JUMUIYA YA UAMSHO NA MIHADHARA YA KIISLAMU

(JUMIKI)

THE ASSOCIATION FOR ISLAMIC MOBILISATION AND PROPAGATION
P. O. BOX: 1266 -Tel: +255-777-419473 / 434145FAX +255-024-2250022 E-Mail: jumiki@hotmail.com
MKUNAZINI ZANZIBAR

25 Mei, 2013

Bismillahir Rahmanir Rahiim

TAARIFA JUU YA HALI HALISI NA MATUKIO YA KESI

INAYOWAKABILI VIONGOZI WA UMOJA WA JUMUIYA NA TAASISI
ZA KIISLAM, ZANZIBAR. 25 MEI, 2013
Jumuiya ya Uamsho na Mihadhara ya Kiislam - JUMIKI, ni Jumuiya iliyosajiliwa kihali
kufanya shughuli zake hapa Zanzibar mwaka 2001. Kwa kipindi chote hicho hadi kufikia
tarehe 21/10/2012 JUMIKI ilikuwa ikiendelea kufanya shughuli zake kwa utulivu na
amani na kwa mujibu wa Katiba na sheria za nchi na taratibu zilizowekwa.

Wakati Jumuiya ikiendelea na kazi zake za kuhubiri, kutetea na kusimamia haki za

Waislam na kuelimisha jamii juu ya maswala mbali mbali ya kidini na kijamii, mnamo
mwezi wa Ogasti 2012 ilitokea kadhia ya kukamatwa Sheikh Mussa Juma wa Msikiti wa
Biziredi. Baada ya hapo Waislam walijaribu kufatilia sababu za kukamatwa kwake na
kushindikiza kuachiwa huru kwa kuwa hakukuwa na sababu ya kuwekwa ndani. Lakini
kilichofuata ni mfululizo wa mabomu ya machozi na pilipili kuwatawanya hali
iliyozidisha mtafaruku katika mji wa Zanzibar.

Tarehe 19 Oktoba 2012 Sheikh Farid Hadi Ahmed alitekwa nyara na baadaye kuachiwa
tarehe 22/10/2012. Tarehe 23 Oktoba 2012 Sheikh Farid alitakiwa afike Kituo cha Polisi,
Madema kwa mahojiano kuhusu kutekwa nyara kwake. Masheikh wengine - Sheikh
Msellem, Sheikh Azzan, Sheikh Mussa Juma na Sheikh Hassan walikwenda
1

kumshindikiza. Bahati mbaya Polisi wakawakamata wote na kuwaweka ndani na

kuwafungulia mashtaka mbali mbali ya uchochezi na uvunjifu wa amani na uharibifu wa
mali na kupandishwa mahakamani tarehe 25 Oktoba 2012; siku ambayo masheikh wote
walinyolewa ndevu zao, tukio lililowashangaza wengi kwani ule msingi wa Katiba
kwamba hakuna mwenye hatia mpaka apatikane na hatia na Mahkama iliyo huru
ulishavujwa tokea siku ya mwanzo kabisa.

Baada ya hapo mashtaka kadhaa yakafunguliwa katika mahkama mbali mbali ikiwemo
Kwerekwe (mahkama mbili za Wilaya), Mfenesini na Vuga (Mahkama Kuu). Dhamana
ziliwekewa masharti magumu mwanzoni lakini baadae masharti yakalainishwa na
washtakiwa kupewa dhamana katika kesi zote isipokuwa ile ya Mahkama Kuu. Kwa
upande mwengine, kesi moja ya Mahkama ya Wilaya Kwerekwe ikafutwa na ile ya
Mfenesini pia ikafutwa na Mkurugenzi wa Mashtaka.

Kesi zote zinazowakibili Masheikh wa Uamsho ni kesi ambazo dhamana ni haki ya

washtakiwa kwani makosa wanayoshtakiwa si makosa ambayo hayana dhamana. Aidha,
kwa mujibu wa Sheria, kesi hizo zinapaswa kuanza ndani ya miezi minne, vyenginevyo
inabidi washtakiwa wapewe dhamana. Kinyume na misingi yote ya sheria na haki,
washtakiwa wote kumi wameshakaa ndani kwa zaidi ya miezi saba sasa kinyume na
sheria na taratibu zote za kuendesha mashtaka ya jinai. Jambo hili la kuendelea kuwekwa
mahabusu na kunyimwa dhamana kwa Masheikh ni dhulma, ukandamizaji na uvunjwaji
wa makusudi wa haki za binaadamu. Jee hii ndio demokrasia na utawala bora?

Lengo la Jumuiya sio kuingilia kazi za mahkama, bali tunahaki ya kikatiba ya kupinga
uvunjifu wowote wa Katiba ya Zanzibar ya 1984. Kwa kawaida inapotokea uonevu kama
huu tumekuwa tukishuhudia Jumuiya za Kitaifa na za Kimataifa, Taasisi za kutetea Haki
za Binaadamu, Vyombo vya habari duniani, Asasi za Kijamii, Vyama vya wanasheria na
wengineo wakipaza sauti zao kulaaani, kushtumu na hata kukemea waziwazi dhulma
hizo; lakini kwa masikitiko makubwa hali imekuwa ni tofauti kwa Viongozi
waliokumbwa na kadhia hii. Jee taasisi hizo ziko wapi? Au kwa sababu wahusika ni
Viongozi wa Kiislam?
2

Ikumbukwe kama hawa ni viongozi wa juu wa Jamii kubwa ya Kiislam nchini, hivyo kila
mtu linamgusa na kumuuma jambo ambalo likiendelezwa linaweza kusababisha uvunjifu
wa amani usiotarajiwa. Kwa hali hii Jumuiya ya Uamsho na Mihadhara ya Kiislam
(JUMIKI) imewaita Wanahabari, Mabalozi wa chi za nje, na Wadau mbali mbali
kuwaeleza jinsi ya dhulma, ukandamizaji, na uonevu unavyoendelea dhidi ya Viongozi
wetu kama ifuatavyo.

Kuwatupia shutma kali na malamiko Serikali ya Umoja wa Kitaifa ya Zanzibar

na Serikali ya Jamhuri ya Muungano wa Tanzania kwa kuvunja sheria za nchi
walizozitunga na kuzilia viapo na kuzipitisha wenyewe na kudai kuwa hakuna
mtu alie juu ya sheria.

Jumuiya ya Kimataifa; wakiwemo:Mabalozi wa Jumuiya ya nchi za Ulaya, Marekani, na Magharibi kwa ujumla kwa
kukaa kimya kinyume na kawaida yao ya kutetea haki za binaadamu.

Waandishi wa habari wa vyombo mbali mbali ndani na nje ya nchi Kwa

kutoripoti au kuripoti habari kwa kuegemea upande mmoja wa Serikali huku
ikiihusisha Jumuiya na ufanyaji wa fujo, na pili kutoa habari kwa mitazamo yao
wenyewe mfano; Kulihusisha tukio la Maandamano ya Morogoro na matukio ya
Zanzibar.

Rais wa Zanzibar kuendelea kuingilia uhuru wa Mahkama kwa kutoa misimamo

yake mikali dhidi ya Masheikh wa Uamsho waliopo mahabusu.

Kuvunjwa kwa katiba ya nchi mfano; kuingiliwa uhuru wa habari na maoni kwa
jeshi la polisi kukama CD za mawaidha ya kiislam na kuzuia redio kutangaza
matangazo ya Jumuiya na Kamisheni ya Habari ya Zanzibar na Waziri wa
Mambo ya ndani Mhe: Emanuel Nchimbi kuzuia kutoa taarifa za JUMIKI katika
vyombo vya habari. Mfano: Redio Nour na Adhana FM.
3

Shutma kwa vyombo vya dola hususan Jeshi la Polisi, Usalama wa Taifa, na
Vikosi vya SMZ, kwa kupachuliwa kwa nguvu bendera za Jumuiya katika
sehemu mbali mbali nchini kwa lengo la kuudhalilisha UISLAM, kupigwa na
hata kuuliwa baadhi ya watu kwa kukataa kupachua bendera hizo.

Matumizi ya nguvu kubwa, kuweka hali ya hatari, taharuki na kuzuia hata jamaa
za washtakiwa kukaribia mahkamani ambapo hata kesi ya uhaini ndugu na jamaa
waliruhusiwa kuhudhuria na kusikiliza kesi za ndugu na jamaa zao.

Unyanyasaji wa watuhumiwa na uingiliaji wa uhuru wa kuabudu kwa mujibu wa

katiba; Mfano; kuwanyoa ndevu kwa lazima, kuwazuia kusoma quraan, kupata
habari, kuswekwa na kutengwa katika chumba cha kila mtu peke yake (katika
siku za mwanzo za mahabusu).

Kuwatenga na mahabusu wengine hata katika ibada kinyume na utaratibu wa

sheria na haki za binaadamu.

Mwisho, Jumuiya ya Uamsho na Mihadhara ya Kiislamu inatoa TAMKO

RASMI kuhusiana na kadhia yote tangu ilipoanzia na hadi leo hii kama
ifuatavyo;

1. Jumuisha ya Uamsho na Mihadhara ya Kiislamu Zanzibar (JUMIKI),

inakanusha vikali propaganda zote zinazoenezwa na vyombo vya habari,
wanasiasa na watu mbali mbali kuihusisha Jumuiya na vurugu na vitendo
vyovyote vile vya uvunjifu wa amani kama vile uchomaji wa makanisa,
maskani na upotevu wa maisha ya watu. Fujo sio sera ya Jumuiya wala
haihusiki nazo.

2. Kwa vile Msingi mkuu wa katiba zote za nchi zinazoendeshwa kwa misingi
ya kidemokrasia ikiwemo Zanzibar na Jamhuri ya Muungano ni kuheshimu na
4

kulinda haki za binaadamu ikiwemo uhuru wa kuabudu na kujikusanya na

kujieleza, kwahiyo, JUMIKI inalaani vikali wale wote wanaotoa kauli za
vitisho na matamko ya uvunjifu wa katiba na kuipeleka nchi katika utawala
wa kidikteta.

3. JUMIKI itaendelea na shughuli zake za kuelimisha, kutetea na kusimamia

haki na wajibu wa kila raia kama kawaida yake, ilimradi haivunji sheria wala
taratibu za nchi. Itaendelea kutetea, kudai na kuelimisha umma wa
Wazanzibari juu ya haki yao ya kuidai Zanzibar huru yenye mamlaka yake
kamili kitaifa na kimataifa.

4. JUMIKI inashangazwa na kauli za nchi za magharibi kwa kuipongeza Serikali

ya Umoja wa Kitaifa; serikali ambayo inavunja na inakandamiza wananchi
wake wenyewe kwa kudai haki yao ya kujitawala.

5. JUMIKI itaendelea kusimamia agenda yake ya msingi ya kudai Zanzibar huru

kinyume na jitihada zinazofanywa na Serikali ya Umoja wa Kitaifa (GNU) na
vyama vya kisiasa za kututoa katika lengo kwa kuanzisha agenda za pembeni
ikiwemo kukamata viongozi wetu, kuanzisha mchakato wa katiba na kueneza
uvumi na propaganda usio na ukweli wowote.

6. JUMIKI itaendelea kusisitiza kama ni kuendelea na muungano au laa kwa

kuheshimiwa matakwa ya wananchi pia kupewa fursa ya kutoa maoni kwa
mujibu wa Katiba ya Zanzibar. Jumuiya tayari imekusanya majina ya watu
sitini elfu kwa niaba ya Wazanzibari kwa ajili ya kupeleka mbele agenda ya
kudai kura ya maoni na kudai mustakbali wa nchi yetu ya Zanzibar.

Wabillah Taufiq

IMETOLEWA NA:
OFISI YA KATIBU MKUU
JUMUIYA YA UAMSHO NA MIHADHARA YA KIISLAM
ZANZIBAR