ .. 74..
ವಿಂದತಿ ವಿಂದತಿ ನ ಹಿ ನಹಿ ಮಂತ್ರಂ
ಛಂದೋಲಕ್ಷಣಂ ನ ಹಿ ನಹಿ ತಂತ್ರಂ .
ಸಮರಸಮಗ್ನೋ ಭಾವಿತಪೂತಃ
ಪ್ರಲಪಿತಮೇತತ್ಪರಮವಧೂತಃ .. 75..
ಸರ್ವಶೂನ್ಯಮಶೂನ್ಯಂ ಚ ಸತ್ಯಾಸತ್ಯಂ ನ ವಿದ್ಯತೇ .

6 sanskritdocuments.org
 ಅವಧೂತ ಗೀತಾ

ಸ್ವಭಾವಭಾವತಃ ಪ್ರೋಕ್ತಂ ಶಾಸ್ತ್ರಸಂವಿತ್ತಿಪೂರ್ವಕಂ .. 76..

ಇತಿ ಪ್ರಥಮೋಽಧ್ಯಾಯಃ .. 1..

ಅಥ ದ್ವಿತೀಯೋಽಧ್ಯಾಯಃ
ಬಾಲಸ್ಯ ವಾ ವಿಷಯಭೋಗರತಸ್ಯ ವಾಪಿ
ಮೂರ್ಖಸ್ಯ ಸೇವಕಜನಸ್ಯ ಗೃಹಸ್ಥಿತಸ್ಯ .
ಏತದ್ಗುರೋಃ ಕಿಮಪಿ ನೈವ ನ ಚಿಂತನೀಯಂ
ರತ್ನಂ ಕಥಂ ತ್ಯಜತಿ ಕೋಽಪ್ಯಶುಚೌ ಪ್ರವಿಷ್ಟಂ .. 1..
ನೈವಾತ್ರ ಕಾವ್ಯಗುಣ ಏವ ತು ಚಿಂತನೀಯೋ
ಗ್ರಾಹ್ಯಃ ಪರಂ ಗುಣವತಾ ಖಲು ಸಾರ ಏವ .
ಸಿಂದೂರಚಿತ್ರರಹಿತಾ ಭುವಿ ರೂಪಶೂನ್ಯಾ
ಪಾರಂ ನ ಕಿಂ ನಯತಿ ನೌರಿಹ ಗಂತುಕಾಮಾನ್ .. 2..
ಪ್ರಯತ್ನೇನ ವಿನಾ ಯೇನ ನಿಶ್ಚಲೇನ ಚಲಾಚಲಂ .
ಗ್ರಸ್ತಂ ಸ್ವಭಾವತಃ ಶಾಂತಂ ಚೈತನ್ಯಂ ಗಗನೋಪಮಂ .. 3..
ಅಯತ್ನಾಛಾಲಯೇದ್ಯಸ್ತು ಏಕಮೇವ ಚರಾಚರಂ .
ಸರ್ವಗಂ ತತ್ಕಥಂ ಭಿನ್ನಮದ್ವೈತಂ ವರ್ತತೇ ಮಮ .. 4..
ಅಹಮೇವ ಪರಂ ಯಸ್ಮಾತ್ಸಾರಾತ್ಸಾರತರಂ ಶಿವಂ .
ಗಮಾಗಮವಿನಿರ್ಮುಕ್ತಂ ನಿರ್ವಿಕಲ್ಪಂ ನಿರಾಕುಲಂ .. 5..
ಸರ್ವಾವಯವನಿರ್ಮುಕ್ತಂ ತಥಾಹಂ ತ್ರಿದಶಾರ್ಚಿತಂ .
ಸಂಪೂರ್ಣತ್ವಾನ್ನ ಗೃಹ್ಣಾಮಿ ವಿಭಾಗಂ ತ್ರಿದಶಾದಿಕಂ .. 6..
ಪ್ರಮಾದೇನ ನ ಸಂದೇಹಃ ಕಿಂ ಕರಿಷ್ಯಾಮಿ ವೃತ್ತಿಮಾನ್ .
ಉತ್ಪದ್ಯಂತೇ ವಿಲೀಯಂತೇ ಬುದ್ಬುದಾಶ್ಚ ಯಥಾ ಜಲೇ .. 7..
ಮಹದಾದೀನಿ ಭೂತಾನಿ ಸಮಾಪ್ಯೈವಂ ಸದೈವ ಹಿ .
ಮೃದುದ್ರವ್ಯೇಷು ತೀಕ್ಷ್ಣೇಷು ಗುಡೇಷು ಕಟುಕೇಷು ಚ .. 8..
ಕಟುತ್ವಂ ಚೈವ ಶೈತ್ಯತ್ವಂ ಮೃದುತ್ವಂ ಚ ಯಥಾ ಜಲೇ .
ಪ್ರಕೃತಿಃ ಪುರುಷಸ್ತದ್ವದಭಿನ್ನಂ ಪ್ರತಿಭಾತಿ ಮೇ .. 9..
ಸರ್ವಾಖ್ಯಾರಹಿತಂ ಯದ್ಯತ್ಸೂಕ್ಷ್ಮಾತ್ಸೂಕ್ಷ್ಮತರಂ ಪರಂ .
ಮನೋಬುದ್ಧೀಂದ್ರಿಯಾತೀತಮಕಲಂಕಂ ಜಗತ್ಪತಿಂ .. 10..
ಈದೃಶಂ ಸಹಜಂ ಯತ್ರ ಅಹಂ ತತ್ರ ಕಥಂ ಭವೇತ್ .
ತ್ವಮೇವ ಹಿ ಕಥಂ ತತ್ರ ಕಥಂ ತತ್ರ ಚರಾಚರಂ .. 11..
ಗಗನೋಪಮಂ ತು ಯತ್ಪ್ರೋಕ್ತಂ ತದೇವ ಗಗನೋಪಮಂ .

avadhutagiitaa.pdf 7
 ಅವಧೂತ ಗೀತಾ

ಚೈತನ್ಯಂ ದೋಷಹೀನಂ ಚ ಸರ್ವಜ್ಞಂ ಪೂರ್ಣಮೇವ ಚ .. 12..

ಪೃಥಿವ್ಯಾಂ ಚರಿತಂ ನೈವ ಮಾರುತೇನ ಚ ವಾಹಿತಂ .
ವರಿಣಾ ಪಿಹಿತಂ ನೈವ ತೇಜೋಮಧ್ಯೇ ವ್ಯವಸ್ಥಿತಂ .. 13..
ಆಕಾಶಂ ತೇನ ಸಂವ್ಯಾಪ್ತಂ ನ ತದ್ವ್ಯಾಪ್ತಂ ಚ ಕೇನಚಿತ್ .
ಸ ಬಾಹ್ಯಾಭ್ಯಂತರಂ ತಿಷ್ಠತ್ಯವಚ್ಛಿನ್ನಂ ನಿರಂತರಂ .. 14..
ಸೂಕ್ಷ್ಮತ್ವಾತ್ತದದೃಶ್ಯತ್ವಾನ್ನಿರ್ಗುಣತ್ವಾಚ್ಚ ಯೋಗಿಭಿಃ .
ಆಲಂಬನಾದಿ ಯತ್ಪ್ರೋಕ್ತಂ ಕ್ರಮಾದಾಲಂಬನಂ ಭವೇತ್ .. 15..
ಸತತಾಽಭ್ಯಾಸಯುಕ್ತಸ್ತು ನಿರಾಲಂಬೋ ಯದಾ ಭವೇತ್ .
ತಲ್ಲಯಾಲ್ಲೀಯತೇ ನಾಂತರ್ಗುಣದೋಷವಿವರ್ಜಿತಃ .. 16..
ವಿಷವಿಶ್ವಸ್ಯ ರೌದ್ರಸ್ಯ ಮೋಹಮೂರ್ಚ್ಛಾಪ್ರದಸ್ಯ ಚ .
ಏಕಮೇವ ವಿನಾಶಾಯ ಹ್ಯಮೋಘಂ ಸಹಜಾಮೃತಂ .. 17..
ಭಾವಗಮ್ಯಂ ನಿರಾಕಾರಂ ಸಾಕಾರಂ ದೃಷ್ಟಿಗೋಚರಂ .
ಭಾವಾಭಾವವಿನಿರ್ಮುಕ್ತಮಂತರಾಲಂ ತದುಚ್ಯತೇ .. 18..
ಬಾಹ್ಯಭಾವಂ ಭವೇದ್ವಿಶ್ವಮಂತಃ ಪ್ರಕೃತಿರುಚ್ಯತೇ .
ಅಂತರಾದಂತರಂ ಜ್ಞೇಯಂ ನಾರಿಕೇಲಫಲಾಂಬುವತ್ .. 19..
ಭ್ರಾಂತಿಜ್ಞಾನಂ ಸ್ಥಿತಂ ಬಾಹ್ಯಂ ಸಮ್ಯಗ್ಜ್ಞಾನಂ ಚ ಮಧ್ಯಗಂ .
ಮಧ್ಯಾನ್ಮಧ್ಯತರಂ ಜ್ಞೇಯಂ ನಾರಿಕೇಲಫಲಾಂಬುವತ್ .. 20..
ಪೌರ್ಣಮಾಸ್ಯಾಂ ಯಥಾ ಚಂದ್ರ ಏಕ ಏವಾತಿನಿರ್ಮಲಃ .
ತೇನ ತತ್ಸದೃಶಂ ಪಶ್ಯೇದ್ದ್ವಿಧಾದೃಷ್ಟಿರ್ವಿಪರ್ಯಯಃ .. 21..
ಅನೇನೈವ ಪ್ರಕಾರೇಣ ಬುದ್ಧಿಭೇದೋ ನ ಸರ್ವಗಃ .
ದಾತಾ ಚ ಧೀರತಾಮೇತಿ ಗೀಯತೇ ನಾಮಕೋಟಿಭಿಃ .. 22..
ಗುರುಪ್ರಜ್ಞಾಪ್ರಸಾದೇನ ಮೂರ್ಖೋ ವಾ ಯದಿ ಪಂಡಿತಃ .
ಯಸ್ತು ಸಂಬುಧ್ಯತೇ ತತ್ತ್ವಂ ವಿರಕ್ತೋ ಭವಸಾಗರಾತ್ .. 23..
ರಾಗದ್ವೇಷವಿನಿರ್ಮುಕ್ತಃ ಸರ್ವಭೂತಹಿತೇ ರತಃ .
ದೃಢಬೋಧಶ್ಚ ಧೀರಶ್ಚ ಸ ಗಚ್ಛೇತ್ಪರಮಂ ಪದಂ .. 24..
ಘಟೇ ಭಿನ್ನೇ ಘಟಾಕಾಶ ಆಕಾಶೇ ಲೀಯತೇ ಯಥಾ .
ದೇಹಾಭಾವೇ ತಥಾ ಯೋಗೀ ಸ್ವರೂಪೇ ಪರಮಾತ್ಮನಿ .. 25..
ಉಕ್ತೇಯಂ ಕರ್ಮಯುಕ್ತಾನಾಂ ಮತಿರ್ಯಾಂತೇಽಪಿ ಸಾ ಗತಿಃ .
ನ ಚೋಕ್ತಾ ಯೋಗಯುಕ್ತಾನಾಂ ಮತಿರ್ಯಾಂತೇಽಪಿ ಸಾ ಗತಿಃ .. 26..
ಯಾ ಗತಿಃ ಕರ್ಮಯುಕ್ತಾನಾಂ ಸಾ ಚ ವಾಗಿಂದ್ರಿಯಾದ್ವದೇತ್ .
ಯೋಗಿನಾಂ ಯಾ ಗತಿಃ ಕ್ವಾಪಿ ಹ್ಯಕಥ್ಯಾ ಭವತೋರ್ಜಿತಾ .. 27..
ಏವಂ ಜ್ಞಾತ್ವಾ ತ್ವಮುಂ ಮಾರ್ಗಂ ಯೋಗಿನಾಂ ನೈವ ಕಲ್ಪಿತಂ .

8 sanskritdocuments.org
 ಅವಧೂತ ಗೀತಾ

ವಿಕಲ್ಪವರ್ಜನಂ ತೇಷಾಂ ಸ್ವಯಂ ಸಿದ್ಧಿಃ ಪ್ರವರ್ತತೇ .. 28..

ತೀರ್ಥೇ ವಾಂತ್ಯಜಗೇಹೇ ವಾ ಯತ್ರ ಕುತ್ರ ಮೃತೋಽಪಿ ವಾ .
ನ ಯೋಗೀ ಪಶ್ಯತೇ ಗರ್ಭಂ ಪರೇ ಬ್ರಹ್ಮಣಿ ಲೀಯತೇ .. 29..
ಸಹಜಮಜಮಚಿಂತ್ಯಂ ಯಸ್ತು ಪಶ್ಯೇತ್ಸ್ವರೂಪಂ
ಘಟತಿ ಯದಿ ಯಥೇಷ್ಟಂ ಲಿಪ್ಯತೇ ನೈವ ದೋಷೈಃ .
ಸಕೃದಪಿ ತದಭಾವಾತ್ಕರ್ಮ ಕಿಂಚಿನ್ನಕುರ್ಯಾತ್
ತದಪಿ ನ ಚ ವಿಬದ್ಧಃ ಸಂಯಮೀ ವಾ ತಪಸ್ವೀ .. 30..
ನಿರಾಮಯಂ ನಿಷ್ಪ್ರತಿಮಂ ನಿರಾಕೃತಿಂ
ನಿರಾಶ್ರಯಂ ನಿರ್ವಪುಷಂ ನಿರಾಶಿಷಂ .
ನಿರ್ದ್ವಂದ್ವನಿರ್ಮೋಹಮಲುಪ್ತಶಕ್ತಿಕಂ
ತಮೀಶಮಾತ್ಮಾನಮುಪೈತಿ ಶಾಶ್ವತಂ .. 31..
ವೇದೋ ನ ದೀಕ್ಷಾ ನ ಚ ಮುಂಡನಕ್ರಿಯಾ
ಗುರುರ್ನ ಶಿಷ್ಯೋ ನ ಚ ಯಂತ್ರಸಂಪದಃ .
ಮುದ್ರಾದಿಕಂ ಚಾಪಿ ನ ಯತ್ರ ಭಾಸತೇ
ತಮೀಶಮಾತ್ಮಾನಮುಪೈತಿ ಶಾಶ್ವತಂ .. 32..
ನ ಶಾಂಭವಂ ಶಾಕ್ತಿಕಮಾನವಂ ನ ವಾ
ಪಿಂಡಂ ಚ ರೂಪಂ ಚ ಪದಾದಿಕಂ ನ ವಾ .
ಆರಂಭನಿಷ್ಪತ್ತಿಘಟಾದಿಕಂ ಚ ನೋ
ತಮೀಶಮಾತ್ಮಾನಮುಪೈತಿ ಶಾಶ್ವತಂ .. 33..
ಯಸ್ಯ ಸ್ವರೂಪಾತ್ಸಚರಾಚರಂ ಜಗ-
ದುತ್ಪದ್ಯತೇ ತಿಷ್ಠತಿ ಲೀಯತೇಽಪಿ ವಾ .
ಪಯೋವಿಕಾರಾದಿವ ಫೇನಬುದ್ಬುದಾ-
ಸ್ತಮೀಶಮಾತ್ಮಾನಮುಪೈತಿ ಶಾಶ್ವತಂ .. 34..
ನಾಸಾನಿರೋಧೋ ನ ಚ ದೃಷ್ಟಿರಾಸನಂ
ಬೋಧೋಽಪ್ಯಬೋಧೋಽಪಿ ನ ಯತ್ರ ಭಾಸತೇ .
ನಾಡೀಪ್ರಚಾರೋಽಪಿ ನ ಯತ್ರ ಕಿಂಚಿ-
ತ್ತಮೀಶಮಾತ್ಮಾನಮುಪೈತಿ ಶಾಶ್ವತಂ .. 35..
ನಾನಾತ್ವಮೇಕತ್ವಮುಭತ್ವಮನ್ಯತಾ
ಅಣುತ್ವದೀರ್ಘತ್ವಮಹತ್ತ್ವಶೂನ್ಯತಾ .
ಮಾನತ್ವಮೇಯತ್ವಸಮತ್ವವರ್ಜಿತಂ
ತಮೀಶಮಾತ್ಮಾನಮುಪೈತಿ ಶಾಶ್ವತಂ .. 36..
ಸುಸಂಯಮೀ ವಾ ಯದಿ ವಾ ನ ಸಂಯಮೀ

avadhutagiitaa.pdf 9
 ಅವಧೂತ ಗೀತಾ

ಸುಸಂಗ್ರಹೀ ವಾ ಯದಿ ವಾ ನ ಸಂಗ್ರಹೀ .

ನಿಷ್ಕರ್ಮಕೋ ವಾ ಯದಿ ವಾ ಸಕರ್ಮಕ-
ಸ್ತಮೀಶಮಾತ್ಮಾನಮುಪೈತಿ ಶಾಶ್ವತಂ .. 37..
ಮನೋ ನ ಬುದ್ಧಿರ್ನ ಶರೀರಮಿಂದ್ರಿಯಂ
ತನ್ಮಾತ್ರಭೂತಾನಿ ನ ಭೂತಪಂಚಕಂ .
ಅಹಂಕೃತಿಶ್ಚಾಪಿ ವಿಯತ್ಸ್ವರೂಪಕಂ
ತಮೀಶಮಾತ್ಮಾನಮುಪೈತಿ ಶಾಶ್ವತಂ .. 38..
ವಿಧೌ ನಿರೋಧೇ ಪರಮಾತ್ಮತಾಂ ಗತೇ
ನ ಯೋಗಿನಶ್ಚೇತಸಿ ಭೇದವರ್ಜಿತೇ .
ಶೌಚಂ ನ ವಾಶೌಚಮಲಿಂಗಭಾವನಾ
ಸರ್ವಂ ವಿಧೇಯಂ ಯದಿ ವಾ ನಿಷಿಧ್ಯತೇ .. 39..
ಮನೋ ವಚೋ ಯತ್ರ ನ ಶಕ್ತಮೀರಿತುಂ
ನೂನಂ ಕಥಂ ತತ್ರ ಗುರೂಪದೇಶತಾ .
ಇಮಾಂ ಕಥಾಮುಕ್ತವತೋ ಗುರೋಸ್ತ-
ದ್ಯುಕ್ತಸ್ಯ ತತ್ತ್ವಂ ಹಿ ಸಮಂ ಪ್ರಕಾಶತೇ .. 40..
ಇತಿ ದ್ವಿತೀಯೋಽಧ್ಯಾಯಃ .. 2..

ಅಥ ತೃತೀಯೋಽಧ್ಯಾಯಃ
ಗುಣವಿಗುಣವಿಭಾಗೋ ವರ್ತತೇ ನೈವ ಕಿಂಚಿತ್
ರತಿವಿರತಿವಿಹೀನಂ ನಿರ್ಮಲಂ ನಿಷ್ಪ್ರಪಂಚಂ .
ಗುಣವಿಗುಣವಿಹೀನಂ ವ್ಯಾಪಕಂ ವಿಶ್ವರೂಪಂ
ಕಥಮಹಮಿಹ ವಂದೇ ವ್ಯೋಮರೂಪಂ ಶಿವಂ ವೈ .. 1..
ಶ್ವೇತಾದಿವರ್ಣರಹಿತೋ ನಿಯತಂ ಶಿವಶ್ಚ
ಕಾರ್ಯಂ ಹಿ ಕಾರಣಮಿದಂ ಹಿ ಪರಂ ಶಿವಶ್ಚ .
ಏವಂ ವಿಕಲ್ಪರಹಿತೋಽಹಮಲಂ ಶಿವಶ್ಚ
ಸ್ವಾತ್ಮಾನಮಾತ್ಮನಿ ಸುಮಿತ್ರ ಕಥಂ ನಮಾಮಿ .. 2..
ನಿರ್ಮೂಲಮೂಲರಹಿತೋ ಹಿ ಸದೋದಿತೋಽಹಂ
ನಿರ್ಧೂಮಧೂಮರಹಿತೋ ಹಿ ಸದೋದಿತೋಽಹಂ .
ನಿರ್ದೀಪದೀಪರಹಿತೋ ಹಿ ಸದೋದಿತೋಽಹಂ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 3..
ನಿಷ್ಕಾಮಕಾಮಮಿಹ ನಾಮ ಕಥಂ ವದಾಮಿ

10 sanskritdocuments.org
 ಅವಧೂತ ಗೀತಾ

ನಿಃಸಂಗಸಂಗಮಿಹ ನಾಮ ಕಥಂ ವದಾಮಿ .

ನಿಃಸಾರಸಾರರಹಿತಂ ಚ ಕಥಂ ವದಾಮಿ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 4..
ಅದ್ವೈತರೂಪಮಖಿಲಂ ಹಿ ಕಥಂ ವದಾಮಿ
ದ್ವೈತಸ್ವರೂಪಮಖಿಲಂ ಹಿ ಕಥಂ ವದಾಮಿ .
ನಿತ್ಯಂ ತ್ವನಿತ್ಯಮಖಿಲಂ ಹಿ ಕಥಂ ವದಾಮಿ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 5..
ಸ್ಥೂಲಂ ಹಿ ನೋ ನ ಹಿ ಕೃಶಂ ನ ಗತಾಗತಂ ಹಿ
ಆದ್ಯಂತಮಧ್ಯರಹಿತಂ ನ ಪರಾಪರಂ ಹಿ .
ಸತ್ಯಂ ವದಾಮಿ ಖಲು ವೈ ಪರಮಾರ್ಥತತ್ತ್ವಂ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 6..
ಸಂವಿದ್ಧಿ ಸರ್ವಕರಣಾನಿ ನಭೋನಿಭಾನಿ
ಸಂವಿದ್ಧಿ ಸರ್ವವಿಷಯಾಂಶ್ಚ ನಭೋನಿಭಾಂಶ್ಚ .
ಸಂವಿದ್ಧಿ ಚೈಕಮಮಲಂ ನ ಹಿ ಬಂಧಮುಕ್ತಂ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 7..
ದುರ್ಬೋಧಬೋಧಗಹನೋ ನ ಭವಾಮಿ ತಾತ
ದುರ್ಲಕ್ಷ್ಯಲಕ್ಷ್ಯಗಹನೋ ನ ಭವಾಮಿ ತಾತ .
ಆಸನ್ನರೂಪಗಹನೋ ನ ಭವಾಮಿ ತಾತ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 8..
ನಿಷ್ಕರ್ಮಕರ್ಮದಹನೋ ಜ್ವಲನೋ ಭವಾಮಿ
ನಿರ್ದುಃಖದುಃಖದಹನೋ ಜ್ವಲನೋ ಭವಾಮಿ .
ನಿರ್ದೇಹದೇಹದಹನೋ ಜ್ವಲನೋ ಭವಾಮಿ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 9..
ನಿಷ್ಪಾಪಪಾಪದಹನೋ ಹಿ ಹುತಾಶನೋಽಹಂ
ನಿರ್ಧರ್ಮಧರ್ಮದಹನೋ ಹಿ ಹುತಾಶನೋಽಹಂ .
ನಿರ್ಬಂಧಬಂಧದಹನೋ ಹಿ ಹುತಾಶನೋಽಹಂ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 10..
ನಿರ್ಭಾವಭಾವರಹಿತೋ ನ ಭವಾಮಿ ವತ್ಸ
ನಿರ್ಯೋಗಯೋಗರಹಿತೋ ನ ಭವಾಮಿ ವತ್ಸ .
ನಿಶ್ಚಿತ್ತಚಿತ್ತರಹಿತೋ ನ ಭವಾಮಿ ವತ್ಸ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 11..
ನಿರ್ಮೋಹಮೋಹಪದವೀತಿ ನ ಮೇ ವಿಕಲ್ಪೋ

avadhutagiitaa.pdf 11
 ಅವಧೂತ ಗೀತಾ

ನಿಃಶೋಕಶೋಕಪದವೀತಿ ನ ಮೇ ವಿಕಲ್ಪಃ .
ನಿರ್ಲೋಭಲೋಭಪದವೀತಿ ನ ಮೇ ವಿಕಲ್ಪೋ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 12..
ಸಂಸಾರಸಂತತಿಲತಾ ನ ಚ ಮೇ ಕದಾಚಿತ್
ಸಂತೋಷಸಂತತಿಸುಖೋ ನ ಚ ಮೇ ಕದಾಚಿತ್ .
ಅಜ್ಞಾನಬಂಧನಮಿದಂ ನ ಚ ಮೇ ಕದಾಚಿತ್
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 13..
ಸಂಸಾರಸಂತತಿರಜೋ ನ ಚ ಮೇ ವಿಕಾರಃ
ಸಂತಾಪಸಂತತಿತಮೋ ನ ಚ ಮೇ ವಿಕಾರಃ .
ಸತ್ತ್ವಂ ಸ್ವಧರ್ಮಜನಕಂ ನ ಚ ಮೇ ವಿಕಾರೋ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 14..
ಸಂತಾಪದುಃಖಜನಕೋ ನ ವಿಧಿಃ ಕದಾಚಿತ್
ಸಂತಾಪಯೋಗಜನಿತಂ ನ ಮನಃ ಕದಾಚಿತ್ .
ಯಸ್ಮಾದಹಂಕೃತಿರಿಯಂ ನ ಚ ಮೇ ಕದಾಚಿತ್
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 15..
ನಿಷ್ಕಂಪಕಂಪನಿಧನಂ ನ ವಿಕಲ್ಪಕಲ್ಪಂ
ಸ್ವಪ್ನಪ್ರಬೋಧನಿಧನಂ ನ ಹಿತಾಹಿತಂ ಹಿ .
ನಿಃಸಾರಸಾರನಿಧನಂ ನ ಚರಾಚರಂ ಹಿ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 16..
ನೋ ವೇದ್ಯವೇದಕಮಿದಂ ನ ಚ ಹೇತುತರ್ಕ್ಯಂ
ವಾಚಾಮಗೋಚರಮಿದಂ ನ ಮನೋ ನ ಬುದ್ಧಿಃ .
ಏವಂ ಕಥಂ ಹಿ ಭವತಃ ಕಥಯಾಮಿ ತತ್ತ್ವಂ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 17..
ನಿರ್ಭಿನ್ನಭಿನ್ನರಹಿತಂ ಪರಮಾರ್ಥತತ್ತ್ವ-
ಮಂತರ್ಬಹಿರ್ನ ಹಿ ಕಥಂ ಪರಮಾರ್ಥತತ್ತ್ವಂ .
ಪ್ರಾಕ್ಸಂಭವಂ ನ ಚ ರತಂ ನ ಹಿ ವಸ್ತು ಕಿಂಚಿತ್
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 18..
ರಾಗಾದಿದೋಷರಹಿತಂ ತ್ವಹಮೇವ ತತ್ತ್ವಂ
ದೈವಾದಿದೋಷರಹಿತಂ ತ್ವಹಮೇವ ತತ್ತ್ವಂ .
ಸಂಸಾರಶೋಕರಹಿತಂ ತ್ವಹಮೇವ ತತ್ತ್ವಂ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 19..

12 sanskritdocuments.org
 ಅವಧೂತ ಗೀತಾ

ಸ್ಥಾನತ್ರಯಂ ಯದಿ ಚ ನೇತಿ ಕಥಂ ತುರೀಯಂ

ಕಾಲತ್ರಯಂ ಯದಿ ಚ ನೇತಿ ಕಥಂ ದಿಶಶ್ಚ .
ಶಾಂತಂ ಪದಂ ಹಿ ಪರಮಂ ಪರಮಾರ್ಥತತ್ತ್ವಂ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 20..
ದೀರ್ಘೋ ಲಘುಃ ಪುನರಿತೀಹ ನಮೇ ವಿಭಾಗೋ
ವಿಸ್ತಾರಸಂಕಟಮಿತೀಹ ನ ಮೇ ವಿಭಾಗಃ .
ಕೋಣಂ ಹಿ ವರ್ತುಲಮಿತೀಹ ನ ಮೇ ವಿಭಾಗೋ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 21..
ಮಾತಾಪಿತಾದಿ ತನಯಾದಿ ನ ಮೇ ಕದಾಚಿತ್
ಜಾತಂ ಮೃತಂ ನ ಚ ಮನೋ ನ ಚ ಮೇ ಕದಾಚಿತ್ .
ನಿರ್ವ್ಯಾಕುಲಂ ಸ್ಥಿರಮಿದಂ ಪರಮಾರ್ಥತತ್ತ್ವಂ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 22..
ಶುದ್ಧಂ ವಿಶುದ್ಧಮವಿಚಾರಮನಂತರೂಪಂ
ನಿರ್ಲೇಪಲೇಪಮವಿಚಾರಮನಂತರೂಪಂ .
ನಿಷ್ಖಂಡಖಂಡಮವಿಚಾರಮನಂತರೂಪಂ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 23..
ಬ್ರಹ್ಮಾದಯಃ ಸುರಗಣಾಃ ಕಥಮತ್ರ ಸಂತಿ
ಸ್ವರ್ಗಾದಯೋ ವಸತಯಃ ಕಥಮತ್ರ ಸಂತಿ .
ಯದ್ಯೇಕರೂಪಮಮಲಂ ಪರಮಾರ್ಥತತ್ತ್ವಂ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 24..
ನಿರ್ನೇತಿ ನೇತಿ ವಿಮಲೋ ಹಿ ಕಥಂ ವದಾಮಿ
ನಿಃಶೇಷಶೇಷವಿಮಲೋ ಹಿ ಕಥಂ ವದಾಮಿ .
ನಿರ್ಲಿಂಗಲಿಂಗವಿಮಲೋ ಹಿ ಕಥಂ ವದಾಮಿ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 25..
ನಿಷ್ಕರ್ಮಕರ್ಮಪರಮಂ ಸತತಂ ಕರೋಮಿ
ನಿಃಸಂಗಸಂಗರಹಿತಂ ಪರಮಂ ವಿನೋದಂ .
ನಿರ್ದೇಹದೇಹರಹಿತಂ ಸತತಂ ವಿನೋದಂ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 26..
ಮಾಯಾಪ್ರಪಂಚರಚನಾ ನ ಚ ಮೇ ವಿಕಾರಃ .
ಕೌಟಿಲ್ಯದಂಭರಚನಾ ನ ಚ ಮೇ ವಿಕಾರಃ .
ಸತ್ಯಾನೃತೇತಿ ರಚನಾ ನ ಚ ಮೇ ವಿಕಾರೋ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 27..

avadhutagiitaa.pdf 13
 ಅವಧೂತ ಗೀತಾ

ಸಂಧ್ಯಾದಿಕಾಲರಹಿತಂ ನ ಚ ಮೇ ವಿಯೋಗೋ-
ಹ್ಯಂತಃ ಪ್ರಬೋಧರಹಿತಂ ಬಧಿರೋ ನ ಮೂಕಃ .
ಏವಂ ವಿಕಲ್ಪರಹಿತಂ ನ ಚ ಭಾವಶುದ್ಧಂ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 28..
ನಿರ್ನಾಥನಾಥರಹಿತಂ ಹಿ ನಿರಾಕುಲಂ ವೈ
ನಿಶ್ಚಿತ್ತಚಿತ್ತವಿಗತಂ ಹಿ ನಿರಾಕುಲಂ ವೈ .
ಸಂವಿದ್ಧಿ ಸರ್ವವಿಗತಂ ಹಿ ನಿರಾಕುಲಂ ವೈ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 29..
ಕಾಂತಾರಮಂದಿರಮಿದಂ ಹಿ ಕಥಂ ವದಾಮಿ
ಸಂಸಿದ್ಧಸಂಶಯಮಿದಂ ಹಿ ಕಥಂ ವದಾಮಿ .
ಏವಂ ನಿರಂತರಸಮಂ ಹಿ ನಿರಾಕುಲಂ ವೈ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 30..
ನಿರ್ಜೀವಜೀವರಹಿತಂ ಸತತಂ ವಿಭಾತಿ
ನಿರ್ಬೀಜಬೀಜರಹಿತಂ ಸತತಂ ವಿಭಾತಿ .
ನಿರ್ವಾಣಬಂಧರಹಿತಂ ಸತತಂ ವಿಭಾತಿ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 31..
ಸಂಭೂತಿವರ್ಜಿತಮಿದಂ ಸತತಂ ವಿಭಾತಿ
ಸಂಸಾರವರ್ಜಿತಮಿದಂ ಸತತಂ ವಿಭಾತಿ .
ಸಂಹಾರವರ್ಜಿತಮಿದಂ ಸತತಂ ವಿಭಾತಿ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 32..
ಉಲ್ಲೇಖಮಾತ್ರಮಪಿ ತೇ ನ ಚ ನಾಮರೂಪಂ
ನಿರ್ಭಿನ್ನಭಿನ್ನಮಪಿ ತೇ ನ ಹಿ ವಸ್ತು ಕಿಂಚಿತ್ .
ನಿರ್ಲಜ್ಜಮಾನಸ ಕರೋಷಿ ಕಥಂ ವಿಷಾದಂ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 33..
ಕಿಂ ನಾಮ ರೋದಿಷಿ ಸಖೇ ನ ಜರಾ ನ ಮೃತ್ಯುಃ
ಕಿಂ ನಾಮ ರೋದಿಷಿ ಸಖೇ ನ ಚ ಜನ್ಮ ದುಃಖಂ .
ಕಿಂ ನಾಮ ರೋದಿಷಿ ಸಖೇ ನ ಚ ತೇ ವಿಕಾರೋ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 34..
ಕಿಂ ನಾಮ ರೋದಿಷಿ ಸಖೇ ನ ಚ ತೇ ಸ್ವರೂಪಂ
ಕಿಂ ನಾಮ ರೋದಿಷಿ ಸಖೇ ನ ಚ ತೇ ವಿರೂಪಂ .
ಕಿಂ ನಾಮ ರೋದಿಷಿ ಸಖೇ ನ ಚ ತೇ ವಯಾಂಸಿ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 35..

14 sanskritdocuments.org
 ಅವಧೂತ ಗೀತಾ

ಕಿಂ ನಾಮ ರೋದಿಷಿ ಸಖೇ ನ ಚ ತೇ ವಯಾಂಸಿ

ಕಿಂ ನಾಮ ರೋದಿಷಿ ಸಖೇ ನ ಚ ತೇ ಮನಾಂಸಿ .
ಕಿಂ ನಾಮ ರೋದಿಷಿ ಸಖೇ ನ ತವೇಂದ್ರಿಯಾಣಿ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 36..
ಕಿಂ ನಾಮ ರೋದಿಷಿ ಸಖೇ ನ ಚ ತೇಽಸ್ತಿ ಕಾಮಃ
ಕಿಂ ನಾಮ ರೋದಿಷಿ ಸಖೇ ನ ಚ ತೇ ಪ್ರಲೋಭಃ .
ಕಿಂ ನಾಮ ರೋದಿಷಿ ಸಖೇ ನ ಚ ತೇ ವಿಮೋಹೋ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 37..
ಐಶ್ವರ್ಯಮಿಚ್ಛಸಿ ಕಥಂ ನ ಚ ತೇ ಧನಾನಿ
ಐಶ್ವರ್ಯಮಿಚ್ಛಸಿ ಕಥಂ ನ ಚ ತೇ ಹಿ ಪತ್ನೀ .
ಐಶ್ವರ್ಯಮಿಚ್ಛಸಿ ಕಥಂ ನ ಚ ತೇ ಮಮೇತಿ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 38..
ಲಿಂಗಪ್ರಪಂಚಜನುಷೀ ನ ಚ ತೇ ನ ಮೇ ಚ
ನಿರ್ಲಜ್ಜಮಾನಸಮಿದಂ ಚ ವಿಭಾತಿ ಭಿನ್ನಂ .
ನಿರ್ಭೇದಭೇದರಹಿತಂ ನ ಚ ತೇ ನ ಮೇ ಚ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 39..
ನೋ ವಾಣುಮಾತ್ರಮಪಿ ತೇ ಹಿ ವಿರಾಗರೂಪಂ
ನೋ ವಾಣುಮಾತ್ರಮಪಿ ತೇ ಹಿ ಸರಾಗರೂಪಂ .
ನೋ ವಾಣುಮಾತ್ರಮಪಿ ತೇ ಹಿ ಸಕಾಮರೂಪಂ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 40..
ಧ್ಯಾತಾ ನ ತೇ ಹಿ ಹೃದಯೇ ನ ಚ ತೇ ಸಮಾಧಿ-
ರ್ಧ್ಯಾನಂ ನ ತೇ ಹಿ ಹೃದಯೇ ನ ಬಹಿಃ ಪ್ರದೇಶಃ .
ಧ್ಯೇಯಂ ನ ಚೇತಿ ಹೃದಯೇ ನ ಹಿ ವಸ್ತು ಕಾಲೋ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 41..
ಯತ್ಸಾರಭೂತಮಖಿಲಂ ಕಥಿತಂ ಮಯಾ ತೇ
ನ ತ್ವಂ ನ ಮೇ ನ ಮಹತೋ ನ ಗುರುರ್ನ ನ ಶಿಷ್ಯಃ .
ಸ್ವಚ್ಛಂದರೂಪಸಹಜಂ ಪರಮಾರ್ಥತತ್ತ್ವಂ
ಜ್ಞಾನಾಮೃತಂ ಸಮರಸಂ ಗಗನೋಪಮೋಽಹಂ .. 42..
ಕಥಮಿಹ ಪರಮಾರ್ಥಂ ತತ್ತ್ವಮಾನಂದರೂಪಂ
ಕಥಮಿಹ ಪರಮಾರ್ಥಂ ನೈವಮಾನಂದರೂಪಂ .
ಕಥಮಿಹ ಪರಮಾರ್ಥಂ ಜ್ಞಾನವಿಜ್ಞಾನರೂಪಂ
ಯದಿ ಪರಮಹಮೇಕಂ ವರ್ತತೇ ವ್ಯೋಮರೂಪಂ .. 43..

avadhutagiitaa.pdf 15
 ಅವಧೂತ ಗೀತಾ

ದಹನಪವನಹೀನಂ ವಿದ್ಧಿ ವಿಜ್ಞಾನಮೇಕ-

ಮವನಿಜಲವಿಹೀನಂ ವಿದ್ಧಿ ವಿಜ್ಞಾನರೂಪಂ .
ಸಮಗಮನವಿಹೀನಂ ವಿದ್ಧಿ ವಿಜ್ಞಾನಮೇಕಂ
ಗಗನಮಿವ ವಿಶಾಲಂ ವಿದ್ಧಿ ವಿಜ್ಞಾನಮೇಕಂ .. 44..
ನ ಶೂನ್ಯರೂಪಂ ನ ವಿಶೂನ್ಯರೂಪಂ
ನ ಶುದ್ಧರೂಪಂ ನ ವಿಶುದ್ಧರೂಪಂ .
ರೂಪಂ ವಿರೂಪಂ ನ ಭವಾಮಿ ಕಿಂಚಿತ್
ಸ್ವರೂಪರೂಪಂ ಪರಮಾರ್ಥತತ್ತ್ವಂ .. 45..
ಮುಂಚ ಮುಂಚ ಹಿ ಸಂಸಾರಂ ತ್ಯಾಗಂ ಮುಂಚ ಹಿ ಸರ್ವಥಾ .
ತ್ಯಾಗಾತ್ಯಾಗವಿಷಂ ಶುದ್ಧಮಮೃತಂ ಸಹಜಂ ಧ್ರುವಂ .. 46..
ಇತಿ ತೃತೀಯೋಽಧ್ಯಾಯಃ .. 3..

ಅಥ ಚತುರ್ಥೋಽಧ್ಯಾಯಃ
ನಾವಾಹನಂ ನೈವ ವಿಸರ್ಜನಂ ವಾ
ಪುಷ್ಪಾಣಿ ಪತ್ರಾಣಿ ಕಥಂ ಭವಂತಿ .
ಧ್ಯಾನಾನಿ ಮಂತ್ರಾಣಿ ಕಥಂ ಭವಂತಿ
ಸಮಾಸಮಂ ಚೈವ ಶಿವಾರ್ಚನಂ ಚ .. 1..
ನ ಕೇವಲಂ ಬಂಧವಿಬಂಧಮುಕ್ತೋ
ನ ಕೇವಲಂ ಶುದ್ಧವಿಶುದ್ಧಮುಕ್ತಃ .
ನ ಕೇವಲಂ ಯೋಗವಿಯೋಗಮುಕ್ತಃ
ಸ ವೈ ವಿಮುಕ್ತೋ ಗಗನೋಪಮೋಽಹಂ .. 2..
ಸಂಜಾಯತೇ ಸರ್ವಮಿದಂ ಹಿ ತಥ್ಯಂ
ಸಂಜಾಯತೇ ಸರ್ವಮಿದಂ ವಿತಥ್ಯಂ .
ಏವಂ ವಿಕಲ್ಪೋ ಮಮ ನೈವ ಜಾತಃ
ಸ್ವರೂಪನಿರ್ವಾಣಮನಾಮಯೋಽಹಂ .. 3..
ನ ಸಾಂಜನಂ ಚೈವ ನಿರಂಜನಂ ವಾ
ನ ಚಾಂತರಂ ವಾಪಿ ನಿರಂತರಂ ವಾ .
ಅಂತರ್ವಿಭನ್ನಂ ನ ಹಿ ಮೇ ವಿಭಾತಿ
ಸ್ವರೂಪನಿರ್ವಾಣಮನಾಮಯೋಽಹಂ .. 4..
ಅಬೋಧಬೋಧೋ ಮಮ ನೈವ ಜಾತೋ
ಬೋಧಸ್ವರೂಪಂ ಮಮ ನೈವ ಜಾತಂ .
ನಿರ್ಬೋಧಬೋಧಂ ಚ ಕಥಂ ವದಾಮಿ

16 sanskritdocuments.org
 ಅವಧೂತ ಗೀತಾ

ಸ್ವರೂಪನಿರ್ವಾಣಮನಾಮಯೋಽಹಂ .. 5..
ನ ಧರ್ಮಯುಕ್ತೋ ನ ಚ ಪಾಪಯುಕ್ತೋ
ನ ಬಂಧಯುಕ್ತೋ ನ ಚ ಮೋಕ್ಷಯುಕ್ತಃ .
ಯುಕ್ತಂ ತ್ವಯುಕ್ತಂ ನ ಚ ಮೇ ವಿಭಾತಿ
ಸ್ವರೂಪನಿರ್ವಾಣಮನಾಮಯೋಽಹಂ .. 6..
ಪರಾಪರಂ ವಾ ನ ಚ ಮೇ ಕದಾಚಿತ್
ಮಧ್ಯಸ್ಥಭಾವೋ ಹಿ ನ ಚಾರಿಮಿತ್ರಂ .
ಹಿತಾಹಿತಂ ಚಾಪಿ ಕಥಂ ವದಾಮಿ
ಸ್ವರೂಪನಿರ್ವಾಣಮನಾಮಯೋಽಹಂ .. 7..
ನೋಪಾಸಕೋ ನೈವಮುಪಾಸ್ಯರೂಪಂ
ನ ಚೋಪದೇಶೋ ನ ಚ ಮೇ ಕ್ರಿಯಾ ಚ .
ಸಂವಿತ್ಸ್ವರೂಪಂ ಚ ಕಥಂ ವದಾಮಿ
ಸ್ವರೂಪನಿರ್ವಾಣಮನಾಮಯೋಽಹಂ .. 8..
ನೋ ವ್ಯಾಪಕಂ ವ್ಯಾಪ್ಯಮಿಹಾಸ್ತಿ ಕಿಂಚಿತ್
ನ ಚಾಲಯಂ ವಾಪಿ ನಿರಾಲಯಂ ವಾ .
ಅಶೂನ್ಯಶೂನ್ಯಂ ಚ ಕಥಂ ವದಾಮಿ
ಸ್ವರೂಪನಿರ್ವಾಣಮನಾಮಯೋಽಹಂ .. 9..
ನ ಗ್ರಾಹಕೋ ಗ್ರಾಹ್ಯಕಮೇವ ಕಿಂಚಿತ್
ನ ಕಾರಣಂ ವಾ ಮಮ ನೈವ ಕಾರ್ಯಂ .
ಅಚಿಂತ್ಯಚಿಂತ್ಯಂ ಚ ಕಥಂ ವದಾಮಿ
ಸ್ವರೂಪನಿರ್ವಾಣಮನಾಮಯೋಽಹಂ .. 10..
ನ ಭೇದಕಂ ವಾಪಿ ನ ಚೈವ ಭೇದ್ಯಂ
ನ ವೇದಕಂ ವಾ ಮಮ ನೈವ ವೇದ್ಯಂ .
ಗತಾಗತಂ ತಾತ ಕಥಂ ವದಾಮಿ
ಸ್ವರೂಪನಿರ್ವಾಣಮನಾಮಯೋಽಹಂ .. 11..
ನ ಚಾಸ್ತಿ ದೇಹೋ ನ ಚ ಮೇ ವಿದೇಹೋ
ಬುದ್ಧಿರ್ಮನೋ ಮೇ ನ ಹಿ ಚೇಂದ್ರಿಯಾಣಿ .
ರಾಗೋ ವಿರಾಗಶ್ಚ ಕಥಂ ವದಾಮಿ
ಸ್ವರೂಪನಿರ್ವಾಣಮನಾಮಯೋಽಹಂ .. 12..
ಉಲ್ಲೇಖಮಾತ್ರಂ ನ ಹಿ ಭಿನ್ನಮುಚ್ಚೈ-
ರುಲ್ಲೇಖಮಾತ್ರಂ ನ ತಿರೋಹಿತಂ ವೈ .
ಸಮಾಸಮಂ ಮಿತ್ರ ಕಥಂ ವದಾಮಿ

avadhutagiitaa.pdf 17
 ಅವಧೂತ ಗೀತಾ

ಸ್ವರೂಪನಿರ್ವಾಣಮನಾಮಯೋಽಹಂ .. 13..
ಜಿತೇಂದ್ರಿಯೋಽಹಂ ತ್ವಜಿತೇಂದ್ರಿಯೋ ವಾ
ನ ಸಂಯಮೋ ಮೇ ನಿಯಮೋ ನ ಜಾತಃ .
ಜಯಾಜಯೌ ಮಿತ್ರ ಕಥಂ ವದಾಮಿ
ಸ್ವರೂಪನಿರ್ವಾಣಮನಾಮಯೋಽಹಂ .. 14..
ಅಮೂರ್ತಮೂರ್ತಿರ್ನ ಚ ಮೇ ಕದಾಚಿ-
ದಾದ್ಯಂತಮಧ್ಯಂ ನ ಚ ಮೇ ಕದಾಚಿತ್ .
ಬಲಾಬಲಂ ಮಿತ್ರ ಕಥಂ ವದಾಮಿ
ಸ್ವರೂಪನಿರ್ವಾಣಮನಾಮಯೋಽಹಂ .. 15..
ಮೃತಾಮೃತಂ ವಾಪಿ ವಿಷಾವಿಷಂ ಚ
ಸಂಜಾಯತೇ ತಾತ ನ ಮೇ ಕದಾಚಿತ್ .
ಅಶುದ್ಧಶುದ್ಧಂ ಚ ಕಥಂ ವದಾಮಿ
ಸ್ವರೂಪನಿರ್ವಾಣಮನಾಮಯೋಽಹಂ .. 16..
ಸ್ವಪ್ನಃ ಪ್ರಬೋಧೋ ನ ಚ ಯೋಗಮುದ್ರಾ
ನಕ್ತಂ ದಿವಾ ವಾಪಿ ನ ಮೇ ಕದಾಚಿತ್ .
ಅತುರ್ಯತುರ್ಯಂ ಚ ಕಥಂ ವದಾಮಿ
ಸ್ವರೂಪನಿರ್ವಾಣಮನಾಮಯೋಽಹಂ .. 17..
ಸಂವಿದ್ಧಿ ಮಾಂ ಸರ್ವವಿಸರ್ವಮುಕ್ತಂ
ಮಾಯಾ ವಿಮಾಯಾ ನ ಚ ಮೇ ಕದಾಚಿತ್ .
ಸಂಧ್ಯಾದಿಕಂ ಕರ್ಮ ಕಥಂ ವದಾಮಿ
ಸ್ವರೂಪನಿರ್ವಾಣಮನಾಮಯೋಽಹಂ .. 18..
ಸಂವಿದ್ಧಿ ಮಾಂ ಸರ್ವಸಮಾಧಿಯುಕ್ತಂ
ಸಂವಿದ್ಧಿ ಮಾಂ ಲಕ್ಷ್ಯವಿಲಕ್ಷ್ಯಮುಕ್ತಂ .
ಯೋಗಂ ವಿಯೋಗಂ ಚ ಕಥಂ ವದಾಮಿ
ಸ್ವರೂಪನಿರ್ವಾಣಮನಾಮಯೋಽಹಂ .. 19..
ಮೂರ್ಖೋಽಪಿ ನಾಹಂ ನ ಚ ಪಂಡಿತೋಽಹಂ
ಮೌನಂ ವಿಮೌನಂ ನ ಚ ಮೇ ಕದಾಚಿತ್ .
ತರ್ಕಂ ವಿತರ್ಕಂ ಚ ಕಥಂ ವದಾಮಿ
ಸ್ವರೂಪನಿರ್ವಾಣಮನಾಮಯೋಽಹಂ .. 20..
ಪಿತಾ ಚ ಮಾತಾ ಚ ಕುಲಂ ನ ಜಾತಿ-
ರ್ಜನ್ಮಾದಿ ಮೃತ್ಯುರ್ನ ಚ ಮೇ ಕದಾಚಿತ್ .
ಸ್ನೇಹಂ ವಿಮೋಹಂ ಚ ಕಥಂ ವದಾಮಿ

18 sanskritdocuments.org
 ಅವಧೂತ ಗೀತಾ

ಸ್ವರೂಪನಿರ್ವಾಣಮನಾಮಯೋಽಹಂ .. 21..
ಅಸ್ತಂ ಗತೋ ನೈವ ಸದೋದಿತೋಽಹಂ
ತೇಜೋವಿತೇಜೋ ನ ಚ ಮೇ ಕದಾಚಿತ್ .
ಸಂಧ್ಯಾದಿಕಂ ಕರ್ಮ ಕಥಂ ವದಾಮಿ
ಸ್ವರೂಪನಿರ್ವಾಣಮನಾಮಯೋಽಹಂ .. 22..
ಅಸಂಶಯಂ ವಿದ್ಧಿ ನಿರಾಕುಲಂ ಮಾಂ
ಅಸಂಶಯಂ ವಿದ್ಧಿ ನಿರಂತರಂ ಮಾಂ .
ಅಸಂಶಯಂ ವಿದ್ಧಿ ನಿರಂಜನಂ ಮಾಂ
ಸ್ವರೂಪನಿರ್ವಾಣಮನಾಮಯೋಽಹಂ .. 23..
ಧ್ಯಾನಾನಿ ಸರ್ವಾಣಿ ಪರಿತ್ಯಜಂತಿ
ಶುಭಾಶುಭಂ ಕರ್ಮ ಪರಿತ್ಯಜಂತಿ .
ತ್ಯಾಗಾಮೃತಂ ತಾತ ಪಿಬಂತಿ ಧೀರಾಃ
ಸ್ವರೂಪನಿರ್ವಾಣಮನಾಮಯೋಽಹಂ .. 24..
ವಿಂದತಿ ವಿಂದತಿ ನ ಹಿ ನ ಹಿ ಯತ್ರ
ಛಂದೋಲಕ್ಷಣಂ ನ ಹಿ ನ ಹಿ ತತ್ರ .
ಸಮರಸಮಗ್ನೋ ಭಾವಿತಪೂತಃ
ಪ್ರಲಪತಿ ತತ್ತ್ವಂ ಪರಮವಧೂತಃ .. 25..
ಇತಿ ಚತುರ್ಥೋಽಧ್ಯಾಯಃ .. 4..

ಅಥ ಪಂಚಮೋಧ್ಯಾಯಃ
ಓಂ ಇತಿ ಗದಿತಂ ಗಗನಸಮಂ ತತ್
ನ ಪರಾಪರಸಾರವಿಚಾರ ಇತಿ .
ಅವಿಲಾಸವಿಲಾಸನಿರಾಕರಣಂ
ಕಥಮಕ್ಷರಬಿಂದುಸಮುಚ್ಚರಣಂ .. 1..
ಇತಿ ತತ್ತ್ವಮಸಿಪ್ರಭೃತಿಶ್ರುತಿಭಿಃ
ಪ್ರತಿಪಾದಿತಮಾತ್ಮನಿ ತತ್ತ್ವಮಸಿ .
ತ್ವಮುಪಾಧಿವಿವರ್ಜಿತಸರ್ವಸಮಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 2..
ಅಧ ಊರ್ಧ್ವವಿವರ್ಜಿತಸರ್ವಸಮಂ
ಬಹಿರಂತರವರ್ಜಿತಸರ್ವಸಮಂ .
ಯದಿ ಚೈಕವಿವರ್ಜಿತಸರ್ವಸಮಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 3..

avadhutagiitaa.pdf 19
 ಅವಧೂತ ಗೀತಾ

ನ ಹಿ ಕಲ್ಪಿತಕಲ್ಪವಿಚಾರ ಇತಿ
ನ ಹಿ ಕಾರಣಕಾರ್ಯವಿಚಾರ ಇತಿ .
ಪದಸಂಧಿವಿವರ್ಜಿತಸರ್ವಸಮಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 4..
ನ ಹಿ ಬೋಧವಿಬೋಧಸಮಾಧಿರಿತಿ
ನ ಹಿ ದೇಶವಿದೇಶಸಮಾಧಿರಿತಿ .
ನ ಹಿ ಕಾಲವಿಕಾಲಸಮಾಧಿರಿತಿ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 5..
ನ ಹಿ ಕುಂಭನಭೋ ನ ಹಿ ಕುಂಭ ಇತಿ
ನ ಹಿ ಜೀವವಪುರ್ನ ಹಿ ಜೀವ ಇತಿ .
ನ ಹಿ ಕಾರಣಕಾರ್ಯವಿಭಾಗ ಇತಿ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 6..
ಇಹ ಸರ್ವನಿರಂತರಮೋಕ್ಷಪದಂ
ಲಘುದೀರ್ಘವಿಚಾರವಿಹೀನ ಇತಿ .
ನ ಹಿ ವರ್ತುಲಕೋಣವಿಭಾಗ ಇತಿ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 7..
ಇಹ ಶೂನ್ಯವಿಶೂನ್ಯವಿಹೀನ ಇತಿ
ಇಹ ಶುದ್ಧವಿಶುದ್ಧವಿಹೀನ ಇತಿ .
ಇಹ ಸರ್ವವಿಸರ್ವವಿಹೀನ ಇತಿ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 8..
ನ ಹಿ ಭಿನ್ನವಿಭಿನ್ನವಿಚಾರ ಇತಿ
ಬಹಿರಂತರಸಂಧಿವಿಚಾರ ಇತಿ .
ಅರಿಮಿತ್ರವಿವರ್ಜಿತಸರ್ವಸಮಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 9..
ನ ಹಿ ಶಿಷ್ಯವಿಶಿಷ್ಯಸ್ವರೂಪ ಇತಿ
ನ ಚರಾಚರಭೇದವಿಚಾರ ಇತಿ .
ಇಹ ಸರ್ವನಿರಂತರಮೋಕ್ಷಪದಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 10..
ನನು ರೂಪವಿರೂಪವಿಹೀನ ಇತಿ
ನನು ಭಿನ್ನವಿಭಿನ್ನವಿಹೀನ ಇತಿ .
ನನು ಸರ್ಗವಿಸರ್ಗವಿಹೀನ ಇತಿ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 11..

20 sanskritdocuments.org
 ಅವಧೂತ ಗೀತಾ

ನ ಗುಣಾಗುಣಪಾಶನಿಬಂಧ ಇತಿ
ಮೃತಜೀವನಕರ್ಮ ಕರೋಮಿ ಕಥಂ .
ಇತಿ ಶುದ್ಧನಿರಂಜನಸರ್ವಸಮಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 12..
ಇಹ ಭಾವವಿಭಾವವಿಹೀನ ಇತಿ
ಇಹ ಕಾಮವಿಕಾಮವಿಹೀನ ಇತಿ .
ಇಹ ಬೋಧತಮಂ ಖಲು ಮೋಕ್ಷಸಮಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 13..
ಇಹ ತತ್ತ್ವನಿರಂತರತತ್ತ್ವಮಿತಿ
ನ ಹಿ ಸಂಧಿವಿಸಂಧಿವಿಹೀನ ಇತಿ .
ಯದಿ ಸರ್ವವಿವರ್ಜಿತಸರ್ವಸಮಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 14..
ಅನಿಕೇತಕುಟೀ ಪರಿವಾರಸಮಂ
ಇಹಸಂಗವಿಸಂಗವಿಹೀನಪರಂ .
ಇಹ ಬೋಧವಿಬೋಧವಿಹೀನಪರಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 15..
ಅವಿಕಾರವಿಕಾರಮಸತ್ಯಮಿತಿ
ಅವಿಲಕ್ಷವಿಲಕ್ಷಮಸತ್ಯಮಿತಿ .
ಯದಿ ಕೇವಲಮಾತ್ಮನಿ ಸತ್ಯಮಿತಿ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 16..
ಇಹ ಸರ್ವಸಮಂ ಖಲು ಜೀವ ಇತಿ
ಇಹ ಸರ್ವನಿರಂತರಜೀವ ಇತಿ .
ಇಹ ಕೇವಲನಿಶ್ಚಲಜೀವ ಇತಿ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 17..
ಅವಿವೇಕವಿವೇಕಮಬೋಧ ಇತಿ
ಅವಿಕಲ್ಪವಿಕಲ್ಪಮಬೋಧ ಇತಿ .
ಯದಿ ಚೈಕನಿರಂತರಬೋಧ ಇತಿ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 18..
ನ ಹಿ ಮೋಕ್ಷಪದಂ ನ ಹಿ ಬಂಧಪದಂ
ನ ಹಿ ಪುಣ್ಯಪದಂ ನ ಹಿ ಪಾಪಪದಂ .
ನ ಹಿ ಪೂರ್ಣಪದಂ ನ ಹಿ ರಿಕ್ತಪದಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 19..

avadhutagiitaa.pdf 21
 ಅವಧೂತ ಗೀತಾ

ಯದಿ ವರ್ಣವಿವರ್ಣವಿಹೀನಸಮಂ
ಯದಿ ಕಾರಣಕಾರ್ಯವಿಹೀನಸಮಂ .
ಯದಿಭೇದವಿಭೇದವಿಹೀನಸಮಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 20..
ಇಹ ಸರ್ವನಿರಂತರಸರ್ವಚಿತೇ
ಇಹ ಕೇವಲನಿಶ್ಚಲಸರ್ವಚಿತೇ .
ದ್ವಿಪದಾದಿವಿವರ್ಜಿತಸರ್ವಚಿತೇ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 21..
ಅತಿಸರ್ವನಿರಂತರಸರ್ವಗತಂ
ಅತಿನಿರ್ಮಲನಿಶ್ಚಲಸರ್ವಗತಂ .
ದಿನರಾತ್ರಿವಿವರ್ಜಿತಸರ್ವಗತಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 22..
ನ ಹಿ ಬಂಧವಿಬಂಧಸಮಾಗಮನಂ
ನ ಹಿ ಯೋಗವಿಯೋಗಸಮಾಗಮನಂ .
ನ ಹಿ ತರ್ಕವಿತರ್ಕಸಮಾಗಮನಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 23..
ಇಹ ಕಾಲವಿಕಾಲನಿರಾಕರಣಂ
ಅಣುಮಾತ್ರಕೃಶಾನುನಿರಾಕರಣಂ .
ನ ಹಿ ಕೇವಲಸತ್ಯನಿರಾಕರಣಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 24..
ಇಹ ದೇಹವಿದೇಹವಿಹೀನ ಇತಿ
ನನು ಸ್ವಪ್ನಸುಷುಪ್ತಿವಿಹೀನಪರಂ .
ಅಭಿಧಾನವಿಧಾನವಿಹೀನಪರಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 25..
ಗಗನೋಪಮಶುದ್ಧವಿಶಾಲಸಮಂ
ಅತಿಸರ್ವವಿವರ್ಜಿತಸರ್ವಸಮಂ .
ಗತಸಾರವಿಸಾರವಿಕಾರಸಮಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 26..
ಇಹ ಧರ್ಮವಿಧರ್ಮವಿರಾಗತರ-
ಮಿಹ ವಸ್ತುವಿವಸ್ತುವಿರಾಗತರಂ .
ಇಹ ಕಾಮವಿಕಾಮವಿರಾಗತರಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 27..

22 sanskritdocuments.org
 ಅವಧೂತ ಗೀತಾ

ಸುಖದುಃಖವಿವರ್ಜಿತಸರ್ವಸಮ-
ಮಿಹ ಶೋಕವಿಶೋಕವಿಹೀನಪರಂ .
ಗುರುಶಿಷ್ಯವಿವರ್ಜಿತತತ್ತ್ವಪರಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 28..
ನ ಕಿಲಾಂಕುರಸಾರವಿಸಾರ ಇತಿ
ನ ಚಲಾಚಲಸಾಮ್ಯವಿಸಾಮ್ಯಮಿತಿ .
ಅವಿಚಾರವಿಚಾರವಿಹೀನಮಿತಿ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 29..
ಇಹ ಸಾರಸಮುಚ್ಚಯಸಾರಮಿತಿ .
ಕಥಿತಂ ನಿಜಭಾವವಿಭೇದ ಇತಿ .
ವಿಷಯೇ ಕರಣತ್ವಮಸತ್ಯಮಿತಿ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 30..
ಬಹುಧಾ ಶ್ರುತಯಃ ಪ್ರವದಂತಿ ಯತೋ
ವಿಯದಾದಿರಿದಂ ಮೃಗತೋಯಸಮಂ .
ಯದಿ ಚೈಕನಿರಂತರಸರ್ವಸಮಂ
ಕಿಮು ರೋದಿಷಿ ಮಾನಸಿ ಸರ್ವಸಮಂ .. 31..
ವಿಂದತಿ ವಿಂದತಿ ನ ಹಿ ನ ಹಿ ಯತ್ರ
ಛಂದೋಲಕ್ಷಣಂ ನ ಹಿ ನ ಹಿ ತತ್ರ .
ಸಮರಸಮಗ್ನೋ ಭಾವಿತಪೂತಃ
ಪ್ರಲಪತಿ ತತ್ತ್ವಂ ಪರಮವಧೂತಃ .. 32..
ಇತಿ ಪಂಚಮೋಽಧ್ಯಾಯಃ .. 5..

ಅಥ ಷಷ್ಠಮೋಽಧ್ಯಾಯಃ
ಬಹುಧಾ ಶ್ರುತಯಃ ಪ್ರವದಂತಿ ವಯಂ
ವಿಯದಾದಿರಿದಂ ಮೃಗತೋಯಸಮಂ .
ಯದಿ ಚೈಕನಿರಂತರಸರ್ವಶಿವ-
ಮುಪಮೇಯಮಥೋಹ್ಯುಪಮಾ ಚ ಕಥಂ .. 1..
ಅವಿಭಕ್ತಿವಿಭಕ್ತಿವಿಹೀನಪರಂ
ನನು ಕಾರ್ಯವಿಕಾರ್ಯವಿಹೀನಪರಂ .
ಯದಿ ಚೈಕನಿರಂತರಸರ್ವಶಿವಂ
ಯಜನಂ ಚ ಕಥಂ ತಪನಂ ಚ ಕಥಂ .. 2..

avadhutagiitaa.pdf 23
 ಅವಧೂತ ಗೀತಾ

ಮನ ಏವ ನಿರಂತರಸರ್ವಗತಂ
ಹ್ಯವಿಶಾಲವಿಶಾಲವಿಹೀನಪರಂ .
ಮನ ಏವ ನಿರಂತರಸರ್ವಶಿವಂ
ಮನಸಾಪಿ ಕಥಂ ವಚಸಾ ಚ ಕಥಂ .. 3..
ದಿನರಾತ್ರಿವಿಭೇದನಿರಾಕರಣ-
ಮುದಿತಾನುದಿತಸ್ಯ ನಿರಾಕರಣಂ .
ಯದಿ ಚೈಕನಿರಂತರಸರ್ವಶಿವಂ
ರವಿಚಂದ್ರಮಸೌ ಜ್ವಲನಶ್ಚ ಕಥಂ .. 4..
ಗತಕಾಮವಿಕಾಮವಿಭೇದ ಇತಿ
ಗತಚೇಷ್ಟವಿಚೇಷ್ಟವಿಭೇದ ಇತಿ .
ಯದಿ ಚೈಕನಿರಂತರಸರ್ವಶಿವಂ
ಬಹಿರಂತರಭಿನ್ನಮತಿಶ್ಚ ಕಥಂ .. 5..
ಯದಿ ಸಾರವಿಸಾರವಿಹೀನ ಇತಿ
ಯದಿ ಶೂನ್ಯವಿಶೂನ್ಯವಿಹೀನ ಇತಿ .
ಯದಿ ಚೈಕನಿರಂತರಸರ್ವಶಿವಂ
ಪ್ರಥಮಂ ಚ ಕಥಂ ಚರಮಂ ಚ ಕಥಂ .. 6..
ಯದಿಭೇದವಿಭೇದನಿರಾಕರಣಂ
ಯದಿ ವೇದಕವೇದ್ಯನಿರಾಕರಣಂ .
ಯದಿ ಚೈಕನಿರಂತರಸರ್ವಶಿವಂ
ತೃತೀಯಂ ಚ ಕಥಂ ತುರೀಯಂ ಚ ಕಥಂ .. 7..
ಗದಿತಾವಿದಿತಂ ನ ಹಿ ಸತ್ಯಮಿತಿ
ವಿದಿತಾವಿದಿತಂ ನ ಹಿ ಸತ್ಯಮಿತಿ .
ಯದಿ ಚೈಕನಿರಂತರಸರ್ವಶಿವಂ
ವಿಷಯೇಂದ್ರಿಯಬುದ್ಧಿಮನಾಂಸಿ ಕಥಂ .. 8..
ಗಗನಂ ಪವನೋ ನ ಹಿ ಸತ್ಯಮಿತಿ
ಧರಣೀ ದಹನೋ ನ ಹಿ ಸತ್ಯಮಿತಿ .
ಯದಿ ಚೈಕನಿರಂತರಸರ್ವಶಿವಂ
ಜಲದಶ್ಚ ಕಥಂ ಸಲಿಲಂ ಚ ಕಥಂ .. 9..
ಯದಿ ಕಲ್ಪಿತಲೋಕನಿರಾಕರಣಂ
ಯದಿ ಕಲ್ಪಿತದೇವನಿರಾಕರಣಂ .
ಯದಿ ಚೈಕನಿರಂತರಸರ್ವಶಿವಂ
ಗುಣದೋಷವಿಚಾರಮತಿಶ್ಚ ಕಥಂ .. 10..

24 sanskritdocuments.org
 ಅವಧೂತ ಗೀತಾ

ಮರಣಾಮರಣಂ ಹಿ ನಿರಾಕರಣಂ
ಕರಣಾಕರಣಂ ಹಿ ನಿರಾಕರಣಂ .
ಯದಿ ಚೈಕನಿರಂತರಸರ್ವಶಿವಂ
ಗಮನಾಗಮನಂ ಹಿ ಕಥಂ ವದತಿ .. 11..
ಪ್ರಕೃತಿಃ ಪುರುಷೋ ನ ಹಿ ಭೇದ ಇತಿ
ನ ಹಿ ಕಾರಣಕಾರ್ಯವಿಭೇದ ಇತಿ .
ಯದಿ ಚೈಕನಿರಂತರಸರ್ವಶಿವಂ
ಪುರುಷಾಪುರುಷಂ ಚ ಕಥಂ ವದತಿ .. 12..
ತೃತೀಯಂ ನ ಹಿ ದುಃಖಸಮಾಗಮನಂ
ನ ಗುಣಾದ್ದ್ವಿತೀಯಸ್ಯ ಸಮಾಗಮನಂ .
ಯದಿ ಚೈಕನಿರಂತರಸರ್ವಶಿವಂ
ಸ್ಥವಿರಶ್ಚ ಯುವಾ ಚ ಶಿಶುಶ್ಚ ಕಥಂ .. 13..
ನನು ಆಶ್ರಮವರ್ಣವಿಹೀನಪರಂ
ನನು ಕಾರಣಕರ್ತೃವಿಹೀನಪರಂ .
ಯದಿ ಚೈಕನಿರಂತರಸರ್ವಶಿವ-
ಮವಿನಷ್ಟವಿನಷ್ಟಮತಿಶ್ಚ ಕಥಂ .. 14..
ಗ್ರಸಿತಾಗ್ರಸಿತಂ ಚ ವಿತಥ್ಯಮಿತಿ
ಜನಿತಾಜನಿತಂ ಚ ವಿತಥ್ಯಮಿತಿ .
ಯದಿ ಚೈಕನಿರಂತರಸರ್ವಶಿವ-
ಮವಿನಾಶಿ ವಿನಾಶಿ ಕಥಂ ಹಿ ಭವೇತ್ .. 15..
ಪುರುಷಾಪುರುಷಸ್ಯ ವಿನಷ್ಟಮಿತಿ
ವನಿತಾವನಿತಸ್ಯ ವಿನಷ್ಟಮಿತಿ .
ಯದಿ ಚೈಕನಿರಂತರಸರ್ವಶಿವ-
ಮವಿನೋದವಿನೋದಮತಿಶ್ಚ ಕಥಂ .. 16..
ಯದಿ ಮೋಹವಿಷಾದವಿಹೀನಪರೋ
ಯದಿ ಸಂಶಯಶೋಕವಿಹೀನಪರಃ .
ಯದಿ ಚೈಕನಿರಂತರಸರ್ವಶಿವ-
ಮಹಮತ್ರ ಮಮೇತಿ ಕಥಂ ಚ ಪುನಃ .. 17.. ಮಹಮೇತಿ
ನನು ಧರ್ಮವಿಧರ್ಮವಿನಾಶ ಇತಿ
ನನು ಬಂಧವಿಬಂಧವಿನಾಶ ಇತಿ .
ಯದಿ ಚೈಕನಿರಂತರಸರ್ವಶಿವಂ-
ಮಿಹದುಃಖವಿದುಃಖಮತಿಶ್ಚ ಕಥಂ .. 18..

avadhutagiitaa.pdf 25
 ಅವಧೂತ ಗೀತಾ

ನ ಹಿ ಯಾಜ್ಞಿಕಯಜ್ಞವಿಭಾಗ ಇತಿ
ನ ಹುತಾಶನವಸ್ತುವಿಭಾಗ ಇತಿ .
ಯದಿ ಚೈಕನಿರಂತರಸರ್ವಶಿವಂ
ವದ ಕರ್ಮಫಲಾನಿ ಭವಂತಿ ಕಥಂ .. 19..
ನನು ಶೋಕವಿಶೋಕವಿಮುಕ್ತ ಇತಿ
ನನು ದರ್ಪವಿದರ್ಪವಿಮುಕ್ತ ಇತಿ .
ಯದಿ ಚೈಕನಿರಂತರಸರ್ವಶಿವಂ
ನನು ರಾಗವಿರಾಗಮತಿಶ್ಚ ಕಥಂ .. 20..
ನ ಹಿ ಮೋಹವಿಮೋಹವಿಕಾರ ಇತಿ
ನ ಹಿ ಲೋಭವಿಲೋಭವಿಕಾರ ಇತಿ .
ಯದಿ ಚೈಕನಿರಂತರಸರ್ವಶಿವಂ
ಹ್ಯವಿವೇಕವಿವೇಕಮತಿಶ್ಚ ಕಥಂ .. 21..
ತ್ವಮಹಂ ನ ಹಿ ಹಂತ ಕದಾಚಿದಪಿ
ಕುಲಜಾತಿವಿಚಾರಮಸತ್ಯಮಿತಿ .
ಅಹಮೇವ ಶಿವಃ ಪರಮಾರ್ಥ ಇತಿ
ಅಭಿವಾದನಮತ್ರ ಕರೋಮಿ ಕಥಂ .. 22..
ಗುರುಶಿಷ್ಯವಿಚಾರವಿಶೀರ್ಣ ಇತಿ
ಉಪದೇಶವಿಚಾರವಿಶೀರ್ಣ ಇತಿ .
ಅಹಮೇವ ಶಿವಃ ಪರಮಾರ್ಥ ಇತಿ
ಅಭಿವಾದನಮತ್ರ ಕರೋಮಿ ಕಥಂ .. 23..
ನ ಹಿ ಕಲ್ಪಿತದೇಹವಿಭಾಗ ಇತಿ
ನ ಹಿ ಕಲ್ಪಿತಲೋಕವಿಭಾಗ ಇತಿ .
ಅಹಮೇವ ಶಿವಃ ಪರಮಾರ್ಥ ಇತಿ
ಅಭಿವಾದನಮತ್ರ ಕರೋಮಿ ಕಥಂ .. 24..
ಸರಜೋ ವಿರಜೋ ನ ಕದಾಚಿದಪಿ
ನನು ನಿರ್ಮಲನಿಶ್ಚಲಶುದ್ಧ ಇತಿ .
ಅಹಮೇವ ಶಿವಃ ಪರಮಾರ್ಥ ಇತಿ
ಅಭಿವಾದನಮತ್ರ ಕರೋಮಿ ಕಥಂ .. 25..
ನ ಹಿ ದೇಹವಿದೇಹವಿಕಲ್ಪ ಇತಿ
ಅನೃತಂ ಚರಿತಂ ನ ಹಿ ಸತ್ಯಮಿತಿ .
ಅಹಮೇವ ಶಿವಃ ಪರಮಾರ್ಥ ಇತಿ
ಅಭಿವಾದನಮತ್ರ ಕರೋಮಿ ಕಥಂ .. 26..

26 sanskritdocuments.org
 ಅವಧೂತ ಗೀತಾ

ವಿಂದತಿ ವಿಂದತಿ ನ ಹಿ ನ ಹಿ ಯತ್ರ

ಛಂದೋಲಕ್ಷಣಂ ನ ಹಿ ನ ಹಿ ತತ್ರ .
ಸಮರಸಮಗ್ನೋ ಭಾವಿತಪೂತಃ
ಪ್ರಲಪತಿ ತತ್ತ್ವಂ ಪರಮವಧೂತಃ .. 27..
ಇತಿ ಷಷ್ಠಮೋಽಧ್ಯಾಯಃ .. 6..

ಅಥ ಸಪ್ತಮೋಽಧ್ಯಾಯಃ
ರಥ್ಯಾಕರ್ಪಟವಿರಚಿತಕಂಥಃ
ಪುಣ್ಯಾಪುಣ್ಯವಿವರ್ಜಿತಪಂಥಃ .
ಶೂನ್ಯಾಗಾರೇ ತಿಷ್ಠತಿ ನಗ್ನೋ
ಶುದ್ಧನಿರಂಜನಸಮರಸಮಗ್ನಃ .. 1..
ಲಕ್ಷ್ಯಾಲಕ್ಷ್ಯವಿವರ್ಜಿತಲಕ್ಷ್ಯೋ
ಯುಕ್ತಾಯುಕ್ತವಿವರ್ಜಿತದಕ್ಷಃ .
ಕೇವಲತತ್ತ್ವನಿರಂಜನಪೂತೋ
ವಾದವಿವಾದಃ ಕಥಮವಧೂತಃ .. 2..
ಆಶಾಪಾಶವಿಬಂಧನಮುಕ್ತಾಃ
ಶೌಚಾಚಾರವಿವರ್ಜಿತಯುಕ್ತಾಃ .
ಏವಂ ಸರ್ವವಿವರ್ಜಿತಶಾಂತಾ-
ಸ್ತತ್ತ್ವಂ ಶುದ್ಧನಿರಂಜನವಂತಃ .. 3..
ಕಥಮಿಹ ದೇಹವಿದೇಹವಿಚಾರಃ
ಕಥಮಿಹ ರಾಗವಿರಾಗವಿಚಾರಃ .
ನಿರ್ಮಲನಿಶ್ಚಲಗಗನಾಕಾರಂ
ಸ್ವಯಮಿಹ ತತ್ತ್ವಂ ಸಹಜಾಕಾರಂ .. 4..
ಕಥಮಿಹ ತತ್ತ್ವಂ ವಿಂದತಿ ಯತ್ರ
ರೂಪಮರೂಪಂ ಕಥಮಿಹ ತತ್ರ .
ಗಗನಾಕಾರಃ ಪರಮೋ ಯತ್ರ
ವಿಷಯೀಕರಣಂ ಕಥಮಿಹ ತತ್ರ .. 5..
ಗಗನಾಕಾರನಿರಂತರಹಂಸ-
ಸ್ತತ್ತ್ವವಿಶುದ್ಧನಿರಂಜನಹಂಸಃ .
ಏವಂ ಕಥಮಿಹ ಭಿನ್ನವಿಭಿನ್ನಂ
ಬಂಧವಿಬಂಧವಿಕಾರವಿಭಿನ್ನಂ .. 6..

avadhutagiitaa.pdf 27
 ಅವಧೂತ ಗೀತಾ

ಕೇವಲತತ್ತ್ವನಿರಂತರಸರ್ವಂ
ಯೋಗವಿಯೋಗೌ ಕಥಮಿಹ ಗರ್ವಂ .
ಏವಂ ಪರಮನಿರಂತರಸರ್ವ-
ಮೇವಂ ಕಥಮಿಹ ಸಾರವಿಸಾರಂ .. 7..
ಕೇವಲತತ್ತ್ವನಿರಂಜನಸರ್ವಂ
ಗಗನಾಕಾರನಿರಂತರಶುದ್ಧಂ .
ಏವಂ ಕಥಮಿಹ ಸಂಗವಿಸಂಗಂ
ಸತ್ಯಂ ಕಥಮಿಹ ರಂಗವಿರಂಗಂ .. 8..
ಯೋಗವಿಯೋಗೈ ರಹಿತೋ ಯೋಗೀ
ಭೋಗವಿಭೋಗೈ ರಹಿತೋ ಭೋಗೀ .
ಏವಂ ಚರತಿ ಹಿ ಮಂದಂ ಮಂದಂ
ಮನಸಾ ಕಲ್ಪಿತಸಹಜಾನಂದಂ .. 9..
ಬೋಧವಿಬೋಧೈಃ ಸತತಂ ಯುಕ್ತೋ
ದ್ವೈತಾದ್ವೈತೈಃ ಕಥಮಿಹ ಮುಕ್ತಃ .
ಸಹಜೋ ವಿರಜಃ ಕಥಮಿಹ ಯೋಗೀ
ಶುದ್ಧನಿರಂಜನಸಮರಸಭೋಗೀ .. 10..
ಭಗ್ನಾಭಗ್ನವಿವರ್ಜಿತಭಗ್ನೋ
ಲಗ್ನಾಲಗ್ನವಿವರ್ಜಿತಲಗ್ನಃ .
ಏವಂ ಕಥಮಿಹ ಸಾರವಿಸಾರಃ
ಸಮರಸತತ್ತ್ವಂ ಗಗನಾಕಾರಃ .. 11..
ಸತತಂ ಸರ್ವವಿವರ್ಜಿತಯುಕ್ತಃ
ಸರ್ವಂ ತತ್ತ್ವವಿವರ್ಜಿತಮುಕ್ತಃ .
ಏವಂ ಕಥಮಿಹ ಜೀವಿತಮರಣಂ
ಧ್ಯಾನಾಧ್ಯಾನೈಃ ಕಥಮಿಹ ಕರಣಂ .. 12..
ಇಂದ್ರಜಾಲಮಿದಂ ಸರ್ವಂ ಯಥಾ ಮರುಮರೀಚಿಕಾ .
ಅಖಂಡಿತಮನಾಕಾರೋ ವರ್ತತೇ ಕೇವಲಃ ಶಿವಃ .. 13..
ಧರ್ಮಾದೌ ಮೋಕ್ಷಪರ್ಯಂತಂ ನಿರೀಹಾಃ ಸರ್ವಥಾ ವಯಂ .
ಕಥಂ ರಾಗವಿರಾಗೈಶ್ಚ ಕಲ್ಪಯಂತಿ ವಿಪಶ್ಚಿತಃ .. 14..
ವಿಂದತಿ ವಿಂದತಿ ನ ಹಿ ನ ಹಿ ಯತ್ರ
ಛಂದೋಲಕ್ಷಣಂ ನ ಹಿ ನ ಹಿ ತತ್ರ .
ಸಮರಸಮಗ್ನೋ ಭಾವಿತಪೂತಃ
ಪ್ರಲಪತಿ ತತ್ತ್ವಂ ಪರಮವಧೂತಃ .. 15..

28 sanskritdocuments.org
 ಅವಧೂತ ಗೀತಾ

ಇತಿ ಸಪ್ತಮೋಽಧ್ಯಾಯಃ .. 7..

ಅಥ ಅಷ್ಟಮೋಽಧ್ಯಾಯಃ
ತ್ವದ್ಯಾತ್ರಯಾ ವ್ಯಾಪಕತಾ ಹತಾ ತೇ
ಧ್ಯಾನೇನ ಚೇತಃಪರತಾ ಹತಾ ತೇ .
ಸ್ತುತ್ಯಾ ಮಯಾ ವಾಕ್ಪರತಾ ಹತಾ ತೇ
ಕ್ಷಮಸ್ವ ನಿತ್ಯಂ ತ್ರಿವಿಧಾಪರಾಧಾನ್ .. 1..
ಕಾಮೈರಹತಧೀರ್ದಾಂತೋ ಮೃದುಃ ಶುಚಿರಕಿಂಚನಃ .
ಅನೀಹೋ ಮಿತಭುಕ್ ಶಾಂತಃ ಸ್ಥಿರೋ ಮಚ್ಛರಣೋ ಮುನಿಃ .. 2..
ಅಪ್ರಮತ್ತೋ ಗಭೀರಾತ್ಮಾ ಧೃತಿಮಾನ್ ಜಿತಷಡ್ಗುಣಃ .
ಅಮಾನೀ ಮಾನದಃ ಕಲ್ಪೋ ಮೈತ್ರಃ ಕಾರುಣಿಕಃ ಕವಿಃ .. 3..
ಕೃಪಾಲುರಕೃತದ್ರೋಹಸ್ತಿತಿಕ್ಷುಃ ಸರ್ವದೇಹಿನಾಂ .
ಸತ್ಯಸಾರೋಽನವದ್ಯಾತ್ಮಾ ಸಮಃ ಸರ್ವೋಪಕಾರಕಃ .. 4..
ಅವಧೂತಲಕ್ಷಣಂ ವರ್ಣೈರ್ಜ್ಞಾತವ್ಯಂ ಭಗವತ್ತಮೈಃ .
ವೇದವರ್ಣಾರ್ಥತತ್ತ್ವಜ್ಞೈರ್ವೇದವೇದಾಂತವಾದಿಭಿಃ .. 5..
ಆಶಾಪಾಶವಿನಿರ್ಮುಕ್ತ ಆದಿಮಧ್ಯಾಂತನಿರ್ಮಲಃ .
ಆನಂದೇ ವರ್ತತೇ ನಿತ್ಯಮಕಾರಂ ತಸ್ಯ ಲಕ್ಷಣಂ .. 6..
ವಾಸನಾ ವರ್ಜಿತಾ ಯೇನ ವಕ್ತವ್ಯಂ ಚ ನಿರಾಮಯಂ .
ವರ್ತಮಾನೇಷು ವರ್ತೇತ ವಕಾರಂ ತಸ್ಯ ಲಕ್ಷಣಂ .. 7..
ಧೂಲಿಧೂಸರಗಾತ್ರಾಣಿ ಧೂತಚಿತ್ತೋ ನಿರಾಮಯಃ .
ಧಾರಣಾಧ್ಯಾನನಿರ್ಮುಕ್ತೋ ಧೂಕಾರಸ್ತಸ್ಯ ಲಕ್ಷಣಂ .. 8..
ತತ್ತ್ವಚಿಂತಾ ಧೃತಾ ಯೇನ ಚಿಂತಾಚೇಷ್ಟಾವಿವರ್ಜಿತಃ .
ತಮೋಽಹಂಕಾರನಿರ್ಮುಕ್ತಸ್ತಕಾರಸ್ತಸ್ಯ ಲಕ್ಷಣಂ .. 9..
ದತ್ತಾತ್ರೇಯಾವಧೂತೇನ ನಿರ್ಮಿತಾನಂದರೂಪಿಣಾ .
ಯೇ ಪಠಂತಿ ಚ ಶೃಣ್ವಂತಿ ತೇಷಾಂ ನೈವ ಪುನರ್ಭವಃ .. 10..
ಇತಿ ಅಷ್ಟಮೋಽಧ್ಯಾಯಃ .. 8..
ಇತಿ ಅವಧೂತಗೀತಾ ಸಮಾಪ್ತಾ ..
Encoded by Sunder Hattangadi
Proofread by Sunder Hattangadi, Nira Zafrir-Bursztyn
As an observation, the composer has used his
licence numerous times to fit the meter -
eg he has used mAnasi 30 times; prefix vi-

avadhutagiitaa.pdf 29
 ಅವಧೂತ ಗೀತಾ

to indicate absence or negative of words

such as - -mokSha, -shUnya, -mAyA, -maunam,
-sarva, -bodha, -kAma, -bhoga, -lobha etc.

Avadhuta Gita
pdf was typeset on December 30, 2022

Please send corrections to sanskrit@cheerful.com

30 sanskritdocuments.org