Mumunang pamamasa

Pamamasang ibat king Libru ning Propeta Isaias 55:6-9

INTRODUCTION

Pagdulapan yu ing pamamaralan ning Ginu.
Ing Dios matas ya palak kekatamu, makanyan man malapit ya kekatamu. Sukat ta
yang pagdulapan at mabiasang misip at dapat agpang king paralan ning Dios.


DALIT A PAKIBAT

Ing Dalit a pakibat sasabyan na king ing Dios tutu yang matas at e ya agyung
pakirasan dapot malapit ya karing tapat keya.

Ing pakibat tamu: Malapit ya ing Ginu karing sablang tapat mamaus keya.


KADUANG PAMAMASA

Pamamasang ibat king sulat ng San Pablo karing tau Filipos 1:20-24,27

INTRODUCTION

Para kanaku ing bie ya pin I Kristo.
Para kang Pablo e binang maulaga nung mie ya man o mate nung mabie ya,
sususyu ya kang Kristo, king kamatayan akayabe I Kristo. Dapot bisa yang
manatiling magobra king pamanyuyu na king ebanghelyo.


EBANGHELYO

Pamamasang ibat king Mayap a Balita agpang kang San Mateo 20:1-16

INTRODUCTION

Ing Dios maganaka ya karing sabla.
Ing kayapan na lub ning Dios lagpas king agyu tamung intindian. Yampang ne
king balang tau ing pasbul ning kayarian na; payintulutan na katamung makirake
king bie na, e uling pangaintuliran tamu nune uling maganaka ya.