Zo Phualva

Thupuak

Vo l u m e 1 , I s s u e 7
July 02, 2011
Thahatna hi lo, vangliatna zong hi loin keima Kha hang ahi hi. Zech 4:6
G AL AT I A N S 5 : 2 2 -2 3 ( A zo m )
2..Ninha paina = Lungnopna (Peace)
Paikhiatna 14:14
Ninha paina pen ih ngoi mawng dawn pen hi in aban
om nawnlo hi. Top, end point hi. Lungnopna ih cih zong ih
lungnop khit teh tua ci nuam lai ing cih lunggulh peuh mah
ki nei nawn lo in among adawn atung ih hihi. Innlam
naungek khat ninha paina vang omlo abing sa in ong suak
hi.Anu apa ding in kingaih sun in bangzah in lungkham
huai hiam? Ih tup ih ngim na bing in hileh kisi nuamphial
ding hi.Ih ngim na pen ciangtan khat neih hi.Tua mun ih
tun ciang bangzah ta in peace omding hiam ? Kam pan
tumtum pong mawk in apusuah nading ninha vang nei kei
leng bangci sih ding sim loh lampi omlo hi.
Tapidaw te ih hih leh Zeisu ong kumkik ding kumtul
mangding peace omding si nawnlo ding cih teng mongnei
in tupna nei hi.Pasian umlo te tupna ngimna upna kici nei
lo in an nene ek thatha tua hilel hi tua te ading in Peace cih
bang omthei lo hi.
Ih ninha pai na pen ih ngoi mong pen hi in tua in
Peace lungnopna ahihi. Topa Zeisu in zong ka kiang ah
ong pai te tawldamna lungnopna kong pia ding hi ci
hi.Zeisu kiang ih tun tak teh maban pai nading lampi omnawnlo hi.Zeisu in amongpen hi in akipatna leh atawpna
ahihi.Tua amongpen ahi Zeisu kiang simloh lungnopna
omlo cih teltak in phawk tekni.
3.. Bil = Lungduaina leh migitna (2 Peter 3:20)
Innkuan kilem ding na deih vua leh numei pau khempeuh pasal in zakim lo ding ci hi. Khuaza lo mikhat nakoko hangin zalo ahih manin hehlo in alungduai amigi
bang hi. Tua ahih ciangin bil le lungduai migitna akisai na
ih tel pah ding hi. Pau khawng ih theih ma in nasep na khat
peuh ah sawtvei kisemzo zaw in pau theih khit pian ciang
nasep kho lo tai pahpah ih cih pen ong kigen teng ih bil in
zathei ta, kosiatna teng tel ta ih hih man ahi hi. Dan 9:18
Bil pen dei thum pha hi.
a.Outer ear apualam bil
b.Middle ear alangzang bil
c.Inner ear asungnung bil ci in dei thum in kikhen hi.
Lungduai migi ih tanh theih nading in zong dei thum gual
suk dihni.
A.Nang ading phattuam na omlo nazak thute azalo bang in
om in.Outer ear ciang ah koih lel in.
B.Phattuam na om na zakthu te ciamteh in la kem
in.Middle ear ah drum khat om hi tua in asungtawng lam
puak hi. Thuhoih te a sunglam puak suak in..

C.Na zak thute kepcing khit ciang thuhkik huai te thukkik genkik kei lecin mihai ong kici ding ahih ciang
athuh kik agenkik dan lampi khat bek om a tua in aw
nem ahi hi. Inner ear khuak tawh kizom ta hi. Lungduai
migitna in bil zatsiam na ahi hi.
4..Nak =Hoihna leh Cihtakna (Paunak 27:6)
Lakam khawngah mit, maimit muk cihte athupit
na aizong ahoihna kimu thei zel hi. Hi mah taleh nak ih
thupitna leh ahoihna pen lakam poem sungte ah muh
ham mahmah hi. Nak ih hoihna akigen loh hangin tuhun
ciangin melhoih nading in sum tampipi bei in surgery
kibawl in maitang kipuah hi. Tua lak ah nakzong aki
limbawl pen ahi hi.
Mihing pumpi ah nak in amai dawkpen (giltui
te simloh) akilang pen nak ahi mah bangin nak hoih
peuh leh melhoih kici thei tamai hi. Mit ih theihzawh
loh nak ih theih tel in meh-hing te khawng tel mahmah
hi. Innkang meikang limlim mitsang nak in thei masa
zaw thei deuh ci hi.
Ih nak pen tal nuai mit nih kikal kam tung ah ki
khung suk zize hi aa madawkpen laizang pen hi. Topan
zong nak limcing ahi = Hoihna leh cihtakna te na
nawlkhin tuan lo in ah alangzang pen mah ah na khung
zize hi. Mai nawk pen ding in nakoih lai hi. Cihnopna
ah ih hoihna leh ih cihtakna te pen ihma dawkna pen ih
laigil na pen hipah hi. Leitung ah alamdang thukhat om
a tua in meikhu lawng sukngat pen mihing nak bek om
ci hi. Tua lak ah einak akihel lo ding in Pasian in thupha
ongpia tahen.
5..Mit = Dikna leh pumpi kiuk zawhna
(Meekness,Temperance), 2 Samuel 11:2 2Peter 1:6
Mit tawh kisai ah khuak zom ah mitpen abuai
huai pen pawl ding in kigen hi. Zuau mit, Zawl mit, Hak
gega gitloh mit, Mit leng zune mi , ihmut cimlo. Mit
pen etna bek hi in ataktak in khuak theih zawk ahi hi.
David kumpipa nitak lam ong pusuah leh numei
kisil khat ong mu hi. Ong mawhpih in apasal sih ding
ong vaihawm lai hi. Pumpi ki ukzawh nading pen baih
lo hi. Tua pen letmat khat cia zong aphazo lo ih mittang
pan akipan hilel hi. Na mit kepsiam in mawhna mun ah
pai in va en se ken. Mawhna pen muhna pan ong kipan
den zaw hi. Mit kemcing zo ding in Topan thupha ong
pai tahen.

6..Ninha paina = Itna (Love), 1 Peter 4:8

Tulai tak zinei khin pasal neikhin peuhmah na kiten
ma un na innkuan pa/nu nintui paina neilo /hoihlo hileh
kiteng khol lo ding hi uh teh hih zah tak nupa kop zong
omlo ding hi. Itna in tua tung ki-nga gai hi ka cih loh
hangin kinga lo hi zong ka ci tuan kei dinghi. Itna ih
cihpen thuk in zai hi. Pasian in Moses hun lai in itna neih
nading in thukham sawm napia hi.Mihing ten thukham
zuih sawmlo hi tamsa lua maw bang maw ih thei kei hi,
zui zo lo sang in zuih sawmlo kitam zaw hi. A sawmlo
tengin thukham hangin gupna kingah ding hikei cih bulphuh uhhi. Pasian in zong mihingte lungsim bing lua mahmah sa ahih man in thukham sawm pen atelnop dingin
khen nih bek ong suah hi. Mihing le mihing kikal ki itna
ding leh mihing le Pasian kikal ki itna ding ahi hi. Tua na
ngawn zong neusek or gol sek ciding ih hiam? Thukham
khat bek ong suah in tua in Itna ahi hi. Tua itna naneih nak
leh thukham sawm azui mah bang ahi hi tua itna sung ah
thukham sawm aomsa ahihi.
Galsimna ah thaltang le teipi te dalna dingin lum
kizang a, thau-vui thau-tang te pan kidalna dingin helmet
lukhu kizang hi. Ahizong nuclear, chemical galvan tuamtuam dalna ding galvan kimu zo nai kei mah taleh lumhoih
mahmah khat bek om a tua lum in Itna Lum ahi hi.
Sanggam aw tuni in nang-le-nang ki en phapha in.
Pasian in ama lim leh mel sun in ong bawl hi. Tua avang
kua te zong amawk bawl hilo hi. Na pumpi lei hoih hisak
in tua avang kua te sung pan gah limci leh kunghoih te
agah zoding in Topan mimal kim ciat a thupha tawh ong
phungvuh tahen! Amen.
(Note: May 21, 2011 Sabbath Hunpi aa Sia PaaKhai thugenna aki tom
lak hi.)

CIDAMNA THU
Tui lum leh tui vot tawh ki bawl na hang a phattuam na te.
1. Naptui, Cisa, lukhingna, thaguina, kawngna, mitna cihte anuai na bangin kibawl thei hi.
2. Sisan luan dan maan (dik ) sak hi.
3. Pumpi thazang sak, navaksak hi.
4. Lungsim nuam in lungsim siang thosak .
5. Ih sazang leh sagolh te ki zal kigawm na ah baih lam
sak hi.
6 Gilpi gilzang, sin cih te in angawi nasep na ah baihlam
sak hi.

THU TUAMTUAM
Sabbath Hunnuam: June 11, 2011 Sabbath hunpi
Pa Do Khan Kap in Biakpiakna cih thulu tawh Rom 15:
4 siksan in thapiakna hong nei aa tha kingah mahmah
hi. Khangno hun ah limsuaih kidemna kibawl in Singkung (Dan 3:10-12) & Gamlapi Mualtungah (ZBC 139)
cih thulu tawh khangno 6 hong kihel uh aa siam thei
kisa mahmah hi. Sabbath sun-an pen Sia Dalpu te
innkuan in hong vak piikpeek ahih manin pawlpi in
lungdam ko hang!
Pate Ni Nuamtak Kizang: June 18, 2011 ni Dr.
Cin Sian Pau in Eph 6: 2,3 tawh innkuan nuntak zia
ding le ki-apna ah nasia takin hong makaih hi.
Khangno hun leuleu ciangin pate 22 pahtawina letsong/paak kipia aa, tua sung pan kum60 pha khin ahi:
Dr Cin Sian Pau, Pu Luan Cin Thang, Pu Pau Lian te
lungdampihna laidalpi kipia hi. Niangpi te innkuan in

apu hong nusiat zawh kum1 cin, phawkna in sun-an

hong vak uh ahih manin pawlpi min tawh lungdam ko
hang!
Zato ah Cina vehna: June 20, 2011 ni in Church
Pastor SB Ngaih Cin in cina Tg. Thang Khen Tuang (Pa
Biak Lian tapa) va veh ban-ah thu va ngetsak in a kisam
tuamtuam te vavan sak hi.
Veng Homecell Kibawl: June 22, 2011 nitak 8pm in
Jalan Choo Cheng Khay veng home-cell Sia Dalpu te inn
ah mi 15 bang kipha aa Klang pan in Sia Deng Kap zong
hong kihel thei in tha kingah mahmah hi.
A 3 veina Kha 6 Cin Pawipi Kibawl: June 25, 2011
ni pen Zomi Worship Service ih neih zawh kha 6 cin sim
Topa tungh lungdamkohna, ki-apna & phatna le biakna
in ih neih det a 3veina hita aa Church Pastor SB Ngaih
Cin in EBENEZER (I Sam 7:12) cih thulu tawh nasia tak
in hanthohna hong nei hi. Khangno hun ciangin AYF te
makaihna tawh sing song service nopci tak in kibawl aa
Topa tung lungdamkohna le Ki-apna zong Dr. Cin Sian
Pau in hong makaih in tha kingah in ki-lawp mahmah hi.
Birthday Program Kibawl: June 25, 2011 ni pen
Sabbath 13na| hi aa, April, May, June sung aa suakte le
Topa tung lungdamkohna anei mi 21 kipha in Church
Elder Mungno in hanthotna, thungetsakna leh Lia
Zoboih le alawmte in pahtawina la hongsa uh hi.
Cina Vehna: June 25, 2011 Sabbath AY hun man
ciang Sia Ngaih Cin, Nu Vung, Sm Aye Cing, Sangpi te
in cina ahi Pa Khen Kim Khai vaveh in thu va ngetsak
uh hi. June 26, 2011 ni in Pa Piang pu leh Nu Nuampi
(mualbeem ) te GHKL zatopi ah operation bawlin nau
suak (nau min lia Ciin San Kim) pen Sia Ngaih Cin mah
in va veh in thu nget sak hi.
THU ZAKSAKNA
Ki Ngah Lai: Sabbath School Lesson Mikang kam
(RM 7) & Zokam (RM 5) kingah lai hi, adeih peuhmah
in amanlang in tanu te kiangh na kan pah un.
Pawl Lutna Kizang ta: May 28, 2011 ni aa meeting
khensatna tawh kizui in pawl lutna (member fee) zat
ding anuai aa bangin ki thukim hi. Khat guak(single):
RM 20.00; Nupa kop: RM 30.00; Nupa kop & ta 1+ ... :
RM 50.00 hin Malaysia om sungteng aading hipah hi.
Pawlpi mi khat peuh ie haksat dongtuahna te ah kihuh ki
panpih theihna ding geelna hi.
ZSM Thuzaksakna: Zomi Social-welfare of Malaysia
(Genvai Kipawlna) ah kipawl hamtang ding phawkkhial
kei ni. Hih kipawl na ah mikhat Khakhat Rm 1, kumkhat
Rm 12 ih piakna tawh ih mipih agenthei khat huh zoding
Dahpihna: June 21, 2011 ni motor accident a June
22, 2011 ni Selayang zatopi pan hong nusia, Pa Cin
Thang, Singunau (Limkhai bungh) hang in dahpih na ih
pulak hi. A nusiat a zi ata leh meltheih akua mapeuh
tungah hehnemsiam pa khasiangtho Pasian in aluang
khitui te hong nulsak ta hen.
Produced & Distributed by ZAC Family (2011)