LOMHNAK ( Gratitude ) # 43

Khua pakhat chungah hin a va lut i cuka ah cun thinghmui pahra an rak um i cu hna nih cun an rak ton.
Lamhlatpi in an dir i; Jesuh Bawipa, kan zaangfah tuah, tiah an au.

Jesuh nih cun a hmuh hna i, va kal u law, tlangbawi nih khan rak in zoh hna seh, tiah a ti hna.
An kalpah ah cun lampi ah an thiang.

An lak i pakhat cu, ka dam cang ti a hngalh tikah khan a ra kir i Pathian kha fak piin a thanghat. Jesuh kehram ah khan vawlei ah a bawk i Jesuh cu a lawmh.

Cu pa cu Samaria mi pa a si. Jesuh nih a thawh i,;

An pahra ning in an dam lo maw? Pakua tah khuazei ah dah an si kun? Annih zong ra kir in Pathian kha an thanghat kho ve lo maw? Hi ramdang mipa lawng hi maw a ra kho? tiah a ti.

Cun Jesuh nih amah cu a thawh i; Tho law kal tuah, na zumhnak nih an damter cang . tiah a ti. Hal u law pek nan si lai, kawl u law nan hmuh lai, king u law innka cu hunpiak nan si lai. Zeicahtiah a hlami paoh cu pek an si lai i a kawlmi paoh nih cun an hmuh lai i a kingtu paoh cu innka kha hunpiak an si lai. Hi tluk in nan ha lo ko na hin, nannah hmanh nih nan fale kha thil ha pek nan hgalh ahcun , vancung i a ummi nan Pa chinchin nih cun zeithluk in dah thil ha cu, a halmi kha a pek chinchin hna lai.