Tedim Baptist Association

PALAI
“To build and to plant” (Jer. 1:10)

Vol. 1, Issue 2 September 7, 2010

Consulting Editors:
- Rev. Dr. Pum Suan Pau
- Rev. Pau Suan Kam
- Sia Hang Khan Lian
- Rev. Vungh Suan Mung
- Sya Thawng Khua Kai
Editor:
Sya Gin Hau Pum
Joint Editors:
- Sya Khai Suan Mang
- Sya Pum Suan Mung
Circulation Managers:
- Sm. Zam Lam Niang
- U Khup Khan Tuang

Editorial
John 8:32 i sim ciangin Topa Jesuh in, "Thuman na thei ding uh a, tua thuman in hong
suaktasak ding hi," ci-in a genna i mu hi. Thuman (the truht) i cih ciangin khristian kammal ah Pasian
mahmah cihnopna leh Pasian' deihna cihnopna zong ahi hi. Tua thuman in khristiante' nuntakna Nak
(source) ahih banah khristiante' nuntakna hong Hawl (steer) zong ahi hi. Tua hi a, mimal leh tualsung
ah suahtakna a om theihna dingin hih thuman in ei adingin thu nam 3 hong genkhia hi.
1. Pasian theihna
Khristiante ading a thupipen in Pasian theihna ahi hi. Lai Siangtho kammal ah
thei/theihna (know/knowing) a kicih ciangin lungsim tawh theihna ciang bek hilo a,
nuntakpihna zong hipah hi. Gtn: Piancilna 4:1 ah "Tu-in mipa in ama zi luppih[thei] a, amah
gai-in Kain nei..." (Now the man kwew his wife Eve, and conceived and bore Cain--NRSV)
kici hi. Theihna in, tua ahih manin, khuak tawh theihna (intellectual) ciang bekah khawl lo
a, nuntakpihna leh sepkhiatna (to live it) zong hipah hi, cih hong phawksak hi. Tua banah,
tua theihna sungah itna zong a bukimin a omsa hipah hi. Tua Pasian i theihna leh i itna pen
a kilahkhiat theihna dingin Ama bawlsa leitung (piansak na khempeuh) i it ding ahi hi. Khat
veivei i nuntakna sungah Pasian mit tawh mu theilo, khut tawh lawng theilo ihih manin
Pasian i itna i theihna pen khuak sung ciang bekah thaam thei hi.
2. Ei-le-ei kitheihna
A kinawlkhin theilo philosopher minthang Socrates ii a tulmawh kammal khat in,
"Nang-le-nang kithei in" (know thyself) ahi hi. Pasian i theihna in ei-le-ei kitheihna ah hong
tut pelmawh hi. Ei-le-ei i kitheih nadingin ei-le-ei kisittel kul (self-discovery--says
Catherine Marshall) ahi hi. Ei-le-ei i kisittel ciangin kei kua ka hiam, kei bang ka hiam ci-in
i kithei ding a, kipuahphatna (self-improvement--says Catherine Marshall ) i nei thei ding
hi. Tapa taimangpa zong amah-le-amah a kitheih ma-in a mang hi a, a kitheihkik ciangin a
pa' inn ah ciahkik hi.Siahdong Zakkhias zong amah-le-amah a kitheih ma-in gongtat man a,
a kitheih ciangin "mi khatpeuh khemin a na ka laksak leh a zah li-in ka lohkik ding hi," (Lk
19:8) ci hi. A zah li-in lohkik ding gennopna hizaw lo a, Pasian/Jesuh thei-in kei kua ka
hiam, cih thei ahih manin "gongtat nawn kei ning" a ci nuam hizaw hi.
3. Kinuntakpihna
Khangluite in "suangpi zong suangneu in thek," a na cih bang mahin mihing i cih in
khatguakin cing cih om thei lo hi. Mihing in pawl-le-gual, kiim-le-paam tawh a nungta khawm
namte (social being) ihi hi. Tuhun in globalization a kicih zahkhatin mihing khat ii nuntakna a
bit nading (life security) zong haksa semsem hi. A sang mahmah set vanlenate in mihing
nuntakna hubit zo tuanlo hi. Tua ahih manin khatlekhat kitheihsiama mawh kimaisakna leh
khatlekhat kimuanna tawh kipawlkhopna bek in hih hun ah mi khat lungmuang takin nuntak
theihna hong pia thei pan ding hi, ci-in Dr Hlaing Bwa in gen hi. Tua hi a, kinuntakpihna bek in
suahtatna hong pia thei ahihna hong musak hi.

TAI PAWI
- Nang Sawm Piang
Singapore (tawmvei)
Thupatna:
Tukum 2010, August 14 – 26 sung Singapore ah a masa pen leh a khat veina
Youth Olympic Games (YOG) nopci takin kibawl hi. Hih YOG pen Jacques Rogge
(President of International Olympic Committee - IOC) in 2001 kum pek a kipanin a
lunggulhna leh a sunmang tungtawnin hong piang khia hi-a, pawipi bawl taktak ding vai
pen July 6, 2007 in 119th IOC meeting (Guatemala City) panin kikip sak hi. Kimawlna ah
a kihel thei dingin kum 14 -18 ci-in ciangtan uh hi.
Ni 12 sung a kibawl Youth Olympic pawipi ah kimawlna nam 26 pha hi. A
kidem dingte leh committee member-te a kigawm mi 3,600 pen gam 204 pan hong kuan
uh hi. Pawipi sungah tanu dingin Singapore pan leh gam tuamtuam panin a kipumpiak
(volunteer) khangno 20,000 val diang ziahziah uh hi. Kimawlna a en mipi pen khuaiphul
mah bangin a vekpi gawm 370,000 val pha dingin kiciamteh hi. Singapore khuataw tuipi
nawl (Marina Bay a cihna) ah mi 30,000 a ta ding tuipi tungah a kilam tauzaaipi (Marina
Bay Floating Platform) kibawl a, tua tungah Pawi honna leh Pawi khaknate nopci takin
kibawl hi. Lamna, lasakna, tumging tuamtuam tumna, meithau lotna (fireworks), leh
thugenna tuamtuamte pen nopci mahmah a i lungsim hong la mahmah hi. I mitkha ah a
luailai Beijing 2008 International Olympic Games zahin mi a tamluat loh hangin a
nopcitdan leh a etlawmdan pen kilamdang lua lo hi. Hih banga a nopci mahmah YOG
pawi-in i lungsim sungah a nuai-a thu 2 hong phawngkhia hi.

1. Olympic Kimawlna koi pan hong piang?

Olympic kimawlna tangthu pen thu saupi himah taleh a tomin khen 2-in kimu
thei hi. A masa pen tanglai Olympic kimawlna hi-a, a nihna pen khangthak Olympic
kimawlna ahi hi.
Tanglai Olympic: “Olympic” cih kammal pen kimawlna a kibawlna mual
“Olympia” panin hong pai ahi hi. Olympia mual pen Greek-te’ pasian lakah a lianpen
ahi Zeus (“Zus” ci-in kisim) tenna mun hi, kici a, tua mualtungah kum 4 ciangin khat vei
ta biakpiakna pia in, tua tawh kizomin kimawlna pawi zong bawl uh hi. Hih kimawlna a
kipat hun kuamah in theilo hi. Tanglai upna ah, Zeus pasian ii tapa Hercules in na
pankhia hi, ci-in kiciamteh hi. Leitung tangthu ciaptehna ah 776 BC in Olympic
kimawlna a om khitlam kimu thei hi.
Tanglai Olympic kimawlna a hunhunin na behlap toto uh hi. A kipatcil lamin 200
meters tai kidemna kibawl hi. BC kum zalom 7 ciangin sikpek lot (discus), teipi lot
(javelin), leilen (long jump), kitupna (boxing), kipumlai (wrestling), sakol leh sakolleng