Rawngbawlna Chanchin 2024-1

Kuartar Khatna, 2024
SOUTHERN ASIA DIVISION
Kâwm: Nathan-a hian Rawngbâwlna Chanchin a chhiar a\angin

Pathian tân rawngbâwlna eng emaw tih vê ngêi a tum tlat a. A \awng\ai
\hîn a, Pathian chhânna ropui tak a dawng ta a ni. A chanchin Sabbath
13-naah a chuâng.
1
Thupui Phêk
Northern India
1. Bul\anna |hâ Jan. 6 | ~~~~~~~~~~~~~6
Central India
2. Beisei Loh Education Jan. 13 | ~~~~~~~~~~~~09
3. Sabbath-a Futball Jan. 20 | ~~~~~~~~~~~~12
South-Central India
4. Chanchin |hâ Vânga Mûr Seng Seng Jan. 27 ~~~~~~~15
5. Chhûngkaw Siam\hatu Feb. 3 | ~~~~~~~~~~~~18
6. Thingpui Man To Feb. 10 | ~~~~~~~~~~~~21
Nepal
7. Hmeithâi Fanei Lo Hlimthei Feb. 17 ~~~~~~~~~~~~~25
8. Isua Tâwk Feb. 24 ~~~~~~~~~~~~~~28
9. Chû Nî Chu Nghâkin March 2 ~~~~~~~~~~~~~31
Southern India
10. Aw Mak Tak March 9 | ~~~~~~~~~~~~34
North-Eastern India
11. Kim Lo Pathian March16| ~~~~~~~~~~~~37
12. Dam Vânga Hlim March 23 ~~~~~~~~~~~~~40
13. Rawngbâwl Tum |halai March 30 |~~~~~~~~~~~~44
Published and edited in Mizo by Malsawma Tochhawng, Director, Sabbath

School and Personal Ministries Department, Mizo Conference of Seventh-
day Adventists, Box – 097, Aizâwl, Mizoram, India – 796 001, on behalf
of General Conference of Seventh-day Adventists. Printed by Lalhmangaiha
Chhangtê at Remnant Press, Seventh-day Tlâng, Aizâwl. Copy – 700.
2
Sabbath Sikul Hruaitu Duh Tak,
Tûn kuartar chhûng hian Southern Asia Division kan bawh
dâwn a. Hê division hian hêng ramte hi a huâm tel: Bhutan te,
India te, Maldives leh Nepal ramte hi. Hê division chhûngah hian
mihring tlûklehdingâwn 1.4 an awm a, chûng zînga maktaduai 1.1
chu Adventist an ni a; chû chu mî 1,246-a Adventist pakhat awm
zêl ang a ni.
Mî tlûklehdingâwn 1.4 laite pawh tûr chuan chona lian tak a
awm a, Pathian \anpuina zârah chiah hlen theih a ni ang. Southern
Asia Division hian tûn kuartar chhûnga Thirteenth Sabbath
Thawhlawm hmanga hlen tûrin project lian 10 a thlang a. Chûng
project hrang hrangte chu phêk dawt lehah târ lan a ni.
In Sabbath Sikul class-te hlimawm taka siam in duh chuan,
thawnthu tin atân hian thlalâk leh châkkhâi dangte kan chhawp
zêl a. Chûbâkah, thawnthu tin belhchhahna tûr thu bengvâr thlâk
dangte pawh a tel zêl bawk. Kan ram târ lante tâna thlalâkte leh
hmun tlawh châkawm deuhte chu pixabay.com emaw
unsplash.com-ah emaw en theih a ni. Chûng thlalâkte chu
computer emaw, mobile emaw hmangin, rawngbâwlna chanchin
chhiar pahin member-te hnênah in entîr thei ang a; a nih loh vêk
leh in Sabbath Sikul room emaw, biak in bulletin board cheimâwi
nân pawh in târ chhuak thei bawk ang chu.
Chû bâkah, Southern Asia Division chungchâng bengvârna thû
PDF chu bit.ly/sud-2024 a\anga download theih a ni a.
Facebook.com/missionquarterlies-ah pawh en theih a ni bawk e.
Kumin 2024 kuartar khatnaa Southern Asia Division rawngbâwlna
chanchin leh a kaihhnawih thilte hi Children’s Mission PDF version
chu bit.ly/childrensmission leh Mission Spotlight videos at bit.ly/
missionspotlight lamah en theih a ni.
Rawngbâwlna tûra Isuâ min tirh chhuahna thupêk ropui:
“Chutichuan kal ula, hnam tina mi zirtîrahte siam ula, Pa leh Fapa
leh Thlarau Thianghlim hmingin baptis ula, thû ka pêk zawng zawng
che u pawm tûrin zirtîr rawh u. Ngai teh u, Kei kumkhuain, khawvêl
3
tâwp thleng pawhin, in hnênah Ka awm zêl ang,” (Matthai 28:19,
20) tih thû kha hlen tûrin i \ang tlâng teh ang u.
Mi dangten ram thim veina thinlung an put theih nâna \hahnem
min ngaihpuinaah lâwmthû kan sawi mawlh mawlh a ni ê!
Andrew McChesney
Editor
Remchânnate
Tûn kuartar Thirteenth Sabbath Thawhlawm hmang hian
Southern Asia Division chhûnga project 10-te hi tihpuitlin theih
beisei a ni:
* India rama Palakkad khuaa sikula classrooms leh labs din te,
* India rama Bengaluru khawpuia Lowry Adventist College-a
English church din te,
* India rama Bengaluru khawpuia Central English Church din
te,
* India rama Aurangabad khawpuia high school din te,
* India rama Thanjavur khawpuia sikula girls’ dormitory din te,
* India rama Pasighat khuaa sikula girls’ dormitory leh children’s
auditorium din te,
* India rama Manginapudi khuaa biak in, conference center,
leh dining hall, youth training center din te,
* India rama Anni khuaa sikul building sak \hat te,
* India rama Andaman Islands-a Namunaghar khuaa sikul
classroom sak te,
* Nepal rama sikul pakhat classrooms leh administrative building
sak te a ni dâwn a ni.
4
Thirteenth Sabbath Project Leh Tûrte
Kuartar leha Thirteenth Sabbath Thawhlawm hmanga kan
ram bawh Euro-Asia Division leh tihpuitlin tûr project zîngah
hêng hi a tel:
* Armenia rama Yerevan khawpuia chhûngkuate tâna Center
of influence din te,
* Belarus rama Minsk khawpuia \halaite puâl a Center of
influence te,
* Georgia rama Tskaltubo khuaa Health center din te,
* Russia rama Salekhard khuaa Thlarau lam leh social center
din te,
* Uzbekistan rama Tashkent khawpuia Elementary sikul din te
a ni.
5
SABBATH 1 JANUARY 6, 2024
BUL|ANNA |HÂ
India Simon
I NDIA ram hmâr lama Simon-a chuan tlân hi nuâm a ti a.

Chuvâng chuan khawvêl mihring zînga tlân chak ber,
Jamaican tlân chak, Usain Bolt-a pawh kha a ngaisâng hlê
rêng a ni.
Simon-a hian Usain Bolt-a’n TV-a \um khat thû a sawi a
ngaihthlâk kha a theihngghilh theih tawh lo.
Ani chuan, “Second kuâ lek tlân tûr hian kum li chhûng ka
lo inzir lâwk,” tiin a sawi a ni.
Simon-a chuan second tlêm tê tlân tûr lek pawha infiâm
mîten kum eng emawti chhûng an lo inzir chu mak a ti hlê mai a.
Infiâm mîte tân training neih chu a pawimawh hlê a ni tih a
hriatthiam phah a.
Simon-a nû leh pâte pawhin training neih pawimawhzia chu
an hria a. An fapa Simon-a pawhin an khuâ, Anni-a sikul lût
tûrin kawngkal nei taka training a neih a ngai ni tûrah an ngai
hmiah mai bawk a.
Pâ ber chuan Simon-a pa chu Seventh-day Adventist
sikulah lût sê a duh a, a khawi sikul ber chu nge a fapa tân \ha
ber ang tiin mîte a râwn a.
A ûnaupa hnênah chuan, “Simon-a hi kum ngâ a ni ta a.
Khawi sikulah ber nge luhtîr ila \hâ ang?” tiin a zâwt a.
A ûnaupa chuan, “Simon-a chu heta sikulah hian luhtîr rawh.
Sikul dangte âi chuan in in a\ang pawhin a hnâi zâwk a lâwm,”
tiin a hrilh a.
Chû sikul a sawi chu Simon-ate in a\anga
minit sâwm vêl kal leka hlâ a ni.
Tichuan, Simon-a chu an vênga Adventist
sikulah chuan Kindergarten-ah bul an \antîr
vê ta a ni.
6
Ni hmasa berah chuan, Simon-a chuan sikul kal a duh meuh
em tih pawh a la inhre bîk lo. A nû nêna sikul lam an pan lai
chuan a \ap a. Sikul a\anga a nûin a hâwnsan leh dâwn pawh
chuan a \ap bawk a. Pindan chhûng vêla a nû hmêl a hmuh loh
avâng chuan a hlâuthâwng êm êm mai a ni.
Mahse, kâr lohah morning worship an neih lai chuan a mittui
tlâ chu a reh leh ta thuai a. Zirtîrtûte chuan Isuâ chungchâng
hlâte an zirtîr a. Principal chuan Bible a\angin thawnthu
ngaihnawm deuh hi a chhiar bawk a. Simona chuan hla sak leh
Bible thawnthu ngaihthlâkte chu nuâm a ti ta fû mai a ni.
Hun rei lo te chhûngin, mipa naupang leh hmeichhe naupang
dangte chu \hianah a siam a. Anmahni nêna inkawm ho va, lehkha
zir hote chu nuâm a ti ta viâu mai a.
Kum a lo vei a, Simon-a pawh pâwl khatah a lût ta a. Tichuan
pâwl hnih, pâwl thum leh pâwl lî thleng chuan a zo vê ta zêl mai
a. Lehkha a zirna a\anga chuan Bible-a Isua anga rinawm, ngilnei
leh mi dangte \anpui peih mî nih dân chu a lo zir chhuak ta a.
Chûng bâkah chuan kêa tlân chak dân pawh a zir tel bawk a.
Ni khat chu, zirtîrtu chuan sikul naupangte hnênah, “In
hrisêlna atân a \hat avângin kêin in tlân \hîn tûr a ni,” tiin a
hrilh a.
Tichuan, Simon-a chuan nî tina tlân \hîn tûrin thutlûkna a
siam a. Sikul kalna kawngah pawh chuan kêa kal dêm dêm lo
vin, a tlân ta zâwk a, a châng phei chuan a \hiante âiin sikul chu
a thleng hmasa \hîn a ni. A châng chuan kal kawnga chak taka
tlân a ngaih theih nân tiin, an in chu tlêma tlâi deuhah te a
chhuahsan bawk a.
Sikul bân hnûah an in kianga park-ah a \hiante nêna lêngin,
an tlân \hîn a. An \hian ho chuan minit 5-10 chhûngte an tlân a,
an châwl a, chutah minit 30-te an tlân leh \hîn a ni.
A tlân tirh lam chuan, Simon-a tân chuan a hahthlâk hlê a,
lum a ti êm êm mai bawk a. Mahse, eng emaw chinah chuan a
lo awlsam vê deuh deuh a. Thla eng emawti chhûng nî tina a
7
tlân ziah tâkah phei chuan a thlan pawh a tla ngai ta meuh lo. A
tlân hnû pawhin a châu ngai lo. Hmâ a sâwn zêl a, a home-
work tih pawh nuâm a ti sawt \hîn a ni.
Simon-a chuan taksa insâwizawina neih \hin pawimawhna
chu a lo zir chhuak vê ta zêl bawk a. Ellen White pawhin heti
hian a lo sawi, “In tihrâwlte kha in chhûnga tawmim bopui mai
mai atân ni lovin, hman \angkai tûra pêk in ni a sîn!” Mûmal
taka taksa sâwizawina i nei \hîn a nih chuan, “i ngaihtuahna
pawh a lo harhvâng lehzual ang a, i nungchang pawhin
hmasâwnna duhawm zâwk neiin, muthilh theih loh vânga
insawisêlna leh awm nuâm lo rêng rêng pawh i nei ngai lovang.
Thluâk chawlawl tawh avânga kal khat tak leh buai takin i awm
fo tawh hek lo vang,” (Testimonies for the Church, vol. 3, p.
277) tiin.
Chutiang thû Simon-an a hriat hmâin pâwl riât a lo zir zo
hman a. Tûnah hian, Simon-a chu kum 21-a upa, university
zirlai niin, a luh \anna sikul khân \ha takin nun bul a \anpui a ni
tih a sawi \hîn a. Kêa tlân \hatzia te a zir a. Isuâ chanchin a zir
tel bawk a. Inchherna \ha tak a dawng a ni.
“Khâ sikula ka luh chhûng zawng khân, Pathianin min \anpui
a, rilru thianghlim leh rinawm pu tûrin min zirtîr a ni,” tiin a sawi.
Tûn kuartar Thirteenth Sabbath Thawhlawm \henkhat hmang
hian India rama Anni khuaa Adventist sikul zirlai 450 awmna
building thar sak a ni dâwn a ni. Hê sikul building hi kum 1976-
a German missionary-in a din kha niin, tûnah chuan a building
hi sak \hat a hun tawh hlê a ni. Heta tâna thawhlawm phal taka
in thawh dâwn avângin lâwmthû kan sawi lâwk a ni e.
By Andrew McChesney
Bengvârna Thû
x Facebook lama thlalâk download theihna: bit.ly/fb-mq.
x Southern Asia Division chungchânga bengvârna thû download
theihna: bit.ly/sud-2024.
8
x Hê Rawngbâwlna Chanchin hian Seventh-day Adventist Kohhran
rawngbâwlna program “Kei Ka Kal Ang (I Will Go)” tih a Thlarau
|hanna tûra chêtna tûr ruâhmana No. 5, “Mi mal leh chhûngkuate
chu thlarauva khat nun nei tûra zirtîra siamna” tih te, No. 6, “Naupang
te, \halai te leh vânglai hun hmang mêkte pawhna, chelh nghehna,
huânga seng luh lehna leh rawngbâwlnaa inhmanna puntîr” tih leh,
No. 7, “|halaite leh vânglai hmang mêkten an nuna Pathian chu dah
hmasa ber a, Bible khawvêl thlîr dân chu \ha taka an nunpui theih
nâna \anpui,” tih chu a phur chhuak a ni. Hriat belh duh tâna luhchilh
theihna: IWillGo2020.org.

BEISEI LOH EDUCATION
India Abhishek
C
a.
ENTRAL India lama a luhna tûr sikul a nû leh pâten an
zawnsak lai chuan Abhishek-a chu kum thum mî lek a la ni
A pa chuan a \hiante hnênah sikul \ha tak, sênso hâutak sî

lo awmna chu a zâwt a. Nû ber pawhin \henawm vêlah
Abhishek-a luhna tûr sikul \hâ an ngaih dân a lo zâwt vê bawk
a. A nû leh pâte hi chhûngkaw rethei an ni nâin, an fapa chu
zirna \hâ neihtîr erawh an tum ruh hlê thung a.
|henkhat chuan an in kiâng hnâia Seventh-day Adventist
sikul chu an sawi hmuh a.
A nû leh pâte chuan rei an nghâk zui lo.
A tûkah chuan, chû sikul chu an zawng nghâl a.
Chû chu Sabbath nî a ni a, anni erawh chuan sikul inhawng
hmuh an beisei a.
Gate lo vêngtû hnênah pa chuan,
“Khawngaih takin sikul Principal hnênah
min hruai teh u,” tiin a ngên a.
Vêngtu chuan nû leh pâte chu, chulai
hmuna awm biak in lamah chuan a hruai a.
9
Biak ina inkhâwmte an han hmuh chuan nû leh pâte chuan
mak an ti hlê mai a. Sikul chu khâr a ni tih an hre chiâng nghâl
hlê a. Mahse, a hâwnsan leh mai bîk chuâng lo.
Nû leh pâte chu biak in chhûngah chuan an lût vê a, \hûin
an nghâk ta rih a.
Sabbath inkhâwm chu kalpui zêl a ni a. India ramah hian
\awng hrang a tam hlê mai a. Mahse, chû inkhâwm chu chulaia
chêngte \awnga kalpui a nih avângin anni pawh chuan an
hrethiam vê mai a ni.
Kâr lohah sermon sawi hun a lo thleng a, pastor chu thuchah
sawi tûrin a lo ding chhuak a. Ani chuan Sabbath chungchâng a
sawi a.
Nû leh pâte chuan mak an ti leh hlê mai a. Anni hi Kristian
an ni vê nâin, Bible-a nisarihna
Sabbath chungchâng zirtîrna an lo la hre vê ngai lo tlat mai.
Chutah zet chuan Sabbath nî chuan sikul khâr a ni tih an hrethiam
ta thuai a. Chû sikul chuan Bible zirtîrna angin, kâr khata ni
sarihna Sabbath chu an lo serh a. Nû leh pâte chuan chumi
chungchâng chu hriat belh zêl ang châk a. Inkhâwm bân hnû
chuan, pastor hnênah Bible sawi anga Sabbath chungchâng chu
zirtîr vê tûrin an ngên a. Pastor chuan an nûpâ chuan Bible
zirna neihpuiah a sâwm a.
An nûpâa pastor hova Bible zirna an nei tâkah chuan,
Abhishek-a pawh chu Kindergarten zirin sikulah chuan a lût a.
Nî tinin, zirtîrtûten Bible thawnthû an zirtîr \hîn a. Abhishek-a
chuan Davida leh Goliatha thawnthû chu ngaihnawm a ti hlê
mai a. Mipa naupang têin Pathian hminga lung pakhat hmang
leka milian a’n hneh mai chu ngaihnawm a ti êm êm a. Davida
chuan, “Nang zawng khandaih leh, fei leh phâw kengin i lo
thawk a, mahse, kei chu sipai hote LALPA, Israel sipai hote
Pathian hmingin ka lo kal a ni,” (1 Samuela 17:45) a ti a.
Mipa naupang tê mai a la ni nâin, Abhishek-a chuan sipai
hote LALPÂ hminga kal zêl tûrin thutlûkna a siam a. A la naupang
10
nâin, Pathian chuan mi chaka siamin, nuna milian pawh A hnehtîr
zêl ang tih a hria a ni.
Abhishek-a nû leh pâten Bible an zir tâkah chuan, an
chhûngkaw nun chu a lo danglam ta a. An chhûngkua chuan
Sabbath an serh \an ta nghâl a. A hnû lawkah chuan a nû leh
pâte chuan Isuâ hnênah an thinlungte chu an hlân ta a ni.
Abhishek-a chu a lo \hang lian zêl a, kohhran thil tihnaahte
a inhmang zêl a. Ani chu zâwlnei Samuela naupan lai ang mai
kha a ni a, biak ina ti tûra hrilh ang ang chu lâwm takin a ti zêl
\hîn a ni. Rawngbâwltûte thil tihnaahte \anpuiin, \hutthlêng rem
fel te, hlabu chhawp te, microphone enkawlte chu a \anpui \hîn
a ni.
Tûnah hian, an chhûngkua chu rinna nghet taka awmin,
LALPA-ah an \hang zêl a. Abhishek-a chu kum 19 mi, university
zirlai a ni ta a ni.
Ani chuan, “Mîte hnêna Isuâ chanchin \hâ theh darh a,
Isuâ lo kal leh thuai tûr thû mîte hnêna hrilh ka duh a ni,” tiin
a sawi \hîn.
Abhishek-a luhna, India rama Aurangabad khuaa high sikul sak
\hat nân a kal dâwn a ni. Thawhlawm phal taka thawh tûra
ruâhmanna in siam avângin lâwmthû kan sawi lâwk a ni e.
By Andrew McChesney
Bengvârna Thû
x North Maharashtra Section-a Adventist Kohhran chuan Abhishek-a
luhna Adventist sikula lût naupangte zirna tumsakin, mi dangte tân pawh
sponsortu a zawnsak \hîn tih hria ila.
x Southern Asia Division chungchânga bengvârna thû download theihna:
bit.ly/sud-2024.
rawngbâwlna program “Kei Ka Kal Ang (I Will Go)” tih a Thlarau |hanna
Tûra chêtna tûr ruâhmana No. 5, “Mi mal leh chhûngkuate chu thlarauva
khat nun nei tûra zirtîra siamna” tih te, No. 6, “Naupang te, \halai te leh
11
vânglai hun hmang mêkte pawhna, chelh nghehna, huânga seng luh
lehna leh rawngbâwlnaa inhmanna puntîr” tih leh, No. 7, “|halaite
leh vânglai hmang mêkten an nuna Pathian chu dah hmasa ber a,
Bible khawvêl thlîr dân chu \ha taka an nunpui theih nâna \anpui,”
tih chu a phur chhuak a ni. Hriat belh duh tâna luhchilh theihna:
IWillGo2020.org.
SABBATH 3 J ANUARY 20, 2024

SABBATH-A FUTBALL
India Cleaning
C LEANING-a hi futball tâna nung a ni ber a. India hmâr-chhak

lama an chênna khuaa sikul bân hun thâwl a neih apiangin
futball a khêl ziah \hîn a. Bial huâp exam-na nei tûrin khaw
danga an zin laiin, Sabbath nîa a inkhelhpui \hin \halai dangte a
nei a.
Mahse, Cleaning-a chuan Sabbath nîa mî tûten emaw
Pathian fakna hlâte sâa an \awng\ai \hîn thâwm chu a hre \hîn
a. Chû an inkhelh muâl chu Seventh-day Adventist sikul leh
biak in awmna hmun a ni bawk a.
Cleaning-a hi Kristian chhûngkuaa seilian a ni a. A dam
chhûng zawnga Kristian sikula lûta zir \hîn a ni bawk. Chuti
chungin Kristiante zînga Sabbath nîa inkhâwm \hîn an awm tih
rêng a hre ngai lo.
Khêlmuâl sîr lama ball a ûm lai chuan, “Engati nge hêng
mîte hian Sunday ni lo, Sabbath nî-ah zâwk Pathian biak
inkhâwm an neih \hin le? Hêng mîte hi tûte nge maw ni le?” tiin
a ngaihna a hre lo hlê mai a.
Cleaning-a chuan exam-te chu pass-in,
pâwl 10 a zir zo va. Pâwl 11 chu exam an
neihna khuaa lût tûrin a inbuatsaih a, mahse
hnar a tâwk tlat mai. Beidawng takin, a
\hian pahnihte hnênah thurâwn pe tûrin a
ngên a. Chûng mi pahnihte chu khêlmuâl
12
sîr lawka awm, Adventist sikula luh tum vê tho an lo ni a; anni
chuan chuta lût vê mai tûr chuan an lo fuih a.
Cleaning-a’n luh a dîlna chu an lo pawmsak a. A hlim hlê
mai.
Thlâte a liâm a, chuta mîten Sabbath nîa futball a khelh laia
Pathian fakna hlâte sâa, an \awng\ai chhante chu a hre thiam vê
ta zêl a. Sikulah chuan Genesis 2-a Sabbath nî chu Thilsiam
chawlhkâr tâwpa Pathianin A serh hran thû a chhiar a. Exodus
20-ah Pathianin Thupêk Sâwm hmangin Sabbath serh a
pawimawhzia chu A hriat nawntîr leh a. Isua ngêi pawh khân
Sabbath nî chu rinawm takin a vawng a, Sabbath chu Sunday-
ah a sawn hauh lo tihte chu a hre chiang ta zêl bawk a.
Cleaning-a chuan a nû leh pâte hnênah Adventist Kohhran
zawm vê a duh thû a hrilh a. A nû leh pâte erawh chuan tih
beidawn duh loh vângin a ngaih dân chu an thlâwp lêm lo chungin
an pawmpui a. Cleaning-a chuan tîm deuh chungin baptisma
chang tûrin thutlûkna a siam a.
Cleaning-ate chênna khuaah chuan Adventist biak in a
awm lo va, chawlh hmanga ina a hâwn leh hnû chuan Sabbath
nîa an inkhâwm lai kha a ngai thei hlê a. A nû leh pâte bâkah
a ûnau 10-te hnênah sikula Sabbath chungchâng a zirte kha
a hrilh chhâwng vê \hîn a. Anni erawh chuan an ngaithla \ha
duh lêm lo.
A nû chuan, “Adventist sikula zirlai i ni hi a \hâ e. Mahse,
Adventist-a i \an kher chu a ngai lêm hlei nêm,” tiin a hrilh a.
A pâ thu sawi phei chu a rum lehzual a. “Adventist nih i thlang
a nih chuan, hê chhûngkuaah hian chan rêng i nei lo vang. Hê
chhûngkua a\anga hnawh chhuah i ni bawk ang,” tiin a hrilh a.
Adventist sikula pâwl 12 a zir chhuah hnûin, Cleaning-a chuan
non-Christian college-a lût tûrin a ti fel a. Mahse, ani chuan nuâm
a ti ta hauh lo mai. Chû hmun chu a tlângnêl lo. Kristian college-a
zir a châk êm êm mai a ni.
Ni khat chu futball an khelh laiin, Cleaning-a chuan
Adventist sikula a zirpuiten 1000 Missionary Movement zawm
13
tûra thâwm an neih chu a hre ta tlat mai. Ani hian zirlai nih
chhûnga rawngbâwla chhuah vê chu a \ha tihzâwng tak mai a ni
a; chulaia tuâl chhûng hruaitu chu a zawng chhuak a.
Rei pawh riâl lo vin, Adventist Kohhran chu a zawm a,
student missionary-a \angin pâwl li zirlaite a ho \hîn a.
Adventist a lo ni ta chu a nû leh pâte chuan an lâwm lo hlê
mai a. Mahse, an hnêna chêng a ni tawh sî lo va, amah hrem
tûrin tih theih an neih meuh tawh bawk sî lo.
Chutih lai chuan, Cleaning-a thinlungah chuan pastor nih
châkna a lian ta hlê mai a, tichuan Spicer Adventist University-
ah a lût vê ta a ni.
Tûnah hian, theology second year a zir mêk a, a ni chuan
futball khelh hmanga \halaite thinlung Pathian hnên lama hruai
a beisei tlat a ni.
“Nih ka tum chu pastor a ni a, futball hmanga \halaite zînga
rawngbâwl ka duh a ni. Futball khelhna sikul ka hawng ang a,
\halaite zîngah rawng ka bâwl dâwn a ni. In hriat angin \halaite
chuan futball an ngaina a. Hê infiamna hmang hian \halaite chu
Isua Kristâ hnêna hruai ka duh a ni,” tiin a sawi.
Ani chuan Bible hriat leh zui zêlna hmangin zalênna a chhar
a. Amâ chhûngte ngêi pawhin chû zalênna chu an neih a duhsak
êm êm a ni.
“Tirhkoh Johana thusawi, Johana 8:32-a “Thutak in hria
ang a, thutak chuan a tizalên ang che u,” tih thû a chuâng a ni.
Khawngaihin Chanchin |ha rawngbâwltu ni tûra ka inbuatsaih
theih nân min \awng\aipui ang che u,” tiin min chah a ni.
Seventh-day Adventist sikul 6 sak \hat a ni dâwn a. Chûng
zîngah chuan Cleaning-a luhna sikul pawh a tel bawk. Thirteenth
Sabbath-a thawhlawm phal taka in thawh dâwn avângin lâwmthû
kan sawi e.
By Andrew McChesney
14
Bengvârna Thû
bit.ly/sud-2024.
khat nun nei tûra zirtîra siamna” tih te, No. 6, “Naupang te, \halai te leh
vânglai hun hmang mêkte pawhna, chelh nghehna, huânga seng luh
lehna leh rawngbâwlnaa inhmanna puntîr” tih leh, No. 7, “|halaite leh
vânglai hmang mêkten an nuna Pathian chu dah hmasa ber a, Bible
khawvêl thlîr dân chu \ha taka an nunpui theih nâna \anpui,” tih chu a
phur chhuak a ni. Hriat belh duh tâna luhchilh theihna: IWillGo2020.org.

CHANCHIN |HÂ VÂNGA MÛR SENG SENG
India Shakuntala-i leh Joy-a
A N OFFICE-a zaipâwl zâi rimâwi ngaihnawm tak a hriat chuan

fakna lama thawktu nû chu a hmulthî a ding deuh sung sung
mai a.
India rama Bengaluru khawpuia fakna lam hnâ a thawhna
office a\anga zâi rimâwi a hriat vawi khatna chu a ni lo.
Chû bâkah, rimâwi avânga a bân vêla hmulthî ding sung
sunga a awm vawi khatna pawh a ni chuâng hek lo. Mahse,
hemi \um hi chuan a \hu hlê hlê thei lo tlat mai sî a ni.
Shakuntala-i chuan in chhâwng hnihnaa an office tukverh
a\ang chuan thil awmzia hriat tumin an dâk
a. Kawtthlêr lehlama mî vei tawn deuh
nuâk nuâk chu a hmu thei a. Chû building
chu engtizia ta nge ni ang tiin a ngaihna a hre
lo hlê mai a ni.
Engati nge a bânah chuan hmulthî a din
sung sung hriat tumin a inen vêl a. Chû hmuna
15
va kal châkna chuan a khat liam a ni ber mai, a hmuna thil va
hmuh chiân ngêi a duh a ni.
Zâwi muângin a thawhna office chu chhuahsanin, kawng kam
lehlam chu a pan a. Chû buildinga lo awmte chu a hmêlhriat
hlawm loh avângin tlêmin a tîm deuh a.
Zâwi muângin chû building luhna lam chu a hnaih hret hret
zêl a.
Kawngka bula lo ding tû emaw hnênah chuan, “In thil tih
ngaithla tûr hian ka lo lût vê thei ang em?” tiin a zâwt ta tawp a.
Chû pa chuan, “Lo lût la, \hu vê rawh,” tiin a lo sâwm a.
Shakuntala-i chu lûtin, a \hû a, a ngaithla ta vang vang a.
Organ leh zâi rimâwi chu a lo tâwp hman tawh a, mahse mi
pakhat hi rimâwi tel lo vin a zâi thung a.
A zâi zawh chuan, Shakuntala-i chuan inti pachangin a va
pan ta nghâl a.
Ani chuan, “Organ kha khawiah nge? Min timûr sung sung
thei khawp zâi mâwi kha khawiah nge?” tiin a zâwt a.
Chû pa chuan mak a ti hlê mai thung a.
Shakuntala-i chuan chawlhkâr eng emawti chhûng chu
Sabbath nî apiang hian a office a\angin zâi rimâwi a lo ngaithlâk
\hin thû a sawi a. Chû bâkah Sabbath nî chauhin a hre \hîn
bawk sî a.
Sabbath \um hnih chu Shakuntala-i chu biak ina rawn
inkhâwmin rimâwi chu a ngaithla zui a. Thiam taka zâi pâwlin
hlâ an sak lai chuan, a \hutnaa hlabu lo awm chu kêuvin a lo en
vê a. Amah timûr seng seng \hîn hla pahnih chu a chhinchhiah
a. Chûng Pathian fakna hlâte chu “Old Rugged Cross” leh “Be
Still My Soul,” tihte a ni.
Sabbath vawi thumnaah chuan, zâi ngaithla chauh ni lo vin,
Isuâ chungchâng sermon sawi chhûng zawng pawh a ngaithla ta
thung a.
In lamah pawh chuan, “Khâ biak ina Isuâ chanchin ka hriat
kha ngaihnawm ka ti hlê mai. Ka duh viâu a nih sî chuan engati
nge ka chênna hmunah hian pathian dangte lem ka târ ang ni?”
tiin a ngaihtuah a.
16
Chutiang chuan a milem târ zawng zawng chu a la bo ta vek a.
Sabbath nî chuan a rawn inkhâwm ta zêl a, rimâwi a ngaithlâk
lai chuan a mûr seng seng \hîn a ni. Eng emawti hnûah chuan,
pastor-in a chhûngte pawh rawn hruai vê tûrin a sâwm a.
Ani chuan, “Lungkham vak duh suh. A lo la kal vê êm êm
ang,” tiin a hrilh a.
An lo kal vê ta ngêi a. A fapa Joy-a a lo tel hmasa phawt
a, chutah a tûten an tuipui vê leh a. Chutah an in enkawltu
pawh a rawn inkhâwm vê ta zêl a.
Bible zirnate an neih hnûin, an chhûngkua chuan Isuâ
hnênah an nun an hlân ta a ni.
Shakuntala-i chu kohhran member phûr tak lo ni tain, a
tupâte zînga pakhat phei chu \halai pastor a ni ta a ni.
Tûnah hian, Shakuntala-i chu kum 84 mî ni tawhin, fakna
lama a hnâ pawh a chawlhsan ta a ni. Mahse, kum 2005-a
rimâwi a lo hriat hmasak ber avâng khân a la lâwm hlê reng a ni.
Khâ kha Isuâ hnêna hruaitu a ni sî a.
Ani chuan, “Zâi pâwlin hêng hlâ an sak ka hriat châng hian
ka la mûr seng seng zêl \hîn a ni,” tiin a sawi.
Tûn kuartar Thirteenth Sabbath Thawhlawm \henkhat hi
India rama Bengaluru khawpuia Shakuntala-ite lâwina Central
English Church sak nân a kal dâwn a ni. Thawhlawm phal taka
By Andrew McChesney
Bengvârna Thû
x ‘Shakuntala’ lam dân tûr: shaa-kuhn-TAA-luh.
x Shakuntala-i leh a fapa, Joy-ate hi kohhran member phûr tak an ni.
bit.ly/sud-2024.
Tûra chêtna tûr ruâhmana No. 1, “Khawvêl pum puia rawngbâwlna
tharthawh leh, rawngbâwl nâna thawhlawm thawh bâkah, pastorte chauh
ni lo, kohhran member tin, \halai leh upa lamte chena Kristâ tâna thuhretûa
17
\an leh, zirtîrahte siam” tih leh; No. 5, “Mi mal leh chhûngkuate chu
thlarauva khat nun nei tûra zirtîra siamna” tih te, No. 6, “Naupang te,
\halai te leh vânglai hun hmang mêkte pawhna, chelh nghehna, huânga
seng luh lehna leh rawngbâwlnaa inhmanna puntîr” tih chu a phur
chhuak a ni. Hriat belh duh tâna luhchilh theihna: IWillGo2020.org.
SABBATH 5 FEBRUARY 3, 2024

IN CHHÛNG CHEIMÂWITÛTE
India Twinkle leh Milind
I NCHHÛNG cheimâwitu hi vân lam tâna thuhretûah a \ang thei

ang em?
India rama nûpa tuâk khat chuan an thawhna inchhûng
cheimâwi lam thawktu pâwl chhuahsan a, anmahnia thawka Isuâ
tâna thuhretua \an pah theih dâwnin an hre tlat mai a ni.
Chûng nûpa tuâkte chu, Twinkle-i leh Milind-ate niin, anni
hian India rama khawpui lian tak, Bengaluru-ah in chhûng
cheimâwi tûra contract hnâ an hmu hlauh mai a. Nûpa hausa
deuh mai hian an fapa kum sâwmpathum mî, Arnav-a mutna
pindan tûr chu mâwi taka design \hatsak tûrin an sâwm a.
Twinkle-i leh Milind-a chuan nû berin an fapa duât tâna
bedroom duhthusâm dân a sawi chu an ngaithlâ a. Ani hian
thilmak thleng tûrin a duh a ni ber zâwk âwm e. Arnav-a lah
chu mipa naupang harh vê tak mai a ni a, bedroom mâwi danglam
tak a neih chuan a harh lutukte pawh a lo ziâawm theih a beisei
a ni. Chû bâkah, chû nû chu an bedroom-ah chuan kum ruk
emaw lai chu a mu \ha mûmal thei lo tawh bawk a, a fapa bula
han mut zauh zauh châknate pawh a nei
bawk a ni.
“Kan mutna pindanah hian ka muhîl
\ha thei lo. A chhan tak pawh ka hre
bawk sî lo,” a ti a.
Twinkle-i leh Milind-ate pawh chuan
pindan chu engtia han singsak tûr nge ni
18
ang tih an hre mai bîk lo. Mahse, khawi lai a\anga \an tûr nge
tih erawh chu an hre thung a. |hing\hîin Pathian hnênah an
\awng\ai a.
“Aw LALPA, khawngaih takin bedroom rawng hnawih tûr
eng nge kan hman ang a, engtin nge kan chei mâwi ang tih chu
Nangmâ ropui nân min hriattîr ang che,” tiin Twinkle-i chu a
\awng\ai a.
Tichuan nûpâte chuan mut pindan chhûnga thil awm tin rêng
chu an la kiâng vek a. An fapa mutna khum leh dawhkân te
pawh an la chhuak a. Lehkhabu chhuâr te an châwi chhuak a,
chutah chuan milemte pawh an hmû a, an senghawi tel vek a.
Twinkle-i leh Milind-a chuan milimte chu engtia han tih tûr
nge ni ang an hre mai lo. Arnav-a leh a nû hi milim hmâa kûn
\hîn, milem biâ an ni sî a; a pa erawh chu pathian awm ring lo,
pathian eng mah ring vê lo a ni thung a.
Pâ berin milimte pindan a\anga an la sawn lai a hmuh chuan,
“Khâng milimte kha lehkha chhiâin fûn ula, paih bo daih rawh
u,” a lo ti a.
Twinkle-i leh Milind-a chuan chutia tih chu fuh dâwn hlêin
an hre bawk a. Milimte chu chanchin thar phêkin an tuâm a, an
paih bo ta daih mai a ni.
Tichuan pindan chu rawng an hnawih \hâ a. An zawh chuan
bang vêlah chuan Bible thû leh hrilh lâwkna thu \ha tak takte an
târ ta zâwk a. An thil târ pakhatah chuan, “Hlauhawm leh mak
taka siam i ni,” tih hi a chuâng a. Khawi a\anga lâk chhuah nge
tih chu a chuâng tel lo thung a [Sâm 139:14 thû a ni.] An thil târ
dangah chuan Efesi 2:10 thû: “Pathian kutchhuak ropui i ni,”
tih a chuâng a. Pakhat dangah chuan, “Hmangaihna dawngtu i
ni,” tih a ni thung.
Arnav-a leh a nû leh pâte chuan a bedroom thar chu an
hmuhin an hlim tlâng hlê mai a. A hnû deuhah nû ber chuan
Twinkle hnênah lâwmthu sawina thû a thawn a.
19
“Arnav-a nungchang lo danglam ta hi kan hmû a. A room-
ah pawh ngaihmuâng takin ka awm thei e,” tiin a ziak a ni.
Kum ruk chhûnga a vawi khat nân thlamuâng takin a muhîl
siâi siâi thei tih pawh a ziak tel bawk a. Chutiang thû an hriat
chuan Twinkle-i leh a pasal chu an phûr hlê a ni.
Interview neihnaah Twinkle-i chuan, “Bible thutiâmte zînga
pakhat, ‘Ka thû chu … a tihtûr hlen lo vin ka hnênah a lo kîr
leh lo vang” tih Isaia 55:11 kha a sawi chhuak rêng a. Arnav-
an chûng Bible chângte a chhiar apiangin, nungchang duhawm
tak a put phah ta \hîn a ni.
Khâ kha bedroom an chei \hat vawi khatna a ni a, chuta
chin chu annî nûpa hian pindan tam tak an chêi \ha tawh a. Hnâ
an \an hmâ hian, engtianga hma lâk tûr nge ni ang tih hriattîr
tûrin Pathian \anpuina an dîl ziah \hîn a ni. Chûng pindan an
cheiah rêng rêng chuan milim lam târ lo vin, Pathian thu \ha tak
tak an târ zêl bawk a. Chûng thu awmziate an zawh chângin,
Bible zirpuinain an chhunzawm hlauh \hîn a ni.
Twinkle-i chuan Pathian hnâ thawh hi a \hat thû a sawi a.
“Tûnah tak hian, kan eizawnna hnâ chu rawngbâwl a ni ber. Mî
inah hian siam\hatu angin kan lût a ni ber mai. In kan cheimâwi
a ni ringawt lo va, chuta chêngte nunah pawh danglamna kan
thlen \hîn a ni. Pathian thu mâwi tak tak hi frame-in kan târ a,
kan tih bâk chu Pathianin a chhunzawm mai \hîn,” tiin a sawi a
ni.
India rama Bengaluru khawpuia Twinkle-ite lâwina Central
English Church sak nân a kal dâwn a ni. Thawhlawm phal taka
By Andrew McChesney
Bengvârna Thû
20
|hanna Tûra chêtna tûr ruâhmana No. 1, “Khawvêl pum puia
rawngbâwlna tharthawh leh, rawngbâwl nâna thawhlawm thawh
bâkah, pastorte chauh ni lo, kohhran member tin, \halai leh upa lamte
chena Kristâ tâna thuhretûa \an leh, zirtîrahte siam” tih leh; No. 5,
“Mi mal leh chhûngkuate chu thlarauva khat nun nei tûra zirtîra
siamna” tih chu a phur chhuak a ni. Hriat belh duh tâna luhchilh
theihna: IWillGo2020.org.

THINGPUI MAN TO
India Terrance
L OWRY A DVENTIST U NIVERSITY nursing class-a a tihtûr

pawimawh beiin, Terrance-a chuan zankhuâin a bei a.
Ani kha campus chhûnga awm lo vin, a \hiante inah a khawsâ
a. Ani hi thingpui heh tak niin, a harh lai hi chuan a in deuh kerh
kerh reng mai \hîn a.
Zîng dâr 4:30 vêlah, Terrance-a chuan choka lamah thingpui
no dang in leh a’n tum a; mahse a lo awm tawh sî lo va, tih
ngaihna tak pawh a hre mai lo. Harh reng tumin a bei a, a tihtûr
chu a ti zo ngêi ngêi tûr a ni.
Chutah a awmna a\anga kawrthlêr hla vak lo vah chuan
thingpui zuâr a awm tih a hre reng a; motorcycle-a kalin,
thingpui siam sa chu va lei a, a thil tihtûr zo ngêi tûrin a lêt
leh thuai a tum a.
A hnû deuh lawkah, Terrance-a chu chak takin a tlân chhuak
a. A hmanhmawh deuh avângin Bengaluru khawpuia motor tlân
chak dâna phal tâwk, dârkâr khata KM
50 lêt dâwna chakin a tlân a. Chû bâkah
helmet pawh a khum bawk sî lo.
Chutiang vêla chakin car hian a rawn
tlân ruâlpui fuâ mai a, chuta tlangvâl
chuângte chu an rûi hlê tih a hriat theih
mai bawk a. Car-a chuangte chuan
21
Terrance-a motorcycle chu hnaih chilh lehzual an tum a.
Terrance-a chuan tlân san a tum vê thung a. Anni chuan nui
bâwk bâwk chungin, chak lehzualin an ûm a.
Terrance-a chuan hlâuthâwng deuhin a horn chu a’n hmet ri
ruâi ruâi a. Tlangvâl hote chuan an zu inna bûrte chu an paih
khum a.
Mangangin anni chu Terrance-a chuan a âu khum a. Anni
chuan pâwr tak takin an chhâng lêt bawk a.
Chutah chiah chuan Terrance-a chuan kawng lam chu a
ngaihven lo va. A thinrim êm êm a, a motorcycle chu chak
lehzualin (100 kph) a khalh a. A hmâa thil awm (speed breaker)
pawh chu a hre chang tawh lo.
Chû chu a su chawrh a, engkim hi a thim ta mup mai a ni.
An inhniâl bawrh bawrh kha a thim ta hmuk a.
Terrance-a’n thil a hriat chhuah leh chu khuma mû a ni tih
chu a ni. Sana a’n en chuan zîng dâr 8:45 vêl a lo ni hiâl a. Chû
chu ani tân chuan class kal a, a thil tih tâk thehluh hun a ni.
Terrance-a chuan thawh a han tum a, mahse a che thei dêr
sî lo. |anpui tûra \hiante auh a’n tum a, mahse an hostel-a
awm a lo ni bawk sî lo. Khawi hmuna awm nge a nih hriat
tumin a’n hawi vêl a. A bo riâu mai bawk sî. Calendar a’n
melh a. July thlâa nursing zirnaa a tihtûr a ti mêk a ni tih a inhre
chhuak a, mahse calendar-a a lan dân chuan August thlâ a ni
tlat mai. Bangah chuan a nû leh pâ leh ûnaupa thlalâk intâr a
hmû a, mahse a ûnaupa chu a hre mai thei lo. Ani chu in lamah
a awm a, mahse chû chu a hre sî lo.
Kâr lohah, a nû chu pindanah a lo lût a. Terrance-a a harh
tih a hmuhin, a kuah vawng vawng a. “I harh chu ka lâwm hlê
mai,” a ti chûl a.
Terrance chuan, “Tu nge i nih?” ti chauhin a chhâng a.
Chû thû chuan a nû rilrû chu a ti mangang hlê mai.
A nû leh pâte Terrance-an a hriat theih nân kâr khat a duh
a. Anni leh mi dangte chuan thil awmzia chu zâwi zâwiin an
hriattîr a.
22
Chêtsualna thlen zân khân Lowry Adventist University
pastor chuan pulis hnên a\angin phone a dawng a, chû chu,
“Ruâng hi rawn la rawh u,” tih a ni.
A motorcycle hman hawh nambar hnuaiah khân pastor
emergency nambar a chuang a. Terrance-a chu a inhliam nasat
êm avângin chû motorcycle-a chuâng chu chû motorcycle
hawhtu a \hian pa nge amah zâwk tih pawh an hre mai thei lo.
Tû mahin tlangvâl zurûi ho car-a chuangte chunga thilthleng pawh
an hre zui lo.
Terrance-a chuan nîkhaw hriat leh hriat loh a fâwm a, hospital
pathum emaw laiah an sawn kuâl a.
Amah an hmuh hmasak ber \um chuan a nû leh pâte chu an
mangang hlê mai a. Hospitala a awmna bill pêk tûr sum pawh
an nei mai bawk sî lo. Lowry Adventist University-a a \hiante
chuan suma an \anpui bâkah an \awng\aisak \hîn a. Pastor pawh
chuan a rawn kan nawn fo \hîn a. A chêtsual a\angin thla thum
a lo liâm a, Terrance-a chu university lamah a lêt leh ta a ni.
Tûnah hian ani chu nurse a ni tawh a. Nun thar a neih leh
theihna tûra Pathian, a \hiante leh chhûngte ngilneihna chungah
a lâwm êm êm a. Khâ leh chen kha a nun Isuâ hnênah a hlân
mai duh lo va, tawhsual a tawh chinah erwh chuan nghâk khawtlâi
thei a ni lo tih a inhre chhuak ta a ni.
“A hmâ daih khân baptisma chang tawh tûr ka ni nâa lê,
mahse ka tîm deuh tlat sî a. Ka thil tih tûr rêng rêngah fîmkhur
ngaiin ka hria a, chuvâng chuan ka nghâk rei ta deuh a ni. Tawh
sual ka tawh hnûah erawh chuan nghâk reng thei ka ni ta lo tih
ka inhria a. Eng nge lo thleng leh dâwn pawh tû mahin an hre sî
lo,” tiin a sawi.
Ani chuan university-ah baptisma a chang a.
Terrance-a chuan a chêtsualna a\anga zirlai dang a zir chhuah
chu caffein awmna thingpui in bânsan a ni bawk.
“Ka chunga thil thleng chungchâng hi a thupui siam dâwn
ilang chuan ‘Ka Nuna Thingpui Man To Ber’ tih a ni ngêi ang,”
23
a ti hiâl a. “A man a to viâu rêng a ni. Thil tam tak ka chân phah
a. Mahse, tûnah chuan, ka nun ka inenlêt hian, a lo manhlâ tho
ve ka ti thei a. Pathian hnên a\anga zirlai ka zir a ngai a. Kawng
dika hruai lêt ka nih a ngai a ni,” tiin a sawi \hîn.
|halaite hnêna a thurâwn chu, tluâng tak a ni: “Hê leia mi
tinte tân Pathianin ruâhmanna a nei \heuh. Chû chu A hriattîr
hmâ loh che u chuan A beidawng mai dâwn lo. Hmalam hun
thim tak nei anga i inngai a nih pawhin, Jeremia 1:5-a ‘Chhûla
ka din hmâ chein ka hria che,’ tih kha hre reng ang che. Ka lo
harh leh tâkah khân hê thû hi ka sawi nawn fo \hîn a. I beisei
loh zâwng taka A khawngaihna leh zahngaihna i dawn theih nân
Pathianin ruâhmanna a nei a ni.”
India rama Bengaluru khawpuia Lowry Adventist University
campus-a Central English Church sak nân a kal dâwn a ni.
Thawhlawm phal taka in thawh dâwn avângin lâwmthû kan sawi
lâwk a ni e.
By Andrew McChesney
Bengvârna Thû
bit.ly/sud-2024.
khat nun nei tûra zirtîra siamna” tih chu a phur chhuak a ni. Hriat belh
duh tâna luhchilh theihna: IWillGo2020.org.
24
HMEITHÂI FANEI LO HLIMTHEI
Nepal Ratnamaya
N EPAL
a.
rama RATNAMAYA-i chuan kum 13 a nihin pasal a nei
Kum tam tak an inneih hnû pawhin nâu a pâi ta rêng rêng
lo mai sî a ni.
An khuaa mîte chuan hming chhe deuh deuh an phuahsak
a. Chhûngkhat leh \hiante chuan ânchhe dawn vângah an ngai
mai a.
A pasal pawh chuan ani chu mawhchhiatin, zû a in vak
vak mai a.
Ratnamaya-i chu a lungngâi êm êm a. Thil dang zawng âia a
duh chu fa neih a ni. Nâu a pâi theih nân theihtâwp a chhuah a.
Mahse eng a ang thei chuâng sî lo.
Thil a ziâawm chho dâwna a lan lai takin, a pasal chuan a
thihsan ta thut mai sî a.
Ratnamaya-i lungngaihna chu a zuâl sauh a. Tûnah chuan
hmeithâi, fa nei lo nih hrehawm thuah hnih a tuâr a. A khuâ lah
chu a har thei êm êm a. Mi dangte chu tû leh fâte nên hlim taka
chêng ho angin an hmu bawk sî a ni.
Chutah Covid-19 hripui a lo lêng a, thla eng emawti chhûng
khuahkhirhna hnuaiah a awm a. Dam thlâkhlelhna êm êm pawh
a nei zui tawh lo.
Chutih lai chuan an laichîn pakhat chu a chênna in tê tak tê
kawtah a lo ding a. Khuahkhirhna pawh
tlêma thlah zal a ni ta bawk nên, biak ina
inkhâwm vê tûrin a sâwm zui a.
Ani chuan, “Rawn inkhâwm vê rawh.
Th i l t ha r t am t ak i h r i a t b â k a h ,
thilthlâwnpêkte pawh i dawng thei ang,”
tiin a sâwm a.
25
Hripui lên chhûng khân kohhran chuan a mamawh zuâlte
tân buhfâi leh mutbu lum an sem \hîn a.
Ratnamaya-i pawh chuan inkhâwm vê tûrin thutlûkna a siam
a.
Sabbath inkhâwm vêl chu mak a ti viâu mai a. Ani hi Kristian
ni lo, sâkhaw dang chhûngkuaa seilian a ni a; tûn hi Kristian
program neihnaa a tel vê \um khatna a ni. An Pathian fakna
hlâte chu a tuipui hlê a, Isuâ chanchin an sawi a ngaihthlâk chuan
a rilru chhûngah chuan thlamuânna a nei a.
Inkhâwm hote chuan Ratnamaya-i chu chibaibûkin, \ha
takin an lo be hlawm a.
Mî tû mahin an hmusit lo leh be nawmnah lo chu mak a ti
zâwk a. Fa nei lo va hmeithai a nihnaah pawh tû mahin ani
chu an dem vê lo.
Mi tinte chuan ngilnei leh \awngkam \ha takin an biâ a.
Khâ Sabbath a\ang kha chuan, kohhrana hmeichhe eng
emaw zât chuan Ratnamaya-i chênna in chu an tlawh \hîn a.
A hnênah Bible thû zirtîrin, an \awng\aisak \hîn a.
Ratnamaya-i chu pelh hauh lo vin Sabbath apiangin a
inkhâwm zui ta zêl a.
A inkhâwm apiang chuan a rilrû a nuâm huâi zêl a, tlângnêl
takin inkhâwm hote chu a be vê \hîn a. Isuâ chanchin a ngaihthlâk
phei chu a ngaina zuâl êm êm a ni.
Tûnah chuan a lunglên leh khawhar pawh a ziâ ta. Engtik lai
maha a la neih vê ngai loh, Isua-a hlim leh lâwmna chu a chang
ta a ni. Khawvêla mi hlim ber ni hiâlin a inhre ta a ni!
Ani chuan, “LALPAN ka thinlungah Amâ muânna min pê a.
Ka nuna thil min tihsak zozâi avâng hian Pathian hmangaihna
chungah ka lâwm bâng thei lo,” tiin a sawi.
Tûnah hian, Ratnamaya-i chu kum 65-a upa ni tawhin, a
Kristian rinna chu a la \hang zêl a.
Ani hi sikul a lût vê ngai lo va, ziak leh chhiar pawh a thiam
lo. Mahse, kohhran hmeichhiate nên Bible zir bâkah, Seventh-
26
day Adventist Kohhran tihchhuah radio podcast chu a ngaithla
\hîn a ni.
Ani chuan, “LALPAA ka \han zêl theih nân min \awng\aisak
zêl tûrin ka ngên che u a ni,” a ti a.
Ratnamaya-i Bible châng ngainat pakhat chu, Filipi 4:4-a
Paulan, “LALPA-ah chuan lâwm fo rawh u, ka ti leh \hîn ang
lâwm rawh u!” tih hi a ni.
“Kei hian pasal emaw, fâ emaw pawh ka nei lo va, mahse,
ka LALPA leh Chhandamtua ka lâwm miâu avângin ka khawhar
ngai tawh lo. Ka LALPA chuan min awmpui reng a, Ani chuan
thil dang zawng âiin min hmangaih a ni,” tiin a sawi.
Nepal rama naupang ziak leh chhiar thiam zirna tûr elementary
school din nân a kal dâwn a ni. Thawhlawm phal taka in thawh
dâwn avângin lâwmthu kan sawi a ni e.
By Andrew McChesney
Bengvârna Thû
x ‘Ratnamaya’ lam dân tûr: RAT-na-maya.
bit.ly/sud-2024.
27
S ABBATH 8 FEBRUARY 24, 2024
ISUA TÂWK
Nepal Rupamaya
R UPAMAYA-i nun chu a hrehawm hlê mai a. Ziâawm chho deuh

tûra a beisei laiin, eng a ang thei chuâng bawk sî lo.
Rupamaya-i hi Nepal rama hnam hnuaihnung, ‘Tawhthiang
lo’ chhûngkuaa piang a ni a. Pian leh mûrna a\angin ani chu a
damchhûng zawnga mi bawlhhlawh niin, mi bawlhhlawh thihin a
la thi dâwn sî a ni. A laka fa lo piangte rêng rêng pawh chu mi
bawlhhlawh an ni zêl dâwn a ni. Tawhthiang lo a nihna chu
amahah a bet tlat a, ran tluk leka ngaih a ni reng dâwn a ni.
Tawhthiang lo a nih angin, Rupamaya-i chu sikul a lût thei
lo va, ziak leh chhiar pawh a zir vê thei hek lo.
Kum 14 a nihin pasal a nei a. Nepal ramah chuan tleirâwl
têa pasal neih hi tih dân phung rêng a ni.
Pasal a neih hnû pawhin a nun chuan hmâ a sâwn chuâng lo.
A pasal hian ram a nei lo va, chuvângin khawsak theih nân an
nûpain an inhlawh \hîn a. Rupamaya-i chuan fâ pasarih a nei a.
Chûng chu a châwm vek thei bawk sî lo. An lo \han len deuh
chuan, an laichînnte leh mi dangte ina inhlawh tûrin an tîr bo zêl
\hîn a ni.
Chutah a fapa kum 2 mî chu khawsik sângin a thi ta mai sî
a ni.
Chûmi hnû chuan a fapa pahnihte chu khawpui danga an
farnu hnêna a tirhin an bo daih mai a.
An farnû hi hotel-a thawk a ni a, lehkha
a rawn thawn dânin, an chhûngkaw tân
sum tlêm a khâwl tih a sawi a.
Rupamaya-i chuan a fapa pahnih, kum
11 leh 13 mîte chu pawisa lam tûr chuan
a tîr a. Mipa naupangte chuan an farnû
chu an va hmû a, bus-a chuângin, hâwng
28
tûrin an inmang\hâ leh ta a. Mahse, in an lo thleng ngai ta rêng
rêng lo mai sî. Tû emaw hian bus chuan accident a tâwk tih a ni.
Chû hmun chu Rupaymaya-i chuan a va zawng a, mahse anni
chu a hmu sî lo.
Chutah vânduaina an tâwk leh a. A pasal chu a awm a nuâm
lo va, mahse an chhûngkua chuan doctor râwnna tûr sum an nei
bawk sî lo. Tichuan a thi ta a ni.
Tawhthiang lo nih chu a buaithlâk hlê mai a. Chutih nâka
laiin, hmeithai nih lek phei chu a mangan thlâk lehzual a ni.
Tawhthiang lo dangte meuh pawhin an hmusit tlat \hîn a ni.
Kumte a lo liâm a, Rupamaya-i chu a lungngâi êm êm a. A
tâwpah phei chuan hnâ a thawk thei lo va. Hnâ a thawh loh
chuan chaw ei tûr takngiâl pawh an nei dâwn sî lo. Ani hian
chaw-ei pawh a duh lo va. Khumah mûin, a pasal leh fâte pathum
a chân tâkte chu a ngaihtuah a. A nun chu a inchhîr hlê mai a.
Mahnî intihhlum hiâl a rilrûk a.
“Engah nge ka nû khân min lo hrin rêng rêng le âw? Engati
nge hêng thil zawng zawng hi keimâ chungah a lo thlen lê?” tiin
a ngaihtuah a.
Chutih lai tak chuan an inah mikhuâl hmêl a lo lang a. Tirtha-
i hi Seventh-day Adventist Kohhrana volunteer hna thawk a ni
a; Rupayama-i chanchin a hriat hian tlawh tûrin a lo kal a. Ani
chuan chaw-ei tûr leh damdâwi a rawn ken a. A \awng\aisak
bawk a.
Ani chuan, “Rawn inkhâwm vê rawh. Kan lo \awng\aisak
ang che,” tiin a sâwm a.
Tirtha-i chuan a rawn tlawh nawn fo \hîn a. Rupamaya-i
chuan a rawn tlawh leh hun tûr chu nghâkhlel takin a lo awm a.
Châw te, damdâwi leh \awng\aisak nihte chu a lâwmzâwng tak
a ni bawk a. A thinlungah chuan beiseina a nei thar a, hetiang hi
kum eng emawti chhûng chu a nei tawh ngai lo. Adventist biak
inah a inkhâwm vê ta \hîn a.
29
A hnû kum riatah, Rupamaya-i chu Seventh-day Adventist
rinawm tak a ni a. Ani chu tûnah hian kum 65 mi niin, a fapa
zînga pakhat leh nupui bulah chuan a khawsa vê a ni. Amâ
zârah anni pawh chuan Adventist kohhran an zawm vê ta a ni.
Rupamaya-i chuan thil engkim a chân nâin, Isua a neih tâk
avângin a hlim hlê thung a. Mi \henkhat chuan ‘tawhthiang lo’
angah an ngai nâin, Isuan a thinlung a khawihsak avângin a
thinlung chu a hlim hlê a ni.
Ani chuan, “Ka pasal leh ka fapain min thihsan a, ka fapa
pahnih an bo bawk a. An chungah eng nge thleng tih pawh kum
30 chhûng hian kan hre lo. Engkim ka chân tawh nâin, keimâ
nunah Isua ber chu ka nei a. Isuâ lo kal leh hunah chuan ka
chân tâk zawng zawngte kha ka hmu leh ang tih beiseina ka nei
tlat a ni,” tiin a sawi \hîn.
Nepal rama naupang ziak leh chhiar thiamna zirna tûr elementary
By Andrew McChesney
Bengvârna Thû
x ‘Rupamaya’ lam dân tûr: RUPA-maya.
|hanna Tûra chêtna tûr ruâhmana No. 5, “Mi mal leh chhûngkuate
chu thlarauva khat nun nei tûra zirtîra siamna” tih chu a phur chhuak
a ni. Hriat belh duh tâna luhchilh theihna: IWillGo2020.org.
30
SABBATH 9 MARCH 2, 2024
CHÛ NÎ CHU NGHÂKIN
Nepal Sukamaya
S UKAMAYA -i fapa chu a hlimna a ni. Nepal rama nausên

mipa naupang Shyam-a hi Sukamaya-in kum 16 a nih kuma
pasal a neih hnû lawka piang a ni.
Mahse Shyam-a thla 8-a upa a nihin, kaw\ha lo veiin a dam
lo va. Sukamaya-i chuan a pasal chu bâwlpû (shaman) hnêna
\anpuina dîl tûrin a pasal chu a ngên a. An tlâng ram khuaah
chuan doctor leh damdâwi in pawh a awm vê lo va. Mî tû pawh
a dam loh chângin bâwlpû hi an ko \hîn a ni.
Bâwlpû chuan, “Thlarau sual chu an chhûngkaw chunga a
thinrim avângin, thlarau thinrim thâwi dam nân vawk hmanga
inthâwi a ngai ang,” tiin a hrilh a.
Mahse mî tû mahin vawka inthâwina hun an nei ngai lo.
Sukamaya-i leh a pasal chuan bâwlpû an biak lai chuan, nautê
chu a malchungah chuan a thi ta mai sî a ni. A rilru nat dân chu
a namên lo hlê mai.
Sukamaya-i chu a thidang ta hiâl a, nîkhaw hre lo vin ni
thum chhûng a awm zui a. A lo harh leh chuan, eng mah ei leh in
a duh lo va. Dam zui zêl pawh a duh lo.
A pasal leh \henawmte chuan fuih phûr tumin an bei a. A
hnênah chuan, “Fapa dang pawh i nei leh mai thei a sin,” an ti a.
A hnû kum khat vêlah, Sukamaya-i chuan fanû a hring a. A
hmingah chuan a fapa hming châwiin,
Shyam-i tiin a sâ a. A hlim hlê mai a.
Dam chhan nei tâin a inhre vê a. A fanu
enkawl tûra a dam vê zêl a ngai a ni.
Chuti chungin, Sukamaya-i pasal
chuan a fapa thih hnû a\ang khân zu in a
chîng thar a. Zâwi zâwiin sum tlâkchham
harsatna an hmachhawn zui ta a ni.
31
Chutih laiin, Sukamaya-i erawh chuan hmangaih leh duât
takin Shyam-i chu a enkawl a, ani chuan kum 20 a nihin pasal a
nei a. An khuaa an laichîn hnâi lutuk lo chu pasalah a nei a ni.
A fatîr a pâi laiin Shyam-i chungah vânduaina a thleng hlauh
mai a. Tlâi khat phei chu a dinhmun a \ha lo viâu mai. Damdâwi
thiam enkawlna a mamawh nghâl a. Mahse, an khuaah chuan
damdâwi lam thiamna nei emaw, hospital emaw pawh a awm
bawk sî lo. Khuaa mîte chuan hlâng (inzâwnna) siamin, Shyam-
i chu khaw dang thlengin an zâwn a. Kawng mûmal pawh a
awm lo va, dârkâr lî lai an thang a ni. Khaw \henawmah chuan
kawng a awm a, chutah chuan ambulance-ah hlângin, hospital
awmna khawpui hnâi ber an pan zui a. Kawng lakah chuan a thi
ta mai a ni.
Chû thihna chu Sukamaya-i chuan a tuâr na hlê mai a. Ni
eng emawti chhûng chu an nûpâin nasa takin zû an in dûn a.
Thihna leh thimna hian thlâ a zâr hnan ni maiin a lang. Shyam-i
vuinaah chuan an nûpâ chu an \ap bâng hlei thei lo. Anmahni
hnem tuma beitute zîngah chuan Seventh-day Adventist pastor
a tel vê a. An fa neih chhun pahnihin an thihsan thûte a hriat
chuan, anmahni hnêm tûrin theihtâwp a chhuah a. A Bible
kêuvin, Isuâ thusawi: “Pathianin khawvêl A hmangaih êm êm a,
chutichuan A Fapa mal neih chhun A pê a, Amah chu tû pawh
a ring apiang an boral loh a, chatuana nunna an neih zâwk nân,”
(Johana 3:16) tih thû kha a chhiar a.
Bible châng chuan Sukamaya-i ngaihtuahna a tibuâi hlê a.
Ani hian a hrethiam vê chiah lo. Mak erawh a ti a, “Engtin nge
Isua ringtûte chu an thih ngâi loh theih bîk ang le?” tiin a
ngaihtuah a.
A rilru buâi chu hmûin, pastor chuan Luka 8:52-a Isuâ
thusawi: “|ap suh, a thi lo ve, a muhîl mai a ni,” tih kha a
chhiar leh a.
Sukamaya-i chu a thlâ a muâng deuh ta huâi a. A fanû
Shyam-i chu a muhîl mai a ni thei ang em? Hriat belh a châk et
32
et a. Mi thi vui a\anga ni eng emaw zât hnûah chuan chû thû chu
hrilh fiah chiang deuh tûrin pastor chu a ngên a. Bible zirna chu
an nei \an dûn ta a ni.
Bible zirna an neih \um khat chu, pastor chuan a hnênah,
“Isuâ lo kal leh huna i fâte kha hmuh i duh ang em?” tiin a zâwt
a.
Sukamaya-i chu a meng phâwk deuh a. “Teh rêng mai!”
tiin uâr takin a chhâng zui a.
A thinlung chu Isuâ hnênah a hlân ta a ni.
Tûnah hian, Sukamaya-i chu Adventist rinawm tak a ni ta.
Isuaa beiseina a neih thû chu a pasal hnênah a hrilh vê \hîn a,
ani chuan a bengkhawn duh vak lo. A zungawl vei chu a hun lo
takah a thihpui ta a ni.
Sukamaya-i chu amah chauhin a chêng a, mahse mahni maia
awm a ni lo tih a inhre thung a. Isua nên an chêng dûn tih a
inhria a ni. Isua chu a lo kal leh thuai ang a, a fâte thi tawh pawh
A kâitho dâwn tih a hriat avângin a hlim êm êm a ni.
Ani chuan, “Anni chu ka fâte, ka thinlung an nih avângin ka
kuah vawng vawng ang. Kristian ka nih chhan pakhat chu,
anmahni hmuh leh ka beisei vâng a ni. Chû nî chu ka nghâk mêk
a ni,” tiin a sawi \hîn.
Nepal rama naupang ziak leh chhiar thiamna zirna tûr elementary
By Andrew McChesney
Bengvârna Thû
x ‘Sukamaya’ lam dân tûr: SUKA-maya.
bit.ly/sud-2024.
33
S ABBATH 10 MARCH 9, 2024

AW MAK TAK
India Rex
K UM 1980 vêl khân India rama pa pakhat chu chawhnu chawlh

laiin âw hian a kâi tho va.
“Vawiin hian thi dâwn ta la, eng nge i tih ang?” tiin âw chuan
a zâwt a.
Pâ ngaihtuah chu a buâi nak mai a. Inah chuan tû mah awm
vê âwm pawhin a hre bawk sî lo. A’n hawi kuâl vêl a. A hnêna
thusawitu chu hmuh tumin a’n melh kuâl deuh ruâi a. Mahse,
inah chuan tû mah a hmu bawk sî lo.
Pâ ngaihtuahna chu a tibuâi deuh a. “Tûin nge min biâ?” tiin
a âu chhuak a.
Tû mah lah chuan an chhâng bawk sî lo.
A ngaihtuahna chu a buâi ta deuh deuh a.
|awng\aiin, “LALPA, tûin nge min biâ hriat ka duh e,” tiin a
dîl a.
Mahse, chhânna awm lo vin a reh hmiah mai sî. Tih ngaihna
rêng a hre lo.
Dârkâr khat leh a chanvê vêl a ral a. Chutah pa chuan
kawngka kik rî a hre ta a. Pâwnah chuan Seventh-day Adventist
lehkhabu zuâr chu a lo ding reng a.
Pâin a’n hmuh chuan mak a ti deuh
a. Ani hian a hmâ pawh khân kawngkâ
hi a lo kik tawh a, chû chu chhûn thil ei
hmâ deuh lawk khân a ni. Ani chuan a
chhûn thil ei tûrte a ei zui a. Chû pain
minit rei vak lo chhûng Bible thû a hrilh
chu a ngaithlâ a. Mahse, chutah chiah
34
chuan kawngkâ chu nghet takin a khâr zui a. Bible chu a chhiar
emaw, a bû pawh a nei chuâng lo nâin, Kristianah a inngai tlat
tawh a. Chuvâng chuan chû pâin Bible chungchâng a sawi pawh
chu a tuipui vak lo rêng a ni.
Âw a hriat chinah erawh chuan, pa chuan lehkhabu zuâr
chu hmuh a châk ta riâu mai thung a. Bible chungchâng hriat
belh zêl a châk a. A thil sawi ngaithla tûrin a inpeih sa diâm a ni.
Pain a hriat ngai loh thil eng eng emawte chu lehkhabu zuâr
hnên a\angin a ngaithlâ a. Chû pa chuan a kalsan hnû chuan
thutak chungchâng hriat belh zêl tûrin thutlûkna a siam a. Bible
neih vê ngêi pawh a duh a. Pa chu an puithiam hnênah kalin,
Bible chu a lei a. A man a tlâwm lêm lo khawp mai. Pa chuan
sum tam tham tak a sên phah ta a ni.
Pa chuan taima takin Bible a chhiar \an a. A han chhiar
tâkah chuan zawhna pathum hian a ngaihtuahna a tibuâi deuh
tlat mai a, chûng chu puithiam hnênah a zâwt a.
Ani chuan, “Engati nge milim chibai bûka kan kûn \hin?
Engati nge Sunday nî kan serh?” tiin a zâwt a.
Puithiam chu a lâwm lo viâu mai. “Hei vâng hian a lâwm
mipuite hnêna Bible kan pêk duh loh rêng ni,” a ti zui a.
Pa pawh chu a lâwm bîk lo. Puithiam chhânnaah chuan a
lungâwi zo hauh lo va, chuvâng chuan puithiam lâwina biak inah
pawh chuan a inkhâwm zui duh ta lo va. A nupui leh fapa pahnih,
kum 16, leh kum 10 mîte chu Sunday ni serhtû kohhran dangah
a inkhâwmpui ta zâwk a.
Chuta \anga rei vak lo vah, Adventist hoten chû khuaah
chuan beihpui thlâk inkhâwm an nei a. Ani chuan thuhriltû
hnênah chuan zawhna pathum a neihte chu a thlen a. A chhânna
ngaithla tûrin a chhûngte chu a hruai a. Ani chuan milim chibaibûk
leh Sunday nî serh a nih chhan chu thuhriltû hnênah chuan a
zâwt a.
Thuhriltu chuan Bible a\angin zawhnate chu a chhâng a. Pa
leh nû leh an fapa pahnihte chuan Adventist Kohhran chu an
zawm tlâng ta a ni.
35
An laichînte leh an \henawmte chu an hlim lo hlê mai a. Pa
chuan ûnaupa panga leh farnû pahnih a nei a, anni chuan biak
pawh an be duh lo. |henawm vêla mîte chu tûnhma lama an
lâwina kohhran member kha an ni vek hlawm a, biak pawh an
be duh hlawm lo. Sabbath chawlh a neih theih sî loh avângin a
hnâ pawh bânsan lo thei a ni ta lo.
Kum eng emawti chhûng chu an chhûngkaw nun chu a harsa
vê hlê a. Chutih chhûng chuan, an nûpa chuan an fapa naupang
zâwk, Rex-a chu sorkar sikul a\anga la chhuakin, Adventist
boarding sikulah an luhtîr a.
Rex-a chu kum 12 a nihin, E. D. Thomas Memorial Higher
Secondary School-ah a lût a. Chuta \anga kum 6 chhûng chu
lût zui zêlin, a thinlung chu Isuâ hnênah a hlân a. A zir chhuah
hnûah, Spicer Memorial College, tûna Spicer Adventist
University ni tâah hian lûtin, pastor-ah a \ang ta a ni. Tûnah
hian, ani chu Southeast India Union of Seventh-day Adventist-
a Sabbath School director-ah a \ang a.
Amah thihsantu a pa pawh kha Isuâ tâna nung \hîn a ni a.
Ani khân an khuâah Adventist kohhran dinin, a hnûah Bible
worker hnâ a thawk a. Kohhran dang din belhin, Isua hnênah
mi dangte pawh a hruai hlawm a ni.
Rex-a chuan kum 40 kal ta a a pâ chhûn chaw ei tûr âwin a
tihbuai avâng khân a lâwm hlê mai a. A nû leh pâten Adventist
boarding sikula an luhtîr avâng pawhin a lâwm bawk a. Chûng
thil pahnihte avâng chuan a nun hi a lo danglam ta ni ngêiin a
hria a ni.
Ani chuan, “Hê sikul zir chhuak ka ni hi ka inchhuâng hlê a.
Hê sikul hian thutak min zirtîr a, tûnah chuan Pathian chhiahhlawh
ka lo ni ta a ni,” tiin a sawi.
Rex-a luhna sikul, Thanjavur khua E. D. Thomas Memorial
Higher Secondary School hmeichhe hostel sak \hat nân a kal
36
dâwn a ni. Thawhlawm phal taka in thawh dâwn avângin lâwmthu
kan sawi a ni e.
By Andrew McChesney
Bengvârna Thû
x Rex-a hming pum hi Rex Sahayaraj a ni.
rawngbâwlna tharthawh leh, rawngbâwl nâna thawhlawm thawh
bâkah, pastorte chauh ni lo, kohhran member tin, \halai leh upa lamte
chena Kristâ tâna thuhretûa \an leh, zirtîrahte siam” tih leh; No. 5,
“Mi mal leh chhûngkuate chu thlarauva khat nun nei tûra zirtîra
siamna” tih te, No. 6, “Naupang te, \halai te leh vânglai hun hmang
mêkte pawhna, chelh nghehna, huâng a seng luh lehna leh
rawngbâwlnaa inhmanna puntîr” tih chu a phur chhuak a ni. Hriat
belh duh tâna luhchilh theihna: IWillGo2020.org.

KIM LO PATHIAN
India Jharendra
I NDIA hmâr-chhak lam, China ramri hrûl lama thing tlâng khaw
tê tak tê, Jharendra-te chênna khuaa mîte hi an inhre kim
tlâng hlawm hlê a. An pathian biakte pawh an in\âwm tlâng
a. Chû khuaa mîte chuan lung leh thing pathiante an be \hîn
a. Isua pawh chibai an bûk a, nî leh
thlâte pawh chibai an bûk tho bawk
a. Sâkhaw kût chawlh an neih chângte
hian, tempulah te, biak inah te, leh
kawtthlêrah te a lawmna an nei \hîn a
ni.
Ni khat chu, kum 12 mî Jharendra
chuan an khuaa dâwrte chu en kuâlin,
37
Isuâ lem mâwi tak an târ chuan a mit a la hlê mai a. Chû milem
chu kraws chunga Isua khenbeh lai lem a ni. A lehkha puân lah
chu a \ha hlê mai a. Jharendra chuan chu milem chei mâwi a nih
dân chu chîk takin a en a. Ina hawn ngêi a duh hlê mai.
Jharendra hian Isuâ chanchin hriat a nei meuh lo. Isuâ
chanchin a hriat zawng chu Ani chu Thiltihtheihna nasa tak nei,
an khuaa mîten chibai an bûk pathian tam takte chunga lêng
Pathian a ni. Ani chuan poster chu a lei ta a ni.
Ina a hâwn chuan, chû poster mâwi tak chu khawiah nge a
dah ang tih a hre mai lo va. An chhûngkua chuan sâkhaw biakna
hmun bîk an nei tih a hre reng a. Chutah chuan, an chhûngkaw
pathiante lem frame eng emaw zât a awm a. Chutah chuan nî
tinin nû ber chu chibai bûk tûrin a lût \hîn a. An chhûngzînga mi
dangte pawhin chûng pathiante chu chibai an bûk vê bawk \hîn
a.
Mahse, chutah chuan Isua lem chu a awm vê miah lo va.
Jharendra chuan Isua lem poster chu a hmuh fo theih nân bangah
khân a rilrûk a.
Tichuan, ina a hâwnin, a pâ tuboh leh perek a lâ a. Milem
khâina tûra banga perek a khen lai chuan a nu a lo lût a.
Jharendra hnênah a lo kal a. Eng mah sawi lo hian a biangah
chuan a bêng ta sawk mai a.
Jharendra a bianga benna chu nâ a ti hlê mai a. “Engati nge
min ben?” tiin a zâwt hâ a.
Chutianga hrem a nih chhan chu hriat a duh tlat a ni.
A nû chuan Isua lem chu kâwk chungin, “Ni e, Ani chu
Pathian a ni, mahse kan Pathian a ni vê lo. Milem kha la thla vat
rawh,” a ti a.
Jharendra chuan banga perek chu a phâwi a, a nû hmuh lai
chuan a milem târ chu a la thlâ a. Chutah a nû chuan pindan chu
a chhuahsan nghâl a.
Jharendra chuan a nûin chuti taka Isuâ lem pathiante zînga
târ a phal lo chu a hrethiam mai lo. Mahse, chû milem chu a
38
paih bo mai tûr a ni lo va, a pawhdawhah a dah ta zâwk a. Ani
chuan Isua chu chibai bûk phû, chibai bûk ngâi a ni tih hriatna
a nei a. Poster chu phawrhin, chibai bûkna pindan kawng
chu kawngin, pâwnah a chhuak a. Kawngka a\anga thlîrin,
Isuâ lem mâwi tak târna tûr a melh a. Perek chu lâin, poster
lu lamah chuan a’n kilh a. Lêt lehin, a thil tih chu a ngaisâng
hlê mai a. Ka nûin chibaibûkna pindan a pathian lemte zînga
Isua dah kha a phal sî lo va, tûnah chuan a luh leh chhuah
zâwng apianga Isua lem a hmuh theihna tûr laiah chuan a târ
sî a. Chibai bûkna pindana lût leh chhuakte chuan Isua chu
an hmu hmasa zêl dâwn a ni.
Chuta chinah chuan Jharendra leh a chhûngte chuan chuta
chin chu Isua an hmu thei ta zêl a. Chutiang chuan a lo upat
deuh thlengin a awm zui ta a ni. A nun a hlim loh châng
apiangin ani chuan Bible chhiarin, biak in hrang hrangah a
inkhâwm lâwr a.
A \hian pakhat, Seventh-day Adventist lo ni tawh chuan
Kristian sâkhua a tuipui tih a lo hriatin, a hnênah, “Kan kohhran
hi zawm i duh a nih chuan, Seventh-day Adventist Kohhran
hian thutak chu an nei a lâwm,” tiin a hrilh a.
Jharendra chu Adventist biak inah a inkhâwm a. Sermon a
ngaihthlâk chu ngaihnawm a ti a, baptisma a chan a dîl zui a.
Ani chuan kohhran dikah a awm tih a ring tlat a, pastor chuan,
“Bible zirna i neih zawhah baptisma chu i chang dâwn nia. Bible
zirna nei hmasa lo vin baptisma kan inchantîr nghâl ngawt ngai
lo,” a ti a.
Baptisma a chan hnûin, a chhûngte chuan an lâwm lo hlê
mai thung a. Mahse, vawiin hian duhthlanna dik tak a siam tih a
inhria a ni.
Ani chuan, “Kei hi kan chhûng zînga Kristian hmasa ber ka
ni,” tiin a sawi a.
A hnû kum eng emaw chinah a nâuin a rawn zawm vê a.
39
“Rilru sûkthlêk vâng maia Kristian sâkhua emaw, Isua emaw
i thlang a nih chuan, i rilrû tlêma a nat vêleh i zin kawng chu a
tâwp a ni nghâl mai. Mahse, zirtîrna behchhan leh rilrû fîm taka
Isua i pawm a nih erawh chuan, zin kawng i zawh zêl thei ang,”
a ti a.
hmangin India rama sikul paruk leh biak in pahnih sak a ni dâwn
a ni. Thawhlawm phal taka in thawh dâwn avângin lâwmthû
kan sawi e.
By Andrew McChesney
Bengvârna Thû
x ‘Jharendra’ lam dân tûr: ja-REN-dra.
bit.ly/sud-2024.
Tûra chêtna tûr “Thlarau Thianghlim hruaina zui zêl” tih chu a phur
chhuak a. Hriat belh duh tâna luhchilh theihna: IWillGo2020.org.

DAM VÂNGA HLIM
India Shiva
S HIVA chu India rama an pîpûte pathiante leh pathian nûte

hnênah chiah a \awng\ai \hîn a. Chû bâk tih ngaihna dang
pawh a hre chuâng lo.
A fanu puitling tawh, Arati-in Pathian dang, Isua an tih ring
tûra thutlûkna a siam \um chuan a ni hian mak a ti hlê mai a.
Shiva hi chuan Pathian thar chungchâng chu a ringhlel deuh tlat
thung a ni.
Mahse, a fanû Arati-i Isuâ hnêna \awng\ai a, a nuna
danglamna duhawm zâwk lo thleng a hmuhin a enghelh ta lo.
40
Chuti chungin, ani erawh chu
pathiante leh pathian nûte hnênah
chiah a la \awng\ai zui zêl tho va.
Ani hi kum upa lam ni tawhin,
Pathian thar han neih vêl chu a \ûlna
rêng a hre lo a ni.
Chutah, Shiva chu in chhûnga a
tlû a. A fanû chuan rang takin
damdâwi in a panpui a, ni tam vak
lo hnûah in lam enkawl tûrin a
hâwnpui a. Phone hmanga a \hiante a biakna a\ang chuan, amah
Shiva lo hrisêl leh theih nân an lo \awng\aisak a ni tih a lo hre
thei ta hlauh mai a ni.
Thla thum hnûah, Shiva chu a lo dam \ha fel leh ta a. Amâ
pathiante leh pathian nûte hnênah a \awng\ai zui zêl tho va.
Chutah chêtsualna dang a tâwk leh a. Hemi \um hi chuan
hospital-ah ni 15 lai a awm a. A nâkruh tê a tliah avângin doctor
chuan bed-rest nei hmiah tûrin a lo râwn a.
Ina a lo hâwn leh hnû chuan a hrisêlna a tla hniâm ta zêl a.
A fanu, Arati pawhin a hlauhthâwnpui deuh avângin
Seventh-day Adventist lifestyle center lamah a hruai a. Chuta
Adventist doctor enkawlna hnuaiah, Shiva chu tlêm tlêmin a lo
ziâawm chho hret hret a. Chuta Shiva enkawltu tlangvâl chu
Mark a ni. Shiva pawh Mark-a chungah a lâwmthiâm hlê a. A
enkawl dânah, a dimdâwi thiamin, ngil a nei hlê rêng a. Amâ
zârah chuan Shiva chuan Isuâ hmangaihna lo hrethiam \anin,
Mark-a zârah Isuâ hmêl a hmu ta a ni ber mai.
Chû center-a thla lî a awm chhûng chuan Sabbath nî hian
Shiva chu a inkhâwm vê ziah \hîn a. Isuâ chanchin hriat belh
zêlin, Sabbath thutak pawh a lo hre ta bawk a. Eitûr \hâ ei
pawimawhnate pawh a manthiam vê ta zêl bawk a ni.
Ni khat chu, mi khualin thû a hril chuan Shiva thinlung a
khawih hlê mai a. A thinlung Isuâ hnêna hlan châkna riâu a nei
ta a ni.
41
Mahse, vânduaithlâk takin chhûngkaw buâina thil vângin
Shiva chuan thlarau lam thil a ngaihtuah zui thei mai lo va. Isuâ
hnêna thinlung hlan a châkna pawh a bo duâk a. A hrisêlna
pawhin a tuâr leh ta hlê mai a ni.
Adventist doctor leh Mark-a \anpuina zârah, Shiva hrisêlna
chuan hmâ a lo sâwn leh ta a ni.
Chutah chiah chuan Shiva chuan thil awmzia a manthiam ta.
Isuâ hnên lam a hawisan apiangin a hrisêlna a tla hniâm a. Mahnî
kawng a zawh apiangin, chêtsual leh harsatna a tâwk \hîn tih a
inhre ta a ni.
Mahnî kawng zawha kal tawh lo tûrin Isuan A duhsak tih
hriatna a nei a. Amâ bula awm reng tûrin A ko tih inhriatna a
nei bawk a.
Shiva chuan a thinlung Isuâ hnêna hlân nghâl tûrin thutlûkna
a siam ta a ni. A fanû chu ko vin, “Naktûka ka thih hmâin,
vawiin hian Isua chu keimâ mimal Chhandamtua pawh nghâl
\ha zâwkin ka hria,” tiin a hrilh a.
A chêtsual hmasak a\anga thla 10-na chiahah, Shiva chuan
a thinlung chu Isuâ hnênah a hlân ta ngê ngê a. A nun hlui suâl
chu simna tuiah tlen fâi a lo ni ta a ni. Kum 78 mî ni tawh mah
se, India ram lui pakhat a\anga a lo tho chhuak leh chu Kristâ fa
thar a lo ni ta a ni.
Tûnah hian Shiva chu pathiante leh pathian nûte hnênah a
\awng\aingai ta lo va. Vân Pathian nung hnênah chiah a \awng\ai
ta zâwk a ni.
Ani chuan, “Isuan meizûk sim tûr te, thingpui (black tea) in
bânsan tûrin min \anpui a. Tûnah chuan ka rilrû a nuâmin, ka
taksa pawh a hrisêl zâwk bawk a; nî tin \um thum ka \awng\ai
ta \hîn a ni,” tiin a sawi. Isuan tûn thlenga a la damtîr avângin
lâwmthû a sawi a ni.
Heti hian a la sawi zawm a, “Ka fanûin khâ lifestyle center-
a min hruai avâng khân Isuâ chungah ka lâwm êm êm a ni. Chuti
42
ni lo sela chuan, Isua hriatna ka nei lo vang a, keimâ mimal
Chhandamtu-ah pawh ka pawm kher lo vang,” tiin.
Sabbath School Rawngbâwlna thawhlawmte phal taka in
thawh \hin zârah India leh khawvêl pum puia mîten Isuâ
hmangaihna an hriat theihphah avângin lâwmthu kan sawi a. India
ram hmun hrang hrang leh Nepal rama project hrang hrangte
tihpuitlin nân, kâr leha Thirteenth Sabbath Thawhlawm phal taka
in thawh dâwn avâng pawhin lâwmthû kan sawi lâwk a ni e.
By Andrew McChesney
Bengvârna Thû
x ‘Shiva’ lam dân tûr: SHEE-va.
x ‘Arati’ lam dân tûr: ahr-TEE.
|hanna Tûra chêtna tûr ruâhmana No. 5, “Mi mal leh chhûngkuate
chu thlarauva khat nun nei tûra zirtîra siamna” tih chu a phur chhuak
a ni. Hriat belh duh tâna luhchilh theihna: IWillGo2020.org.
43
RAWNGBÂWLNA RILRU PU |HALAI
India Nathan
L EBANON rama misawnari hnâ an thawhna a\anga an chhûngkua

India rama an lo kîr leh laiin, Nathana chu kum 6 mî a ni a.
Naupang tê a la nih avângin ram thim rawngbâwl emaw,
rawngbâwl lam hnâ emaw pawh a la tuipui vê lêm lo.
Mahse, kum 12 a lo nih tâkah erawh chuan thil a lo danglam
ta thung a. Sabbath nîa inkhâwmnaa naupang puâl
Rawngbâwlna Chanchin hi a tuipui êm êm a. Chû chauh ni lo
vin chutiang naupang puâl Rawngbâwlna Chanchin bu hluite
chu a chhiar ta \hîn a. Puitling puâl Rawngbâwlna Chanchin
pawh a chhiar ta zêl a. Chutiang a chhiarna a\ang chuan Pathian
tân eng emaw tih vê châkna thinlung a pu ta tlat mai a ni.
A rilrû tê tê chuan, “Keimah ang ruâl naupang dangte
Pathianin a hmang thei a nih sî chuan, kei pawh hi min hmang
thei vê ngêi ang,” a ti a.
Kum a lo vei a. Kum hnih a lo ral leh a. Chutah kum thum,
Nathana pawh kum 15 a lo ni a, rawngbâwl kawngah Pathian
tâna eng mah tih nei lo niin a inhre tlat mai a.
Chutah COVID-19 hripui lêng avângin India ram pum
inkhârkhip a ni zui a. Nathana pa hi pastor a ni a, a nû leh pâte
ngenna angin \halaite puâla online-a Bible zirhona nei tûrin a
huaihawt ta a ni. Chû pâwl chu kâr lohah member 15 an lo ni a,
naupang kum 10 mîte pawh an lo tel
vê ta zêl bawk a.
Chutah Nathana chuan a pâin a
nû hnêna, “Naupang tê lutuk chu an
tlâk vê lo. Pâwl hniha siam chî an ni
ang,” a tih chu a lo hria a.
Chûmi zâna Nathana khuma a mut
lai chuan, naupang tê deuh zâwkte
44
puâla Bible zir ho pâwl siam duhna rilru a pu vê ta a ni.
Tûk\huan einaah, a rilrûa thil awm chu a nû leh pâte hnênah
a hrilh a. Anni pawh chuan \hâ tihpuiin, \an nghâl thuai tûrin an
fuih phûr a. Nathana chuan an lehkhabûte chu a en kual ta zung
zung a. Chutah an inkhâwm apianga Arthur Maxwell-a lehkhabu
Bible Story tih chu chhiar \hîn tûrin thutlûkna a siam a; chû
bâkah, Linda Koh-i lehkhabu God Loves Me 28 Ways tih
pawh chhiar tel a tum ta bawk a.
An hmalâkna chu Pathianin mal A sâwm a. An chênna kiang
hnâi vêla naupang hote chuan Bible zirna neih chu nuâm an ti
hlawm a. Kâr tinin naupang 12 lai an lo tel \hîn a ni.
Tihbelh Zêlin
Nathana pawhin Bible zirna kaihhruai chu nuâm a ti a. A
tâwpah chuan Pathianin rawngbâwlna atân A hmang vê ta niin
a inhria a. Mahse, chû bâk pawh tih belh zêl a duh a ni.
Covid vânga khuahkhirhna hlih a nih tâk hnû khân, hmeichhe
naupang damlo pakhat, an \henawm vêla mi dangte leh ram hla
taka ramthim rawngbâwltûte tâna \awng\aina hlân \hîn sermon-
a an sawi thâwm a lo hria a. Thusawituin a sawi dân chuan, chû
naupang damlo chuan a thih hmâin thla thum chhûng chauh
\awng\aina hun a hmang hman nâin, mi tam tak nunah danglamna
nasa tak a thlen tho tih a sawi a.
Nathana chuan, “Kei pawh ka \awng\ai vê tûr a ni. Ka
zirpui te, ka \hiante leh \henawm vêla tleirâwl-râwlthar chho
mêkte tân ka \awng\aisak thei a ni,” tiin a ngaihtuah ta a.
Nathana luhna Seventh-day Adventist sikul pawhin class
an \an leh tawh a, chuta a zirpui tam tak chu Kristian ni lo,
sâkhaw dang betûte an ni.
Ani chuan tû tân ber nge a \awng\aisak ang tih a hre mai lo.
Kristian sâkhaw lama rilru inhawng deuhte chu \awng\aisak tûrah
a ngai phawt mai a. Anni chu lei \ha hmun angin a ngai deuh a
ni.
45
Nathana chuan mipa naupang pakhat, Arun-a chuan zîng
hunserh a zâi leh thusawi ngaithlâk chu nuâm a tî a ni tih a hre ta
a. Arun-a chu a \awng\aisak ta a ni.
Ni khat chu, Arun-a hnênah, “Kristian thilte i tuipui theih
nân ka \awng\aisak \hînte a sin,” tiin a hrilh a. Arun-a chu a lo
nui var var mai a ni.
Ani chuan, “Hêng hlâte hi sak nuâm ka ti a. Hmân deuh
khân Isua chu ka pathiante zînga pakhat ni tûrin ka lo pawm vê
tawh bawk a,” tiin a hrilh a.
Nathan-a chuan hriat belh zêl a châk a. A hnênah chuan,
“Engati nge i nû leh pâten hê sikul hi i luh nâna an thlan le?” tiin
a zâwt a.
Ani chuan, “Keini hi ram huânah kan chêng a, kan in a\anga
bus-a kal theihna sikul awm chhun chu Adventist sikul bus chiah
hi a niâ,” tiin a chhâng a.
Chutianga an tîtî dunna a\ang chuan an inngainâin, \hianah
an invuân ta tlat a. A remchân apiangin Nathana chuan Isuâ
hmangaihna thû a hrilh \hîn a. Chûng chuan rah a chhuah theihna
tûrin a \awng\ai zui bawk \hîn a ni.
Tih Ngaihna Awm Lo?

Nathan-an Arun-a hnêna Isuâ chanchin a sawi chuan,
naupang dang pakhat, Jai-a thung chuan an biak pathiante
thiltihtheihzia leh \hatzia chu \hahnemngai takin a pâwlte hnênah
a lo hrilh vê thung a. Jai-a chu an chhûngkaw rinnaah chuan
\hahnem a ngai hlê a, nî tinin an sâkhaw chhinchhiahna chu a
chalah a hrêng bawk a. Nathan-a hnênah meuh pawh an pathiante
a rin dân chu a hrilh vê \hîn a ni. Nathan-a chuan Jai-a chu
\awng\aisak vê lo tûrin thutlûkna a siam a.
Chutah ni khat chu, Nathan-a chuan worship neihnaah
keyboard a tum a, Jai-a chuan thiâm a ti hlê mai thung a. Nathan-
a chu fakin, an sâkhaw hlâ chu keyboard-a tumsak tûrin a ngên
thei ang em tih a zâwt a.
46
Nathan-a chuan hawihhâwm takin, “Pawi ka ti hlê mai.
Kristian rimâwi chiah ka tum \hîn a,” tiin a hrilh a.
Thla eng emawti chhûng chu Jai-a chuan Nathan-a chu a
be lo vang vang a. Nathan-a erawh chuan a \hian dangte chu an
thinlung Pathianin A dehsak theihna tûrin a dîlsak thung a.
Chutah, ni khat chu, Jai-a chu Nathan-a hnênah lo kalin,
“LALPÂ |awng\aina hi min zirtîr rawh,” tiin a ngên a.
Nathan-a chuan a thil hriat chu a âwih lo deuh hiâl zâwk a.
Ani ngaih dân chuan Jai-a chu lei \ha hmun ni tûrah pawh a ngai
lo va, \awng\aisak tlâkah pawh a ngai chiah lo a ni. Mahse,
chutiang lo zâwng chu a lo ni a, LALPÂ |awng\ai dân zirtîr tûrin
a ngên mauh sî a ni.
Nathan-a chuan Isuâ hmangaihna thû chu Jai-a hnênah a
hrilh \an vê ta a. Hun a lo liam zêl a, Jai-a chuan a pathiante
chungchâng pawh a sawi tawh ngai lo tihte a hre ta zêl a. Eng
emaw chângte chuan, a chal hrênna pawh a dah daih \hîn a ni.
Nathan-a chuan, “Kan LALPAN thutak dodâltu nihna thinlung
Jai-an a put chu a lâk bo sak ta a. Nakin lawkah chuan kan
thutak hi hriain, amah tizalên tûrin a la pawm vê ngêi ang tih ka
ring,” tiin a sawi.
Nathan-a chuan rawngbâwlna atân Pathianin A hmang ngêi
a ni tih inhriatna a nei a, a bâk la chhunzawm zêl tûrin a \awng\ai
\hîn a ni.
Vawiin hian India leh Nepal rama chanchin \ha theh darh
zêlna tûr Thirteenth Sabbath Thawhlawm phal taka in thawh
dâwn avângin lâwmthû kan sawi a. Hê thawhlawm hmang hian
kan Division chhûnga project 10 tihpuitlin a ni dâwn a, chutah
chuan Nathan-a luhna pawh a tel bawk.
By Andrew McChesney
Bengvârna Thû
x ‘Arun’ lam dân tûr: ah-ROON.
x ‘Jai’ lam dân tûr: jay.
47
x Rawngbâwlna Chanchin chanchin sawi dâwnah leh sawi zawh lamah
Thirteenth Sabbath Thawhlawm dawngtu tûr Southern Asia Division-
a—India leh Nepal ram te kawhhmuh ni se la.
rawngbâwlna tharthawh leh, rawngbâwl nâna thawhlawm thawh bâkah,
pastorte chauh ni lo, kohhran member tin, \halai leh upa lamte chena
Kristâ tâna thuhretûa \an leh, zirtîrahte siam” tih leh; No. 5, “Mi mal leh
chhûngkuate chu thlarauva khat nun nei tûra zirtîra siamna” tih te, No.
6, “Naupang te, \halai te leh vânglai hun hmang mêkte pawhna, chelh
nghehna, huânga seng luh lehna leh rawngbâwlnaa inhmanna puntîr”
tih chu a phur chhuak a ni. Hriat belh duh tâna luhchilh theihna:
IWillGo2020.org.
Leader’s Resources
Be sure to download your free Mission Spotlight video, featuring
video reports from around the Southern Asia Division and beyond.
Download or stream from the Adventist Mission website at bit.ly/
missionspotlight.
Online Information
Following are sources of information that may be helpful in preparing
for the mission segment of Sabbath School. For more information on the
cultures and history of the countries featured in this quarterly, visit:
48
Websites
Nepal: government website bit.ly/GovtNepal
Lonely Planet bit.ly/LP_Nepal
National Geographic Travel bit.ly/NatGeo_Nepal
India: government website bit.ly/GovtIndia
CNN Travel bit.ly/CNN_India
National Geographic Travel bit.ly/NatGeo_India
West Bengal: Rough Guide bit.ly/RG_WBengal
Himachal Tourism Official Website bit.ly/HimachalTourism
Karnataka Tourism Official Website bit.ly/KarnatakaTourism
Maharashtra: Lonely Planet bit.ly/LP_Maharashtra
Seventh-day Adventist
ADRA Nepal bit.ly/ADRANepal
Oriental Watchman Publishing House bit.ly/FB_OWPH
Spicer Adventist University bit.ly/SDA_SpicerAU
Pune Adventist Hospital bit.ly/SDA_PuneAH
Adventist Media Centre-India bit.ly/SDA_AMCAWR
An offering goal device will help focus attention on world missions

and increase weekly mission giving. Determine a goal for your class’s
weekly mission offering. Multiply it by 14, allowing a double goal for the
Thirteenth Sabbath Offering, which will be collected on March 30. Remind
church members that their regular weekly mission offerings help the
missionary work of the world church, and that one-quarter of the Thirteenth
Sabbath Offering will go directly to the projects in the Southern Asia
Division. On March 23, report on mission giving during the quarter.
Encourage church members to double or triple their normal mission giving
on the upcoming Thirteenth Sabbath. Count the offering and record the
amount given at the end of Sabbath School.
49
EDITORIAL
Andrew McChesney Editor
Wendy Trim Editorial Assistant
Emily Harding Layout Editor
OFFICE OF ADVENTIST MISSION

Gary Krause Director
Rick Kajiura Communication Director
Gregory Whitsett Global Mission Centers Director
Jeff Scoggins Program Director
COMMUNICATION STAFF
Andrew McChesney Editor, Mission
Laurie Falvo Editor, Mission 360
Ricky Oliveras Video Producer
Caleb Haakenson Video Producer
Earley Simon Project Manager
Website: AdventistMission.org
Children’s Mission (ISSN 0190-4108) is produced and copyrighted © 2024
by the Office of Adventist Mission, General Conference of Seventh-day
Adventists, 12501 Old Columbia Pike, Silver Spring, MD 20904, U.S.A.
First Quarter 2024

Volume 113, Number 1
ADVENTIST® and SEVENTH-DAY ADVENTIST® are the registered

trademarks of the General Conference of Seventh-day Adventists®.
Permission is granted to reproduce material from this quarterly for use in

local Sabbath Schools and children’s ministries programs. Permission to
reproduce any portion of this material for sale, publication in another
periodical, or other commercial use must be authorized in writing by filling
out the online form located at: bit.ly/AMpermission.
For subscription inquiries, e-mail Rebecca Hilde at

rebecca.hilde@pacificpress.com or call 1-800-545-2449 or 1-208-465-2527.
Annual subscription rates per edition: domestic, U.S.$7.50; international,
U.S.$14.50. North American Division churches can receive a complimentary
subscription by contacting the above telephone numbers or e-mail address.
50
Youth/Adult Mission Facts
India
1. India ramah kohhran puitling 4,537 leh kompani 4,692 a awm
a, kohhran member zât chu 1,145,399 a ni. India rama
mihring chêng zât 1,241,267,000 niin, mî 1,084 zêla Seventh-
day Adventist pakhat awm ang a ni.
2. Hêng ram: India, Burma, leh Sri Lanka (Ceylon) hi kum
1895 khân India Mission-a siam niin, General Conference
Mission Board-in D. A. Robinson chu superintendent
hmasa ber ni tûrin a tîr a.
3. Southern Asia Division (SUD) kha kum 1910 khân India
Union Mission tih niin, kum 1920 khân Southern Asia
Division tih a ni ta a ni.
4. Gerald Christo kha ram chhûng mî Division President
hmasa ber niin, kum 1980 -1990 chhûng a \ang a ni.
5. Division publishing house neih chhun, Oriental Watchman
Publishing House chu Pune khawpuia Salisbury Park-ah a
awm a, \awng hrang sawmhnihin lehkha a chhu \hîn a ni.
6. Tûn hma lama Spicer Memorial College tih ni \hîn kha tûnah
chuan Spicer Adventist University tih lo ni tâin, division
chhûnga zirna hmunpui ber niin; kum 1937-ah Bangalore-a
din niin, kum 1942 khân tûna a awmna Pune-a sawn a ni.
7. Kum 2011 chhiarpuia târ lan dânin, India ram mipui zâa
79.8 chu Hindu, zâa 14.2 chu Muslim, zâa 2.3 chu Kristian
an ni.
8. India rama \awng hman lâr ber chu Hindi leh English a ni.
9. India khawpui ber, New Delhi-a mihring chêng zât chu
249,998 a ni nâin, khawpui huâm chhûnga chêng zawng zât
erawh chu 28,514,000 lâi a ni thung.
10. India hmeichhiate incheina (sari) hi kum BCE 3000 vêl a\anga
hman tawh a ni. Sari kaihtûte hian a hun behchhanin an sari
51
rawng an thlang fo \hîn a, mote chuan an nâu pâi thei leh
hmuingîlna entîr nân sari rawng sen an kaih deuh ber \hîn.
11. Chess inkhelhna hi kum 1,500 vêl kal taa India rama chîn
chhuah \an niin, India hmâr-thlang lama kum zabi 7-na lai
vêla indo zirna, chaturanga an tih behchhana siam a ni.
12. Bollywood hi khawvêla film siam chhuak hnem ber niin,
kum tin hian chawhrualin 1,500–2,000 vêl siam chhuak ziah
ang an ni.
13. Indian Railways hnuaia thawktu hi mi maktaduai 1.4 vêl niin,
khawvêla mî ruâi hnem ber a ni. Nî tin hian mî maktaduai 23
vêl phur kuâl reng ang a ni.
14. Delhi khawpuia ‘Khari Baoli’ hi kum zabi pasarihna vêl a\anga
\an tawh niin, Asia khawmuâlpuia masala a hlâwma hralhna
lian ber a ni.
15. India ram chhinchhiahna ransa (national animal) chu Bengal
sakei (tiger) hi kum 1972 a\anga hman a ni. Uttarakhand-a
Corbett Tiger Reserve leh, Karnataka-a Bandipur National
Park chu Bengal tiger humhalhna hmun pui ber berte an ni.
16. Bengal tiger zîngah chiah hian sakei vâr (White tigers) hmuh
tûr a awm.
17. India khawtlâng mipuite hi chi inthliârna (castes) hmanga
inthliâr hrang an nihna hi pianpui a ni a, tihdanglam hleih
theih loh khawpa nghet a ni. A chi sâng zîngah chuan
puithiam te, sumdâwng hausâ leh râldo mîte an tel a. An
khawtlâng nuna hnuâihnung berte chu “Tawhthianglo” an
tihte chu niin, chi inthliârnaa tel phâk lo, hna hnuaihnung
thawktûte an ni.
18. India ramah chuan Bâwngpui hi ran thianghlim, tihnat/talh
thiang lo a ni a. Khawpui kawtthlêrahte zalên taka awm an
phalsak avângin traffic jam a awm phah fo \hîn.
52
19. India hi khawvêl ram hrang zînga sakeibaknei leh sakei awm
kawpna ram awm chhun a ni.
20. Kum zabi sâwmpariatna laiah khân Britain chuan India ram
zâu zâwk lâin, an awp a; kum zabi sâwmpakuanaah khân
nasa taka dodâlna a lo chhuak a. Kum 1920 khân India
Hnamte Pa, Mahatma Gandhi chuan tharum thawh lo va
dodâlna a \an a, kum 1947 khân independence an hmu ta
ngê ngê a ni.
21. India rama mi tam zâwkte chuan inneihna hi innei tûra
chhûngten an ruâhman \hîn a ni. Tûna khawpui nunah chuan
inngaizâwnga inneih pawh an chîng vê \an ta.
Nepal
1. Nepal ramah hian kohhran puitling 26 leh kompani 82 a
awm a; member zât chu 9,478 a ni a, chû chu a ram mihring
30,896,000 a\anga chhûtin, mî 3,260 zêla Seventh-day
Adventist pakhat awm zêl ang a ni.
2. Nepal ram hian kum rei tak a ramrî a khâr avângin Seventh-
day Adventist-te chu luh phalsak an ni lo reng \hîn a. Chutih
laiin ram pâwna zin chhuak Nepalese-ten Kohhran thuchah
an lo hriatin, an hâwn leh hnûin an chhûngte leh \hiante
hnênah an hrilh chhâwng \hîn a ni.
3. Kum 1936 khân, Kenneth Simpson leh Adventist medical
missionari pahnihten Nepal ramri hrûla thingtlâng khaw eng
emaw zât an tlawh a; Hindi-in Pathian thû an hrilh a. Chû
chu mi tam tak chuan Isuâ chanchin leh Bible thû an hriat
vawi khatna a ni.
4. Kum 1951 khân, Nepal ram chuan ram dang mîte leh ram
fang mîte tân an ramrî an hawng \an a. Ramri hrûl lama
mîte hnêna ‘Hrilh Lâwkna Âw’ Bible Râlchhân card an sem
\umin, Pastor George Vandeman hnênah, “I tlâi lutuk tawh.
Tûnah hian zirlai sawmthumna ka bei mêk,” tiin pakhat chuan
53
a lo hrilh a ni. Chû pa chu chutianga Adventist thuchah lo lo
zir tawh mi eng emaw zât zînga pakhat a ni.
5. Dr. Stanley Gordon leh Mrs. Raylene Sturges chuan kum
1957 June thlâ khân Scheer Memorial Hospital an din a. A
hming hi hospital din nâna sum tumsaktu, New Jersey lama
nûpâte hming châwia phuah a ni a, chû hospital chu kum
1960 May 18 khân Nepal rama Banepa hmunah hawn a ni
a; hê khuâ hi Kathmandu a\anga khaw chhak lam, motora
dârkâr khat vêl tlân ngai niin, hospital kum 150 bâkah,
nursing college a awm a ni.
6. Nepal rama sâkhaw lian ber chu Hinduism niin, a ram mi
zâa 81 vêlin an zui a, Buddhism chu mi zâa 9 vêlin an zui a.
Kristian chu zâa 1.5 vêl chauh an ni thung.
7. An khawpui Kathmandu-ah hian mihring maktaduai 3 vêl
an chêng a, chû chu a ram pum mihring zâa 19 vêl a ni.
8. Nepal ram mihring zâa 10 vêl hi tlâng ram hmun 10,000
feet (3,048 meters) chuâng maha sânga chêng, sumdâwng
te, loneitû te leh ranvulhtûte an ni.
9. Buddhism sâkhaw hmuchhuaktu, Siddhartha Gautama,
Buddha tia hriat lâr kha, tûna Nepal ram chhûng, Lumbini
khuah kum BCE zaruk leh zangâna lai vêla piang a ni.
10. Nepal ram hi chhim lamah India, hmâr lama China-ten an
kâr cheh ram, chhak leh thlang zâwnga ram thluâng thlâ a
ni.
11. Nepal ramah hian khawvêla tlâng sâng ber ber sâwm zînga
pariat a awm a, chutah chuan khawvêla tlâng sâng ber Mount
Everest pawh a tel a, a sânzâwng hi 29,031.7 ft (8,848.86
m) lâi a ni. Mount Everest hi Nepal ramah chuan
‘Sagarmatha’ an ti a, tuâlchhûng mî Sherpas leh Tibetans
chuan ‘Chomolungma’ an ti vê thung.
12. Nepal hi khawvêla ram puânzâr killi nei lo ram awm chhun
niin, kil thum nei inthuah a ni. Kum 1962 a\ang khân an
54
hmang \an a, a ziârâng erawh hi chu kum 2,000 chuâng an
lo hmang tawh a ni.
13. Nepal ramah hian naubân chi hrang a tam bâkah, chhawkhlei
pawh chi hrang hrang a awm bawk a; khawvêla Meconopsis
poppy zâa 40 vêl bâkah, pangpâr chi 6,000 dâwn a awm a
ni.
14. Gharial (Gavialis gangeticus) hi Indian subcontinent-a awm
niin, khawvêla awle sei ber niin, feet 19 leh inches 8 (6 m)-
a sei a ni. Hnâr filawr sei takah hâ zum tak 110 a nei a ni.
Hetiang awlê humhalhna (Gharial Conservation Project hi
Nepal ramah a awm a ni.
15. Nepali châw zîngah hian thlâi chi hrang tam tak a tel a.
Chutiang a nih chhan chu an sâkhaw zirtîrnaa nungchâte
tihnat loh an telh vâng pawh a ni mai thei e.
16. Kum 2017 khân Nepal national sport atân Volleyball chu
puân a ni.
17. Dohori (“inhniâl” tihna) hi Nepal rama nulâ-tlangvâl inrîmna
hlâ a ni a. Nulâ-tlangvâlte chu pâwl hniha insiamin, zawhna
leh chhânna rimâwi hmangin an siam a, chutiang chuan kâr
khat laite pawh a awh theih a, a rei leh rei loh chu a chantûte
rilru chak leh chak lohah a innghat thui hlê thung.
18. Nepal tlâng rama chêng, ‘Sherpa’ an tih hote hi chî leh
kuângah chuan Tibet mîte an ni a; tlâng sâng lama khawsak
dân thiam taka ngaih an ni a, Mount Everest lâwn mîte pawhin
chhawr berah an hmang \hîn a ni.
Northeastern India (West Bengal)

1. West Bengal leh Himachal Pradesh hi Northern India Union
Section-a awm niin, hetah hian kohhran puitling 476 leh
kompani 1,501 lai a awm a, member zât chu 163,690 an
ni. Mihring 716,496,000 lai an awm a, chû chu mihring 4,377
zêla Seventh-day Adventist pakhat awm ang a ni.
55
2. Kolkata (Calcutta tih \hin kha), Hooghly Lui kam chhak
lama awm, West Bengal state khawpui a ni.
3. Kum 1947-a India independence khân, Bengal ram chu
sâkhaw thil vângin hmun hniha \hen a ni a; India lam chu
West Bengal tih a ni ta a ni. Pakistan-in chhak lam chu
changin East Bengal tih a ni a; kum 1971 khân indepence
hmûin Bangladesh tih a ni ta a ni.
4. Sundarbans National Park hi tih mang hlauhawm ni ta Bengal
tiger humhalhna hmun a nih bâkah, Gangetic dolphin te,
terrapin leh luichhuah awlê-te humhalhna a ni.
5. Kum 2017 September khân, West Bengal chu zâa 100%
electrified niin, thingtlâng kil tâwp Sunderbans pawh a thleng
ta vek a ni.
6. An state official \awng chu Bengali leh English a ni.
7. Rabindranath Tagore (1861–1941) kha Bengali hlaphuah
thiam, ziak mî, lemchan thawnthu ziaktu, hla phuah thiam,
mi fing, siam\hatu leh rawng chei thiam niin, Europe ram
pâwn lam mi Literature lama Nobel Prize dang hmasa ber
niin, kum 1913 khân a dawng a. A hlaphuah zînga pahnih
chu India leh Bangladesh hnam hlâ a lo ni ta a ni.
Northern India (Himachal Pradesh)

1. Himachal Pradesh (‘Vûr-khuh Tlâng ram’ tihna) hi India
hmâr lama state pakhat a ni a, Himalayas tlâng dunga awm
a ni.
2. Himachal Pradesh-ah hian phâi ruâm lui luân tlangna ram a
ni. A rama mî zâa 90 vêl chu thingtlâng lama chêng an ni.
3. Himachal Pradesh ram pum deuhthâw hi electric pêk an ni
tawh a; kum 2016 khân chênna in zâa 99.5 chu electric pêk
tawh a ni.
4. Kum 2017-a India Corruption Study neihin a târlan dânin,
Himachal Pradesh hi India rama eirûkna hluâr lohna ber a
ni.
56
5. Pangpâr chi hrang hrang, hêng gladiolas te, carnations te,
marigolds te, roses te, chrysanthemums te, tulips te, leh lilies
te hi hralh chhuah atân Himachal Pradesh-ah chuan an chîng
nasa hlê.
6. Himachal Pradesh state bird chu Western tragopan hi an
tuâlchhûngah chuan, jujurana—khawvêla vavu (pheasants)
vâng ber zînga chi khat a ni.
South-Central India (Karnataka)

1. Karnataka hi South-Central India Union Section-a mî niin,
kohhran puitling 256 leh kompani 201 a awm a, member
zât chu 66,021 a ni. Mihring 290,849,000 a\anga chhûtin,
mihring 4,405-a Seventh-day Adventist pakhat awm zêl ang
a ni.
2. Karnataka tih hi Kannada \awnga karu leh nādu, ‘tlâng
ram” tihna a ni.
3. Karnataka-ah chuan Kannada hi \awng hman ber a ni a.
India ram thingtlâng khuaa Sanskrit hmanna awm chhun a
ni bawk.
4. Bengaluru (Bangalore tih \hin kha) Karnataka state khawpui
lian ber leh a khawpui a ni a, hetah hian mihring maktaduai
chuâng chêngin, khawpui huâm china chêngte nên phei chuan
maktaduai 11 vêl an ni.
5. Bangalore khawpuiah hian sâ ni lo, thlâi chauh eina
restaurant leh hralhna dâwr a tam hlê a ni. India rama sâ ni
lo, thlâi chauh ngainâ tamna ber niin, Indian branch of PETA
(People for the Ethical Treatment of Animals) a ni.
6. Karnataka rama district zîm ber, Kodagu hi, Indian field hockey
players chher chhuak hnem ber a nih bâkah, international level-
a India âiawh tîr chhuak hnem ber a ni. Kum tina Kodava
Hockey Festival an neih \hin chu khawvêla hockey
tournament lian ber a ni.
57
7. Karnataka-a Mysore khawpuia Mysore Palace mâwi tak
chu, Taj Mahal dawta khualzin hote hîp khâwm hnem ber a
ni a, kum tinin tlawhtu maktaduai ruk chuângin an tlawh \hîn.
Central India (Maharashtra)

1. Maharashtra hi Western India Union Section-a awm niin,
kohhran puitling 257 leh kompani 451 a awm a, member
chu 108,330 lai an ni. A ram mihring 25,636,000 a\anga
chhûtin, mî 237 zêla Seventh-day Adventist pakhat awm
ang a ni.
2. Maharashtra khawpui Mumbai (Bombay tih \hin kha), a
tîrah chuan thliârkâr tê tê pasarih chunga din niin—chûng
chu Bombay te, Colaba te, Mahim te, Mazagaon te, Parel
te, Worli leh Old Woman’s Island te a ni. Kum zabi 18-na
laia ram chei \hat a nih tâk avâng khân thliârkâr hrang hrang
chu khawmuâl pakhatah an siam ta a ni.
3. Maharashtra ram zâuzâwng hi 118,809 sq mi (307,713
km2) niin, India rama state zâu pathumna a ni.
4. Maharastra hmeichhiate hnam incheina chu nauvari lugada
(nine-yard sari), nine yards (8 m) of fabric hmanga siam a
ni. Nauvari lugada hi a lâr ta vak lo nâin, five-yard sari hi
chu an la kaih \hîn a, a bîkin inneih leh ni bîkahte a ni
tlângpui.
5. Indian film siamna hmun pui, ‘Bollywood’ an tih hi, Mumbai
khawpuia awm a ni a, hê thû hi ‘Bombay’ tih leh
‘Hollywood’ hming kaihkawpa an phuah a ni.
6. Maharastra-a infiamna mipui thlîr hlawh ber chu ‘Cricket’
a ni.
7. Maharashtra-ah hian nature reserve parks a tam mai a,
chutah chuan special tiger reserves: Amravati district-a
Melghat Tiger Reserve te, Chandrapur district-a Tadoba-
Andhari Tiger Reserve te an tel a ni.
58
Mizo Conference of Seventh-day Adventists
Personal Ministries Department
Pamphlets ORDER Theih
No. Code Pamphlet Hmíng Rate
1. A Israel leh Efraim 7.00

2. B Khawngaihna Vék 2.00
3. C Ní Thúm leh Zàn Thúm 7.00
4. D Dãn Bâng leh Bâng Lo 2.00
5. E Thlarau Biakna Setana Hmanrua 3.00
6. F Lei A\anga Lo Chhuak Sàkàwlh 2.00
7. G Babulon Sualna Chì Sâwm 2.00
8. H Tûnlai Húna Setana Hmanruate 2.00
9. I Trinity (Pathiana Mi Pathumte) 7.00
10. J Sabbath & Sunday Thûa Zàwhna 7.00
11. K Sàkàwlh Nambar 666 7.00
12. L Thúthlúng Pahnih 2.00
13. M |awng Hriatloh 7.00
14. N Mihring: Thìh Hnù Awmdãn 7.00
15 O Chhandamna Tluantling 7.00
16 P Baptisma 7.00
17. Q Sawipuitu Isua 7.00
18. R Ei leh In Chungchâng 7.00
19. S Vântirhkoh Pathum Thuchah 3.00
Director
Personal Ministries Department
59
GLOW TRACTS
Hêng hi pakhat Rs 1/- zêlin ORDER tûr a awm e.
1. Bible I Rinchhan Thei
2. Chhandamna
3. Harsatna Tawh Laiin Pathianin Min Ngaihsak Em?
4. Hlauhthâwnna Khawvêla Thlamuanna
5. Hmânlai Hrilhlâwknain Hmalam Hun a Târlang
6. Hremhmun Chungchâng Thurûk
7. Hrisêlna Kâilâwnte
8. I Tâna Thilthlâwnpêk
9. Ka Tawrh Laiin Khawnge Pathian a Awm?
10. Khawvêl Chunga Rorêlna
11. Khawvêl Tâwpna
12. Lâwmna Thilpêk
13. Leilunga Chhiatnate
14. Mi Thîte An |awng Thei Em?
15. Muânna Thutiamte
16. Ngawlvei Bânsanin
17. Pathian Nêna Inbiakna
18. Rilru Hrisêlna Thurûk
19. Rinna Fing
20. Sabbath-a Inkhâwm Kher Chu
21. Sâkhuana Piah Lam
22. Thih Hnûa Beiseina
23. Tûna Khawvêl Mamawh
24. Tûnlai Thupêk Sâwmte
25. Vâna Indona
26. Zalênna A Thih Hunin
Director, SSPM Department, Mizo Conference of SDA

Seventh-day Tlâng, Aizâwl
60

Rawngbawlna Chanchin 2024-1

Uploaded by

Document Information

Original Description:

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Rawngbawlna Chanchin 2024-1

Uploaded by

Copyright:

Available Formats

Kuartar Khatna, 2024

SOUTHERN ASIA DIVISION

Kâwm: Nathan-a hian Rawngbâwlna Chanchin a chhiar a\angin

Published and edited in Mizo by Malsawma Tochhawng, Director, Sabbath

I NDIA ram hmâr lama Simon-a chuan tlân hi nuâm a ti a.

SABBATH 2 JANUARY 13, 2024

A pa chuan a \hiante hnênah sikul \ha tak, sênso hâutak sî

SABBATH 3 J ANUARY 20, 2024

C LEANING-a hi futball tâna nung a ni ber a. India hmâr-chhak

SABBATH 4 JANUARY 27, 2024

A N OFFICE-a zaipâwl zâi rimâwi ngaihnawm tak a hriat chuan

SABBATH 5 FEBRUARY 3, 2024

I NCHHÛNG cheimâwitu hi vân lam tâna thuhretûah a \ang thei

SABBATH 6 FEBRUARY 10, 2024

L OWRY A DVENTIST U NIVERSITY nursing class-a a tihtûr

R UPAMAYA-i nun chu a hrehawm hlê mai a. Ziâawm chho deuh

S UKAMAYA -i fapa chu a hlimna a ni. Nepal rama nausên

S ABBATH 10 MARCH 9, 2024

K UM 1980 vêl khân India rama pa pakhat chu chawhnu chawlh

SABBATH 11 MARCH 16, 2024

SABBATH 12 MARCH 23, 2024

S HIVA chu India rama an pîpûte pathiante leh pathian nûte

L EBANON rama misawnari hnâ an thawhna a\anga an chhûngkua

Tih Ngaihna Awm Lo?

An offering goal device will help focus attention on world missions

OFFICE OF ADVENTIST MISSION

First Quarter 2024

ADVENTIST® and SEVENTH-DAY ADVENTIST® are the registered

Permission is granted to reproduce material from this quarterly for use in

For subscription inquiries, e-mail Rebecca Hilde at

Northeastern India (West Bengal)

Northern India (Himachal Pradesh)

South-Central India (Karnataka)

Central India (Maharashtra)

1. A Israel leh Efraim 7.00

Director, SSPM Department, Mizo Conference of SDA

You might also like