1

Siyin Association for Christian Communication

Pathian a bulphu Minam. Ps.33:12

Lom.2, Hawm 1

Apri,l May, June 2012

SCC MIN LAI NATU TAW KISAI Amin 2006 kum pan kipan Sizang mi theampo kipawlna khat lampuite vaihawm thiamna taw kizui in Siyin Christian Community (SCC) ci in ih kipat to sia thanop huai mama kipawlna hong suak hi. Kim le pam ih suapuite kalsuan zia tungtawn khua ih ngaisut ciang, ih kipawlna min laitu ngaisutna hong piang hi. A min tu in SACC (Siyin Association for Christian Communication) sia Mualpi Siyin Baptist Church, SRBA 13 October ni SCC-EC 2011/02(b) khensatna hong puakto bang in kikupna kinei a, ni Limkhai Zo Baptist Church, SRBA1 May 2012ni SCC:Annual 2012/02 thukhensatna kipsakna kinei hi. Ih suapuite in Chin Association for Christian Comunication (CACC) Hakha ah zum na koi uh hi. Ih suapui dangte zong in Zomi Association for Christian Comunication (ZACC) Kalaymyo ah zum na nei zo uh hi. Leitung bup huam a, hi kipawlna taw kisai a omzia teng acing in ih heak tek sa ahihi. World Association for Christian Comunication (WACC) ci bang in kipawlna min na om tato hi. 2 May tha 2012 kum pan kipan min sia SACC zangh paitu a, thu paizia om bang 2014 Triennial ciang kipsak tu in mipi lungkimna kinei hi. Zuitu ngeinate le thuthunte (Constituitions and Byelaws) taw kisai SCC in kinei zo ahizong SACC ci in minlai ih hikom athak et kikkultu, puaphat tu kisamtu teng vaipuak neitu in mi (5) Committee anuai abang Annual Meeting pan kiteal hi. Kiim le paam ih suapuite a taw enkak in WACC dong kat tato tu ngaisutna kinei hi. Sizang mi theampo ih omna mun le ngam tuatuam pan ngaisutna phate ih ngawmtua tektu thupi mama tu hi. 1. Rev.P.Suangh Cin Pau President 2. Rev.James Nang Khai Secretary 3. Rev. Lian Khua Hau (Limkhai Zo Baptist/SRBA President) 4. Rev. Tual Khan Nang (Thuklai Section Superitendent) 5. Rev. Ngo Khua Nang (SDA) NANG AKUA THANGAI NI? Leitungah khua ngai sasun leang thu le la tam mama kimu thei a, Pathian pian sak thingkung, lopa, ngamsa namcin pan kipan na theampo tungtawn in thu tam mama kimu thei hi. Thingkung, lopate en pak in hi leang, ANAM om a, AMA TE NAM tetek nungta hi ngawl ziam? Ngamsa, Nganhing nam tuatuam sung pan zong ih phawktu thu le la tam mama om hi ngawl ziam? Mipilte in a huampui in NGANHING ci ziau hi. Tua NGANHING sung pan in NAM tuatuam na om lai a, Zoo (Nganhing khoaina) ih pai ciang ih phawk thu le la tam mama hi. Pu le pa te in paunak khat na nei a, Sial vom le Sial vom ki thangai a ci bangma Eima le leima kithangai mama thong hi ngawl ziam? maw. Nang akua thangai ni?
Hawm 1

KAM KUM KHAWM LEANG NUAM Eima nguak ki nungta thei ngawl, Innkuan khat bek ki nungta theingawl, Innkuan pawl khat kipawl in thukimna taw vaihawm in, Sep le vawttute hong sep takciang matutna, ngualzawna nga a, kiim le paamte in bangbang thu le la vaihawm nuziam? ci in hong dongtu hi. Khat le khat thu kidong, thu kiko, ngaisutna pha tuatuamte kum khawm leang nuam mama sa thong ingh. Leitung ahikom ih ngaisutna kibang theingawl, ih ci le sa ( Ih meal) zong kibang ngawlthong hial ahikom leitung sia lungkim hun om mama ngawl thong zam ee. Inn kuan khanto natu, Khua le tui, Pawlpi, Minam khanto natu taw kisai kipua phat natu, tam mama tu hikale a thupibel sia NANGMA MA/ KEIMA MA pan hong kipan leang ci in ngaisun ingh.
-1NIKONGHONG - Lom 2

KHAN SUANG PHUNA (DVD) 20 November 2011 ni Siyin Baptist Church & 30 December 2011 ni Sizang lai ih neizawk kum (120) cinna Khan suang phuna teng lampuite vaihawmna tungtawn pan ATOM kim in DVD Copy (300) kivawt a, khat ciang Ks.1000/- kizuak hi. Akua mapo in kidei tek mama ci thu kiza a, Australia Copy (20), Malaysia ah Copy (50) le Singapore Copy (30) kithak thei hi. Email taw in hong kingetna khat pan Choir kidemna teng & Sermon DVD kivawt le ci hong kivaithak ciang DVD taw Copy (100) kivawt kik a, a haingawl in hong kihawm kik theitu hi. Khat ciang Ks.1000/taw kizuaktu hi. 3CONCERT DVD 18-20 November 2011 hun sung A(3) veina Siyin Music Concert taw kisai a dadawl Committee tuatuam pan thukimna tungtawn in Pa En Lam Khup@Khuppi Leidaw ii DVD vawttu in vaipuak ki aap hi. DVD vawtna tutaw kisai Audio Ks.400,000 & Vedio Ks.400,000 ci in sonna kinei hi. Tu laitak Concert DVD vawtna sia line 3/5 kiman zo pheang hi. Ngaisutna pha tam mama kidei a, minamdangte vawt bang ih bat zawk natu thungetna taw mapang khawm in kalsuan tektu kithangai mama hi. BANK TAW KISAI Myanmar Economic Bank, Kalay Myo SP008049 Pa Vungh Cin Pau & Pa Mang Za Khai min taw ih sum nei teng kikoi hi. 2011-12 budget year kum sum kithuk Ks.1,400,000/- a, (3) vei Bank ah kikoi hi. Bank meet sia Ks.29,480/- pha a, 1 May 2012 SCC Annual Meeting, Limkhai Zo Baptist Church ah ih vawt ni ta ciang Bank ah Ks.1,673,480/- fund kinei hi. LAI AT THIAM KIDEMNA 2011kum Annual Magazine (or) No.4 Lai at thiam kidemna taw kisai SCC Sun mang (SCC Vision) Pa Ngin Khua Pau Thuklai, Pa Pau Khan Do Kalay University le Bo Vum Cin Khai Khaikam te in hong at ahikom mi khat ciang Ks.10,000/tek tel kipia hi. 2012 kum Annual Magazine (or) No.5 sungpan Article teng en in aphabel khat bek tealtu a, Ks. 50,000/- tel piaktu in khensatna kinei hi. Akua mapo hanciam in at tek tawng.
Hawm 1

COFFEE THU ATOM Coffee nikhat sung hai 2 veu ahawpte, a thinkha sung, suang omthei ngawl hi; Zu tam anete zong, nikhat Coffee hai 2 veu hawp le, a Thin tum ngawl zaw hi; Coffee in ih lung hong pil sak hi, ci hi. Coffee thau sungah (Biodiesel) sathau namkhat kinga thei a, tasia sungpan zu sungah a om (Ethanol) zong kinga thei a, nidang ciang, Motor Car sathau zong kizang theitu hi. Ahihang, hai 2 saang atamzaw hawp heak in. Na pumpi in thuakzo ngawl tu in. Tu laitak Super Coffee mix pan kipan a tuatuamte neaktu phangawl het Chemical dat tam mama kihel a, zan in kimu thei ngawl het hi. A phabel sia eima Coffee te ma zatui tu phabel bek hi. NUI ZII TAWNG I Ni khat, Pastor pa, Pathian thu kikup puitu in, Pawlpi mi khat kung a pai le, a inn kikhaak a, Kong kha kikiingh a hihang kua ma in hon ngawl, a hi ciang, mundang khawng ah vak hi vak ci-in, Laidal beknokhat tung ah Thu pualakna Revelation 3:20 ci in at a, Kongkha tung ah chiat sak in mun dang ah vaak suak hi. A nipi ni kik ciang Pastor pa in ama ih laidal no Revelation 3:20 a at sia a LANG KHAT ah, Piancil 3:10 ki at lai dal bekno sia sumpi donna bung sung ah mu hi. (Keima in kongkha ah dingin ka kiingh hi; khat po in ka aw hong za in kongkha hong hon le, inn sungah tumin............. Revelation 3:20) (Huan sungah na khawsuan nging kaza a; ka pumnguak om ka hikom lau in ka buu hi.......... Piancil 3:10) by; Khen, Germany NUI ZI TAWNG II Germany te khat, a sum vawtna taw kisai a, Mangkangte khat taw a kimu tu kul a, ama Mangkam he ngawl ahikom, Mangkam sin hi. A Syapa in, ama mun ah, bangma thintoi om bo, kammal nii pau thei photpo lete, adangteng sia, na kamphen sia na, hong zomtu zam ci hi. Na kimu po ciang, How are you? (Na dam nam?) ci tu ni hi.Tasia ciang ama na, Fine, and you? (Dam khi hi nang eh?) hong ci kik tu hi. Tasia ciang, Me too (Kei zong) ci zo kik tu ni hi, ci in hil hi. A kimu tatak ciang, a Germanpa na, a kammal mangil a, a suak papo a a pau a, Who are you? (Akua ni ziam?) ci tha hi. A Mangkangpa na, lamdang sa kawkawm ma in zo kik a,Im Winnies husband (Winnie pasal khi hi) a cile, a Germanpa in, Me too (Keizong) cici lai hi. Poi tatak ee.... ooOoo
-2NIKONGHONG - Lom 2,

Sumzuak Sum leihna taw na Hau nuam ziam? Zozam (M.Dev.S) Master of Development Studies Vawt thei khat, atuan zuak, thei khat papo nei leuteh vanh man a khakhan hang patau om ngawl hi. Na vanh zuak uh a manh khanh pai lel tu nu hi. (Sya Lam) Atung a kammalte a son thei tawntung Syapa ka phawk thei vazek hi. Laitam sim a, thu he pasal khat ahi na ka tel saseam hi. Leitung tawmvei ih nuntak sung a ngimnga, a zawngkhaal bebek ih ni tum lalawm sia suak theingawl a, thulo, la lo, belh thu khat ahihi. Midangte hau thei nuam sa theitek a, Ei bang hang hau theingawl nuamsa theingawl thong hi ziam? Sum vawt (Sum leang hi ngawl) tetek midangte khangto a, ei bang hang khang thei ngawl thong hi ziam? Leitung mit taw muna a thupi pawlkhat ih zui theitu na om nginge hi. Taanglai, Lai Thiangtho lui hunlai in Sum meet vawt, Sum haupa ci a, kiphat son ngawl ahi kom hi bang te pawl sia tu dong ma kitung et thei lalawm ngawl hi. Tua hun lai, a mate hauna sia zawthawk thu taw hauna a hihang hi . Tu hun ciang Sum meet vawt thei na, Sum hau theinate sia Thiam na, Pilna sung pan a sangbel ah hong theng a, mihing khangto nuam theampo in thupha lapha in hong sang tek hi. Banghang ziam ci le zawthawk thu taw kidem na hi ngawl a,(Fair Play) thupha taw khat le khat mihingte nuntakna khanto natu sepna ahi hun lam mihing theampo in tel kim tekzo hi. Na na sep Na Business maipai matun a, na hau thei natu anuai a thute tel in na zui theitu thupi mama tu hi. Accountant (Sazian leen) A thu mann, a kizen sazian leen khat nei naak in. Ama in na nasep tam mama hong dawn theitu hi. Sazian ngawl taw nasep kipan ngei heak in. Price (Vanhman) Na vanh manh sia ngual zuakna taw a kidem theitu (Competitively priced) ahi tu thupi hi. Ngual a saang in a manh a hamzaw le vanh leite in nang a hong lei ngawltu hi. Tua ahi ciang, na vanh manh sia ngual a taw aki kim (tbl) a manh olzaw zuak naak saal in. Vanh manh sia ngual a taw a kinaai thathei sia pha belh hi.
Hawm 1

Quality (Van pha/ Van tak) Na vanh zuakte ngual asaang, aphazaw, a sit zaw, a taknei zaw ahi tu thupi mama tu hi. A niam bel in ngual a saang quality niamzaw ngawl tu a, quality a niamzaw tha zezen le zong ngual zuakna saang in a olzaw zuak naak in. Ngual a saang quality apha zaw le amate zuakza saang in a saangzaw amanh hamzaw zongh kizuak thei hi. Ih vanh quality sia thupi belh hi. Service (Sepzia/dianzia) Vanh deite bang bangh muak tu, dawn tu, sep puitu dian puitu, Service piak zia cite theampo ngual vawtna taw in a kikim akibang zawk naaktu hanciam in. Ngual saang in a saangzaw tu sia pha zaw kaan a, ngual saang in niamzaw sak ngei heak in. Na Phaukde te thinkiam a. khuangai sakngei heak in. Ki dawm belh in. Relationships (Kimeal heakna) Business tambelte khat le khat kimeal heakna taw ma tunhbel hi. Maangte in Warm, Friendly relationship sia thupi sak mama a, vanh leite tung bek hi ngawl a, Staff te le na kipawl pui papo tung ah na thinsauna, na thu thiamna le na thinphatnate lak tawntung in. Location (Na nasep namun) and Goods(Vanh te) Na nasepna, Business zonna mun na tealthiam mama tu thupi hi. Na teal khial le sumh tu a, na teal thiam le meet tu ni hi. Tabang ma na vanh zuaktu zongh teal thiam in, pil vaang in. Flexibility (Hun zui a, ngamtat theina) Leitung sum zon, paai zon daan (Business World) sia ahun ahun in kikheal ahi hun lam phawk kiu kio in. A hun zui in na ngaisut, na vanh zuak, na vanh vawt sia lai ngam in. Na zuak daan, na vanh koi daan, na vanh tuun daan dong in lai theingawl tu tuat heak in. A lai tuak papo ciang lai theitu in ngaisun in. Na thin, na lung ngaat cintun in koi tha ngei heak in. Learning from Mistakes (Khialna pan pilna nga) Naa na seam takpi le khialtha naksaal lel tu ni hi. Na khial thakna tung pan pilna, heakna la thei in. Ni vei ta ciang khialtha khi hi ci sia zaaknop bek a, thum veina khial tha laleau ci sia kuama in hong saang thei nawnngawl tu hi. A thupi bel sia khat vei na khial thakna pan in pilna, heakna, kidop theina, nga thei naak in.
-3NIKONGHONG - Lom 1,

Information & Knowledge (Thule la heakna) Na nasep, na Business taw kisai thu le la, tampi tak a hun, a hun in kan vilvel in, tel kiokiu in. A pha zaw, a hoi zaw, a liimci zaw, a thak zaw asua thei na tu ngaisun tawntung in. Na lungmanhna a om ciang thu he te (Expert) khat papo tung hungen tha da heak in. Kumpi te ih thu le la lai tawntungna tungah zongh na sazian leen sia taw kikum in, a hun lap in del tawntung vun. (A tung a teng sia Sum vawt/ Sum zuak daan, Business vawt daan atu akisam bel thute ahi hi. Business ih ci ciang tu hun, Nalone, Tunglone, Jhee Hte te le kumpi vanh khaam sum leang vawtnate ih ci nopna hi ngawl hi.) ooOoo KAM ZONG TAWNTUNG HEAKIN Na pawl nalawm tu a, hong kisee thu um mite taw Pathian biakkhop tu, Pathian thu sonkhop tu, Pathian atu sep khoptu, kam zong tawntung heak in. Na dinh mun taw kizui in, Pathian hong piak thiamna le thatangte zangin, Pathian atu, na meetvawt bale, Pathian lungkim kana teng ci thada, supna bona zong hong theng thei hi. Ref: The Bible Expository Commentary (Weirsbe) The Bible Knowledge Commentary(Walvoord) Be A Real Teenager CAPTAIN.F.M. RUNDALL VAWT LAIBU Sizang lai ih neizawk kum (120) hong cin kum Capt.F.M.Rundall ii Sizang lai hong vawtsak masak sia Rev.Vum Khat Pau Former Secretary in Yangon pan bu (100) hong vawt sak a, bu khat ciang Ks.1000/- in kizuak hi. Pawlpi le kipawlna tuatuam ah Library tu in kilei thei lai hi. SACC Laihawm NIKONGHONG Panmun neite
Rev. James Nang Khai Rev.P.Suangh Cin Pau Rev. Esther Cingh Niang Pr. Hang Do Pau

CIDAMNA Salat Ankamte-Salat te 100mg (61usyom;) sungah, f Calorie 20gm, Protein (Sadat) 1.4 gm, Sathaau 3gm, Calcium 56 mgm, thikdat 2.1 mgm, Vitamin A 1119 IU, B1 0.06mgm, B2 0.12mgm, Niacin 0.5mgm, Vitamin C 17 mgm omh Salat in, (1) Chi thum, Zunthum kiamsak (2) Mittang thahatsak (3) Ih thau leih tu khaam (4) Chi sungah thikdat tam sak (5) Thuak tha hatsak (6) Lungtang thahat sak (7) Tuap tha hatsak a, buuk le awmciak natnate khaam hi ci hi. Ih Kham tung ah kicing peuma lel hi. SCC AUDIT 10 October 2012 Kum lang Sazian sit Mrs.Capt. Lua Thawng, LSBC 22-23 November 2011 Seminar & Concert Siyin Baptist Church, Siyin Ywa 20 April 2012 Kum cin Sazian sit Mrs.Capt. Lua Thawng, LSBC The First SCCTriennial Meeting Hiangziing pan a kiteal Saziansit tu Upa Tuang Za Khai LSBC, le Upa Ngin Za Lian Buanman te hi a, 6 September 2011 ni in Upa Ngin Za Lian in hong nusia ahikom Upa Tuang Za Khai LSBC, Upa Tuang Za Thang, TSBC le Audit Convenor Rev.P.Suangh Cin Pau President te in 20 April 2012 ni Association sazian teng hong sitsak hi. 2011-14 SACC THU BULPHU 2011-12 Renew in the Lord Isai.40:31;Job 29:20; Ps.51:10 2012-13 Return to the Lord II Chro.7:14; Deut.30:2-8; Lam.5:21 2013-14 Revise Thy Work O Lord Hab.3:2; Neh.2:17; 4:2
SCC SEP TU A KINGEAL PAWLKHAT - Sizang lai ih neizawk kum 120 cinpoai Khansuang mun (2) phuna DVD vawttu - Nikonghong a hunzui in suak saktu - SACC Annual Magazine suak saktu - A hun zui in Sizang Lai kikupna vawttu - Sizang taangh Lakamte kaikhawmtu - Sizang Paunakte kaikhawmtu - A hun zui in Sizang La sak Poai vawttu - Sizang tangthu laibu vawttu - Sizang khang tangthu a kicing in vawttu - Sizang minam puan a hunzui vawttu - SACC Inn mun khat leitu - Sizang minambup kipawlna ahikom, ngam sung, ngampua kipawl khawmtu
-4NIKONGHONG - Lom 2,

Treasurer
Pa Mang Za Khai Accountant Rev.Kam Khen Pau
NIKONGHONG sungah lai at nuamte le suasak nop a neite in nuai a bangin hong kizom tavun.

Email: <nangkhai@gmail.com>
Hawm 51