Professional Documents
Culture Documents
51-68 PSX
51-68 PSX
Əgər birinçi şəkli (A) yoxlanana ani olaraq göstərib götürsək və orada
neçə xətt çəkildiyini soruşsaq dəqiq rəqəmi çətin eşidəçəyik. İkinçi şəkli
(B) göstərdikdə isə dərhal 12 çavabını alacağıq. Burada yoxlanan 3
xəttdən ibarət olan 4 qrupu birləşdirərək cavab verir.
Başqa bir misal. Əgər yoxlanana «ü ə n g n a a x b» hərfləri yazılmış
lövhəni göstərib orada neçə hərf olduğunu soruşsaq düzgün cavab çətin
alınaçaqdır. Lakin həmin hərfləri bir söz kimi birləşdirib «günəbaxan»
şəklində təqdim etsək burada 9 hərf olduğunu asanlıqla deyə biləcəkdir.
Diqqətin davamlılığı onun eyni bir obyekt üzərində uzun müddət
saxlanılmasında ifadə olunur. Tədqiqatlar göstərir ki, insan diqqətini
yönəltdiyi obyektdə yeni tərəflər, yeni əlaqələri aşkar etməyi bacarırsa
onun diqqəti davamlı olur. Başqa sözlə qavranılan obyekt daima yeni
məzmun kəsb edərsə bu diqqətin davamlı olmasına gətirib çıxarır.
Bundan başqa diqqətin davamlılığı bir sıra şərtlərdən, məsələn,
materialın çətinlik dərəcəsindən, onun anlaşıqlılığından, subyektin ona
münasibətindən, insanın yaşından və şəxsiyyətin bir çox fərdi
keyfiyyətlərindən asılıdır. Diqqətin bu xüsusiyyətini nəzərə alaraq dərs
zamanı hər 10-15 dəqiqədən sonra fəaliyyət növlərinin dəyişilməsi
məqsədəuyğun hesab olunur.
Diqqətin paylanması eyni zamanda 2 və ya daha çox fəaliyyət növünü
(və ya müxtəlif işləri) həyata keçirmək qabiliyyəti ilə müəyyən olunur.
Diqqətin paylanmasının zəruri şərtlərindən biri odur ki, bu zaman icra
olunan fəaliyyətlərdən biri avtomatlaşmalı, yəni şüurun xüsusi nəzarəti
olmadan həyata keçirilməlidir.
Diqqətin paylanması insanın psixoloji və fizioloji vəziyyətindən çox
asılıdır. Yorğunluq halında, diqqətin daha çox mərkəzləşməsini tələb
edən fəaliyyət növlərinin həyata kecirilməsi zamanı diqqəti paylamaq
çətin olur.
Bununla belə, diqqətin paylanması səviyyəsi eyni zamanda icra edilən
fəaliyyət növlərinin xarakterindən, onların mürəkkəblik dərəçəsindən,
həmin fəaliyyət növləri sahəsində insanın bacarıq və vərdişlərinin
avtomatlaşma səviyyəsindən də asılı olur.
Diqqətin keçirilməsi şüurlu surətdə diqqəti bir obyektdən digər obyektə,
bir fəaliyyət növundən digərinə keçirməkdə təzahür edir. Məsələn,
müəllim dərs zamanı diqqətini müxtəlif şagirdlərə, öz fəaliyyətinə,
gözlənilmədən baş verən hadisələrə kecirir və eyni zamanda da o dərsin
əsas məzmunundan, planından yayınmır. Keçirilmə hər hansı bir
dəyişən, mürəkkəb situasiyaya daha tez bələdləşmə qabiliyyəti ilə
bağlıdır. Əlbəttə, diqqətin keçirilməsi bütün insanlarda asan baş vermir
və çox şərtlərdən asılıdır. Bunlara əvvəlki və sonrakı fəaliyyətin qarşılıqlı
əlaqəsini və subyektin onlara münasivətini aid etmək olar. İnsan asan
işdən çətin isə keçdikdə keçirilmənin göstəriçiləri aşağı düşür.
Diqqətin keçirilməsi bir fəaliyyətdən digər fəaliyyətə keçmə tezliyində
ifadə olunur və o həm də sinir sisteminin bəzi xassələrindən — dinamiklik
və rigidlikdən asılıdır.
Diqqətin mərkəzləşməsi zamanışüurumiz yalnız bir obyekt və ya
fəaliyyətə yönəlir. Fizioloji baxımdan mərkəzləşmə beyində olan
dominant oyanma ocağının fəaliyyətilə bağlıdır. Mərkəzləşmənin
masksimal intensivliyi yalnız bir obyektin qavranılması zamanı baş verir.
Diqqətin həcmi artıqça, o mərkəzləşmənin səviyyəsinin aşağı düşməsinə
səbəb olur. Mərkəzləşmə dərk etdiyimiz cism və hadisələrin daha
dərindən öyrənilməsinin, mürəkkəb əşyavi fəalliyyətin yerinə
yetirilməsinin psixoloji şərti kimi çıxış edir.
Diqqətin qeyd olunan xassələri ilə yanaşı bir sıra pozulma hallarına da
rast gəlmək mümkündür. Bunlara diqqətin tərəddüdünü, yayınmasını,
dalğınlığı aid etmək olar.
Diqqətin tərəddüdü–müəyyən fəaliyyət zamanı diqqətmizin gah bu, gah
da başqa obyektə yönəlməsi, az və çox müddət onun üzərində
mərkəzləşməsidir.
Hətta çox davamlı və mərkəzləşmiş diqqət zamanı biz onun intensivlik
dərəcəsinin qısa müddətli qeyri-ixtiyarı dəyişmələri ilə rastlaşırıq. Bu
diqqətin tərəddüdüdür. Diqqətin tərəddüdü N.N.Lanqe tərəfindən
öyrənilmişdir. Onun eksperimentlərində yoxlanılanlar saatın tiqqiltisini
eşidirdilər. Müəyyən zaman intervalı keçəndən sonra saatın səsi
fluktiasiyaya uğqayırdı. N.N.Lanqe qöstərdi ki, tərəddüd dövrü təqribən
2-3 saniyə təşkil edir. Diqqətin tərəddüdünün səbəblərinə yorğunluğu və
hiss üzvlərinin adaptasiyasını aid etmək olar. Diqqətin tərəddüdü onun
davamlılığına əks olan bir xüsusiyyətdir.
Diqqətin yayınmasına gəldikdə bu, hər hansı bir fəaliyyət zamanı
diqqətin qeyri-ixtiyari olaraq əsas işlə əlaqəsi olmayan kənar cisim və ya
hadisəyə yönəlməsindən ibarətdir. Diqqətin yayınması ilə mübarizə
tədbirlərindən biri işlədiyimiz yerdə kənar qıcıqların mümkün qədər
olmamasına çalışmaqdır. Lakin
buna həmişə nail olmaq
mümkün olmur. Bəzən istər-
istəməz bir sıra yayındırıcı
qıcıqlandırıcıların təsir
göstərdiyi şəraitdə işləməli
oluruq. Ona görə də diqqətimiz
yayınır. Bu cəhəti nəzərə alaraq insan özündə həm sakit şəraitdə, həm
də kənar qıcıqlandırıcıların təsir göstərdiyi şəraitdə işləmək bacarığı
aşılamağa çalışmalıdır.
Diqqətin yayınması hallarından birini dədalğınlıq təşkil edir. Dalğınlıq
insanın öz diqqətini mərkəzləşdirə bilməməsində ifadə olunur. Dalğınlıq
halının iki şəklini ayırd edirlər. Birincisi, ixtiyari diqqətin zəifliyində ifadə
olunan dalğınlıqdır. Bu zaman insan öz diqqətini müəyyən bir obyekt
üzərində mərkəzləşdirə bilmir, onun diqqəti davamsız olur və tez-tez
yayınır. Uşaqlarda və yaşlı adamlarda bu cür dalğınlığa tez-tez rast
gəlmək olur. Bunun səbəbi çox yorulmaq, insana təsir edən güclü
emosional amillər, xəstəlik, uşaqda ixtiyari diqqətin tərbiyəsinin düzgün
təşkil edilməməsi ola bilər.
İkinci halda dalğınlıq diqqətin hər hansı bir obyekt üzərində çox güclü,
gərgin şəkildə mərkəzləşməsində ifadə olunur. Bunun sayəsində kənar
qıcıqlandırıcılar onu yayındıra bilmir, insan sanki ətraf aləmi «unudur».
Bu nöqsan diqqəti paylamağı və bir obyektdən digərinə vaxtında
keçirməyi bacarmamaqda ifadə olunur.
Diqqətin inkişafı və dərsdə şagirdin diqqətinin smərəli təşkili
haqqında
Diqqət də digər psixi proseslər kimi öz inkişaf mərhələlərinə malikdir.
L.S.Viqotski diqqətin inkişafı haqqında yazırdı ki, uşağın diqqətinin
inkişaf tarixi onun davranışının təşkili ilə çulğalaşır. Genetik planda
uşağın diqqətinin köklərini onun daxilində yox, uşaq şəxsiyyətindən
kənarda axtarmaq lazımdır.
Əlbəttə biz uşaqların həyatının ilk aylarında yalnız qeyri-ixtiyari diqqətlə
rastlaşırıq. İxtiyari diqqət rüşeymləri 1 yaşın axırında, 2-ci yaşın
əvvəllərində təzahür etməyə başlayır. İxtiyari diqqətin inkişafında biz
xüsusilə oyun fəaliyyətinin rolunu qeyd etməliyik. Oyun situasiyasında
uşaq öz hərəkətlərini oyunun qaydalarına uyğunlaşdırmağı öyrənir.
Məktəbəqədər yaşlı uşağın ixtiyari diqqəti öz davamsızlığı, emosionallığı
ilə fərqlənir. Lakin tədricən iradi cəhd və təlim sayəsində uşaq öz
diqqətini idarə etməyi öyrənir. Qeyd etmək lazımdır ki, məktəb təlimi
ixtiyari diqqətin inkişafında xüsusilə böyük əhəmiyyətə malikdir. Əgər
kiçik məktəblilər öz davranışlarını idarə edə bilmirlərsə və onlarda qeyri-
ixtiyari diqqət üstünlük təşkil edirsə, artıq yuxarı siniflərdə məktəbli uzun
müddət hər hansı fəaliyyət növü ilə məşğul ola, öz davranışına nəzarət
edə bilir. Lakin 13-14 yaşlarında müşahidə olunan və yorğunluğa,
əsəbiliyə səbəb olan bəzi fizioloji dəyişikliklər yenidən diqqətin bəzi
xüsusiyyətlərinin aşağı enməsinə gətirib çıxarır. Lakin bu hadisə nəinki
uşağın orqanizmində baş verən fizioloji dəyişikliklərlə, həm də təəsürat
bolluğunun təsiri ilə baş verir.
Qeyd etmək lazımdır ki, məktəbdə təlim-tərbiyə işinin təşkili zamanı hər
bir şagirdin diqqətinin yaş və fərdi xüsusiyyətləri nəzərə alınmalıdır. Təlim
və tərbiyə prosesində müəllim bir ali funksiya kimi diqqəti inkişaf
etdirmək, dərs prosesində onu idarə etmək üçün aşağıdakı üsullara əməl
etməlidir:
təlim materiallarının təşkili (onların anlaşıqlılığı, strukturu, daha
parlaq misalların seçilməsi və s.);
dərs zamanı şagirdlərin fəaliyyətinin düzgün təşkili ( şagirdlərin
fəal, müstəqil və yaradıcı fəaliyyətinə şərait yaradılması, fəaliyyət
növlərinin bir-birini əvəz etməsi və s.);
müəllimin fəaliyyətinin təşkili (onun nitqinin xüsusiyyətləri, şərhin
anlaşıqlı, obrazlı, məntiqi və emosional olması və s.);
əyani və texniki vasitələrdən istifadə;
şagirdlərdə təlim vərdişlərinin yaranması;
şagirdlərdə təlim motivasiyasının, dərsə davamlı marağın
formalaşdırılması.