22

29

21.10.2012
Editor Jt. Ed. : C. Lalmuanpuia 8014125196 : J. Zosangliana 9862614890 8014225294 8014764717

News Ed. : H. Remsanga : Zodinsanga

Cir. Man. : All Section Asst.Secy. & Ramchuana, Keifangtlang Y M A ch u t a n p u i n ga i t e t a n p u i t u a ni Manager: R.Lalchhuanawma 9862530551 CHAMPHAI VENGSANG BRANCH Y.M.A CHANCHINBU KARTIN CHHUAK ( Chawlhni a piangin ) Hall Ph. 234336

The Vengsang 21 st October, 2012 Vengsang Chanchinbu Silver Jubilee Organising Committee neih a ni : Dt. 16.10.2012 (Thawhlehni) zan dar 6:30 ah Vengsang Chanchinbu Silver Jubilee Organising Committee- chuan Vengsang Branch YMA committee room-ah committee vawi-2 na pawimawh tak a nei a, committee member pawh an kal tha hle . An rorel tlangpuite :Chairman Pu J. Ralkulhtawnan Pathian hnenah tawngtaina a committee a hlan hnuin rorel tan a ni a. Member-ten ngaihdan hrang hrang thawh ho in, in hlawhna siam saktu mimal leh department-te hnenah lawmthu an sawi nghal bawk a. Rorel I-na : Silver jubilee lawmna atana inhlawh nan kum 2013 calendar zawrh rel a ni a. He calendar hi vengchhung leh hmun dang dang ah zawrh chhuah nise tih a ni. A man tur bithliah felin, vengchhung mipui phei chuan an man bithliah ang diak diak a leilo a, tlema tlawmngaih chhuah deuh hlek a leitir turin an ngen nghal bawk a ni. Rorel II-na : Calendar zawrh dan ngun tak a sawiho a ni a. Vengchhunga calendar man man deuh hlek a leitur awm ang te thlang chhuakin lehkha siama pek nise tih a ni. Hemi atan hian vengchhungah mi 160 vel ziahchhuah chhin a ni a. Tin, calendar zawrh chungchang hi uar taka chanchinbuah chhuah nise, november thla tirah zawrhchhuah tan nise a zuar tur lam chu sawiho leh nise ti a rel a ni bawk. Electoral Roll Revision Tunlai hian Electoral Roll chu ennawn mek a ni a. Tunkum a kum 18 tling India khua leh tui dik tak te chu roll-ah hian awm vek tura beisei leh hriattir kan ni. Hei hi mitinin kan tih tur kan duty a ni. Tin, hei bak a thil pawimawh tak mai chu- India khua leh tui ni silo, hmundang/ramdang mi India khua leh tui nih hi a tha e tih avang a lo in tahluh tum ve leh ringawt te hi chu vengchhungah hian kan in hrechiang em em a. Chungmi te tan chuan hmun a awm dawn lo a, tin, thil theih a ni dawn bawklo a ni. Chuvang chuan India khua leh tui ni lemlo chu lo inrawlh buai lo se la; a nih dan tur a ni bawk a ni. CENTRAL YMA * Dt. 11.10.2012 - CYMA leh PHED thawhhona Tuihna Humhalh beihpui hawnna Champhai-ah neih a ni a, Pu J. Lalsailova, Fin. Secretary, Pu Lalrinmawia Sohnel CEC leh Pu Vanlalzuiliana CEC te an kal. * Special Summary Revision of E. Rolls kalpui mek chungchangah CM Office Cabinet Room-ah Meeting neih a ni a, CYMA OB te an tel. E. Rolls dik leh felfai kan neih theih nan theihtawp an chhuah. *12.10.2012 - Doordarshan Kendra, Aizawl Station-ah Tuihna Humhalh beihpui chungchangah Live Discussion neih a ni a, Pu Vanlalruata, Gen. Secretary, Er. H. Duhkima leh Dr. C. Lalnuntluanga te an tel. 17.10.2012 - CEC last Meeting neih a ni a, zanriah kilhho nghal a ni. YMA General Conference Programme leh Ramhlun Vengthar & Ramhun Sports Complex huamchhunga leimin tuarte Branch tinin kan khawnkhawm, Branch tin atanga a lo luh dan pdf a download theih a dah a ni.

BRANCH
Gas Connection Booking : LPG Gas Manager hnen atanga thu kan dawn danin, kan vengcchunga Gas connection la neilo te hnenah connection pek tum a ni a. Booking te tih fel a ngaih avangin a form te LPG office ah dahkhat-a submit tur a ni. Amaherawhchu, connection hi hmu kan hmuh nghal mai tur lova, YMA te kaihhruaina in connection neilo zingah pawhfuh pawh a ni thung ang. Gas connection neilote kan in hriattir a ni. Conference thukhawchang : YMA General Conferenceah palai intirh loh mai nise ti a rel a ni. Sub-Headquarter lamin motor behna remchang an tirh theih dawn tak silo ah chuan kan branch atang chuan palai intirhloh mai nise tih a rel a ni. Faina Hapta : Branch aiawha lawmtu sawina tur vengchhungah a tam hle mai. Mahni in leh lo uluk tak leh khawtlang tan a mawilo ang tih hlau a felfai tak a cheibawl kan tamin a va lawmawm tak em. Amaherawhchu, chhungkaw chefel leh ngenna ngai pawimawh tak karah a che fel tawklo hi chu kan lo awm leh zauh zel mai. A pawi khawp mai. Vengchhunga khawtlang pawl ten min ngenna hi chu theihtawp a ngaihpawimawh ve tur a nih lai a, thenkhat in kan ngaizam lutuk hi chu thil thalo tawk zawng a ni ngei e. Bungrua a kimlo : Property Sub-Committee lam ten YMA bungrua an enfel hnuah, kimlo tlem a zawng a awm tlat mai! Heng YMA bungrua lo la kawl palh emaw chuan a rang lamin YMA hall ah dah turin kan in hriattir nawn leh e. Lo la kawl palh kan awm chuan i dah let vat ang u khai!!

VENGSANG BRANCH YMA DIN TAN KUM: 13th OCTOBER 1946

YMA CHANCHINBU CHHUAH TAN KUM : 1991

Editorial
Vengsang hi a nuam ber mai! Mi veng te, mi fate an va modern bik ve tiin kan awt viau ringawt ang e!... Kan vengah chuan kan infiam duh dan leh kan in biak a kan in chhawnchhaih dan hi a danglam bikin a pui thei rem rem khawp mai..! Kawngah kan intawk i va hmel chhe em em ve kan han inti tawp mai a. A in ngamtlak thlakin a va nuam letling ve aw... Lehlamah chhiatni/thatni ah erawh zawng chutianga infiam bawrh bawrh te chu a fiam a leh a fiamtu tana in pe hlei hlei, mamawh thilah pawh a tangkai ber an ni leh lawi si. Hei hi chu kan veng STYLE a ni miau a , tu amah hian a style han thlak tum em em na pawh kan nei chuanglo. Het i khawpa tleirawl/ rawlthar, nula/tlangval te innelna vengkhat hi a awm pawh ka ring lo. Sap ho style-a independent tak a chhungkua/mahni a awm tum kan awm lemlo a; kan duh bawk heklo. Zurui leh pachhia pawh tu inah pawh leng lut sela kan vengchhungah hi chuan tumah hnawng an awm lo ang a tih theih hrim hrim!. Kan khawtlang hruaitu, kan kohhran hruaitu te lah tu atan maha biak hrehawm an awm kan hre bawk silo, vengdang leh mikhual tan phei chuan kan zuamawm letling ngawt ang. Vengchhungah V.C/NGO buatsaih tournament tenau te te kan han buatsaih a, intibuai rum rum tham khawp kan han pungkhawm thei te hi khawdang/vengdang chuan min awt ngawt thin in ka ring thin. Heng huna phur taka min siam thei tu khawtlang hruaitu te hi vengdang ai chuan kan nei tha bik ngei mai a!... Tin, vengchhung mi harsa te tana mi inphal leh inpe zo tak tak hi chhiar fe tham kan kawl teuh bawk. Pathian hian heng mi te vang hian kan veng hi mal min sawm tak zet a ni tih a hriat nghal mai. Mahni neih chuangliam pawh chheprelh a, mahni thenawm khawveng chhuanchham ve tak tak an awm lai a, kumkhaw daih miahlo tur kan sum leh pai, tha leh zung thawh duh miahlo hi chhiar tham pawh kan awmlo a ni mailo a, chhiar tur ka hrelo. Chuvang tak chuan veng mipui inlungrual tak chhungah chuan hmasawn a awl in, kan vannei em em a.Kan khawtlangin hma a lo sawn zel thei nan tun ai nasa hian tan in la thar leh ila. Vengsang hi a nuam ber mai ti zel thei turin i han tang sauh sauh teh ang u

Champhai Vengsang Village Council Team list :-

Manager Coach
1. 3. 5. 7. 9. 11. 13. 15. 17. 19.

: :

Pu TBC Lalrinawma. Pu Zonunthara.

VENGSANG VC TEAM
Lalremmawia Lalruatfela Laldinmawia Zorinsanga Lalthangzara Lalbiaknunga (Neihdawn) Zonunsanga (Khawzawl) Lalruatsanga SP Lalngurchhuana Lalthianghlima Malsawmdawngliana

Lallawmtluanga (Captain) 2. Lalchhantluanga 4. Lalhlimpuia 6 Remruatthara 8. Zonunthara 10. Lalrinawma 12. Niki Lallawmkima (Khawzawl) 14. Lalrinawma 16. Jacob Lawmsangzuala 18. Ramnunmawia 20. 21.

AJINOMOTO-- (a hlauhawmlohna lampang ve thung) Hmeh hanna tia kan sawi thin, Ajinomoto hi kan hmang lar ta viau mai a. Ei rawngbawlnaah kan hmang deuh vek tawh a, tha tilo an awm laiin sawisel tur hrelo te pawh an awm bawk. Chinese food kan tih, khawchhak lam chhuak eisiam chi hrang hrangte hi kan uarin, thingpui dawra kan lam tam ber pawl chow, fried rice, momo etc. te an ni hlawm a, heng ho ah hian ajinomoto kan tih mai hi thahnem tawk tak a tel a ni. Tin, ram thenawm Burma lam atanga eisiam chi la-phe-tauh, sanpiau etc. ah te hian hmeh hanna hi hman nasat a ni bawk a ni. Ajinomoto hi a nihna takah chuan monosodium glutamate tih a ni a. Kum 1908 khan Japan rama Professor Kikunae Ikeda chuan sea weed (tuifinriat hnim chi khat) atangin a siak chhuak a. A temteliak hi kan kaa hriat thin pangngai: thlum, al, kha, thur, a nih loh avangin umami tiin a phuah a; hei hi Mizo tawng chuan hang kan tih nen hian a inhnaih ber a ni. He a thil siak chhuah hi kum 1909 ah Suzuki Brothers te chuan sumdawnnaah lalutin Ajino-moto (essence of taste tihna) tih hming pu in an zuar ta a ni. Khaw thlang lamah chuan hemi hnu fe hian Accent tia zawrh a ni ve thung. A lawng chuan ajinomoto hian tuina a neilo a, a inhmeh tur ei chi nena chawhpawlh erawh chuan chu eitur tuina chu a let tam takin a tipung thei thung a ni. A that veleh na chu, rem theih tam tak a nei hi a ni: sa, sangha, arsa, thlai lam chi hrang hrang, sa tui hang (soup) leh eisiam chi hrang hrangte. A tawk chiaha pawlh chuan a tui em em laiin, a tam erawh chuan a tuilo lutuk veleh hlauh thung a ni. Kum za chuang zet khawvelin monosodium glutamate (ajinomoto) a lo hmelhriat ta a, a hmangtu an tam tulh tulh a, a fak tawk an awm laiin a sawisel tawk pawh an awm a. Ei leh bar thila tel a nih avangin hriselna lam zirtute pawhin an zir chiang nasa hle a ni. Eng ang takin nge hriselna a khawih pawi theih a, allergy neih chi a ni em tih te; ajinomoto hua anga insawi leh ei theilo anga insawi te nen lam an zir ngun hle a ni. Thenkhat sawi dan chuan he monosodium glutamate hi excitotoxin a ni an ti a. A awmzia chu, kan taksaa timur te hi nasa takin a chawk tho a, thi khawp hialin a chawk tho thei a, hriatna zam a tichhe thei a ni an ti. Hemi rah chhuah chu rualbanloh theihna khawp natna: Alzheimers disease (hriatna leh taksa thununna hloh), Parkinsons disease (tha khur nasa) leh a dangte an ni. MSG Symptom Complex tih a awm bawk a, chutah chuan hengte hi an insawiselna a ni tlangpui: taksa hik mum mum, sa hut hut, za mer mer, hmai leh awm tawt riaua inhriatna, thaw hah, lu na, luak chhuak, lungphu rang, mutchhuak, taksa chau ngawih ngawih. Heng bakah hian ajinomoto rei tak ei chuan obesity (thau luat), mit thatlohna, lu na benvawn, kulchona leh mumal lohna a siam thei an ti bawk. Heti taka hman lar leh sawisel nasat tawk a nih avangin vawi tam tak monosodium glutamate (ajinomoto) hi ei atan a him chiah em tih en fiah nawn awn awn a ni a. Food and Agricultural Organisation (FAO) leh World Health Organisation (WHO) chuan tangrualin, Joint FAO/WHO Expert Committee on Food Additives (JECFA) chuan tum thum kum 1970, 1973 leh 1987 ah te enfiahin, Acceptable Daily Intake (ADI) not specified ah an dah a; a awmzia chu, a him lutuk a, nikhata ei tur pawh an bithliah lo tihna a ni. Hemi bakah hian European Communities, Federation of American Societies for Experimental Biology (FASEB), Food Standards Australia New Zealand te chuan monosodium glutamate (ajinomoto) hi a him an ti a ni.