ZAM Hotline 016-293 9027 ZAM Office 03-2142 6659

Email: zomiassociationmls@gmail.com

Volume 7, Issue 37
A(65)cinna Zomi Nam Ni Zinmangpi: Chief Guest ding Kawlgam pan Pu Cin Sian Thang (ZCD President) leh Lengtong Kam Khen te zong Feb. 10, 2013 Sunday ni in Malaysia gam hong tung khinta uh hi. TSKhai zong Kuala Lumpur hong tungkhin tahi. Singapore pan Dr. Hau Za Cin zong asawtlo-in, Zomi Nam Ni siim ding hong tungta ding hi. Pu Thang tungah dotnop, gennop anei nuamten hih anuai-a contact no. tawh ki dong thei hi. Thomas Piang: 016-610 0877. 2013 kum, Zomi Nam Ni ading: Khua leh Pawlpi pan sum akipia sateng azom; 84) Zomi UPC Pawlpi-RM200, 85) Keltal Khua Kipawlna-RM100, 86) Laitui Khua Ki pawlna-RM200, 87) Mualnuam Khua Kipawlna-RM100, 88) Lalta Khua Kipawlna-RM100, 89) Tualzang Khua Kipawlna-RM100, 90)Saipimual Khua Kipawlna-RM100, 91) Gawngmual Khua Kipawlna-RM100, hiteng bangin kipia khin tahi. Apia nailo ten zong Zomi ka himah hi icih takpi leh sazian kibawl nuamta ahih manin, ahunlap piakim ciat ni. Theih gige ding: UN zumah lai na-at/khiat ciang, Zolai/ Kawllai tawh na-at sangin, Mikanglai (English) tawh at pah lecin nakpi takin lem zaw den hi. Kumpi Zato napaiciang, Siavuante Memo ngen ham tangin: Cidamlohna hang khat peuhpeuh tawh sikhan (clinic), zato napai aleh Kumpi Zato mah paipah in. Tua hileh Siavuan Memo kingah thei ding hi. Kumpi Zato pan Siavuante Memo bekmah UN ten theihpih in sangthei uhhi. UN card ngahnopna hang ahizong, UN card neikhinte ahizong, cidamlohna khat peuhpeuh hangin, zato kibawlna sum beite na ngetkik nop aleh, zato ah nakibawllai tak mahin lai/siavuan Memo pello-in, ngahsawm hamtang in. Hih Memo lai omlo-in, UN ah bangmah huhna kingen thei vetlo hi. ZAM Member Card vai zaksakna: 2013 January 1st ni aki pan, ZAM card tawi member khat ii ngahtheih ding ham phatna teng: (1). Deihloh pen sihna tuaka ZAM card ahinglai (valid) leh sumtang RM-500/-(zanga) tawh sihgalna in, kipia ding hi. (2). UNHCR department tuamtuam ah lai-at ding aom leh manngenlo(free) in, kiatsak ding hi. (3). Nasep neilote nasep manngenlo-in, ki zonsak ding hi. (4). Damlo leh mat leh hen vaitawh kisaiin, manngenlo-in avai kipanpih dinga, ahizongin sum leh paai tawh kipanpih lo ding hi. (5).Tualo atuamtuam pan pih theih omte kipan pih ding hi. (6). Member card athak bawl/ahingsak kik(renew) te ading RM50/- (sawmnga) hita ding hi. Nau pang kum 10 nuaisiah leh uham kum 60 tungsiah te ading athak bawl man/hingsakkik(renew) manding leh card anungta lai(valid) mangsak/kisiasakte adingin, RM10/-(sawmkhat)hiding hi. Azen zenin, ZAM card tawi nu/pa khatpeuh in, asih khitciang Card(renew)/ athakbawlte adingin, sihgalna RM500 kipialo ding hi. Zaksakna: February 20, 2013 Zomi Nam Ni bup ZAM zum kikhak ding hi.

February 17, 2013

RSC leh DHS pan Phone ong kisap aleh: RSC leh DHS zum phone: 03-2144 8105, 03-2144 7994, 03-2141 1943, 03-9222 0805 te tawh Phone sapna bek hilo-in, Jan. 16, 2013 ni akipan SMS tawh Mikang lai-in Interview ding sapna zong hong kikhak thei ding hi. Tua bang SMS te Delete kha hetlo-a, Interview ipaini ciang zumah lah theih pah dingin, Save mangngilh kei in! Zumah SMS lai na lah theih keileh honglutsak lo ding hi. SMS laikhak atello ten ZAM ah kidong thei hi. Zomi Genvai Kipawlna (ZSM)vai zaksakna: Zomi Gen vai Kipawlna tawh Malaysia aom Zomi khempeuh I ki zop kim theihnang leh haksa dongtuakte, I van kimzawh na dingin, Zomibup kongzawn uh hi. Mi-1, kum-1, RM10. Na sum khiat pen na zat khak keileh a lungdamhuai hi zawa, a zangkha-te na panpihna hipah hi. Nang zat ding cihna tawh nakhiat sangin, azang ding om ahih manin akhia hi zaw in! Zomitekikhopna biakinn khempeuh panin kilutthei tahi. Biak inn pai manlote zong ZAM zum -ah kilutthei tahi. ZAM memberte bek kilut thei hi cih thuging pen zuau thu ahihna leh ZAM member hita keileh Zomi khempeuh suakta takin kilut thei hi. ZSM 2013 Zomi Calendar: ZAM zumpi pan akibawl 2013 kum ading Zomi Calendar dal khat ciang RM10/- (sawmkhat) tawh Khua kipawlna makaite kiang, kikhopna biakinnte ah ihzuak mante 2013 February 20, Zomi Nam Ni ma-in, ih Zumpi ZAM zumah nongpuak kimciatna dingun, kong phawk sakphakik kik hi. ZAM iNfO! Pilvang!..Pilvang!...Pilvang.! UN card neilo peuhmah khua sungah kuamah vak se dah ni! January & February kha 2 sung mat leh hen ongtam mahmah ding hi. Meileng(LRT) buta Maluri nuai-ah nitak lamin, mi mante nautang puansilh in omden a, pilvang takin omtek ni. Tua bek hilo, KL Mydin leh Kotaraya maitengah mawtaw pongmoh (Van)car ihcihte tawh adim angah nading hamciam uh hi. Zomi kuama peuh khua sungvak kidawm mahmah ding hihang. Hih ih Sen kumthak sungteng bang diak pen Taxi tuangte nangawn Palikten amawtaw uh tawh delhin, sum tampi pi ngen uh hi. Ni khatin mi atawm pen mi (10) tabang mat thuak den uh hi. Kimat/kihenna I tuah khakleh: Theihhuai pawlkhat, Na sanggam/na tanau khat peuh deihloh penin mat leh hen atuah leh ZAM Palaite nako pahun. Akisam dingte: 1) a ki matna mun, 2) aman Palikte, 3) a kimat hun cihbang theileng ih kanna lem theipan hi. ZAM Card tawi member peuhmah in kimat/henna natuah uhleh hih anuai-a Palaite kiang nazasak pahun! Palai Tuangpu: 016-254 4093, Palai Thaa Mung: 016-646 5375. Mikang lai!!..Mikang lai!!..Mikang lai!!! Zomite ading Khangham Mikang lai sinna (Adult English Class) ZAM zum nuai-ah omding hi, nipi kal khat nai 2 sungta, Kigin ni (Saturday) sim hiding hi. Athucing theinuamte: Sya David Mungno: 017-333 4320.

Hihte khempeuh banah, mi khempeuh kilem takin ahong omkhawmsak thei ahi ki-itna na bulphuh un. Col. 3: 14

**ZAM Thupuak kal siala, kihawmkhia pen Leitung mun tuamtuam aom Zomi khempeuhin asim theih nadingin, Website: zomidaily.com & email: zomiassociationmls@gmail.com tepan kisim thei-in, aituam email tawh adeihten zong kingen thei hi.**

IOM phone nambatte: 1) Medical ph(1): 03-9235 5422, 2) Medical ph(2): 03-2144 2043, 3) Departure ph: 039235 5430, 4) Medical Sputum ph: 03-4021 4314, 5) 039235 5512, hiteng IOM tawh kisai phone nambat hi. Sisitna Mun(IOM) IOM MHD Malaysia 2nd Floor/Level 3, KPJ Health Care No 1, Jalan Pahang, 53000 Kuala Lumpur, Malaysia General Line: 03-9235 5400 (IPR, TB Zato pi geimah hipah hi) Theihding: Sisit hong kisap aleh UN zum pai kul nawnlo a, atunga IOM zato ah paipah ding hi. ACTS Clinic No. 44, Jalan Pedang Belia, Brickfields, 50470 KL Tel: 03-2272 2585 Mon-Thurs: 9:00am-1:00pm, 2:00pm-5:00pm Sunday: 10:00am-1:00pm Naupaaite(Pregnant): Every Saturday: 9:00am-1pm Tzu Chi Clinic No. 221, 4th Floor, Wisma LTS, Jalan Pudu, KL Mon,Tue,Thu, Fri 9:00am-4:00pm Wednesday 2:00pm-5:00pm (Dental) Sunday 9:00am-12:00pm (Dental) Australia Tentan kahna mun: A 14-6, Menara Atlas, Plaza Pantai Jalan Pantai bharu, 59200 Kuala Lumpur (Near Kerinchi LRT station)Tel: 03 - 9235 5431 CO class kahna mun: Cultural Orientation Class F & B Business Park, 18 Jalan, Metro Pudu 2 Fraser Business Park, Jalan Pudu, 55100, Kuala Lumpur (Near LRT Chan Sow Lin) Nausuak lai lakna: 1. Jabatan Pendaftaran Negara (JPN) Cawangan UTC Kuala Lumpur, Aras 2 Wisma UTC (Pudaraya), Jalan Pudu, 55100 Kuala Lumpur 2. Putrajaya Immigration Office 3. YBC College mai-ah 4. Jabaton Pandaftaran Negara Komplexs KDN Jalan Sri Hetamas 1, Off Jalan Quatermas 1, KL-50551. Donghu: Khua kipawlna min tawh mimal 50 nuaiomten RM50, mimal 50-100 kikal omten RM100, mimal 100 valten RM150, mimal 200 tungsiah in RM200, ZAM zum ah akhia khinsate sungpan, damlohna tawh Zato lum sum neilote adingin RM500(deposit)tang ding khua makaipa theihpihna tawh kileitawi thei hi. Kha nih sungin pia kik ding hi. UN Card kimu hi, ZAM zumah hong kan un! 1. 354-12C01751, Khin Maung Shwe,(09/05/2015) 2. 791-09C10089, A Niang (27/09/2012) 3. 791-09C03478, Cin Ngaih Thang, (29/07/2012) 4. 354-11C04008, Far Chin Tial (18/05/2015) 5. 791-10C00696, Khai Kam Sing (17/01/2013) ZAM zumah kingah vante: Zoniik/puan, dialneu, ngawng-awh(necktie), zokhi tuamtuam leh zotau te kingah hi, Lai Siangtho bu, Zomi Dictionary kingah thei hi. Galhiam labu original laimai 18 kibehlap Kawlgam pan hong tungthak bu 1 ciang RM30/-(sawm thum) in kizuak hi. Kidawp thei: Siama En Cing: 016-285 1234 Exodus pan Itna (A Love Story of Exodus) tangthu khui DVD zong ZAM zumah deih zahzah kilei thei tahi. Khui 1 ciang RM15/- (Sawmlehnga) bek man hi.

Zomi Cup 2013 Honna: 2013 Zomi Cup February 11, 2013 ni sun nai 12:00 hunin, Malaysia, Kuala Lumpur khuapi sunga om Tualpi hoih mahmah leh alian mahmah na munah, nopcitak leh nasiatakin Zomi Cup 2013 Honna; Kawl gam pan Zin mangpi Pu Cin SianThang (ZCD President) in, hongnei hi. Hibanga Zomite Tuk peng ki mawlkhop theihna ding hunpha ongpia-a, nopci tak hong kalsuanpih ih biak Pasian tungah lungdam iko hi. Atawp nidongah bangmah buaina/haksatna omhetlo in, hong gualzawhpih lai ding ahih manin, Ama min I phat lailai hi. Hih Tukpeng/bawlung kisuihna pawi pen Zomite sungah kipumkhatna/kilungtuakna/kilawmtatna taktak piankhiatna hitahen! ZAM zumah UN uliante onghawh: February 13, 2013 Wednesday niin, ZAM zumah, Kawlgam pan Pu Cin Sian Thang (ZCD President), Lengtong Kam Khen leh M a l a y s i a U N H C R (Protection & CDU)pan ulian 2 te zong ZAM zumah holimna nopci tak leh lawhcing takin kinei hi. Theihding: (1). ZAM, ACR, CRC card cihte vaksuk vaktohna-ah puakhawm hetkei ni. Apua khawm khate Thuneite tawh akituak uhteh buaina omden hi. (2). Ih omna Vengveng panin, Min sazian zumah ong puak un acihleh UN neite bekin napia bekun, UN nei nailotein kipawlna zum khat peuhah piakding/ piaklohding nadong masa hamtang un! Julia Sammeet sai: KL Mydin kong mai-ah, OASIS ansai dawl khatna(1st Fl)ah, numei/pasal sam meet/ bawl nuamte maitang bawlpha nuamte bil vangsak nuamte ading leh mopawi puan kawmnuam leh Makeup bawl nuamte ading inzong, Julia sam meetna munah kidawp kikan thei hi. Julia contact no: 010-778 4035.
Church Music Free Training: Christ Mission Fellowship (CMF), No. 21-2, Jalan Primasetapak 3, Off Jalan Genting Klang, Setapak-53300, Kuala Lumpur, Malaysia. Contact no: 016-644 3011. Atunga Biakinn ah Kigin ni sim (Every Saturday) in, Church Music free in kisin thei hi. Asin hun ding: 12:00noon4:00pm dong!!!

Healthcare(cidamna) tawh kisai Training kah: ZAM Palai sungpan Sya Khoi Tuang zong Zomite adingin ACTS te vaihawmsakna tawh Feb. 14-17, 2013 sungteng Genting Highland ah Cidamna ngiak thupitak leh tangzai sem sema mapan theihzawk na dingin, palai khat va kihel thei ahih manin, Zomi bup aitangin ilungdampih hi.