03042, Chinstate Myanmar

Mihing sim in thu maan heak tu

Ph; 0947173117, 0947173232, 07322626

I Timothy 2:4

Vol.03, No.5

May News 2013

Nute ni Kum sim May tha nipi niih na vo in kivawt a, tu kum 105 vei na, akivawt na hi. Nute it na thu le Nute ii athupi na thute, Nute ii atate a it na thu le atate apatta thiam na thute bekma ki son hi. William Mekinley sia anu in it cip a, ama in anu it cip hi. Lai Thiangtho sang khat ah sang Sya seam a, CE Supritendence panmun taw thuakhawm hi. Anu na Bishop asuak tu in panta to a, thunget sak hi. Atapa sia American President suak zaw ahi man anu lungdam mama hi. Tano te Nu na pantathiam a, Ta te in nu it in athu mang ahi kom, Topa in lamsang hi. Topa thupha sang nanaak hi. 1897 kum, anu aci na cip hi. William Mekinley in ahun lap in ama inn le anu inn kilaklaw phone khau thung a, thu kizasak top hi. Anu inn mai ah mawtaw khat koi sak nginge hi. 1897 Dec 12 ni in atapa kang ah a Nu thi hi. Laphuak thiam Charlas MoFillimore na Tell Mother Ill be there ci Nu la khat phuak a, la min thang mama khat suak hi. Nu te it nathu akison ciang hi kumpipa ii min kilo tawntung hi. Eite theampo zong Nu ih it na hang in ih min akilo tawntung tu le Nu thupha a nga Pathian lapsang tate ih hi tek natu Topa in thupha hong pia kiim tek ta hen. Mipil te kammal thupi pawl khat - Lam et na tawmno zongh nei nawnbong ih ci lai tak ngangawn in, Jesu in eite hong lam en lalai hi. [John Wright Follete] - Pathian in ih thahat nataw hi ngawl in, ih tha neam na le ih kamsiat nateng zangh in, na aseam hi zaw hi. [Charles Cal Son] - Kei bang ma hi thei bong ci sia, Pathian bil ah ahoibel La ahi hi. [Wach Maree] - Kiniamkhiak na in, amanlang bel lawcin na hi. [Mahatma Gandhi] - Mihing a thupi naa kaheak na sia, Kiniamkhiak na hi [John Ruskin] - Lungdamh thei na in, kiniamkhiak na ii lim ahi hi. [Aesops Febles] (by : Sm. Huai - Pre School) 2013 atu News hu na 01. Rev. Lian Khua Hau ............ Ks - 1000/ 02. Pa Cin Khua Hau ................ Ks - 1000/ 03. Pa Pum Lian.................... Ks - 1000/ 04. Pa Phut Hau .................... Ks - 1000/ 05. Pa Pau Za Thang(Teno) ... Ks - 1000/ 06. Pa Cin Khua Zam ............ Ks - 1000/

USA Limkhai Innkuan Committee members 1. Pa Khai Khan Lian ........ Chairman 2. Pa Khai Cin Pau ........... Secretary 3. Pa Cin Thian Pau ......... Treasurer 4. Pa Sing Za Pum ........... Auditor 5. Members (15) USA State khat pan khat vo kise aa, State 15 sung ah om uh hi. USA Limkhai Innkuan te ii Tupna/Niimna 1. Kipawl na min sia Limkhai Innkuan(USA)ci hi. 2. USA ah ateang Limkhai mi peuma kihel siat hi. 3. Kipawl na sia 2010 Sept 5 ni in kiphuan hi. 4. Limkhai, khuale tui sung khanto natu bulphu in nasep na phuan hi. 5. Ngam/Khua khanto natu [1] Mawtaw lampi [2] Elctric mei [3] Pil na/Sang inn [4] Cidam na/Zato te bulphu in nasep na hong nei uh hi. 6. Tu ni USA Limkhai Innkuan, inn(79) pha uh hi. USA-Committee Meeting Limkhai khua 3 5 May 2013 Sunday. PM 2:30 - 5:00 Pa Pum Lian (Hausa) inn ah Zo, Bungh, Leidaw Hausa te le Biak na Sya te kingawm khawm in abo sa hunsung nasep nasa te le maisang seplai tu te kikupkhop na nei uh hi. Leidaw, Zongal, Bungh Mawtaw lamvawt na (Set) khop man tu in USA Limkhai Innkuan te ii hongpuak sum te, hawm na le Inn sim seten kaikhop sum te ngawm tuah uh hi. CHIN BAPTIST CONVENTION (CBC) (2013 - 2016 Panmun len te) - President ...........Rev. M Thawng Kam (TABC) - Vice President I Rev. Suangh Cin Pau (NKVBA) - Vice President II Rev. Vai Za Zul (FBA) - General Sec..... Rev. Ngun Thawng Mang(HBA) - Associate G/s.... Rev. Yan Naung (ZABC) - Treasurer ......... Rev. Za Hre Lian (ZPBA) - CITS Principal.. Rev. Dr Law Ha Ling (MTBA) - E & M ............. Rev. Dr Za Biak Ling (BAM) - Associate E&M..Rev. J Awm Khui (MABC) - Youth Sec ......... Pr. Jame Khai Tual (SRBA) - WF Sec ........... Rev. Dr Van Thiang (FBA) - CE Sec ............ Pr. Rem Za Khin (NKVBA) - CSSDD ........... Rev. Ca Thuan (LBA) 2013 atu News hu na 07. Pa Dopui (Yangon/Agen).....Ks - 15000/ 08. Pa Sing Dongh ...................Ks - 2000/ 09. Lia Hung Lian Cing ............Ks - 1000/ 10. Pa Sing Tual ......................Ks - 1000/ 11. Pa Zam Lian ......................Ks - 1000/ (News hu na June tha ah zom lai tu hi.)

Page 1

Limkhai huam sung bek

Limkhai News

Mawtaw thak lei Pa Cin Thian Hau (Tahan) Pa Thang Khua Pau (B) tapa in HIACE SUPER CUSTOM mawtaw thak khat Ks - 6,500,000/- taw in lei hi. Ki lung dam pui mama hi. Phone thak nei/lei [1] Pa Cin Khan Lian ... 0947173466 [2] Pa Zam Khan Pau ... 09400511115 [3] Lia Aye Aye ............ 0931126331 [4] Rev. Lian Khua Hau 0931233680 [5] Nu Zam Khan Niang 0931014312 [6] Lia Manman .......... 09400308919 [7] Tg. Kunghkungh ... 09402554900 [8] Nu Paumek .......... 09400537434 Inn thak lei (Tahan) Pa Awn Khua Kam Family. Tahan khua (EBC) biak inn pai na lampi sang ah Ks-8,000,000/ taw inn thak khat lei uh hi. 23 May 2013 ni, Pa Pau Za Thang Mawtaw bupsap in khuapan Tahan zuan a, a inn thak sung ah tum uh hi. 24 May 2013 Friday, Tahan Sizaang pawlpi sung ah tum hi. Thunget pi/thupha piak na nei 1 May 2013 Wednesday [1] Nu Khekno (USA) [2] Nu Donghcing (USA) te unau in, atap pu Pu Vum Kam tung ah Pu thupha daw na Khui khat ngaw hi. Pu Vum Kam in akhawi sa Vok khat taw belap a, mealheak u le naute kaikhawm in thunget na cialpi le atuu no te thupha piak na nei hi. Tuimei hu na nga (Leidaw) 10 May 2013 Friday. Pabawk Dr. A. Lian Za Nang ii, thinbot na le avaihawm pui na tungtawn in Leidaw Tuimei aphazaw in belap natu YMCA pan Ks-3,000,000/- taw hu hi. UNDP Tintan ka (Tiddim) 13 - 16 May 2013 hunsung Tiddim khua pi ah UNDP program (Ki pua phat na) ci thulu taw Tintan piak na ah, Zongal pan 2, Bungh pan 2 Tintan ka thei uh hi. Tintan ka te in 26 May 2013 Sunday, khua u le nau te tung ah hil kik na nei hi. Ci damh ngen (Tahan) 14 May 2013 Tuesday. Pu Mang Nang le Pi Dim Za Hau te nupa in, atapa (Pa Vungh Lian) & (Pu Tual Thawng) le Pi Zam Ciin te ii tanu, Nu Niang Khan Hung le atano te atu in Pi Zam Ciin (Tahan) inn ah Khui 1 le Vok 1 taw cidamh nget nanei hi. SRBA OB Gospel -17 May 2013 Friday Limkhai Bungh. -18-19 May 2013 Sat+Sunday LimkhaiZongal. -20 May 2013 Monday leidaw. -21 May 2013 Tuesday New Suangpi ah haw kakawi thei uh hi. CE Department pan CE Video zaih taw in thuakhawm hi.Nitak Biak piak na athanop huai mama in a neipui ban ah zingsang Pawlpisung inn sim ah haw a, thu nget sak uh hi. Nidang abosa hun ah hi bang in tha hong pia om ngei ngawl ahi man pawlpi mite lungdam tek mama a, tha hong piak tawntung tu sia thaangai tek peuma hi.
Page 2

Motor Cycle thak lei [1] Pa Cin Khua Zam 125 KENBO R [2] Pa Thawng Khan Cin 125 KENBO R A lei zawk khuangei dingdeng zo hi ka le News sung ah kisuak sak pheang hi. Kilung dam pui mama hi. Nau min phuak [1] Pa Do Lamh Kaap & Nu Thian Pui (Tahan)te nupa ii tano 4 na, aPu Rev. Ngo Khan Thang tap sak a, Lia Thang Suan Cing sa uh hi [2] Sya Thangthang le Leta (Leidaw) te nupa ii atano niih na,17 May 2013 ni, aPu Hang Za Nang tap sak a, Tg. Nang Thian Hau sa uh hi. Nau min thak ap na Rev. Lian Khua Hau in neisak hi. Limkhai khua (3) an vaak 19 May 2013 sunday. U Hang Za Nang (Tedim) te innkuan in U Pum Lian (Hausapa) inn ah Khui Lian mama khat ngo a, Limkhai khua 3 nitak an neakkhop na hong nei sak hi. Inn kaangh, kanghkhu puak(Khuanglian) 21 May 2013 Tuesday. Kawlzaang Limkhai Innkuan kipawl na pan mihing (7) Pa Pau Za Thang Mawtaw tawh kanghkhu puak in Khuanglian khua ah ateang Pa Thian Thang kung ah haw uh hi. Thikkaang pi 9 dal 30 le Nikten puansil, uum le beal, vanh le na tuatuam te puak uh hi. Tua ni Pa Sing Pau te nupa in Vok khat taw Sathamh sep hi. Khuasung ah a om Biak na tuatuam pan Sya le Upa te taw nitak ankuang umkhop na nei uh hi. Lungdam ko thunget na nei 22 May 2013 Wednesday. Nu Hung Khan Huai le atapa Tg. Pumseen te nuta in, atopasal/apu kum 87 Topa na khansau nathupha apiak lungdam na Sialpui khat taw Topa tung ah lungdam ko thunget na cialpi nei hi. Rev. Lian Khua Hau in Hanthot na hun zangh hi. Unicef Tintan (Zongal) 23-24 May 2013 hun sung Unicef pan Saya te 3 hong pai a (Patang kepzia) ci thulu taw Tintan piak na nei uh hi. Leidaw pan 15, Zongal pan 30, Bungh pan 15 Tintan ka thei uh hi. Tintan ka theam po an vaak hi. SRDP Lampi Rev. J. Nang Khai (SRDP Chairman) 2013 kum pan hanciam kik sawm hi. Tu lai tak Voklaak le Taakkhawl kilaklaw Motor Cycle lampi avawt san laitak hi. A ki zom in Taakkhawl le Leidaw kilaklaw vawttu in ngeal na nei hi cithu kiza hi. Mithi [1] Pa Ngo Khua Thawng (Compounder Rtd) (Sya Sing Lian) ii tapa niih na 3 May 2013 Fri ni in Saw myo a inn pan in leitung nusia hi.

[2] Pa Suak Khua Pau (Pu Kim Do) ii tapa nobel 14 May 2013 Wed ni in Limkhai Bungh a inn pan in leitung nu sia a, 16 May 2013 Fri ni in hui hi.

Limkhai huam sung bek

Limkhai News