Commentator: Magsiupo po ang lahat, sa punto pong ito ay masasaksihan
natin ang pagsasalin ng panunungkulan bilang Hermana/ hermano sa Pistang Parokya sa karangalan ng ating Mahal na Patrona, Ang Nuestra Senora del Santisimo Rosario de Hagonoy. Inaanyayahan po natin ang Hermana 2022, Gng. Magdalena Raymundo Perez upang basahin ang kaniyang Pasasalamat at Pananalita ng Paglilipat.
Gng. Magdalena: Sa diwa ng pagpupuri at pagpapasalamat sa Panginoong
Diyos / dahil maluwalhati at makabuluhang naidaos ang Pista ng Parokya noong nakaraang taong 2022 / at sa ngalan ng aming mga nakasama sa Comite de Festejos/; mga tumulong at nag-ambag ng kanilang panahon, talino at yaman/…ay isinasalin ko kina GINANG MARIA SOCORRO DE LARA CAPARAS, GINANG LORENA DE LARA TEODORO at GINOONG GREGORIO DE LARA,/ ang pamumuno sa hermanidad ng Pista sa susunod na taon./ Bilang katunayan/ ay ipapasa ko sa kanila ngayon itong Vara Alta ng NUESTRA SENORA DEL SANTISIMO ROSARIO, tanda ng kanilang pamumuno sa darating na kapistahan 2023. kasihan nawa ng Diyos ang kanilang mga hangarin. VIVA LA VIRGEN!
Commentator: Tinatawagan po natin ang ating mga susunod na Hermana at
Hermano sa taong ito. INANG MARIA SOCORRO DE LARA CAPARAS, GINANG LORENA DE LARA TEODORO at GINOONG GREGORIO DE LARA
(gaganapin ang pagsasalin katuwang ang kura paroko)
Gng. Maria Socorro: Sa biyaya ng Panginoon/ at alang-alang sa
pagtitiwalang ibinigay sa amin ng Bayan ng Diyos sa Parokyang ito,/ ay buong galak naming tinatanggap ang pamumuno sa Hermanidad ng Pista ng Parokya sa ika-pito ng Oktubre ng taong kasalukuyan, kasama ng ating Kura Paroko, Reberedo Padre Ramil Juat, sa Sangguniang Pastoral ng Parokya sa pamumuno ni Sis. Erlinda Cruz/ at ng Cofradia de la Virgen/ Umaasa po at nananawagan ang inyong abang lingkod/ sa inyong patuloy na pagtangkilik at masiglang pakikiisa sa mga palatuntunang isasagawa ng aming pamunuan/…sa lalo pang ikaluluwalhati ng Diyos, ikararangal ng ating Mahal na Patrona at ikalalaganap ng paglilingkod sa ating kapwa. / Bilang katunayan/ ay tangan ko ngayon ang Vara Alta ng NUESTRA SENORA DEL SANTISIMO ROSARIO,kasihan nawa ng Diyos sa tulong ni Maria ang aming mga adhikain. Viva la Virgen!