Manuel Villar, Jr.

podcast interview transcript, part 1

Posted March 07, 2007 13:09:00(Mla Time)

INQUIRER.net

Editor's Note: What follows is the first part of a preliminary transcript

of the Eleksyon2007 podcast interview with senatorial candidate
Manuel Villar.

JV Rufino : Our guest for this podcast is Senate President Manuel

Villar. Villar is running for re-election as an Independent.

Welcome to the show, senator.

Manuel Villar : Well, nais kong batiin ang ating mga tagapakinig.

Thea Alberto : Brief and simple. Ok, sir, first question: Given the cost
of campaigning and the lack of immediate [effect] legislation has on
running a country, why seek re-election?

Manuel Villar : Again, again?

Thea Alberto : Given the cost of campaigning and the lack of

immediate [effect] legislation has on running a country, why seek for
re-election?

Manuel Villar : Alam mo, after a while ay hindi naman puro pera
lamang 'yan. Gusto mo rin naman na somehow yung ipagpatuloy yung
iyong nasimulan na. Maraming consideration yun kasi ang pagiging
senador eh, no? Kung senador ka na, nakakahiya namang matalo ka.

Number two, siyempre marami ka pa ring programa na gusto mong

ituloy, na at least kung mawawala ka na sa mundo, ay may maiiwan
ka. Dun naman sa gastos, eh uubusin lang ng mga manugang mo 'yan
eh. Ikaw na lang umubos.
Thea Alberto : Sir, what would you still like to achieve, which you
think you have not accomplished in your previous term/

Manuel Villar : Well, hindi naman natatapos 'yan eh. Bawat taon,
mayroon kang iniisip na gawin and then nagbabago 'yun depende
kung nagawa mo 'yung binalak mong gawin. Like ako, naging Senator
President nitong last year.

Nakita ko na malaki pala ang nagagawang tulong ng Senado sa

kaunlaran ng bansa. Normally, ang Senado, in the last 10 years, ay
nakakapagpasa ng apatnapung panukala taon taon. Nuong ako'y
maging pangulo, nakapag-pasa kami ng one hundred sixty four at
natutuwa naman ako dahil napakarami naming bills na na-approve.

And nagawa namin 'yung hirap, yung sinasabi nilang hindi pwede na
tuloy ang imbestigasyon pero para mahanap yung mga katotohanan,
pero hindi magiging abala kami sa kaunlaran sa pamamagitan ng
pagpasa ng iba't ibang mga panukala. Lahat halos ng mga bills na
ekonomiya ay aming pinasa. Kaya palagay ko nangunguna Senado sa
pagtulak ng ekonomiya ngayon at pagtaas ng antas ng kabuhayan.

Kaya ngayon, nag re-election ako, naisip ko na ituloy 'yan. In fact, ang
tingin ko sa ekonomiya, bagamat medyo masigla rin naman, hindi
naman kasamaan, nagkukulang sa paggawa ng mga hanapbuhay.
Marami sa mga sektor na umuunlad ay ang mga sektor na wala
masyado naibibigay na hanapbuhay. Kaya wala pa rin mahanap na
trabaho yung ating mga kabataan. Marami pa ring lumalabas ng
bansa.

Pangalawa, 'yung sa larangan ng pabahay, mura interest ngayon at

nanghihinayang naman ako na hindi nagagamit ito para magkaroon ng
higit na maraming pabahay ang mga mahihirap.

At pangatlo, wala namang tigil 'yung ating pag-hahangad o hangarin

na mabago 'yung pag-iisip ng ating mga kababayan tungkol sa
pagsasarili. Naniniwala ako na ang kaunlaran natin ay dun pa rin
manggagaling sa, 'yung karamihan ng ating mga nagsasariling
kababayan eh matulungan ng ating pamahalaan para makapag-sarili.

Maging maliliit na negosyo. Pag dumami ang maliliit na negosyo,

magkakaroon tayo ng masiglang ekonomiya, madidiretso pa 'yung
benepisyo sa higit na nakakaraming mga Filipino. Kasi 'yung sistema
natin ngayon na bagamat tumataas ang ekonomiya ng konti, ay
matagal bago mararamdaman 'yan.

Itong ganitong klaseng pagsigla na ekonomiya, mas mabilis

mararamdaman ng higit na nakakaraming Pilipino. Ito's itutuloy natin.
Hindi ko pa rin sigurado kung anim na taon ay sapat para magawa
natin 'yan pero ganyan talaga ang buhay e. Hindi naman lahat ng
papangarapin mo e matutupad mo. Pero at least, masasabi mo pag
retiro mo, na ginawa mo 'yung magagawa mo. Ginawa mo lahat para
matupad 'yung iyong mga hangarin.

Thea Alberto : Sir, if ever re-elected, how will you define the first three
years?

Manuel Villar : Well siyempre, bilang pangulo ng Senado, 'yun muna

ang ating titignan, kung magiging pangulo pa rin tayo ng Senado. Mas
madaling kasing maimpluwensiya ang mga direksyon, kung saan ang
direksyon natin sa ating gobyerno at ekonomiya, kung tayo'y pangulo
ng Senado.

Kung hindi naman, siyempre, iba namang klaseng programa ang

gagawin mo. Kung ako'y papalarin pa ring maging pangulo ng Senado,
ay palagay ko dun sa mga sinabi kong objectives o adhikain ang aking
itutulak.

Marami akong nakikita eh. Kasi nakita ko nuon, nung una akong
senador, parang nakikita ko na naisip ko na mahirap magpasa ng
panukala sa Senado, pero nung ako’y maging pangulo, pwede naman
pala. Basta desidido ka lang. Pwede naman palang magpasa at dito
nakikita ko na basta maging responsive ang Senado sa business sector,
at sa mga pangangailangan nung karamihan ng ating mga
mamamayan, e malaki na ang magagawa.
First three years lang, palagay ko sapat na 'yan e. Marami ng
magagawa d'yan.

Thea Alberto : Sir, something light. Bakit parang orange lagi ang ating
suot?

Manuel Villar : Well, ito ang una kong kulay nung una kong
kumandidato ko, nung ‘92 ito ang ating kulay, at naiisip kong ito uli at
siguro sabi ng mga akong mga kasamahan, eh tinitignan nila 'yung
iba't-iba kong t-shirt, eh dito siguro mas pogi tayo. [laughs]

Thea Alberto : Mas nakakaputi ba, sir?

Manuel Villar : Hindi naman. Nakaka-attract ng atensyon. Kasi alam

mo naman siyempre, pagka hindi na naman kilala, pagka kinakawayan
mo, at least kung naka orange ka, sasabihin nila, kandidato ka siguro
dahil wala naman nag-oorange normally. Kung di lang kandidato o
supporter ng kandidato o talagang mahilig sa makulay na suot.

Thea Alberto : 'Yung lang sir. Thank you very much.

Joel Guinto: Sir, ako po si Joel Guinto. I cover the defense beat for
INQUIRER.net.

Manuel Villar : Hello.

Joel Guinto: Sir, aside from the thirty point two million pesos
(P30.2M) na you reportedly spent for TV ads, how much more do you
intend to spend?

Manuel Villar : Basta, well, may limit ang Comelec, so kailangan

sundin natin 'yang limit ng Comelec. So 'yun ang limit.

Joel Guinto: Tama ba 'yung figure na 'yun sir? Thirty point two
million? (30.2M)
Manuel Villar : Kasi alam mo pagka ganyan, hindi ka nag-a-
accounting eh. Kasi baka araw araw, iinit lamang ang ulo mo, kaya
saka mo na lang susumahin 'yan pag tapos na eleksyon, para isang init
ng ulo na lang.

Joel Guinto: Sir, nung ano, the last time you ran, magkano nagastos
n'yo, sir?

Manuel Villar : Actually, hindi ko na rin nasusundan, eh. kasi pag

talaga, totoo 'yun, akala ng lahat eh ikaw e nag-aacounting ng ganyan,
pero, ang totoo n'yan eh marami ka ring gagastos na hindi mo
narerecord o ni hindi mo na nalalaman, dahil may mga kontribusyon
ka din naman, eh. Minsan, yung mga kontribusyon mo, hindi na
dumadaan sa 'yo. Minsan may mga discount ka. So hindi mo na rin
talaga alam ang talagang total na magagastos mo.

Joel Guinto: Sir, part ba ng strategy mo 'yung mas mag-concentrate on

political advertisement?

Manuel Villar : Well, andyan talaga ang kinabukasan. 'Yun ang future,
wala tayong magagawa dyan. Yung mga ibang style, passé na 'yun, eh.
Talagang…kasi nung araw, wala naman 'yan, hindi allowed 'yan.
Tapos last elections, sobra sobra nga ang pagkakaallow nila last
elections.

Medyo nga ngayon e nilimitahan nila. Pero 'yan na talaga, kasi padami
ng padami ang mga Filipino at hindi na--imposible na maski mga
mangamay ka araw-araw, at kami nagkakamay pa rain kami araw-
araw, umiikot pa rin kami, subalit nakikita mo sa mga habang
tumatagal ang panahon, na talagang hindi mo na maaabot lahat at
kinakailang ay advertising.

So, iyang mga communication medium na 'yan, iyan ang mga sa

darating na panahon magiging mas gamit. Halimbawa, 'yang Internet,
'yang cellphone, 'yang radio, TV. 'Yan na lahat.

Joel Guinto: Sir, nabangit mo ang Internet and cell phones. May plans
ba, sir, to use this [in your campaign]?
Manuel Villar : Well, hindi ko pa alam, eh, kung gagamit kami n'yan.
Hindi ako masyado mahilig sa cellphone. Kasi sa 'kin pagka--hindi ako
masyado mabilis sasagot sa telepono, eh. Matagal ako sumagot. Kaya
titignan ko muna. Magtatanong tayo. Kasi may mga adviser naman
tayo. Pagka gusto nilang gumamit ng cell phones, gagamit din tayo
d'yan.

Joel Guinto: Sir, si ano po, si former senator [Ernesto] Maceda from
GO [Genuine Opposition], sabi n'ya, kayo daw po ang dapat sisihin
kaya may falling out between the Genuine Opposition and si Senator
[Francis] Pangilinan.

Manuel Villar : Alam mo, si manong Ernie naman ay iginagalang natin

at hindi naman ako nakikipag-away kanino man. E alam mo ang mga
ganyan e, lilipas din 'yan at mabuti na wag mo na lamang ako
komentahan. Basta ako ay, tuloy ang kampanya ko, wala naman
akong inaabalang tao at hindi ko naman inaasahan maabala rin.

Joel Guinto: Sir, on your part, meron ba kayong efforts para mapa-
attend si Senator Pangilinan dun sa mga rallies ng GO, specially sa
Plaza Miranda. Did you try to convince…?

Manuel Villar : Wala naman, dahil sa sa aking palagay ay malaki na

'yung mama, alam na nya ginagawa n'ya.

Joel Guinto: Sir, can we expect you dun sa mga future sorties ng GO?

Manuel Villar : Hindi naman kasi ang naniniwala na sa mga ganun eh,
na style of campaigning, at yan ay sinabi ko na sa kanila nuon pa. Na
mas type ko talaga 'yung mas systematic na lang at gawin na lamang
'yung inaakala ko na mas effective, para mas marami ako marating na
ating mga kababayan para mailahad ko sa kanila 'yung aking mga
plataporma at mga ideas, at mas maraming makarinig sa aking mga
idea at mga plano.

Pag kasi masyado marami kayong gumagalaw, halos hindi ka na

napapansin din at hindi na naririnig ang iyong mga gagawin. Kaya sa
akin, mas maganda na 'tong aking ginagawa at siyempre kanya kanya
namang opinyon yan. Hindi naman sa ayaw ko silang makasama,
actually gusto ko rin, eh.

In fact, mga kaibigan natin lahat 'yan at mga iginagalang natin,

pawang magagaling ang mga kandidato na 'yan at isang malaking
karangalan sa akin na makasama sila. Nga lamang ay naniniwala ako
na mas effective itong paraan na ito ng pagkampanya.

Joel Guinto: So, we can expect more political ads?

Manuel Villar : May limitasyon nga, merong time limit, at wala kang
magagawa kundi sumunod sa limit na 'yan. Yun naming--may nasabi
yung nagagastos, alam mo, timing timing rin 'yan, ano. Siyempre,
strategy 'yan. Yung iba, gustong gastusin lahat nung kanila oras, sa
first month, yung iba sa second month, yung iba sa third month, ung
iba first and third, yung iba second and third, yung iba lahat sa third,
yung iba lahat naman sa first.

So, hindi rin tama 'yung after two weeks, imo-monitor mo kung sino
yung leader sa spending and hindi rin tama ‘yon kasi nasa strategy
'yan. Maaaring dalawang buwan mo na mino-monitor, wala pang
ginagastos 'yung isang kandidato, 'yun pala ang balak nya ibuhos lahat
sa last month.

So, hindi rin talaga meaningful yung ganung klaseng analysis sa

expenses.

Joel Guinto: Thank you, sir.

Manuel Villar : You're welcome.

Veronica Uy: Magandang araw po Senador.

Manuel Villar : Magandang araw naman.

Veronica Uy: Itatanong ko lang po, yung kampanya nyo po, parang
nakasentro sa sipag at tiyaga. Tingin nyo po ba 'yun ang [dahilan] -
ang patuloy ng pagiging mahirap ng mga Pilipinas ay hindi masipag at
hindi matiyaga ang Filipino.

Manuel Villar : Maaring kulang, maaring kulang sa sipag at tyaga. At

saka mahirap mo sabihin sa buong Pilipinas na ang nasasabi ko lang
ay isa yan sa malaking kadahilanan. Kaya lang siyempre, kapag ka
meron kang mensahe, mas maganda 'yung ang mensahe mo ay isa lang
o dalawa. Hindi pwede yung ang mensahe mo, halimbawa, para
pagtagumpay ka, kailangan ikaw eh labindalawa sasabihin mo. Eh
malilito na 'yung tao.

Ang message, kailangan, isa dalawa. Pinakamarami na ang tatlo, para

madali matandaan at madeliver mo talaga sa dapat maka deliveran.

Ang sa 'kin, sa buhay ko, ay iyon talaga ang aking dinanas, talaga
namang, kagaya nga nun nasa advertisement ko, pinanganak naman
talaga kami sa squatter sa Tondo, at 'yan ay hindi naman, 'yan ay
katotohanan 'yan sa Sta. Maria, Moriones. Yung iba nga gustong
check-in e, actually hanggang ngayon ay binibili ko pa 'yung lupa na
kinatitirikan ng bahay namin, although medyo nagbago na itsura.

Pero siyam kaming magkakapatid, ako ang pinakamatanda sa lalaki,

kaya ako ang kasama ng aking nanay nagtitinda sa palengke sa edad
na labing isang taong gulang. Nagtitinda kami ng hipon hanggang
makatapos ng kolehiyo.

Yan ang ginawa ko naman nun, kaya parang gusto ko rin ipakita, kasi
napuna ko dun sa Divisoria na somehow yung mga kasamahan ko na
masisipag at matitiyaga, karamihan ha, hindi lahat, meron talagang
malas e, karamihan ay nag-succeed naman. Kaya nakikita ko na
malaking bagay 'yan at kung meron mang kakulangan ay 'yan ang
makakapuno.

Yung iba kasi and sabi nila, nag try naman sila, kaya nga may tiyaga
eh, kaya nga pag nagtry ka minsan, hindi mo nakuha, mag try ka uli,
pangalawa. Kung hindi makuha, pangatlo, pang-apat, panglima.
Magtiyaga ka lang. Persistent ka dapat.
Veronica Uy: Pero meron po bang mga polisiya ang pamahalaan na
tingin nyo ay makakatulong sa entrepreneurship.

Manuel Villar : Ang tingin ko, kalimutan mo na ang pamahalaan e, at

kung talagang gusto mong magtagumpay sa hanap buhay, sa
pagsasarili, you have to do it despite the government, not because of
the government. Pagka hinintay mo ang gobyerno, baka hind na
dumating e. matatagalan, mahihirapan ka lamang.

Well, kami, I think on the part of the government, we should always

try, in fact yun nga ang gusto kong gawin. Pero my personal advice
dun sa mga mismong entrepreneur e gawin mo na, kalimutan mo
muna ng gobyerno.

Ngayon, sa gobyerno naman, kahit papaano, e pilitin nating

makatulong. Magkaroon ng mga programa para makautang sila, pero
iyan ay hindi magiging pangunahing dahilan. Ang pangunahing
dahilan pa rin ay nasasa-tao.

Nakikita ka 'yan nung ako kasi ay maging sa palengke, nakita ko na

malaking diperensya eh, parang maaga tayong umaatras na Filipino at
pagka nag graduate na sa…yungh ating mga anak, pag nagtapos na,
tayo ay ano na kaagad e, gusto na nating mag retire, hindi natin
parang gusto palakihin 'yung ating maliit na negosyo.

Kulang ang ambisyon din sa ano, karamihan. Hindi lahat, marami ring
nag-aambisyon na Pinoy, hindi ko sinasabi na ito'y lahat, no. Marami
ring nakikita ko na talagang nahihirapan din. Subalit, sana kung ma-
encourage natin ang mas nakakarami, marami kasing naniniwala na
kailangan Chinese ka muna, kailangang Japanese ka, kailagan
American ka, kailangan Kastila, pero tingin nila, Filipino, dapat
maging empleyado lamang.

And kaya tayo we have become a nation of employees, and somehow,

nakikita ko na siguro dala ito ng tatlong daang taong nasa Kastila
tayo, na ang paniniwala natin ay tayo ay talagang maninilbihan na
lang. Kaya we like to serve and we like to be employed. Hindi natin
nadevelop 'yung kultura ng pagsasarili. 'Yan ang gusto kong baguhin
na kultura.

Manuel Villar, Jr. podcast interview transcript, part 2

INQUIRER.net
First Posted 13:10:00 03/07/2007

Veronica Uy: Ano pong tatlong problema ng Pilipinas na nakikita

n'yong pinaka matindi?

Manuel Villar : Walang pera, unang una d'yan, walang pera. At dapat
'yan ang unang unang resolbahin, kasi kahit papano mas maraming
magagawa ang gobyerno, kung meron siyang pera. Walang disiplina,
pangalawa rin 'yan na kailangan resolbahin. At yung peace and order.

Veronica Uy: Paano ho kaya ito masusolusyonan, lalong lalo na from

the legislation point of view?

Manuel Villar : 'Yung legislation kasi bagamat, alam ko na iyon ang

tungkulin namin, ano? Subalit napakarami na nating mga batas
ngayon at nasa implementasyon. Ang mas malaking timbang, mas
malaki ang weight ng implementasyon na ngayon sa pagiging
successful na mga batas.

Marami na kasi tayong batas eh, at nakikita ko na kulang ang

determinasyon din at implementasyon ng National Government and
even local governments. Kailangan lang desidido ka na implementa
'yan. Gaya sa peace and order, kailangan ipakita to talagang desidido
ka, sa disiplina, kailangan din at 'yung sa pera naman, sa pagbabayad
ng taxes, at pagtataas nung ating tinatawag na revenues over the GDP
o Gross Domestic Product. 'Yan ang ating dapat pataasin, bumaba
'yan masyado eh, umabot ng twelve percent 'yan. From a high of
seventeen percent. So dapat ngayon, I understand mga kinse porsiyento
na. Dapat siguro bumalik pa ng konti 'yan sa isang level ng isang
maayos na bansa.
Veronica Uy: Sir, ibang topic naman po, ano ho ang tingin nyo sa
Visiting Forces Agreement, dapat po bang reviewhin ng Senado ito?

Manuel Villar : Ang pag re-review ang isang agreement na ganyan ay

ano yan, dalawang parte nag rereview nyan, kasi pwede naman nating,
basta tigilan na 'yan at wala ng magagawa ang isang party.

Sa akin, dapat i-try talaga natin na reviewhin yan, bagamat hindi tayo
nakakasiguro na papayag ang America, kasi in same manner na tayo
ay may karapatan na reviewhin 'yan, may karapatan din naman sila na
i-reject 'yan. Kaya walang kasiguraduhan na yung ating pagbabagong
gagawin ay papayagan ng America. So dapat pag babaguhin natin
'yan, ay nahahanda tayong mawala 'yan.

Sa akin, personal, okay lang mawala 'yan.

Veronica Uy: Bakit po?

Manuel Villar : Well, masyado naman injustice kasi e ang ating

aabutin, kung talagang hindi sila willing na irenegotiate 'yan, sa aking
palagay e hindi naman tama. Nakaka kawawa naman ay bayan natin
kung, yung sa mismong bayan mo ay ikaw ang magiging biktima ng
injustice. Kahit papano ay malaking sampal naman sa atin 'yun.

Veronica Uy: Isa pa hong ibang topic, marami hong extra-judicial

killings. Ano po ang inyong opinyon dito?

Manuel Villar : May batas naman tayo dyan eh. 'Yan ay kailangan
desidido ang government dyan na lutasin 'yan. Bawal 'yan. Alam natin
na iyan ay bawal, labag sa batas 'yan at anuman ang labag sa batas,
dapat naman talagang lutasin at hindi naman dapat nating hinihintay
pa ang komenta ng mga foreigners dito sa mga bagay na ito.

Hindi natin dapat hinahayaan 'yan in the first place at kaya ako
naniniwala na obligasyon ng ating gobyerno na hanapin at bigyan ng
hustisya yung mga napatay doon sa, yun yung mga nangyaring killings
na yun, dapat bigyan ng hustisya ng ating pamahalaan yung mga
napatay.

Veronica Uy: Tingin nyo ho sinasadya ng gobyerno na hindi hanapan

ng solusyon ang mga...

Manuel Villar : Hindi natin masasabi 'yana pero para mangyari 'yan
ako, nakikita ko na hindi desidido ang gobyerno. Kasi masyado
marami na at ang tugon ng gobyerno parang hindi naman malakas.
Parang masyadong mahina. Kasi sa lakas ng tugon ng gobyerno, dun
mo malalaman kung talagang desidido gobyerno eh. Minsan, makikita
mo na nahihirapan sila. Pero talagang nagta-try, mahahalata mo
naman 'yun kung talagang nagta-try. Parang hindi eh.

Lira Fernandez : Good afternoon, senator. Ako po si Lira Fernandez.

Manuel Villar : Hi, Lira.

Lira Fernandez : Nag co-cover po ako ng Malacañang. Sir, nabanggit

nyo po kanina na parang hindi lang importante na manalo sa Senado.
Kung saka-sakali pang babalik kayo dun, makuha ulit ang Senate
Presidency, kasi mas marami kayong magagawa, posible po ba ito
kung nandyan na si.... kung nandyan pa rin si [Senator Edgardo]
Angara?

Manuel Villar : Oo naman, posible naman lahat. Pwede namang gawin

'yan eh, kahit na sino ang nanduon at sanay naman tayo sa mga--alam
mo sa Senado, siyempre mga negosasyon 'yan sa pagpasa ng panukala
at okey naman si Senator Angara.

Lira Fernandez : Kung saka-sakaling magkakaroon po ng division of

the House, saan po kayo mag-aalign?

Manuel Villar : Ah oo, per issue basis. Ako talagang independent

naman maski kailan. Maski na nung nasa--ako'y bagong senador pa
lang, ang boto ko palaging independent.
Kung ano ang nasa isipan ko sa partikular na issue, iyon na ang aking
ginagawa. Kaya mas maganda nga ngayon eh, na independent ako na
mas libre ako na magdesisyon ngayon kung saan ako lilinya.

Bagamat sa Senado, dapat natin isispin na, wala naman, ang linyahan
dyan ay hindi Administration o Opposition. Ang linyahan dyan
Majority, Minority. Iba linyahan dyan. Pagka ang mga tao ay
nakarating na sa Senado, lahat dyan ay halos bawat isa ay
independent.

Lira Fernandez : Pagkatapos po ng Senate presidency, ano po yung

susunod na presidency ang gusto niyo?

Manuel Villar : Hindi natin masabi, dahil sa unang una, baka wala ng
Senado. Alam mo, nagsasabi ang Pangulo na talagang tatangkain nya
na mag-initiative uli. So, hindi natin alam. Siyempre, sasanggahin natin
'yan, ipaglalaban natin ang kalayaan ng Senado.

Yang aking gustong idiin, kaya isa pang kadahilanan yan kung bakit
tumatakbo ako ng independent dahil talagang gusto kong idiin yung
pagiging malaya na Senado. At yun ay ipaglalaban natin. Bagamat,
realistically, may posibilidad talaga na mawala 'yan kung
magtagumpay yung initiative.

Ngayon, palagay ko mas may oras pa sila sa initiative at mas maitatam

na nila yung kanilang gagawin. Ang sa akin naman, nahihirapan akong
kumandidato sa halimbawa, kakandidato ka naman sa Team Unity na
ang plataporma mo ay tanggalin ang Senado, napakahirap naman nun.
Parang kumandidato ka na iboto ka, tapos ang plataporma mo
tatanggalin ang Senado. Parang inconsistent naman 'yon.

Lira Fernandez : So kung may ganito pong initiative ulit, maaasahan

po ng tao na haharangan ninyo 'yung Cha-cha?

Manuel Villar : Haharangan natin 'yan, pero nais ko lamang sabihin

dito na ang hinahararangan natin 'yung ilegal na paraan ng, yung
unconstitutional na paraan ng pagbabago ng Saligang Batas. Sapagkat
pag ang Saligang Batas ay binago ng naaayon sa Saligang Batas, wala
tayong magagawa dyan.

Kokontrahin natin 'yan, kokontrahin ko 'yan, kokontrahin namin 'yan

sa Senado--subalit kapag natalo kami at nagdesisyon ang mga
mamamayan, walang kaming magagawa kundi tanggapin 'yan.

Kaya ang kailangan dito, maging listo kami na maharang, dun pa lang
sa unang chapter or unang yugto pa lamang ng pagtatangka na
magkaroon ng initiative. Pagka kasi nakarating na sa plebiscite 'yan at
natalo, ay wala kang magagawa duon, dahil sa tama 'yung proseso.

Lira Fernandez : Pero may mga provisions po ba ng Constitution na

dapat talagang ireview na or palitan?

Manuel Villar : Alam mo 'yung mga tanong na ganyan kasi…Ako

kuntento naman ako sa present na constitution e, hindi naman ako
masyadong hot na baguhin ito at naniniwala ako na wala naman dito
ang problema. Subalit 'yang pananaw na yan sa isipan ng ibang tao ay
hindi ganyan, sa isipan na ibang tao, kailangan baguhin ang
Constitution.

Tsaka kasi konti, kung mga amendment lang eh, minor amendments
lamang, gaya ng pagbabago nila ng American Constitution. Imbes na
babaguhin nila isang provision, dalawang provision, 'yung from time
to time eh talaga namang pwedeng i-amend and Constitution. And
mahirap lang 'yung babaguhin mo na 'yung sistema ng gobyerno, kaya
'yung ang medyo mahirap.

Lira Fernandez : May ilang obserbasyon po na kaya ganito 'yung

pananaw niyo dito para daw po malaya yung plans niyo if ever sa
2010?

Manuel Villar : Alam mo mahirap kung nagpaplano ka ng ganyan e

dahil hindi mo pa nga alam kung papano ka magpaplano. Halimbawa,
ano ba ang form of government natin sa 2010. Presidential ba o
parliamentary? At kung presidential, ikaw ba ay papalarin na
magkaroon ng pagkakataon na kumandidato?
Ang sa akin, bata pa lamang ako talaga ay independent-minded na
ako, eh. At iyan naman ay naipakita natin sa ating mga action, maski
nung ako'y House Speaker, maski ng ako'y Congressman, maski ng
ako'y pangkaraniwang Senador ay parating namang independent ang
akong posisyon na kinukuha. At maski nung ako'y nasa business
sector pa, ay parati akong independent mag decide.

Lira Fernandez : Hindi ho ba mahirap maging independent?

Manuel Villar : Madali lang. Kasi alam mo, nung bata ako, talagang
lumaki na ako na hindi nagdedepende maski kanino man eh. Talagang
dumaan ako sa hirap at wala akong choice nun kundi pangatawanan
lang yung sarili ko, magpundar sa sarili ko, at ang una kong ginawa ay
magsarili kaagad, mag konting negosyo na maliit, napalaki ko naman,
kaya simula pa nung ako'y bata, talagang napalinya na ko sa
pagsasarili at yun ang naging panuntunan ko sa buhay, parang--kaya
ka nga nagpapakahirap, para magawa mo yung gusto mo.
Napakahirap naman nung, nagpakahirap ka, hindi mo naman magawa
ang gusto mo.

Lira Fernandez: Panghuling tanong po, parati pong sinasabi ni

President [Gloria Macpagal] Arroyo na kailangan ang unity sa election
na ito. Sa tingin nyo po possible kaya ito, pagkatapos ng May election?

Manuel Villar: Well, depende sa interpretasyon mo ng salitang unity.

Kasi, sa akin, kung ibig sabihin ng unity, iisa ng lamang ating
kaiisipan, o iisa ang ating mga pananaw, e hindi naman ganyan ang
sistema ng gobyerno natin. Tayo ay demokrasya at sa isang
demokrasya talaga namang hinihikayat ang mga mamamayan na
magsalita ng gusto nilang sabihin, open tayo. Sa ating media, sa press,
sa mga demonstrasyon, sa kolehiyo, open tayo at 'yan ay pagkakaisa
sa pagmamahal sa demokrasya.

Kung unity sa pagmamahal sa demokrasya, yan ang magandang unity,

pero kung ang ibig sabihin ng unity is susunod na lamang tayo, eh
hindi naman tama 'yun, iba namang klaseng unity 'yun.
Manuel Villar, Jr. podcast interview transcript, part 3

INQUIRER.net
First Posted 13:22:00 03/07/2007

Erwin Oliva : Hello po, senator. Ako po si Erwin Oliva, kinocover ko

po 'yung Comelec [Commission on Elections] tsaka technology. Sa
unang tanong ko po, ano po ang tingin nyo po sa pag-automate ng
election sa Mayo.

Manuel Villar : Well, ok lamang yan, basta magagawa ng maayos.

Kasi, batas na yan, subalit kung partial lamang at hindi sigurado ang
Comelec, ay ‘wag na lang. Ang sa akin, too late na 'yan. Napag-usapan
pa dahil sa palagay ko ngayon ay imposible nang ma-automate ang
eleksyon. Ang sa 'kin kasi kailangan yan, kumpleto dahil alam natin na
may mga nagdududa sa ano 'yang election. Kalinisan 'yan kaya
mahalaga na masiguro natin na kumpleto ang pag-automate natin ng
eleksyon, otherwise, wag na lang.

Erwin Oliva : Sa tingin nyo ba ho, mawawala yung mga katulad ni

“Hello, Garci,” pag ating ino-automate and eleksyon?

Manuel Villar : Baka hindi pa rin. Talagang magagaling din ang

gumagawa na paraan eh, kaya maaaring ang isa lamang maganda rito,
mabilis ang resulta at baka mabawasan. Subalit, hindi natin
masasabing fool-proof. In fact, dapat alalay din tayo, magbabantay din
tayo dahil, kung mas, bagamat mas mabilis ang paglabas ng resulta,
baka mas mabilis din ang pagdaya. [laughs]

Erwin Oliva : Dun sa aspeto ng teknolohiya ano ho--meron ho ba

kayong plataporma tungkol sa pagdedevelop ng industry na 'to. Lalo
na 'tong ICT na tinatawag nila.

Manuel Villar : Well, sa akin, 'yang ang kinabukasan e at medyo

nahuli na tayo sa manufacturing. Bagamat dapat ilaban pa rin natin
ang manufacturing lalong lalo na export, at lalong lalo na,
manufacturing dito sa areas na ito.

Pero, sa services dyan tayo dapat lumaban at lamang, medyo

nakakahabol tayo ngayon at dyan tingin ko dapat tayong ma-focus.
Pati nga 'yung edukasyon na sa tingin ko dapat ano eh, dapat ay ifocus
na lang ang edukasyon natin dun sa mga kurso na madaling
makahanap ng trabaho at tungkol dito at sa akin kasi gusto kong i-
redirect natin yung ating education dun sa kinabukasan ba.

'Yung mga kurso na mga pinagdaaanan na nga panahon, dapat medyo

huwag na muna nating pondohan 'yan at pondohan natin ang mga
bago naman na parang duon patungo ang ating lipunan.

Erwin Oliva : Sir, related to that, marami sa mga graduate natin

ngayon sa kolehiyo, even yung galing sa mga matataas ng paaralan like
UP, nagiging call center agents sila at tingin nyo problema ba 'to dahil
nabanggit nyo nga ang edukasyon eh itong mga taong to nagiging
empleyado?

Manuel Villar : Well, sa kin, kung ang alternatibo ay lang namang

trabaho, mas maganda na yan. Kasi mahirap di naman yung wala kang
trabaho, at least kahit papaano rito, may trabaho ka.

Siyempre mas gusto natin after a while ay tumaas ang kalidad nung
kanilang ginagagawa pero maaari namang transistion lang ‘yan.
Maaaring sa simula, magsisimula muna sila riyan, at....

Pero nakikita ko yung mga nanggagaling sa call center, medyo

gumagaling magsalita, nagiging confident sila at yung kanilang ano,
ang Ingles, mas maganda, baka maganda rin namang training, ‘wag
natin sasabihin na dahilan sa tumatawag sa telepono lamang ay wala
naman silang training na nakukuha. Palagay ko meron din, at tsaka
siyempre hinahangaan din natin 'yang mga 'yan na maski na gabi
nagtatrabago ang karamihan, nagtatrabaho pa rin. At least, masisipag.
Kaya hindi ko nakikita na masama 'yan. Nakikita ko mabuti 'yan.
May mas mabuti pero yan mabuti 'yan.
Erwin Oliva : Sa larangan naman po ng siyensiya. Ito'y isang
industriya na nakakalimutan na if fact yung budget ho ng DOST
[Department of Science and Technology] ngayon napakaliit. So ano
hong pwede nyong gawin pag kayo'y naboto sa...?

Manuel Villar : Sa tingin ko talaga dapat ang thrust natin dyan eh.
Hindi lamang kasi dapat popondohan mo lang yung DOST or yung
Departamento ng Science and Technology.

Kundi dapat iredirect mo 'yung government machinery para dyan.

Meaning yung buing education department, dapat idirecto dyan, yung
buong health department, dapat i-direct mo dyan, dapat 'yung lahat ng
mga departamento gagamit ng mga latest communication, at mga
training nung mga tao, natin, yung mga empleyado natin, so hindi
lamang naman, titignan natin 'to na papalakasin natin dito DOST,
hindi magagawa 'yan. Dapat yung buong gobyerno.

Yung DOST siguro, iyon ang pinaka lead department at yung ang
pinaka gagawa nung mga mahihirap na aspeto nitong ating pagtungo
dito sa kaunlaran ng siyensya.

Erwin Oliva : Sir, maiba naman po yung pag-uusapan, meron hong

mga religious issues ngayon na kinakalaban ng simbahan, katulad ng
pag-gamit ng condom, sa reproductive health, Ano po 'yung position
nyo ho dito?

Manuel Villar : Ang sa 'kin, nasasa-tao 'yan. Sa tingin ko may

katwiran naman ang Simbahan na sabihin 'yan at 'yan ay tungkulin
nila pero may katwiran naman din 'yung tao na magdesisyon para sa
kanilang sarili.

Erwin Oliva : Sa larangan naman po ng rights ng mga bakla, or mga

lesbians, ok lang ba kayo sa pag-lelegalize ng same marriage unions,
mga ganun na issue,

Manuel Villar : Well, sa akin, maraming rights ang mga ganyan, at

dapat naman igalang natin 'yan. Yung namang sinasabing same sex
marriage, hindi naman porke hindi ka pumapayag dun e hindi ka na
pumapayag sa rights nila. Baka lang masyadong lumalayo naman tayo
sa basic na karapatan nung ating mga kababayan din.

Erwin Oliva : Tungkol naman po sa kuwan, Senator, yung mga

government officials na nagpapaskil ng mga pangalan nila sa public
projects, dapat bang pagbawalang ito o dapat bang gawing criminal…?

Manuel Villar : Alam mo, yan nga ang problema ng ganyan, kasi hindi
nga malaman ng mga pulitiko din kung paano ang gagawin. 'Yung
mga iba sinasabi, binubulsa daw nila yung proyekto, at ayaw na nila
sabihin wala naman silang nagagawa. Yung iba naman gusto namang
sabihin na, eto marami akong nagawa.

Wala akong nakikitang problema d'yan, sapagkat pagka hindi mo

naman sasabihin kung san napupunta yung, yung mga proyekto mo,
pangit din 'yon, baka hinalain naman ng iyong mga constituents ay
ninanakaw mo ‘yun. At least itong, kung sinasabi mo kung ikaw yung,
transparent at nakikita nilang itong kalyeng itong ay ginawa nito,
itong proyektong ito any ginawa nito, ginawa nitong congressman na
ito, halimbawa.

Subalit ‘wag naman masyado malaki. Ang masama rito kung

gumagastos, gobyerno. Dapat pag mag cla-claim ka ikaw ang gagastos
sa sarili mo.

Erwin Oliva : So pwede hong abusihin?

Manuel Villar : 'Yung sa sign, dapat ikaw yung magpapagawa nung

sign mo, pero ang totoo nyan, between yung, between yung itatago mo
kung ano proyekto mo, sa i-a-announce mo, baka mas maganda na
ring i-announce para at least nalalaman ng tao na may ginagawa ka.
Kasi alam naman natin na marami rin naman tayo naaakusahan na
ginagastos lamang.

Erwin Oliva : Sa issue po ng political dynasties, ano po yung tingin nyo

ho dito?
Manuel Villar : Ah wala akong ano riyan, sa tingin ko eh wala akong
problema dyan dahilan sa iyan naman, nasasa-tao yan. Se demokrasya
siyempre, ang tao mag de-decide. Kung ayaw nila ng ganyan, ‘di nila
iboboto 'yung kandidato. Kung payag naman sila dyan, ay ibiboto
nila.

Sa tingin ko, iwanan natin sa ating mga kababayan yan at nalalaman

nila ang kanilang gusto, nalalaman nila ang kanilang gagawn sapagkat
kung halimbawa magkapatid e parehong magaling, papaano naman
'yun? Baka gusto din ng iba na nga constituents na iboto pareho. Hindi
natin sila masisisi.

Kaya sa akin, iwanan natin sa ating mga kababayan ang pagpapasya.

Erwin Oliva : Huling tanong ko na lang, Senator. Sa spirit ng

transparency, magkano po 'yung personal income tax na binayaran
niyo nang in the past six years?

Manuel Villar : Well, sa akin wala akong problema sa income tax. And
dinedeclara ko lang diyan ay ang ating dividends at yung ating pong
sweldo bilang senador.

Erwin Oliva : Magkano po?

Manuel Villar : Ah hindi ko lang alam ngayon, ginagawa ng

accountants 'yan at and dividendo naman ay depende kung magkano
idedeklara ng kompanya.

Erwin Oliva : Maraming salamat po.

Joey Alarilla : Kumusta pa, Senador.

Manuel Villar : Ay, kumusta naman.

Joey Alarilla : Ako po si Joey Alarilla, I'm the gaming ang multi-media
editor na INQUIRER.net. Ito po ba Senador ang una nyo pong
podcast?
Manuel Villar : Oo, ito ang una.

Joey Alarilla : Ano pong tingin nyo dito sa bagong medium na 'to?

Manuel Villar : Well, alam naman natin na ito na ang kinabukasan so

maganda naman ito eh, exciting naman itong nasimulan na natin.
Parang unang hakbang. Inaasahan ko na sa mga darating na panahon
ay mas marami pa tayong mga ganitong mga gagawin.

Joey Alarilla : Ang isa pong maganda dito sa podcast na 'to ay

mapapakinggan po kayo ng ating mga kakabayan sa iba't ibang bansa.
So ito po'y isang pagkakataon para malaman talaga nila ang mga
issues na nangyayari sa Pilipinas. Sa tingin niyo po ba, dito sa eleksyon
na 'to, malaki ang magiging impact ng ating mga absentee voters?

Manuel Villar : Well, hindi pa sila masyadong madami pero ang laki
na ng in-increase nila kaya may impact na rin. At nakikita natin na
padami na ng padami kaya ngayon, itong eleksyon na 'to, siguro
magiging unang eleksyon na may impact sila at itong impact na ito'y
palakas ng palakas 'yan at habang tumatagal ang panahon.

Joey Alarilla : Isa po sa mga nagiging issue dun sa kampanya ay

nakikita po talagang mga artista na tumatakbo ngayon, at ang isa po
ring napapansin ng mga tao yung mga senador na hindi rin naman,
kahit hindi artista, kung anu-ano pong gimik ang kailangan gawin.

Manuel Villar : May asawa....

Joey Alarilla : [Laughs] Sa tingin nyo po ba, I mean kunwari po, yung
mga campaign jingles tapos 'yung pagsayaw, napilitan lang ho ba kayo
dahil para to attract yung attention ng mga botante?

Manuel Villar : Alam mo kailangan din, masaya naman din at hindi

naman kailangan yung seryoso sila. Kung nag-e-enjoy ka naman din,
wala naman akong problema sa mga ganun. Halimbawa, sa aking
advertisement, wala naman akong ginawa dun na hindi ko ginagawa.
Kami namang mag-asawa talagang mahilig din sumayaw. So walang
problema 'yun, basta pinapakita mo nga yung pangkaraniwang
ginagawa.

Joey Alarilla : Talaga pong kayo 'yun, walang pong stunt double talaga
na gumawa nun.[laughs]

Manuel Villar : Ako gumawa lahat nun at in fact, sa tingin ko, there
should be some truth in advertising. Na pag ag-advertise ka sa election
din, dapat totoo naman 'yung i-a-advertise mo.

Mahirap naman 'yung parang ica-claim mo na di naman ikaw. Dapat,

kapag ki-claim mong ganun ka, ganun ka talaga. Kasi naka, parang
malaking bagay sa tao 'yan e, para kine-claim mong ganun ka tapos
hindi ka pala ganun e iboboto ka ng tao dahil tingin nila ganun ka. E
tapos hindi ka naman pala ganun.

Sa tingin ko, parang produkto rin, that there should be some truth in
advertising din.

Joey Alarilla : At huli pong katanungan, kung mamarapatin nyo,

pwede po bang samplelan nyo ano ng...[laughs]

Manuel Villar : Alam mo, kasi timing timing 'yan e but may mg
pagkakataon na tayo po'y sumayaw. Lalo pag may kapartner, me mga
time naman na kahit ganito kaseryoso e wala.

Joey Alarilla : Maraming salamat, po, sir.

JV Rufino : Senator, thank you got guesting my show and for sharing
your insights with the viewers and my editors and reporters.

Manuel Villar : Walang anuman at ako'y nagagalak din at nagkaroon

tayo ng pagkakataon na makaulayaw ang ating mga reporters dito sa
mga kasamahan dito sa INQUIRER at nagkaroon po tayo ng
pakakataon na maipaliwanag yung mga ibang ibang issues na nailahad
po sa atin.