Shri Ambika Stava

श्री अम्बिकास्तवः

Document Information

Text title : Shri Ambika Stava 08 07

File name : ambikAstavaH.itx

Category : devii, devI, pArvatI

Location : doc_devii

Proofread by : Rajesh Thyagarajan

Description/comments : From stotrArNavaH 08-07

Latest update : August 15, 2021

Send corrections to : Sanskrit@cheerful.com

This text is prepared by volunteers and is to be used for personal study and research. The
file is not to be copied or reposted without permission, for promotion of any website or
individuals or for commercial purpose.

Please help to maintain respect for volunteer spirit.

Please note that proofreading is done using Devanagari version and other language/scripts
are generated using sanscript.

August 15, 2021

sanskritdocuments.org
 Shri Ambika Stava

श्री अम्बिकास्तवः

श्रीगिरीशप्रियां चिन्तितार्थप्रदां
रत्नताटङ्किनीं राजबिम्बाननाम्।
सैरिभेन्द्रादिमत्तेभपञ्चानना-
मापदुत्तारिणीमम्बिकामाश्रये ॥ १॥
वारुणीसेवितां कीरवाणीस्तुतां
शत्रुसंहारिणीं श्रेयसः कारिणीम्।
वारुणीपारणां चारुसञ्चारिणी-
मापदुत्तारिणीमम्बिकामाश्रये ॥ २॥
सत्रयीकोणमध्यस्थबिन्दूपरि-
प्रस्फुरद्रत्नसिंहासनाधिष्ठिताम्।
सर्वसौभाग्यसन्धायिनीं मायिनी-
मापदुत्तारिणीमम्बिकामाश्रये ॥ ३॥
मातृकाभिः परीवारितां किञ्चिदु-
न्मीलतां धीवरप्रेक्षणानन्दिनीम्।
मत्तमातङ्गकुम्भोरुवक्षोरुहा-
मापदुत्तारिणीमम्बिकामाश्रये ॥ ४॥
यक्षगन्धर्वसिद्धाङ्गनामौलिग-
र्भस्थसूनातिसंवासिताङ्घ्रिद्वयम्।
मातृकारूपिणीं मातृयन्त्रात्मिका-
मापदुत्तारिणीमम्बिकामाश्रये ॥ ५॥
वीरमाहेश्वरीं चारुधर्मक्रियां
पारगात्रान्तरागारसंवासिनीम्।
किङ्कराशेषसम्पत्करीं शाङ्करी-
मापदुत्तारिणीमम्बिकामाश्रये ॥ ६॥

1
 श्री अम्बिकास्तवः

ऐन्द्रवज्रादिकान्तिच्छटारञ्जिनीं
शेखरीभूतशुक्लेन्दुरेखाभराम्।
मन्जुमञ्जीरशिञ्जत्पदाम्भोरुहा-
मापदुत्तारिणीमम्बिकामाश्रये ॥ ७॥
वामहस्तेन जिह्वाञ्चलां वैरिणः
पाणिना दक्षिणेनायुधं मुद्गरम्।
बिभ्रतीं पीतवर्णा (म्बरा)लङ्कृता-
मापदुत्तारिणीमम्बिकामाश्रये ॥ ८॥
पुस्तकं पाशमक्षसजं चाङ्कुशं
दोर्लताभिर्दधानां त्रिनेत्रान्विताम्।
बालिकां त्रैपुरीपुण्डरीकप्रभा-
मापदुत्तारिणीभम्बिकामाश्रये ॥ २॥
ब्रह्मशौरीन्द्रमुख्यामरप्राप्तना-
नायुधाच्छाननां स्रग्विभूषान्विताम्।
भर्गपत्नीं सुदुर्गामभीष्टप्रदा-
मापदुत्तारिणीमम्बिकामाश्रये ॥ १०॥
इति श्रीमत्परमहंसपरिव्राजकाचार्यविरचितमम्बिकास्तोत्रं सम्पूर्णम्।
Proofread by Rajesh Thyagarajan

Shri Ambika Stava

pdf was typeset on August 15, 2021

Please send corrections to sanskrit@cheerful.com

2 sanskritdocuments.org