ÉXETINA ÂVUKEKOVO

- APE ÉXETINA VIYÉNOXAPA IHÁXONETI ÂVUKEKOVO,HARA KÓEHIKO ÉXETINA RA

VIYÉNOXAPA MEKÚKE ÁPEYEA RA IHÁXONETI ÂVUKEKOVO HANE MAHI AHÁ’AXO
HÓEMOXEA ENEPONE KOMÓHITI ÍNATI YAÍKEXO KALIVÓNOHIKO YA ÊNO
XÚ’IKENETINE YÓTI YANE UPÁNINIHI SAYÁ’IKOAHIKO ÊNO NE KALIVÓNOHIKO ITEA
KUTÍ KÓENEOXOHI INAMÁ’AXO EHÁKOA ÍNAYEANEOXO VÁUKEXO NEKO
KOMÓHITI KALIVÓNOHIKO YANEKÓ ÊNO XÚ’IKENETINE YÓTI YANE IHÁNE
ÍMOHIKOPEAHIKO NE ÊNO NE KALIVÓNOHIKO YANE IMÁKONEHI APÉ KÔE ÍNAYEA
YÁIKEXO NE KALIVÓNOHIKO,YOKO MAHÍ ÊNO HANÁ’ITI KUTÍ KÓETI KÓEXOE
NEKÔYO ENEPONE IHÁXONETI HANÁ’ITI MÂRESO ÉNOMONE,ÍHAXEA VIYÉNOXAPA
MEKÚKE NEKO ÊNO IHUNÓVOTI ENEPONE ÍNATI HÚNKO YA VANÚKEKE
ÉNOMONEHI NE ÊNO HANÁ’ITI KÓEXOE KOKÉVITI ITUKÔA IHÚNOVOTINA KUTÊATI
NÊ’E ; ÉNOMONE ÍHAXONEHIKO ÂVUKEKOVO YOKÓ’O NEKO KOMÓHITI
KALIVÓNOHIKO MAHÍ IMOKÊOVATINEHIKO ÎHA NEKO ÂVUKEKOVO ÉNOMONEHI
EVÉSEVOKOXINOAHIKO,HÍYEUKE YANEKÔYOKE XOPÓKOHI APÉ KÓ’IYEA ÍNAYEA
YAÍKEXO,NEKO ÊNO KALIVÓNOHIKO ANÉYE ÊNO HANÁ’ITI MÂRESO ÍNATI KITÁ’Í
UKÊATI VANÚKEKE NAMÚKONE HÁ’INE ÛTI KÓENEHIKO YANE,ÚKEANE NE ÊNO
RA KALIVÓNOHIKO KOMÓHITI EXEPÚKOHIKO NOÍXOTI ÍNATI HAHÁ’Í MÂRESO
UKÊATI,YA VANÚKEKE NOÍXOTIHIKO PÓHUTI KALIVÔNO,IKOKÔ KÓEPOTI YANE
MÂRESOKE YANE ÚKEANE EHAHÍKOVO YA NAMUKÓPEAHIKO PÓHUTI,POXÓ’O
HÊVE IMÁKOTINE PÓ’ERE KÔE PÓHUTI POXÓ’O XURÓKUNA YANE PIHÓPONE
NEKO PÓHUTI KALIVÔNO XANÊATI IKOKÔ KÓEPEA,XANÊATIMAKA ÍNAYEA
ITÓMIKEXOPEA ITÍNA,NEKO KALIVÔNO YANE ÚKEANE OMOHÍKO PÓHUTI,ÛTO
IPUNÉTI KUTÍ KÓETI MBÁSIYA ÍHAKUXEAKE ITÍNA NEKO PÓHUTI KALIVÔNO
OMÓPONE NEKO MÂRESONA ÂVUKEKOVO YANE ÁKOTINEHIMO AYUPÓNI
YANEKÔYOKE YANE ÉNOMONE TURÍXEOVONEMO,NEKO HÓ’OPENOHIKO NIKÊATI
YA YÓTI YANEKÔYOKE VÓ’OKUKE ÁKOYEANE AYÚPONI HÁ’AN VÓ’OKUKE
YANEKÔYOKE TURIXÓVOTINEMO ÁKOYEANE ITÁ HÍMAKATINA XANEATI
ÉPEKEXEANEHIKO HÍMAKATI EPÉKEXOATINE NÍKEAHIKO,YANEKÔYOKE ENEPONE
KUTÊATI NE EVÓ : KÁMO,VÁKA,KÛRE YOKÓ’O PÓ’INUHIKO HÓ’OPENO NIKÊATI YA
YÓTI HÁ’AN VÓ’OKUKE ÁKOYEANEMO AYÚPONI YANEKÔYOKE ÉNOMONE
TURÍXEOVONE NE HÓ’OPENOHIKO,NIKÊATI YA YÓTI YANEKÔYOKE. – HÁ’AN
ÚKEAKUNEHIMO IHÁXIHIKEOVO NEKO UHÁ KÓETI NEKO HÓ’OPENOHIKO ÔTI
YANEKÔYOKE,KUTÊATI KÔEKU NE KALI HÓ’OPENO PONE MAYANE KALI
HARARAPÚ’IHI KÓETINE ENEPONE IHÁXONETI KALI XULÚPEO ENEPONE KALI TÎMA
KIXONÉTI. – ENEPONE KALI HÓ’OPENO MAYANE HARARAPÚ’IHI KÓETINE,YOKO INA
APÊ NE KÓATI KALI XULÚPEO ENEPONE ÊNO HAHARARAPÚ’Í KOYÊTI,HÁ’AN
IHAXÍHIKOVOTINEMO RA UHÁ KÓETI HÓ’OPENOHIKO ÔTI KUTÊATI KÔEKU RA
PARÂVA YOKÓ’OMAKA RA KERU-KERU VÂYO (PÍYEM),HÁ’AN YANE
PAHÚKOKONONEHI RA PARÂVA ÉNEYEA,YÉNEAKOPO KIXÓKONONEHI RA PARÂVA,