B.C.M.

LEGAL CONSULTANT NEIH DAN

POLICY
Thuhma : Pathian khawngaihna avangin BCM a
thang zel a, hma pawh a la zau zel a. Mizoram chhung
mai ni lo, India ram hmun tam takah hma a la chho zel a,
India ram pawn thlengin. Chutih rual chuan India ram
leh Mizoram rorelna pawh a danglam chho zel a. Dan
rorela awm kan nih avangin, BCM pawhin Pathian thu
anga hma a lakna a dâl a nih loh chuan ram dan ang zela
ke a pen a tul a. Dan ang zela thiltih a nih theihna turin
dan lama mi biakrawn tur bik (consultant) neih hi
tunhma pawhin BCM Assembly rilruah pawh a lo awm
tawh a. Tunah hian kum 2010 BCM Assembly chuan a
taka neih a lo rel thlu ta a. Chumi bawhzui chuan hetiang
hian Legal Consultant neih dan tur (policy) chu duan a ni
ta a ni.

A. BCM Consultant chu :

1. Dan (Law) eizawnna atana hmang
(professional/practicing lawyer), kum 7 tal
eizawn nana lo hmang tawh chin ni thei ngei
sela. Kum 7 la hmang zo lo pawh ni sela, mi
hmantlak bik nia lang chu rawih theih a ni ang;
amaherawhchu kum 5 chin lo thawk tawh a ni
tur a ni.
2. A theih hram chuan, Baptist mi, kohhrana mi
rinawm, Ruihtheihthil leh Hmeichhiat /
Mipatna kawnga hmelhem lo a ni tur a ni.
3. Tum (term) khat atan thla 6 aia tawi lo, kum 2
aia rei lo a ni ang. Kum 2-na ralah ruat thar leh
 thin a ni ang a, a ngai pawh ruat nawn theih a ni
ang.
4. Tum (term) khatah mi 3 tal rawih a ni ang a, a
tul dan azirin 3 aia tam pawh rawih theih a ni
ang.
5. A theih hram chuan Mizo ngei ni thei hram
se.
6. A ruat theitu leh ban theitu chu Administrative
Committee a ni ang. Legal consultant tupawh a
term a tawp hma pawhin eng hunah pawh
tihtawp/bantir theih a ni ang. A tul chuan
midang a aiawh tur lak theih a ni ang. A term
ral hmaa bantir ngai a nih chuan, BCM Adm.
Committee-in chawlhtirna lehkha thla khat hma
lamah a pe ang. Legal consultant tupawh a duh
hun hunah a bang thei ang, amaherawhchu thla
khat hma lamin a ban tur thu BCM
Administrative Committee hnenah a hriattir
ang.

B. Consultant hmanna turte :

7. BCM chhunga organ hrang hrang leh
kohhranten kohhran thilah, legal consultant
rawn ngai nia an hriat apiangah an rawn ang a,
anin thurawn (legal opinion) a pe ang.
8. Legal consultant chuan, deeds of agreement,
gift deeds, sale deeds, affidavits etc. buatsaih
ngai apiang a buatsaih ang.
9. BCM in thubuai (case) a neih reng rengah legal
consultant ten a tul dan ang angin hma an la
ang. An zinga khawih theilo an awm pawhin, a
 khawih theiin hma an la ang. Hei hian Mizoram
chhunga Court i.e. Guwahati High Court
(Aizawl Bench) leh Mizoram chhunga Court
engpawh a huam ang. Mizoram pawna case
piang a nih chuan Administrative Committee-in
consultant-te rawnin a tul dan anga Ukil
remchang dang rawih a ni ang.

BCM ‘Thubuai’ tih hian, mimal hminga

thubuai kal pawh nise, BCM-a thawk a nih
avanga thubuai awma nih chuan ‘BCM
thubuai’ anga pawm a ni ang.
C. Legal consultant-te hlawh (fee) :
10. Retainer fee sorkarin fix-a thla tin a pek thin ang chu
pek an ni lovang a, High Court leh District Court-a
Sorkar Ukilte Mizoram Sorkar-in fee a pek dan
zulzui ang deuhva a hnuaia tarlanah te hian fee pek
an ni ang.
Hetiang hian consultant-te chu hlawh (fee) pek an ni
ang :
10.1. Consultant fee/legal opinion - ` 300.00 per opinion
10.2. Affidavit - ` 200.00per affidavit
10.3. Drafting fee for deed of agreement, - ` 1,000.00 per
deed, gift deed, sale deed etc..
10.4 Drafting fee i.e. plaint, written statement,- ` 
1,000.00 per draft written objection, written
argument .
10.5 Appearance fee per day of appearance in court :
Kum 20 chung lam experience nei tan - ` 1,000.00
Kum 10 leh kum 20 inkar experience nei tan - ` 800.00
 Kum 10 experience la nei lo tan - ` 600.00
10.1 to 10.5 hi inbiakremna ang a ni ang.
10.6 An awmna pawn lamah kal a ngaih chuan,
Class 1 Gazetted Officer daily T.A leh Motor
chuan man (fare) pek an ni ang. Anmahni
Motor an hmang a nih chuan, petrol senso ang
an bill thei ang. Thlawhnaa an kal chuan
thlawhna man pek an ni ang.
10.7 Court fee leh stamp tul zat chu BCM pek tur a ni
ang.

D. Legal consultant dinhmun :

11. Legal consultant-te hi BCM in fee pe mahse, BCM-a
thawk (employee) an ni lova, BCM-in a mi rawih
(employee) te a tuamhlawmna (facility) pek ang
engmah pek an ni lovang.