Taon 33 Blg.

36 Pagmimisa sa Araw ng Pasko ng Pagsilang – Puti Disyembre 25, 2019

Bumaba sa Atin ang Diyos

S a pag-aaral ng Teolohiya tung-
kol kay Kristo (Kristolohiya),
may dalawang pangunahing
pamamaraan—ang Kristolohi-
yang “Pataas” (Ascending Chris-
tology) at ang Kristolohiyang
“Pababa” (Descending Christolo-
gy). Ang Kristolohiyang “Pataas”
ay nagsisimula sa baba: ibig
sabihin, kay Hesus na isinilang
ni Maria sa mundong ito. Ang
ganitong pagtanaw kay Kris-
to ay malinaw na makikita sa
mga Ebanghelyo nina Marcos,
Mateo, at Lucas. Ang Hesus sa
mga Ebanghelyong nabang-
git ay unang nakilala bilang
isang karaniwang tao na anak
ng karpinterong si Jose. Sa
ipinagpapalagay na gulang na
30, nag-umpisang makilala si
Hesus bilang propeta na nag-
papahayag ng “paghahari ng
Diyos” at mangangaral (guro o
rabbi) na nakagagawa rin ng
himala (nagpapagaling ng mga
maysakit, lumalakad sa ibabaw
ng tubig, bumubuhay ng mga
patay, atbp.). Ipinapatay siya
ng mga Hudyo sa krus pero
muling nabuhay pagkatapos ng
tatlong araw. Nagpakita si Hesus
na muling nabuhay sa kanyang
mga alagad at pagkatapos ng 40
araw ay maluwalhating umakyat
sa langit at sinamba naman nila
siya (Lc 24:51-52). Ang dáting
nakilala bilang isang karaniwang
tao ay napag-alamang bugtong
na Anak ng Diyos—ang pinanga-
kong Mesiyas ng bayang Israel
at Tagapagligtas ng lahat ng tao
sa mundo.
Sa kabilang banda, ang Kris-
tolohiyang “Pababa” ay siya
namang makikita natin sa Ebang-
helyo ayon kay Juan, lalo na sa
mga talatang mababasa natin
sa Ebanghelyo ngayong araw.
Ang pagkilala dito kay Hesus
ay nagsisimula naman sa kata-
as-taasang katayuan niya bilang
“Wikang Salita”—Diyos na naging
laman (tao). Sa madaling salita,
sa umpisa pa lang ay kinikilala
na agad ang pagka-Diyos ni
Hesus. Nakaluklok na siya sa
kanyang trono sa kalangitan,
taglay ang walang hanggang
kapangyarihan. Sa takdang pana-
hon, “bumaba” siya sa lupa at
nagkatawang-tao. Sabi nga sa
Sulat sa mga Hebreo: “Noong
una, nagsalita ang Diyos sa ating
mga ninuno sa iba’t ibang pana-
hon at sa iba’t ibang paraan sa
pama- magitan ng mga pro­peta.
Ngunit ngayon, siya’y nag­salita
sa atin sa pamamagitan ng
kanyang Anak” (1:1). Malinaw ang
paglalarawan sa mga maka-Diyos
na katangian ng nasabing Anak
sa pagpapa- tuloy ng Sulat: “Sa
pamama­gitan ng Anak ay nilikha
ng Diyos ang san­sinukob at siya
ang itina­laga niyang mag­may-ari
ng lahat ng bagay. Ang Anak
ang maning-ning na sinag ng
Diyos, sapagkat kung ano ang
Diyos ay gayun din ang Anak.
Siya ang nag-iingat sa sansinukob
sa pama­magitan ng kanyang
maka­pang­yarihang salita“(1:3).
Sa kabila ng pagka-Diyos ni He-
sus, naging bunga naman ng
kanyang pagiging tao na mapa-
sakanya ang mga hangganan at
kahinaang likas sa karaniwang
tao. Nasadlak siya sa kawalan
ng katiyakan na likas din sa
mundong kanyang sinilangan.
Ganun pa man, binibigyang-diin
sa bahaging ito ng Ebanghelyo
ni Juan na totoong may kapang-
yarihan at kakayahang magligtas
ng sangnilikha si Hesus dahil
totoong Diyos siya, bagamat
hindi itinatangging totoong tao
rin naman siya. Malinaw ang
hangarin ng Ebanghelyo ni Juan
kung saan sinasabing: “Isinulat
naman ang mga ito upang
maniwala kayo na si Hesus ang
Kristo, ang Anak ng Diyos. At
sa paniwala ninyo’y magkaroon
kayo ng buhay sa bisa ng kanyang
Pangalan” (20:31).
—Fr. Jean Rollin Marie I. Flores, SSP

Basahin ang pagninilay bago o pagkatapos lamang ng Misa upang

makabahagi nang taimtim sa Banal na Pagdiriwang.
 PASIMULA
Antipona sa Pagpasok
[Is 9:6]
(Basahin kung walang pambungad na awit)
Batang sa ati’y sumilang ay anak
na ibinigay upang mag­haring
lubusan taglay ang daki­lang
ngalang Tagapayo ng May­kapal.
Pagbati
(Gawin dito ang tanda ng krus)
P - Ang pagpapala ng ating
Panginoong Hesukristo, ang
pag-ibig ng Diyos Ama, at
ang pakikipagkaisa ng Espiritu
Santo nawa’y sumainyong lahat.
B - At sumaiyo rin.
Paunang Salita
(Maaaring gamitin ito o isang katulad
na pahayag)
P - Mapagpalang Pasko sa
inyong lahat! Buong puso
tayong magpasalamat sa Diyos
para sa pinakadakilang handog
niya sa atin—ang kanyang bug­
tong na Anak. Nagkatawang-
tao ang Diyos upang ang lahat
ng nararanasan natin ay hindi
maging iba sa kanya: ang ating
mga kagalakan at sákit, ang
mga pag-asa at takot, ang mga
kahinaan at lakas natin. Maging
panahon nawa ng masayang
pagti­t ipon ang pag­d iriwang
natin ngayong Pasko.
Pagsisisi
P - Mga kapatid, aminin natin
ang ating mga kasalanan
upang tayo’y maging marapat
gumanap sa pagdiriwang
ng banal na paghahaing
nagdudulot ng kapatawaran
ng Maykapal. (Tumahimik)
P - Panginoon, kami’y
nagkasala sa iyo.
B - Panginoon, kaawaan mo
kami.
P - Kaya naman, Panginoon,
ipakita mo na ang pag-ibig
mong wagas.
B - Kami ay lingapin at sa kahi­
rapan ay iyong iligtas.
P - Kaawaan tayo ng maka-
pang­yarihang Diyos, patawarin
tayo sa ating mga kasalanan,
at patnu­bayan tayo sa buhay
na walang hanggan.
B - Amen.
P - Panginoon, kaawaan mo kami.
B - Panginoon, kaawaan mo kami.
P - Kristo, kaawaan mo kami.
B - Kristo, kaawaan mo kami.
P - Panginoon, kaawaan mo kami.
B - Panginoon, kaawaan mo kami.
Gloria
Papuri sa Diyos sa kaitaasan
at sa lupa’y kapayapaan sa
mga táong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin,
pinasasalamatan ka namin,
dahil sa dakila mong ang­
king kapurihan. Panginoong
Diyos, Hari ng langit, Diyos
Amang makapangyarihan sa
lahat. Pangi­noong Hesukristo,
Bugtong na Anak, Panginoong
Diyos, Kordero ng Diyos, Anak
ng Ama. Ikaw na nag-aalis ng
mga kasalanan ng sanlibutan,
maawa ka sa amin. Ikaw na
nag-aalis ng mga kasalanan
ng sanlibutan, tanggapin mo
ang aming kahilingan. Ikaw na
naluluklok sa kanan ng Ama,
maawa ka sa amin. Sapagkat
ikaw lamang ang banal, ikaw
lamang ang Panginoon, ikaw
lamang, O Hesukristo, ang
Kataas-taasan, kasama ng
Espiritu Santo sa kadakilaan
ng Diyos Ama. Amen.
Pambungad na Panalangin
P - Manalangin tayo. (Tumahimik)
Ama naming makapangyari­
han, sa iyong kagandahang-loob
kami’y iyong nilikha, at sa iyong
pagta­t ang­k ilik kami’y iyong
pinadakila. Sa pagkakatawang-
tao ng iyong Anak, kami’y iyong
itinuring na hindi na iba sa iyo.
Makapamuhay nawa kami bilang
mga kapatid niya na toto­ong
maipagkakapuri mo sa pama­
magitan niya kasama ng Espiritu
Santo magpasawalang hanggan.
B - Amen.
PAgpapahayag
ng salita ng diyos
Unang Pagbasa [Is 52:7-10]
(Umupo)
Magalak na sisigaw ang mga
nag­h ihintay sa pagdating
ng kanilang pinananabikang
Panginoon.
Pagbasa mula sa aklat ni
propeta Isaias
MAGMULA sa bundok, O kay
gan­­dang masdan ng sugong
dumarating upang ipahayag
ang magandang balita ng
kapayapaan. Ipapahayag niya
ang tagumpay at sasabihin:
“Sion, ang Diyos mo ay hari.”
Narito! Sisigaw ang nagba­
bantay, dahi­lan sa galak, sama-
sama silang aawit; makikita
nila ang Panginoon sa Sion
ay babalik. Magsiawit kayo,
mga guhong muog nitong
Jerusalem; pagkat ang hinirang
ng Diyos na Pangi­n oon ay
kanyang inaliw, tinubos na niya
itong Jerusalem. Sa lahat ng
bansa, ang kamay ng Poon na
tanda ng lakas ay makikita ng
mga nilalang, at ang pagliligtas
nitong ating Diyos tiyak na
maha­hayag.
— Ang Salita ng Diyos.
B - Salamat sa Diyos.
Salmong Tugunan (Slm 97)
T - Kahit saa’y namamalas
tagumpay ng Nagliligtas.
1. Umawit ng bagong awit
at sa Poon ay ialay,/ pagkat
yaong ginawa n’ya ay
kahanga-hangang tunay!/ Sa
sariling lakas niya at taglay
na kabanalan,/ walang hirap
na natamo yaong hangad na
tagumpay. (T)
2. Ang tagumpay niyang ito’y
siya na rin ang naghayag,/
sa harap ng mga bansa’y
nahayag ang pagli­ligtas./ Ang
pangako sa Israel lubos niyang
tinutupad. (T)
3. Tapat siya sa kanila at ang
pag-ibig ay wagas./ Ang
tagumpay ng ating Diyos kahit
saan ay nama­las!/ Magkaingay
na may galak, yaong lahat sa
daigdig;/ ang Poon ay buong
galak na purihin sa pag-awit. (T)
4. Sa saliw ng mga lira iparinig
yaong tugtog,/ at ang Poon
ay puri­­hin ng tugtuging maa-
lindog./ Tug­tugin din ang trum-
peta na kasa­liw ang tambuli,/
magka­ingay sa hara­p an ng
Poon na ating hari. (T)
Ikalawang Pagbasa [Heb 1:1-6]
(Umupo)
Nagsalita ang Diyos sa iba’t
ibang panahon at sa iba’t
ibang paraan sa pamama­gi­
tan ng mga propeta. Ngayon,
siya’y nangungusap sa pama­
magi­tan ng kanyang Anak.
Pagbasa mula sa sulat sa mga
Hebreo
NOONG UNA, nagsalita ang
Diyos sa ating mga ninuno sa
iba’t ibang panahon at sa iba’t
ibang paraan sa pamamagitan
n g m g a p ro ­p e t a . N g u n i t
ngayon, siya’y nag­salita sa atin
sa pamamagitan ng kanyang
Anak. Sa pamama­g itan ng
Anak ay nilikha ng Diyos ang
san­sinukob at siya ang itina­
laga niyang mag­m ay-ari ng
lahat ng bagay. Ang Anak ang
maningning na sinag ng Diyos,
sapagkat kung ano ang Diyos
ay gayun din ang Anak. Siya
ang nag-iingat sa sansinukob
sa pama­magitan ng kanyang
maka­p ang­y arihang salita.
Pagkatapos niyang linisin tayo
sa ating mga kasa­lanan, siya’y
lumuk­lok sa kanan ng Diyos,
ang makapangyarihan sa lahat.
At kung paanong higit na di-
hamak ang pangalang ibinigay
ng Diyos sa Anak, gayun din,
siya’y higit na di-hamak sa
mga anghel. Sapagkat hindi
kailanman sinabi ng Diyos sa
sinumang anghel, “Ikaw ang
aking Anak! Ako ang iyong
Ama.” Ni hindi rin niya sinabi
sa kaninuman sa mga anghel,
“Ako’y magiging kan­yang Ama,
at siya’y magiging Anak ko.” At
nang susu­guin na ng Diyos ang
kanyang bugtong na Anak sa
sanlibutan ay sinabi niya, “Dapat
siyang sambahin ng lahat ng
anghel ng Diyos.”
— Ang Salita ng Diyos.
B - Salamat sa Diyos.
Aleluya (Tumayo)
B - Aleluya! Aleluya! Banal na
araw sumi­kat halina’t sumam­
bang lahat sa nanaog na liwa­nag.
Aleluya! Aleluya!
Mabuting Balita (Jn 1:1-18)
P - Ang Mabuting Balita ng
Panginoon ayon kay San Juan
B - Papuri sa iyo, Panginoon.
SA PASIMULA pa’y naroon na ang
Salita. Kasama ng Diyos ang Salita
at ang Salita ay Diyos. Kasama
na siya ng Diyos sa pasimula
pa. Sa pamamagitan niya nilikha
ang lahat ng bagay, at walang
anumang nalikha nang hindi
sa pamamagitan niya. Mula sa
kanya ang buhay, at ang buhay
ay siyang ilaw ng sang­katauhan.
Nagliliwanag sa kadili­man ang
ilaw, at hindi ito kailanman nagapi
ng kadiliman.
Sinugo ng Diyos ang isang tao
na nagngangalang Juan. Naparito
siya upang magpatotoo tungkol
sa ilaw at manalig sa ilaw ang lahat
dahil sa patotoo niya. Hindi siya
ang ilaw kundi naparito siya upang
magpatotoo tungkol sa ilaw. Ang
tunay na ilaw na tuma­tanglaw sa
lahat ng tao ay dumara­ting sa
sanlibutan.
Nasa sanlibutan ang Salita.
Nilikha ang sanlibutan sa pama­
ma­gitan niya ngunit hindi siya
nakilala ng sanlibutan. Naparito
siya sa kanyang bayan ngunit hindi
siya tinanggap ng kanyang mga
kaba­bayan. Ngunit ang lahat ng
tumanggap at nanalig sa kanya
ay pinagkalooban niya ng kara­
patang maging anak ng Diyos.
Sila nga’y naging anak ng Diyos,
hindi dahil sa isinilang sila ayon sa
kalikasan, ni sa pita ng laman o sa
kagagawan ng tao. Ang pagi­ging
anak nila ay buhat sa Diyos.
Naging tao ang Salita at siya’y
nanirahan sa piling natin. Nakita
namin ang kanyang kapangya­
rihan at kadakilaan, puspos ng
pag-ibig at katapatan. Tinang­gap
niya mula sa Ama ang kapang­
yarihan at kadaki­laang ito bilang
bugtong na Anak.
Nagpatotoo si Juan tungkol
sa kanya. At ganito ang kanyang
sigaw, “Siya ang tinutukoy ko
nang aking sabihin, ‘Ang darating
na kasunod ko’y higit sa akin,
sapagkat siya’y siya na bago pa
ako ipanganak.’”
Dahil sa siya’y puspos ng pag-
ibig, tayong lahat ay tumanggap
mula sa kanya ng abut-abot na
kaloob. Sapagkat ibinigay ang
Kautusan sa pamamagitan ni
Moises ngunit ang pag-ibig at
ang katotohanan ay dumating
sa pamamagitan ni Hesukristo.
Kailanma’y walang nakakita sa
Diyos, subalit ipinakilala siya ng
bugtong na Anak—siya’y Diyos
—na lubos na minamahal ng Ama.
— Ang Mabuting Balita ng
Panginoon.
B - Pinupuri ka namin,
Panginoong Hesukristo.
Homiliya (Umupo)
Pagpapahayag ng
Pananampalataya (Tumayo)
B - Sumasampalataya ako sa Diyos
Amang makapangyarihansalahat,
na may gawa ng langit at lupa.
Sumasampalataya ako kay
Hesukristo, iisang Anak ng Diyos,
Panginoon nating lahat. (sandaling
luluhod ang lahat hanggang “Santa
Mariang Birhen.”) NAGKATAWANG-
TAO SIYA LALANG NG ESPIRITU
SANTO, IPINANGANAK NI
SANTA MARIANG BIRHEN.Pinag-
pakasakit ni Poncio Pilato, ipinako
sa krus, namatay, inilibing.
Nanaog sa kinaroroonan ng mga
yumao. Nang may ikatlong araw
nabuhay na mag-uli. Umakyat
sa langit. Naluluklok sa kanan ng
Diyos Amang makapangyarihan
sa lahat. Doon magmumulang
paririto at huhukom sa nanga-
bubuhay at nangamatay na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng
nangamatay na tao, at sa buhay
na walang hanggan. Amen.
Panalangin ng Bayan
P - Sa Banal na araw na ito,
dumulog tayo sa Ama na
walang sawang lumilingap at
tumutulong sa kanyang bayan:
T - Panginoon, pagpalain mo
ang iyong bayan.
L - Para sa Simbahan: patuloy
nawa táyong maging saksi ng
pagkakatawang-tao ng Anak
ng Diyos, si Hesus, upang ma-
ramdaman ng buong daig-
dig ang kanyang presensya.
Manalangin tayo: (T)
L - Para sa mga pinuno ng
bansa: magkaisa nawa sila
sa kanilang magagandang
hangarin tungo sa pagkamit
ng kapayapaan. Manalangin
tayo: (T)
L - Para sa mga hindi kumikilala
kay Hesus: masumpungan
nawa nila ang liwanag na
hatid ng maningning na bituin
upang makilala nila ang Anak
ng Diyos. Manalangin tayo: (T)
L - Para sa mga mag-anak:
mamuhay nawa sila bilang
mga Kristiyanong mayroong
pagmamahal, kagalakan, at ka-
payapaan. Manalangin tayo: (T)
L - Para sa mga mahihirap:
masumpungan nawa nila ang
pag-asa at kagalakang hatid
ng Tagapagligtas. Manalangin
tayo: (T)
L - Sa ilang sandali ng kata-
himikan, ating ipanalangin ang
iba pang mga pangangailangan
ng ating pamayanan pati na rin
ang ating pansariling kahilingan
(Tumahimik). Manalangin tayo: (T)
P - Ama, dinggin mo ang
aming mga panalangin. Gawin
mong pana­hon ng pasasalamat
a t p a g b a­b a h a­g i n a n a n g
pagdiriwang namin ng Pasko
ng Pagsilang ng iyong Anak at
aming Panginoon ngayon at
magpasawalang hanggan.
B - Amen.
Pagdiriwang
ng huling hapunan
Paghahain ng Alay (Tumayo)
P - Manalangin kayo...
B - Tanggapin nawa ng Pangi­
noon itong paghahain sa iyong
mga kamay sa kapurihan
niya at karangalan sa ating
kapaki­nabangan at sa buong
Sambayanan niyang banal.
Panalangin ukol sa mga Alay
P - Ama naming Lumikha,
ang pag­hahaing ito ngayong
dakilang kapis­tahan ng Pasko
ng Pagsilang ng iyong Anak
ay iyong kalugdan bilang
ganap na pagsamba at lubu­
sang pakikipagkasundo namin
sa iyo sa pamamagitan niya
kasama ng Espi­ritu Santo
magpasawalang hanggan.
B - Amen.
Prepasyo (Pasko ng Pagsilang I)
P - Sumainyo ang Panginoon.
B - At sumaiyo rin.
P - Itaas sa Diyos ang inyong
puso at diwa.
B - Itinaas na namin sa Pangi­noon.
P - Pasalamatan natin ang
Panginoong ating Diyos.
B - Marapat na siya ay pasala­matan.
P - Ama naming makapang­
yarihan, tunay ngang marapat
na ikaw ay aming pasalamatan
sa pamamagitan ni Hesukristo
na aming Panginoon.
Ang Anak mong di na naiiba
sa amin ay siyang pumawi sa
dilim kaya nga­yo’y ikaw ang
aming nababa­n aagan. Ang
Anak mong di naiiba sa iyo
ay siyang iisang Salita mo.
Sa katau­h an niya ang iyong
sarili’y aming nakikita. Sa pama­
magitan niya ang iyong pag-
ibig ay kahali-halina kahit ikaw
ay lingid sa aming mata.
Kaya kaisa ng mga anghel
na nagsisiawit ng papuri sa
iyo nang walang humpay sa
kalangitan, kami’y nagbubunyi
sa iyong kadakilaan:
B - S a n t o, S a n t o, S a n t o
Panginoong Diyos ng mga
hukbo! Osana sa kaitaasan!
Pinagpala ang naparirito sa
ngalan ng Panginoon! Osana
sa kaitaasan! (Lumuhod)
Pagbubunyi (Tumayo)
B - Si Kristo’y namatay! Si
Kristo’y nabuhay! Si Kristo’y
babalik sa wakas ng panahon!
Pakikinabang
Ama Namin
B - Ama namin...
P - Hinihiling naming...
B - Sapagkat iyo ang kaharian at
ang kapangyarihan at ang kapu­­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P - Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang mga
inaanyayahan sa kanyang piging.
B - Panginoon, hindi ako
karapat-dapat na magpatulóy
sa iyo ngunit sa isang salita mo
lamang ay gagaling na ako.
Antipona sa Komunyon
(Slm 98)
Nahayag sa sanlibutan at na­
malas kahit saan dito sa lupang
ibabaw ang kaligtasa’t tagum­
pay ng Panginoong Maykapal.
Panalangin Pagkapakinabang
(Tumayo)
P - Manalangin tayo.(Tumahimik)
Ama naming mapagmahal,
ipag­kaloob mong ang sumilang
ngayong Tagapagligtas na
nag­d ulot sa amin ng muling
pagsilang sa iyong ang­kan ay
siya rin nawang magka­loob ng
muling pagka­b uhay kasama
mo at ng Espiritu Santo mag­
pasawalang hanggan.
B - Amen.
Pagtatapos
P - Sumainyo ang Panginoon.
B - At sumaiyo rin.
Pagbabasbas
P - Magsiyuko kayo habang
iginagawad ang pagbabasbas.
(Tumahimik)
Ang Diyos na humawi sa ka-
diliman noong magkatawang-
tao ang Anak niyang mahal at
nagdulot ng liwanag sa banal
na araw na ito pakundangan
sa kanyang pagsilang ay siya
nawang magtaboy sa dilim ng
kasamaan at magpaningning
sa liwanag ng kabutihan sa
inyong kalooban.
B - Amen.
P - Ang Diyos na nagsugo
ng Anghel para ihatid ang
Magandang Balita ay siya
nawang pumuspos sa inyo ng
tuwa para maihatid sa tanan
ang kanyang Mabuting Balita
ngayon at magpasawalang
hanggan.
B - Amen.
P - Ang Diyos na nag-ugnay
ng lupa sa kalangitan ay siya
nawang pumuspos sa inyo ng
kapayapaan at kaluguran bilang
mga katambal ng nasa langit
niyang Sambayanan ngayon at
magpasawalang hanggan.
B - Amen.
P - Pa g p a l a i n k a y o n g
makapangyarihang Diyos,
Ama at Anak (†) at Espiritu
Santo.
B - Amen.
Pangwakas
P - Tapos na ang Misa. Taglayin
ninyo sa inyong pag-alis ang
kapayapaan ni Kristo.
B - Salamat sa Diyos.