Ang kuwento ay nagsimula sa isang babaing mangangalakal na

nakapag - asawa ng manlalakbay. Sapagkat siya madalas na maiwang

mag - isa sa kanilang tahanan, dala ng labis na lungkot ay humanap
siya ng mangingibig. Napili niya ang isang lalaking mas bata sa kanya.

Isang araw, ang kanyang batang mangingibig ay inihabla at

ipinakulong. Agad na pinuntahan ng babae ang hepe ng pulis at
sinabing palabasin ang lalaki sapagkat ito ay kanyang nakababatang
kapatid. Nagbigay ng kondisyon ang hepe na pakakawalan ang batang
mangingibig kung ang babae ay papayag na makasama siya sa loob ng
isang gabi. Nakipagkasundo ang babae at nagtakda ng oras kung
kailan sila magkikita.

Sumunod na araw ay nagpunta ang babaing mangangalakal sa

isang Cadi. Hiniling niya rito na utusan ang hepe ng pulis na
pakawalan ang binata. Gaya ng hepe ang Cadi ay nagnais din na
makasama ang babaing mangangalakal sa loob ng isang gabi kapalit
ang paglaya ng kanyang minamahal. Sa pangalawang pagkakataon ay
nakipagkasundo ang babae at nagtakda ng oras kung kailan sila
magkikita.

Ang sunod na pinuntahan ng babaing mangangalakal ay ang

Vizier. At gaya ng inaasahan, ng Vizier ay naakit din sa kanya at
hinangad na siya ay makasama sa loob ng isang gabi. Muli ay
nakipagkasundo siya at nagtakda ng araw ng kanilang pagkikita.

Matapos ay nagpunta siya sa hari at inilahad ang lahat ng

pangyayari. Maging ang hari ay nagnais na siya ay makasama sa loob
ng isang gabi. Sa ikaapat na pagkakataon ay pumayag siyang
makipagkita rito at nagkasundo sa oras ng kanilang pagkikita.

Nagtungo ang babaing mangangalakal sa isang karpintero upang

magpagawa ng cabinet na may limang hati. Nang matapos ang
cabinet ay nagtungo ang karpintero sa babae at nang gabing iyon ay
nakasama siya sa mga naging laman ng kabinet. Sa bawat oras na
may kakatok sa kanyang pinto ay agad naman itong dinadala ng
babaing mangangalakal sa loob ng kabinet.
 Sa huli ay naiwan ang limang lalaki sa loob ng kabinet at nilisan
ng babaing mangangalakal ang kanyang tahanan upang isama ang
kanyang mangingibig sa lugar kung saan walang nakakakilala sa
kanila.