2010 BRANCH THUPUI - “THO LA, I PATHIAN KO RAWH” JONA 1 : 6

Estd. 1989

Postal Regd. No. 'Rawngbawl tura chhandam' MR - NE 330

Vol. No-XXI. No - 39 Kristian Thalai Pawl : Bawngkawn Branch Weekly 26thSeptember 2010
(Pathianni)
KRISTA PAWM DAN -Billy Graham.
K rista ka pawm hnu rei lo teah, “Pathianin i hriat atana a duh thil palite,” tih lehkhabu te tak te mi
pakhatin min pe a. Ka thu hril tirh lamah chung thu palite chu ka hmang thin a, an tha hle mai. Chumi hnu lamah
chuan, Campus Crusade hotu Bill Bright-a ziak, “Thlarau lam dan pali te” chu a lo chhuak leh a, Piantharna
awmzia kawhhmuh nan khawvel pumpui ah an hmang lar em em a ni.
Krista kan pawm hun chhung sawina, “Pathian nena inremna rahbi palite” tih chu kan pawlin Pathian
nena Inremna atanga lak chhuah a ni deuh ber a. Heng bute hi an tangkai viau va; nimahsela inkaihhruaina bu
famkim leh duhthusam ang tak erawh chu a awm theiin ka ring lo.Heng atang hian Krista pawm dan tura mi ten
kaihhruaina tha tak an hmuh theih ka beisei.
Heng a hnuaia mite hi, Krista chu I Lalpa leh Chhandamtu atana i pawm theihna tura Bible atanga thu
lakchhuah te an ni. Chhungrila hriat fiahna i neih theihna turin i tihtur te chu ka han khaikhawm ang e:
1) Pathian thiltih, A hmangaih che a, A fapa chu Kraws-a thi turin a pe che a ni tih i pawm tur a ni. He chang
hmingthang tak hi i chhiarin, ‘ Khawvel’ tih leh ‘Tupawh’ tih ah hian i hming dah hlauh ang che. “Pathian in
Khawvel a hmangaih em em a, chutichuan a fapa mal neihchhun a pe a, amah chu tupawh a ring apiang an
boral lohva chatuana nuna an neih zawk nan”(Joh 3:16). Pathian fapa chuan min hmangaiha ka aiin a in pe
a(Gal 2:20).
2) I sual i sim tur a ni. Isuan, “Nangni pawh in sim loh chuan in boral vek ang,” a ti a(Lk 13:3). “Sim ula,
Chanchin Tha hi ring rawh u” a ti bawk a(Marka 1:15). Pawi tih mai hi a tawk lova, simna chu sual hawisanna
a ni.
3) Isua Krista chu Lal leh Chhandamtu atan i pawm tur a ni. “Nimahsela amah lawm apiang chu, an hnenah
Pathian fate nih theihna a pe, a hming ring tute chu,”(Joh 1:12). Hei hian a sawi duh ber chu, mahni in chhandam
tura i thil tih te chawlhsanin Krista chauh chu i Lal atan leh i Chhandamtu neihchhun atan i pawm tur a ni, tihna
a ni. Engmah bang awm hlek lovin, amah ah chuan innghat famkim
vek rawh. P R O G R A M M E
4) Krista chu mipui zingah i puang tur a ni. Chutianga puanna CHAWHMA
chu i pianthar zia chhinchhiahna tur a ni. Isuan, “Mite hmaa mi SS Tantu : Pi C. Lalchhungpuii. B-5
tan apiang, ka pa vana mi hmaah ka tan ve ang,” a ti a (Matthaia
10:32). Krista chu i pawm veleh a remchang hmasa berah, tute CHAWHNU
hnenah emaw i puang tur a ni. Chu chuan a thu hriatpuinaah Camping Follow Up
chakna leh huaina a pe ang che. Hruaitu : Rev. Zawlthuama
Heng hi tuna thleng nghal turin bei rawh. “Tun hi hun Thusawitu : Lalhruaimawia. Speaker
lawmawm a ni a, tun hi chhandamna ni a ni,” (2 Korinth 6:12). I
sual hawisan a, Isua Krista chu i Lal leh Chhandamtu atana pawm ZAN
duhna i neih chuan, tunah i ti thei a ni. Tunah i lu kun la, a nih loh Hruaitu : Rev. Zawlthuama
leh thingthi la, he tawngtaina tawi te, khawvel ram tina mite tana Thusawitu : Lalhruaimawia. Speaker
kan hman thin hi sawi chhuak ang che; Ngaihdamna...
“Aw Pathian, I chungah thil ka tisual tih ka hria a.
Ka sual avangin pawi ka ti em em a. Ka sualte hi hawisan
R ogen Campbell-a chuan a lehkhabu
“I hneh thei”(You can Win)”tihah chuan nu
ka duh a. Isua Krista chu ka Chhandamtuah ka pawm ta a.
pakhat Kohhrana lungawilo chanchin a
Amah chu ka Lalpa anih ka puang e. Tun atang hian ama
sawi a. Campbell-a chuan, “Chu chilte an
tana nung tur leh a rawngbawl turin ka inpe e. Isua hmingin.
chhak che em ni?”tiin a zawt a. A ni chuan,
Amen”
“Chhak lo”a ti a. Campbell-a chuan, “Kan
Heng hi kum tam fe kal liam tawha rahbite leh tawngtaina
ka ziakte an ni a, mi tam takin an hmang a, danglamna an lo nei
Lal Isua kha chuan tihduhdahnate,
ta a ni tih lehkhain min hriattir hlawm a ni. sawichhiatna te, chil chhakkhum te leh thil
Hetiang i tih duh a, i Lal leh Chhandamtu atana Isua dang tam tak a lo paltlang a ni,’’ a ti a. Chu
Krista i pawm phawt chuan, Isua Krista awmnaah Pathian fa i nu chuan lungawi takin ngaihdamna
lo ni ang. I Chhandamna tak leh tak loh chi i hriatna atanga teh thinlung nen a chhuahsan ta a. “Mi dangte
tur a ni lo. Pathian ring la. A thu angin i chungah a thlentir ang. ngaidam thei lo chuan a kalna tur vanram
Piang thar i ni a. I nung ta e! leihlawn a tichhia a ni. Mitin hi ngaihdam
ngai vek kan ni si a.” -George Herbert.
Bawngkawn Branch Kristian Thalai Pawl Chanchinbu : ‘Thalai Hruaitu’ Phek 1-na
 Thalai Hruaitu Chanchinbu Kar tin chhuak: Lak man Thla khatah Rs 10/-
EDITORIAL BOARD
Editor
K. Lalrotlinga - 9436157568
Jt. Editors
Lalhmunzauva - 9612569035
Lalbiakliana - 9774394679
News Editors
K. Malsawmzuala - 9774381587
R.Laldingzela - 9774110712
K.C Lalbuatsaiha - 9862016561
Lalduhsanga - 9774393101
Lalrinchhana - 9862373631
Manager (Cir.)
R. Lalthansangi - 9862743027
Editorial..... ? Kohhran Camping neih lai a ni a. Pathianni Tleirawl
Fiamthu...
Tunlai hian T.V lamahte Fiamthu
thiamte intihsiakna buatsaih mek a ni a, kan
tuipuiin hmuhnawm kan ti hle in a hriat.
Mihring nun hian nuih a mawmawh a, tak reng
a awm te hian boruak a zang khai thei lo.
Inkawm honaahte,Kohhran chhungkuaah te
pawh kan lo innel zawk nan te infiam bawrh
bawrh hi a tha hle. Fiamthu thianghlim chuan
kan nun a ti hlim thei viau mai.Hetih lai hian
ringtute chuan fiamthu thawh chungchangah
pawh fimkhur taka kan tih a tul ang.
Fiamthu kan duh e tih vang a
midangte ngaihdan tur pawisa lo lek a fiam
vak vak te hian mi rilru kan tina thei. Mi dang
fiam nasat lutuk hian an huat zawngte pawh
sawi tel palh a awl fo. Mi mizia azir a fiam
dan chin tawk kan thiam a tul ang. A hun leh
a hmun thliar lo lek a fiamthu te hi a mawi lo.
Kohhran rorelna hmunte, thusawinahte leh
Biak In chhungah te hian fiamthu lutuk hi
chuan a ngaithlatute beng a tikham thei thin.
Kan thusawi thin te a ngaithlatute dawnsawn
dan tur ngaichang hian tawng chhuak ilang.
Mi dang huat theih leh mi dang nuihsawh leh
hmusit zawnga fiamthu thawh hi ringtute tih
atan thil mawi lo a ni. Paula phei chuan
fiamthu ai chuan Pathian hnena lawmthu
hrilh zawk fo turin min ti a ni.“zahmawh te,
thu lawio sawi te, fiamthu te pawh, chung chu
a mawi lo a ni; chung tih ai chuan lawmthu
hrilh zawk rawh u. Eph 5:4.
Breaking News ! Breaking News
Editorial Board-te hmalaknain kan
Kohhran News leh Kan Chanchinbu Thalai
Hruaitu chu Internet atanga chhiar theih
tura tihchhuah ve a ni ta.
‘www.bawngkawnktp.blogspot.com’ hi lo
tlawh ve la, he blogger hi rawngbawlna
kawngah tangkai taka hman i tum ang u.
Bawngkawn Branch Kristian Thalai Pawl
P R O G R A M M E
K.T.P. THAWHTAN ZAN INKHAWM
Beihrual thla a nih avangin September thla chhung hian
K|P Thawhtan zan inkhawm a awm lovang.
TAWNGTAI INKHAWM PROGRAMME
Hruaitu : Nl. K. Lalnunpuii, Lk
Tantu : Nl. Zothansangi, Mk
Subject :Tawngtaiho leh zaiho
Thingpui lum tur : Marka Group
Kohhran lenkhawm programme a awm chuan
Tawngtai inkhawm hi neih a ni lovang.
TLEIRAWL & NAUPANG INKHAWM PROGRAMME
Inkhawm leh naupang inkhawmte a hranga inkhawm lovin
Biak In puiah inkhawm vek tur a ni.
PAVALAI INKHAWM PROGRAMME
Kohhranin Camping a neih avangin Pavalai inkhawm a
awm lo vang a. Camping-na hmunah eirawngbawl, Secu-
rity leh Tawngtai khawl lamah a thei apiang tel leh tur a
ni.
g a lu t t urte tana
C a m p in
HRIATTIRNA
Thawhtan Dar 1:00-3 :00 ah Registration, Biak
Inah tih fel tur a ni. Registration fee, Rs. 20/- ken tur a ni
a, mut bu, thosilen, Bible, Note Bu, pen leh mimal
mamawhte ken tur a ni e. Camp-a lut turte rui chunga luh
phal a ni lova, ruihlo ken luh khap tlat a ni. Security-ten
uluk takin an lo check vek dawn a ni. Registration tih fel
hnuah hian Kohhran-in Motor a ruahhmanah Camping-
na hmun, Beraw tlang pan tur a ni ang. Kohhran mi tu
pawh Pathian mamawh nia in hria leh in tuai thar duh
apiangte luh theih a ni e.
Sd/-
Upa C. Lalbiakthanga
Secretary
KRAWS
Kum AD 312 khan Rome Emperor Constantine-a leh
Maxientius-a chu Milvian Bridge-ah an inbei dawn a.Constantine-
a chu a zam hle mai a, a pate lo biak thin pathian a auh laiin vanah
Kraws a hmu a, “He chhinchiahna hmang hian hneh rawh” tih a lo
inziak bawk a. Chumi zan a mumangah chuan Krista chuan chu
Kraws chu indonaa hmang turin a lo ti a. Tichuan a tukah chuan a
sipaite zawng zawng ralthuamah chuan Kraws chhinchhiahna a
siamtir ta vek a. Indonaah chuan hnehna an chang ta a.
Constantine-a chu Kristianah a inpe a, a ram chu Kristian lalramah
a puang ta bawk a. Krawsah hian hnehna leh huaisenna a awm.
“Kraws thisenin mi chak thei lo, Huai berah a chantir thei (KHB-
211) Isua hian a Lalram hlimpuitu tam tak a nei. Mahse, Kraws pu
a, a tana tuartu chu tlemte an ni. -Thomas A. Kempis.
Chanchinbu : ‘Thalai Hruaitu’ Phek 2-na
 Thalai Hruaitu Chanchinbu Kar tin chhuak: Lak man Thla khatah Rs 10/-
K O H H RAN N EWS
4 Kar kalta Dt 20-25 Sep,2010 khan kan Kohhran
chuan Chhandamna Camping chhawnghihna, Beraw tlang
ah a buatsaih a. Camping chhawnghnihnaah hian Mipa
89 leh Hmeichhia 45 lutin an vaiin mi 134 an lut a. Camp-
ing puipate, eirawngbawltute leh Tawngtai khawlte nen
he Camp a riak lut hi an vaiin mi 200 an ni. Pathian
khawngaihna leh kan rawngbawltute inpekna zarah he
camp-a lut te hian Pathian chhandamna an chang thar
vek a ni.
4 Tunkar Thawh\an a\anga Zirtawpni thleng khian
kan Kohhran chuan Camping chhawng hnihna a buatsaih
leh dawn a.Heng a hnuaia mite hi Camping
chhawngthumna a mawhphurtu tur te an ni.
Director : Rev. Zawlthuama
Upa H. Lalthlamuana
Secretary : Upa Lalhuapzauva
T/Upa V. Lalsiamthara
Mess Manager: Upa Roltluanga
Upa Lalrintluanga
4 Nimin Inrinni nileng khan Naupang pual Camping
kan Kohhranah neih leh a ni a, naupangte pawh an phur
hle.
4 Vawiin hi September thla Pathianni hnuhnung ber a
ni a, Pathian ram leh thilpek chi hrang hrang lakkhawm
hun a lo ni leh ta. Kohhran mipui thilpekah tang sauh
sauh ang u.
4 Kan Kohhran huamchhung atangin heng a hnuaia
mite hian Sunday School Award hrang hrangte an dawng:-
Diploma Award : SS Zirtirtua kum 25 tang
1. Upa H. Lalnunnema 2. Upa Lalrintluanga
3. Upa Lalthlamuana 4. Upa L.P. Lalkhuma
5. Pu F. Lalramhluna 6. Pu. H. Lalchhanchhuaha
Zalawra Medal : Kum 5 SS Exam-a Honour
1. C. Vanlalhmangaihsangi 2. Anthony Vansangpuia
3. Lalhriatchhungi
Pi Zaii Medal Special :Kum sawm azawna kalkim
1. Nl. RC Hmingthansangi
Pi Zaii Medal : S/S Kum nga azawna kalkim
1. Ricky Lalduhzuala
Lawmman dawng tur te hi Pathianni zanah Inkhawm
vek tur a ni. Lawmman dawng thei nia inhria kan awm
anih chuan Sunday School Secretary T/Upa H.S
Ngurchhuankima hnenah a rang lamin inhriattir tur a ni.
4 Kan Kohhran mi Pu Ngulsangliana Upa Bial-10-na
a mi chu Greenwood Hospital ICU-ah enkawl mek a ni.
I tawngtai pui ang u.
4 Pu Laltanliana, Brigade Venga awm chuan Karkalta
Thawhtanni khan chatuan ram min pansan. Kohhran
hoten khawhar chhungte i tawngtai pui ang u.
4 Nl. H.S Lalmuanpuii, Samukchara, S.Tripura-a Mis-
sionary a thawk chu hun reilote Aizawl lama a rawn chuan
chhuah hnu in kar hmasa Thawhlehni khan a thawhna
hmun lamah a liam thla leh ta.
Bawngkawn Branch Kristian Thalai Pawl
B RAN C H K .T. P N EWS
4 Kawlkulh Kohhran Zaipawl, Doordarshan Kendra a
hla record tura lokal te chu kan Kohhranin kan lo mikhual
a. Hla pali an khung dawn a. Innrinni zan khan Voice re-
cording neiin Thawhleh ni ah shooting an nei ang . Nilaini
ah an haw leh ang.
4 Kan Branch Conductor Pu. H. Lianhmingthanga nu Pi.
Kailianthangi chuan tunkar thawhtan khan min boralsan a,
khawhar chhungte kan tuarpuii Pathianin awmpui zel se kan
ti.
4 Kan Branch Branch Leader Tv. R. Lalramnghaka, Pas-
tor P.C. Lalmuanawma te nupa thlah a Ganganagar, Tripura
a kal chu dam takin Thawhlehni khan a lo haw leh ta.
4 Kan Kohhranin Camping chhawngkhatna leh
chhawnghnihna a buatsaihah Thalai rualte eirawngbawl tura
ruat kan ni a. Memberte thahnemngai tak leh mahni hna
pawimawh kalsana he Camping hlawhtlin nana
thawkchhuak te chungah Branch chuan lawmthu a sawi a.
Camping chhawngthumna ah pawh theihtawp chhuah leh
theuh turin kan inngen e.
4 September thla Faith Promise thehlut lo zawng zawng te
n kan Branch Treasurer leh Finance Secretary-te hnenah
thla tawp hmain thehluh theuh tur a ni.
4 Camping Chhawngthumna fatu turte :
1. Nl. Thelma VL Hmangaihzuali 2. Nl.CVL Hruaitluangi
3. Nl. Rebecca K.Zonunmawii 4.Nl.R.Lalenkawli
5. Nl.Dorcas Lalbiakhlui 6. Nl.F.Lal\anpuii
7. Nl. J Zonunmawii. 8. Nl.F.Lalbiakliani.
9. Nl.Thangbiakliani 10.Nl.G Lalpianmawii
11. Nl.Vanlalhruaii 12. Tv.H.Rosangzuala
13. Tv.David Lalnunkima 14. Tv. J.Lalfakzuala
4 Kumin Presbytery Inkhawmpui Dt 10.Oct.2010-a
Durtlang Kohhrana neih turah kan Kohhran Zaipawl chu
Upa Nemngheh Inkhawmah zai tura ruat kan nih angin
Karleh hun remchangah zir chhunzawm tur ani ang.
4 KTP Member thahnem tak Camping-ah kan lut a,
Pathian Chhandamna chang thar thahnem tak kan awm a.
Branch Hruaitute an lawmin Kohhran leh KTP thiltihnaah
Kei ni ila chuan alzo ni mai.....
inthlahrung hauh lova tel chhunzawm zel turin kan beisei
che u a ni.
Bible Hriatzauna
1. Bible-a bung tawi ber-Sam 117
2. Thuthlung Hlui bu lai ber-Thufingte
3. Thuthlung Hlui bung lai ber-Joba 29.
4. Thuthlung Hluia bu tawi ber--Obadia
5. Thuthlung Hluia chang tawi ber-IChronicles 1:1
6. Thuthlung Tharaa bu tawi ber--III Johana.
7. Thuthlung Thara chang tawi ber--Johana 11:35
8. Thuthlung Thara bu sei ber-Chanchintha Luka ziak.
9. Zawlnei thusawi Thuthlung Thara sawi chhawn sei
ber--Jeremia 31:31-34(Hebrai 8:8-12)
Mr. & Mrs.
10 Thuthlung Hluia hrilh lawkna lam thu tamna ber--
Sunlin
Matthaia ziakah chang 278 a awm.
11. Zawlnei lehkhabu bung tamna ber--Isaia (bung 66)
Chanchinbu : ‘Thalai Hruaitu’ Phek 3-na
 Thalai Hruaitu Chanchinbu Kar tin chhuak: Lak man Thla khatah Rs 10/-
Kristian Nun Hruaitu... ei...
Hlimna Thuruk Dawntis CHANCHIN THA HRIL
T um khat chu nula hausa tak pakhat hian a nunah
ruak zau tak a awm avanga a beidawn em avangin Psy-
chiatrist hmingthang tak a pan a. Psychiatrist chuan nula
chu tha takin a lo dawngsawng a; nulain a harsatna a sawi
chu ngun takin a lo ngaithla a. Nulain a harsatna a sawi
zawh chuan Psychiatrist chuan a pisa phiatfaitu hmeichhe
upa tak chu a ko va. Amah pantu nula hnenah chuan, “Mary
hian engtin nge hlimna a chhar tehreng tih a hrilh dawn che
a ni,” a ti a. Mary chuan a hmunphiah ken lai chu kil khatah
a’n tung te te a, thutthlengah a thu a; heti hian a chunga thil
thleng leh hlimna a chhar dan chu a sawi ta a:
“Ka pasal hian sikserh avangin min thihsan a, ka
pasal thih hnu thla 3 lekah ka fapa chu Carin a sut avangin
a thi leh a. Ka rilru beidawn dan chu thuk tak a ni, sawi
thiam theih pawh a ni lo. Ka muhil thei lo va, engmah ka ei
thei lo va, ka nui ngai hek lo. Ka beidawng lutuk chuan
damchhan reng reng nei lova ka inhriat avangin ka nunna
lak mai ka tum hial a. Tlai khat ka pisa bang hi zawhte
note pakhat hian min zui hawng a. Khawlai chu a vawh em
avangin zawhte chu ka khawngaih angreng khawp mai a.
Zawhte chu kan inah ka hruai lut a, bawnghnute ka pe a,
kar lovah a liak zo nghal vek a. Bawnghnute a liah zawh
chuan a rum nghal chhar chhar a, ka ke a rawn liak a, a za
ka ti lutuk chu ka nui chhuak ta hawk hawk a.”
“Chuta tang chuan ngaihtuahna thar ka nei ta ta a
ni. Zawhte ka tanpuina mai mahin rei tak nui tawh lo
min nuihtir thei a nih chuan mi dang ka tanpui phawt
chuan chu chuan hlimna nasa zawk min pe ngei ang
tih ka hre ta a. A tukah chuan chhang ka ur a, kan
thenawma damlo, rei tak khumbet tawh hi ka va pe a.
Chumi ni atang chuan nitin maiin mi dang pakhat tal tan thil
tha tih ka tum ta ziah a, mi dang tan thiltha ti tura ka inpekna
chuan hlimna nasa tak, tun hma lama ka la neih ngai reng
reng loh chu min neih tir ta a. Vawiinah chuan kei aia
hlim zawk , mu tui zawk leh thil ei tui hi an awm kherin
ka ring lo. Mi dang tan ka inpekna atangin hlimna ka
chhar ta a ni,” a ti a , hlim takin a nui a.
Mary-in hlimna a chhar dan a sawi zawh chuan
nula chu lungchhe takin a tap chhuak ta hawm hawm a.
Rei vak lo hnuah chuan a mittui chu hru hulin a rawn hawi
chhuak a, a hmel atang chuan thil chhar thar a nei tih a hriat
theih reng mai. Engmah a sawi zui lo. A tho va, hlim takin
min chibai a; Mary a chibai lai phei chuan uar tak tein a uar
a.--Frank Mihalic (Courtesy:Alabasta)
Nupui zawk hnawtchhuak...
Lunglei Bial lama Kohhran pakhat Committee-ho
thurel dan Rev.Zairema sawi chu hetiang a ni: Kohhran
pakhata an ziaktu chu a felin dante hi a hre viau mai a, rorel
ilovahte an puipa ber a ni a. Vawikhat chu a zin hi Chawlhni
hian a lo haw a. Upa Committee chuan pawi an ti khawp
mai a. “Kan hnawhchhuah chuan thu leh hlaah kan khaipa
ber a ni si a, kan thunun loh chuan Chawlhni bawhchhia
reng reng kan thunun thei tawh dawn si lo,” tiin an in khap
thlu reng a.Nakinah chuan ti hian an rel ta a. “A..., nupa
chu Bible-in pumkhat an ni an tia lawm. A nupui hi i thunun
zawk mai ang,” an ti a, a nupui chu an hnawtchhuak ta
zawk e, an tia lawm! (Courtesy: Zoram Nghahchhan)
Published and Edited by Thalai Hruaitu Editorial Board on behalf of Bawngkawn Branch K.T.P.,
Printed at Technosys, Bawngkawn, Copies - 650
Joe Aldrich-an a lehkhabu Lifestyle Evangelism
tih a Lal Isua a thih a, nithum nia a thawhleha vana a han
lawn dawna a thuchah hnuhnung pawimawh zia a
sawifiahnaah chuan heti hian a sawi a. Lal Isua he khawvela
a hun a hman zawh khan vanah ropui taka lawmluh a ni a.
He khawvela a awm laia krawsa an khenbeh dawna an
sawisaknate chu a taksaah chuan hmuh tur a la awm a.
Vantirhkoh Gabriela chu a lokal a, “ Lalpa, khawvela
mihringte tana i tuarna chu a va han na em ?” a rawn tih
chuan Isua chuan, “Ni e, ka tuarna hi a na khawp asin.”
tiin a lo chhang a. Gabriela chuan, “Khawvela mi zawng
zawng te chuan anmahni i hmangaihzia leh an tana i tihsak
hi an hre vek ang em? tia a zawh leh chuan Isuan, “Hre
vek lo ve, an la hre vek lo. Tunah tak phei chuan Palestina
rama mi tlemte chauhvin ka chanchin hi an la hria.” a lo ti
a.
Gabriela chuan mak hi a han ti khawp mai a,
“Khawvel mi zawng zawngte’n i hmangaihna chu an lo
hriat ve theih nan hma i lakna te min hrilh thei em ?” a han
tih chu an Isuan, “Petera te, Jakoba te, Johana-te leh an
thian mi tlemte hnenah ka chanchin hi lo hrilh darh turin ka
chah alawm. Chung an mi hrilhte chuan midangte an hrilh
chhawng leh zel ang a, tichuan ka chanchin chu khawvel
mi zawng zawngin an hriat vek hma chuan an inhrilh darh
zel dawn a ni.” tiin a chhang a.
Mihringte a hriat chian em avangin Gabriela chuan
a thusawi chu a awih loh hmel hle mai, “ A tha e, mahse
Petera te, Jakoba te leh Johana te kha lo chauvin lo ngui
ta viau se la, a nih loh pawhin an mi hrilhte khan hrilh
chhawng lovin lo thlahthlam ta mai mai palh se la, tin chu
bakah pawh kum zabi sawmhnihnaa mite khuan i Chanchin
Tha hi tlangaupui peih ta miah lo se la ? Engtinnge i tih
dawn ? Tihdan dang i rawn ngaihtuah lawk em ? tiin dilchhut
takin a zawt leh a.
Chuta Isua chhanna chu, “Anni ho khu ka ring
tawk a ni.” tih hi a ni! (Courtesy:Rinna Kalsiam)
tu
la leh a phuah
H Kan Pathian Hmangaihna thukzia
H e hla phuahtu Sir John Bowring-a hi kum 1792
October ni 17 khan Exester, England-ah a lo piang a.
Tawng chi hrang hrang a thiam hnem hle. British House
of Commons-ah term hnih a tel a. Chumi hnuah
Hongkong-ah Governor-in a awm leh a, British Lalnu
Queen Victoria-in ram tana hnathawk tha chawimawina
Knight nihna a pe hial. Hongkong-a awm laiin
Portuquese ho tihchhiat Macho khua a tlawh a, Biak In
chhiate, lawngchawlhna ram ruap tawhte a hmu a.
Kraws chhia pakhat a hmuh chuan a rilru a khawih hle
mai a. Khawvel thil ropuiten chatuan an daihlohzia leh
hmangaihna chauh chatuan daih anih ziate a ngaihtuah
a. “Thil an lo awm an ral leh thin. Mihring an ral,
kumte nen.A hmangaih erawh a ngai fo.Chatuana
dang chuang ngai lo,” tiin he hla hi a phuah ta
ni.(Courtesy:Kristian Encyclopaedia)