ನಾರಾಯಣಾಯ ಪರಿಪೂರ್ಣ ಗುಣಾರ್ಣವಾಯ |ವಿಶ್ವೋದಯಸ್ಥಿತಿಲಯೋನ್ನಿಯತಿ ಪ್ರದಾಯ

|ಜ್ಞಾನಪ್ರದಾಯ ವಿಬುಧಾಸುರಸೌಖ್ಯ ದುಃಖ |ಸತ್ಕಾರಣಾಯ ವಿತತಾಯ ನಮೋ ನಮಸ್ತೇ |

Publisher’s Note-
Namaskara! We have embarked on a wonderful journey of publishing
Sarvamoola in 9 scripts-
Sanskrit,Kannada,Tamil,Telugu,Malayalam,Oriya,Bengali,Gujarati & English
(IAST). The 2nd publication in this series is Katha Lakshana.
We pray to Sri Veda Vyasa Devaru and Srimad Anandateertharu to bless this
mission with success.
If any errors are found, please send an email to- prateekharish108@gmail.com

Shri Krishnarpanamastu!
Prateek Harish
Team Tattvavada E-Lib

॥ಕಥಾಲಕ್ಷಣಮ್॥

ಅಭ್ರಮಂ ಭಂಗ ರಹಿತಂ ಅಜಡಂ ವಿಮಲಂ ಸದಾ । ಆನಂದತೀರ್ಥಮತುಲಂ ಭಜೇ ತಾಪತ್ರಯಾಪಹಮ್ ॥

ನಾರಾಯಣಾಯ ಪರಿಪೂರ್ಣ ಗುಣಾರ್ಣವಾಯ |ವಿಶ್ವೋದಯಸ್ಥಿತಿಲಯೋನ್ನಿಯತಿ ಪ್ರದಾಯ
|ಜ್ಞಾನಪ್ರದಾಯ ವಿಬುಧಾಸುರಸೌಖ್ಯ ದುಃಖ |ಸತ್ಕಾರಣಾಯ ವಿತತಾಯ ನಮೋ ನಮಸ್ತೇ |

ನೃಸಿಂಹಮಖಿಲಜ್ಞಾನತಿಮಿರಾಶಿಶಿರದ್ಯುತಿಮ್ ।

ಸಮ್ಪ್ರಣಮ್ಯ ಪ್ರವಕ್ಷಾಮಿ ಕಥಾಲಕ್ಷಣಮಞ್ಜಸಾ ॥1॥

ವಾದೋ ಜಲ್ಪೋ ವಿತಣ್ಡೇತಿ ತ್ರಿವಿಧಾ ವಿಧುಷಾಂ ಕಥಾ ।

ತತ್ತ್ವನಿರ್ಣಯಮುದ್ದಿಶ್ಯ ಕೇವಲಂ ಗುರುಶಿಷ್ಯಯೋಃ ॥ 2 ॥

ಕಥಾಽನ್ಯೇಷಾಮಪಿ ಸತಾಂ ವಾದೋ ವಾ ಸಮಿತೇಃ ಶುಭಾ ।

ಖ್ಯಾತ್ಯಾದ್ಯರ್ಥಂ ಸ್ಪರ್ಧಯಾ ವಾ ಸತಾಂ ಜಲ್ಪಇತೀರ್ಯತೇ ॥3॥

ವಿತಣ್ಡಾ ತು ಸತಾಮನ್ಯೈಸ್ತತ್ತ್ವಮೇಷು ನಿಗೂಹಿತಮ್ ।

ಸ್ವಯಂ ವಾ ಪ್ರಾಶ್ನಿಕೈರ್ವಾದೇ ಚಿನ್ತಯೇತ್ ತತ್ತ್ವನಿರ್ಣಯಮ್ ॥4॥

ರಾಗದ್ವೇಷವಿಹೀನಾಸ್ತು ಸರ್ವವಿದ್ಯಾವಿಶಾರದಾಃ ।

ಪ್ರಾಶ್ನಿಕಾ ಇತಿ ಸಮ್ಪ್ರೋಕ್ತಾ ವಿಷಮಾ ಏಕ ಏವ ವಾ ॥5॥

ಅಶೇಷಸಂಶಯಚ್ಛೇತ್ತಾ ನಿಃಸಂಶಯ ಉದಾರಧೀಃ ।

ಏಕಶ್ಚೇತ್ ಪ್ರಾಶ್ನಿಕೋ ಜ್ಞೇಯಃ ಸರ್ವದೋಷವಿವರ್ಜಿತಃ ॥6॥

ಏಕೋ ವಾ ಬಹವೋ ವಾ ಸ್ಯುರ್ವಿಷ್ಣುಭಕ್ತಿಪರಾಃ ಸದಾ ।

ವಿಷ್ಣುಭಕ್ತಿರ್ಹಿ ಸರ್ವೇಷಾಂ ಸದ್ಗುಣಾನಾಂ ಸ್ವಲಕ್ಷಣಮ್ ॥7॥

ಪೃಷ್ಟೇನಾಗಮ ಏವಾದೌ ವಕ್ತವ್ಯಃ ಸಾಧ್ಯಸಿದ್ಧಯೇ ।

ನೈಷಾ ತರ್ಕೇಣಾಪನೇಯಾ ಮತಿರಿತ್ಯಾಹ ಹಿ ಶ್ರುತಿಃ ।

ಅನ್ಯಾರ್ಥ ಏವಾಗಮಸ್ಯ ವಕ್ತವ್ಯಃ ಪ್ರತಿವಾದಿನಾ ॥8॥

ಋಗ್ಯಜುಃಸಾಮಾಥರ್ವಾಶ್ಚ ಭಾರತಂ ಪಞ್ಚರಾತ್ರಕಮ್ ।

ಮೂಲರಾಮಾಯಣಂ ಚೈವ ಸಮ್ಪ್ರೋಚ್ಯನ್ತೇ ಸದಾಗಮಾಃ ॥9॥

ಅನುಕೂಲಾ ಚ ಏತೇಷಾಂ ತೇ ಚ ಪ್ರೋಕ್ತಾಃ ಸದಾಗಮಾಃ ।

ಅನ್ಯೇ ದುರಾಗಮಾ ನಾಮ ತೈರ್ನ ಸಾಧ್ಯಂ ಹಿ ಸಾಧ್ಯತೇ ॥10॥

ಅಭ್ರಮಂ ಭಂಗ ರಹಿತಂ ಅಜಡಂ ವಿಮಲಂ ಸದಾ । ಆನಂದತೀರ್ಥಮತುಲಂ ಭಜೇ ತಾಪತ್ರಯಾಪಹಮ್ ॥

ನಾರಾಯಣಾಯ ಪರಿಪೂರ್ಣ ಗುಣಾರ್ಣವಾಯ |ವಿಶ್ವೋದಯಸ್ಥಿತಿಲಯೋನ್ನಿಯತಿ ಪ್ರದಾಯ
|ಜ್ಞಾನಪ್ರದಾಯ ವಿಬುಧಾಸುರಸೌಖ್ಯ ದುಃಖ |ಸತ್ಕಾರಣಾಯ ವಿತತಾಯ ನಮೋ ನಮಸ್ತೇ |

ಸ್ವಪಕ್ಷ ಆಗಮಶ್ಚೈವ ವಕ್ತವ್ಯಃ ಪ್ರತಿವಾದಿನಾ ।

ತಸ್ಯಾಪ್ಯನ್ಯಾರ್ಥತಾ ಸಾಧ್ಯಾ ವಾದಿನಾ ಸ್ವಾರ್ಥಸಿದ್ಧಯೇ ॥11॥

ಅನ್ಯಾರ್ಥತಾ ನಿರಾಕಾರ್ಯಾ ಸ್ವಾಗಮಸ್ಯ ವಿನಿಶ್ಚಯಾತ್ ।

ಉಪಪತ್ತ್ಯವಕಾಶೋಽತ್ರ ದ್ಯಾಗಮಾರ್ಥವಿನಿರ್ಣಯೇ ॥12॥

ವಾದ್ಯಾಗಮಾರ್ಥೇ ನಿರ್ಣೀತ ಆಗಮಾರ್ಥಃ ಪರಸ್ಯ ತು ।

ನಿರ್ಣೇಯಃ ಸಹಿತೈಃ ಪಶ್ಚಾತ್ ತತೋ ನಿಃಶೇಷನಿರ್ಣಯಃ ॥13॥

ಪ್ರತ್ಯಕ್ಷಸಿದ್ಧೇಷ್ವರ್ಥೇಷು ಪ್ರಶ್ನೇ ಮಾಮಕ್ಷಜಂ ವದೇತ್ ।

ಜ್ಞಾನಂ ವಾ ಜ್ಞಾನಸಿದ್ಧೇಷು ನಾನುಮಾಂ ಪ್ರಥಮಂ ವದೇತ್ ॥14॥

ಪರತುಷ್ಟಿಕರಂ ವಾಕ್ಯಂ ವದೇತಾಂ ಯದಿ ವಾದಿನೌ ।

ಸ ಏವಾತ್ರಾಗಮೋ ಜ್ಞೇಯಃ ಪರತುಷ್ಟಿರ್ಹಿ ತತ್ಫಲಮ್ ॥15॥

ಏವಂ ನಿರ್ಣಯಪರ್ಯನ್ತಂ ವಾದೇ ಸುಬಹವೋಽಪಿ ಹಿ ।

ಘಟೇಯುಶ್ಚಿರಕಾಲಂ ಚ ಜಲ್ಪೇ ಯಾವತ್ ಪರೋ ಜಿತಃ ॥16॥

ತತ್ತ್ವನಿರ್ಣಯವೈಲೋಮ್ಯಂ ವಾದೇ ಸಾಕ್ಷಾತ್ ಪರಾಜಯಃ।

ಸಂವಾದೇ ಶ್ಲಾಘ್ಯತೈವ ಸ್ಯಾದ್ಗುರುತ್ವಮಿತರಸ್ಯ ಚ ॥17॥

ತತ್ತ್ವನಿರ್ಣಯವೈಲೋಮ್ಯೇ ನಿನ್ದ್ಯೋ ದಣ್ಡ್ಯೋಽಥವಾ ಭವೇತ್ ।

ವಿರೋಧಾಸಙ್ಗತಿನ್ಯೂನತೂಷ್ಣೀಮ್ಭಾವಾದಿಕೈರ್ಜಿತಃ ॥18॥

ಭವೇಜ್ಜಲ್ಪೇ ವಿತಣ್ಡಾಯಾಂ ನ್ಯಾಯೋ ಜಲ್ಪವದೀರಿತಃ ।

ಸಂವಾದೇ ದಣ್ಡ್ಯ ತಾ ನ ಸ್ವಾದ್ವಿತಣ್ಡಾಜಲ್ಪಯೋರಪಿ ॥19॥

ಪರಾಜಿತತ್ವಮಾತ್ರಂ ಸ್ಯನ್ನಿನ್ದ್ಯೋ ದಣ್ಡ್ಯೋಽಪಿ ವಾಽನ್ಯಥಾ ।

ಅನುವಾದಾದಿರಾಹಿತ್ಯಂ ನೈವ ಜಲ್ಪೇಽಪಿ ದೂಷಣಮ್ ॥20॥

ಅಭ್ರಮಂ ಭಂಗ ರಹಿತಂ ಅಜಡಂ ವಿಮಲಂ ಸದಾ । ಆನಂದತೀರ್ಥಮತುಲಂ ಭಜೇ ತಾಪತ್ರಯಾಪಹಮ್ ॥

ನಾರಾಯಣಾಯ ಪರಿಪೂರ್ಣ ಗುಣಾರ್ಣವಾಯ |ವಿಶ್ವೋದಯಸ್ಥಿತಿಲಯೋನ್ನಿಯತಿ ಪ್ರದಾಯ
|ಜ್ಞಾನಪ್ರದಾಯ ವಿಬುಧಾಸುರಸೌಖ್ಯ ದುಃಖ |ಸತ್ಕಾರಣಾಯ ವಿತತಾಯ ನಮೋ ನಮಸ್ತೇ |

ವಿದ್ಯಾಹೀನತ್ವಲಿಙ ್ಗೇಽಪಿ ವಾದಿನೋಃ ಸ್ಯಾತ್ ಪರಾಜಯಃ ।

ತದಭಾವಾನ್ನೈವ ಷಟ್ಕಾದನ್ಯೋ ನಿಗ್ರಹ ಇಷ್ಯತೇ ॥21॥

ಅನ್ತರ್ಭಾವಾದಿಹಾನ್ಯೇಷಾಂ ನಿಗ್ರಹಾಣಾಮಿತಿ ಸ್ಮ ಹ ।

ವಿದ್ಯಾಪರೀಕ್ಷಾಪೂರ್ವೈವ ವೃತ್ತಿರ್ಜಲ್ಪವಿತಣ್ಡಯೋಃ ॥22॥

ಸ್ಖಲಿತತ್ವಾದಿಮಾತ್ರೇಣ ನ ತತ್ರಾಪಿ ಪರಾಜಯಃ ।

ವಾದಜಲ್ಪವಿತಣ್ಡಾನಾಮಿತಿ ಶುದ್ಧಂ ಸ್ವಲಕ್ಷಣಮ್ ॥23॥

ಆನನ್ದತೀರ್ಥಮುನಿನಾ ಬ್ರಹ್ಮತರ್ಕಾನುಸಾರತಃ ।

ಕಥಾಲಕ್ಷಣಮಿತ್ಯುಕ್ತಂ ಪ್ರೀತ್ಯರ್ಥಂ ಶಾರ್ಙ್ಗಧನ್ವನಃ ॥24॥

ಸದೋದಿತಾಮಿತಜ್ಞಾನಪೂರವಾರಿತಹೃತ್ತಮಾಃ ।

ನರಸಿಂಹಃ ಪ್ರಿಯತಮಃ ಪ್ರೀಯತಾಂ ಪುರುಷೋತ್ತಮಃ ॥25॥

॥ಇತಿ ಶ್ರೀಮದಾನನ್ದತೀರ್ಥಭಗವತ್ಪಾದಾಚಾರ್ಯ ವಿರಚಿತಂ ಕಥಾಲಕ್ಷಣಮ್॥

॥ಶ್ರೀಕೃಷ್ಣಾರ್ಪಣಮಸ್ತು॥

ಅಭ್ರಮಂ ಭಂಗ ರಹಿತಂ ಅಜಡಂ ವಿಮಲಂ ಸದಾ । ಆನಂದತೀರ್ಥಮತುಲಂ ಭಜೇ ತಾಪತ್ರಯಾಪಹಮ್ ॥