To,

Estd: 2003

------------------------------------------Estd-2003 Tedim Khangno Kipawlna

Khol (9) Hawm (76) Itna tawh khat leh khat na kikhual un. (Gal. 5:13) 1 August, 2012
NI CIAMTEHNA(CALENDAR) Pu Pum Khan Thang(Lailui) 1. Ni Ciaptehna pen Khapi-Kha(Lunar-Month) cih leh Ni-kha simna( Solar month) cih nam nih om hi. Khapi khasim na pen a masa penpen aa, kizang hi-in, kha a det panin kha a det kik dong ni 29, nai 12, minit 44, setkan 2.28 a pah hi. Ni-khasimna(Solar month) pen kum khat in ni 365 1/4 a pha hi. 2. Egypt mite in B.C 4236 in, tu hun aa kizangh ni ciamtehna a zangh khin uh aa, kum khat in ni 365 hi-in kha 12 a phasak uh hi. Hebia mite in ni ciamtehna pen B.C 3760 kum leh kha 3 hun in a zang khin uh hi. 3. Zawma mite in ni ciamtehna a neih masak pen in Greek-te ni ciamtehna a kawm uh ahi hi. Zawma mite ni ciamtehna in kum khat in kha 10-a om hi. Tuate in 1) Martius 2) Apritius 3) Maius 4) Junius 5) Quitilis 6) Sextilis 7) September 8) October 9) November 10) December khate ahi hi. 4. B.C 700 kum in Numa Polius in Zawma mite ni ciamtehna kha 10 a cinna mongah Januarius leh Februarius cih kha (2) a hong behlap hi. Januarius cih pen in a lutung ii a mailam leh a nunglam ah maitang nih a nei tanglai Zawma mite' kong cing dawi ahi "Janas" pan a kila ahi hi. B.C 46 kum in Julius Caesus in Greek aksi thu pilna a nei Sosigenes bulphuh in Zawmah niciamtehna hong puah pha hi. Tanglai in Zawma mite in January kha ni khat ni-in ah "Kalents" pawi a bawl uh hi. Noreay mite in January kha pen a Keek dawi kha ci uh aa, Anglo-Saxon te in "Kei vom kha" a ci uh hi. 5. AD 1582 kum in Gregorius XIII in aksi thu pilna a nei mi huhna tawh Julian Calendar a hong puahpha hi. Gamdang ah zong ni ciamtehnate om in AD hunma in ah nitumna lam gam ahi Mexico leh America gam laizang ah a-om Red Indian-te niciamtehna pen (Astronomical Calendar) hi-in tuun lai aa, Gregorius ni ciamtehna sangin a kicianzaw hi. 6. Leitung mun tuamtuam te-ah a kizangh ni ciamtehna te-in Lunar Calendar leh Solar Calendarte ahi hi. Lunar Calendar pen "Sacred Calendar" kici-in Solar Calendar pen "Secular Calendar" kici hi. Relogious Calendar-te ah (Lunar Calendar) khapi-khasimna kizangh pha pen hi. Ei Zomite in zong khapi, kha ciamtehna ih nei hi. Tua te-in;1) Theinosih kha 2) Dota kha 3) Dopi kha 4) Zing kha 5) Gam kha 6) Tang vuih kha 7) Tangsih kha 8) Khuado kha 9) Tang kha 10) Phal kha 11) Nokha 12) Kaukha-te ahi hi. 7. Tuhun a mikang khasimna "English Calendar" cih pen in, Greek aksi thupilna a neite in Zawma mite khasimna a puahsak ahih manin Greek-Zawma khasimna cih theih hi. Tua hi-in tanglai Zawma mite in a kumkhat January kha ni 1 ni pen a "Ka lents dawi biakpawi" bawlni ahi hi. AD 354 kum in Liberius in (Fest of Saturn) pawi bawl ni ahi December kha ni 25 ni in pawi bawl nading thu a pia hi. Hih bangin tanglai dawi biakna thu panin thu tampi kila hi. (Ref; The Truth That Leads to Eternal Life. P 148)

YOU ARE THE RISING STAR OF THE FUTURE

TEDIM

YOUTH

FELLOWSHIP

Motto: Zomi khangnote kideidanna omlo in ki-it, kikhual, kithutuahna tawh i khua i tui khantohna ding, i minamte noptuam nading i gam i lei etlawm nading. ZNC Min kilaih 1990 kitel kum a teel cing Zomi National Congress 2010 kitel kum ah lutlo-in tu-in Register bawlkik aa Zomi Congress for Democracy min tawh Party din kik ding Kumpi in phalna pia hi. Pa Kham Suan Mung ngetna tawh a kingah Zogam a ding huhnate 1. Mualbem-Ngatan lei puahphat na Sum Lakh 253 2. Haupi-Zalui lei puahphatna Lakh 128 3. Tuithang khua-ah Tan 10 sang 4. Myoma Tan 8 Sang 5. Tedim Cilvil Hospital ah Siavuan kicingin hong koih Pa Suan Do Cin ngetna tawh a kingahte 1. Zawngkong leh Mualbem kikawmna Mawtaw lam puahnang lakh 325 kingah hi. Gambup Vuanzi U Win Tun hong piak huhnate 1. Saizang meibawlnang Lakh 100 2. Suangpi meibawl nang Lakh (40) 3. Muizawl sang puahnang Lakh (20) 4. Phunom leh tuithang Sang Boarder lam nang lakh 97.7, cement ip 160 Sikkang dal 240 tuak. 5. Khiangzang Sang puahnang Lakh 25 6. Tedim Golf Culb a ding Lakh 10 7. Muizawl Meibawl nang Lakh 35 8. Tualzang meibawl nang Lakh 40 9. Laaitui Zato tui lak nang Lakh 63 10. Tedim Zatopi a ding Lakh 100 11. Sapan-Zozang mawtaw lam Company te'n hong ziksak hi. Sipen te'n hong piak tui lak nang huhna 1. Tuipi khua Lakh 27 2. Bukphil khua lakh 25 3. Tuithang khua Lakh 28 4. Thalmual khua Lak 13 5. Hiangawn khua lakh 5 Tedim-Taingen kulta kizuut ding A liveina Hlutdaw meeting ah Palai Pu Kham Suan Mung ngetna tawh kizui-in Tedim-Taingen lampi tukum kikeek ding a, maikum ciangin kulta kizuut ding hi.
Kawl Zozang ah Singvui tawh mei lakna kingah

Khamtung Kumpite vaihawm siamna tawh Kawl Zozang ah Singvui tawh mei lakna hong pia uhi.

Ngatan lei hoihta A beisa 8.8.2011 hun in a Saizang khuataw Ngatan lei tui tam luatna tawh kisai-in mibek pai theih ciang hi aa tu-in Motor zong pai theita cih thu kiza hi. Gawng mual ah mei kingah ding hi ta:Tedim gam Gawng mual khua ah khua mite leh gamdang tung sate hanciamna tawh tuitha tawh mei kingah ding hita in, November 2012 hun sung ngah zo dingin kilam en hi. Zogam ah Tedim in a khatna ngah:2011-2012 Tan 10 lai sin kum Zogam bup tan 10 lai vuan na ah BEHS (2) Lawibual Sang in a khatna ngah in, tua sang mah panin Tg. Gin Thang Sang (Pa Thang Ngaih Dal & Nu Khup Lawh Mangte tapa- Lunmual) in 4 D tawh a khatna ngah hi. Hih 4 D ngahna tawh kisai TYF pan in Ks. 100000/- FBBC Sang innah pahtawina kinei a Rev. Dr. Do Suan Mungin zong Ks. 100,000/- ngah pia hi. Tedim Youth Library kituah :Tedim Khangno Kipawlna mintawh ihon a hi Laibu saal Bethel AG Biakinn gei Sia Mangpite inn ah kituah in Monday, Wednesday, Friday 10:00 AM to 2:00 PM hun sung kihong in laibu deih dandan in kisim thei hi. Pa Thang Mung sih galna kipia Sozang khua mi khutlum a si a hi, Pa Thang Sian Mung (kum 41) hong nusiat na huhau in USA gam a om North Carolina, Charlotte Zomite in Ks. 398400/- leh Chin National Party in Ks. 50000/- tawh gal uh hi. Lungdam kohna Tutung laihawm a bei khempeuh USA a om Pa Cinpu Zomi leh Pa Cin Sian Mang (Hornbill Oriental Grocery) te hanciamna tawh a kihawm khaizo ahi hi. Hong huh hong panpih mikim tungah lungdamna lianpi i nei hi. A maute in hong panpih hi kei leh ih laihawm pen tukum February kha pan a kidin khawl pianpian ahi hi. Kipawlna khasum sanglo aa nasepna khawng a phuat baih mahmah in a kip a kho nading hamsa ahih mannin a kip tohtoh theih nading kiim leh paam pan nong panpih nading uh kong ngen hi. Na khat peuhpeuh Sem lehang nuntakna ahi hi.

Tedim Khangno Kipawlna (TYF) Tedim pan kihawm khia hi.