Zo Phualva

Thupuak

Vo l u m e 0 1 , I s s u e 1 3
October 01, 2011
Thahatna hi lo, vangliatna zong hi loin keima Kha hang ahi hi. Zech 4:6
ZI LEH PASAL ZON ZIA DING (AZOM)
4. PASAL ZONZIA DING:
I Sam 25:1-38 Nabal min pen, mihai min hi a, pasal
hai, a gilo, ama' thu bek thu a sa pa hangin, azi Abigail
lungkham mahmah hi. "Pasal gilo nei, galtuam do" kici hi.
India numei ten pasal zongin, lei zaw uh a, ei Zomite in,
pasal in numei zongzaw hi. Nungakte aw, pasal nateel
khialh uh leh, bawhlung suihin hong kisui ziahziah dinga,
vawli bawl betin hong kibeng ding hi. Khanglui ten, "Sial
in aki keng, vok in a tuuk keng, mihing in, a gamtat hoih
keng" naci hi. Pasian kiangah, pasal hoih ngen masa in.
Numei in, pasal zon, ngeina hilo ahihman, inn ah ngak
inla, hong hawhte hoihtak hopih in. Deihteel lua se ken. Na
lawmpa "Omzia kantel in." A zi bangzahna nahi kha diam!
Ngaihsun in. Pasian um lo, a thadah, thaikap, zunete tenpih
peuhmah ken. Khualmial lakah kihona pelh in. (Khuamial
gamtatna Pasian in deih lo hi). Kiten ma in, na vankhamte
piapah ken. Kiten hitteh "Elzen" ci bibek lel in. Hong zeetna hithei hi. Kha tvei mindai khantawn kimang thei hi.
(A duh baihlua ten ngawlbaih thei hi).
Na lawmpa in a nu bangci bawl kan masa in. Na
teekpa dingin, a zi leh a sungte bangci bawl cih zong kan
masa in. Tua bangin na lawmpa in, nang hong bawlkha
ding hi. Biakna kibang nuampen kha ding hi. Na pasal' nu
leh pa na itpih thei diam! Na pasal in, na nu leh na pa
hong itpih thei diam! Na teek ten nang hong it thei diam!

Nang zong, nang na teekte na it theih kei ding leh pasal

nei kei zawmai in. Ruth in a teeknu bangci bawl hiam,
cih phawk gige sa-in pasal nei in. Pasal hong khoih
thuthutte hong gaai masa sak nuamte hi a, pelh ding
kilawm hi.
Nang sanga uzaw, pilzawte pasal dingin teel masa
in. Na pasal ding teel inla, na kum zong tuatkik zel in.
Pasian umin, hau-in, pilin, amel hoih in, a hong it leh
ahoihpen hi. Uzaw, nautum, pa khat cihte zong naten
ma in, ngaihsun pha-in, khentel in. A gilo, a phincil, zi
vuavua, zi mamate limtak ngaihsut huai hi. Ki tenkhitteh, hong kikhel nave, cikha kei in. Midang tawh nau
neisapi pasal dingin tenpih ken. Mi' zineu ding leh hingsuan dingin kipan vet ken.
Numei kihoihsak luate pate' beh leh hauhna a suangte val thei hi. Na vakpih ngam loh dingte pasal in nei
buang kei in. Inn luah ding, inn tuan ding cihte zong
kan masa in. Mi' nu mi' pa na hon/sin nop kei leh pasal
nei dah zawmai in. A lauhuai lawmngaih natna in,
"Nungak leh tangval ki-awi lopi a, kingaite, ahoih lohna
teng a kigen teh, ngaihnateng a neih semsem pen, a lauhuai penpen lawmngaih natna ahi hi. A telsiam ding leh
a zangsiam dingin, ih biak Topa Pasian in thupha hong
pia ta hen.

Dr. Cin Sian Pau

CIDAMNA THU
Naunawi piakna hangin phattuamna tampi Om
Kumsim in naupangte nawipiakding hanthotna in leitungbup ah "World Breastfeeding Week" ci'n August 1-7 sung
kiciamteh hi. Hihpen naupangte nawipianuamlo in, bawngnawivui khawngbek apia nupite'n atate uh nawitui apiak huaizia
leh akulzia atheih nadingin hanthohna ahihi. U.S. Department of Health and Human Services teleh adang leitungbup pan
Experts te genkhiatna ah nute nawitui pen naupang adingin ahoihpen hi a, kumkhat aphak mateng piak hamtangding
ahihlam kilimgen mahmah hi. Kumkhat aphak masiah naupang adingin akisam Nutrient tuamtuamte pen anu' nawisungah
kihelkhin cihi.
"Women's, Infants and Children Supplemental Nutrition Program" sungah akigelhkhia ahi naunawi piakna hangin
Naupang adingin phattuamna te hih anuai abang ahihi:
Bilsung natna, Pneumonia kici tuapsung natna, Meningitis kici khuaksung natna tepan dalsak hi.
Diarrhea kici sungthoh sungpai natna, Botulism kici ansung kihel vu tuamtuam leh natnadang tuamtuam pan dalsak hi.
Allergy kici kilemlohna hangin cithak, Asthma kici awmsung natna, Eczema kici cithak natnate ngahlotuam hi.
Overweight kici thauna, Obese kici thauluat mahmahna te kiamsak hi.
Anu adingin phattuamna te hih anuai abang ahihi:
Nausuah natnate pan damsiangsak baihhi.
Nawi Cancer (Breast Cancer) leh naubu Cancer (Ovarian Cancer) natnate ngahbaihlo tuam hi.
Calcium kisapna hangin apiangthei Osteoporosis kici guhngot natnate pan dalsaktuam hi.
Naudalna Contraceptives nazatloh hangin nawi hoihtak napiakleh nau kihang sak hi.

 Nau nawipiakna hangin ihsungpan piang ih tate in phattuamna tampi angahding ahih manin, maizum ngaihsutlo
in tate nawitui khamtakin piakding thupi mahmah
hi. Source: ZomiDaily

THU TUAMTUAM
Sabbath Thupuak: September 17, 2011 Sabbath hunpi
ah Sia Tuan Go Pau in LST 1 Timothy 1:15,16 thapiakna
hong nei hi. Nu Ning Khawm Cing le Lia Kim Ngaih
Nuam te unau in thupha dawhna in sun-an hong vak manin
lungdamna lianpi ih ciamteh hi. September 24, 2011 Sabbath pen Pr. Wung Wei Kong (Church Pastor, Miharja
SDA English Church) in Late 46:10 hanthotna nasia takin
hong nei hi. Tua ban-ah Pa Go Lam Kim te innkuan in
thunget deihna leh atanu Kimnu suahni lungdamkohna in
sun-an (buh & aksa) tawh kisai abei khempeuh hong piak
khiat manin lungdamna lianpi ih ciamteh hi.
Hehnep Hun Kibawl: September 18, 2011 ni in Pi
Niang Khaw Zen (kum 88), Pr Lian Khan Dal Nu, in Tedim khuapi Leilum veng pan hong nusiatna hangin September 20, 2011 ni 4pm in pawlpi min tawh Pr. Lian Dal
omna pandan jaya ah atu ata te hehnepna hun kibawl a, Sia
Ngaih cin in hun-uk hong sem in Pr George John in hanthotna hong nei hi. September 26, 2011 nin Pi Ciin Khaw
Ngai (kum 76) in Tedim khuapi Sakollam veng pan hong
nusiatna hangin September 28, 2011 nitak 4pm in Pudu
Anlangh innpi ah atute hehnepna hun kibawl a Pa Do Kap
in hun-uk in Dr. CSPau in hanthotna hong nei hi. September 27, 2011 nitak 9pm in pyidawtha, Kalay pan in Pa Pum
Khan Kam (kum 60) in ong nusiatna hangin September 28,
2011 nitak 4pm in a sanggampa Pa Mung Suan Mang
omna Serdang ah atapa Tg. Lian Kap Mung a sanggam
ulehnau te hehnep hun kibawl aa Sia Mungtong Chairman
hin in Sia Ngaih Cin in hehnep thapiakna hong nei hi.
Nau-min Apna & Thungetsakna: September 24, 2011
Sabbath hunpi ah Pa Mungta le Nu NanNan Chaw te tanu
Naw Htee Ka Bawdin & gam thumna zuan tading ahi Pa
Thang Khan Dal te innkuan, Pa Biak Thian Kim te
innkuan leh Tg. Kap Lian Thawng te Pr. Wung Wei Kong
thungetna & apna hong neih sak hi.
Cheras Yulek Home-cell: September 18, 2011 nitak
6pm in Sia Ngaihcin le Sia Mungtong te makaihna tawh
NuNiangh omna omna Cheras Yulek ah biakpiakna hunte
ban-ah USA leeng tading Sia Tuan Go Pau nohsetna leh
ankuang umkhopna te kizang khawm hi. September 25,
2011 ni ciang Pa Dal SD Piang omna Cheras Yulek ah
kinei leuleu in SS Lesson sinna, teci panna, thunget khop
na cihdan in hun kizang aa nuam kisa mahmah hi.
Birthday Program Kibawl: September 24, 2011 pen
Sabbath 13na ahih bangin July, August, September kha
sunga suakte leh Topa tungh lungdamkohna anei mimal 16
kipha hi. Sia Mungtong in birthday hanthotna hong nei in
Pu Luan Cin Thang in thungetsakna hong nei hi. Tg.
KiiKim in birthday pahtawina hong sa a, liapaal Donnuam,
Siannu, Zoboih te in paak hong piaksak uh hi.
Seventh-Day Adventist Church

THU ZAKSAKNA
Member Fees Zaksakna: Pawl lutna ah kihelna tawh
mapang khawm ni. Malaysia om sung teng ding-khatguak:
Rm 20; Nupa kop: Rm 30; Innkuan: Rm 50.
ZSM Thuzaksakna: Zomi Social-welfare of Malaysia
(Genvai Kipawlna) ah kipawl tek ni. Mi 1, Kha 1, Rm 1=
kum 1 Rm 12.
Lesson bu Kingah Lai: Sabbath School Lesson bu
(Mikang kam & Zokam) kingah lai hi, adeih peuhmah in
pawlpi tanu te kiang na kanpah un.
T-Shirt Kithoh Tading: Abeisa hun a ih lunggulh aom
mah bangin pawlpi min tawh ih thoh T-Shirt (puan) a sawt
lo in kingah thei tading ahih manin alei dingin kiging khol
tek ni.
Lungdamkohna: Tutung Zo Phualva laihawm tawh
kisai abei khempeuh Siama Vung Don Nuam in itna tak
tawh hong piak khiat manin lungdamna lianpi ih ciamteh
hi. Topan athupha hong dipsak kik ta hen! Amen.
Produced & Distributed by ZAC Family (2011)

Zomi Worship Service

15-1-5 (1st Floor) lorong Tiongnam 5

Off Jalan Raja Luat 50350 KL, Malaysia

Mr SB Ngaih Cin, Church Pastor

Mr Cin Sian Pau, Assistant Pastor
Mr Tual Suan Mung, Youth Pastor

A3 Veina Kepong Veng Home-cell: September 19,

2011 nitak 7:00pm in Pa Zam Nei Thang omna, Kepong
Jusco ah Siate nih tawh veng kikhopna nuamtak kizang hi.
Hun-uk Sia Ngaih Cin hin lesson sinna Sia Mungtong in
hong makaih aa, tecipanna, kamngah genna, atuam in
thungetkhopna cihte in hun kizang a tha kingah mahmah hi.
Khangnote in Farewell Bawl uh: Liapaal Siannu &
Kimnu makaihna tawh September 25, 2011 nitak 9pm12am dong khangno ahi thei tengin farewell kibawl hi.
USA lamzuan tading Pipi, Thawnleek, Nautuang te nohsetna hin hong kihel khempeuh kawlgam an mohhenkha
gilvah takin kine khawm liai-liai hi.
Hangtuah Veng Kikhopna Kinei: September 21,
2011 nitak 8pm in Tg. Kai Sian Pau omna ZIM zumpi ah
Hangtuah veng kikhop biakpiakna nuamtak kizang hi.
September 26, 2011 nitak 8pm in Sia Dalpu te kiangah
veng kikhopna ban-ah USA aleeng tading Pa Thang Khan
Dal, Nu Suh Kim, Tg. Pipi, Tg. Thawnleek, Tg. NauTuang te innkuan tutpihna le mangpha khakna hunte kizang
hi. Inntek te adingin thungetsakna nasia tak kinei hi.
Pudu Adventist Church Khangnote Hong Pai: September 24, 2011 Sabbath ni khangno hun in Pudu Adventist Church pan khangno 14 hong pai uh aa phatna late
hong sa in khat le khat ki maingapna (fellowship) hong
nei uh ban-ah lathak hong sin pih uh aa akua mapeuh tha
kingah mahmah hi.
Lungdampihna: Abeisa kal sungin pawlpi mi sung
pan in Pa Thang Khan Dal te innkuan, Pa Biak Thian
Kim te innkuan, Tg. Kap Lian Thawng, Sia Tuan Go Pau
cihte in gam thumna hong zuat santa ahih manin pawlpi
in ih lungdampih mahmah hi. A masuan vuah Topan na
om pih den ta hen!

014-922 9452
017-329 1810
017-326 5747

Every Saturday:
Sabbath School
Divine Service
Adventist Youth

10:30am
12:00pm
2:00pm

Email: zomisdamls@yahoogroups.com

PAI DAN DING:

BUS > Chowkit Bus Stand
MonoRail> Chowkit Station
LRT Meileng> PWTC Station
KTM Meileng> Putra Station