Representasyon ng Romansang Pilipino sa Kontemporaryong Panahon: Critical

Discourse Analysis ng Wika ng mga Duet ng Tambalang “Jadine”

Baysa, Shiela May C.

2014-62445

FIL 40 WFU
Prof. Wilfreda Legaspi

TALAAN NG NILALAMAN

I. Konsepto ng Romansa
A. Maikling kasaysayan
B. Ebolusyon
C. Depinisyon
II. Ang “Jadine” bilang parte ng mainstream midya
A. Sina James Reid at Nadine Lustre
B. Kung paano sumikat ang Jadine
C. Kung paano inirerepresenta ang Jadine sa midya
D. Ang pagtanggap sa Jadine

III. Ang mga kanta ng Jadine bilang mainstream na romansa

A. Ang nilalaman ng mga kanta ng Jadine (tema, dyanra, liriko)
B. Ang wika ng mga kanta ng Jadine
C. Ang implikasyon ng mga kanta ng Jadine

IV. Ang pagtanggap at pagsasabuhay ng mga Pilipino sa mga kanta ng Jadine

V. Kongklusyon: Ang mga kanta ng Jadine bilang salamin ng romansang Pilipino

!1
 I. Konsepto ng Romansa

Isang unibersal na damdamin ang pag-ibig dahil angkop ito sa lahat ng kultura,
mayroong iba’t ibang manipestasyon ito sa bawat komunidad (Karandashev, 2015). Ang
bawat komunidad ay may kani- kanilang kultural na kaganapan na may sariling karanasan at
pag-unawa sa romansa. Nagbabago ito dulot ng panahon at ang kaakibat nitong
pandaigdigang pananaw.

Mayroong sariling konsepto ang mga Pilipino ukol dito at labis na naimpluwensiyahan
ito ng midya, sining, at panitikan, at gayundin naman na naiimpluwensiyahan ng pananaw sa
romansa ang midya, sining, at panitikan sa Pilipinas. Nakaaapekto ito kung paano sila mag-
isip, makisalamuha sa kanilang kapwa, at kumilos. Dahil doon, umiiral na ang konsepto ng
romansa bilang isang love construct (Karandashev, 2015), na nabuo dahil sa kultura, na
kailangang maintindihan sa loob ng isang kultural na konteksto. Alam na natin na mayroong
sari-sariling pananaw ang bawat tao sa romansa, ngunit sila ay parte ng mas malawak na
aspeto at nakadadagdag ang kanilang mga indibidwal na kagustuhan sa pangkalahatang
perspektibo. Ang romansa sa kontekstong Pilipino ay kinakatawan ng panitikan at sining nito.
Sa kasaysayan ng panitikan, higit na matatagpuan ang romansa sa tula dahil ito ay kaalamang
bayan at tula ang pinaka-prominenteng anyo ng kasaysayan noon (Almario, 2013). Maaaring
nagsimula ito sa pre-kolonyal na konsepto ng gender roles sa isang functional community, at
nailagay sa mga dula at tula ni Balagtas, at ng korido na Ibong Adarna.

Pagkatapos ay naipakita ang romansa nina Maria Clara at Crisostomo Ibarra sa nobela
ni Jose Rizal na Noli Me Tangere na kumakatawan ng panliligaw, panunuyo– ang pagiging
walang pasubali at masunurin ng mga kababaihan at ang pagiging dominante ng kalalakihan,
kung saan nanggaling ang pamantayan ng pagkababae na hanggang sa kasalukuyang panahon,
ay naiaangkop pa rin sa lipunan- si Maria Clara ang perpekto at ulirang babae sa lipunan at
siya dapat ang tularan ng mga kababaihan, ang katangian niyang mahinhin, maalaga, mayumi,
matiyaga, tapat at higit sa lahat, maka-Diyos– mayroong makabuluhang lugar sa identitad ng
isang Pilipinong babae si Maria Clara (Sanchez, 2015).

Noong mga panahon ng Amerikano naman ay napukaw sa mga pelikulang Amerikano

ang konsepto ng romansa. Naging dominante ang Holywood films sa iba’t ibang parte ng

!2
Asya pati na ang mundo. Ito ay isang malaking negosyo na nakakaapekto sa Pilipinas, Africa,
South Korea, Taiwan, China at Iran, nakikilahok at nakikipagkompetensiya ang sining ng
Pilipinas sa globalisasyon at ito’y upang makilala ng Holywood. (Cowen, 2001) Malaking
aspeto ng pagaanalisa sa sining ng Pilipinas ang pagkikilala na ito ay third world country at
ito ay nakasailalim kasalukuyan sa imperyalismong pangkultural.

Ngayon naman, nakikita ang pangkalahatang perspektibo ng mga Pilipino sa romansa

sa sining na mainstream, dahil mas binibigyang pansin nito ang popular na masa– mas
sinasalamin nito ang popular at pangkalahatang realidad.

II. Ang “Jadine” bilang parte ng mainstream midya

Isang produkto ng mainstream art ay ang konsepto ng pagtatambalan sa show

business. Isa rito ang tambalang Jadine na binubuo ni James Reid at Nadine Lustre. Sumikat
ang tambalan nila noong 2014 sa pelikulang Diary Ng Panget kung saan sila ang bida.
Ikinagigiliwan sila ng mga Pilipino bilang solong artista at bilang loveteam, lalo na’t noong
kinumpirma nila na sila ay mag-nobyo at nobya sa totoong buhay.

Ayon sa opisyal na biografi ni James Reid sa Internet Movie DataBase, si Robert

James Reid ay isang 24 taong gulang na Awstrelyanong aktor na sumikat noong siya ang
naging Big Winner sa reality TV show na Pinoy Big Brother Teen Edition noong siya’y 16
taong gulang lamang. Bukod pa sa mga duet niya kasama si Nadine Lustre, mayroon siyang
album na Palm Dreams na inilabas noong 2017 at lahat ng kanta dito ay siya ang may akda.
Umabot ito sa internasyonal na audience at nangunguna ito sa mga tsart na pangmusika.
Kasalukuyan siyang (imdb, n.d.)

Ayon din sa opisyal na Internet Movie Database ni Nadine Lustre, si Nadine Alexis
Lustre naman ay isang 24 taong gulang na aktres na galing sa Quezon City Philippines. Siya
ay tinaguriang ‘multimedia princess’ dahil hindi lamang siya sa telebisyon nakikita, kundi sa
mga pelikula, at social media, at may presensya rin siya sa radyo dahil siya rin ay isang mang-
aawit. Siya ay parte noon ng entertainment group na ‘Pop Girls’ ngunit hindi siya gaano
sumikat doon. Nakamit niya ang katanyagan sa pagiging loveteam ni James Reid. Mula noon,
nagkaroon siya ng album na pinangalanang “Nadine” noong 2014, naging host ng noontime

!3
show na It’s Showtime kasama sina Vice Ganda, Anne Curtis, Vhong Navarro at iba pa.
Nagkaroon siya ng maraming pelikula kasama si James Reid at noong 2017, tinagurian siyang
FHM Sexiest Woman of the Year (imdb, n.d).

Naligalig ang kanilang mga tagahanga noong Pebrero 2016 nang kanilang opisyal na
ibalita sa publiko na sila ay mag-nobyo’t nobya na sa totoong buhay.

Dahil sa pagiging tanyag nilang loveteam,, nagkaroon ang dalawa ng kanya-kanyang

album kung saan mayroon silang mga solong kanta at mayroon din silang mga duet. Susuriin
ng papel na ito ang mga duet ng Jadine, at titignan sila bilang loveteam.

Representasyon ng midya sa Jadine

Positibo ang representasyon ng midya sa Jadine at itinuturing nila itong teenage

loveteam na makakapagdulot ng kilig factor sa mga manonood. Noong ang Jadine ay
nagpahayag na sila ay magnobyo’t nobya na sa totoong buhay, ang headline ng ABS CBN
News ay “How James Asked Nadine To Be His Girlfriend” at sinasabi nito na kahit
Awstrelyano si James Reid, ay sinuyo niya pa rin si Nadine sa paraang Pinoy kung saan
niligawan niya ito at humingi ng permiso sa tatay nito (Reyes, 2016)

Sa print at online news, sinusubaybayan ang Jadine sa kanilang mga paglalakbay sa

iba’t ibang parte ng mundo na magkasama. Ibinalita ng ABS CBN noong pumunta sila ng
Camarines Sur, na may headline na “Jadine Kilig, walang patid sa CamSur” (ABSCBN News,
2017) at noong umakyat sila sa Cordilleras, “Clarity amidst the chaos as Nadine hikes Mt.
Ulap with James” (ABSCBN News, 2017)

Sa kasalukuyan naman, ang representasyon sa imahe ng Jadine ay lumalagpas na sa

pagiging teenage loveteam. Napaguusapan na sa balita na sila ay handa ng maging mag-
asawa, lalo na’t noong nagkaroon ng balita na sila na raw ay naglilive-in. Noong maraming
fans ang nadismaya sa balitang iyon dahil hindi iyon nosyon ng Pilipino sa romansa, inihanda
na ng midya na gawing mas matanda ang kanilang imahe sa pamamagitan ng pagtatag na sila
ay handa na sa susunod na lebel na iyon. Umiral ang mga headlines tulad ng “What James
Said About Marrying Nadine” (ABSCBN News, 2017) o kaya naman “JaDine, Sizzling sa
Tub Photo” (ABSCBN News, 2017) o “Jadine, sinagot ang isyung magkaka-baby

!4
na” (ABSCBN News, 2017). Lahat ito ay sagot doon sa balita na naglilive-in na sila.
Ipinapakita na mayroon na silang kapasidad na isipin ang pag-aasawa, ang pagtatalik, at
pagkakaroon ng anak. Dahil kapag ang imahe nila ay hindi na teenage loveteam, ay
ginagawang ganoon na ang mga balita tungkol sa kanila.

Palagi rin silang magkasama sa TV show hostings at appearances, pati na sa premiere

nights ng kanilang mga pelikula. Hindi sila lumalabas sa midya nang indibidwal, ngunit isang
loveteam. Sa mga lokal naman na radyo ipinapatugtog ang kanilang mga indibidwal na kanta
at mga duet. Sila lagi ay kinikilala bilang “Jadine”.

Pagtanggap sa Jadine

Higit na positibo ang pagtanggap sa Jadine ng mainstream media. Mataas ang naging
ratings ng kanilang mga pelikula at mga programa sa telebisyon pati na ang mga magasin
kung saan sila ang nasa coverpage., sabi sa ABS CBN News na para raw sa Jadine fans, may
dalawang klase lang ng celebrities sa mundo– Ang Jadine at others (ABS CBN News 2016).
Sa showbiz section ng Inquirer ay naibalita na galit na galit ang jadine fans noong tawaging
‘starlet’ si Nadine Lustre ng Metro Magazine. Inilinaw ng magasin na hindi nila intensyon ang
negatibong kahulugan ng starlet na ‘hindi sikat, o bida-bida’ ngunit ang kanilang intensyon ay
na ito ay tanghaling ‘rising star’ (Bandera, 2017)

Nakakabit sa musika ang panlipunang mga tema na umiiral. Ang mga duet ng Jadine
na “No Erase” (2014), “Bahala Na” (2014) at “Hanap Hanap” (2014) ay sabay sumikat
kasama ng Jadine at nagkaroon pa ito ng mga music video na may 32 milyon na panunuod.
Masasabing ang mga duet na ito ay alam ng nakararaming Pilipino at kahit na may salu-
salong pagtanggap rito, tinatangkilik pa rin ito. Bilang ito ay tumutugon sa mainstream
audience, maipapakita ng wika nito kung paano naisasalamin ng mga duet ng Jadine and
kolektibo at mainstream na konseptong romansa ng mga Pilipino sa panahon ngayon.

Ang mga kanta ng Jadine bilang mainstream na romansa

Sa larangan naman ng mainstream na sining, nagsisilbi ang musika na isa sa

pinakaimportanteng cultural artifact ngayon at lagi itong ginagamit sa pang-araw araw na

!5
buhay. Ayon sa linguist na si Normal Fairclough, ang musika ay behikulo ng ideolohiya at ito
ay praktis ng kapangyarihan (Infante, 2015). Narito ang pagsusuri ng mga duet ng Jadine
gamit ang Critical Discourse Analysis. Dito nakapaloob ang nilalaman ng mga kanta ng
Jadine (tema, dyanra, at liriko) pagkatapos ang wika at implikasyon ng mga kantang ito sa
lipunan.

1. “NO ERASE”

Ang dalawang karakter sa kantang ito ay hindi pa magkasintahan. Dito pa lamang nila
nalaman na sa tagal nilang magkakilala, ay mahal pala nila ang isa’t isa. Tumatalakay ito kay
James Reid na may kinikimkim at nagtatanong kung makikinig ba [si Nadine Lustre] kung
aaminin niya ang kinikimkim niyang pag-ibig. Si Nadine Lustre rin naman ay mayroong lihim
na gusto niya rin si James Reid. Parehong karakter ay kapwa mahal ang isa’t isa ngunit ito
lamang ay palihim. Pinagninilayan ng dalawa kung sila ba ay aamin sa isa’t isa dahil baka sila
ay wala sa lugar o wala sa mundo ng isa’t isa. Ayaw nilang ma-”out of place”. Inihalintulad
nila ang kanilang mga sariling lihim ng pag-ibig sa pagsusulit, kung saan “no erase” kapag
nagsulat na ng kasagutan. Ang kanilang pag-aatubili na umamin ay gawi ng konsepto na
kapag ginawa nila iyon, hindi na nila iyon mababawi (“wala nang bawian period no erase”) at
walang katiyakan ang dalawa na mutual ang mararamdaman ng isa. Ang kanilang mga tanong
na gustong maiparating ay “Game na ba?”, “Ano na?”, “Sure na ba?” na nangangailangan ng
response* ng isa. Isa itong paghihingi ng permiso sa kanilang minamahal kung handa na ba
siya o sigurado na ba siya na makipagrelasyon. Sa linyang “kung di alam/ wag na’ng hulaan”,
sinasabi na pagkat ang tanong ay mabilisan, dapat ang sagot rin ay mabilisan, kung siya ay
talagang sigurado na. Ipinapakita na matagal nang magkakilala ang dalawa sa linyang “Noo'y
nagtatanim ang sabi ko'y, "ewan nalang/ Ngayon nagbunga ang pag-ibig ay/ abang lang ng
abang” at “Diba noon nasa dilim ika'y nagbuhat ng kinang/ Ngayon ako'y mapapansin sayong
liwanag ay iba”. Mapapansin na kaya nagkakahiyaan ang dalawa ay dahil sila ay magkaibigan
at mayroong nakataya kapag umamin sila sa isa’t isa. Sa bandang huling linya na sinabing
“Kumpletuhin ang patlang/ at bawal ang tyambahan”, ipinapakita na dapat pareho at umaayon
ang sagot nila sa isa’t isa.

Ang distribusyon ng kantang ito ay noong 2014 at nagsilbing Official Soundtrack, at

pinatugtog sa unang pelikula ng Jadine na Diary Ng Panget. Sa pelikula at sa kantang ito
unang nakilala ang Jadine. Tulad ng positibong pagtanggap ng nakararami sa Diary ng

!6
Panget, ang pagtanggap rin sa OST nito ay mas maraming positibo kaysa sa negatibo.
Pagkatapos ng pelikula at kantang ito, ay pumirma na ng kontrata bilang talents ng ABS CBN
ang Jadine.

Ang wika ng kantang ito ay kombinasyon ng Ingles at Filipino. Ang pangunahing

sintaks nito ay Filipino at gumagamit lamang ng mga Ingles na termino tulad ng “No erase”,
“feel out of place”, “Game”, “Sure”, “period”. Ang mga salita o pariralang ito ay tanggap at
ginagamit na na pagpapahayag sa kontekstong Pilipino.

Sa kanta, makikita ang mga tema ng pagsibol ng pag-ibig, ang pangangailangan ng

pahintulot, sense of belongingness, at ang kinahihinatnan ng mga kilos ng mga tao ay hindi na
mabubura. Dito makikita natin na hindi magiging masaya ang relasyon kung hindi ito
nararamdaman ng isa’t isa. Ito ang pahintulot na kailangan mula sa dalawang magkakaroon
ng relasyon. Hindi rin magiging nakakahikayat umamin kung hindi mo kaibigan ang iyong
aaminan at kung wala itong kasiguraduhan. Ang konsepto ng pahintulot o consent sa Pilipinas
ay binibigyang halaga sa kasalukuyan. Kapag hindi pumayag ang isa, hindi magiging madali
o hindi talaga mangyayari ang kagustuhan. Para rin makamit ang isang relasyon, kailangang
ang dalawa ay nagsimula muna sa pagkakaibigan, dapat ay kilala na muna nila ang isa’t isa at
sa matagal na pagsasamahan, tsaka na lamang matatanto ang pag-ibig, sinasabing ang pag-
ibigan ay mas matalik sa pagkakaibigan. Sa konsepto naman ng sense of belongingness,
mahihinuha na ang layunin at ang sanhi ng pagmamahalan ay ang pagiging kumportable sa
isa’t isa. Layunin ito sa paraang kapag ba umamin ang isa sa isa ay ang relasyon ba nila ay
mananatili na kumportable na para ba’ng sila ay magkaibigan. Naroroon din ang konsepto na
ang mga nagawa nang bagay ay wala na’ng atrasan pa. Magkakaroon ito ng mga resulta. Dito
pumapasok ang umiiral na konsepto na mag-isip muna bago kumilos, dahil makapangyarihan
ang wika at ‘pag ito ay binitawan, hindi na ito mababalik. Sa romansa, para makamit ang
isang tao, ang pundasyon nito ay wika, lalong lalo na ang konsepto ng ‘pag-amin’.

“BAHALA NA”

Dito sa kantang ito, magkasintahan na ang karakter nina James Reid at Nadine Lustre.
Ang dramatikong sitwasyon sa kantang “Bahala Na” ay tumatalakay sa dalawang
magkasintahan na hindi na pinakikialaman ang kanilang paligid basta sila ay magkasama.
Sinabi na kahit hindi sila ang nakatadhana para sa isa’t isa, hindi nila iyon gagawing dahilan

!7
para hindi magsama. Mas mahalaga na mahal nila ang isa’t isa kaysa kung sila ba talaga ang
para sa isa’t isa. Gusto ng dalawang karakter na magsama na habangbuhay sapagkat ang isa’t
isa ang kanilang kanlungan. Mayroong sari-sariling nakaraan ang dalawang karakter na
ipinresenta sa linyang “Sa’yo naramdaman ang pinagkait sa akin” at “sa’yo naramdaman ang
‘di ko akalaing ipaglalaban ko”. Ang nakaraan na ito ang naghudyok sa kanila upang ituring
ang isa’t isa na kanlungan.. Ipaglalaban at hindi nila isusuko ang isa’t isa kahit ang “iba” ay
may sinasabi, kahit ang tadhana ay hindi umaayon sa kanila. Ang tema ng kantang ito ay
mayroong “forever”, ang pag-saway sa mundo sa pamamagitan ng pagmamahalan, at kaya ng
pag-ibig ang lahat ng problema.

Ang kantang ito naman ay nakasulat sa dalawang wika– Ingles at Filipino. Gumamit
sila ng mga terminong Ingles tulad ng “forever”, “surrender”, “action star”, “leading man”.
Ang base language nito ay Filipino dahil ang sintaks ng mga parirala at pangungusap ay
Filipino (“Naniniwala na ako sa forever”, “sumurrender”, “ikaw ‘yung action star na leading
man”). Nadistribyut and kantang ito bilang Official Soundtrack ng pangalawang pelikula ng
Jadine ang Talk Back and You’re Dead. Kabilang ito sa album na “No Erase” at pinatugtog ito
sa Myx at mga radyo. Ito ang pinakasikat na kanta ng Jadine sa album na iyon, na may 32
milyon na views ang official music video sa Youtube. Popular na wika ang gamit nito at ang
mga terminong ito ay higit na tanyag sa kasalukuyang panahon. Ang pagsali ng mga Ingles na
termino ay ginagamit.

Sa pagsusuri ng dramatikong sitwasyon ng kanta, makikitang mayroon ang mga

karakter na konsepto ng “forever”, at ito lamang ay iiral kapag ikaw ay mayroong kasama
rito. Ang “forever” sa kantang ito ay hindi oras, ngunit ito ay depinisyon ng kaligayahan, ito
ang nagsisilbing pangunahing layunin ng buhay. Kung ang isang tao ay walang kasintahan,
hindi niya makakamtan ang buhay na walang hanggan dahil hindi niya nakamit ang layunin
ng buhay. Mayroon rin ditong konsepto ng tadhana, na ang presensya nito ay nasa lahat ng
bagay at angkop ito sa lahat. Sa kanta, kinikilala nila na sumasailalim lamang sila sa tadhana
at inferyor sila rito kaya kailangan nila itong labanan gamit ang kanilang pagmamahalan.
Namamalagi lagi na nilalabanan nila ang tadhana kung hindi man ito sang-ayon sa kanila.
Hindi nila ito hahayaang pigilan sila. Mayroong haraya ang mga Pilipino na ang pag-ibig ay
dapat unahin kaysa sa mga praktikal na bagay at sa kantang ito, kaysa sa sasabihin ng iba. Ito
ay ideya ng pagbubukod sa tinitirhang mundo kapag hindi sila umaangkop rito. Napakadaling
sabihin nito sa kanta na para bang hindi na importante ang ibang makataong relasyon.

!8
Mayroon din silang ispesipikong tungkulin sa kanilang relasyon base sa kanilang kasarian.
Tinukoy ito sa “Ikaw ‘yung bida ng prinsesa ng drama” para kay Nadine Lustre at “Ikaw
‘yung action star na leading man” para kay James Reid. Ang ideyang ito ay nakuha sa
mainstream na pelikulang Holywood, kung saan ang mga babae ay damsel in distress palagi at
tinatrato dapat na prinsesa. Hindi lamang prinsesa ang pagtukoy dito, ngunit prinsesa rin ng
“drama”. Dito nakaakibat ang nosyon na ang mga babae ay mas nakatagilid sa emosyon.
Kaakibat ng sexism na ito ang nosyon na ang lalaki dapat ang ‘leading’ man, ang dominante
na magliligtas sa babae. Ang konsepto rin ng “Bahala Na” rito ay sumasalamin sa
isteryotipikal na kaugalian ng mga Pilipino, ang “Bahala Na” mentality, kung saan wala silang
kontrol sa kanilang mga sarili, nagaalinlangan sila sa kalalabasan ng kanilang mga kilos, pero
gagawin pa rin nila ito. Ang “Bahala Na” ay galing sa “Bathala Na” kung saan ipapasa-Diyos
na lamang nila ang mga bagay na dapat lohikal nilang gawin, ayon sa Filipino psychologist
and blogger na si Aleah Taboclaon ng Huffington Post (2013). Kung ilalagay ito sa konteksto
ng romansa, tinitignan ng dalawang karakter ang kanilang pag-iibigan na hindi lohikal o
praktikal, pero isang glamorized/romanticized na ideya.

III. “HANAP HANAP”

Ang kantang ito naman ay nagpapahiwatig na ang mga karakter ay dating

magkasintahan na naghiwalay na (“Pinili kong lumayo/ Ngunit pilitin ma'y bumabalik sa'yo”)
at hindi nila kayang mapalayo sa isa’t isa kahit ano pa’ng pilit nila. Ipinapahayag nila na hindi
sila ang tinadhana para sa isa’t isa at hindi rin umaayon ang tadhana na magkita sila.
Naghiwalay sila at sinubukang kalimutan ang isa’t isa at mamuhay nang wala nang kinalaman
sa isa’t isa. Lumayo sila sa isa’t isa upang ‘di na magtagpo. Tinangka nilang sumubok ng
bagong relasyon sa iba ngunit walang bisa ito para kalimutan ang isa’t isa. Hanggang sila’y
naghiwalay, hinahanap pa rin nila ang isa’t isa at pareho silang umaasa na magkakaroon ulit
sila ng relasyon. Kahit ano pa ang gawin nila, ang pag-ibig nila ay nagpapahiwatig mismo na
iyon ang sundin at sumalungat sa tadhana, o sa nangyari na sa kanila.

Ang kagustuhan nila para sa kanilang dalawa ay ang “happy ending” (“Umaasang
magsasamang muli /Para sa 'yo at para sa 'kin na tangi lang dalangin/ Ay happy ending
bandang huli”) Kaya gusto nila magsama ulit ay para matamo ang masayang wakas para sa

!9
relasyon nila. Ang “ending” na ipinapahiwatig dito ay ang pagiging nasa relasyon. Ang
pagiging single at pagiging malayo sa isa’t isa ang problema ng salaysay ng kuwento.

Dahil nga sinubukan nila sa iba pero hindi nila magawang maging masaya rito,
nakikita ang konsepto ng “The One” kung saan bawat isa ay para sa isa talaga, mayroong
tamang tao na para sa isa. Kapag napunta ang isa sa maling tao, hindi siya magiging masaya.

Ang kantang ito ay isinama sa 2015 album ni James Reid na “Reid Alert” at
namungkahi ito bilang Awit Award for Best Collection. Nagkaroon rin ito ng music video at
pangalawang kanta ito sa solo album ni James Reid. Ang wika nito ay Filipino, maliban
nalang sa termino na “Happy ending”.
Nirerepresenta ng kantang ito ang romansang Pilipino sa mga tema nito ng
pagwawakas at pagbabalik ng pag-ibig. Una, umiiral dito ang konsepto ng happy ending kung
saan ito ay makakamit lamang kapag ang isang tao ay nasa relasyon. Kapag single ang isang
tao, siya lagi ay mayroong hinahanap na kaligayahan. Hindi siya maaaring maging masaya
kung siya ay mag-isa. Negatibo ang tingin sa taong single– marahil ito ay mayroong hindi pa
tapos na kaugnayan, o hindi niya pa natatagpuan ang taong para sa kaniya. Alinman sa mga
kondisyong ito, siya ay tinitignan na hindi pa nakakamit ang layunin sa buhay. Ang pagiging
single ay isang kapus-palad na kondisyon sa Pilipinas. Ngunit hindi lang sila maaaring basta
basta makipag-relasyon, kailangan ay mahanap nila ang taong para sa kanila. Ang komunidad
ng mga single sa Pilipinas ay komunidad ng paghahanap ng kaligayahan.

Ang pagtanggap at pagsasabuhay ng mga Pilipino sa Jadine at sa mga kanta nito

Ang mode of distribution ng kanta nila ay pare-pareho na nasa mainstream media at

ginagawang soundtrack ng kanilang mga TV shows at pelikula. Ipinapalabas ang music video
nito sa internasyunal na lebel ngunit ang higit na nanunuod dito ay ang mga Pilipino na taga-
hanga nila, gayundin sa kanilang mga concert, kung saan umaabot ito sa ibang bansa at mga
OFW ang pumupunta at nanunuod dito.

Nakikita na positibo ang pagtanggap ng mga Pilipino sa Jadine at sa mga kanta nito.
Unang una, nagkaroon sila ng concert na “JaDine in love” noong 2016 sa Araneta Coliseum

!10
kung saan dumalo ang libu-libong taga-hanga nila kaya naman naubos ang tickets dito. Inawit
nila dito ang kanilang mga duet. Sinundan ito ng kanilang international tour sa Doha, Qatar at
sa United Arab Emirates, pati na sa London, United Kingdom (ABSCBN News, 2016). Sa
social media naman ay kumalat ang music videos ng kanilang mga kanta, at mayroong akses
ang publiko sa Spotify na kopya ng kanilang mga kanta at album. Ayon sa Philippine Star,
hataw ang Jadine sa Top OPM Artists of 2016 sa Spotify (Asis, 2016).

Kung papansinin, isang malaking parte ng romansang Pilipino sa kasalukuyan ang

higit nilang pagtatangkilik sa Jadine. Sila ay nakikisali rito at sila ay nagaabang ng mga balita
tungkol dito. Sinasabi ng isang lecturer sa University of Leeds sa UK na si Jason Cabanes sa
kaniyang artikulo na “Aldub, Jadine, and Filipino imaginaries of intimacy” na mas mayroon
pa raw na pakialam ang elite sa balitang showbiz lalo na sa Aldub at Jadine kaysa sa
pambansang isyu at suliranin. Nagsisilbing ‘distraction’ ang mga ito sa mga isyung pambansa
(Cabanes, 2015). Sinusuportahan ng kaniyang artikulo na ang romansang Pilipino ay higit na
impluwensiya ng Anglo-American culture. Ito rin ay may halong drama at nananatili rito ang
kulturang Pilipino na tradisyunal na function ng mga kasarian at ang panunuyo. Isang
loveteam kung saan maihahantulad ang Jadine ay ang Aldub na umusbong noong 2015 at
naging kompitensya ng Jadine. Dito mas umiral ang pagtatanggol ng mga fans ng Jadine
laban sa Aldub na sinasabing mas epektibong loveteam ang Jadine. Bagamat walang
nagaganap na away sa mismong Jadine at Aldub, ay dito mapapatunayan na higit na mahilig
ang mga Pilipino sa showbiz loveteams at ito ay kanilang sinerseryoso. Kasabay na rito ang
paghahambing sa Jadine sa iba pang showbiz loveteams na LizQuen at Kathniel kung saan
mas nagiging epektibo ang Jadine kaysa dito dahil silang dalawa ang mayroong opisyal na
relasyon sa totoong buhay. Ito ang hinahanap ng mga Pilipino, ang aspeto na
makakapagkumbinsi sa kanila na totoo ang kanilang nakikita, na totoo ang ilusyon na
ipinipresenta ng Jadine, na kung ano man ang romansang kanilang inirerepresenta ay
nangyayari rin sa totoong buhay. Ang mga showbiz loveteams na ito, lalo na ang Jadine ay
nagsisilbing pag-asa sa maraming Pilipino, lalo na sa mga romantiko, na mayroong tadhana at
naglalaan ito ng isang perpektong tao para sa isa. Si Nadine Lustre pa rin ay mayroong
katangian ng uliran na babae na ala Maria Clara na mayumi, mahinhin, at imperyor sa
kalalakihan at si James Reid pa rin ang ehemplo ng masculadong lalaki na nagsisilbing
tagapagligtas ng kababaihan. Isa pa, si James Reid at Nadine Lustre ay maganda at gwapo sa
obhektibong paningin ng lipunan, dahil sila ay may kanluraning katangian ng kagandahan–
malaki ang mata, matangos ang ilong, maputi ang balat. Sinasabi nang pag-usbong ng

!11
kanilang loveteam na kung gusto ng isa na magkaroon ng buhay pag-ibig na matagumpay,
kailangang ikaw rin ay mayroong itsurang kanluranin.

Ang Jadine ay nagsisilbing patunay na kahit may pagka-liberal na ang mga ideya sa
kasalukuyang panahon, ay kaya pa ring panatilihin at isabuhay ang tradisyunal na relasyon.
Sila ang nagsisilbing perpekto na relasyong Pilipino dahil umiiral pa rin sa kanila ang
panliligaw, ang mga estrakturang panlipunan, at dinidikta pa rin ng kanilang kasarian ang
kanilang kilos sa kanilang relasyon. Ito ay konserbatibo parin, kaya patuloy na positibo ang
pagtanggap sa kanila.

Ang teksto mismo ng mga duet ng Jadine ay nagsasalamin ng kulturang romansa sa

Pilipinas. Ito ay nananatiling konserbatibo kahit ito’y dinamiko na nagbago na sa paraan ng
manipestasyon nito ng pag-ibig. Mayroong drama na nakapaloob dito na imperyor ito sa
tadhana at ang tadhana ang nagsisilbing batas para sa pag-ibig. Ang drama doon ay ang
paglabag sa tadhana. Ipinakikita rin na hindi madali makuha ang perpektong relasyon tulad ng
sa Jadine- kailangang kayo muna ay magkaibigan nang matagal, kailangang kilala niyo na ang
isa’t isa pagkatapos naman ay kung naging magnobyo’t-nobya na, ito ay puno ng kilig at
kasiyahan, wala itong problema. Kapag naman naghiwalay dahil hindi sila itinadhana, ipipilit
na kalabanin ang tadhana para ito’y romantiko.

Konklusyon

Lahat ng kanta ng Jadine ay pop songs. Ito ang dominanteng genre nito na
ipinamamahagi sa mainstream audience. Ang nangingibabaw naman na paksa rito ay paksa ng
pag-iibigan, at ang mga tema nito ay pagkikilala, pagiging magkasintahan, at paghihiwalay at
pakikipagbalikan. Pare-pareho ang mode of production ng mga duet na ito, lahat sila ay
kabilang sa album ng pagtatambalang Jadine, pelikula man ito o pagiging icon nila sa midya.

Nakapapaloob dito ang mga isyu ng pag-iibigan sa Pilipinas, ang ligawan, ang gender
roles na nakapaloob sa babae at lalaki na nasa loob ng relasyon, ang diskriminasyon sa
pagiging single, ang laro ng tadhana at ang pagiging lamang nito sa lahat, at ang konsepto ng
“forever”, hindi bilang oras, ngunit bilang layunin ng pagmamahalan.

!12
 Base sa mga pagsusuri, mahihinuha na ang representasyon ng mga duet ng Jadine sa
romansang Pilipino sa kontemporaryong panahon ay ito ay isang 1) positibong bagay na
kapag walang romansa ang isang tao, hindi siya maligaya, 2) ito ay romanticised/glamorised,
at hindi praktikal na bagay, sinasabi nitong ang pag-ibig ang pinakadakilang pakiramdam sa
lahat, 3) ang romansa ay pangangailangan, dahil kapag wala ang is anito, ay ‘di niya
makakamit ang kaligayahan, na ito ang layunin niya sa buhay, 4) Ang pag-ibig ay konektado
sa tadhana, mayroong itinatag na tadhana at maaaring sundin o wasakin ito ng pag-ibig, at 5)
Ang romansa ay laging may happy ending kung nakita mo na ang taong para sa’yo talaga.

Tunay na ang Jadine ay bukod-tangi na pangyayari sa kasalukuyang panahon. Ito ay

umabot sa kalakhan ng Pilipinas pati na sa mga OFW sa ibang bansa. Hindi lang ito umabot
ngunit tinanggap rin ito ng mainstream media nang may positibong reaksyon.

Ito ay sumasalamin sa kulturang romansa ng Pilipinas sa kasalukuyan dahil ito ay

nagsisilbing pangarap at pag-asa sa mga Pilipino na tumatangkilik rito. Pangarap sa
pamamaraang ito ang dapat makamit sa buhay, ito ang hinahangad ng bawat isa na umibig, ito
ang bantog na naratibo kaya dapat ito ang masunod. Nagkakaroon ng diskriminasyon kung
ang buhay pag-ibig ng isang tao ay hindi katulad sa Jadine. Hindi ito ang bukod-tangi kapag
hindi ito bumibilang sa love construct na itinakda ng Jadine. Ang love construct na ginawa ng
Jadine ay construct na bumabalik sa panahon ni Maria Clara kung saan ang romansa ay
konserbatibo at umaayon sa kung ano ang itinakda ng lipunan na kilos at pagpapahayag.

Hindi ito ganoon na malaya dahil kinikilala nito na parte ang romansa ng lipunan at
hindi ito maiaalis sa kontekstong iyon. Mula sa mga kanta ng Jadine, makikitang masyadong
romantiko at masyadong madrama ang romansa sa kontekstong Pilipino. Hindi ito isang
praktikal na bagay at ito ay superyor sa iba pang mga damdamin. Masyadong binibigyang
halaga ito ng mga Pilipino.

Sa kabuuan, ang Jadine ang nagiging pamantayan at sukatan ng kasiyahan sa pag-ibig,

at nasasalamin nito na ang kulturang romansa ng Pilipinas ay higit na impluwensiya ng
midya, panitikan, at sining.

!13
Bibliografi:

Infante, Jordan Martin. (2015). Ideology through Musical Discourse: A Critical Discourse
Analysis on Three of the Most Controversial Rock/Metal Songs during the 1980s.
Master’s Thesis, Universidad de Valladolid. Web.

Karandashev, V. (2015). A Cultural Perspective on Romantic Love. Online Readings in

Psychology and Culture, 5(4). Web. https://doi.org/10.9707/2307-0919.1135

"Are You A Die-hard Jadine Fan?" ABSCBN News, November 23, 2016. Web. Retrieved
November 21, 2017.

Asis, Salve. "Jadine, hataw sa top OPM artists of 2016". Philippine Star, December 16, 2016.
Web. Retrieved November 22, 2017.

Bandera, Alex Brosas. "Nadine tinawag na ‘starlet’, magazine pinagmumura ng JaDine fans"
Inquirer.net, October 7, 2017. Web. Retrieved November 23, 2017.

Cabanes, Jason. "Aldub, Jadine, and Filipino imageries of intimacy." Rappler, October 3,
2015. Web. Retrieved November 23, 2017.

"Clarity amidst the chaos as Nadine hikes Mt. Ulap with James." ABSCBN News, September
9, 2017. Web. Retrieved November 23, 2017.

"Jadine, sinagot ang isyung magkaka-baby na." ABSCBN News, November 22, 2017. Web.
Retrieved November 26, 2017.

"JaDine, sizzling sa tub photo." ABSCBN News, May 22, 2017. Web. Retrieved November 23,
2017.

"JaDine kilig, walang patid sa CamSur". ABSCBN News, May 22, 2017. Web. Retrieved
November 23, 2017.

!14
"What James said about marrying Nadine." ABSCBN News, May 22, 2017. Web. Retrieved
November 23, 2017.

Virgilio S. Almario (2013). Mga Lektura sa Panitikang Popular

Manila : Komisyon sa Wikang Filipino.

Cowen, Tyler. (2001) “Why Holywood Rules The World” Correspondence: An International
Review of Culture and Society Issue No. 8. New York: Council on Foreign Relations

"James Reid Biography" Internet Movie Database. Web. Retrieved November 24, 2017.

"Nadine Lustre Biography" Internet Movie Database. Web. Retrieved November 24, 2017

Reyes, Shiela. "How James asked Nadine to be his girlfriend". ABS CBN News, February 21,
2016. Retrieved November 23, 2017.

Sanchez, Jean-Noel. (2015) "Construction and deconstruction of Maria Clara:

History of an imagined care-oriented model of gender in the Philippines” University of
Strasbourg

Taboclaon, Aleah. (2013) "The Psychology Behind The Phrase 'Bahala Na'" Anything Psych.
Web. Retrieved November 2, 2017.

"Thousands of fans show love for Jadine in sold-out Araneta Concert." ABSCBN News,
February 23, 2016. Web. Retrieved November 23, 2017.

!15
Apendiks A:

Bahala Na

Na na na na na...
Whoa...
Na na na na na...
Na na
Naniniwala na ako sa forever
Magmula nung nakilala kita
Eh kaya nga 'di ako sumu-render
Ano man ang sinasabi nila
Pagkat sa 'yo natagpuan ang ipinagkait sa akin
At sa 'yo naramdaman ang hindi ko akalaing
Ipaglalaban ko
Na na na na na na
Na na na na na
Wala na 'kong paki basta, bahala na
Na na na na na na
Na na na na na
Alam ko lang kasi minamahal kita
At kahit pa sabihin na
Sa 'kin 'di ka itinadhana
Na na na na na na
Na na na na na
Mahal kita kasi kaya bahala na
Ikaw yung bida na prinsesa ng drama
Ikaw yung action star na leading man
Parang pelikula 'pag tayo nagsama
Ang umekstra 'di pagbibigyan (pagbibigyan)
Pagkat sa 'yo natagpuan ang ipinagkait sa akin
Ooh, at sa 'yo naramdaman ang hindi ko akalaing
Ipaglalaban ko (ohh ohh)
Na na na na na na

!16
Na na na na na
Wala na 'kong paki basta, bahala na
Na na na na na na
Na na na na na
Alam ko lang kasi minamahal kita
At kahit pa sabihin na
Sa 'kin 'di ka itinadhana
Na na na na na na
Na na na na na
Mahal kita kasi kaya bahala na
Bahala na
Kahit 'di pa tayo gano'n ka sigurado
Isusugal ang ating puso, bahala na
Kahit may tumutol 'di na mapuputol
Ang pag-ibig ko sa 'yo
Pagkat sa 'yo natagpuan ang ipinagkait sa akin
At sa 'yo naramdaman ang hindi ko akalaing
Ipaglalaban ko
Yeah...
Na na na na na na
Na na na na na (ooh ooh)
Wala na 'kong paki basta, bahala na
Na na na na na na
Na na na na na
Alam ko lang kasi minamahal kita
At kahit pa (oh), sabihin na (oh)
Sa 'kin 'di ka itinadhana
Na na na na na na
Na na na na na
Mahal kita kasi kaya bahala na
Bahala na
Na na na na na na
Na na na na na (ooh) (ooh)
Wala na 'kong paki basta, bahala na (bahala na)

!17
Na na na na na na
Na na na na na
Alam ko lang kasi minamahal kita (bahala na)
At kahit pa sabihin na (oh oh na na na...)
Sa 'kin 'di ka itinadhana
Na na na na na na
Na na na na na
Mahal kita kasi kaya bahala na
Bahala na

Apendiks B:

No Erase

[Verse 1:]
[James:]
Kay tagal din na ito'y kinikimkim
Kung sasabihin ba ay diringgin
[Nadine:]
Aaminin ba ang tinatagong lihim?
Pag-ibig mo ay tangi kong hinihiling
[James:]
Parang isang pagsusulit
[James & Nadine:]
Na bawal magbura
One seat apart
Walang kopyahan
[Nadine:]
Pag isipang mabuti
[James & Nadine:]
Pagkat isang tanong lang naman

[Chorus:]

!18
[Nadine:]
Game na ba?
[James:]
Ano na?
[Nadine:]
Sure na ba?
[James:]
Sige na
[Nadine & James:]
Ang ayoko lang naman ma-feel out of place
[James:]
Game na ba?
[Nadine:]
Ano na?
[James:]
Sure na ba?
[Nadine:]
Oo na

[James & Nadine:]

Wala ng bawian mamatay man period no erase
[James:]
No no no no no oh oh
No no no no no oh oh
[Repeat 2x]

[Verse 2:]
[James & Nadine:]
Wala ng bawian mamatay man period no erase
[James:]
Noo'y nagtatanim ang sabi ko'y, "ewan nalang."
Ngayon nagbunga ang pag-ibig ay, abang lang ng abang
[Nadine:]
Diba noon nasa dilim ika'y nagbuhat ng kinang

!19
Ngayon ako'y mapapansin sayong liwanag ay iba
[James:]
Parang isang pagsusulit
[James & Nadine:]
Na right minus wrong
Kung 'di alam wag ng hulaan
[Nadine:]
Pag isipang mabuti
[James & Nadine:]
Pagkat isang tanong lang naman

[Repeat Chorus]

[James:]
Parang isang pagsusulit
[James & Nadine:]
Kumpletuhin ang patlang at bawal ang tyambahan
[Nadine:]
Pagisipang mabuti
[James & Nadine:]
Pagkat isang tanong lang naman

[Repeat Chorus 2x]

Apendiks C:

Hanap Hanap

Nakilala kita sa 'di ko inaasahang pagkakakataon

Nakakabigla para bang sinadya at tinakda ng panahon
Tila agad akong nahulog nang hindi napapansin
Pero tadhana ko'y mukhang 'di tayo pagtatagpuin

!20
Pinili kong lumayo
Ngunit pilitin ma'y bumabalik sa'yo
Ikaw pa rin pala ang hanap-hanap parap-pap
Na kahit magpanggap 'di matatago na ang 'yong yakap
Ang hanap-hanap parap-pap-pap
'Di nagbabago ikaw ang hanap-hanap ko

Inakala ko ring ganon kadaling alisin ka sa buhay kong ito

Sinubok umibig ng iba
Pero 'di rin nawala ang pag-ibig ko sa 'yo
Sa tuwing kapiling siya'y ikaw ang nasa isip (nasa isip)
At kahit maging panaginip ma'y ika'y nakapaligid

Pinili kong lumayo

Ngunit pilitin ma'y bumabalik sa'yo
Ikaw pa rin pala ang hanap-hanap parap-pap
Na kahit magpanggap 'di matatago na ang 'yong yakap
Ang hanap-hanap parap-pap-pap
'Di nagbabago ikaw ang hanap-hanap

Parap-pa-para sa pusong nangangarap

Umaasang magsasamang muli
Para sa 'yo at para sa 'kin na tangi lang dalangin
Ay happy ending bandang huli

Yeah hey yeah

Oh kahit magpanggap 'di matatago na ang 'yong yakap

Ang hanap-hanap parap-pap-pap
'Di nagbabago ikaw ang hanap-hanap

Ikaw pa rin pala ang hanap-hanap parap-pap

Na kahit magpanggap 'di matatago na ang 'yong yakap
Ang hanap-hanap parap-pap-pap

!21
'Di nagbabago ikaw ang hanap hanap
'Di maglalaho
Ika'y aking pangarap
'Di nagbabago ikaw ang hanap-hanap ko

!22