Please visit www.ssp.ph and help us sustain this apostolate.
sambuhay
A PASTORAL MINISTRY OF THE PRIESTS AND BROTHERS OF THE SOCIETY OF ST. PAUL
Taon 24 Blg. 13 Ika-27 Linggo sa Karaniwang Panahon (K) — Berde
Pananampalatayang
Walang Hinihintay na Kapalit
A ng pananampalataya natin sa
Diyos ang tinutukoy ng mga
pagbasa ngayon. Makikita natin
ang iba’t ibang aspeto ng pana­
nampalataya sa ating buhay.
Una, nakaugat ito sa pagtitiwala
sa Diyos. Sa Unang Pagbasa,
pinapaalala ng Panginoon kay
propeta Habacuc na tutuparin niya
ang kanyang pangitain. Bagaman
hindi pa panahon, kailangang
magtiwala sa salita ng Diyos sa
gitna ng mga karahasan, hidwaan,
kasamaan at kahirapan. Kailangang
ipagpatuloy ang pakikibaka para
sa kapayapaan, at ipasa-Diyos ang
kahihinatnan nito.
Hindi na ito bago sa atin.
Sa State of the Nation Address
(SONA) ng Pangulong Noynoy
Aquino noong Hulyo 2010,
inilahad niya ang gugugulin nating
mga Pilipino mapaunlad lamang
ang ating bansa. Kailangang
umahon sa ating pagkalugmok,
ngunit hindi ito mangyayari
kaagad. Matagal bago maganap
ang ating pangarap o pangitain
ng isang maunlad na Pilipinas.
Ngunit huwag humina ang ating
loob: nasa atin ang Panginoon.
Wika ng ating Pangulo: “Ang
mandato nating nakuha sa huling
eleksyon ay patunay na umaasa pa
rin ang Pilipino sa pagbabago. Iba
na talaga ang sitwasyon. Puwede
na muling mangarap. Tayo nang
tumungo sa katuparan ng ating mga
pinangarap.”
Pangalawa, galing sa Espi­
ritu ang kapangyarihan ng pana­
n a m p a l a t a y a . S a I k a ­la w a n g
Pagbasa, pinapaalam ni San Pablo
kay Timoteo na kapangyarihan,
pag-ibig at pagpipigil sa sarili
Pakibasa ang pagninilay bago o pagkatapos ng Misa.
ang ipinagkakaloob ng Espiritu.
Wika ng Pangulo, “Akin pong
paniwala na Diyos at taumbayan
ang nagdala sa ating kinalalagyan
ngayon. Habang nakatutok tayo
sa kapakanan ng ating kapwa,
bendisyon at patnubay ay tiyak
na maaasahan natin sa Poong
Maykapal. At kapag nanalig tayo
na ang kasangga natin ay ang
Diyos, mayroon ba tayong hindi
kakayanin?”
Pangatlo, isang paglilingkod
kay Hesus ang pananampalataya.
Habang magkasama tungo sa
Jerusalem, hiningi ng mga alagad
na palakasin at patatagin ni Hesus
ang kanilang pananalig.
Nakaugat sa pakikisama natin
kay Hesus ang ating pagkakilala
sa kanya. Tulad ng mga alagad ni
Hesus, hilingin natin ngayon na
lagi tayong sumama kay Hesus
sa pamamagitan ng pagdarasal at
pagninilay sa kanyang buhay. At
tulad ng isang pagkakaibigan, ang
malalim na samahan ang siyang
batayan ng ating paglilingkod.
Sa ating mga salita at gawain,
laging iniisip natin kung paano
tutugunan ni Hesus ang panga­
ngailangan. Para sa atin, maha­
laga ang pakikiisa sa puso’t
isipan ng Panginoon. Ang uri at
kalidad ng ating paglilingkod ay
sumasalamin sa uri at kalidad ng
ating pagkakilala sa kanya. Wika
niya, “Sino ba ako para sa iyo?”
Pagmasdan natin: Makikita
sa iba’t ibang gusali nakasulat
ito: “Proyekto ni Mayor __ ang
gusaling ito! Ipinagkaloob ni Cong.
__ para sa bayan ng __ !” Kung
tutuusin, hindi utang-na-loob natin
sa kanila ang gusaling kanilang
Oktubre 3, 2010
itinayo. Sa halip, isang pagpapakita
ng utang-na-loob nila sa atin ang
kanilang isinagawa. Isang biyaya
at karangalan ang isakatuparan
ang kanilang mga pangako sa atin.
Iniluklok natin sila sa halalan. Dahil
sa atin namula ang kapangyarihan.
Tulad ng Diyos, isang kara­
ngalan ang tawagin niya tayo
upang isakatuparan ang kanyang
kalooban. Nakalaan sa isang
partikular na misyon ang ating
buhay. Maaaring maging isang
mabuting magulang sa mga anak,
isang magaling na mamamayan
sa ating bansa, o isa sa mga
nagsusumikap protektahan ang
dignidad ng buong sanlibutan.
Ano mang ginagampanan natin
sa ating buhay ay iginawad na
malaya at galing sa pagmamahal ng
Diyos sa atin. Ibig sabihin, kapag
ginagampanan natin ang tawag
ng Diyos, hindi dapat ito tingnan
bilang isang utang-na-loob ng
Diyos sa atin.
Nasanay tayo na kapag may
ginawa tayong mabuti sa isang
tao, magkaka-utang-na-loob siya sa
atin. Kaya kung panahon na natin
na humingi ng tulong, inaasahan
natin na ganoon din ang gagawin
niya bilang bayad-utang. Malinaw
na sinabi ng Diyos: galing sa Kanya
ang misyon natin. Ang pagtupad
ng kalooban ng Diyos ay isang
tugon sa Kanyang pag-ibig. Ito
ay isang biyaya kaya dapat ding
gampanan na walang hinihintay
na kapalit. Manalangin tayo na
wala din tayong hihingiin na pabor
habang ginagampanan natin ang
ating trabaho at tungkulin.
— Fr. Jboy Gonzales, SJ
 This copy of Sambuhay is made available through generous donations.
PASIMULA
Antipona sa Pagpasok
(Est 13:9,10-11)
(Basahin kung walang pambungad
na awit)
Dahil sa ’yong kalooban na
hindi malalabanan sanlibuta’y
umiiral. Langit, lupa’y ’yong
kinapal. Diyos ka ng sanlibutan.
Pagbati
(Gawin dito ang tanda ng krus)
P - Ang espiritu ng kapangyarihan
at pag-ibig ng Diyos nawa’y
sumainyong lahat.
B - At sumaiyo rin.
Paunang Salita
(Basahin bago magsimula ang Misa)
P - Mga kapatid: Karaniwan sa
tao ang magtampo kung hindi
pina­p ansin o pinapahalagahan
ang kanyang mga sakripisyo.
Kung minsan, naghihintay tayo
ng kapalit sa kabutihang ating
ginawa. Sa Ebanghelyo, tinu­
turuan tayo ni Hesus na mag­
lingkod tulad ng mga aliping
walang kabuluhan, na tumutupad
lamang ng ating tungkulin.
Wala tayong maipagmamalaki
sa Panginoon. Maging ang ating
pananampalataya sa Diyos ay
isang biyayang kaloob lamang
niya sa atin. Siya ang nagpapalago
ng butil na mustasa ng ating
pananampalataya. Sa bahagi ng
tao ay pawang mga pagsisikap
lamang tungo sa pagpapakabuti;
sa bahagi ng Diyos ay ang pagpa­
pala at pagpapabanal niya sa tao.
Pagsisisi
P - Katulad ng mabuting lingkod
sa Ebanghelyo, dumulog tayo sa
hapag ng Panginoon nang may
pananalig at kababaang-loob,
sumasampalataya sa kanyang
pag-ibig at hindi sa sariling lakas.
Humingi tayo ng awa at patawad
sa Diyos. (Tumahimik)
P - Panginoong Hesus, sadyang
mahina ang aming pananam­
palataya. Patatagin mo ang aming
pananalig: Panginoon, kaawaan
mo kami.
B - Panginoon, kaawaan mo kami.
P - Panginoong Hesus, nagli­
lingkod kami ngunit karaniwang
naghihintay ng kapalit. Gawin
mong dalisay ang aming kalooban:
Kristo, kaawaan mo kami.
B - Kristo, kaawaan mo kami.
P - Panginoong Hesus, nagmu­
mula sa Ama ang lahat ng mga
biyayang aming tinatanggap.
Turuan mo kaming tumanaw
ng utang na loob: Panginoon,
kaawaan mo kami.
B - Panginoon, kaawaan mo kami.
P - Kaawaan tayo ng makapang­
yarihang Diyos, patawarin tayo
sa ating mga kasalanan at patnu­
bayan tayo sa buhay na walang
hanggan.
B - Amen.
Gloria
Papuri sa Diyos sa kaitaasan at
sa lupa’y kapayapaan sa mga
taong kinalulugdan niya. Pinu­
puri ka namin, dinarangal ka
namin, sinasamba ka namin,
ipinag­­b u­b unyi ka namin, pina­
sasa­la­m atan ka namin dahil sa
dakila mong angking kapurihan.
Pangi­noong Diyos, Hari ng langit,
Diyos Amang makapangyarihan
sa lahat. Pangi­noong Hesukristo,
Bugtong na Anak, Panginoong
Diyos, Kordero ng Diyos, Anak ng
Ama. Ikaw na nag-aalis ng mga
kasalanan ng sanlibutan, maawa ka
sa amin. Ikaw na nag-aalis ng mga
kasalanan ng sanlibutan, tanggapin
mo ang aming kahilingan. Ikaw
na naluluklok sa kanan ng Ama,
maawa ka sa amin. Sapagkat ikaw
lamang ang banal, ikaw lamang
ang Panginoon, ikaw lamang, O
Hesukristo, ang Kataas-taasan,
kasama ng Espiritu Santo sa
kadakilaan ng Diyos Ama. Amen.
Pambungad na Panalangin
P - Manalangin tayo. (Tumahimik)
Ama naming makapangyari­
han, ang iyong dakilang pagka­
maawain ay nangingibabaw sa
aming ginagawang kabutihan at
idinadaing na mga kahilingan.
Ang kagandahang-loob mo sa
amin ay gawin mong mag-uma­
paw upang ang kasalanang ipi­
nangangambang ihingi ng kapa­
tawaran ng budhi naming takot
na ikaw ay lapitan ay iyong pata­
warin nang lubusan at ang ipinag-
aalangan naming hilingin sa
pagdarasal ay iyong pagbigyang
aming makamtan sa pamamagitan
ni Hesukristo kasama ng Espiritu
Santo magpasawalang hanggan.
B - Amen.
PAGPAPAHAYAG NG
SALITA NG DIYOS
Unang Pagbasa (Umupo)
Dumaraing si propeta Habacuc
sa Diyos dahil sa kalunus-
lunos na sinapit ng kanyang
bayan. Tumugon ang Panginoon
at tiniyak kay Habacuc na di
magluluwat at darating din ang
kanyang pagliligtas.
Pagbasa mula sa aklat ni
propeta Habacuc (1:2-3; 2:2-4)
PANGINOON, hanggang kailan
ako daraing sa iyo, at di mo
diringgin? Hanggang kailan
mo babayaang mamayani ang
karahasan? Bakit ang ipinakikita
mo sa akin ay pawang kasamaan
at kahirapan? Sa magkabi-
kabila’y nagaganap ang pagwasak
at ang karahasan; laganap ang
hidwaan at pagtatalo. At ito ang
tugon ng Panginoon: “Isulat
mo ang pangitain; isulat mong
malinaw sa mga tapyas ng bato,
upang madaling mabasa at
ibalita sa lahat. Sapagkat hindi
pa dumarating ang takdang
panahon upang maganap ang
pangitain; mabilis na dumarating
ang wakas—hindi ito maliliban.
Ngunit tiyak na magaganap, kung
ito ma’y nagtatagal. Masdan
mo, ang hambog ay mabibigo
sa kanyang kapalaluan, ngunit
ang matuwid ay mabubuhay sa
kanyang katapatan.”
— Ang Salita ng Diyos.
B - Salamat sa Diyos.
Salmong Tugunan (Slm 94)
T - Panginoo’y inyong dinggin,
huwag n’yo s’yang salungatin.
E. C. Marfori
2C F Em
  4

  _      h 
Pa-ngi-no-o’y in-yong ding-gin,
Am Dm C

         _h 

h’wag n’yo s’yang sa-lu-nga-tin.
1.Tayo ay lumapit/ sa ’ting Pangi­
noon, siya ay awitan,/ ating papu­
rihan/ ang batong kublihan nati’t
kalakasan./ Tayo ay luma­pit,/ sa
kanyang harapan na may pasa­
lamat,/ siya ay purihin,/ ng mga
awiting may tuwa at galak. (T)
2. Tayo ay lumapit,/ sa kanya’y
sumamba at magbigay-galang,/
lumuhod sa harap/ nitong
Panginoong sa ati’y lumalang./
Siya ang ating Diyos,/ tayo ay
kalinga niyang mga hirang,/ mga
tupa tayong inaalagaan. (T)
 Please visit www.ssp.ph and help us sustain this apostolate.
3. Ang kanyang salita ay ating
pakinggan:/ “Iyang inyong
puso’y/ huwag patigasin, tulad
ng ginawa/ ng inyong magulang/
nang nasa Meriba, sa ilang ng
Masa./ Ako ay tinukso’t/ doon ay
sinubok ng inyong magulang,/
bagamat nakita/ ang aking gina­
wang sila’ng nakinabang.” (T)
Ikalawang Pagbasa
Habang nasa bilangguan si
Pablo, batid niyang maaaring
pangunahan ng takot o kahihiyan
ang alagad niyang si Timoteo.
Sumulat si Pablo kay Timoteo para
palakasin ang loob nito at ipaalala
kay Timoteo ang tinang­gap nitong
espiritu ng kapang­yarihan, pag-
ibig at pagpipigil sa sarili.
Pagbasa mula sa ikalawang
sulat ni Apostol San Pablo kay
Timoteo (1:6-8. 13-14)
PINAKAMAMAHAL KO, ipina­
aalaala ko sa iyo na maging masi­
gasig ka sa pagtupad sa tung­
kuling tinanggap mo sa Diyos
nang ipatong ko ang aking mga
kamay sa ulo mo. Sapagkat
hindi espiritu ng kaduwagan ang
ibini­gay sa atin ng Diyos kundi
espiritu ng kapangyarihan, pag-
ibig, at pagpipigil sa sarili.
Kaya’t huwag mong ikahihiya
ang pagpapatotoo tungkol sa
Panginoon o ang aking pagka­
bilanggo dahil sa kanya. Sa halip,
makihati ka sa kahirapan dahil sa
Mabuting Balita.
Gawin mong batayan ang
mga aral na itinuro ko sa iyo
yamang ang mga ito’y pawang
kato­­tohanan. Manatili ka sa pana­
nam­p alataya at sa pag-ibig na
tinang­gap natin sa pakikipag-isa
kay Kristo Hesus. Sa tulong ng
Espiritu Santong nananahan sa
atin, ingatan mo ang lahat ng
ipinag­katiwala sa iyo.
— Ang Salita ng Diyos.
B - Salamat sa Diyos.
Aleluya [1 Ped 1:25] (Tumayo)
B - Aleluya! Aleluya! Balita sa
inyo ngayo’y salita ng Pangi-
noong iiral habang panahon.
Aleluya! Aleluya!
Mabuting Balita (Lc 17:5-10)
P - Sumainyo ang Panginoon.
B - At sumaiyo rin.
P - Ang Mabuting Balita ng
Panginoon ayon kay San Lucas.
B - Papuri sa iyo, Panginoon.
NOONG panahong iyon, sinabi
ng mga apostol sa Panginoon,
“Dagdagan po ninyo ang aming
pananalig sa Diyos!” Tumugon
ang Panginoon, “Kung maging
sinlaki man lamang ng butil ng
mustasa ang inyong pananalig sa
Diyos, masasabi ninyo sa puno
ng sikomorong ito, ‘Mabunot ka,
at matanim sa dagat!’ at tatalima
ito sa inyo.
“Ipalagay nating kayo’y may
aliping nag-aararo, o nagpapastol
kaya ng tupa. Pagkagaling niya
sa bukid, sasabihin ba ninyo sa
kanya, ‘Halika at nang makakain
ka na’? Hindi! Sa halip ay ganito
ang sinasabi ninyo: ‘Ipaghanda
mo ako ng hapunan; magbihis ka,
at silbihan mo ako habang ako’y
kumakain. Kumain ka pagkakain
ko.’ Pinasasalamatan ba ang alipin
dahil sa ginawa niya ang iniutos
sa kanya? Gayun din naman kayo;
kapag nagawa na ninyo ang lahat
ng iniutos sa inyo, sabihin ninyo,
‘Kami’y mga aliping walang
kabuluhan; tumupad lamang kami
sa aming tungkulin.’”
— Ang Mabuting Balita ng
Panginoon.
B - Pinupuri ka namin,
Panginoong Hesukristo.
Homiliya (Umupo)
Pagpapahayag
ng Pananampalataya (Tumayo)
B - Sumasampalataya ako sa Diyos
Amang makapangyarihan sa lahat,
na may gawa ng langit at lupa.
Sumasampalataya ako kay
Hesu­kristo, iisang Anak ng Diyos,
Panginoon nating lahat. Nagkata­
wang-tao siya lalang ng Espiritu
Santo, ipinanganak ni Santa Mariang
Birhen. Pinagpakasakit ni Poncio
Pilato, ipinako sa krus, namatay,
inilibing. Nanaog sa kinaroroonan
ng mga yumao. Nang may ikatlong
araw nabuhay na mag-uli. Umakyat
sa langit. Naluluklok sa kanan ng
Diyos Amang makapangyarihan sa
lahat. Doon magmumulang paririto
at huhukom sa nangabubuhay at
nangamatay na tao.
Sumasampalataya naman ako
sa Diyos Espiritu Santo, sa banal na
Simbahang Katolika, sa kasamahan
ng mga banal, sa kapatawaran ng
mga kasalanan, sa pagkabuhay na
muli ng nangamatay na tao at sa
buhay na walang hanggan. Amen.
Panalangin ng Bayan
P - Dumalangin tayo sa Pangi­
noon upang maglingkod tayo sa
Diyos at sa ating kapwa tao na
may kababaang-loob. Sa ating
pagsisikap sumunod sa mga
turo ni Hesus, mag-alab nawa
sa ating puso ang apoy ng Banal
na Espiritu. Sa bawat kahilingan,
itutugon po natin:
T - Panginoon, patatagin mo
ang aming pananampalataya.
L -Nawa ang mga pinuno ng
Simbahan at Pamahalaan ay
malingkod nang tapat sa bayan
nang may pagmamalasakit.
Manalangin tayo: (T)
L - Nawa gamitin natin ang mga
biyayang kaloob ng Diyos hindi
lamang para sa ating sariling
kapakanan kundi pati na rin sa
paglingap sa mga kapwa nating
nangangailangan. Manalangin
tayo: (T)
L - Nawa mapuspos tayo ng Banal
na Espiritu at gamitin natin ang
kaloob niyang pananampalataya
tungo sa paggawa ng kabutihan
para sa ating pamilya at sa
pamayanan. Manalangin tayo: (T)
L - Nawa pagyamanin ng Diyos
ang mga likha ng aming mga
kamay, idulot ang masaganang
ani, alalayan ang lahat ng man­
lalakbay, at pasiglahin ang mga
may kapan­sanan at naghi­hintay ng
kama­tayan. Manalangin tayo: (T)
L - Nawa matamasa ng mga
nahihimlay naming mga kaanak
at kaibigan ang kaharian ng Diyos
na ipinangako para sa kanila.
Manalangin tayo: (T)
P - Ama, dinggin mo ang aming
mga kahilingan, palaguin mo
ang aming pananampalataya
habang patuloy kaming nagla­
lakbay patungo sa iyong kaharian.
Hinihiling namin ito sa ngalan ni
Kristong aming Panginoon.
B - Amen.
PAGDIRIWANG NG
HULING HAPUNAN
Paghahain ng Alay
(Tumayo)
P - Manalangin kayo...
B - Tanggapin nawa ng Pangi­
noon itong paghahain sa iyong
mga kamay sa kapurihan niya
at karangalan sa ating kapaki­
nabangan at sa buong Samba­
yanan niyang banal.
Panalangin ukol sa mga Alay
P - Ama naming Lumikha, tang­
gapin mo ang paghahain ng mga
 This copy of Sambuhay is made available through generous donations.
alay na iyong inihabilin at sa
pagdiriwang ng dapat naming
ganapin ang kabanalan ng iyong
pagliligtas nawa’y sumaamin
sa pamamagitan ni Hesukristo
kasama ng Espiritu Santo mag­
pasawalang hanggan.
B - Amen.
Prepasyo (Karaniwan VIII)
P - Sumainyo ang Panginoon.
B - At sumaiyo rin.
P - Itaas sa Diyos ang inyong puso
at diwa.
B - Itinaas na namin sa Panginoon.
P - Pasalamatan natin ang
Panginoong ating Diyos.
B - Marapat na siya ay pasala­matan.
P - Ama naming makapangyari­
han,/ tunay ngang marapat/ na
ikaw ay aming pasalamatan.
Ang iyong mga supling na
nagtaksil/ ay nagbabalik ngayon
sa iyong paggiliw/ bunga ng
malasakit ng Anak mong
masunurin/ at ng Espiritung
bigay upang lahat ay kupkupin./
Kaming mga tinubos ng Anak
mong mahal/ ay niloob mong
magtipon at mag­kapisan/ upang
magsalo sa masa­ganang hapag
ng buhay./ Kaisa ng Anak mo
at ng Espiritu Santo/ ang iyong
sambayana’y nag­p upuri sa
iyo./ Nagkakapisan ngayon ang
bumubuo sa Katawan ni Kristo./
Nagka­katipon ngayon ang pina­
nanahanan ng iyong Espiritu.
Kaya kaisa ng mga anghel/ na
nagsisiawit ng papuri sa iyo/ nang
walang humpay sa kalangitan,/
kami’y nagbubunyi sa iyong
kadakilaan:
B - Santo, santo, santo... (Lumuhod)
Pagbubunyi (Tumayo)
B - Si Kristo’y namatay! Si
Kristo’y nabuhay! Si Kristo’y
babalik sa wakas ng panahon!
Nananalanging Simbahan
Katesismo Tungkol sa Liturhiya
ni Sr. Maria Cecilia M. Payawal, PDDM
Pag-aalay o Paghahanda ng mga Handog
Tinatawag na “pag-aalay” ang sandali pagkatapos ng Liturhiya
ng Salita ng Diyos kung kailan ang altar at ang mga handog ay
ihinahanda para sa Liturhiya ng Eukaristiya.
Samantala, ang Misal ni Pablo VI ay hindi ito tinatawag na pag-
aalay, kundi “paghahanda ng mga alay” o “paghahanda ng mga
handog.” Pinaaalala nito na ang tunay na alay, samakatuwid ang
“pag-aalay” sa Misa, ay hindi ang tinapay at alak, kundi ang Katawan
at Dugo ni Kristo. Nagaganap ito sa Panalangin ng Pasasalamat
(Eucharistic Prayer): “sa pagdiriwang ng pag-aalala… iniaalay
naming ang Kanyang Katawan at Dugo”. Dahil dito, sa pagsasalin sa
ibang wika ng paghahandog (presentation) ng tinapay at alak, ang
salitang Latin na “offerimus” ay isinalin na “ihinahandog namin”
(we present to you), sa halip na “iniaalay namin” (we offer you).
sa lahat. Magalak tayong nakiki­ Diyos ang pananampalatayang ito
bahagi sa kanyang hapunan. na tutulong sa inyo at sa inyong
B - Panginoon, hindi ako mga minamahal upang harapin
karapat-dapat na magpatulóy ang mga hamon at pagsubok sa
sa iyo ngunit sa isang salita mo buhay.
lamang ay gagaling na ako. B - Amen.
Antipona sa Komunyon P - Sumainyo ang pagpapala ng
(Pan 3:25) makapangyarihang Diyos (†),
Ama at Anak at Espiritu Santo.
Ang Panginoo’y dakila sa kabu­ B - Amen.
tihan n’yang kusa para sa nag­
titiwala sa kanyang habag at Pangwakas
awa na kanyang dulot sa madla. P - Tapos na ang ating pagdiri­
wang. Humayo kayo at pag­yama­
Panalangin Pagkapakinabang nin ang inyong pana­nampa­lataya.
(Tumayo) B - Salamat sa Diyos.
P - Manalangin tayo. (Tumahimik)
Ama naming mapagmahal,
ipagkaloob mong sa pagsasalo
namin sa pagkai’t inuming banal
kami ay maging Katawan ni
INTO THE DEEP
Kristo na aming pinakinabangan Gospel Reflections for Year C

PAKIKINABANG
Ama Namin
B - Ama namin...
P - Hinihiling naming...
B - Sapagkat iyo ang kaharian at
ang kapangyarihan at ang kapu­
rihan magpakailanman. Amen.
Pagbati ng Kapayapaan
Paanyaya sa Pakikinabang
(Lumuhod)
P - Dinggin ninyo si Hesus na
siyang naghanda ng hapag para
sa pamamagitan niya kasama ng
Espiritu Santo magpasawalang
hanggan.
B - Amen.
PAGTATAPOS
P - Sumainyo ang Panginoon.
B - At sumaiyo rin.
Pagbabasbas
P - Yumuko kayo’t hingin ang
biyaya ng Diyos. (Tumahimik)
Nananalig kayo na ang pana­­
langin ay ganap na maka­pang­
yarihan. Nawa’y idulot sa inyo ng
This book is the fruit of years of “rumi-
nating” the Word for ST PAULS pas-
toral ministry: Sambuhay Missalette
and 365 Days with the Lord Liturgical
Bible Diary. I thank the Lord that I was
able to make it ready for publication in
the Year for Priests (2009-2010) which
also coincides with our preparation for
the 75th Year of the Foundation of the
Society of St. Paul in the Philippines.
With genuine pleasure I am dedicating
this work to my Pauline confreres.
— Fr. Gil Alinsangan, SSP
Available at all
ST PAULS bookstores nationwide