Zo Phualva

Thupuak

Vo l u m e 1 , I s s u e 3
April 9, 2011
Thahatna hi lo, vangliatna zong hi loin keima Kha hang ahi hi. Zech 4:6

G U M PA L E TH U K H EN PA
A dik mi' taang ding, asi ding mi haksa hi. Midik taang ding asingam mi a om kha
ding hita leh, eite in mawhnei ihhih laitakin, Khrist in, eite taang ding si
ahih ciangin, Pasian in, eite hong itna hong kilangsak hi. Rom. 5:7,8.
Hun khat lai-in, Ghana kici khua neu khat ah,
Solomon kici khangno khat teeng hi. Amah in, na sem
ngei peuhmah lo hi. A deih khempeuh gu pahpah hi. Ni
khat ni, keel khat gu hi. Mi pawl khat in, man nuamin,
singkhuah suangtum tawh delh uh a, satgawp sawm uh
hi. Solomon in zong, mite' delh atheih ciangin, a keel
guk nusia leng, kei suakta ding cih ngaihsutna hong nei
hi. Buta (Hidden): A keel guk a nusiat hangin, adelh
te'n delh teitei a, Solomon amatzawh dongun, adelhdelh
uh leh lam kawcik khat a om Puteekpa' inn ah pha uh hi.
Solomon pen, tua Puteekpa' inn na tunga, asuahtak theih
nadingin, Puteekpa tungah huhna nangen hi. Solomon
in, "Mi pawl khat in, kei man nuamin, hong delh hi," ci
hi. Puteekpa zong, Solomon inndei sungah koihin, kong
khaknelh hi.
Adelhte hong tun ciangin, Puteekpa kiangah,
"Gutapa hong pia in," ci uh hi. Ahih hangin Puteekpa in,
"Hih lai-ah kuamah om lo hi," ci-in dawngkik hi.
Ahangin, tua Puteekpa pen, mi khempeuh theih leh mi
thupi khat ahih manin, mite in, athugen umin, ciahsan
uh hi.
Amaute aciah khit uh ciangin, Puteekpa in, Solomon samin, "Bang hangin mite in, hong man nuam
hia?" ci-in dong hi. Solomon in zong ama' thu teng gen
a, amah agumkhiapa ahi, Puteekpa in, nidang ciangin,
mi' neihsa aguksak nawn loh nadingin thu hilh hi. Kiman (Caught): Tawl khat khit ciangin, Solomon in, tua
khua ah vapaikik a, antang ip khat vagu hi. Hih hun
ciangin Puteekpa' inn gei-ah kiman ta hi. Puteekpa' inn
sungah Solomon lut theih nawn lo hi. Ahangin, Puteekpa tua lai-ah om lo hi. Mite in, Palikte kiangah
Solomon puak hi.
Kal khat khit ciangin, Solomon thukhen zum ah
kipuak hi. Thukhen zum sung atun ciangin, Solomon
kipaak mahmah hi. Ahangin, athu akhen ding, Thukhenmangpa pen, amah agumkhiapa ahi, Puteekpa nahi hi.

Athu ala teng hong kipulaak ta a, Thukhenmangpa in,

"A vanguk antang ip khat hong paipih un," ci-in thupia
hi. Thukhenmangpa in, "Angtang ip sungah angtang
tang bangzah om hiam?" ci-in dong hi. Mite in, "Antang
sim zawh loh dingin tam hi," ci-in dawng uh hi. Thukhenmangpa in, Solomon kiangah, "Na khan tawntung
thong nakia ding hi," ci-in thu pia hi. (You must go to
prison for the rest of your life).
Solomon zong hong kapkhia buahbuah ta hi.
Amah in, "Tuma asawt lo lai-in, nang pen kei hong
gumkhiapa hilo nahiam?" ci hi. Thukhenmangpa'n Solomon kiangah,"Tua hun laitakin, nang hong gumkhiapa
kahimah hi. Ahi zongin tu-in nathukhenpa kahita hi,"
cihsan ziau hi.
Hih tangthu in, Topa Jesu' thu hong phawksak hi.
Tu-in Amah pen, ih Lai Siangtho simna mah bangin,
mawhnei ih hih laitakin hong gumpa, ih Gumpa hi.
Banghang hiam cih leh Amah in, ih mawhna thaman
hong puaksak dingin, hih leitungah hong pai hi.
Mawhna khat beek neilo napi-in, migilote' sih bangin
hong si hi. Thukham palsatte bangin hong si hi. Ei' sih
nading munah hong si ahihmanin, Puteekpa in, Solomon' gumpa asuah mah bangin, eite' Gumpa hong suak
hi.
Ahi zongin, ni khat ni ciangin, ih Thukhenpa hong
hi ding hi. tua ni ciangin, mawhna bawlna pan, kiheikhia a, Amah Gumpa a ih neih leh alamdang leh
anopci, agam nuampi-ah atawntungin hong tenpih ding
hi. Tu laitakin, vantung biakbuk siangthopen mun ah
Siampi lianbel puan silhin, Gupkhiatna nasep semlai hi.
Tu nung ciang ahih leh, a Siampi puan suahkhia-in,
Kumpi puan hong silh dinga, Solomon banga kikhel
nuam lote tungah Thukhenpa hong suak ding hi. Tua ni
hun hong tunma-in, kigingkhol ciat ni. Solomon bangin
ih zekai kha deh! Ih lap kei kha deh! a telsiam dingin,
Topa'n thupha hong pia ta hen.
Dr Cin Sian Pau

PAWLPI MUNGTUP
2011-2015 sung aading ih pawlpi mungtuppi in REVIVAL, REFORMATION AND BEYOND (Tawntung
Khanlawhna & Kiphuahphatna) ahih tawh kizui in mimal sung, innkuan sung, pawlpi sungah kha khanlawhna le
pianthakna hong pian theih nangin General Conference pan in Triple 7 formula khat hong phuan khia hi.
Triple 7 = 777 Formula: A 7 masa Leitungbup a om SDA te in A 7 nihna Pasian piansakna ni 7 kal
khat sungah A 7 thumna Nisim zingsang nai 7 or nitak nai 7 in thungen ciat ding cihna hi.

1.
2.
3.
4.
5.
6.
7.
8.
9.

PAWLPI VANZAT DING HUHNA HONG PIA TE

Pa Vungh Do Thang te Innkuan
Cupboard (bizu)
1
Pa Go Lam Kim te Innkuan
Zokam Laisiangtho
10 bu
Pa Thang Khan Dal te Innkuan
Naipi
1
Sia Nang Khan Mung te Innkuan
SDA Hymnal
1
Lia Thian Nun Thiang (USA)
Kawlkam Laisiangtho
1
Tg. Suan Lian Kham (Bangkok, Thai)
AY Songbooks
10
Lyrics File
1
Tg. Tual Suan Mung
Maranatha Gospel Songbooks
10
Tg. Pau Sian Thang (Tekzang)
Leenggahtui hai
100
Haikoihna
2
Pa Thual Lian Thang
Blank Paper A4
1 thohpi
(Sayin kihel kha lo a om leh hong zasak un! Lungdam!)

I CIDAMNA DING ALU (Potato)

Alu (potato) sungah kawdat leh vitamin dat
zong kihel in, sodium (a al) dat bel om vet lo hi. tua
ahih man in:
1. Zunkhum leh sikhum natna aneite adingin an hoih
pen khat ahi hi. Buhtaksih sangin hoih zaw hi.
2. Sikhang natna aneite adingin zong a aldat om lo
ahih manin hoih hi.
3. Kal natna aneite adingin zong hoih hi.
4. Gilpi nate adingin Alu asial gawizan in dawn leng
gilpi sung meimate dam sak hi.
5. Gawlna te in Alu pumhuan in supek ding a, a gawl
ah belh leh gawlna dam hi.
6. Meikang te zong alu asial in gawizan ding a, meikang ma tungah belh in tuam leng dam hi.
7. Nasii (naptui luang) ciang Alu + Carrot (ankam
bul san) + Nanan + lothangsan (Onion) huan khawm
in dawn leng dam hi.
Syama Aye Cing

Pumkhat Suahna: March 27, 2011 nitak nai2 in

ZCWC Biakinn, Pandan Inda ah Sia Kham Min tapa
Hang Suang & Nemboih (Pa Khup Ngaih Thang
tanu) te in pumkhatsuahna mopawi nei uh aa Dr Cin
Sian Pau in khutngak thungetna hong neih sak hi.
Sihvuina: March 29, 2011 ni-in ZSM, ZIM te panpihna tawh sanggamnu Go Lun Mawi (kum27) pen
Batu Arang hanmual ah kivui theita hi. Bus 3 le mawtaw neu2 tawh kikha in mi 130 kipha hi. Sia SB
Ngaih Cin, Church Pastor, in hanthotna hong nei in Dr
Cin Sian Pau in hun hong uksak hi. Khangno 18te in
khakna la hong sa uh hi.
Dahpihna: March 31, 2011 zingsang 10:05am in
Sia Vai Khan Thang (Myo Win) in Yangon zatopi pan
in gilsung cancer natna tawh hong nusia in April 1,
2011 ni Yangon Central Church pan Ye Way han ah
kivui cih za ih hih manin a innkuanpihte kibangin ih
dah khawm hi.
THU ZAKSAKNA

THU TUAMTUAM

Quarter Nihna Sabbath School lesson (Manglai-RM

7.00 & Zokam-RM 5.00) om lai hi, adeih ding
peuhmah in SS makaite kiang pan kingah thei lai hi.
IZCC Calendar RM 10.00 tawh kingah lai hi.

Birthday Program Kibawl: March 26, 2011- 13th

Sabbath sungah Topa tungh lungdamkohna le suahni
nei mi19 kipha a, Sia Ngaih Cin in hanthotna le thungetsaksakna hong nei hi. Liapaal Kimnu in suahni pahtawina la ong sa in Niangpi & Cingpi te in paak hong piak
sak uh hi.
LST Lem Kidemna: March 26, 2011 ni AY hun ah
khangnote LST leem kidemna om aa mi10val kihel sung
pan Akhatna: Cing Suan Nuam, Anihna: Suan Khan
Khai, Athumna: Lun (Suangzang) te in letsong hong
ngah uh aa ki lungdampih mahmah hi.
Medical Check-Up Kibawl: March 26-27, 2011 niin Adventist Community Health Center (Malaysia) te
makaihna tawh Penang Adventist Hospital, PEM office,
PJ Church te panin siavuan siama 15te in gambeel mite
hong veina tawh kizui-in habotna, haphotna le natna
tuamtuam velna, CSO zumpi ah hong nei uh aa, an hong
vakin puan (second hand) hong hawm ziahziah uh hi.
Zomi Adventist Church pan in Sia Khuptawng, Sia
Paupi, Sm Aye Cing, Sm Lunseuh te in kamphen
(volunteer) hong sepsak uh hi. Akivel mimal 160 bang

Tusun nekna dawnna pen Pa Moe Myint Oo in itna

tawh hongpia khia ahih manin pawlpi min tawh lungdam ko hang. Moe Myint Oo pen hong nusia khin ahi
Nu Go Lun Mawi pasal hi aa azi aphawkna in sun-an
hong vak ahi hi. Abei asupna teng Topan hong dipsak
kik in lungzuan khua-ngaihna pan lungnop tawldamna
hong piaksak ta hen. Amen.
April 23, 2011 Sabbath hunpi pen Evan. Suan Sawm
Sang, AWR Speaker, in Pasian kammal tawh hanthotna hong pia ding ahih manin ih kim nangin lawm
te gensawn tekni.
April 30, 2011 Sabbath hunpi pen Pr Jeffery Pum
Pau, New Zealand, in hong zang ding hi. Tuiphumna
zong hong makaih thei ding ahih manin tuiphumna ah
kihel nuam a minpia nailo peuhmah in pawlpi tanu te
tawh nong zasakna nang kong thum uh hi.
Produced & Distributed by ZAC Family (2011)

Tutung Zo Phualva Thupuak hawmkhiatna tawh kisai abei khempeuh Hang Suang & Nemboih te nupa in
iksik lo in hong piakkhiat manin lungdamna ih ciamteh hi.