Vol. 3.

Issue 11

November 2012

RNI.No. MIZ.MUL/2009/29499. Postal No. MZR 82/2010 - 2012.

(A monthly newsletter of the Zomi Baptist Church)

Editor : Rev. Suan Khan Thang

(A monthly Newsletter of the Zomi Baptist Church)

RNI. No. MIZ.MUL/2009/29499. Postal Regd. No. MZR 82/2010 -2012

LAITAI

Vol. 3. Issue 11. Zon-olna Editorial .......................... Nupite adingin pulpit ......
Khen Khan Pau

November 2012 01 02 04 09
Editor : Rev. Suan Khan Thang B.A., B.D., M.T.S +919615558559 Editorial Board : Upa Zam Za Lang Upa Zam Khan Kap Upa Nang SianMung Upa Zam Lian Thang Upa J. Thawmte Business Manager: Sia N. Cin Thang 09615948861 Type setting : T. Sawm Lian Circulation : Pa Thang Khen Muang Address : Laitai, ZBC Office, Champhai - 796 321 Mizoram, INDIA
Office Phone : 09615151893 Email : zbcindia@gmail.com Website : zomibaptist.com

Zomi leh bitna .................

Dr. Hau Za Cin

Zomi i cih ciangin ...........

Rev. Dr. S. Pau Khen En

Leadership seminar .......... 11

Rev. Gin Lam Thang

Phattuamna nei tuan kei ..... 14 USA ka zinna ..................... 15

Rev. Pau Khan Khai

ZBC Revival Team ............ 18

Evan. Thang Lian Go

ZCLS & ZBLB Zolai ........ 19

T. Sawm Lian

FIFA leh Upa N. L Thang .. 24 Dahpihna ...................... cover

Laitai kum khat tatman : India & Kawlgam ..... ` 50/Gamdangte .......... U.S. $ 10/-

Edited published by Rev. Suan Khan Thang, on behalf of Zomi Baptist Church at Champhai, Mizoram; and printed at C. K Press, Champhai, Mizoram - 796 321, India Copies - 900
1st Issue of Laitai : Sept. 5, 1990

Editorial ............
Nasepna khatpeuhah lawhcin i sawm leh tup le ngimna (aim & object) kician neih kul a, tua i tupna ciang i tun theih nadingin geelkholhna (planning) kisam a, i geelna pen a piangthei (feasible) ahi takpi hiam cih etkholh a kancian kisam hi. Tuate a ban takin i et masak kei leh Aesop laigelhna-a zusahon committeete in zawhngeu long (bell) awhsak a sawm uh bangin bangmah loin bei thei hi. ZBC in project nih numei khantohna leh naupang khantohna a neihna penin nasepna khatpeuh a lawhcin nadingin training a kisapzia hong phawksak mahmah hi. Amau in tua nasep nadingin a nasem dingte limtakin training masasak a, tua banga training a piaksate a mawk khawl ding phal nawn lo leuleu hi. Pawlpi nasepna zong lawhcing hen i cih leh a vai sai dingte i teel ciangin pilvang takin i teelsiam kisam hi. Gentehna in Mission Board Member dingin Kha mangthang a vei, upna kamciam a hahkat, mission kikhop a thanuamte teelin, Relief & Development Board member dingin cimawh genthei leh meiging tagah a huhhuhte, khantohna lamah na a semsate teelin, Education & Literature Board member dingin Nipi sang a kahkahte, laisim leh laigelh a hahkat, laibu gelhsate, laibu bawl nadingin ngaihsut piakna a nei thei ciangte teel thei lehang, bang hang hiam cih leh, Literature Board memberte pen Laitai Editorial Board member hi pah uh hi. Biakna pawlpi lian pipi Presbyterian, Lutheran, R.C., Methodist, Baptist Church of Mizoram, leh Penticostal Chuhrcheste in amau pawlpi sungah gambup makaipi (President / Moderator) dingin ordained minister bek zang uh hi. Amaute ngaihsutna panin biakna vaiah siampite pen a nuntakna uh a hunbitin Pasian nasem ahih manun dinmun sang penah koih uh hi. Mizoram a BCMte, Evangelical Church of Maraland, leh UPCte bangin ordain khempeuh zong ci loin, pastor ordain a ngahsate lakah a senior diakte bek Moderator / President in koih zel uh hi. Chin Baptist Association, Zomi Baptist Church, leh Evangelical Baptist Conventionte in gambup makaipi (President / Moderator) dingin Upate teel uh a, EBCte in upate lakah zong ordain ngahsate bek koih citciat uh hi. ZBC in gambup huama committee ah hunbit nasem Secretaryte pen Secretary ahisain koihin, Chairman/President ding pen Upate (laymen) lak pan teel uh a, tom gen lehang ZBC pen hunbit nasemte leh upate kal kikima nasepkhopna ahi hi, ci lehang kigenkhial khol lo ding hi. Laitai November 2012 1

NUPITE ADINGIN PULPIT BEK HI KEI

- Khen Khan Pau, Thuampui

Mi pawlkhat in pawlpi sungah numeite in thuhilh thei lo ding i cih teh, numeite sep ding a beisiang kiuhkeuh danin ngaihsun laizang uh hi. Pulpit tung pana thuhilhna bek Pasian nasepna a sa kha mi tampi ki-om hi. Pasian nasep pen bang sem cih a thupi hi loin, bang lungsim puak tawh sem hiam cih a thupi hizaw hi. Pasian nasepna ah a thupi a thuneu cih om tuan lo a, lungsim maan tawh sepna thupi pen hi.

(evangelist) leh sangmang (missionary) khawng zong sawlkhia thei uh hi. Lai lam nasepnate ah zong numeite naep theih ding tampi om hi. Tua banah Pasian nasepna-ah a thupipen ahi thungetna pen numeite in Pasian leh pawlpi a dinga a septheih lianpen khat ahi hi.

A pasal leh a tate ading ahi zongin, pawlpi ading ahi zongin, Pasian nasemte ading ahi zongin numeite in a om munmun panin thugen thei uh hi. Kha khantohna Numeite in numei kihopna- a pianna mun tuamtuamte a ki-et ah hun zang thei uh hi. Tua bang ciangin nupite thungetna hang a hun zatnate a tam theih nadingin piang tampi om hi. pawlpi in zong ngaihsutpihhuai hi. Hih atunga i gen thute banah Numeite in Nipi Sang (Sunday numeite sep theih a thupi School) ah naupangte Pasian thu mahmah khat om lai hi. Tua in hilh thei hi. Biakna lam kipawlna tuamtuamte ah zong makai leh lai- innkuan sung hoih taka kepna ahi at khawng zong sem thei uh hi. hi. Hih in Pasian piak tavuan Hih teng banah numeite in numei lianpen hizaw hi. A pasal zahtakin a sepna dangte kiangah gupna thu gen thei uh hi. Zato innah natvehnaah ahi khat peuhpeuhah a panpih ding zongin, a cimawh a zawngkhalte hi. A tate Pasian thu tawh kituakin huhna tuamtuam piakna ahi pantah ding a, khansuah ding hi. zongin sem thei uh hi. Numei Tu hun teh numei pawlkhat in inn kipawlna panin Pasian thugen leh lo, pasal leh tate don loin
2 Laitai November 2012

Pasian min paulamin suk vak, to vak uh ahih pen numeite sep ding hi masa lo hi. Hih banga a gamta numeite hangin Pasian minthanna sangin Pasian minsiatna piang thei zaw hi. Numei tavuan pen Titu 2:3-5 sungah kician takin kimu hi. Nupi khangham sate in nupi khangno laite hoih takin thuhilh ding a, khangno lai nupite in a pasalte leh a tate uh it-in khual ding hi. Kizen mahmah ding uh a; ahi zongin khuaval lo ding hi. A innkuan sung hoih takin kem ding a, a pasal thu mang ding hi. Tua bang hi leh Pasian minin daina piang lo ding hi. Mosi nu in a tapa hoih taka a pattah manin Mosi pen Pasian mizat lianpi suak hi. Hannah in a tapa Samuel a nei tunga kipan Pasian thu tawh hoih

tak pantah ahih manin Samuel pen Pasian kamsang lianpen suak hi. Timoti pen a pi Lois leh a nu Eunisete in hoih takin Pasian thu tawh pantah uh ahh manin Pasian mizat lianpi suak hi. Susannah Wesley in a tate hoih tak pantah ahih manin John Wesley leh Charles Wesleyte Pasian mizat lianpi suakin, Methodist pawlpi a phuankhiate hong suak uh hi. A kigengen ngei, Nauluai a vei khut in leitung uk hi a kici pen maan takpi hi. Numeite in Pasian mai leh mite maiah maipha ngah a, na lianpi i sep nop leh na dang tuamtuamte sangin Pasian hong piak tavuan lianpen ahi i innkuan sung hoih tak kem a, i pasalte thu manga, i tate hoih tak Pasian thu tawh i khansuah ding ahi hi.

LUNGDAMPIHNA
October 17, 2012 in Tg. T. Sawm Lian leh Lia Ciin Ngaih Lian d/o Upa Pian Thang, New Champhaite in nupa pumkhat suahna ding kamciam Champhai ZBC biakinn sungah nei uh a, hih banga ZBC hunbit a Pasian nasem in pawlpi ngeina tawh kituakin zi a neih pen a seppihte in lungdampih mahmah hi.
Laitai November 2012 3

ZOMI LEH BITNA

- Dr. Hau Za Cin, Singapore

Zomi bek hilo leitungbup in amau gam leh amau minam a bitna dingin a hanciam uh a ngeina hi. Ahi ding mah hi a, a lamdang hilo hi. Tuikulh neu cik nangawn kituha buai keei Japan leh China te, Japan leh Korea te i ngaihsut ciang mite in amau gam leh amau minam it hi cih kilang hi. Amau kongbiang a sik, amau innkatau phalna neilo a a zatsak sawm peuhmah ui inncing bangin a nak pah uh, a kongtual dong a delh khiat uh ahi hi. Akul leh zong molhtum leh ciangkang tawh a delh uh hilai hi. Amau-a hilo peuhmah phalna omloi in zat ding a kiphallo a ngeina hi a, "inn luh" peuhmah kongbiangah molhtum tawh, temtawng tawh a kisatpuk a ngeina hi. Tua pen tu laitak gam khangto laitak nihte kinawk ngekngekna hi. Zomi zong zawhthawh thu tawh hong kinawk, hong kivau, hong kiluh ahih leh a kidal ding kul kha ding hi. A kidal ding zong a ngeina hi a, a kisam banga panlak ding a ngeina hi. Thu leh la tawh a kidalzawh kei leh mite
4 Laitai

hihdan, mite gamtat dan, a khangto gamte nasep dan Zomi ten zong a mu ban kihita hi. "Once Upon ATime in China" cih movie khat ka etna sungah English te in China gamah zawhthawh thu tawh sumbawlna va neihsawm uh ahih manin Huang Fei Hung (Jet Li) in Kungfu tawh na dalsawm hi. Nitumna lamte in thatang tawh a kilai uh ciang lel lua mahmah ahih manin a tawpna ah cihna ding theilo in thau tawh a kap uh hi. Huang Fei Hung in zong a Kungfu tawh a dal sawm hang thautang pen dal zolo ahih manin, a tawpna ah: "Khuttum tawh thautang kizolo hi," ci hiat hi. Thuman thudik galvan hoihpen hi a, zawhthawh thu, nawkzawh thu tawh hong kibawl leh zong thudik thuman tawh i din kip nak leh patauh omlo gualzawhna i ngah pelmawh ding hi. Tua manin thudik thuman tawh ding ding, muanhuaina leh minam itna khahsuah ngeilo ding. Bitna a omna dingin mikim tawh kilem ding hoihpen a, ahi zongin i innsung hong luh zah liang donga
November 2012

kithudiksak, kithukhualsak bel kul khinlo hi. Meidawi hong kici ding ahih leh khasawma suak tektek, leitung luah ding omlo ciatciat kuamah i kihtak ding omlo hi. Meidawina leh Hiamgamna cih thu ah Mahatma Gandhi thugen i phawk kik ding hoih hi. Gandhi pen Non-violence tawh India suahtakna ngahpa hi a, hiamgamna, gumtatna pen a deih masakloh ahi hi. Ahi zongin mite in meidawi ciin hong gen ding uh leh hiamgam ding, gumtat ding a kul hi, ci hi. Thukhualna tawh India in a kalsuan laitak England kumpi in a hangsanlo, a gilo ngamlo, a hiamgam ngamlo, a meidawi hong ci ding ahih leh, hiamgam ding hihang, thagum tawh do ding hihang ci giap lel hi. Ahi zongin thagumlo tawh galdona, thudik, thuman tawh galdona pen a thupi penpen ahi hi, ci hi. Hih a thugente pen India suahtakna ding a sep lai a thugen ahi hi. Gandhi thugen Zokam tawh gualsuk pak leng :
"Minam khat in a zahtakhuaina leh a thahatna a mansuah ding sangin hiamgam
Laitai

suah ding telhuaizaw hi, a zah tulkhat dongin "Hiamgamna leh dmeidawina, hih gel bek tel ding hong kipia leh, hiamgamna ka tel ding hi... India gam in a minphatna leh a zahtakhuaina a mansuah ding sangin thagum suah a gupkhiat ka kipanzaw ding hi. Ama zahtakna nangawn gum ngamlo zah donga meidawi takin gal-et sangin thagum leh hiamgam tawh a kipat hoihzaw thamtham hi. Thagum zatloh mah a hoihpen hi tawntung a, maisakna pen gimpiakna sang hoihzaw hi. Kidekzawhna pen gimpia thei ding kimlai pialo a maisakna ahi hi. Thahatna neilopi khat in 'ka kidek hi' cih tawh maisak cih bang om theilo a, zuaupi ahi hi... Ahi zongin India gam pen a zawngkhal leh thahatna neilo ahi kei hi... Kei mahmah zong thahatna neilo leh a zawngkhal ka hi kei hi. Hatna, thakhauhna i cih pen pumpi thatang hatna pan hong pai hilo a, lungsim ah a kiukcip theilo suakta taka ut ngeungauna (will) pan hong pai hizaw hi. Tua ut ngeungauna na neih nak leh tha nei na hipah hi.
5

November 2012

Mihing lungtang sungah lunggulh ngeungauna, uk ngeungauna, ut ngeungauna i neihte zatkhiat pah zangzang pen a kideih ahi kei a, ahi zongin zat a kul cianga zanglo lianga omcip ding zong a kideih ahi tuan kei hi. A kul leh a kizang dinga kikoih, kidek hizaw hi. Ama dikna leh hihna a susia ding a hong pai ciangin tua mihing lungsim sunga a kidek mahmah thahatna leh lunggulh ngeungaunate ganhing lungtang pua bangin hong pusuak a, kinengcip zolo hi. Leitung i cih pen sia leh pha theihna bek tawh a kiuk, a kipaipih hilo a, thagum leh thatang tawh, hiamgam leh kilaina zong a omlo phamawh ahi hi. Tua manin hiamgam hun ciang hiamgam ding a ngeina ahi hi. Hindu leh Muslim te pen kitawng, kido sese lo a sihtan nungta khawm ngam dingin ka hanthawn nuam hi. Ahi zongin kilem taka tengkhawm theilo a hih vet leh bel kido, kithah dan a sin tuaktuak uh kisam ding hi. Banghang hiam cih leh kithat ngamlo a lauhuaina pan a taimang, a kibuk, a kihep khiat sangin a kithah tuah mah
6 Laitai

uh a hoihzaw ahi hi. Kitawng ngamlo, kilai ngamlo, kithat ngamlo a nuntakna ah lungsim meidawi mana 'lungsim sihna' om veve hi (a pumpi a nuntak hangin). Tua lungsim meidawi tawh nuntakna pen hangsan taka kithahtuahna ah a si khat sangin zumhuaizaw hi. Bang hang hiam cih leh sih ding a lauh man bek a nungta hilel a, a hangsan mana nungta hilo hi. Ka nuntakpih thu 'non-violence' in thanemna hi deksuailo hi. Thagum zatlohna pen thagum neihloh man hideksuai lo hi. Tha kiamna zong hi beeklo a, lauh man zong hi deksuailo hi. A kisap leh, a kul leh a nasia penpen a hiamgam ding, thagum zang ngam dinga thukhualna hizaw hi. Thukhualna cih ciang lauhman, meidawi mana kithukhualsakna hilo hi. A hangsan, thagum zang nuam khat in a thagum zanglo a kidekzawhna hizaw hi. A thu a la tawh ei hong luh nuamte i dal zawh kei leh thagum tawh i pan kisam cihna hi. I numei naupangte bitna a susia ding, i biakna leh i ngeina a susia ding a mi hong kipat leh thu leh la tawh kidal man
November 2012

hinawnlo ahih manin i luang khama i pan kulta cihna hi. Tua pen thagum zatna ahih hangin a tua bek mah i hih theih a om hita hi. Tua hih kei leng numei naupang teng a sih khit ciang pasal topi teng zong a suakta ding om tuanlo hi. Tua manin meidawi a mite in hong zawhthawh, nopneha i sih veve sangin hangsan taka do a nangin i sih leh i minpha zaw lai hi. We do and live on or we die in the process... Bangzahta in a zawngkhal zongin lauhman a tai, meidawi mana kihemkhia mi pen maizumna a theih leh a zum ding sangin a phual ah do in a si zaw ding hi. Tua pen hangsanna hi a, thukhualna hizaw hi. Bangzahta in a zawngkhal thanem zongin amah a susia dingte do in a hihtheihzah in nangin thah sawm dinga, a thah zawh kei leh aman thuakzaw ding hi. Tua pen hangsanna hi a, thagum zatna hilo hi. Ahi zongin a nasep ding pen hangsan taka galte dal ding hi kimlai lau in a tai a, a mei a khup leh a meidawi ahi hi. Mihing in itna leh mite huhnopna lungtang a neih ding
Laitai

hi. Tuate khit ciang midang itloh, deihloh zong a neih ding hi. Mi muan theihloh, mi up theihloh zong a neih ding ahi hi. Kei nung hong zui dingte in thagum zang ngamlo, a tem, a paite a zang ngamlote hitheilo ding hi. A kisap leh a zang ngam hidinga, ahi zongin zanglo a gualzawhna neih sawmte hiding hi. Galvan leh hiamgam zanglo a gualzawhna pen gualzawhna thupi penpen ahi hi. Lauhuaina mun pana taikhia, lauhuaina phu ngamlo a kihemkhia peuhmah ama upna leh a Pasian a taisan hi a, amah leh amah zong a kitaisan ahi hi. Tua bang mite adingin tui sungah tuak in si leh hoihzaw thamtham hi. Mi thahna pen kihutna dingin a kisam masa pen hilo a, a kul leh a si ngam dinga nuntakna pen thahatna hizaw hi. A si ngam mi pen thagum tawh kineh ngam se lo hi. Sih ngam cih ciangin mi thah ding utna cihna hilo hi. Hangsan taka a si ngamte a sih ciang amah a dote lungsim zo mahmah hi. Thukhualna, hiamgam
7

November 2012

lohna cihte pen sih ding a laute kiangah gen ding nam hilo hi. Banghang hiam cih leh a kidalna ding uh lungsim hangsanna neilo uh hi.

laute ahih manin a sih uh ciang zong sih man omlo hi.

Tua manin thukhualna pen lauhuaina, sihngam hun, ngongtat hun ciang kibuksimna Zusa pen ngongtat ngeilo hilo hi cih ka gen kikkik nuam hi, banghang hiam cih leh hi. zawhngeu in a ut hunhun in ne Ei leh ei kidalna pen kidal ziauziau hi. Amah a ne zel kul sa selo a sih ding a telzawte zawhngeu pen ne zo hileh ne ading hilo hi. nuam mahmah ding hi, ahi Ngongtatna, hiamgamna, zongin nek sawm in hanciam thagum zatna pen a hoih hilo ngeilo a, a taimang dingin napi, ei leh ei kidalna ahih a, kiging den zaw hi. Meidawina amau leh amau a kidal theilo kici theilo hi,tua bang dinga numei naupangte hutna ding, kibawl ahih manin. gupna ding ahih nakleh Ahi zongin mihing tangpi ngongtatna pen hangsanna khat zusa bangin gamta leh a hileuleu hi. Meikhup lianga meidawi kici ding hi. Banghang nuailut sanga thupizaw ahi hi. hiam cih leh mihing pen Meidawina in kuamah hiamgam ding, ngongtat ding, phattuamna piangsak ngeilo thagum tawh gamtang dinga ahih manin. kipiangsak hi. Tua a ngongtat Hiamgamna, ngongtatna, ding pen a zat hun hi napi zanglo thagum zatna khempeuh ah ahih manin a meidawi a kici ahi hangsanna tuamtuam om a, hi. Hangsanna cih a theilo hi a, pasal khempeuh in ama hilh lecin tello semsem ding hi. hangsanna a zat hun ding a Kuamah ngongtat ding leh theih ding, a khentat ding ahi phu la dingin ka hansuah kei a, hi. Banghang hiam cih leh ahi zongin thuhkik ngamloh midang, pasal dangin a hilh mana kithukhualsak zong ka theih hilo a, a hilh ding zong hilo deih tuankei hi. Sih ngam hun, hi" ngongtat hun a tun ciang a Thank you Gandhi! kithukhualsakte pen sih ding a
8 Laitai November 2012

Leitungbup Zomite tungah zaksakna

ZOMI I CIH CIANGIN

pek pana eima' min ngiat ahi hi. ZOMI min mah tawh kiloin, kisamin Zomi i hihna (identity) i kemcing ding hi. Hih pen Pasian hong piaksa ahi hi. Ahi zongin i phawk ding khat-ah, Zomi a kici lote i gal ahihloh lam i mangngilh kei ding hi. Zomite pen galphuang I minam sungah lungdamna ding minam i hi kei hi. thu (gospel) hong tun Kum Zacin ZOMI I CIH CIANGIN - i Pawipi panin hong piangkhia omom i tuntunna-ah tukhawm Leitungbup Zomi Kipawlna khawlkhawm-in, a kithuah (GZA) in Zomi khempeuh liingliing dingte i hi hi. Tua ahih huamkim-in mainawtna dinga manin thupha sanga gamdang a kipawlna ahi hi. A kipancil ahih tung Zomite khempeuh aw, na mah bangin i lam-et zahin na tampi omomna mun uah, i Zomipih i seppah zawh nailoh hangin hih dangte tawh kizom kikhawl-in na GZA pen cikmah hunin nungkik kipawlkhawm liailiai ta un. Tua ngei loin damdamin mainawt ding banga kipawlkhopna dingin i ahi hi. Bang hang hiam cih leh, minam pawi ahi KHUADO eite tha suang loin eite hong bawl, PAWI, SIALSAWM PAWI leh hong cing, hong kem, leh lam hong ZOMI NAM NI te na hamtang pi den Pasian i muan man ahi hi. ngaihsut-in na bawlkhawm liailiai Nungkik ngei lo ding hi. Tu-in ta un. 2011 December kha aa mailam Zomite kalsuanzia ding GZA Makaipite Kalaymyo ngaihsutna-in, ZOMI I CIH khuapi-ah a kikhopna pana CIANGINcih thulu tawh thu kikhensat ahi November Nipi pawlkhat kong tangkokhia nuam nunung pen GZA Nipi ci-in hi. lungdamkohna dingin kiciamteh ZOMI I CIH CIANGIN - hi. Na omomna mun uah na bawl kuama hong piak hi lo, taangtawng khawm liailiai ta un. I pianna Zogam leh leitungbup ah kikhenthang aa om Zomi khempeuh itna tawh hong hopihin i biak i paai Pasian min tawh na khut uh kong len masa hi. Pasian kiang panin daihna leh lawhcinna thupha note khempeuh tungah hong tungkim ciat ta hen!
Laitai November 2012 9

ZOMI I CIH CIANGIN - thu haksa, la haksa a omte a phukhawm a thuakkhawm liailiai dingte i hi hi. I minambup in i thuakkhawm theih hun om ding hi. I mimal mal-in i thuakkhawm theih bek hun zong om ding hi. Bangbang hitaleh, kinusia loin haksatna khatpeuh thuakkhawm liailiai-a, mainawtkhawm dingte i hi hi.

tawh a nungta dingte i hi hi. A beisa huna Zomite kizopna leh thu kizakna mediate i et ciangin Zomite pen Thu tawh nungta zo nai loin thuakna, lawpna (emotion) bek tawh a nungta lai Zomite i hihna hong kilang hi. Paunak khatah, Mihaite in a lungtang uh a liangko tung uah pua uh hi kici hi. Lungsim dai cihnopna a hi hi. American President Theodore Roosevelt zi Eleanor Roosevelt ZOMI I CIH CIANGIN - thu in hih bangin na na gen hi. Mi picing lote in mimal vai buaipih uh a, (Small minds focus on persons) Mi bang lelte in thupiangte buaipih-in, (Average minds focus on events) Mi gina, mi thupite in thu buaipih uh hi (Great minds focus on ideas) na na ci hi.

A beisa hunin internet sungah Zomite in mimal i buaipih hi. I mimal mal-in i kiko hi. I kitawng hi. Zomite minam niam mahmah lai i hihna a pholaak khiakhia i hi gige hi. I lai-atte in i mimal niamna hong kilangsak a, a dahhuai mahmah ahi hi. Tu-in Zomi i cih ciangin mimal vai buaipih nawn loin thu tawh nuntak i tum ding hi. Tuipi galkhat tung Zomite niam tuh loin pil tuh a picinna tawh i Zomi nambup nong laptoh ding uh ka lam-en mahmah hi.
10

Zomite kalsuanzia ding a lem bangbangin zaksak den kong tum ding hi. Minam niamte leh mimal niamte bangin kitot kiselna tawh kalsuan lo-in thu tawh kalsuan a, minam picing hihna tawh ma i nawt khawm dingin kong phawksak hi. Zomi khempeuh i biak Pasian in thupha hong piakim ciat tahen! Hong it,

Rev. Dr. S. Pau Khan En GZA Makaipi, Mailam-ah zong Leitungbup October 1, 2012
Laitai November 2012

LEADERSHIP SEMINAR
- Reported by Rev. Gin Lam Thang, Shillong

First Session September 7-8,2012 sung Unau Pastors Fellowship Shilllong vaisaina tawh Kuki Worship Service, Law-U-Sib ah Christian Leadership in Biblical Perspective Seminar nuam takin ka zang uh hi. Resource Persons Rev. Dr. JM Ngul Khan Pau, Associate International Senior Consultant leh Sianu Lucy Dimnu, Elim Resource Centre, Guwahati ahi uh hi. Hih hun sungin: (1) What is Christian Leadership? (2) Team Leadership (3) Leadership and Family (4) Jerusalem Church and Antioch Church cih thute hong sinpih uh hi. A kisin khempeuh thakhatin kisuaksak theilo ahih manin a hun zuiin suaksak i sawm ding hi. Thusin ni masa pen ah JM Paupu in What is Christian Leadership? (Khristian makaihna i cih bang hi hiam?) cih thu hong sinpih hi. Tua thute i theihsiam dan dingin a tomin kikum ni. 1. Makaite lim hong kigelhsak hi ta leh na gelhzia ding uh lungsim mitkha in na mu ding uh a, tua pen mental eye / vision ahi hi. Tu hun ciang VIP cih kammal kilim zat a tua in Vision (muhkholhna), Impact (theih tham dinga malakna?), Perspective (muhzia) cih ahi hi. VIP tawh kisai in hihte i phawk ding hi. 1) VISIONING : Ka tunna ciang ka thei hi(I know where I am going) 2) MAPPING : Tua mun tundan ding ka thei hi (I know how to get there). 3) JOURNEYING : A bul pan dingin ka kiging khin hi (I am willing to start). 4) LEARNING : Kikhel ngam dingin ka lungsim kihong khin hi (I am open to change). 5) MENTORING : Midangte lakah ka lungsim kihong hi (I am open to others)
Laitai November 2012 11

6) LEADING 7) VALUING

: Midangte in hong etteh dingin ka om ding hi (I will set an example) : Thudik tawh ka nungta ding hi (I will do what is right)

Hans Finzel in LEADERS cih kammal hih bangin hilhcian hi. LEADLong term record of effectiveness( Lawhcing taka sawtpi sem) Ego surrendered to Christ( Ei si le sa deihna Khris tungah aap) Approachable ( Bang hun peuh a midangte in hopih theih) Devotion to spouse and family (Innkuanpihte khual kawmin sep ding hi.) E - Excellence in work (Nasep khatpeuh a hoih thei pen tawh sep ding.) R - Reflection of Christ-likeness in character ( Nuntakna ah Jesu lim kilangsak ding) S - Sharing with others(Midangte tungah i neihsa hawmsawn) Generation Y Tu hun khangte Mikangte in Generation Y (Y group) ci uh hi. Hih khangthakte muhzia a tuampi hi. Ama omna Pawlpi tuam (Denomination) lunggulh khol lo. Kha thu ah a suahtakna mun uh deih teel uh hi. Leadership Warning ong pe khol ka hi. Ei kiangah zong tu zawh kum 10 ciang hong tung ding hi. Hih Generation Y te in singkung lopa, tui leh ganhing cihte it bawl uh hi. Tua laitakin silh leh ten deih teel khollo uh hi. Eite in bel puan hoih kizemna hoih i enlah hi. Eite in Vai te khawng vai muh in i mu a, amaute in bel lawm bangin mu uh hi. Hih Y group te nasep siam peuhmah ding uh hi. Ei pawl in bel Zum kah hun nai 9:00 i thupisim a, amaute pawl bel a ut hun uh ciang Zum tung uh hi. Ahi zong nasep hun sung nai 8 ahih leh tua hun a tun mateng khawl loin sem uh hi. Y Group te pen 1990-2000 kikala piangte genna hi. La lui thei loin la thak bek thei uh a, lenkhop thupi sa lo uh hi. Hihte Pawlpi in
12 Laitai November 2012

a kep ding dan ngaihsut kul. Generation X a cihte uh pen 19801990 kikala piangte hi uh a, amau bel mi cih khat peuh zui thei uh hi. Group Y te bel tuaci hi lo, amau leh amau kideihkhop uh a, amau leh amau kizahtakdan siam uh hi. England ah Main Church sihpi a si, Group Y pawlkhat bel nungta peuhmah. Kikhop hun nei lo, kul a sak uh ciang kisam khawm. Tutphah lakhia uh a sual ah tu uh hi. Musician te zong tu uh hi. Pawlkhatte bang tak lup kawm khawngin thungai uh hi. Hih mite pen HIPHOP Group zong kici hi. Generation Y te mansuah lo, khahsuah lo dingin i ngeina banga paipih ngitnget hi thei nawn lo hi. Chinese leh Korean te bang Second generation te in Pawlpi taisan hi. Third generation ah khanglo uh a, Pawlpi a taisan lohna dingun kep siam ta uh hi. Generation Y te kepna dingin (1) Music (2) Recognition (3) Testimony (4) Respect cihte zat siam ding kisam. 1) Music: Group Y te nuamsak theih dan dingin biakpiakna bawl ding kisam. USA a Mariland ah nih vei kikhopna nei uh a, a masa zaw ah kikhop ngeina hi a, a nih veina ah group Y te deih banga kikhopna nei uh hi. 2) Recognition: Group Y te pen very very relational, mi ngaina peuhmah. Mi inn a giah zong phamawhsalo. 3) Testimony: Jesu in a hun hunin mi lamdangsak in a nuntakna uh hei thei hi cih i theihsak ding kisam. Khatvei Hong Kong ah Orthodox siampi khatin, Tu zing Lai Siangtho ka sim lai in Jesu tawh ka kituak hi (I encounter with Christ in this morning when I read the Bible) ci hi. En bel i pianthak tunga Jesu tawh i kituah bek tu ni ciang donga teci i pang hi. Min bel nisim in Jesu tawh kithuahin kikhawl uh hi. Servant Leadership is the model of Jesus Jesu in mite a makaihzia pen midangte sila bangin semin makaih hi. Hi taka Servant kici pen Pasian Sila / Pasian nasem cihna hi. 1) Jesu nasepzia in haksatna tampi tawh kipelhna hi a, a nunung
Laitai November 2012 13

2)

3)

4) 5)

6) 7)

pen leh a sempa hih ding phamawh sa lo hi.(Jesus style solves a lot of problem- The Last and to Serve Sila makaite(Servant Leader) te in kitanauna tawh nasem uh a, cihngawhna tawh sem lo hi.(Servant leads out of relationship not by coercion). Sila makaite in mite panpih uh a thuneihna tawh sem loin midangte tawh tonkhawm hi.(Servant leads by support not by control. Leadership- comimg along side). Sila makaite in amau bek kipuah loin midangte puah zaw uh hi.( Servant leads by developing others not self). Sila makaite in mipite tuu bangin makaih uh a, bawng hawl bangin a nung pan hawl lo hi. (Servant guides people not drive them. Cattle are to be driven but sheep to be led). Sila makaite in itna tawh mite makaih uh a, ukcipna tawh makaih lo uh hi.(Servant leads from love not domination). Sila makaite in dinmun hihna bek ngaihsun loin khantohna ding ngaihsun uh hi.(Servant seeks growth not position).

PHATTUAMNA NEI TUAN KEI

- Warren W Wiersbe
Thugensiam minthang khat, manlahna a neih manin a thugen hunin biakinn tung man lo hi. Tua pen Satan in lem sa ngiat ahih manin Pulpit na luah hi. Thugensiampa biakinn a tun ciang Satan in Lai Siangtho bu lemin Pasian thu laigil na gen ziahziah mawk hi. Kikhop tawp ciang Satan kiangah Thugensiampa pai a, Na ukna gam hong suse thei ding Pasian thu laigil khawng na gen mawk a. Nang adingin kisiatna hi cih thei lo na hi hiam? ci hi. Satan in nuisim hiuhiau kawmin dawng a, Ka thugen in kuama lungsim kiheisak tuan ken teh. Pasian thu tak ka gen hang ka lungsim takpi tawh gen lo ka hih manin phattuamna nei tuan kei ci-in dawng hi. Lungsim takpi tawh Pasian thu i genloh manin mite in i thugen phattuampih tuan lo hi.
14 Laitai November 2012

U.S.A. KA ZINNA
- Rev. Pau Khan Khai Camp : Philadelphia, USA.

Zomite hih ciang dinmun i tun theih nadingin itna leh lainatna lianpi tawh na hong sem Sangmangpa Cope Topate biakinn Second Baptist Church of Germantown ah Sept 16, 2012 Mission Sunday ah Topa geelna tawh hun nuamtakin ka ngah theihna thu anuaia bangin kong it Zomite tungah kong pulaak nuam hi. Mangkang gamah pawlpi tampitak a om hangin ei adingin itna tawh na hoih hong semte pawlpi pen i lungtang sungah hong om pha deuh hi. Tunung kum Sept 14, 2011 nitak in hun zang dingin Philadelphia khua sunga om Zomi pawlkhat tawh ka pai uh a, nitak kikhopna ah sermon hong neisak uh hi. Sermon man ciangin Rev. Flores Church Pastor in maikum Sept 16 ka Mission Sunday uhah Speaker dingin kong cial pah uh hi hong cih teh ka lungdam mahmahin lungkimna tawh ka sang pah hi.
Laitai

Pasian lam honsakna tawh Sept 12, 2012 niin ka nupaun Nashville panin Philadelphia ka tung thei uh a, Sia Thang Sian, Nu Mang leh Pa Kim ten mawtaw nuam mahmah tawh vanleng tualah hong dawn uh hi. Sia Thang Sian in hong gennaah, Topa aw Sia Pau Khaite nupa vanlengtual pan ka mawtaw thak tawh dawn nuam mahmah ing, ciin thu ka nget leh Topa in kong dawn nadingin mawtaw thak hong pia hi ciin lungdamkohna thu hong gen a, ka lungdam lua hi. Nitak thumsung Sia Thang Siante inn bulphuhin Zomi a om thei teng tawh lungdamna thu tangkona nuam takin ka nei thei uh hi. Sept 16 Sunday in Zomi ahi thei tengin Sia Thang Siante mawtaw leh Pa Nang Khan Khaite mawtaw tawh hong paipih uh a, zingsang nai 10:00 AM hunin Cope Topa biakinn mun ka tung uh hi. A Pastor pa Rev. Flores in a zum khaan sung panin hong dawnkhiain lungdamna tawh
15

November 2012

kikawi in Lungdamna khitui hong luang hi. Hun kipat main biakinn kimah ka vaak kawikawi uh a, sangmangpa a phawkna uh laisuanpi pen biakinn sungah limtakin koih uh ahih manin ka sim phot uh a lungsim tawng hong deng mahmah hi. Kumkhatin khatvei a neih uh hih Mission Sunday ah Kawlgam panin ka khatvei sapna uh hi, ciin hong pulaakin, Maikum 2013 ciangin Zomite Zolai i neih zawh kum 100 hong cingta ding hi a, hih i Zolai hong bawlsakpa' hong paikhiatna pawlpi sung tektekah kum 99 a cin kumin Lungdamna thu genkik thei dingin ka om khak pen ka nuam mahmah a ka dipngek hong na mahmah hi. Zomibup in Lungdamna a ko kik bangin hong ngaihsun uh hi. Zong ka hi pah hi. Hun paidan teng: 1. Hun kipat ding ciangin Music hong kitumin tua sungin Pastorpa tawh kogeel hong lutsakin damtakin hong paisak masa uh a, Church choir ten hong zui diamdiam uh hi. 2. Pulpit luahkhit ciangin Assistant Pastorpa in kipatna Lai Siangtho hong sim masa hi.
16 Laitai

3. Praise and worship makai ten panmun hong lain tawlkhat sung Praise and worship hong makaih uh a, tha kingah mahmah hi. 4. Pawlpi sung naupangte adingin a tuam vilvelin thungetsakna nei masain tuakhit ciangin naupangte amau munah paisak uh hi. 5. Lengla kikhawm khempeuh Church Pastor Flores in vaimuakna hong neihkhit ciangin mi khempeuh khut hong kilensakin hong maitaisak kimciat uh hi. 6. Siampi thungetsakna hong neiin pawlpi sungah thunget lunggulh mahmah ten hong pulaakin thungetsakna hong nei hi. 7. Zomi a kikhawm thei teng Sia Thang Sian makaiin "Lungsim leh aw in Topa phatning" cih la Cope Topa hong bawlsak lai leh la tawh hongsa nung ciin hongsa uh a, mipi khempeuh in thangah luain khut beng ziahziah uh hi. 8. Pastor Flores thugenna : Tuma kum 100 val laiin ei pawlpi panin Kawlgam adingin khaici i tuhte tuin a po a gah i muh manin i lungdam hi ci in khitui mualtuang sain Lungdamna thu hong genkhia a mipi khempeuh zong dai didein tawmvei om uh hi.
November 2012

9. Church Choir ah a khangno pen kum 50 bang pha dingin ka um a, thangahhuai thei mahmahin la hoih nono hong sa uh hi. 10. Ka thugenna : Ka sermon thulu pen - A kizo nai lo mission nasep cih ahi hi. Ka thugente a tomin: Mangkang gamah pawlpi tampi tak a om hangin no pawlpi ka it phadeuh uh a, paiding ka ngaklah mahmah uh hi, a hangpen no pawlpi in ko Zomite adingin itna tawh na neih sunsun uh humcip loin mission na nong sep man uh hi ciin ka pulaak masa hi. Cope hangin ko lai a nei ka hi uh a, tuni in US gamah pilna sang pipi ka sin theihna uh pen no pawlpi nasepna gah hi ciin lungdamkohna ka nei masa a thangah mahmah uh hi. Mailamah hih bangin mission nasep pen zom suaksuak un, khawlkei un, leitungah khangkhat bek i nungta ding a ahi zongin khang tampi sung ading na hoih i sep theihnain mission nasepna hi ciin Topa min tawh tha ka pia a, ka lungdamna, ka lungkimna leh mailam adingin ka lunggulhnate ka pulaak a, Zomi aitangin a kisam bangin Topa min tawh ka pulaak thei hi.
Laitai

Sangmangpa Cope pen a sih zawh a sawt mahmah hangin a na hoih septe si thei het lo ahihna ka phawk mahmah hi. Zomi u leh naute aw, nong thungetsakna hangun Pasian hehpihna tawh lungdamkohna leh lunggulhkohna Zomi aitangin ka pulaak theih manin Pasian in mailamah Zomi hong makaih taktak dingin ka lamen hi. Kikhop man ciangin annekkhopna hong neih pih uh a, tuakawmin Kawlgam leh Zogam Zomite tawh kisai dotnop a om bangbang hong dong uh hi. Lungkimhuai takin hun khempeuh ka zawh khit uh ciangin man kizaihin khut kilenin ka kikhen diamdiam uh a, ko zong Zomite mawtaw tawh Zogam zuan danin Sia Thang Siante innah ka ciah uh hi. Nitak ciangin Sia Thang Sian ten kikhopna ka nei kik uh a, India pan hong pai Dr. Suan-te nupa zong kum khat sung Research bawl dingin hong pai uh a, hih bangin Zomi mipil misiam i neih pen lungdam mahmah hi. Pasian in hih lai a simte tungah a thakin sangmang thupha hong pia ta hen.
17

November 2012

ZBC REVIVAL TEAM REPORT

A nihvei zinna hong zawhpih dianna leh khitui tawh Pasian Topa tungah lungdam thu i ko kiphat ziahziah a, lungsim hi. kihonna zahzahin Kha Siangtho in na hong sem ahih manin tha Revival Team a kihelte min : kingah mahmah hi. 1.Speaker Evan. Thang Lian September 4 - 6, 2012 sung Go, Hnahlan Pastor Area Sia New Champhai ZBC biakinn 2.Upa Suan Tuang, Vapar ah crusade nasia takin kibawl 3.Upa John Lianpu, Leisenzo a, sunin seminar kineiin zan 4.Lia Ning Ngaih Lun, Ngur V/S lamin crusade in kizang , tha 5.Lia Ciin Ngaih Mang, Vapar kingahin nuam kisa mahmah hi. Camp Kizo : August 15 - 26, September 10 - 16, 2012 2012 sung Ngur Vengsang sung Leisenzo ZBC biakinn ZBC biakinn ah sak leh khang ah crusade kibawl a, Pasian pawlpite kigawmin gupkhiatna Kha Siangtho ompihna tawh camping nasia takin kibawl a, a kuamah peuh in nong biakpiak kikhop mi kitam thei thungetsakna uh leh Pasian mahmahin tha kingah mahmah Kha Siangtho in hng huhna a, teci kipang ziahziahin hangin kilawhcing mahmah hi. kilawhcing mahmah hi. Pawlpi Pasian maiah a kimu thak mi inn lusikin thunetna zong pawlkhat in teci pang uh a, mi kineisak pah hi. honkhat in Pasian maiah ki- Revival Team huhna pia teng : apna nei uh hi. Camp tuah niin Vapar BYF in Upa Kap Go 1. Ngur Vengsang LCC ` 1000 Thang makaihna tawh mi 15 in E&M pan ` 1000 lapawl sakna tawh tha hong pia BWS pan ` 500 uh a, camp lawhcing takin kizo BYF pan ` 500 hi. 2. Hnahlan LCC ` 1000 3. New Champhai LCC ` 1000 Crusade kinei : August 27 - 4. Leisenzo LCC ` 1000 September 2, 2012 sungin Hnahlan ZBC biakinn ah Crusade kinei a, Pasian hong Evan. Thang Lian Go ompihna hangin laamna- Speaker, ZBC Revival Team
18 Laitai November 2012

Report : Zolai Joint Consultation ZCLS & ZBLB

~ T. Sawm Lian, Daihna Cabin Kum 2011 October 2 ni a CBA Executive Secretary Room a Chin Baptist Literature Board/CBA, Zomi Baptist Literature Board/ ZBC leh Zomi Christian Literature Society pana makai paikhawmte in kum sima Zolai tawh kisai kamkumna neih zel ding leh, kum simin a banbanin zindo dingin a thukim mah bangin, kum 2012 a Zolai tawh kisai kamkumna pen thukizakna hoihlohna hangin CBLB hong kihel thei kei mah leh, September 20, 2012 in ZBLB leh ZCLS in nuam takin ZBC zumah kinei thei hi. Hih kamkumna huna kihelte min, hihna leh a teenna khua uh hih anuaia bang ahi hi :
1. Rev. Lian Khen Pau, Exe. Secy., ZCLS, Kalaymyo 2. Rev. Lang Khan Khup, Gen. Secy., STBA, Tedim 3. Rev. Gin Khua Khai, Gen. Secy., Tedim Section, A.G., Tedim 4. Rev. Gin Hau Pum, Gen. Secy., TBA, Tedim 5. Rev. Thang Van Lian, Moderator, Pres. Tedim Synod, Kalaymyo 6. Rev. Suan Khan Thang, Exe. Secy., ZBC, Champhai 7. Upa J. Thawmte, Member, ZBLB, ZBC, Champhai 8. Upa Cin Khan Kam, Member, ZBMB, ZBC, Champhai 9. Upa N. Cin Thang, Accountant, ZBC, Champhai 10. Pro. Ptr. Lian Muan Kham, Champhai Area ZBC, Champhai 11. Upa B. Mang, Member, Executive Committee, ZBC, Champhai 12. Upa Khup Pau, Member, ZBMB, ZBC, Champhai 13. Upa Zam Za Lang, Chairman, ZBLB, ZBC, Champhai 14. Sianu Awi Ngaih Lun, Women Secretary, ZBC, Champhai 15. Upa Z. K Thang, President, ZBC, Champhai 16. Upa Pau Lian Sang, M ember, R& D Board, ZBC, Champhai 17. Rev. Cin Khan Tuang, Pastor, Champhai Area ZBC, Champhai 18. Pro. Ptr. Thang D. L Pau Mung, Sialkal Area ZBC, Hiangmun 19. Tg. T. Sawm Lian, Office Assistant, ZBC, Champhai

Kum 2012 a Zolai Joint Consultation a thulu pen, Biakna laibute a kicingin neih den nading cih ahi hi. Kamkumna pen hun 3 in kikhen hi.
Laitai November 2012 19

KAMKUMNA - 1 : LABU Upa J. Thawmte, Member, ZBLB in hun uk a, Rev. Thang Van Lian, Moderator, Presbyterian Tedim Synod, Kalaymyo in hun apna nei hi. Hih huna kamkumna panin : 1. ZCLS malakna tawh kum 2009 O.B meeting tungtawnin Tedim Labu 8th Edition bawl ding kithukim a, pawlpi tuamtuam pan makai 13 vaisai dingin kiseh hi. 2. 8th Edition sungah Nicene thu-up, Doxology, Amen thum, leh khangno phatna kiguang hi. 3. 7th Edition sunga a la dawng 470 panin 2 kipai a, Seventh Day, A.G., UPC etc. labu pan pawlkhat kibehlapin 8th Edition sungah la dawng 500 kikoih hi. 4. Labu thak (8th Ed) pen Ks. 19,700,000 val bei-in bu 14,590 val kikhen khin a, kicing zo nai lo ahih manin khet kik kisam lai ding hi. 5. 8th Edition sungah 6th Edition sunga om lo, 7th Edition aate pen ahi bangbangin kikoih hi. 6. Minam kipumkhat nading a kibawl ahih manin kuama ciatin zat ciat dingin hoih hi. 7. Zomi a tamzaw mizawng kihi ahih manin tangpi-tangta khut sung a lut theih nadingin Word Edition in bawl ding hoih hi. Thukimna : Tedim Labu 8th Edition pen copy 10000 val a kikhet kik ding leh India gamah khet dingin ZCLS in hong vaihawm dingin ZBCL - E.C ah nget dingin pha kisa hi. KAMKUMNA - 2 : LAI SIANGTHO Rev. Gin Hau Pum, G.S, TBA in hun uk a, Sianu Awi Ngaih Lun, Women Secretary, ZBC in hun-apna nei hi. Kamkumna panin : 1. Mizogam sunga thu-um mite in Lai Siangtho kipawlna Bible Society of India ah hihna lian nei-in, sum le pai tawh kipawlna lian nei ahih manin Zomite in zong tua hamphatna pen zangsiamin India gamah Lai Siangtho kikhen leh a man zong tawmzaw ding hi. 2. Thuciam Thak (Hilhcian kithuah) Lai Siangtho pen S. Korea ah kikhensak a, S. Korea pan hong khakkhia ta uh a, a sawt loin hong tung ding hi (Kawlpi tungta cih thu kiza) 3. ZCLS mabunna tawh Bible Dictionary a kibawlsan laitak hi.
20 Laitai November 2012

4. Bible Society of Myanmar hanciamna tawh Bible Encyclopaedia a kisep laitak hi. 5. Lai Siangtho bupi pocket size pen a kibawlsan laitak hi a, mai kum sungin a kingah theih ding kilamen hi. Sanggam Falam leh Hakate in nei khin ta uh hi. 6. Labu tuamtuam neih hoih lo a, Lai Siangtho version tuamtuam neih phamawh lo hi. ZCLS in Lai Siangtho Literal translation khat beek neih theih dingdan hong ngaihsun thei leh kideih hi. Thukimna : a) India gam lam pan Lai Siangtho kikhente a khetman a tawm zawk banah, a zuakna lamah zong a tawmzaw in kizuak thei ahih manin India gam lam pan Lai Siangtho khet theih ding zia ZCLS in Bible Society of Myanmar tungah na kanciansak dingin hoih kisa a, ZCLS - E.C ah puak dingin pha kisa hi. b) Zomite in Lai Siangtho tu-a i neihsa sangin a Literal zaw deuh kitangsam mahmah ahih manin Lai Siangtho Literal zaw deuh, translation thak khat neih behlap hoih kisa hi. ZCLS in mai lamah hong geel dingin kingen a, ZCLS - E.C ah puak dingin kithukim hi KAMKUMNA - 3 : NIPI SANG THUSIN BU Upa J. Thawmte, Member ZBLB in hong makaih kik a, Rev. Lang Khan Khup, G.S., STBA in hun-apna nei hi. Kamkumna panin: 1. Kawlgam sungah naupang genloh picing leh siate in zong Nipi sang thupi simlo ahih manin upna-ah zong kipenglen gawp a, pawlpi kikhenna leh pawlpi buaina tam mahmah hi. Nipi sang manphatna pen siate, siamahte leh thu theizawte in hilhcian kisam mahmah hi. 2. ZCLS pen thu-upzia bulphuh a kipawlna hi lo ahih manin pawlpi pawlkhat in thu-upzia tawh kituak a thusin bu puahphat ding a deihna uh pen piang thei lo hi. 3. Thusin bu sungah kawlpau tampi tak kihel a, a thu Zopau tawh a kician zo lote English in kigelhzaw leh. 4. ZCLS in laibu a tei ding ciangin Evangelical lam deuh a kigelhte kitei zel leh. 5. Nipi sang thusin bute a thu kicing veve, a tom thei lama bawl theih hi leh cih kilunggulh mahmah hi.
Laitai November 2012 21

Thukimna : Nipi Sang thusin bute pawlkhat a thu kikawikaih gawp om a, kammal pawlkhat khel ding om hi. Tua ahih manin a thu paizia kheek loin etphat hoih kisa a, ZCLS - E.C ah puak dingin pha kisa hi. THU DANG : 1. ZBC/CBA leh ZCLS kizop dingzia limtak genkhopna kinei a, mai lamah kizopzia ding hoihzaw ZCLS - E.C in hong geel dingin pha kisa hi. 2. ZCLS zuma zat ding internet connection kisam lua mahmah ahih manin a lei nading hih anuaia bangin kipia hi : 1. Rev. Suan Khan Thang - ` 1000 2. Tg. T. Sawm Lian - ` 500 3. Rev. Cin Khan Tuang - ` 500 4. Upa Z. K Thang - ` 1000 5. P/P Lian Muan Kham - ` 500 6. Upa Zam Za Lang - ` 100 7. Sianu Awi Ngaih Lun - ` 200 8. Sia N. Cin Thang - ` 500 Hun zawh lungdamkohna Upa Z. K Thang, President, ZBC in hong nei a, hun nuam takin kizo hi. Zomi Christian Literature Society (ZCLS) Memberte : I. Tedim Baptist Convention (TBC) panin : a) Tedim Baptist Association (TBA) b) Tedim Baptist Church - Yangon (TBC-Y) c) Northern Tedim Baptist Association (NTBA) d) Southern Tedim Baptist Association (STBA) e) Mingaladon Zomi Baptist Church f) Kansauzang Tedim Baptist Association (KTBA) g) Phualpi Baptist Church II. Kalay Valley Baptist Assocaition (KVBA) panin : a) Tahan Baptist Pastor Area b) Leipi Baptist Pastor Area c) Pyidotha Baptist Pastor Area d) Zozang Baptist Pastor Area e) Munlai Baptist Pastor Area f) Emmanuel Baptist Pastor Area
22 Laitai November 2012

g) Zosuan Baptist Church h) Grance Baptist Church, Layingsuh III. Presbyterian Church of Myanmar, Phai Local Church IV. Christian Baptist Church of Myanmar, Tahan Local Church V. Zomi Baptist Convention (ZBC) panin : a) Mandalay Baptist Church b) Tedim Association of Baptists - 13 local churches V. Assembly of God panin : a) Tedim Section A.G b) Nahnuai Full Gospel A.G c) Kalay No. 2 A.G. Section VI. Zomi Baptist Convention of Myanmar (ZBCM) panin : a) Tonzang Township Baptist Association (TTBA) b) Tamu Valley Baptist Association (TVBA) c) Zanggam Zomi Baptist Association (ZZBA) d) Heilei Baptist Association (HBA) e) Kalaymyo Baptist Church f) Bethany Zomi Baptist Church, Kalaymyo VII. Kawlgam pua lama mabunpihte : a) Zomi Baptist Literature Board b) Chin Baptist Literature Board

Gospel Cialpina
October 11 - 13, 2012 in Rev. Nang Khan Mung in Vapar ZBC ah gospel cialpina nei a, Vapar ZBC pawlpite in phattuampih mahmah cih thu kiza hi. Amah pen ZBC kiphuh cil laia lungdamna thu genna Mizogam sunga hong vaak ngei hi a, ZBC adingin mi masa leh pawlpi tangthu a kigen cianga min dai ngei nawn lo ding ahi hi. Mai lamah zong cial zom zel dingin deihhuai hi. Bawldikna : Laitai October 2012 laimai 16 a, Lungzuan tutvum a khawnnah.. kici pen Lungzuan tutvum a khawlnah cih ding hizaw hi.
Laitai November 2012 23

FIFA LEH UPA N. L THANG

Football kimawlna lama kipawlna minthang mahmah FIFA (Federation Internationale de Football Association) kicite in Mizoram state ah FIFA Academy phot sawm a, tua tawh kisaiin Mizoram a Football coach 28 teelkhiatte lakah Champhai ZBC lai-at Upa Nang Lam Thang (Rev. Dr. G. K Nang sanggam) zong teel uh a, FIFA president Mr. Joseph S. Blatter (Switzerland) in October 15 - 19, 2012 sungin FIFA Grassroots Course for Coaching Educator a sinsakna panin FIFA Certificate of Attendance pia hi. 1. 2. 3. 4. 5. Upa N. L Thang in a beisa huna football traning a zawhnasate : National Insitute of Sport, India, 1982 International Alliance for Youth Sports, 2008 Mizoram Football Coachs Education Programme under John Michael Bilton UEFA A License Coach, 2009 UEFA Level D certificate by Mr. Hugh Lewis, UEFA A License Coach from England, 2011 German Football Coaching Course Oct. 1 - 6, 2012 by Lutz Pfannerstiel of Germany

Zomite lakah hih banga siamna a nei a om pen Laitai Editorial Board in nakpi takin kiangtanpih hi. - Editor

Laibu Khahkhiatna
October 2, 2012 in Tg. T. Sawm Lian in a gelh, Nuntak Manphazaw Tawh Lawhcinna (Meaningful Life Leads To Success) kici laibu, laimai 168 a pha khahkhiatna Champhai ZBC head office ah om hi. Hih hunah Champhai khua sunga Zomi ulian leh lai lam uukte pai kim mahmah a, Champhai DC office a Superintendent a sem Pu B. Zam Khaw Nang in laibu khahkhiatna hun zangin, Pu Muana Hangsing in book review nei hi. Sawt loin mun tuamtuam panin kingah thei ding hi.
24 Laitai November 2012

DAHPIHNA

Upa Zam Khan Pau, Ngur Vengsang in October 11, 2012 in hong nusia a, October 12 in Ngur hanmual ah kivui hi. Amah pen Ngur Vengsang ZBC ah Chairman, Champhai Pastor Area ah Area Committee member hi a, mi thanuam mahmah hi. A zi Nu Dim Za Ning leh a tate Topa in a hehnep ding kideihsak hi.

ZBC Zum pan kingah theite

1. Tedim Lai Siangtho bu ` 150 2. Daniel Hilhcianna by Thang D. L Pau Mung M. Th. 3. Nipi Sang Thusin Bu (CEEFI) 4. Naupang Lai Siangtho, Tedim kam 5. Nuntak Manphazaw Tawh Lawhcinna ` 100/by T. Sawm Lian

Laitai sunga thute a thupuakte saandan hi a, amau mawhpuakna zong hi pah hi.

From :

LAITAI ZBC Office, Champhai - 796 321 Mizoram, India

To
-------------------------------------------------------------------------------------------------------------------------------------------------------------

BOOK POST

RNI. No. MIZ.MUL/2009/29499

Postal No. MZR 82/2010 -2012